الانبووووووووووووووووب....!!!

وعلت العجاجة البشيرية ودخلت الانابيب النفطية الخشوم الانقاذية واسواق السمسرة في سوق ورجغة السودان السياسية والاقتصادية وايضا لنا ان نقول الاستراتجية..
هنا سنسافر عبر الانابيب الناقلة للنفط في السودان الكبير سابقا والذي تمخض سيصبح سودانان ما بينهم ابار نفطية وانابيب حاملة وناقلة للنفط شمالا..
-طولها ومواصفاتها
-مساراتها
-سعتها التصميمة
- الحقول التي تخدمها تلك الانابيب
- ومحاولة روية مستقبل هذه الانابيب والمواسير الماهولة المجدعة تتهادي في تراب الله اكبر دي...
وايضا قد ندلف الي الخيارات المتوقعة لحكومة الجنوب,,

Quote: طولها ومواصفاتها -مساراتها -سعتها التصميمة - الحقول التي تخدمها تلك الانابيب - ومحاولة روية مستقبل هذه الانابيب والمواسير الماهولة المجدعة تتهادي في تراب الله اكبر دي... وايضا قد ندلف الي الخيارات المتوقعة لحكومة الجنوب,,

هلا ياهندسة ..

شخصيا اود ان اعرف الناحية الفنية فى الامر ...لذلك ساتابع
باهتمام هذا البوست ..وايضا اتمنى ان تتطرق لامكانية ان تشق
الانابيب الاراضى اليوغندية والكينية عبورا ..وماهو المتعارف
عليه من اتفاقيات فى مثل هذه الحالات ؟

كأن نيفاشا هذه هبطت على الكيزان من السماء ..اتفاقية موقعة
من قبل اربعة اعوام ..الكل يعلم بماذا تنتهى الا حكامنا
الذين كانهم افاقوا فجاة على حقيقة نيفاشا ..ضيعوا موارد
البلاد وجففوا زرعها وضرعها ووضعوا كل بيضهم فى سلة البترول
وتنازلوا عنه فى نيفاشا طائعين مختارين ..,والآن يولولون
ويضيعون وقت البلاد والعباد فى عنتريات لن تقتل ذبابة ...

يا ههندسة خلعتنا بالعنوان دة
انا قايل عندك بواسير ياخي

GNPOC pipelin




مصمم لخدمة الحقول 1 و2 و4
بطول1600 كيلو متر
بقطر 28 بوصة
وسعة يومية تعادل ال500 الف برميل في اليوم
منطلق من هجليح حتي للميناء في نواحي البحر الاحمر
6 محطات في الطريق ويمر عبر الابيض ومن ثم الجيلي للتكرير

Quote: وايضا اتمنى ان تتطرق لامكانية ان تشق الانابيب الاراضى اليوغندية والكينية عبورا ..وماهو المتعارف عليه من اتفاقيات فى مثل هذه الحالات ؟

هلا والفين غلا
اليوغندية والكينية وكمان ممكن الجنوبين لو الامور اتيسرت معاهم يخترقو اثيوبيا صوب كينيا
واثيوبيا صوب ارتريا في نواحي (مصوع).... فالناس ديل عندهم امكانية لعدد 2 ميناء وان كان هذا العمل يحتاج الي شغل دبلوماسي كبير
ويحتاج الي تطمينات هندسية واقتصادية... فارض الله واسعة ومشاققتها بانبوب ما حاجة اردب سمسم كثير كده لو اتلقت الفكة....

وحنديك الامر ده كاش بشروحاته

Quote: يا ههندسة خلعتنا بالعنوان دة انا قايل عندك بواسير ياخي

هلا يا اركلوجي
وابرررررا انا يا ابو الطرق من البواسير مع سخانة الدوحة دي لووووووووووول


واشواقي يا يااخ

يصادف يوم 9 يوليو من كل عام الاحتفال بيوم (الروب) العالمى ..من هنا ولقدام




تحياتى كى كى

Quote: 6 محطات في الطريق ويمر عبر الابيض ومن ثم الجيلي للتكرير

محطة الضخ الاولى : هجليج
محطة الضخ التانية:الدلنج
محطة الضخ التالتة:ام سيالة
محطة الضخ الرابعة:الجيلي
محطة الضخ الخامسة:الهودي (شمال شرق عطبرة)
محطة الضخ السادسة:هيا

بلغت تكلفة انشاء خط الانابيب حوالي 70% من راس المال المرصود لانشاء شركة النيل الكبرى للبترول و التي كانت مكونه من 4 شركاء
سي ان بي سي الصينية 40%
بتروناس الماليزية
تالسمان الكندية
سودابت السودانية 5%
في عام 2004 باعت تالسمان الكندية نصيبها (البالغ حوالي 25%) ل او ان جي سي الهندية ب 720 مليون دولار
يعني بحساب تقريبي كلف هذا الخط حوالي 2 مليار دولار

Quote: يصادف يوم 9 يوليو من كل عام الاحتفال بيوم (الروب) العالمى ..من هنا ولقدام

هلا يا طوربيد
ويوم 9 -يوليو فعلا يوم كارثي وعجيب وغريب
والانقاذ مافي ليها طريقة الا تقول الرووووووووب وهذا ما حنشوفه في هذا الامر الانبوبي
حبة حبة

