رئيسكم وووين ..؟

Post: #1
Title: رئيسكم وووين ..؟
Author: tmbis
Date: 06-27-2011, 08:42 AM
Parent: #0

الكلام دا طبعا بالنسبة لي الجماعة بتاعين اوكامبووو ..
..
وفي مقدمتهم ..
استيف ..
واصل اللسة ما وصل ولا اي مكان ..
الشلة البتكتب وتمضى ليك تحت اسمها نيويورك
الباقر جكـس ..
وإلخ .. إلخ من البقية..

Post: #2
Title: Re: رئيسكم وووين ..؟
Author: tmbis
Date: 06-27-2011, 08:47 AM
Parent: #1

أنا شخصيا بتعجبني اللعبـة الحلوة ..
وبيعجبني البــلع .. البشبه بلعـان الكديســة .. في النكتة بتاعت (الشرموط المعلق في الحبل) لام بقى بعيد قالت هو زاتو عفـن رافعنو فوق لي شنو ..؟
اللعبة الحلوة هي .. انو الرئيس قال يل اوكامبو ابلع .. قام اوكامبو اتلايق .. وتاني بلع
بلعان اوكامبو ما واجعني .. لكن واجعني ليك بلعان ناس استيف من نواحي نيويورك والحتات دي .. وبلعان (كيكي) من نواحي الدوحـة وبعض البلعانات الخفيفه كدا والتي لا تكاد تذكر ..

يا جماعة الناس ما تتحسس من عبارة رئيسكم دي .. لانو الزول دا لحدت الآن رئيسكم وقاعد يرقص ليكم في راسكم زاتووو

Post: #3
Title: Re: رئيسكم وووين ..؟
Author: ود الباوقة
Date: 06-27-2011, 08:49 AM
Parent: #2

Quote: بلعان اوكامبو ما واجعني .. لكن واجعني ليك بلعان ناس استيف من نواحي نيويورك والحتات دي .. وبلعان (كيكي) من نواحي الدوحـة وبعض البلعانات الخفيفه كدا والتي لا تكاد تذكر ..

اردم تامبا

والله شغلك نضيف ....

Post: #7
Title: Re: رئيسكم وووين ..؟
Author: tmbis
Date: 06-27-2011, 08:55 AM
Parent: #3

Quote: اردم تامبا
والله شغلك نضيف ....
..

Post: #5
Title: Re: رئيسكم وووين ..؟
Author: Mohammed Awad
Date: 06-27-2011, 08:52 AM
Parent: #2

Quote: يا جماعة الناس ما تتحسس من عبارة رئيسكم دي .. لانو الزول دا لحدت الآن رئيسكم وقاعد يرقص ليكم في راسكم زاتووو

كلام زى حرقان الصباح

Post: #6
Title: Re: رئيسكم وووين ..؟
Author: عبدالفتاح أبوشيمة
Date: 06-27-2011, 08:53 AM
Parent: #2

رئيسكم وووين ؟

سافر للصين

بقينا ما عارفين

أنحن في الحيّين

وللاّ الميتين

علاء لقيت الحتة صانّة

كيفك ياخي؟

Post: #4
Title: Re: رئيسكم وووين ..؟
Author: Habib_bldo
Date: 06-27-2011, 08:49 AM
Parent: #1

تمبس حبيبي مليون سلام وتحية
منذ تاريخ 30/6/1989م والسودان بلا رئيس
هو أي واحد يجينا ناطي بالليل يكون رئيس علينا؟
الخانة شاغرة حتى إعلان آخر.

Post: #8
Title: Re: رئيسكم وووين ..؟
Author: tmbis
Date: 06-27-2011, 08:59 AM
Parent: #4

Quote: تمبس حبيبي مليون سلام وتحية
منذ تاريخ 30/6/1989م والسودان بلا رئيس
هو أي واحد يجينا ناطي بالليل يكون رئيس علينا؟
الخانة شاغرة حتى إعلان آخر.
حبيبنا وحبيب البلد .. وليد
أول حاجة فقدناك يوم الجمعة .. دائما الحاجات الحلوة قاعدة تفوتك ..
..
بالنسبة للرئيس .. والله يا وليد علي قدر الفي دا كويس
علي الاقل الزول دا من تاريخه الكتبتو دا لحدت الآن ا جا واحد ناطي جديد .. والبغيظك اكتر القاعدين يكوركو ديل .. نحن ح نسوي .. وتاني القضارف ما يمشي .. وإلخ ..
ياخ انا عايز لي واحد فوقم بس يدق سدرو ويجي يبقى رئيس .. مكان الرئيس دا .. عشان كل يوم انا اجي الصباح افتح لي بوست هتافات هنا دا ..

Post: #9
Title: Re: رئيسكم وووين ..؟
Author: ادريس خليفة علم الهدي
Date: 06-27-2011, 08:59 AM
Parent: #4

ما بنصادق غير الصادق (رئيس وزرائنا الشرعي)
وما معترفين بغيروا

صباحك ورد

Post: #10
Title: Re: رئيسكم وووين ..؟
Author: Marouf Sanad
Date: 06-27-2011, 09:00 AM
Parent: #1

Quote: رئيسكم وووين

دا منو دا يا تمبس؟

أوعا تقول لي الرئيس السوداني!

بالله الزول دا لسة رايح؟

كدي بالله رسل لينا صورتو أو أي علامات مميزة, ضربة مطوة, لطخة شومة, أي حاجة,,,

أنا ممكن اساعد بي علاقاتي, عندي واحد صاحبي في داغستان الجنوبية ما بقصر بجيب لينا الاكيدة,,,

يا جامع يا جامع يا جامع

Post: #11
Title: Re: رئيسكم وووين ..؟
Author: محمد عبدالرحمن
Date: 06-27-2011, 09:11 AM
Parent: #10

لقوهو ولا لسه ياتمبس ؟
ادونا النجيضة ..انا كمان برضو
عندى واحد ابوهو ودخالتى ممكن يساعد
فى القصة دى ..بس حددوا لينا هو راح
وين بالضبط ...

Post: #12
Title: Re: رئيسكم وووين ..؟
Author: حاتم تاج السر المبارك
Date: 06-27-2011, 09:26 AM
Parent: #11

الاخ العزيز /تمبس الحكاية شنو اصلو جيت داخل البورد و مافاهم الحاصل شنو ؟

Post: #13
Title: Re: رئيسكم وووين ..؟
Author: خالد عبد الله محمود
Date: 06-27-2011, 09:30 AM
Parent: #11

منو فيهم يا تامبا البرير و لا صلاح إدريس ؟؟

Post: #14
Title: Re: رئيسكم وووين ..؟
Author: محمد عبد الماجد الصايم
Date: 06-27-2011, 09:33 AM
Parent: #11

يا تامبا .. عمكـ دا بكون أخدا مشاققة وراح ليهو الدرب!!
المشكلة أول ما يشوف الخط السريع يطلع مكتوب فيهو (لاهاي)!!

Post: #15
Title: Re: رئيسكم وووين ..؟
Author: صلاح الدين عبدالله محمد
Date: 06-27-2011, 09:36 AM
Parent: #11

لك التحية

افكر اى رئيس تقصد؟؟؟؟؟

ولقيتك شايت فى اتجاة

والجماعة الجو جاكين شتتوا منك الكورة

اهابقول ليك

خلى كورتك واطة وباصات قصيرة

ونتابع

Post: #16
Title: Re: رئيسكم وووين ..؟
Author: humida
Date: 06-27-2011, 09:44 AM
Parent: #15

اوكامبو تلقاهو هسع بحنس في الصينين .. و الصينين بالانجليزي بتاعهم الكعب دا شابكنو .. Forget Forget

Post: #17
Title: Re: رئيسكم وووين ..؟
Author: أمير فتحي
Date: 06-27-2011, 09:46 AM
Parent: #11

Quote: رئيسكم وين ..؟

تاسو تهين تها وها

بتلك الكلمات البسيطة هتف شعب الصين العظيم ... هي لله هي لله لا للسلطة ولا للجاه

Post: #18
Title: Re: رئيسكم وووين ..؟
Author: omar alhag
Date: 06-27-2011, 09:51 AM
Parent: #17

يا امير ما تخمنا ساكت
تاسو تهين تها وها
دي ترجمتا
... ............ انا زولي ماجا

Post: #19
Title: Re: رئيسكم وووين ..؟
Author: محمد عبد الماجد الصايم
Date: 06-27-2011, 09:56 AM
Parent: #18

