ارجوكم لا تسخروا منى .......

كنت بصدد فتح بوست!!!!!

لكنى تراجعت...لسببين.....

اولا ...البوست المفترض... عن ويمبلدون 2011

السبب الاول لعدم فتحه او التراجع عن فتحه عدم اهتمام البورد او معظمه بلعبة التنس الارضى

السبب التانى ...خوفا من الاتهام بالانصرافية والنوبة تقصفهم نيران الانتينوف...او هكذا خيل لى

وارجوكم لا تسخروا منى....!!!

والله السخريه عمليه مؤسفه ياخي رغم انها مرات كتيره بتخليك أقدر على معايشة البؤس لكن دي السخريه من الأشياء ما الناس ..

يا سيدي ما عاش البيسخر منك لأنك كتبت شي هو ما مهتم بيه ..

بالنسبه للنوبة فالحرب ليس فيها رابح وكلنا نتألم لما يحدث في كل مكان في وطننا غير المحظوظ لكن مثلما يقول الشوايقه" الدنيا قديمي... أي أنها لا تقف.. تستمر كنهر لا يمل من جريانه حتى وإن كان طاف بالجثث !!

وددت أن اشاركك خبرتي بهذا المنبر..

أنا أقرا ما أظنه جيدا ولا أهتم كثيرا بمعرفة من ينتمي لمن لكي لا يتأثر تقييمي لقيمة ما كتبه بفكرة مسبقة ما ... لا يهمني إن قرأ أحد مقالي أو قرأه الف ما دمت مؤمناً بخير ما أكتب أو نفعه.

أعجبني وضوحك !!

اخي حامد .. لايهمك يا اخي فلايمكن ان يتحدث كل الناس عن مشكلة واحدة وينسوا بقية اجزاء الحياة
انت اكتب عن ماتراه مناسبا لك ولاتتردد وبالمناسبة الناس يمكن تتفق علي اشياء وتختلف علي اخري
ولكن ليس كل ماهو مرفوض ممنوع ؟ والتنوع في المنبر مطلوب وبشدة خاصة في ظل الاهتمام السياســي
فقط ونقل الاخبار العاجلة حتي اصبحنا كقنوات الجزيرة والعربية .. لا تكن مقلدا وسايرا وراء خط
واحد لانه دة علي الاقل بيكون ممل ..

Quote: يا سيدي ما عاش البيسخر منك

الحبيب،،
الواحد بيموت أبوه وأمه ويفقد بذلك أعز مافي وجدانه وروحه
ويأتي بعد ذلك يمارس حياته : يغني وينشد ويأكل الطعام!!

ماعاش والله من يسخر منك ، بس بيني وبينك البطولة في بدايتها تعبانة
يمكن يتحسن المستوى للجولات القادمة،،

فتأخر في فتح البوست ، عسى ولعل في الايام الجاية تحل قضية السودان !!

مشتاقون بالجد،،

لماذا السخرية .. ؟

لا يعرف الكثيرون معى للسخرية و لا هم يسخرون ..


لك التحية و الود

يا زول ها تتش البوست طوالي هو فتح البوستات بقروش؟

وما تشتغل بزول
والما عاجبو يحلق حواجبو


مرحب بيك

اكتب ما تريد ولا تتردد
دا منتدى عام ما مخصص فيه نوع المواضيع
وبنحتاج نتنفس ونتكلم فى امور اخرى حتى لو ماليها معنى

الاخ العزيز/ حامــد

سلام


في العام الماضي وايام مباريات المريخ والهلال , كنا نطلع ببوستات تشجيع وبوستات شماتة..
أحد الاخوة طالع ببوست يقول.. يجب وقف عالم الرياضة ده.. الناس في شنو وديل في شنو!!

ياخي لا يمكن أن نحصر الناس في شكلية واحدة من المواضيع والمنبر ده عام..
فكل حر يكتب ما يهمه وهناك من يهتم ويقرأ


تحياتي

Quote: الواحد بيموت أبوه وأمه ويفقد بذلك أعز مافي وجدانه وروحه ويأتي بعد ذلك يمارس حياته : يغني وينشد ويأكل الطعام!!