Quote: يعني بحساب تقريبي كلف هذا الخط حوالي 2 مليار دولار

هلا يا فتحي وحبابك شديد يااخ
والف شكر علي المعلومات الاساسية والمهمة
و2 مليار دولار من قروش وموارد هذا البلد في مهب الرياح وهي موجدات صممت ونفذت لاداء مهمة معينة
والان المصدر الذي يغذي هذا الانبوب ويجعله في الخدمة بالصورة الاقتصادية القصوي مهددة وفي مهب الريح
وقد يتحول هذا الانبوب من نعمة الي نغمة,, ولاعادته الي كفاته الاقتصادية الامر يحتاج الي جهد كبير
وشغل سنين عديدة....واخاف ان يتحول الي (انبوب خردة) ..

وكن بالجوار يا فتحي سيحلو السفر والحديث
وكل الود

سلام كيكي

الأنبوب ليس أنبوبا واحدا ولكنها عدة أنابيب....وأثنان منهما
يبدأن في أراض حنوبية ويمران في اراض الشمال والآنبوب الرئيسي
والذي لفت الانتباه الان هو الخط المار من هجليج الي بورتسودان
أتمني ان تمدنا بخرائط الانابيب الاخرى لو امكن ذلك

Quote: خطوط أنابيب البترول: خط أنابيب (هجليج بشائر): الطول (1610 كلم، القطر: 28 بوصة). خط أنابيب (عدارييل – بشائر): الطول (1500 كلم، القطر: 32 بوصة). خط أنابيب (الفولة – الخرطوم): الطول (720 كلم، القطر: 24 بوصة) خط أنابيب صادر المنتجات (الخرطوم – بورتسودان): الطول 0815 كلم، القطر: 8 بوصة) خط أنابيب الريان: (الجيلي – بورتسودان) الطول (734 كلم، القطر: 12 بوصة)

المصدر: http://www.sudanway.sd/government_ministories_energy.htm

وقد ورد الخبر الانتي في الشروقىب تاريخ اليوم 22 يونيو 2011م

http://www.ashorooq.net/index.php?option=com_...0-07-04-03&Itemid=27

Quote: تم اليوم بوزارة النفط توقيع اتفاقية أيلولة خط أنابيب البترول لمربعات (1-2-4) العالقة منذ العام 2006م بين الحكومة السودانية والشركاء في قطاع النفط وهم شركة cnpc الصينية وشركة ongc الهندية، وشركة بتروناس الماليزية. واتفق الجانبان على أن تؤول نسبة 70% لصالح الحكومة السودانية و30% للشركاء حتى الأيلولة الكاملة في العام 2014م، كما يدفع الشركاء نسبة 70% للحكومة السودانية بأثر رجعي من العام 2006 حتى 2010م. وأشاد وزير النفط د. لوال دينق بروح التعاون بين الشركاء في قطاع النفط متمنين التقدم والازدهار في صناعة النفط.

شفت الكلام بالاحمر ده بيؤكد لي معلومة من مصدر موثوق: ان الحكومة السودانية عندما وقعت
عقود الانابيب كان هناك شرط (CLAUSE) بانتقال او أيلولة المداخيل(او 70%) للسودان ب (لاحظ الكلام الجاي) دفع
قيمة تكلفة الانابيب كاملة او بحلول 2015 م(غير متأكد) او أبعد (الأجلين) وتمسكت الشركات باستمرار العمولة لابعد الاجلين
وهو 2015 رغم ان قيمة التكلفة قد دفعت (شفت المحن)
وحسب تلك الافادات فان الخط فد تم استكمال دفع قيمته منذ 2010 م ولكن لان الشركات و الصين تمسكت بنص الاتفاقية(ال غ بي)
والذي في مصلحتهم وضرر السودان وهو استلامهم لتكاليف بناء الانبوب والاستمرار في أخذ 70% بدلا من 30%الي 2010 ...
وكأن من صاغ العقد من الجانب السوداني لا يفهم انجليزي (لاحظ أن كل العقود والمعاملات في صناعة النفط تتم
بالانجليزي فقط) وهكذا نكون نحن كشعب بندفع في أخطاء مسؤولين وموظفيين يعتبرون فاقد تربوي...وهكذا وندفع للشركات
اموالا طائلة بغلطة موظفيناز
واتمني ان يكون قد تم التوصل لحل لتلك المعضلة(وكاني ارى ذلك قد حدث الان لان الشركات ستدفع 70% للسودان باثر رجعي
لما بين 2006 و2010م ونتمنى الا يذهب هذا المبلغ لجيوب الحرامية والنهابون"على الطريقة الاسلامية"

Quote: وكأن من صاغ العقد من الجانب السوداني لا يفهم انجليزي (لاحظ أن كل العقود والمعاملات في صناعة النفط تتم بالانجليزي فقط) وهكذا نكون نحن كشعب بندفع في أخطاء مسؤولين وموظفيين يعتبرون فاقد تربوي...وهكذا وندفع للشركات اموالا طائلة بغلطة موظفيناز واتمني ان يكون قد تم التوصل لحل لتلك المعضلة(وكاني ارى ذلك قد حدث الان لان الشركات ستدفع 70% للسودان باثر رجعي لما بين 2006 و2010م ونتمنى الا يذهب هذا المبلغ لجيوب الحرامية والنهابون"على الطريقة الاسلامية" (عدل بواسطة Mohamed

