Post: #1
Title: خليل إبراهيم نائبآ للرئيس البشير
Author: ASHRAF MUSTAFA
Date: 06-29-2011, 08:42 AM
Parent: #0
وافقت الحكومة السودانية اليوم بإعطاء دارفور منصب نائب رئيس الجمهورية
ويقول الخبراء أن هذه مغامرة سياسية غير مأمونة العواقب
وسيتنافس للموقع عبد الواحد محمد نور وخليل إبراهيم
غير أن معظم القراءات تكاد أن تجزم أن خليل إبراهيم سيفوز بالمنصب
بعد التاسع من يوليو
وبهذا تكون الحكومة قد أنهت ملف مفاوضات الدوحة
لكن الخوف بالنسبة لي أن تنفصل دارفور كما إنفصل الجنوب
سأحضر خبر نائب الرئيس بعد قليل
|
Post: #2
Title: Re: خليل إبراهيم نائبآ للرئيس البشير
Author: Abdlaziz Eisa
Date: 06-29-2011, 08:46 AM
Parent: #1
الاخ العزيز/ أشرف
سلام
هل قضية دارفور تخنزل في منصب ايا كان.. مساخد, نائب او وزير؟
هذه ليست حلول للمشكلة..
هنالك جملة استحقاقات..
هناك 300 ألف قتلوا
هنالك آلالاف القرى احرقت ودمرت
غالبية سكان الاقليم لاجئين!!
الحل ليس بالمناصب التي لا تودي ولا بتجيب
تحياتي
|
Post: #3
Title: Re: خليل إبراهيم نائبآ للرئيس البشير
Author: أمير فتحي
Date: 06-29-2011, 08:58 AM
Parent: #2
Quote: هل قضية دارفور تخنزل في منصب ايا كان.. مساخد, نائب او وزير؟
|
عبد العزيز عيسى
طيب والقضية أصلا كانت شنو ؟؟؟ وسببا شنو ؟؟؟
ماهم الجماعة الدايرين المنصب ديل الحملو السلاح وبدو الضرب وحصل اللجوء والحرق والدمار
خلي نائب الرئيس دا وبالصلاحيات الكبيره دي وبإعتبارو زول القضية يجي يحلها ويرشح نفسو في الإنتخابات عشان يجي رئيس عديييل كدا...
كترة الحجج خلوها
|
Post: #4
Title: Re: خليل إبراهيم نائبآ للرئيس البشير
Author: دينا خالد
Date: 06-29-2011, 09:43 AM
Parent: #2
بل هو السيسى ....
ــــــــــ
عبد الواحد ما طرف فى المفاوضات وسنشهد ابوجا 2
حال انتهاء المفاوضات بالاتفاق مع السيسى .
|
Post: #5
Title: Re: خليل إبراهيم نائبآ للرئيس البشير
Author: أمير فتحي
Date: 06-29-2011, 09:54 AM
Parent: #4
وعند دوينة الخبر اليقين
|
Post: #6
Title: Re: خليل إبراهيم نائبآ للرئيس البشير
Author: فايزودالقاضي
Date: 06-29-2011, 09:54 AM
Parent: #4
| Quote: الحل ليس بالمناصب التي لا تودي ولا بتجيب |
الحل في انو ناس دارفور يتحدوا ويتحاورا ويطالبوا من باب واحد وكقضية واحدة وبعد داك مامهم يتفقوا مع الحكومة او مايتفقوا ..لكن مع الاسف الحركات ذاتها ماعارفنها عايزة شنو !!!