يا زول اكتب اى حاجة وما تهتم
الحياة ما بتقيف فى محطة واحدة

عندنا عماً لينا توفت زوجته
وهو لايستطيع العيش بدون إمراة
فالأولاد والبنات تزوجوا
اها بس ماصدق الفراش انتهى
بقى كل يوم يوصفوا ليهو واحدة يمشي طوالي بعد شراب الشاي
يكلمهم ويدوهو ليك شاكوش طوالي
اها بجينا للفطور وبيفطر عاااااادي كانه لم يحدث شيء
خمسين واحدة ماوافقن حت المفجخات
وعليك امان الله يرجع ياكل ويشرب الشاي والقهوة
ويديها نومة معاها { شخرة } طويلة بعد الفطور
غايتو أخيراً لقى ليهو واحدة مدة صلاحيتها منتهية من جميع النواحي
وبيني وبينك قلنا ليهو يازول لو عاوز تسمع نصيحتنا { أتعلم غسل الجنازة من هسي } !!!!
يا اخي اكتب لينا عن ويمبلدون
وعن بطولة ديفيد المفتوحة للتنس
وعن بطولة ميامي
أكتب مايحلو لك
ستجدنا من قرائك ان شاء الله

Quote: وددت أن اشاركك خبرتي بهذا المنبر.. أنا أقرا ما أظنه جيدا ولا أهتم كثيرا بمعرفة من ينتمي لمن لكي لا يتأثر تقييمي لقيمة ما كتبه بفكرة مسبقة ما ... لا يهمني إن قرأ أحد مقالي أو قرأه الف ما دمت مؤمناً بخير ما أكتب أو نفعه. أعجبني وضوحك !!

اخى مدثر انت اول المتداخلين واراك من الصادقين انشاء الله واديتنى جرعة معنوية قوية

لك الشكر والتقدير

Quote: اخي حامد .. لايهمك يا اخي فلايمكن ان يتحدث كل الناس عن مشكلة واحدة وينسوا بقية اجزاء الحياة انت اكتب عن ماتراه مناسبا لك ولاتتردد وبالمناسبة الناس يمكن تتفق علي اشياء وتختلف علي اخري ولكن ليس كل ماهو مرفوض ممنوع ؟ والتنوع في المنبر مطلوب وبشدة خاصة في ظل الاهتمام السياســي فقط ونقل الاخبار العاجلة حتي اصبحنا كقنوات الجزيرة والعربية .. لا تكن مقلدا وسايرا وراء خط واحد لانه دة علي الاقل بيكون ممل ..

اخى بهاء

انا اريد ان اكتب وخليك قريب ولو سافرت الاسكندرية تانى كلمنى عشان حاوصيك بحاجة مهمة جدا

شكرا بهاء

اول اسباب الفشل هذا العنوان

اكتب ما شئت وامضي فهو رأيك

وهمك ولغتك فأكتبها ولاتراجعها

او فليسخر من شاء .






........................حجر.

Quote: السبب الاول لعدم فتحه او التراجع عن فتحه عدم اهتمام البورد او معظمه بلعبة التنس الارضى

يا سلام عليك يا زول يا رائع أكتب لينا الجديد عن البطولة يااخ و سيبك من الورجقه المدورة هنا دي ده منبر عام يا حبيبنا و ليس ملك لاي بني ادم ... للذين لا يعرفون شيئا عن هذه البطولة معلومات كده بسيطة بطولة ويمبلدون لكرة المضرب من اقدم البطولات لهذه اللعبة تقام دائما في عاصمة الضباب في شهر يوليو الامطار عادة ما تفسد جو البطولة من الاشياء الجميلة ان قوانيين البطولة تلزم كل الاعبين بارتداء الملابس البيضاء و البت السمراء دي من ابرز المشاركين في البطولة ولي عودة يا حبيبنا

Quote: ماعاش والله من يسخر منك ، بس بيني وبينك البطولة في بدايتها تعبانة يمكن يتحسن المستوى للجولات القادمة،، فتأخر في فتح البوست ، عسى ولعل في الايام الجاية تحل قضية السودان !! مشتاقون بالجد،،

اخونا عبد اللطيف عاشق الميرنقا....السنة الجاية الريال حيعمل عمايل ..بس صاحبك كريستيانو رونالدوا

لو ما بطل الجرى وراء الروسيات حقه راح ودى عملية يعملها اللى سواها فى تركيا.

اما عن ويمبلدون وما ادراك ما ويمبلدون فان اضعف مبارياتها اقواها وليتك شاهدت الامس مباراة سودلينغ( الخامس عالميا) مع الالمانى الغير مصنف فيليب بيتشنر عندما زنق الالمانى سودلينغ وجعله يتصبب عرقا ولكنه فاز بطلوع الروح فى الجولة الرابعة ....