هلا يا ود البشري وحبابك شديد يااخ
ودوما تاتينا ويدك ملانة بالمعرفة والمعلومات المهمة في امر بترولنا السوداني..
والانابيب خطوطها فعلا كثيرة ومتعددة...وان كانت الاضواء فعلا هذه الايام تذهب صوب الانبوبين الكبار الساحبات بترول البلوكات الجنوبية الي بشاير مرورا بالجيلي شمال الخرطوم.. ولكن حتما من الضروري ان ندلف ونجيب خرط لكل الانابيب في الارض السودانية الساحبة للبترول ...وخلينا نشوووف ايشششششش لون علي قولة اهل الخليج..
وما اوردته في امر التعاقد والانبوب وسطوة الجربندية في امر هذا المورد الوطني المهم لهو امر محزن وموسف وخطير...
وحتي يا محمد تصميم البنية التحتية في السودان قائم علي الهبتلي واهو قدامنا قروش تقارع الخمسة مليار دولار و(است) مهم واستراتيجي زي الانبوين ديل ممكن براااحة يكونو قاعدات ساااااااكت كمساكن للحيوانات البرية وخرابات ان لم يجد الامر المسئولية والقرار الذي يحترم ويقدر موارد ومصالح السودان الحقيقية البعيدة كل البعد من المماحكة والاستهبال الكيزاني والسمسرة في زمانات نيفاشا...
وكن بالجوار حتي يحلو السفر والحديث في هذه الكارثة الوطنية الحقيقية

PDOC pipeline
منطلق من بلوك 3 و7
وهي بلوكات جنوبية وبطول 1400 كلم وقطر 32 بوصة
6 محطات...

Quote: والانقاذ مافي ليها طريقة الا تقول الرووووووووب

( وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ )

صدق الله العظيم

كيكي

نحن معنا الله سبحانه وتعالى ....

اركز ....

Quote: ( وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ )

صدق الله العظيم..
وكدي ناسك ديل يا ود الباوقة في البداية يامنو ويتقو الله وبعدين تعال جيب الاية الكريمة دي
لانو عمايل الانقاذ دي لا عمايل ناس مومنين ولا متقين الله ولابعرفو الله زاااتو دربو وووين
قتل
فساد وسرقة قروش الشعب
ابادة
وورجغة تقيلة وافقار حقيقي وافساد لامور البلاد والعباد
----------
كلام الله سمممممممح شديد يا ود الباوقة لكن ناسك ديل لا قدرو ولاجايين جنبو
وعشان كده الرب حيزيدهم في عذابه وياخد منهم حق الغلابة ده كاااششششششش
بس سووووووي صبر

Quote: وقد يتحول هذا الانبوب من نعمة الي نغمة,, ولاعادته الي كفاته الاقتصادية الامر يحتاج الي جهد كبير وشغل سنين عديدة....واخاف ان يتحول الي (انبوب خردة) ..[/QUOT الاخ الكريم كيكي المصائب لا تاتي فرادا ماكيات الضخ التي هي قلب هذا الانبوب صنعتها شركة رولزرويس الانجليزية التي خرجت كليا من السودان عام ٢٠٠٨ تبعا لسياسة المقاطعة الاقتصادية مخلفة ماكينات استهلكت لمتوسط عشرة سنوات و بدأت تطلب قطع الغيار الممنوعة عنها

---

Post: #18 Title: Re: الانبووووووووووووووووب....!!! Author: محمد عبدالرحمن Date: 06-22-2011, 07:34 PM Parent: #17 بوست ملااان معرفة ومعلومات ..التحية للقائمين على الامر .. ونتابع ..

---

Post: #19 Title: Re: الانبووووووووووووووووب....!!! Author: khaleel Date: 06-23-2011, 05:43 AM Parent: #18 هلا بالناشط في مجال البترول اخونا عبدالكريم زكي يماني وماذا عن شروط البشير التلاتة نصف البترول الضرائب باسعار عالمية ام قفل الانبوب

