Post: #1
Title: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: صلاح غريبة
Date: 06-25-2011, 12:12 PM
سوداني نت - وكالات:
طردت الخطوط الجوية الفرنسية «إير فرانس» موظفة يُرجَّح أنها سودانية مقيمة في
واشنطن تُدعى ريهام عثمان بسبب رفضها خلع الحجاب، ودعا مجلس العلاقات الأمريكية
الإسلامية «كير» الشركة الفرنسية «إير فرانس» إلى الاعتذار للموظفة المسلمة
عمّا تعرضت له في مطار دالاس بواشنطن، وقال متحدث باسم «إير فرانس»
فضّل عدم الكشف عن هُويته إن الشركة تحقق حالياً في القضية ولم يُعطِ
إيضاحات إضافية، وقالت الموظفة إنه طُلب منها مطلع يونيو الجاري
خلع حجابها بموجب القانون الذي فرضته الشركة حول اللباس، وبعد أن
رفضت ذلك طُردت فورًا من العمل، بدورها قالت ريهام عثمان إنه عندما
طُلب منها خلع الحجاب رفضت لأنها فخورة بدينها ولأن الحجاب عزّة للمرأة.
|
Post: #2
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: سيف النصر محي الدين
Date: 06-25-2011, 04:19 PM
Parent: #1
يعني الخطوط الفرنسية لما عينوها ما كلموها أنو المضيفات عندهم يونيفورم معين
و للا قالوا ليها البسي على كيفك و بعدين اتراجعوا ؟
ثم كدي خلي الحجاب على جنب شوية..إذا راكب طلب منها ويسكي كانت بتعمل شنو؟
بتجيبو ليهو وللا بتتحجج بأنها محجبة و الكلام ده ما يصحش؟
خبرك ده يا غريبة ما راكب عدلو.
|
Post: #3
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: معتصم محمد صالح
Date: 06-25-2011, 04:57 PM
Parent: #2
| Quote: إذا راكب طلب منها ويسكي كانت بتعمل شنو؟ |
سؤالك منطقي يا دكتور ..
خليها الفرنسية العديييل دي .. والله الاماراتية الواحدة دي الجماعة بشفّطوا ليك فيها حاجات عجيبة شي فودكا وشي ريد واين وفتايل صغار صغار كده الواحد يشفطا ليك وطوالي يغير ليك الموجة ..
وطبعا في البزنس كلاس قعدتك كده يجيبوا ليك اللستة بتاعت الافلام دي براها .. ولستة الاكل والشراب براها ..
|
Post: #4
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: سيف النصر محي الدين
Date: 06-25-2011, 05:10 PM
Parent: #3
| Quote: كده الواحد يشفطا ليك وطوالي يغير ليك الموجة |
يا معتصم اوعى تكون ركبت رأسك و شفطت معاهم!
|
Post: #5
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: Afraa Sanad
Date: 06-25-2011, 05:11 PM
Parent: #3
يا سيف قول بسم الله قالوا موظفة ما مضيفة...
عموما سلوك مرفوض و لا يقل بشاعة عن سلوك حكومتنا التي في عهد التمكين فرضت الحجاب على القبطيات
|
Post: #6
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: سيف النصر محي الدين
Date: 06-25-2011, 05:23 PM
Parent: #5
| Quote: يا سيف قول بسم الله قالوا موظفة ما مضيفة... |
كان كدي يا عفراء خليني اتقدم باعتذاري للباشمهندس غريبة و للأخت التي ظلمتها الخطوط
الفرنسية و دعواتنا لها بالتوفيق.
انا لفحت الكلام و عميت تماما من كلمة موظفة و قريتها مضيفة.
|
Post: #7
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: معتصم محمد صالح
Date: 06-25-2011, 05:28 PM
Parent: #6
وانا برضو بعتذر للبت اولا ولصلاح غريبة تانياً .. ولدكتور سيف برضو
|
Post: #8
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: قلقو
Date: 06-25-2011, 05:40 PM
Parent: #7
Quote: وقالت الموظفة إنه طُلب منها مطلع يونيو الجاري
خلع حجابها بموجب القانون الذي فرضته الشركة حول اللباس، |
ولماذا لاتلتزم تلك الموظفة او المضيفة ايا كان موقعها بقوانين الشركة؟
|
Post: #9
Title: Re: الخطوط الفرنسية تطرد موظفة ( يُرجَّح أنها سودانية) بسبب الحجاب
Author: Abureesh
Date: 06-25-2011, 05:46 PM
Parent: #7
أولا حكايـة أعتز بدينى هـذه دعاية سياسيـة للإسلاميين.
ثم منظمـة كيـر هنا لا مكان لهـا سوى أنها فقط تريد الدعاية لنفسهـا أيضـا.
هـذه الحادثة وقعت فى امريكا، إذا القانون الأمريكى هو الذى يسـود وليس القانون الفرنسى، وفى
القانون الأمريكى أى إنسـان حر فى ما يلبس.. وأى نوع من اللبس برضو اسمـه لبس، أما اسلامى
وهندوسى ويهودى هـذه ليست تسميات قانونية.. وقبل عدة سنوات فصل مطار DFW فى تكساس بنتين
سودانيتين بسبب الحجاب، ورفعتا قضيـة تمييز عادية فى المحاكم وحكم لهن بتعويضات أغنتهن عن أى عمل
ما دمن فى امريكا.. هكذا ببساطـة.. لم تذهبا لكير، ولم تبشـرا بإعتزازهن بالإسلام او غيره,, رفعن
قضية تمييـز حسب القانون الأمريكى وكسبنهـا.
المتاجــرة بالدين... متى تنتهى؟
.
|
|