لن تحل قضية دارفور مالم تجلس كل الحركات وتطرح مطالبها ..
|
Post: #8
Title: Re: خليل إبراهيم نائبآ للرئيس البشير
Author: أمير فتحي
Date: 06-29-2011, 09:58 AM
Parent: #6
| Quote: الحل في انو ناس دارفور يتحدوا |
ودي إلا في الجنة يافايز
|
Post: #7
Title: Re: خليل إبراهيم نائبآ للرئيس البشير
Author: دينا خالد
Date: 06-29-2011, 09:58 AM
Parent: #4
| Quote: وافقت الحكومة السودانية اليوم بإعطاء دارفور منصب نائب رئيس الجمهورية |
الحكومة السودانية دى منو ؟ ما دام بتكلمو عن دارفور بطريقة المن والاذى دى ؟
طوالى هى
المانح
الوهاب
القهار
القدوس
الملك
المهيمن
الجبار
المتكبر ؟
شوفت الختا ؟ الحكومة السودانية بى كفه ودارفور بى كفه ودى بداية التعامل
مع اجزاء الوطن كجسم غريب .. سرعان ما يلفظ بالانفصال ..
لك الله يا دارفور الذى لا اله الاهو الحى القيوم ..
ــــــــــــــ
يعنى نقدر نقول انو الشايقية نالوا وزارة الطاقة ..
وولاية نهر النيل نالت وزارة شنو وشنو وشنو الخ
اذا كان فى شخص من اقليم وزير او نائب رئيس بكون المنصب
لقبيلته او لارضه ؟؟ منطق غرييييييييب .
|
Post: #9
Title: Re: خليل إبراهيم نائبآ للرئيس البشير
Author: ASHRAF MUSTAFA
Date: 06-29-2011, 10:05 AM
Parent: #7
|
Post: #10
Title: Re: خليل إبراهيم نائبآ للرئيس البشير
Author: فايزودالقاضي
Date: 06-29-2011, 10:12 AM
Parent: #9
Quote: الحكومة السودانية دى منو ؟ ما دام بتكلمو عن دارفور بطريقة المن والاذى دى ؟
طوالى هى المانح |
مع الاسف ده الواقع البتتعامل بيهو الحكومة مع الهامش يادينا ..
|
Post: #11
Title: Re: خليل إبراهيم نائبآ للرئيس البشير
Author: علاء الدين صلاح محمد
Date: 06-29-2011, 10:13 AM
Parent: #7
| Quote: ودي إلا في الجنة يافايز |
لا يا امير في الدنيا دي ممكن بل ويتحدو كل السودان
بس كيف سكان القصر الجمهوري يقتنعوا عن جد ان السودان لكل السودانيين
وده التحدي الاكبر
بس دي تجي كيف
بتغيير التعليم
والتربية الوطنية
الاعلام
وشغل نضيف من الاحزاب ومنظمات المجتمع المدني
وده كلو ما بجيب نتيجة لو اهل القصر الجمهوري ما اتغييروا
يعنى ببساطة مع مثلث حمدي مستحيل
امير في كوز معتق (يعنى ما مؤتمر موطني )ما ذكر اسمو قال في مقال صحفي :
ما اجتمع كوزان والا كان السؤال
قبيلتك
( طبعا الكلام بعد انقلاب البشير والترابي )
وبعد المفاصلة وفقدان الرابط العقدي الفكري وسط الاسلامويين
اتجه اخوان نسيبة للرابط الجهوي وحمية القبيلة
امير شفتو المشكلة كيفمعقدة وكيف مقرونة بالانقاذ
|
Post: #12
Title: Re: خليل إبراهيم نائبآ للرئيس البشير
Author: أمير فتحي
Date: 06-29-2011, 10:36 AM
| Quote: امير شفتو المشكلة كيف معقدة وكيف مقرونة بالانقاذ |
عارف ياعلاء الدين والحقيقة الكاملة عند أخوك
إثارة النعرات القبلية دي قامو بيها ناس المعارضة لضرب الإنقاذ وذلك عبر خطابم الرسمي وغواصاتم داخل النظام ...وماعلمو أنهم ضربو الوطن في مقتل
يعني الدخلتوها مابتمرق حتى لو بزوال الإنقاذ...ودا عيب المعارضة اللاوطنية
|
Post: #13
Title: Re: خليل إبراهيم نائبآ للرئيس البشير
Author: ASHRAF MUSTAFA
Date: 06-29-2011, 06:17 PM
Parent: #12
شكرآ لجميع المتداخلين|ت
والبوست ملك الجميع
|
|