Post: #1
Title: خواطر مبعثرة ...!!!
Author: وصال عالم
Date: 05-09-2007, 09:05 AM
Parent: #0
بسم الله الرحمن الرحيم
برضي ماقادر أسيبك ... لما أنساك بشتهيك
مع كل دفقاتي الحنينة
وكل دمعة شوق سجينة
تهاتي بيك روحي الحزينة
وأشقى لما تهاتي بيك ... أتعذب لما تهاتي بيك
وريني كيف أغفر ... وإنت أضعت كل آمالي فيك ...
أسرتني هذه الأغنية جداَ وسمعتها بعمق غريب ... كانت لحظات نادرة في حياتي وأنا أجد
اللغة سقيمة والكلمات تداري وجهاَ خجلا وحياء وتصبح الكلمات كسيحة مترنحة والمعاني تود
أن تقفز من دواخلي لتعبر عن نفسها ولكن أين السبيل ...
التحية لشاعر الأغنية .. التحية للفنان المبدع أبوعركي الذي أعطى الأغنية بعدها
الوجداني وأبدع في تجسيد اللوحة بهذه الروعة ... والتحية لكم وأنتم تقرأون هذا
البوست والذي كتبته دون تنظيم بل مجرد خواطر مبعثرة واتتني في لحظات إنفعال وشجن مع
الأغنية.
مودتي
وصال عالم
|
Post: #2
Title: Re: خواطر مبعثرة ...!!!
Author: فيصل نوبي
Date: 05-09-2007, 09:15 AM
Parent: #1
سلام وصال
لك و له التحية ..
|
Post: #3
Title: Re: خواطر مبعثرة ...!!!
Author: وصال عالم
Date: 05-09-2007, 09:22 AM
Parent: #2
بسم الله الرحمن الرحيم
نوبي
شكرا تكعيب ...
ينساب شهدك والندى
والصوت حين فقدته ...
يسري كحلم هامس !!!
لك التقدير
وصال عالم
|
Post: #4
Title: Re: خواطر مبعثرة ...!!!
Author: waleed500
Date: 05-09-2007, 04:08 PM
Parent: #1
تحياتى استاذة وصال
الاغنية ناكر الهوى وهى من اروع ما كتب الشاعر المرهف
عوض احمد خليفة انا برضو بتودينى لعالم اخر
لو كنتا ناكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم اترجا فيك
ورينى كيف أغفر وانت شقاى سببته بيديك
حاولت اخدع نفسي يا ظالم واهجر حبى ليك
حاولت امنع نفسى منك وتانى ما امشى واجيك
ورحلت عنك وعن ديارى وهدمت كل امل لديك
وبرضى ما قادر لما اسيبك لما انساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة واشقى لما تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو..
|
Post: #5
Title: Re: خواطر مبعثرة ...!!!
Author: مبارك محمد
Date: 05-10-2007, 03:02 AM
Parent: #1
الشكر لك علي هذا الإبداع المتميز
|
Post: #6
Title: Re: خواطر مبعثرة ...!!!
Author: وصال عالم
Date: 05-10-2007, 07:38 AM
بسم الله الرحمن الرحيم
Waleed500
سلام ،،،
نشكر التـألق والحضور ... التحية لك والتحية للشاعر عوض أحمد خليفة ... التحية لكل
مبدعي بلادي غيابا وحضوراَ...
نمي التوهج في إنتسابِ
واستمطري نبل التوجه في انتمائي واضطرابي
ظلي الأريج المستبد بكل مابي
وتفجري طهر الندى ..أملاَ
يشتت كل أشلاء السراب
لك كل التقدير والإجلال...
مودتي
وصال عالم
|
Post: #7
Title: Re: خواطر مبعثرة ...!!!
Author: وصال عالم
Date: 05-10-2007, 07:51 AM
Parent: #6
بسم الله الرحمن الرحيم
مبارك أحمد
بنشكرك على المرور والتشجيع ...
تسلم
ودي
وصال عالم
|
Post: #8
Title: Re: خواطر مبعثرة ...!!!
Author: امل احمد عمر
Date: 05-10-2007, 08:05 AM
Parent: #1
الغريبة يا وصال اني امس كنت بسمع فيها..
وانتابتني احسايس غريبة .. لما تحمله هذه الكلمات
من عاطفة .. وقدرة ابوعركي العجيبة في تجسيد المعني
كلمة ولحنا ..
تسلمي
|
Post: #9
Title: Re: خواطر مبعثرة ...!!!
Author: وصال عالم
Date: 05-10-2007, 10:56 AM
Parent: #8
بسم الله الرحمن الرحيم
أمل أحمد عمر
سلام ،،،
نعم الفنان أبو عركي يغني بإحساسه ... وكأن الكلمات كتبها هو من غير أن يكتبها
شاعر ..
جسمي انتحل
كيف العمل ؟!!
إنت الطبيب عندك شفاي ...
لو كنت تبعد في زحل
أو يوم بقيت قمرة في سماي ...
لا بد في يوم ليك أصل !!
وأشرب براي عسل النحل
وأشرب براي منك دواي
مبالغة ... منتهى الإبداع والتصوير ... بساطة التعبير ورشاقة الكلمات ...
ودي
وصال عالم
|
|