Quote:
Quote: تاسو تهين تها وها
بتلك الكلمات البسيطة هتف شعب الصين العظيم
... هي لله هي لله لا للسلطة ولا للجاه

يا امير ما تخمنا ساكت
تاسو تهين تها وها
دي ترجمتا
... ............ انا زولي ماجا

Post: #20
Title: Re: رئيسكم وووين ..؟
Author: صبري طه
Date: 06-27-2011, 10:06 AM

Quote: يا امير ما تخمنا ساكت
تاسو تهين تها وها
دي ترجمتا
... ............ انا زولي ماجا

ــــــــ
سفر البشير أصبح زي لمّا فريق سوداني يقابل ليهو فريق من شمال إفريقيا
رجفي وعرق وحمَّام طوال الـ 90 دقيقة

Post: #24
Title: Re: رئيسكم وووين ..؟
Author: أمير فتحي
Date: 06-27-2011, 10:18 AM
Parent: #20

Quote: يا امير ما تخمنا ساكت
تاسو تهين تها وها
دي ترجمتا
... ............ انا زولي ماجا

عمروز

وذلك جائزون في لغة الصين

إختلاف لهجات ليس إلا إنتا الظاهر عليك مركز علي لهجة شنغهاي

ديك بي لهجة ناس قوانزو

Post: #21
Title: Re: رئيسكم وووين ..؟
Author: omar alhag
Date: 06-27-2011, 10:11 AM

تعال ياابو الشباب
وارمي السكينة والبرتكانة البتقشر فيها دي (وش اخد ابوسنينيات وبضحك)
ود الصايم
شكرا لإثراء (زين العابدين) النقاش ... (واحد زي الوش الاخدر بتاعك ده) ......
حتي لاينحرف البوست عن مسارو (ويلحق الطيارة)
الزول ده وين

Post: #22
Title: Re: رئيسكم وووين ..؟
Author: Hisham Ibrahim
Date: 06-27-2011, 10:11 AM

الصحافة الصينيه : جم تاو تين تنق جم جو

الترجمه : ترجا بي فوق - يجيكـ داشر جايي بي تحت (حكمة صينيه مأثورة)

Post: #23
Title: Re: رئيسكم وووين ..؟
Author: tmbis
Date: 06-27-2011, 10:11 AM

ديشاااااااك

بلاي الشعب كلو يريد اسقاط الطيارة ..؟

حسع دي تلقى الماضلين شغالين ليك صلوات شديدة جدا .. يارب تقع .. يارب الطيارة لستكة يطرشق ..
طبعا بعدما قنعو راسم عديل من قصة اوكامبو دي .. ومن الطائرات التي تعترض طيارة الرئيس في الجـو ..

ملحوظــة : ..
زمان كنت طالع من مطار الخرطوم .. ومعاي صاحبي بتاع (شدايد) ومكنيكي مسيطرة عليهو فكرة الحديد والشكبزورات والفرامل والحاجات دي انا كنت مسميهو (حكمة) لانو ما حصل مشيت ليهو في مشكلة وما حلاها لي .. مشينا انا وهو المطار حركة مننا ساكت على حسب ما في راس صاحبنا دا ,, وبي صراحة انا كنت بستمتع لما اكون انا وهو راس في اي مشوار لانو كان بتجلى جدا وما شغال ليك بالحياة دي كتير ..
جينا طالعين ليك من المطار كدا نسمع ليك صوت طيارة كبيرة جدا وصوت قوي خالص .. فجأة ظهرت ليك طيارة ضخمة جدا قايمة يادوبك ، وفجأة طلعت ليك كمية من الدخاخين ما عادية ..
صاحبي (حكمـة) دا متعو ليك المنظر دا كونو الطيارة فجأة تطلع صوت عالي كدا وكمية بتاعت دخاخين .. قالي :
ديشششك .. عليك الله عاين مسك ليها (ابنص) كيف .. ؟ .. كنا راجعين امدرمان .. بعدما قالي الجملة المفيدة دي .. انا ضحكته وقعدته اتخيل شكل الابنص بتاع الطيارة دي .. المهم فجأة لقينا نفسنا في سوبـا ..
لذلك ..
اعتقد انو كابتن الطيارة دا .. يكون مسك ابنص في هونج كونج وفحط بالطيارة .. ومشى نزله لي اوكامبوو في لاهاي في طربيزتو وتاني طار مشى الصين .. عشان اوكامبوو زاتو يعرف حاجة ..
اقوليكم حاجة ..؟
الكبتن زاتو بكون جلابي جعلي .. وقلبو باليمين .. في اي زول من المؤسسة المناوية للجلابـة عندو اعتراض ..؟
مع الملاحظ انو صاحبي حكمـة دا هو نفسه حكمـة بتاع اووووووووو لاكوست ياخ

Post: #25
Title: Re: رئيسكم وووين ..؟
Author: tmbis
Date: 06-27-2011, 10:24 AM
Parent: #23

ني هااااو يا شبـاب بي توقيت بكين ..
ذكرت وكالة شنخـوا .. إنو راديو بكين شغال ليك جــلالات شديدة ..
وقبل خمسة دقايق بس .. اذاع نفس الراديو اغنية .. انا ليهم بقول سلام دخلوهـا وصقيرة حام ..

الكلام دا بالصيني طبعا .. شان ما الناس تتحسس سااي

Post: #27
Title: Re: رئيسكم وووين ..؟
Author: صبري طه
Date: 06-27-2011, 10:29 AM
Parent: #25

Quote: وقبل خمسة دقايق بس .. اذاع نفس الراديو اغنية .. انا ليهم بقول سلام دخلوهـا وصقيرة حام

غايتو لو صوقر فيها خالد المحرب معناها مافي عوجة تب

ــــــــ
ولو صوقر فيها ود الباوقة .. ربّك يجيب العواقب سليمة

Post: #26
Title: Re: رئيسكم وووين ..؟
Author: omar alhag
Date: 06-27-2011, 10:29 AM
Parent: #23

شايفك كترتا الوشوش الخدر
وكلامك بقي اغنية تقوم بينا العربية .. مرة سوبا ومره المطار ومره شنو كده ما عارف
اديك النجيضة
الايرانين عندهم
طريق تحدي .. للصين
وسواق الطيارة جعلي
يعني الطيارة مشت بشارع التحدي .. وسواقا من شندي

عنوان جانبي
اسع د ي ييجيبو ليك صور الرئيس في ميدان المولد بتاع بكين
يجي ود الباوقة يلفح التعليق بتاعي ده
حقوقالنشر ابدا ما محفوظة
(عاجل )
ركبنا كوبري وصلنا بحري
.. سمعهوها ناس بري والاحياء المجاورة للمطار قبل قليل

Post: #28
Title: Re: رئيسكم وووين ..؟
Author: tmbis
Date: 06-27-2011, 10:38 AM
Parent: #26

..

Post: #29
Title: Re: رئيسكم وووين ..؟
Author: الفاتح شلبي
Date: 06-27-2011, 10:48 AM
Parent: #28

حسب ما جاء بالتلفزيون الصيني الرسمي قبل دقائق

تر أصليكر شوكدا تيقومين منقا كاري صين كيلو ... كورجي قومر تنقا كورججا
رئيس إچي ويكا نلا من دفونان
-----------------------------
الترجمة غير متوفرة للاسف

Post: #33
Title: Re: رئيسكم وووين ..؟
Author: محمد عبد الماجد الصايم
Date: 06-27-2011, 11:10 AM
Parent: #29

Quote: تر أصليكر شوكدا تيقومين منقا كاري صين كيلو ... كورجي قومر تنقا كورججا
رئيس إچي ويكا نلا من دفونان

أوسكار يا فاتح .. أوسكااااار

Post: #30
Title: Re: رئيسكم وووين ..؟
Author: أمير فتحي
Date: 06-27-2011, 10:52 AM
Parent: #28

تامبستو

بوستك بقى بنكهة شاي (لاليت) وعميق عمق معاني أهازيج أناشيد المشروع الحضاري

شكراً أن جعلتا هذا ممكنن

Post: #31
Title: Re: رئيسكم وووين ..؟
Author: humida
Date: 06-27-2011, 11:02 AM
Parent: #30

شايف الامنجية و الكيزان فرحانين انه الزول دا وصل الصين ..
اي نعم الجلابة مفتحين .. لكن ما قدر دا ..
الرجعة كيف ..
ما الرحلة من السودان .. توووشك علي الاجواء السعودية .. و بعدها توووشك ايران ..
و من ايران للصين قام الصباح بدري .. الاسطول الامريكي في أعالي البحار كان نايم .. ( ان شاء الله الحركات دي تنفعكم ) ..
هسع دي و بقرأة متأنية .. ممكن ناس بلاك هوك داون يربطو ليهو في ناطحة سحاب في هونغ كونغ .. تجي الطيارة بفوق يفكو فيها غاز مسيل للدموع .. ( بكى شديد ) ..
و يستخدموا طائرة امداد الوقود تجي فوق الطيارة .. يقوم الخاين يفتح الباب .. و يربط للمارينز الحبل في الترباس ..