---

Post: #20 Title: Re: الانبووووووووووووووووب....!!! Author: جمال المنصوري Date: 06-23-2011, 06:09 AM Parent: #19 الحبيب / عبد الكريم تحياتي جرت العادة ان اي خط يمد للغرض التنموي ان تتبعة خدمات مساندة، اها يا الحبيب عايزين ناخد منك مقاولة الخدمات المساندة وكده.. موافق.؟ شكرا علي الموافقة.. عارف يا كيكي هناك خيارات في يد الحركة الشعبية وكروت مساومة لو استخدمت ضد حكومة المؤتمر الوطني ستكون مؤلمة جدا جد واثرها علي المدي البعيد سيكون شديد القسوة علي الاقتصاد السوداني، واول هذه الخيارات: 1- ان تسقط حكومة الجنوب البترول من حساباتها: وده بسيط جدا،فالحركة حتي نهاية العام الحالي تتوفر لها موارد ميزانية العام 2011 من حيث قيامها بواجباتها حيال دفع رواتب موظفي القطاع العام ، والعسكرولن تتأثر كثيرا من غياب البترول، كما يمكن للحركة الاطلاع و الاستفادة من تجارب بعض الدول التي استقلت حديثا ولا تتمتع بموارد اقتصادية هائلة، وبعضها في حكم الدول الافقر في العالم، واستطاعت ان تشق طريقها وتحتفظ بأستقلالها، دون ان تفشل في استمراريتها، ولناخذ (ارتريا نموذجا) فارتريا لا تتمتع بموارد اقتصادية كثيرة، وبعيد استقلالها عن اثيوبيا استطاعت ان تخوض حربين وهي في طور الانشاء وتكسبهما، احداها ضد اثيوبيا نفسها، والأخري ضد اليمن، احتلت بموجبها بعض جزر باب المندوب ولم تستطع اليمن استردادها الا عبر التحكيم الدولي، وهناك تيمور الشرقية (الأفقر عالميا من ناحية الموارد) استطاعت الحفاظ علي استقلالها عن انونيسيا دون ان يصاحبها فشل اداري . 2- الأمتناع عن المشاركة في خدمة الدين العام: من المعلوم ان ديون السودان الخارجية وخدماتها من فوائد واقساط تشكل عبئا كبيرا وعامل ضغط مهم علي الحكومة السودانية ، والحكومة في مباحثاتها مع الدائنين ستحاول ان تلغي هذا الدين وبالعدم اقتسامه مع حكومة الجنوب، وفي حالة عدم تعاون الحكومة السودانية مع حكومة الجنوب في مجال النفط والوصول الي حلول مرضية للطرفين ستمتنع حكومة الجنوب عن المشاركة في دفع هذا الدين، وعندها ستطون دولة جديدة لنج (كرت منشأة) وستتمتع بوضع افضل في مجال الاقتراض الخارجي لتمويل المشاريع وتوفير السلع الضرورية. 3- طباعة عملة ورقية جديدة: يمكن لحكومة الجنوب ان تطبع عملتها الخاصة وبذلك تتحول الاحتياطات الهائلة من العملة السودانية التي اودعت في فرع البنك المركزي بوجبا من قبل السلطات المركزية في الخرطوم، وتلك المتداولة بين المواطنين الي عملة اجنبية، ودي يمكن الاستفادة منها بصورة اوسع في احداث خلل في الأقتصاد الشمالي، اذ يمكن لحكومة الجنوب ان تشجع تجارة الحدود من جانب واحد وأن تستخدم في ذلك عملة الشمال نفسه، وان تشجع ذلك بتقديم اسعار تفضيلية للسلع الواردة من الشمال، المر الذي سيشجع المهربين علي استغلال طول الحدود المشتركة والتي يصعب مراقبتها بدقة، وهو امر سيجعل ميزان تدفق السلع الاستراتيجية يميل باتجاه الجنوب ، وسيعاني الشمال من نقص في هذه السلع وسيرفع اسعارها بصورة تجعل من الصعب الحصول عليها شمالا. 4- دخول الصين في خط المتضررين وعواقبه: هذا الموقف سيجعل الصين اكبر المتضررين من موقف الحكومة السودانية وعندها سيفقد السودان الشمالي واحدا من اكبر حلفائه ومووليه، وهذا له ما بعده. دي بعض الخدمات المساندة لحين تقدم مسار الخط مودتي

---

Post: #24 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 07:32 AM Parent: #20 Quote: جرت العادة ان اي خط يمد للغرض التنموي ان تتبعة خدمات مساندة، اها يا الحبيب عايزين ناخد منك مقاولة الخدمات المساندة وكده.. موافق.؟ شكرا علي الموافقة.. عارف يا كيكي هناك خيارات في يد الحركة الشعبية وكروت مساومة لو استخدمت ضد حكومة المؤتمر الوطني ستكون مؤلمة جدا جد واثرها علي المدي البعيد سيكون شديد القسوة علي الاقتصاد السوداني، واول هذه الخيارات: هلا ياابو جمال وشكرا جزيلا علي ال(post support) وده اوفر حنوافق عليهو جاريين جري كونها اضافات ملهمة توضح ملامح عنق الزجاجة التي دخل فيها هذا النظام وحنوافق عليها ونجري عليها جرررري مثلما سيجري بني كوز الي التهدئة والخضوع اذا ما لوحت الحركة الشعبية بهذه الحزمة التي اوردتها فهي قادرة في كل نقاطها الثلاثة علي ادخال الانقاذ في (جحر ضب).. 1-اسقاط البترول 2-الامتناع من المشاركة في الدين العام 3-طباعة عملة ورقية جديدة... كل جزئية قادرة علي سحب الكثير من الاوراق التفاوضية من ايادي الموتمر الوطني وحتزيد من الازمة الاقتصادية الخربانة اصلا... وضف علي ذلك ايضا سحب الجنوب بكلياته كسوق اقتصادي لمنتجات الشمال.. فقد قيل بان الجنوب هو اكبر سوق للمنتجات الشمالية... وتحياتي يا جمال وشكرا علي الحضور والافادات العميقة

