Post: #1
Title: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 04:43 PM
الكلام دا قالوا ود ابراهيم عوض في برنامج بقناة النيل الأزرق أستضافوا فيهو ناس حي العرب..
والغريبة أنو الناس ديل قاعدين في استديو الظاهر عليهو ما فيهو مكيفات لأنو كانوا عرقانيين
عرق شديد خلاص ..
والغريبة الأكبر أنو مقدم البرنامج يشيل ويقرقر لامن ضرسو العشرة وعشرين دااااك يظهر التقول ما شاعر
بالسخانة دي .
يتبع .......
|
Post: #2
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 04:45 PM
Parent: #1
ومن الكلام القالوها الناس ديل أنو أي بيت فيهو شاعر (أي بيت بلا إستثناء) دا غير الفنانين زي
ناس ابراهيم عوض والجماعة الكبار كبار ديل..
وكمان قالوا العلماء عندهم والطيارين والدكاترة والمهندسين وممكن في شارع واحد بس تلقي ليك عشرمية
عالم واللا طيار (سواق الطيارة ) واللا دكتور واللا حاجة كبيرة ..
لا وكمان المريخ والهلال ذاتم كان ما حي العرب ما كانوا ممكن يكونوا..
الحاجة الوحيدة الما عند ناس حي العرب هي رئيس الجمهورية بس ..
معناتا الناس ديل بدخلوا الجنة عديل كدا ..
يا ناس حي العرب الكلام دا صاح واللا ما غلط ...؟
يتبع ..
|
Post: #3
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 04:50 PM
Parent: #2
أنا شايف ناس الموردة أذكي ناس لأنهم جمب البحر وعندهم السمك ودار الرياضة والدايات
ولو قفلوا شارعم دا تاني إلا نمشي الاذاعة الاذاعة والتلفزيون عوم ..
يتبع ...... 
|
Post: #4
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 04:57 PM
Parent: #3
وتمبس شابكنا ليك خور ابو عنجة والتامبيرة والصنارة والصارقيل وفتة البوش والعوم بالبنطلون
وكرة الماء و..و..واتاريهو كان قايم بينا صداري ساي ولا من حي العرب ولا حاجة .
يتبع ...
|
Post: #5
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 05:01 PM
Parent: #4
وناس العرضتين شابكننا الهلال والمريخ والماعارف شنو أتاريهم أكلونا حنك ساي ..
يتبع ..
|
Post: #6
Title: Re: ناس حي العرب أم درمان أذكي ناس في السودان ..
Author: ABUHUSSEIN
Date: 06-25-2011, 05:10 PM
Parent: #5
لا يتبع و لا يحزنون
|
Post: #7
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 05:14 PM
Parent: #6
يا أبو حسين اتا من ود نوباوي واللا أب روف لانو لعامة الفي البورد دي ما لعامة زول ساكن
حي العرب ..
|
Post: #8
Title: Re: ناس حي العرب أم درمان أذكي ناس في السودان ..
Author: ABUHUSSEIN
Date: 06-25-2011, 05:20 PM
Parent: #7
يا طلحة أبوي من حي العرب
و الوالدة الله إرحمها من ودنوباوي
و أنا مولود في أمبده
و متزوج من العرضة
|
Post: #9
Title: Re: ناس حي العرب أم درمان أذكي ناس في السودان ..
Author: صبري طه
Date: 06-25-2011, 05:26 PM
Parent: #8
Quote: يا طلحة أبوي من حي العرب
و الوالدة الله إرحمها من ودنوباوي
و أنا مولود في أمبده
و متزوج من العرضة |
يا عمّك دة إنت ولاّ بص مواصلات ؟!
|
Post: #10
Title: Re: ناس حي العرب أم درمان أذكي ناس في السودان ..
Author: ABUHUSSEIN
Date: 06-25-2011, 05:31 PM
Parent: #9
| Quote: يا عمّك دة إنت ولاّ بص مواصلات ؟! |
|
Post: #11
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 09:12 PM
Parent: #10
ابو حسين
المهم اتا هسع ساكن حي الغرب واللا برة الحسبة الفوق دي ؟
عشان بس تاني نعرف نتفاهم معاك حسب مستواك ..