..
..

اقول ليك حاجة .. نأكل باسطة احسن ..

Post: #32
Title: Re: رئيسكم وووين ..؟
Author: tmbis
Date: 06-27-2011, 11:07 AM
Parent: #30

يا شباب .. والله اخيرا فهمتكم كلكــم ..

بس انا المستغرب ليها .. رئيسكم دا بكون شال معاهو كسرة واللا مشى ساااي .. ؟
اصلو الاكل البي العيدان دا .. احتمال كبير يعمل ليهو كوفـارة ..
..
مرة كان قريبي عامل عملية جراحية في مستشفى بحري .. مشيت ازورو .. الدنيا رمضان .. وكت الفطور .. انا جوه العنبر كان اشوف ليك عمك رئيسكم قاعد يتحاوم .. جوه العنبر .. عادي جدا .. انا لمن استغربته زاتو ..
يا جماعة الزول دا جادي ..؟
بعد شوية قرايب صاحبي دا فرشو الفطور .. البليلة والعصيدة والحلو مر .. اتاري عمكم الرئيس كان عندو واحد من ناس مكتبو راقد في نفس الجناح ..
قوم جيب كسرتك وعصيدتك وبليلتك وتعال افطر مع عامة الشعب ..
مش كدا وبس .. ادا واحد من افراد الحرس الاتنين الجايين معاهو صحن بليلة قاليهو هاك اضربو البليلة دي مع اخوانك ديل .. بليلة العدس دي كويسة ..

بعد شوية اسمع ليك تحت صوت الزغاريد .. وعمك واقف يتونس مع الجماعة
يجي استيف يقوليك الشعب السوداني ح يسلم عمر البشير لي اوكامبووو .. عليك الله ديل ام خياليين ..؟

Post: #34
Title: Re: رئيسكم وووين ..؟
Author: الفاتح شلبي
Date: 06-27-2011, 11:17 AM
Parent: #32

Quote: أوسكار يا فاتح .. أوسكااااار

يا ود الصايم

هو انت بي جايي ؟

احتمال لو اتذكرتك ما كنت انقل الخبر دهـ من التلفزيون الصيني

بس انت قررررررط على الأوسكار دهـ

---------------
أمبا خبر أوس ويكا بنچنا وصلوسونيا

على قول أهلنا

أموق إنكن خبر أوسنقمو

Post: #35
Title: Re: رئيسكم وووين ..؟
Author: أبو ساندرا
Date: 06-27-2011, 11:32 AM
Parent: #34

لغااااية يوم 9 يوليو الساعة 12 بالليل
لو مشى لاهاي ذاتها مافي زول ح يسألو

لكن بعد الساعة 12 لو ماشي الحمام ساي ، مفروض يفكر مليون مرة

غايتو زول من أم درمان ومركب مكنة كوز ده أصلو ما لاقاني
الكوزنة دي باوقة ، الدبة ،، ممكن

Post: #36
Title: Re: رئيسكم وووين ..؟
Author: tmbis
Date: 06-27-2011, 11:43 AM
Parent: #35

Quote: لغااااية يوم 9 يوليو الساعة 12 بالليل
لو مشى لاهاي ذاتها مافي زول ح يسألو
لكن بعد الساعة 12 لو ماشي الحمام ساي ، مفروض يفكر مليون مرة
غايتو زول من أم درمان ومركب مكنة كوز ده أصلو ما لاقاني
الكوزنة دي باوقة ، الدبة ،، ممكن
..
دقيقه ياجماعة .. عايز الشيوعي ابوساندرا دا ..
يا قرصان ..
ياخ وحيات ابتسامتك منبركم دا يبقي الواحد .. نقط نقط عديل كدا مش يبقيهو كوز ..
المشكلة يا ابوساندرا .. الواحد ما قاعد يشوفكم إلا في المحكات بتاعت الطيارات دي .. ولو شافكم في مكان تاني ... تبقو زي دكتور طراوة .. ومين كدا ما عارف يس بتاع الجبهة العريضة ديك .. وبعدما الواحد يعبر ليكم عن شعورو .. يقوم يهيج ليكم اشجانكم ..
زمان قلنا ليكم يا جماعة ختو الكورة واطة وفكرو كويس واكتبو كويس عشان ما تقعدو تتمو الباقي استنتاجات ساكت
ما سمعتو الكلام ..
اها
حسع دي بلاي سفرية خارجية واحدة يا ابوساندرا .. الجماعة كلهم يكوركو
نزلت ما نزلت .. طارت ما طارت .. دخل ما دخل .. إلخ ..
تقولي الدبـة والباوقــة ..؟

Post: #37
Title: Re: رئيسكم وووين ..؟
Author: أمير فتحي
Date: 06-27-2011, 11:51 AM
Parent: #36

Quote: تر أصليكر شوكدا تيقومين منقا كاري صين كيلو ... كورجي قومر تنقا كورججا
رئيس إچي ويكا نلا من دفونان

كلامك دا يافاتح قولو في منبر مافيهو كيزان نوبة

Post: #38
Title: Re: رئيسكم وووين ..؟
Author: أبو ساندرا
Date: 06-27-2011, 12:09 PM
Parent: #37

Quote: دخل ما دخل .. إلخ ..

ههههههههههه ، إلخ بتاع فنيلتك ؟ ده لخ عديل
وين شفتني قلت كده ؟
زولك ده هو ذاتو عارف ان القبض بعد الإنفصال
عشان كده اليومين ديل بيعمل في حركة افشال قيام دولة الجنوب
غايتو بعد 9 يوليو لو عايز يتحرك من المرأة1 إلى المرأة2 لازم يتخذ ساتر
تعال حاسبني بعد 9 يوليو

Post: #39
Title: Re: رئيسكم وووين ..؟
Author: haroon diyab
Date: 06-27-2011, 12:21 PM
Parent: #38

Quote: مشينا انا وهو المطار حركة مننا ساكت على حسب ما في راس صاحبنا دا

برااااااهو....؟

Post: #41
Title: Re: رئيسكم وووين ..؟
Author: الفاتح شلبي
Date: 06-27-2011, 12:28 PM
Parent: #39

Quote: كلامك دا يافاتح قولو في منبر مافيهو كيزان نوبة

ياخي ما تشوهـ سمعة النوبيين

ديل عددهم ما يتم اصابع اليد الواحدة

Post: #40
Title: Re: رئيسكم وووين ..؟
Author: humida
Date: 06-27-2011, 12:27 PM
Parent: #38

مداخلة تستحق الكبشـرة .. انت قايل 9 يوليو دا ما بجي ..

..
..

Post: #42
Title: Re: رئيسكم وووين ..؟
Author: أمير فتحي
Date: 06-27-2011, 12:43 PM
Parent: #40

Quote: تعال حاسبني بعد 9 يوليو

أبوساندرا متهوراً ...ولأول مره ...هي الدنيا جرا الها إيييييييييه ؟؟؟؟

Post: #43
Title: Re: رئيسكم وووين ..؟
Author: Marouf Sanad
Date: 06-27-2011, 12:45 PM
Parent: #40

شفت كلامنا القبيل مشى وجا,

صديقنا بتاع داغستان القلت ليك عليهو قبيل, مشى شمشم جاي جاي وعرف انو في تنكر شاحن مولاص اتقلب في الاجواء بتاعت تركمانستان, عشان كدا الطيارة دقت خلف فجأة, والزاد الطين بلة انو في واحد صيني من الصينيين المركبين جنحين وطايرين جنب الطيارة , للأسف, كان مندفع بي سرعة كبيرة وقام خش في العادم بتاع الطيارة,,, غايتو بس ربك يهون,

تكبييير

Post: #46
Title: Re: رئيسكم وووين ..؟
Author: tmbis
Date: 06-27-2011, 01:43 PM
Parent: #43

Quote: والزاد الطين بلة انو في واحد صيني من الصينيين المركبين جنحين وطايرين جنب الطيارة

يا معروف ..
عليك الله اعمل معروف وبطل الخيال الكتير دا ..
ياخ قاليك السيد الرئيس ح يدخل الصين .. عينك يا تاجـر .. وح يرجع الصين عن طريق لاهاي .. برضو عينك يا تاجر ..
تجي تقولي مولاص وقصب سكر وبتاع ..؟
اعمل معروف ياخ عليك الله .. الجماعة في الفريق الضيف اعصابم بايظه .. من حركات الريس دي .. وحسع دي كلهم اصتاندباي والبوستات مكتوبة جاهزة ..

