وعي البطة ووعي النسر

البطة ذلك الطائر الاليف...الذى يجيد السباحة ولكنه لا يجيد الطيران،صغار البط المسكينة عندما تموت امها تتبع الكائنات الاليفة في المنزل كبديل للام احيانا القطط واحيانا الكلاب واحيانا البشر هذا ما درسناه في علم طبائع الحيوان في كلية العلوم في الثمانينات....لا تتسع الرؤية للبطة اكثر من المنزل الذى تقيم فيه والحوض الذى تسبح فيه..ولا تعرف اي عالم خارج هذا الاطار...هذا النوع من الوعي المحدود يتسم به بعض منتسبي احزاب السودان القديم وان لم نقل جلهم...اسماه العلامة د.منصور خالد بجمهورية العاصمة المثلثه...يعني وعي ممتد من فتيح للخور للمغالق او من ود نوباوي لحدت ام بده السبيل...والغريب في الامر ان سكان جمهورية العاصمة المثلثة وممثليهم في البورد لا يجدو ابدا تفسير لتكدس اهل الاقاليم الستة في الخرطوم عبر السنين وحالة الاستسقاء الدماغي التي يعاني منها رجل افريقيا المريض وتيبس الشرايين ايضا..تحت ظل الدولة المركزية العروب اسلامية ذو الثلاث شعب لا ظليل ولا يغني من اللهب...فوعي البطة المحدود ينعكس في السلوك ايضا...عندهم الخرطوم التي اقسموا ان لا يدخلها عليهم مسكين رمز السيادة ومهددة دائما بالحزام الاسود وهذه نظرية حسن مكي...ومن اميز نكت الهادي الضلالي"عندما وجد جماعة من ود راوة مشتبكين مع ولد من ام درمان..بعد انتهت الشكلة..قال ليهم انتو من وين؟؟...قالو ليه نحن من ود راوة...قال ليهم :البجيبكم انتوا هنا شنو؟؟ نحن قعدين نجيكم هناك"وذهبت مثلا...ولمن جاءت حركة العدل والمساواة الخرطوم...قعدوا كل ناس السودان القديم يولولوا...رغم ان افراد العدل والمساواة سودانيين وجاءوا من غرب السودان عبر 1000 كيلومتر داخل الاراضي السودانية....
...
طبعا اذا فتحنا ملف الخرطوم ونشاتها التاريخية من الناس الجابتم ام كواكية التعايشي لحدت الناس الجابتم مجانية التعليم الى المركز وقايلين الانجاز بيت في الخرطوم ومرتين وواحدة ثالثة سرية وعربات وهلمجرا...نجد ان المركز تاسس وفقا لاسس غير طبيعية وغير موضوعية وعندما انحسرت ماثر الانجليز من سكة حديد ونقل نهري ومجانية تعليم وخدمات صحية في الاقاليم عبر العصور بدا الناس ينزحوا بسبب انعدام الخدمات رغم الفدرالية المشوهة التي جعلت الوزراء اكثر من المزارعين وناس جابتم الحرب اللعينة وناس الجفاف والتصحر
وطبعا افضل نموذج وصحيفة تعبر عن وعي البطة هي صحيفة الانتباهة...واغرب ثقافة ممجوجة هي بتاعة مستجدين النعمة في العاصمة التي ماتت فيها الحضارة والكورة والثقافة والسينما وكل ما يدل على القرن.21 وعايشة مع تواشيح النهر الخالد وجلسن لا يا حلاتن...
....
بالله ناس وعي البطة الحدهم يوم 9/7/2011 ديل...فقط يجاوبوا السؤال المباشر ده
هل علة رجل افريقيا المريض في دماغه؟؟ولى كرعينو(الجنوب والغرب والشرق والشمال والوسط)؟؟
.....
النسر ذلك الكائن القوى الذى يحلق عاليا في ذرى الجبال ويلد ابناءه احرار في الغابات بعيدا عن البشر ورزائلهم...وكلما حلق النسر عاليا كلما اتسعت دائرة الرؤية واتسع الوعي وارتقى السلوك...فوعي النسر وعي متكامل ويناسب انسانية وحضارة القرن 21 وعصر العلم والمعلومات...والسياسة علم والاقتصاد علم والادارة علم والفهم اقسام....وعي النسر ينظر الى السودان من نمولي لي حلفا ومن بوتسودان للجنينة...وعي النسر يغوص في اعماق التاريخ الي 2500 ٌق.م..ويعود الى اخر ما وصل اليه العالم من نظم اخلاقية وسياسية...وعى النسر...هو الذى يصنع الحضارة والتقدم لانه يفكر بعقل المعاد والغيرية وليس عقل الغرائز والذاتية والنرجسية المقيتة كعقل البطة...
.....
والسودان بين وعيين
وعي البطة ووعي النسر....فهل يستوى الاثنان مثلا؟؟