---

Post: #23 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 07:18 AM Parent: #19 Quote: وماذا عن شروط البشير التلاتة نصف البترول الضرائب باسعار عالمية ام قفل الانبوب هلا يا خلي وحبابك يا استراتيجي والبشير ده لو قفل الانبوب تاني(كلكات ايوتا ما تحلهم)لووووول من الانهيار الاقتصادي واعلان الافلاس الدولي.. نصف البترول مافي ليهو طريقة وممكن يصلو لتعاقد ايجار ويلقفو ليهم كم مليون كده تعشيهم شوية الضرائب باسعار عالمية حتجيب الهواء والتذمر والانتفاضات والكركبة ودي الجزئية التي يخافها البشير ورهطه.. بش بش يا خلي في ورطة تاريخية وانفصال الجنوب سيحمل بكل اسف للارض السودانية اخبار مش كويسة... ولو ياها طريقة (حنقفلو ) وح نسمكرو الموضوع حيكون بايظ بوظ السنين..

---

Post: #22 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 06:53 AM Parent: #18 Quote: بوست ملااان معرفة ومعلومات ..التحية للقائمين على الامر .. ونتابع .. هلا هلا والله وسليمان طاحونة يحيك علي الحضور والقرفصاء في حضرة هذا البوست وياريت كمان تجدعو لينا جدعات اقتصادية في امر هذا السودان الفضل وبتروله الذي صارت انابيبه تحت رحمة (بودرة كف العفريت)

---

Post: #21 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 06:50 AM Parent: #17 Quote: المصائب لا تاتي فرادا ماكيات الضخ التي هي قلب هذا الانبوب صنعتها شركة رولزرويس الانجليزية التي خرجت كليا من السودان عام ٢٠٠٨ تبعا لسياسة المقاطعة الاقتصادية مخلفة ماكينات استهلكت لمتوسط عشرة سنوات و بدأت تطلب قطع الغيار الممنوعة عنها هلا يا فتحي وحبابك وفعلا المصائب لاتاتي فرادا والتخطيط الضيق الافق وسياسة رزق اليوم باليوم سيدخل هذا الوطن وتحت مظلة هذه السلطة في مشاكل وبلاوي ومصايب عويصة وهذه الانابيب وان تم التعامل مع امرها بهذه الطريقة البشيرية فحتما سوف ينعق فيها البوووم وستكون (اكبر ماسورة) في الارض السودانية حتي تتحالف وتتكامل مع المواسير الاخري من سوق مواسير ومن حكومة الوزراء والخبراء المواسير وتحياتي

---

Post: #25 Title: Re: الانبووووووووووووووووب....!!! Author: Hamid Elsawi Date: 06-23-2011, 08:22 AM Parent: #21 كالعادة متابعة بصمت لضيق الوقت YOU ARE SPEAKING ABOUT THE RISK MANAGEMENT IN THE OIL AND GAS OPERATION WHICH IS A VERY IMPORTANT SECTOR OR FACTOR BUT .....B الحسابات صعبة في بلد زي السودان مش عشان السودان لكن عشان حاجات كثيرة منها العلمي و السياسي و الديني و الاثني و الاقتصادي ووو الخ فعلي المستوي العلمي ما هي النجاجات؟ علي المستوي السياسي ما هي النجاحات؟ علي المستوي الاثني ما هي النجاحات؟ علي المستوي الاقتصادي ما هي النجاحات؟ أما المستوي الديني فالفشل حتي في تطبيق حدود الله الجلد مثلاً للنساء و الرجال خلينا نتابع معاكم المستوي العلمي و الماضي المسلوب و الحاضر المؤلم و المستقبل المظلم لو استمر الحال لك عبد الكريم و لضيوفك بالبوست الف تحية

---

Post: #26 Title: Re: الانبووووووووووووووووب....!!! Author: محمد الأمين موسى Date: 06-23-2011, 08:57 AM Parent: #25 سؤال يا كيكي: هل يمكن - تجاوزنا تسمية خط الأنانبيب بخط المواسير، خاصة من لدن سكان الفاشر وما جاورها؟؟!

---

Post: #27 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 09:24 AM Parent: #25 Quote: لضيق الوقت YOU ARE SPEAKING ABOUT THE RISK MANAGEMENT IN THE OIL AND GAS OPERATION WHICH IS A VERY IMPORTANT SECTOR OR FACTOR BUT .....B الحسابات صعبة في بلد زي السودان مش عشان السودان لكن عشان حاجات كثيرة منها العلمي و السياسي و الديني و الاثني و الاقتصادي ووو الخ فعلي المستوي العلمي ما هي النجاجات؟ علي المستوي السياسي ما هي النجاحات؟ علي المستوي الاثني ما هي النجاحات؟ علي المستوي الاقتصادي ما هي النجاحات؟ أما المستوي الديني فالفشل حتي في تطبيق حدود الله الجلد مثلاً للنساء و الرجال هلا يا الصاوي وحبابك يا هندسة وشوق مقيم ياااخ ونعم انها (الرسك وادارة المخاطر) والتفكير الاستراتيجي المكوجن يا حامد الذي يحعل موارد وبينات البلد قاعدة في الصقيعة بعدما صرفو فيها دم قلب هذا السودان الفضل وشعبه الملغوب علي امره... انها دولة فاشلة يا حامد علي كل المستويات وكل شي تهبشو في هذا السودان تجده في ازمة مزمنة ومعضلة حقيقية.. وكل الاشواق وكن بالجوار سيحلو السفر والحديث