Post: #44
Title: Re: رئيسكم وووين ..؟
Author: Abureesh
Date: 06-27-2011, 12:59 PM
Parent: #40

حقو واحد يكلم اوكامبو يشطب القضيـة دى..

حسى تلقى البسافروا معاه ديل وضاربين البدلات يتمنوا اكاومبو يواصل تهديداته لأنهم عارفين زولهم
الجعلى دا حيقضيهـا كلها سفرات خارجيـة بأى تمن..
إتحروا لينا هل أوكامبو قابض قبضـة من السفـريات دى... لأنو موضوع فعلا يحتاج دراسـة.

بالمناسبة البيتكلموا عن هونج كونج ديل.. هل هو جاى من السودان واللا من أستراليا.. ساعدونا
بالجغرافيا ياخ.. بكين دا فى الشمال فوووووق الجابها لهونج كونج شنو.

.

Post: #45
Title: Re: رئيسكم وووين ..؟
Author: tmbis
Date: 06-27-2011, 01:36 PM
Parent: #44

Quote: ههههههههههه ، إلخ بتاع فنيلتك ؟ ده لخ عديل
وين شفتني قلت كده ؟
زولك ده هو ذاتو عارف ان القبض بعد الإنفصال
عشان كده اليومين ديل بيعمل في حركة افشال قيام دولة الجنوب
غايتو بعد 9 يوليو لو عايز يتحرك من المرأة1 إلى المرأة2 لازم يتخذ ساتر
تعال حاسبني بعد 9 يوليو
يا شباب معليش والله عايز ارد ليكم كلكم كل زول في مقعدو ورابط حزامو .. لكن خايف الطيارة تفوتني بس .. فخلوني ارجم شوية شوية في ناس المعارضة ديل ..
يا ابوساندرا يا فوكس .. اها حميدة كبشر ليك .. خليكم من افشال دولة الجنوب دي .. يوم تسعة قريب كان الله حيانا ، إلا تقول الروووب .. والفورة الف
بعداك ما تجي تشبكنا والله البشير افشل دولة الجنوب ..
انا غايتو من يوم تمنية بالليل بجي ادق ليك كاروشة هنـا .. حضر حالك إذا بتريد ..

Post: #47
Title: Re: رئيسكم وووين ..؟
Author: Hani Arabi Mohamed
Date: 06-27-2011, 02:19 PM
Parent: #45

Quote: تر أصليكر شوكدا تيقومين منقا كاري صين كيلو ... كورجي قومر تنقا كورججا
رئيس إچي ويكا نلا من دفونان

الترجمة حسب موقع

من اللغة الصينية - فرع بيجين إلى اللغة العربية

(ما يتكسر يقعد في مكانه داير شنو ماشي لحدّ الصين كلّها ..... إن شاء الله رقبته تتكسر / ونشوف رئيس تاني ، داك راح)

Post: #48
Title: Re: رئيسكم وووين ..؟
Author: الفاتح شلبي
Date: 06-27-2011, 02:27 PM
Parent: #47

Quote: ما يتكسر يقعد في مكانه داير شنو ماشي لحدّ الصين كلّها ..... إن شاء الله رقبته تتكسر ويروح / ونشوف رئيس تاني )

قوقل ما بيقصر ... بس الدقة مطلوبة يا هاني عربي
الشي بيقول ... من دفونان رئيس إچي ويكا نلا

لكن ما جو طبظونا بالخبر الأوووس داك

Post: #49
Title: Re: رئيسكم وووين ..؟
Author: حذيفه ابراهيم الكباشي
Date: 06-27-2011, 02:42 PM
Parent: #47

Quote: الشلة البتكتب وتمضى ليك تحت اسمها نيويورك

احينا من ديل

انا محتار في حالة الفرح الفرح المنقول عبر التوقيع في البوستات

فلان الفلاني
نيويورك

فلانه الفلانية
باريس

يوروك الي اي مدى هم فرحانين بي ركوب الطيارة

Post: #50
Title: Re: رئيسكم وووين ..؟
Author: صبري طه
Date: 06-27-2011, 02:51 PM
Parent: #49

يا تمبس عليك الله شوف مين البيبلع بوستاته

بوست الأخ واصل علي:
الصين: البشير سيصل الثالثة والنصف صباح الثلاثاء (بعد ستة ساعات)

بوست الأخت ميادة كمال:
عااااااااااااااجل ...طائرة الرئيس البشير وصلت مطار بكين قبل (ربع ساعة)

بوست الأخ فيصل الرشيد:
دخول طائرة الرئيس الاجواء الصينيه ...الان

ـــــــــ

Post: #51
Title: Re: رئيسكم وووين ..؟
Author: أبو ساندرا
Date: 06-28-2011, 06:42 AM
Parent: #50

تمبس
Quote: خليكم من افشال دولة الجنوب دي .. يوم تسعة قريب كان الله حيانا ، إلا تقول الروووب .. والفورة الف
بعداك ما تجي تشبكنا والله البشير افشل دولة الجنوب ..
انا غايتو من يوم تمنية بالليل بجي ادق ليك كاروشة هنـا .. حضر حالك إذا بتريد ..

محاولات البشير لافشال قيام الدولة الجديدة لن تتوقف ولن تنجح
ف لدولة جنوب السودان تضامن دولي يحميها
المجتمع الدولي اجل تنفيذ قرار المحكمة الجنائية بالقبض على البشير
حتى لا يعرقل القبض وماقد يترتب عليه ، على ترتيبات قيام الدولة الجديدة
اليوم البتقوم فيه الدولة الجديدة بيكون البشير هدف للجميع
الجميع سوف يسارعون لقبضه وتسليمه
وممكن ده يتم من يوم 10 يوليو وانت ماشيي
فتعال دق كاروشتك واللا دق أي حاجة تخطر ببالك
وتابع معنا ، وبتلذذ مساككة زولك
وبالمناسبة ، الدول الكان بيتنطط عندها كلها إنضمت إلى المحكمة الجنائية الدولية
وباتت ملزمة بالقبض
ياهو ده رأي وتوقعاتي ، كبشرها انت كمان ، وشرك لي في خور ابوعنجة

Post: #52
Title: Re: رئيسكم وووين ..؟
Author: عبد الملك يوسف الملك
Date: 06-28-2011, 07:40 AM
Parent: #51

Quote: محاولات البشير لافشال قيام الدولة الجديدة لن تتوقف ولن تنجح
ف لدولة جنوب السودان تضامن دولي يحميها
المجتمع الدولي اجل تنفيذ قرار المحكمة الجنائية بالقبض على البشير

ياابوساندرا هو الجنوب فيه دولة !؟ ده فلم كابويات طويل الاجل

يمشي مصر تقولوا مابمشي الدوحة
يمشي الدوحة تقولوا مابمشي كينيا
يمشي كينيا تقولا مابمشي طهران
يمشي طهران تقولوا مابمشي الصين
يمشي الصين تقولوا بعد 9/7 مابمشي ...بعدين ؟

ياتمبس حكاية العصيدة والعنبر والفاتحة في المقابر دي يفهموها اوكامبو كيف؟؟
خليه على كده لو فهمها حايقبض على الراجل

على فكرة اوكامبو قنع من ابكريق ده مشى يشرك للكنكيج بتاع الكتاب الاخضر

الى اللقاء في الشقة القادمة بعد تسعة سبعة
اخر شقة لاتمساح لاغرقة

Post: #53
Title: Re: رئيسكم وووين ..؟
Author: esam gabralla
Date: 06-28-2011, 08:24 AM
Parent: #52

يا قرموط
كدى خليك من استيف و جكس و الكلام الميت ده, شخصيآ لا فرحان لا زعلان, بس مندهش زياده و مجددآ من الحاله دى, عمرنا ده كلو بنعرف و نسمع بي شباشبي راحن, مركوبي ما لاقيهو, الشافع مرق ما جا, الغنمايه طشت, جدكم المخرف ده امشو فتشوهو, البقره دى أتأخرت الليله ..... لكن رئيس؟ رئيس دوله مره واحده؟ كدى اعتبر الدولة دى اسمها طرازنستان و قلبا زى ما عاوز

