Post: #6 Title: Re: اهداف المريخ والشباب التنزاني في سيكافا Author: محمد حيدر المشرف Date: 06-26-2011, 07:59 PM Parent: #3
البدرى عبدالله .. تحياتى آ زول ..
هديه موزونه جدا يا عزيزى .. تعرف المريخ ده قصتو معاى غريبه جدا .. لازم يكون عندى فيهو عدو تاريخى .. وأذكر منهم حبنى وبرشم وغيرهم .. أها مصعب ده العدو التاريخى بتاعى من سجل فى المريخ .. يا البدرى .. الله غالب !!
Post: #8 Title: Re: اهداف المريخ والشباب التنزاني في سيكافا Author: البدري عبد الله Date: 06-27-2011, 08:19 AM Parent: #6
الاخوة الاعزاء
حيدر حسن ميرغني احمد سعيد محمد ميرغني ياسر عبد القادر معتصم مصطفى ود المشرف
شكرا على مروركم الكريم ..
Post: #9 Title: Re: اهداف المريخ والشباب التنزاني في سيكافا Author: خليفة موسى حمدان Date: 06-29-2011, 04:53 AM Parent: #8
الجماعة ديل قالوا احسن نضوق قون الحضرى قبال ما يشتت ..
لو شفتوا فى لقطة الحضرى بتكلم مع باسكال كان بقول ليه لازم تراقب لى الباشا ومصعب اما مهاجمين الفريق التنزانى انا كفيل بيهم.. بعد النيران الصديقة هذه ,, الحضرى تانى كان ربطوه حيقطع ويشرد.. ضحكت حتى سالت دموعى بهجتى ..
Post: #10 Title: Re: اهداف المريخ والشباب التنزاني في سيكافا Author: جمال خضر Date: 06-29-2011, 07:49 AM
البدرى عبدالله عبد المجيد كيف أحوالك تفرقت بنا السبل وتشتتنا فى كافة البقاع هل ياترى سيكون هنالك لم لشملنا من جديد أم سنظل فى منافينا الى حين الممات والله معاناة ما بعدها معاناة على فكرة فى هذه اللحظة إتصل على فتح الرحمن عبدالواحد ليبلغنى أنه تقابل مع عادل توفيق على الماسينجر ويبلغك تحياته
دى فزورة على قولة أولاد بمبة فعلا فريق يسجل أربعة أهداف وتطلع المباراة تعادل غايتو الجماعة أخدوا خازوق فى الحضرى ومن قبله وارغو الراجل حل كل مشاكله المالية وحسى متخارج عقده الجماعة يبلو ويشربو مويتو