---

Post: #28 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 09:56 AM Parent: #27 Quote: سؤال يا كيكي: هل يمكن - تجاوزنا تسمية خط الأنانبيب بخط المواسير، خاصة من لدن سكان الفاشر وما جاورها؟؟! هلا يا محمد وتحياتي ويااخ راسنا داش من المواسير المالية البلد ملي.. ومواسير في كل مكان وزمان انقاذي.. حكومة مواسير خبراء مواسير وزراء مواسير اسواق مواسير بترول مواسير اقتصاد مواسير نيفاشا مواسير انفصال مواسير كلو كلو مواسير والخواف نسميهوخط مواسير وتختلط علينا المواسير ونعتقد باننا نتحدث عن عثمان كبر واخريين

---

Post: #29 Title: Re: الانبووووووووووووووووب....!!! Author: محمد عبدالرحمن Date: 06-23-2011, 10:22 AM Parent: #28 Quote: حكومة مواسير خبراء مواسير وزراء مواسير اسواق مواسير بترول مواسير اقتصاد مواسير نيفاشا مواسير انفصال مواسير كلو كلو مواسير ياسلام ياسليمان ياخ ..

---

Post: #30 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 10:53 AM Parent: #29 Quote: ياسلام ياسليمان ياخ .. لاتقل يا سسلام يا سليمان ياخ بل قل يا سسلام يا سليمان طاحونة ياااخ صحبك ابو خليل الليلة من الصباح لصقنا ليهو لقب (عمر قمبو) وعمر قمبو هذا للذين لا يعرفون هو اشهر عتالي في نواحي المجلد له الرحمة والمجد والخلود لكل العتالة العظام في اسفل (شجرة اللبخة) الشهيرة التي تتوسط الاطراف الشرقية لسوق المجلد

---

Post: #31 Title: Re: الانبووووووووووووووووب....!!! Author: محمد الأمين موسى Date: 06-23-2011, 12:22 PM Parent: #30 أها يا ناس ومصفاتنا الفي الأبيض البتزود محطات توليد الكهرباء والمصانع والشحانات بالفيرنس والديزل... بعد دا نصفي بيها عصير تبلدي ولا نصفي بيها بغو؟ شوفوا لينا حلل!!!

---

Post: #32 Title: Re: الانبووووووووووووووووب....!!! Author: ابراهيم قناوي Date: 06-23-2011, 12:50 PM Parent: #31 هندسة يا كيكي يا تفكيكي بالله فككوا لينا الأنبوب دة ماسورة ماسورة وجلبة جلبة وورونا الحاصل فيهو شنو؟ والمآلات شنو؟ و أصلو البترول دة من طلع ما شفنا لينا رخاء في السودان ولو في عدل في الدنيا يدونا حقنا في المواسير دي بس ما تطلع ماسورة الفاشر سلام تعظيم لبوست مفيد جداً

---

Post: #33 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 05:30 PM Parent: #31 المصافي المصدر قوقل

---

Post: #34 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 05:41 PM Parent: #33 هلا يا محمد الامين ومصفي الابيض بتاعكم ده غايتو بيني وبينك غير (البغو) وبعض المشروبات الشلعية ما شايف ليهو شغلة قريبات دي لو الخطين ديل (عداريل) (هلجيج) اتقفلن...وعشان يشتغل ويدور عاوز شغل في حقول جديدة وانابيب جديدة ,...وحتي ذلك الزمان فان (البغو الابيض) سيكون هو البغو الاكثر شهرة في عالم النفط

---

Post: #35 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 05:45 PM Parent: #34 Quote: والمآلات شنو؟ و أصلو البترول دة من طلع ما شفنا لينا رخاء في السودان ولو في عدل في الدنيا يدونا حقنا في المواسير دي بس ما تطلع ماسورة الفاشر هلا يا ابراهيم.. وفعلا هذا الشعب الفضل مفروض يدوهو (حقو) مواسير ومادام البلد كلها اتموسرت اليدونا حقنا مواسسسسسير ياااخ.. نلم ماسورتي علي ماسورتك علي ماسورة كم بوردابي كده ونبيعها انشاء الله لتشاد او ليبيا بعد كركبة القذافي القضت علي اي ماسورة بترولية حايمة... وشرفت البوست يا ابراهومة