Post: #54
Title: Re: رئيسكم وووين ..؟
Author: tmbis
Date: 06-28-2011, 08:40 AM
Parent: #53

بما انو رئيسكم شكلو دخـــل الصين .. وحنكم بقى عاضي ..
فيسرني أن اقوليكم نيهاووووي .. بالصيني اللي هي بتساوي .. مكندم اماقااا بالفلبيني
..
الحاجة المهمة انو بكري أبوبكري بقى يعمل معانا حكاية (الوزة) بتاعت ياسر طيفور ودي مسالة محتاجة لي شرح طويل خلونها في وكت تاني
يعني بي صورة أوضح .. الواحد يكون بكتب في ردود .. وفي ردود لو ما اتكتبت في لحظته بتفقد قيمته .. فجاة تقوم تجيك رسالة انو الكوته حقتك لليوم دا بابح .. تشتغل مس كولات ساكت باقي اليوم ..
لذلك ..
معليش لكل الذين مرو بالبوست دا لو اني ما قدرت ارد عليهم بالتفصيل .. لكن تبقى الحاجة المهمة انو كل التقدير للذين مروا من هنا ، كيزان ، شيوعيين ، تاس ساكت ، إلخ ..

Post: #55
Title: Re: رئيسكم وووين ..؟
Author: tmbis
Date: 06-28-2011, 09:17 AM
Parent: #54

Quote: يمشي مصر تقولوا مابمشي الدوحة
يمشي الدوحة تقولوا مابمشي كينيا
يمشي كينيا تقولا مابمشي طهران
يمشي طهران تقولوا مابمشي الصين
يمشي الصين تقولوا بعد 9/7 مابمشي ...بعدين ؟

بالنسبة لي عصام جبر الله .. وابوساندرا .. وكل من يدرج تحت نفس اللــون دا اقرو كلام عبد الملك دا .. لانو دي النجيضة حقت الشغلانة دي كلها ..
وحسع لو ما الجمرة الخبيثة حقت بكري دي .. والله الواحد كان جاب ليهو مية لنك لي فلاسفة البورد .. وهم يحللون ويفتون .. زي فتوتكم دي .. والحاجة المضحكة انو والي الدين جاري والجمهور جاري وراهو ..
دا كلو كوووم .. الاكوم من كدا .. الحركة البايخـة البيعمل فيها رئيسكم دي ..
إنتو اوكامبووو دا عينو للراجل دا بتحاوم كدا دا ما عندو طيارات .. إن شاء الله طيارات رش سااي ما عندو ..؟
ما شابكننا بيعترضوهو .. واقمار صناعية والله الخلقني ..
ومال اساطيل امريكا القاعد تضرب بيها المجرمين دي ووين خاتاها ..؟
طيب لو ما عارفين مكانو وما قادرين يحددوهو بعد الروحـة دي .. كان ينزلو بلي استيشن عشرة .. ويجيبو لينا فوقو مطاردة الرئيس السوداني .. في الاراضي القوقازية .. أو أي كان اسمها .. لانو ابو الريش قال هونج كونج دي إلا تكون جاي من سنار التقاطع حتين تمر بيها ..

Post: #56
Title: Re: رئيسكم وووين ..؟
Author: امير مصطفى احمد
Date: 06-28-2011, 09:30 AM
Parent: #54

ابو ساندرا يا حبيب

كورتك فكتك ؟

معذرة اول مرة اقرا ليك تحليل ( فطير باللبن ) ذي دا

Quote: محاولات البشير لافشال قيام الدولة الجديدة لن تتوقف ولن تنجح
ف لدولة جنوب السودان تضامن دولي يحميها
المجتمع الدولي اجل تنفيذ قرار المحكمة الجنائية بالقبض على البشير
حتى لا يعرقل القبض وماقد يترتب عليه ، على ترتيبات قيام الدولة الجديدة
اليوم البتقوم فيه الدولة الجديدة بيكون البشير هدف للجميع
الجميع سوف يسارعون لقبضه وتسليمه
وممكن ده يتم من يوم 10 يوليو وانت ماشيي
فتعال دق كاروشتك واللا دق أي حاجة تخطر ببالك
وتابع معنا ، وبتلذذ مساككة زولك
وبالمناسبة ، الدول الكان بيتنطط عندها كلها إنضمت إلى المحكمة الجنائية الدولية
وباتت ملزمة بالقبض
ياهو ده رأي وتوقعاتي ، كبشرها انت كمان ، وشرك لي في خور ابوعنجة

ربط سفريات البشير بإفشال دولة الجنوب الجديدة ابدا ما واقع لي

ممكن تشرح لي اكتر

Post: #57
Title: Re: رئيسكم وووين ..؟
Author: tmbis
Date: 06-28-2011, 09:33 AM
Parent: #51

Quote: محاولات البشير لافشال قيام الدولة الجديدة لن تتوقف ولن تنجح
ف لدولة جنوب السودان تضامن دولي يحميها
.. تضامن دولي يحميها ..؟ مش هو دا نفس التضامن الدولي السعى بكل جهدو علشان قيام الدولة الجديدة دي واللا في كلام جديد نحن ما عارفنو .. مرورا بي مخطط اغتيال قرنق الح تتضح سيناريوهاتو يوم بعد يوم .. وبعض التفاصيل الدقيقة جدا .. وإلخ ..
يعني حسع دي الاتو بقى دولة السودان الجديدة .. ومسالة دارفور دي رمو طوبته ..؟
بعدين يا ابوساندرا .. البشير الساهم في فصل الجنوب .. ما اعتقد انو قاعد يسعى لافشال قيام دولة الجنوب وإلا تكون إنت بتفهم اكتر من المحلالاتية البجو يكورو كلو يوم الصباح هنا والواحد خاتي ليهو خمسة ستة أقلام في جيبو ..
Quote: المجتمع الدولي اجل تنفيذ قرار المحكمة الجنائية بالقبض على البشير
حتى لا يعرقل القبض وماقد يترتب عليه ، على ترتيبات قيام الدولة الجديدة
اليوم البتقوم فيه الدولة الجديدة بيكون البشير هدف للجميع
الجميع سوف يسارعون لقبضه وتسليمه
وممكن ده يتم من يوم 10 يوليو وانت ماشيي
.. .. دا مجتمع دولي واللا ( بيت مريسـة ) .. ياخ القرار دا صدر من متين ..؟
طيب شنو شابكننا ح نعترضو في الجو .. وتاني سوبا ما بيمشي .. والحنك العاضي دا .. ياخ الموال بتاع البشير واوكامبوو دا مدور من متين ..؟ خليك من البشير .. أحمد هاروون دا خلاص اوكامبوو رمى طوبتو ..؟
خلاص خليهم يسارعون .. يعني نحن ناكل باسطة .. وننسى الحنك العاضي بتاع الفترة الفاتت داك كلو
وانا شخصيا اقتنع بي كلامك الفوقاني بتاع المجتمع الدولي دا والقبض على البشير بعد دولة الجنوب دا ..
والله يا ابوساندرا اول مرة في حياتي اكتشف انو قدراتك التحليلية .. سابقة الناس دي كلها بي كم مليون سنة ضوئية زي ما بقولو الفلاسفة بتاعين الموقع دا وكدا ..

Post: #58
Title: Re: رئيسكم وووين ..؟
Author: tmbis
Date: 06-28-2011, 10:01 AM
Parent: #57

يا جماعة بما انو الواحد بقى كاتب تشفيري .. وبقى في محللاتيه زي عمكم ابوساندرا .. ممكن يقول اي كلام ويحلل اي تحليل حتى لو كان تحليل بول الاخطبوط وكدا .. فحقو الناس تراجع البوست دا .. دايرين نيــاشين .. (توجد نبــل) ..
والعايز مزيدا من التوضيح يراجع ارشيف الفين وتسعة .. الربع الأولاني .. أو القزازة كلها .. علشان يشوف العجب .. وسولي شريف زاتووو

Post: #59
Title: Re: رئيسكم وووين ..؟
Author: tmbis
Date: 06-28-2011, 10:22 AM
Parent: #58

الظاهر لي الناس نست الناس .. علشان كدا نعمل فرش متاع عشان ابوساندرا ما يجي يفتي لينا سااي زيو وزي القرضاوي واحد ..
وفي نفس الوقت عشان كلام عبد الملك دا ما يقع ساكت .. وعشان الناس تعرف انو البورد دا فيهو فلاسفة كتار جدا ممكن يفتو في اي حاجة ما كمان كتاب كبار هم بكتبو في موقع سودانيزاونلاين وطن من لا وطن له ..
Quote: بسيطة يا عمو .. الألف الجد جد حاكم البلد و حسيافر و يرجع على كيفو.