مقال جميل

Quote: مقال جميل

الاخ مدثر محمد
تحية طيبة
نشكرك على المرور
وتصدق وتامن
كلما تغوص في اعماق التاريخ وكلما ما تطلع على درر المكتبة السودانية المغيبة

تاسف لبؤس الساسة والسياسة في السودان

وترثى لهذا الشعب العملاق الذى يتقدمه الاقزام

هل كان مشروع الانقاذ والكيزان الفطير هو المناسب للسودان وشعب السودان
وشنو المنتظرنوا من بؤس الخطاب الايدولجي الذى يقدمه البشير هنا وهناك
ويزداد الرثاء لاحوال اهل البورد والثمود
الذين عجزو عبر السنين في جعل البورد منبر سوداني حر وليس ساحة علاقات عامة...للونسة الممجوجة التي لا تسمن ولا تغني من جوع....
والناس ديل حارسين شنو؟؟
انت شايف اي مشروع متكامل وبديل للشيء الحاصل ده؟؟

مسيرة(البط يريد اسقاط النظام)

من لم يعانقه شوق الصعود الى الجبال
يعيش دائما بين الحفر

من لم يعانقه شوق الصعود الى الجبال
يعيش دائما بين الحفر

Quote: كلما تغوص في اعماق التاريخ وكلما ما تطلع على درر المكتبة السودانية المغيبة تاسف لبؤس الساسة والسياسة في السودان وترثى لهذا الشعب العملاق الذى يتقدمه الاقزام هل كان مشروع الانقاذ والكيزان الفطير هو المناسب للسودان وشعب السودان وشنو المنتظرنوا من بؤس الخطاب الايدولجي الذى يقدمه البشير هنا وهناك ويزداد الرثاء لاحوال اهل البورد والثمود

الأخ/عادل الذي أوشك أن يقول الروب
طيب التحايا ودعاء لك بمزيد من الصبر الجميل على مايمكرون .
أهديك هذه المسكنات :

العالم لا يقوده الفكر .
الأشرار يخدمون مشيئة الرب .
التاريخ يتقدم من أسوأ أبوابه .
النفس الأمارة هي التي صنعت الحضارة ( دي من عندي أنا)

أبوحمــــــــــــد

Quote: الأخ/عادل الذي أوشك أن يقول الروب طيب التحايا ودعاء لك بمزيد من الصبر الجميل على مايمكرون . أهديك هذه المسكنات : العالم لا يقوده الفكر . الأشرار يخدمون مشيئة الرب . التاريخ يتقدم من أسوأ أبوابه . النفس الأمارة هي التي صنعت الحضارة ( دي من عندي أنا) أبوحمــــــــــــد

العزيز عثمان/مذنب هالي..البظهر ويختفي مع الليالي

انا قلت الروب من 30 يونيو1989
لكن سمعتوني الان
انتظر خريف نيفاشا يوم 9 وشوف البقول الروب منو

Quote: انا قلت الروب من 30 يونيو1989 لكن سمعتوني الان انتظر خريف نيفاشا يوم 9 وشوف البقول الروب منو

أخي عادل والله لقد سبقتك باربع سنوات يوم أن وقفت القاعدة العريضة من متعلمي السودان تتفرج على شنق الفكر في شخص الأستاذ محمود!
وأنا مثلك تماما في انتظار الطوفان حتي يبلغ مداه فيغمر كل يابسة ما تبقى من السودان .
على فكرة أِعجبتني جدا فكرة وعي البطة والنسر إبن الأعالي كما أن الصورة المرفقة لها هيبة وجمال غريب أخاذ .

أبوحمــــــــــــد

Quote: أخي عادل والله لقد سبقتك باربع سنوات يوم أن وقفت القاعدة العريضة من متعلمي السودان تتفرج على شنق الفكر في شخص الأستاذ محمود! وأنا مثلك تماما في انتظار الطوفان حتي يبلغ مداه فيغمر كل يابسة ما تبقى من السودان . على فكرة أِعجبتني جدا فكرة وعي البطة والنسر إبن الأعالي كما أن الصورة المرفقة لها هيبة وجمال غريب أخاذ . أبوحمــــــــــــد

بالله يا ابو احمد
ضفادع المركز والهامش دي منتظرة شنو...قاعدين لحدي هسه في حزب المؤتمر الوطني ده لي شنو
الواحد ما عرف الفرق بين الاقالة والاستقالة حرف
ولكن فرق بين السموات والارض
الخروج المهين بالاقالة
والخروج المشرف بالاستقالة
وخاصة انه القصة خلاص وصلت الفصول الاخيرة ولكن عندما تغرق السفينة اول من يفر منها الفئران وفي رواية اخرى البط ايضا