---

Post: #36 Title: Re: الانبووووووووووووووووب....!!! Author: Mohamed Elboshra Date: 06-23-2011, 05:57 PM Parent: #34 الاخ كيكي اتمنى ان تستصحب معك الآثار البيئية السالبة لصناعة النفط عامة والانابيب والمصافي خاصة...ورغم فرحة ناسنا بالانابيب فان أقل انفجار ستكون تكاليفه باهظة من ناحية صيانة وسلامة وأثار بيئية مختلفة واذا لم يتم الاتفاق مع الجنوب على المشاركة في أي تكاليف مستقبلية لدرء اي أثار بيئية محتملة سيكون الجنوب هو المستفيد الأكبر حيث ان لا أثر لاي "رسك" بيئي محتمل علي ارضه او سكانه من الانابيب الممتدة غربا وشرقا وقد مسست هذا الموضوع مسا خفيفا في مقالي لعنة البترول السوداني : حرب وفقر وتلوث بيئي http://sudaneseonline.com/articles-action-show-id-3436.htm Quote: خطوط الأنابيب: قد يتساءل البعض عن ما هي علاقة أنابيب النفط بلعنة النفط وتلويث البيئة، لأن الأنابيب مقفلة ولا أحد متأثر بذلك. والإجابة إنها لعنة محتملة ومؤجلة مالم تُتُخذ أساليب الوقاية المبكرة ودراسة سبل تفادي آثار أي تسريب نفطي مستقبلي. وأهم أنابيب النفط هو خط الأنابيب القادم من منطقة أبيي حيث أنه يمر بغرب النيل الي شمال الخرطوم قبل أن يعبر النيل الي الجهة الشرقية ومنها إلي بورتسودان. فهذا الأنبوب قد يكون عرضة للتخريب المتعمد من قبل أي فرد أو جماعة معادية للنظام في الخرطوم مما قد يتسبب في تسرب علي اليابسة يؤدي الي تلويث الآراضي الزراعية في منطقة أبيي أو كردفان أو قد يتعرض للتخريب بعد الإنفصال في إمتداد الأنبوب داخل أراضي الدولة الجديدة إن لم تُتخذ إجراءات مشتركة لحماية الأنبوب. ولكن الخطر الأكبر يتجسد في مساحة الأنبوب العابر للنيل من غرب النيل لشرقه شمال الخرطوم (لا ادري هل يمر الانبوب فوق أم تحت الماء) ولكن في الحالتين فإن حدوث أي إنفجار أو تسرب نفطي في النيل ستكون أثاره كارثية علي مجمل السكان شمال الخرطوم وقد تمتد آثاره لمصر(بيتر فيرني) وخاصة أن السودان لا يمتلك من المعدات والخبرات والكادر البشري ما يمكن ان يحتوي به مثل هذه الكوارث. وفي ظل الواقع الراهن وإعتماد الشمال والجنوب معا (حتي في حالة الانفصال) علي هذا الأنبوب فان الإستعداد والإعداد وتدريب الكوادر لمواجهة اي تسرب نفطي من هذا الانبوب والانابيب الاخرى يجب ان يحظى بتفاهم بين الطرفين معليش دي جدعة لاثراء النقاش ودعاية لمقالاتي البائرة بورة "التومة"

---

Post: #37 Title: Re: الانبووووووووووووووووب....!!! Author: Ahmed Abdallah Date: 06-23-2011, 06:06 PM Parent: #36 متابعة لصيغة يا ابو اية _______________ الفيكـ اتعرفت من خروف مربوط لسيرمس شاي مظبوط

---

Post: #38 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 10:42 PM Parent: #37 Quote: اتمنى ان تستصحب معك الآثار البيئية السالبة لصناعة النفط عامة والانابيب والمصافي خاصة...ورغم فرحة ناسنا بالانابيب فان أقل انفجار ستكون تكاليفه باهظة من ناحية صيانة وسلامة وأثار بيئية مختلفة واذا لم يتم الاتفاق مع الجنوب على المشاركة في أي تكاليف مستقبلية لدرء اي أثار بيئية محتملة سيكون الجنوب هو المستفيد الأكبر حيث ان لا أثر لاي "رسك" بيئي محتمل علي ارضه او سكانه من الانابيب الممتدة غربا وشرقا وقد مسست هذا الموضوع مسا خفيفا في مقالي لعنة البترول السوداني : حرب وفقر وتلوث بيئي تحياتي يا ود البشري وبالتاكيد مقالاتك المنهجية والمفيدة ليس ذات (بوار) بل هي وثائق ومقالات مبذول فيها جهد منهجي ومعرفي عميق ومفيدة لكل المهتمين وسياتي اليوم الذي سيعرف الكثيرين فائدتها وهنالك باحثين وطلاب وغيرهم يجدون فيهابوصلة ومعلومات ثرة... والبيئة من الاشياء الاساسية والمهمة في امر النفط والثقافة البترولية الموازية في كل الدولة السودانية في الحكومة والمواطنين ودور الشركات المنفذة وصاحبة حقوق الاكتشاف تحتاج الي جهد كبير وعمل شاق حتي يتم تامين الارض السودانية من الكوراث البيئة التي يتوقع حدوثها في ظل سودان الاهمال والهبتلي... والاخطر في الامر هو ان الانابيب تشاقق مسافات طويلة في السودان حضرية وقروية وغابات ومجاري مائية فاي كارثة في هذه الانابيب ان لم تكن هنالك تجهيزات تسهل الوصول لمنطقة الكارثة علي امتداد هذه الخطوط وفي نقاط سلامة متوزعة بدراسة ومجهزة بكل المعدات سيكون الامر وبالا وكارثة حقيقية ستضاف الي طابور كوراث البلد