الرجالة الما بعرفوها الخوجات
..
قلت لي اكبشر يا ابوساندرا ..؟ إنت لسة شفت ليك كبشرة ..؟ ما قلت دي سفريات داخلية ما فيها طيارة ولا فيها حصان .. حسع دي بقت المجتمع الدولي .. اجل الحفلة ..؟
احي انا ياخ والله دا الكلام البخلي الواحد يدق مش كاروشة .. بس خلوها سااي
متذكر ايامات الحفلات دي يا ابوساندرا ..؟ قلنا ليكم يا جماعة الواحد ما يكتب لينا ساكت كدا .. ادونا فرصة نعبر عن شعورنا معاكم

بعدين يا جماعة لما نقول الرئيس دا قاعد ينطط ليكم في راسكم .. ماف زول يزعل مش نطيط بس .. دي بقت سفر عبر القارات ونطيط ..
يعني اشبه بالميتة وخراب الديار

ملحوظـة:
خايف يجيني واحد يقولي كان هو راجل يسافر مدني ..

Post: #60
Title: Re: رئيسكم وووين ..؟
Author: tmbis
Date: 06-28-2011, 10:40 AM
Parent: #59

يا صبري طـه بالنسبة لي لنكاتك بتاعت البلع دي .. عليك الله ما تشجع لي البلع البكون لحظي دا .. البلع المجيه بكون بلع معتق ..
انابهدي ليك كمية لنكات كدا .. عليك الله شوف البلع دا والتجلي وقران بينو وبين كلام ابو ساندرا دا
ياخ وقتها محمد كوستاوي كتب
استيف ارهبنـا بي الفيلق وخوفنا ساكت وقتها ..
دا طبعا بالاضافة لي بعض الناشطين النيويوركويين او النيو لوكويين من النيو لوك طبعا .. وكيف انهم اتجلو وقتها ..
حسع دي جاي ابوساندرا بي ضربة كيبورد يمسح التجليات دي كلها ويقولي لالالا المجتمع الدولي ودولة الجنوب .. وشخوط شخوط من سيرفر بكري عامله كدا دا ############

أمريكا تأمر أسطوليها في المتوسط و البحر الأحمر بال...الي المياه السودانية
..
(اوكـــــامبـو) ... و(المــامبـو ) الســوداني البشيـر ...( كاركتير)
..
عاجل جدا....البشير الان يرقص في حلايب!
..
نواصل إحتفالاتنا بأمر الإعتقال-بالأمس سلمى العسل و الليلة حنان بلوبلو
..
ألحقو ... عمر البشير ... جنا ... و فوت .... ( توجد صوره ! ) ...
..
مسيرة هادره في لاهاي تنديدا بقرارات المحكمة الدوليه.
..
البشير في دارفور .. يلا يا خليل و الصبيان الجروا أقبضوهو و سلموهو ..
..
على الحركات الدارفورية اعتقال البشير إذا زار دارفو...حد كما يقول 00000000
..
أقوله بي صراحة ولي أول مرة .. وبيكل حيادية
..
يا شعب السودان, سلموا المجرم محمد عمر البشير لمحكمة الشرعية الدولية
..

Post: #61
Title: Re: رئيسكم وووين ..؟
Author: أبو ساندرا
Date: 06-29-2011, 06:25 AM
Parent: #60

تمبس :
Quote: دا مجتمع دولي واللا ( بيت مريسـة ) .. ياخ القرار دا صدر من متين ..؟
طيب شنو شابكننا ح نعترضو في الجو .. وتاني سوبا ما بيمشي .. والحنك العاضي دا ..
ياخ الموال بتاع البشير واوكامبوو دا مدور من متين ..؟ خليك من البشير .. أحمد هاروون دا خلاص اوكامبوو رمى طوبتو ..؟
خلاص خليهم يسارعون .. يعني نحن ناكل باسطة .. وننسى الحنك العاضي بتاع الفترة الفاتت داك كلو

ما رئيسكم عارف ، زي ما إنتو عارفين ، أن الجنائية الدولية ماعندها بوليس
عشان يمشي يعلق ليها إعلانات القبض وعشان يقبض الفارات الفارة
الأدة التنفيذية ، ألتي تقوم بعمل الشرطة في هذه الحالة ، هي جميع الدول
وجميع الدول دي ما قاصد بيها فقط الدول الموقعة والمنضمة للجنائية الدولية
جميع الدول قاصد بيها اي دولة عضو في منظمة الأمم المتحدة ، لأن قرار الجنائية الدولية
تم عن طريق مجلس الأمن
تقاعس الدول عن التنفيذ يعد تقصير في ممارسة التزاماتها الدولية
وهذا لايعني انها ستظل متقاعسة للأبد ، سيأتي يوم تنتفي فيه اسباب تقاعسها
التي ارجحها إلى امريكا تحديدآ التي حسب قرآءتي أعلاه تتجنب تنفيذ القبض
في الظروف الحالية حتى لايعرقل القبض ومايترتب عليه من فراغ أو من احتقانات
في ترتيبات انفصال الجنوب ،، عشان كده متوقع ان تنشط امريكا ومن ولاها لتنفيذ القبض
بعد 9 يوليو ،، سعبة دي ؟

* الرد اعلاه يشمل فيما يشمل ، أمير مصطفى

Post: #62
Title: Re: رئيسكم وووين ..؟
Author: أبو ساندرا
Date: 06-29-2011, 06:55 AM
Parent: #61

تمبس :
Quote: بعدين يا ابوساندرا .. البشير الساهم في فصل الجنوب .. ما اعتقد انو قاعد يسعى لافشال قيام دولة الجنوب
وإلا تكون إنت بتفهم اكتر من المحلالاتية البجو يكورو كلو يوم الصباح هنا والواحد خاتي ليهو خمسة ستة أقلام في جيبو ..

ماشغلتي بأي محلالاتي ولا بأي حلقوم كبير وأقلام كثيرة
وماعندي قياس لكميات الفهم عندي معايرة او مقايسة مع المحلالاتية أو مع الأخرين عمومآ
لكن الذي أعرفه يقينآ ، أن فصل الجنوب كان ضمن المخططات المركزية للكيزان
والبشير وقبله الترابي فعلا من خلال تنظيمهم ما أوصل البلاد إلى الحالة الراهنة
تنفيذآ لمخططاتهم في فصل الجنوب وقيام الدولة الإسلامية ، ناهيك عن دولة النقاء العرقي
أيوة ، خطتهم الأصلية فصل الجنوب
طيب ، مالذي جد تحت كيس المخدة ؟
الذي جد دخول عامل جديد ، دخل الميزانية ومنها تحول إلى الجيوب الخاصة فتورمت الأرصدة والحسابات
وارتفعت العمارات وتعددت الزوجات
العامل الجديد جعلهم يعدلون خطتهم ، الأولى كانت ان يذهب الجنوب أرضآ وناس
الآن أن يذهب الجنوبيين ( الشعب ) وتبقى ( الأرض ) حيث استثماراتهم
عندما وصلتهم التقارير متأخرة ، لأن الخطط الإسترايجية المبنية على المعلومات دائمآ غائبة
بغياب المعلومات ، عرفوا أن النظام سيكون في أمر وركن ضيق بعد الإنفصال والحرمان من مورد هام
للخزانة ، التي سوف تكون خاوية ، وحينها سيدخل الجوع كل البيوت وتعجز الدولة تمامآ عن تلبية
ابسط الإحتيجات وتندلع الشوارع ،، ويومها سيكون شعار المواطن :
أن اخرج الشارع لأحظى بالنصر أو الشهادة ، أفضل من أموت فطيس جائع كالنعاج