النسور موجوده بس ما بتقدر تفرزها من كتره التبطبط الحاصل فى البلد

لو قلت داير تطير بنتفو ريشك المتبطيطين قبل الامنجيه

الشعب ادمن حياه البطبطه من النوم والاستكانه مع الوضع

علينا فقط ان نتأمل ان تعود النسور المهاجره بوعى اكبر



=========
بوست رائع كالعاده

الاخ العزيز محمد زكريا
تحية طيبة
انظر وتامل في مقولة فريدريك نيتشة
لتعرف ازمة السودان
الافكار الجيدة موجودة من 1956 ولكن يحجبها اهل انيمال فارم حتى الان

اعظم الافكار هى التي تصنع اعظم الاحداث ولكنها لا تكشف عن نفسها للجيل المعاصر ولا يعيشها ولكن يمر بجانبها ،شيء مماثل يحدث في مملكة النجوم..النجم الابعد هو الذى يصل ضوءه متاخرا للناس كاخر الاشياء وقبل ان يصل اليهم،لا يذكرون ان هناك نجم في الاعالي..كم عهد يلزم كي نفهم مفكرا جيدا..هذا هو المعيار الذى ينتمي الى تراتيبية الذكاء والنجوم))

عشان نعرف الفرق بين وعي البطة ووعي النسر
ادخل في الراط لهذين البوستين وكلاهما يحمل نفس المضمون(هوية قبائل الشمال الجعليين والشايقية

1- بوست ابوريش ..بتاع حلايب سودانية
الشايقية ليسوا عرباً، وإنما هم بجا او نوبـة

2- بوست من مكتبتي زمن البورد ساحةعلم ومعلومات واحيي فيه دكتور ياسر الشريف وعثمان محمدين لاثراءه بالوثائق

....القدم بالقدم....والامات خدم!!

الف نسر لا يستطيع ان يعلم بطة واحدة التحليق...مثل كوشي خاص

البورد ده كان له اهداف معلنة ومعروفة...تحول من اداة تنوير وتغيير الى ساحة علاقات عامة ولا تخلو من الولولة احيانا والقضايا الباهتة والانصرافية وحكمت ربك يجو يقولو العرب قالو والعجم فعلو...العيب فيكم مافي الناس الثانين...اعملو حاجة تدل على انكم اذكياء فعلا والعالم يحترم الذكاء

البورد بقى مزرعة بط والبط هم ناس وعي جمهورية العاصمة المثلثة
وناس المركب ذو القوة الثلاثية للابادة حزب الامة + الاخوان المسلمين+الشيوعيين...احزاب المركز القاعدة من 1964 بعد انحراف مسار السودان نحو هاوية النظام العربي القديم والرضاعة من الثدي الميت للايدولجيات السقيمة الوافدة والادعاء الزائف

هل من قل الفكر في السودان ولى المشاريع الجيدة التي تحترم التنوع السوداني؟؟

وهسه كل بطة قاعدة وحارسة ودا وسواعا ويغوثا ديل ياتوهم بالخبر اليقين واعادة تدوير السودان القديم
.....
مشكلة المركز والشمال الحالية هي المعضلات الثلاث
1- الديموقراطية ولوازمها من اعلام حر وقضاء مستقل
2- الدولة المدنية والمواطنة المتساوية
3- الفدرالية الحقيقية التي تعيد ترتيب السلطة والثروة بين المركز والاقاليم
...
اذا كان هناك اي بطة حارسة الاحزاب الثلاث اعلاه وبشكلها الحالي تنتج مشروع او رؤية جديدة
اقول ليكم مقولة الرئيس علي عبدالله صالح
فاتكم القطار ...فاتكم القطار ...فاتكم القطار

(البطة من يعتقد ان الله خلق له دماغ عشان يربط فوقو العمة)

ما الذى يجمع هذه الكيانات
حزب الامة
الاخوان المسلمين(وطني وشعبي وعدل ومساواة)
الشيوعيين الحزب الشيوعي السوداني

ماضي مشين وموثق
حاضر مضطرب ومازوم
ومستقبل مظلم
.....
والسؤال لمنتسبي هذه الكيانات وعندهم باص وورد هنا ناس (شينة وعا########ي)
1- اما انكم لا تعرفون ماضي هذه الاحزاب المشين الموثق وهذا جهل لن يجدي في عصر العلم والمعلومات
2- او تعرفوه ومصرين على البقاء فيها وهذا استكبار
والجهل والاستبكار من اكبر اعداء العلم والتعلم وهو الاصر الذى على اعناقكم يا بط البورد وظاهرة ارتباط شرطي بابلوفي باوهام
1- زعيم
2- ايدولجية
3- مرحلة تاريخية
لذلك انتم عبء على البورد وعلى الشعب السوداني وعلى الانسانية نفسها
اذا كنتو ناس تغيير شوفو لينا ناس غير ديل واحزاب جديدة
واذا كنتو ناس اعادة تدوير..سيتصومل السودان ولن يبقى في الوادي شجر

البندقية عبارة عن خشبة وماسورة,,في واحد عنده سؤال