---

Post: #39 Title: Re: الانبووووووووووووووووب....!!! Author: عبدالكريم الامين احمد Date: 06-23-2011, 10:54 PM Parent: #38 Quote: متابعة لصيغة يا ابو اية _______________ الفيكـ اتعرفت من خروف مربوط لسيرمس شاي مظبوط اوووووووووه اللورد ياخ واتشرفنا بالجد يا احمد بالزيارة ومن الانبساطة والفرحة الخروف زاااتو قام شرد لمن سمع بيك جاااي واها شردة الخروف خلتنا نشوف سيرمس الشاي وووين ولكن في انتظارك لزيارة اخري وساعتها ممكن نلم في الخروف الشرد ده لوول وتحياتي ليك وللاسرة الكريمة

---

Post: #40 Title: Re: الانبووووووووووووووووب....!!! Author: جعفر محي الدين Date: 06-25-2011, 09:05 AM Parent: #39 يعني يا كيكي بعد يومين تلاتة ممكن نسمع نغمة مواسييييييييييير للبيع ! ياخي كل حاجة في السودان بقت لمن تنظر ليها من الداخل بتلقاها مجوبكة جوبكة شديدة خلاص ناس شغالة على كيف كيفها وين الخطط الاستراتيجية ؟

---

Post: #41 Title: Re: الانبووووووووووووووووب....!!! Author: جمال المنصوري Date: 06-25-2011, 02:50 PM Parent: #40 الحبيب / كيكي هاهي الأمطار تهطل بغزارة في الواقع السياسي السوداني، فق تم توجيه الدعوة للرئيس البشير لزيارة الصين، وهذه الدعوة يمكن تصنيفها في خانة الاستدعاء، العناوين البارزة تقول: لمناقشة الوضع ما بعد انفصال الجنوب) هذا الأمر يلفت النظر الي امور كثيرة، فالصين قطعا ستناقش موضوع مصالحها التي باتت ترتبط ارتباطا وثيقا بدولة الجنوب، واي تعطيل لهذه المصالح باغلاق الخط سيصنف علي احسن الافتراضات في خانة (وضع العراقيل) لذا سيكون طرح الصين (يجب ان تحكم المواثيق والمعاهدات الدولية الخاصة بنزاعات مثل هذه) يعني ببسيط العبارة، هناك خياران لا ثالث لهم: 1- التجاوب مع ما عرضه الجنوبيون وبالتالي الوصول الي اتفاق مرضي للطرفين، ومن ورائهما الصين. 2- الوقوف في وجه المصالح الصينية ومن ضمنها هذا النفط، ومن ثم مواجهة انضمام الصين الي المعسكر الأخر .. يعني يا كيكي ببساطة خلي بالك الأنبوب ابتدأ يخر مية.. محبتي

---

Post: #42 Title: Re: الانبووووووووووووووووب....!!! Author: عبدالكريم الامين احمد Date: 06-26-2011, 06:43 AM Parent: #40 Quote: يعني يا كيكي بعد يومين تلاتة ممكن نسمع نغمة مواسييييييييييير للبيع ! ياخي كل حاجة في السودان بقت لمن تنظر ليها من الداخل بتلقاها مجوبكة جوبكة شديدة خلاص ناس شغالة على كيف كيفها وين الخطط الاستراتيجية ؟ هلا وغلا يا جعفر وحبابك يا سنيرنا الجميل وفعلا قد نشهد عودة نغمة (ايوووه المواسسسسسير.... مواسسسسير) كنغمة رسمية لكل الشعب الفضل والكورال بقيادة بني كوز ومن لف لفهم من المواسير الكبار.. والبلد يا جعفر ماشة هبتلي وصارت ملك لكل من هب ودب ينظر ويخرمج ويلهط ويلبع فيها زي ما هو عايز ولكن الله في

---

Post: #43 Title: Re: الانبووووووووووووووووب....!!! Author: عبدالكريم الامين احمد Date: 06-26-2011, 06:51 AM Parent: #42 Quote: 1- التجاوب مع ما عرضه الجنوبيون وبالتالي الوصول الي اتفاق مرضي للطرفين، ومن ورائهما الصين. 2- الوقوف في وجه المصالح الصينية ومن ضمنها هذا النفط، ومن ثم مواجهة انضمام الصين الي المعسكر الأخر .. يعني يا كيكي ببساطة خلي بالك الأنبوب ابتدأ يخر مية.. هلا يا ابو جمال وفعلا وكما يبدو بان الصين قد دخلت في الخط هي تحاول جاهدا ان تحفظ مصالحها الاستراتجية جنوبا وشمالا والمجازفة لدعوة رئيس مجرم هارب وتحمل الغضبة من الدول الغربية ان لم يكن تمنها كبير ومهم فان الصين لن تجرو علي مثل هذه الدعوة التي اري بان البشير طالما وصل الي ايران فانه حتما سيتلبد عبر الحدود وسيصل الصين... هذا الوصول الي البشير سيعتبره انصاره انتصار وستقام سرادق التطبيل والهيييييييع ولكنه سيراكم الحنق والغضب الدولي منه ومن الصين وسيسرع بالقبض عليه ذلك الامر الاتي بلا ريييييب