هسع محاولاتهم عرقلة إنفصال الجنوب لها أكثر من سبب ، أذكر لك منهم اثنين :
1- حرمان السلطة من عائدات البترول المالية سوف يصيبها بالعجز التام
ومن ثم نهوض حركات احتجاجية قد تتعاظم حتى تصير انتفاضة كاملة وثورة
ولذلك ستسعى لأن تحافظ على الدخل المتأتي عن البترول بأي طريقة
ومن ضمنها عرقلة الإنفصال
2- عدم إكتمال الإنفصال سيجعل الدول الراغبة في قيام دولة الجنوب تتعاطى مع سلطة البشير
حتى يتم اقناعه من خلال الوعود التي ممكن ان يكون من ضمنها السكوت عن أمر القبض
وغيرها من العطيات زي رفع اسم السودان من قوائم الحظر وتصنيفات الإرهاب
بإختصار وتركيز أكثر :
ان يعنقد البشير في موضوع الإنفصال حتى يدخل في مساومة دولية ، تتعلق بقرار الجنائية الدولية
ولسان حاله يقول : الإنفصال مقابل ضمانات بأن لاينفذ قرار اإستدعاء والقبض ، وان يمرح ويسرح ويلعب بالطيارات

Post: #63
Title: Re: رئيسكم وووين ..؟
Author: tmbis
Date: 06-29-2011, 07:20 AM
Parent: #61

Quote: زي ما إنتو عارفين ، أن الجنائية الدولية ماعندها بوليس
عشان يمشي يعلق ليها إعلانات القبض وعشان يقبض الفارات الفارة
الأدة التنفيذية ، ألتي تقوم بعمل الشرطة في هذه الحالة ، هي جميع الدول
وجميع الدول دي ما قاصد بيها فقط الدول الموقعة والمنضمة للجنائية الدولية
جميع الدول قاصد بيها اي دولة عضو في منظمة الأمم المتحدة ، لأن قرار الجنائية الدولية
تم عن طريق مجلس الأمن
ااي رئيسنا عارف .. وعارف كمان انو الحبة دي ما بتجيهو .. طالما انو مسالة اوكامبو دي كتبوها ليهو الجماعة من هنا دا من منبر سودانيزكم دا .. بعدين خليك من الاداة التنفيذية .. والحنك العاضي دا .. إنت واحد من الناس يا ابوساندرا اصلو قلت الزول دا إلا يركب ليهو حصان كارو يا يركب ليهو فيل .. اها الزول دا حسع دي في كلامي وكلامك دا قااعد في الصين ويكون ضرب شاي الصباح بي (سوشي) وتاني برجع عشان يضرب شاي الصباح بي لبن مقنن ولقيمات .. يعني زي ما بقول المثل الانقليزي .. عايز يسافر بسافر والحبة دي ما بتجيهو أهو إلا حركاتكم البتعملو فوقه دي .. شيوعيين علي بعض المواهيم من اصحاب اوكامبو ناس sup وإلخ ..
Quote: لأن قرار الجنائية الدولية
تم عن طريق مجلس الأمن
.. (.........)زززززززز ..
Quote: سيأتي يوم تنتفي فيه اسباب تقاعسها
التي ارجحها إلى امريكا تحديدآ التي حسب قرآءتي أعلاه تتجنب تنفيذ القبض
في الظروف الحالية حتى لايعرقل القبض ومايترتب عليه من فراغ أو من احتقانات
في ترتيبات انفصال الجنوب ،، عشان كده متوقع ان تنشط امريكا ومن ولاها لتنفيذ القبض
بعد 9 يوليو ،، سعبة دي ؟
.. طيب من زمان بتكوركو مالكم . ما كان من اول تكسرو في اضانكم قشة وتقولو الزول دا ح يقبضوهو بعد قيام دولة الجنوب الجديدة .. كان في داعي كل يوم بتكوركو ..
يعني قلت تخليها مفتوحة كدا ..؟ خلاص اقوليك حاجة من هنا ولي قدام نقطنا بي سكاتك .. ام عايزين اي فوضى فيما يتعلق بسفر رئيسكم لانو كل ما تكتبوهو هنا سيستعمل ضدكم في مقبل الأيام .. ياخ اقوليك حاجة ..؟
ناس الامم المتحدة ومجلس الأمن .. وإلخ .. وإلخ .. حقو يقبضوهو ويختوهو في قفص لحدت يوم تسعة دا يجي بس عشان يبردو ليك قلبك ساكت .. المافي شنو ..؟

Post: #64
Title: Re: رئيسكم وووين ..؟
Author: Yassir Tayfour
Date: 06-29-2011, 07:37 AM
Parent: #63

Quote: الحاجة المهمة انو بكري أبوبكري بقى يعمل معانا حكاية (الوزة) بتاعت ياسر طيفور ودي مسالة محتاجة لي شرح طويل خلونها في وكت تاني
يعني بي صورة أوضح .. الواحد يكون بكتب في ردود .. وفي ردود لو ما اتكتبت في لحظته بتفقد قيمته .. فجاة تقوم تجيك رسالة انو الكوته حقتك لليوم دا بابح .. تشتغل مس كولات ساكت باقي اليوم ..
يا هالك نظام الدفع المقدم ده ما بيقسِّم معاك، الجمرة الخبيثة، تستاهل لكن عشان تاني الفورة تكون حسب الكوتة، وما تبعزقها ساكت، لكن لو في طريقة تحويل رصيد رسل باسووردك :)
___
تاني جماعة up، وفوق، وحتى عودة، إلخ، تاني إلا يعملو لايِّك للموضوع في الفيس مع وضع الوصلة، والنية واصلة ؛)

Post: #65
Title: Re: رئيسكم وووين ..؟
Author: tmbis
Date: 06-29-2011, 07:41 AM
Parent: #64

Quote: تاني جماعة up، وفوق، وحتى عودة، إلخ، تاني إلا يعملو لايِّك للموضوع في الفيس مع وضع الوصلة، والنية واصلة ؛)
وووين يا هالك افندي ..؟ مشتاقين والله .. معليش جهجهنا الوزة بتاعتك .. لانو الناس ديل لو ما قلنا ليهم كدا وطلعنا الوزة ناس ابوساندرا ديل ما بقتنعوا بالساهل ..

Post: #66
Title: Re: رئيسكم وووين ..؟
Author: tmbis
Date: 06-29-2011, 07:53 AM
Parent: #65

Quote: .. (.........)زززززززز ..

طبعا يا ابوساندرا لا يفوت عليك إني كنت قاصد .. طــــ ... ز .. ز .. ز

اللي هي من :
طـا .. طيرة
وزا .. وزة ..
وتقريبا .. تا تمساح .. لو في امكانية من الصباح دا ..
بالمناسبة يا ابوساندرا ..
كان عندنا جارنا في الحلة كهربجي .. وعندو ولدو دفعتنا كان معذب ولدو عذاب شديد جدا .. كان عامل ليهو صندوق بتاع حديد وعامل ليهو عتبة جوة الاوضـة .. بطلعو ليها بي سلالم ..
صاحبي دا كان لما يعمل ليهو غلطـة .. كان ابوهو بيوصل سلكين بتاعات كهربـه .. ويملى الصندوق بتاع الحديد دا موية .. ويقول لي ولدو وتعال اركـب هنـا في الصندوق دا ..
صاحبنا دا ياخد ليهو كم فولت كدا كهربه .. ويمشي زي الايونات ما يعمل اي فوضى تاني .. مع مرور الزمن صاحبنا دا اتعود .. بقى مدمن كهربه .. يمشي يوصل توصيلاتو .. ويملى مويتو .. ويركب في صندوقو براهو .. لما نكون بعيدين من البيت .. كان بتصرف يشوف ليهو اقرب فيشة يفكها ويمسك السلكين لفترة زمنية محددة ياخد صقعتو ويولع ..
المهم ..
سفرية الرئيس دي بالنسبة لي اوكامبا عاملة زي برنامج صاحبنا دا مع ابوهـو .. مش اوكامبووو .. إنت والمجتمع الدولي .. والمتشنجين الهنا ديل .. زي ما تقول كدا السيد الرئيس القائد ملى ليكم الصندوق ووصل ليكم السلكين وقاليكم تعالو اركبو هنـا ..