خلاص أم درمان دي بالنسية لينا بقت خشم بيوت وما في زول تاني يجىء يعمل لينا
فيها ود ام در والحركات دي حتي لو ساكن جوة الطابية ذاتو .
|
Post: #12
Title: Re: ناس حي العرب أم درمان أذكي ناس في السودان ..
Author: ABUHUSSEIN
Date: 06-25-2011, 09:29 PM
Parent: #11
طلحة ياخ أنا أمدرمان ذاااااتها
و بعدين نسيت أقول ليك إنو أنا درست الإبتدائي في حي العرب الإبتدائية
و المتوسط في حي العرب المتوسطة
و لو كانت في حي العرب الثانوية كان قريت فيها
ياخ أقول ليك حاجة كمل موضوعك بي راحتك
و تمبس دا أديهو على راسو لمن يآمن
ياخ دا أمس لهط البرتكان عصراً و البسبوسة ليلاً
|
Post: #13
Title: Re: ناس حي العرب أم درمان أذكي ناس في السودان ..
Author: محمد البشرى الخضر
Date: 06-25-2011, 09:38 PM
Parent: #12
شوف كمان عربي الجزيرة دا
داير تنظر في امدرمان ؟
|
Post: #14
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-25-2011, 09:48 PM
Parent: #13
يا أبو حسين أنا موضوعي خلاص كملتو ووصلت إلى أنو ام درمان هي حي العرب
وحي العرب هي أم درمان حسب ما سمعت من ود ابراهيم عوض الفوق دا ..
يبقي تاني ما بنعرف لا تمبس ولا خور أبو عنجة ولا درب التبانة ..
جرجير إتا كتا غاتس وين ؟
|
Post: #15
Title: Re: ناس حي العرب أم درمان أذكي ناس في السودان ..
Author: Dr Salah Al Bander
Date: 06-25-2011, 11:22 PM
Parent: #14
ام درمان هي حي العرب
وحي العرب هي أم درمان
|
Post: #16
Title: Re: ناس حي العرب أم درمان أذكي ناس في السودان ..
Author: شكرى سليمان ماطوس
Date: 06-26-2011, 04:15 AM
Parent: #15
أخى / طلحة عبدالله ،
يسعد صباحكم(بتوقيت حى العرب) ...
بالإشارة للحلقة مرجعكم لعنوان البوست ،،،
تصدق ناس حى العرب زعلانين كتير مما لم يقل فيها
و بكل إحترامهم لمن مثلوها لكن فى الجعبة أثمن و أفصح و أبين !!!
كتبت:
Quote: الحاجة الوحيدة الما عند ناس حي العرب هي رئيس الجمهورية بس ..
|
فعلاً لأن رئاسة الجمهورية التى عرفها السودان هى رمز للنظم الشمولية و الديكتاتورية
وحى العرب براء من نظم الفرد و التسلط و الإقصاء ...
كدى راجع تاريخ السودان حين يتحدث عن الإستقلال و رفع العلم و السودنة و البرلمان المنتخب
أسأل عن محمد صالح الشنقيطى* وركز على فروعه
ستجد بأن لحى العرب نصيب فى رفع علم السودان بالحسب و النسب و المصاهرة ...
(شارع الشنقيطى : نسبة لمحمد صالح من أعرق و أهم شوارع حى العرب) !!!
وحى العرب هى أدرمان
الى أن قال عبدالله محمد زين (ود حى العرب)
أنا السودان ... أنا الدر البزين ولدى ...
فوتناك بعافية
* السيد/ محمد صالح الشنقيطى : نسيب السيد /إسماعيل الأزهرى !
وقع ليك الكلام !!
ش
|
Post: #21
Title: Re: ناس حي العرب أم درمان أذكي ناس في السودان ..