Post: #67
Title: Re: رئيسكم وووين ..؟
Author: أبو ساندرا
Date: 06-29-2011, 10:41 AM
Parent: #66

تمبس:
Quote: .. طيب من زمان بتكوركو مالكم . ما كان من اول تكسرو في اضانكم قشة
وتقولو الزول دا ح يقبضوهو بعد قيام دولة الجنوب الجديدة .. كان في داعي كل يوم بتكوركو ..
يعني قلت تخليها مفتوحة كدا ..؟ خلاص اقوليك حاجة من هنا ولي قدام نقطنا بي سكاتك ..
ام عايزين اي فوضى فيما يتعلق بسفر رئيسكم لانو كل ما تكتبوهو هنا سيستعمل ضدكم في مقبل الأيام .. ياخ اقوليك حاجة

سكات بابو ،، مافي سكات ، كلما كانت عندي قدرة على الفضح بسوي سواتي وأقدل برأي
وأقول ليك حاجة ، انا بالنسبة لي مسألة القبض مسألة وقت ،، يطول أم يقصر فإنه واقع لامحالة
فما شغال بشرابه الشاي في شنغهاي ولا القهوة في أم ركوة ، يلف ويلف لمن راسو يوجعو
ويرتاح في لاهاي ، برضو هناك ممكن يشرب شاي
وهسع كدي النجللي مسألة القبض دي مؤقتآ ، لمن تحدث فهي إنتصار للعدالة قبل كل حساب
لكن قبل القبض في إنتصار قد تحقق ، ولولوتك مابتقلل من شأن ذلك الإنتصار ، وكل يوم زولك طائر
لحتة متجنبآ العواصم التي هددته بالقبض وتسليمه مخفورآ ، وبرضو ده ما بيقلل من الإنتصار الذي تحقق
وهو : توجيه تهم عاتية من نوع الإبادة الجماعية ومطالبته بالمثول امام المحكمة متهمآ
وإلا ، يعتبر فار ،، ركز معاي في فار دي جدآ ،، فار من العدالة
ويتعين على الدول وبخاصة الموقعة على الجنائية الدولية أن تقبضه ما ان يحط في مطاراتها
أو يعبر اجوائها ، وبالمناسبة الدول دي كل يوم بتزيد عدد ، ومنها التي درج على زيارتها شهريآ
قيمة هذا الإنتصار الضخم ، الذي يتحقق لأول مرة في التاريخ ، ان يوجه إتهام ويطلب ملاحقة رئيس دولة
وهو مازال يحكم ويتحكم ، وكان زولكم الأول و الثاني على شاكلته وهو القذافي
والقذافي رأينا عنفه وإنهار الدماء التي سالت بسببه ، والسفاح البشير فعل مثله وأكثر
لكن لم توثق لذلك القنوات الفضائية ،
قلت قيمة هذا الإنتصار أنه لم يعد هناك من هو فوق المسآئلة
ولم يعد في إمكان رئيس أي دولة أن ينتهك ويذبح ويقتل ويمشي يتعشى مع احدى زوجاته
بل صار سيف العدالة الجنائية الدولية مشهر ، وهذا انتصار يسجل لمصلحة الشعوب
قبض الآن ام سيقبض في الغد هي مسألة وقت
والبطولة الزائفة التي يحاول ان يمررهالأغراض محلية بحته تتعلق بخداع الشعب
وتتلقفها أنت فرحآ جزلآ ومخدوعآ
هو أول من يعلم إنها زائفة وأن وقت القبض عليه لم يحن
وإنه يتجنب الدول التي اعلنت عزمها عن اعتقاله وتسليمه
ولن يجرؤ على الطيران إلى أو عبر فرنسا مثلآ ، ولاجنوب افريقيا
الشاهد انه قد وجهت له تهم قاصمة وسيدفع ثمن جرائمه
وهو الآن مصنف ك فار من العدالة ، ليس إلا

Post: #68
Title: Re: رئيسكم وووين ..؟
Author: tmbis
Date: 06-29-2011, 11:37 AM
Parent: #67

Quote: كلما كانت عندي قدرة على الفضح بسوي سواتي وأقدل برأي
وأقول ليك حاجة ، انا بالنسبة لي مسألة القبض مسألة وقت ،، يطول أم يقصر فإنه واقع لامحالة
فما شغال بشرابه الشاي في شنغهاي ولا القهوة في أم ركوة ، يلف ويلف لمن راسو يوجعو
ويرتاح في لاهاي ، برضو هناك ممكن يشرب شاي
والله كنت عايز اللقى لي حاجة جديدة .. لكن اهو نفس كلامك .. ياخ انا القلتو انو ما عندكم جديد ماف داعي للتنظير حرقك الكلام واللا شنـو ..؟ مش إنت كنت من ضمن المجموعة الحظرت رئيسكم دا جوه السودان بي اقتباس الصورة اعـلاها ..؟
انا قلت ليك ما تنظر ؟؟ وقلت ليك ا تفضح ؟ بس كمان الواحد يوزنه تمام ..
حسع عليك الله يا ابوساندرا .. انا كان فكرت ابقى معارض .. مجرد تفكير .. اجي انظر زيكم مكدا دا في سفر الرئيس وبتاع ؟؟
طبعا ح تجي تمسك في كان فكرتة ابقى معارض دي .. لانو شكلها بتمتعكم شديد ..
المهم .. انا ارى انك بتلف وتدور في حتة واحده ـ وانا برى انو رئيسكم دا حقار عديل كدا ..
وإنت ياريت تمسك لي في الحتة بتاعت الوكت دي .. وتواريخ الاعتقال .. وكان الله حيانا بعداك ابقى ذكرني
يا اقوليك حاجة ..؟
إنت ما توريني بقبضوهو ووين وكيف ..؟ جــوه خالص في السودان واللا بــره ..؟
عشان بعداك انا اكون اقتنعته انكم كمناضلين شيوعيين على حركات مسلحة على ناس ساكت .. كلكم كنتو صاح وانا دا غلط ..
بالنسبة لي تنظيرك فيما يتعلق بي الانفصال وحكومة الجنوب وإلخ إلخ .. ما اكلني .. دا ممكن تقنع بيهو زي ناس عبد المجيد بتاع نيويورك يا طراوة .. وعديل كدا ممكن يصفقو ليك .. واحتمال يعينوك مدير فرع لكن انا ما بيمشي فيني .. وبعتبرو .. لوك لوك لوك سااي .. والرد عليهو احتمال يكمل لي الرصيد بتاع بكري دا ..

Post: #69
Title: Re: رئيسكم وووين ..؟
Author: esam gabralla
Date: 06-29-2011, 08:04 PM
Parent: #68

عصام كتب:

Quote: يا قرموط
كدى خليك من استيف و جكس و الكلام الميت ده, شخصيآ لا فرحان لا زعلان, بس مندهش زياده و مجددآ من الحاله دى, عمرنا ده كلو بنعرف و نسمع بي شباشبي راحن, مركوبي ما لاقيهو, الشافع مرق ما جا, الغنمايه طشت, جدكم المخرف ده امشو فتشوهو, البقره دى أتأخرت الليله ..... لكن رئيس؟ رئيس دوله مره واحده؟ كدى اعتبر الدولة دى اسمها طرازنستان و قلبا زى ما عاوز

و تمبس رد:
Quote: بالنسبة لي عصام جبر الله .. وابوساندرا .. وكل من يدرج تحت نفس اللــون دا اقرو كلام عبد الملك دا .. لانو دي النجيضة حقت الشغلانة دي كلها ..
وحسع لو ما الجمرة الخبيثة حقت بكري دي .. والله الواحد كان جاب ليهو مية لنك لي فلاسفة البورد .. وهم يحللون ويفتون .. زي فتوتكم دي .. والحاجة المضحكة انو والي الدين جاري والجمهور جاري وراهو ..

سبحان الله, مش البورد ده كل زول معلق من كيبوردو و باسووردو؟ ياخى انا جبت سيرة اوكامبو و لا محكمة و لا قبض و لا سفر؟ عشان تقول امشي أقرا كلام ماجد يوسف؟ أنا في البلد البروح رئيسا دى و بدون عاصفه رمليه أ ثلجيه و لا حتى فسوة شيطان حايمه مافي. عشان كده يا قرموط قصة الألوان دى بتجيب هوا, زى ما انت ما بتقبل لى رايك الخاص يكبوهو في علبة جير و يصوطوهو مع باقي ألوان حايمه و بتطلب يعاملوهو باعتباره لونك الخاص , رجاء افرز للناس ألوانا و كل زول رد ليهو قدر عبارو أو عبارتو, ممكن؟
أما أوكامبو و الدوحه و الصين و كراع الحمار.... دى اليشتغل بيها البتهمو الآن, خلينا نحنا مع البلد الرايحه و رئيسها الرايح و حلب دم الناس الا ناسهم بالانتنوف و الجمره الخبيث و الحمى الخبيث و الكذب الخبيث
و الله يخلى لينا البشير أسد الأمه و يسفرو الصين .... اللهم سفِر الرئيس, اللهم جرجرو, اللهم أطحن الرئيس و قلل من امساكه ... الخ