Author: مازن فيصل هلال
Date: 06-26-2011, 08:35 AM
Parent: #16
دا الكلام الدخل البلد دي كلها في الدوامة الفيها دي - ناس فرض الثقافة الاحادية فرض علينا انحنا الما ناس امدرمان (يعني تفتح الشروق تلقي حسين خوجلي هناك شابكنا امدرمان امدرمان , تفتح النيل الازرق تشوف و تسمع العجب عن ام درمان -ناس اولاد امردمان اذكي ناس و ما عارف ايه و العالم دا من امدرمان و اللاعب دا من امدرمان و الدكتور من امدرمان و الشاعر من امدرمان وووووو و كلو من ام درمان !!!!!!!!
خلاص نبطل نشوف قنواة سودانية !
--------------
اقترح انو يحول اسم قناة النيل الازرق الي النيل الأبيض
|
Post: #17
Title: Re: ناس حي العرب أم درمان أذكي ناس في السودان ..
Author: طلحة عبدالله
Date: 06-26-2011, 07:52 AM
Parent: #15
يا دكتور صلاحQuote: ام درمان هي حي العرب
وحي العرب هي أم درمان
|
خلاص يعني نقرط على كدا ؟
|
Post: #18
Title: Re: ناس حي العرب أم درمان أذكي ناس في السودان ..
Author: فايزودالقاضي
Date: 06-26-2011, 08:11 AM
Parent: #17
اول مرة اسمع بحي العرب امدرمان دي !!! ..وين من نادي المريخ ؟!!!
لكن بعرف حي العرب في كسلا وهو الحى الذى تحرك منه قطار الشرق الشهير لدعم ثورة اكتوبر ...وبعرف حي العرب فريق بورسودان الغلب الهلال ....
|
Post: #19
Title: Re: ناس حي العرب أم درمان أذكي ناس في السودان
Author: طلحة عبدالله
Date: 06-26-2011, 08:29 AM
Parent: #17
سلامات يا شكري
هاك دي :
حي العرب منارة العلم والأدب
ليها المجد مال وإقترب
الخ ........
|
Post: #20
Title: Re: ناس حي العرب أم درمان أذكي ناس في السودان
Author: طلحة عبدالله
Date: 06-26-2011, 08:33 AM
Parent: #19
Quote: بكل إحترامهم لمن مثلوها لكن فى الجعبة أثمن و أفصح و أبين
|
ياشكري هو لسه فضل حاجات في الجعبة ..؟
|
Post: #22
Title: Re: ناس حي العرب أم درمان أذكي ناس في السودان
Author: طلحة عبدالله
Date: 06-26-2011, 08:37 AM
Parent: #20
يا ود القاضي
حي العرب أم درمان أشهر من نار على علم
وبصراحة كدا أرجي الراجيك من العرباويين ديل ..
............
ملاحظة مهمة :
المداخلات والردود على مسؤولية أصحابها دون ادني مسؤولية لصاحب البوست ..
|
Post: #23
Title: Re: ناس حي العرب أم درمان أذكي ناس في السودان
Author: فايزودالقاضي
Date: 06-26-2011, 08:43 AM
Parent: #22
| Quote: المداخلات والردود على مسؤولية أصحابها دون ادني مسؤولية لصاحب البوست .. |
شنو يااخوى تتصل على وتقول لي ادعمني في البوست واقيف معاى ، وبعد داك تقول المداخلات على مسؤولية اصحابها .. هل ده كان اتفاقنا ؟!!!
لكن جد انا مابعرف حي العرب وبالتأكيد ده مابقلل مني ولا من اطلاعي وثقافتي بقدر مايوضح عدم حظوظيتها لعدم معرفتي بها ..
|
Post: #24
Title: Re: ناس حي العرب أم درمان أذكي ناس في السودان
Author: طلحة عبدالله
Date: 06-26-2011, 08:47 AM
Parent: #23
يا ود القاضي يا جبنة الدويم
دا ما بحلك فإتحزم ساي بدون بلبطة
|
|