اعشق ويمبلدون بعشبها الاخضر وان بدأ هذا العام ناعما اكثر من اللازم حيث اشتكى الالمانى بالامس من ذلك كثيرا كما اعشقه والنجوم والنجمات يتحلقن فى سمائه ....كله على بعضه يا عبد اللطيف

لك ودى وشكرى وكن بخير

الاخ العزيز
انا عاتقد انو كثير من السودانين مهتمين بي كره التنس ومتابعين كويس كل البطولات وعارفين تصنيف اللاعبين كمان
اضافة الى ذلك من تابع الناس مات هما
كل التحايا

تخريمة
ابو حراز شخصياااااااااااا ؟؟
عاش من شافك ياخي والله مشتاقين انت بالذات مفروض تكتب كتير لان كتابتك مبهجه في خضم هذا البهيل من الهموم
اضحكنا بي حكاويك الجميله خلينا نضحك ونتفقع زي زمان اضحك الله سنك وابهج ايامك
وتحياتنا لي ست النفر
موش برضو ست النفر ؟
كل الاشواق

Quote: لماذا السخرية .. ؟

الاخ الطيب...... ربما حسبتها هكذا وامل ان لا تكون

شكرا على مرورك هنا

Quote: ياخي لا يمكن أن نحصر الناس في شكلية واحدة من المواضيع والمنبر ده عام.. فكل حر يكتب ما يهمه وهناك من يهتم ويقرأ تحياتي

اتفهم وجهة نظرك اخى عبد العزيز ولكن يحز فى نفسى عدم اهتمام عشاق الرياضة بالكرة الصفراء

لك شكرى وكن بخير

تحياتي وسلامي أخ حامد

ربما لن أستطيع أن أضيف جديداً لما ذكره الأخوان والأخوات
لكنه من باب تثبيت المواقف
ذائقة الناس ليست شاكلة واحدة وذاك من اللطف الإلهي بالبشر
اكتب ما تشاء
وكن نفسك
فإن قرأه ( واحد ) فقط غيرك فقد أديت رسالتك
لا تنتظر ثناء من أحد ولا يجب أن يؤثر فيك ذم أحد
مادمت تكتب ما ترى صوابه
إلا أن ( يقنعك ) أحد بخلاف ماكتبت

Quote: مرحب بيك

اهلا بالدكتورة نجاة ...وحاشوت ضفارى على طول

كونى بخير

Quote: اكتب ما تريد ولا تتردد دا منتدى عام ما مخصص فيه نوع المواضيع وبنحتاج نتنفس ونتكلم فى امور اخرى حتى لو ماليها معنى

شكرا رانية

وليكى دعوة لزيارة ويمبلدون كل يوم على ابو ظبى الرياضية لمتابعة مباريات احدى اقوى بطولات القراند سلام

اكرر شكرى

يا زول هوي تعال شايت ضفاري ساكت
ان شاء الله تكتب عن الدكوة والطلح يوم القيامة

Quote: يا زول اكتب اى حاجة وما تهتم الحياة ما بتقيف فى محطة واحدة

شكرا حواء على المرور وربنا يقدرنا على كتابة ما يفيد

Quote: وبيني وبينك قلنا ليهو يازول لو عاوز تسمع نصيحتنا { أتعلم غسل الجنازة من هسي } !!!!

يا ابو حراز انت بتختفى وين ياخى ... ياخى منكم نستمد الصبر

كن بخير

أهو خليك كدا،،

وربنا يحضرنا الليغا السنة الجاية ، شكلها حتكون : ليغا غير!!
==

شاهدت الهايلايتس للبطولة أمس ، وشفت فدرير مع لاعب مغمور وكأني
به يقول : الويمبلدون دا بيجيب لينا الناس ديل من وين!!

=
أحلى ذكرياتي في متابعة التنس كانت عن ويبملدون مع ظهور نجمي
المفضل : بوريس بيكر ، وأذكر يوم أن كان أصغر من فاز بالبطولة،،

كما أحاول أن أذكر من ذلك الذي خرق البرسيتيج الملكي حين فاز باللقب
ويومها تخطى كل المقاعد الحضور في مشهد جديد ليقبل أفراد أسرته ثم بعد
ذلك يعود للسلام على الملكة:
أظنه واحد من إثنين : غوران إيفانزيفتش أو بوريس بيكر

استيفي غراف وساباتيني وأرانشا سانشيز متعة في اللعبة لا أجدها اليوم،،
أما أحرف زول في نظري كان الفرنسي نواه ، ولكن كان يمارس عليه عنصرية
كبرى من الفرنسين بإعتبارهم لهنري لوكنت هو رقم (1) فرنسا،،

نادال وفدرير هما عنوان التنس في الفترة الاخيرة ولكن يبدو أن الصربي
جوكوفيتش سيهدد عرشهما قريبا،،
ما يشدني لنادال أكثر أنه مدريدي صارخ وعاشق بجنون للميرنغي ،،

السودان دا كان تابعنا مشاكله ، ماحنشوف الفرح يوم ونحن قد : هرمنا بالفعل،،

سلام يارائع،،

Quote: اول اسباب الفشل هذا العنوان اكتب ما شئت وامضي فهو رأيك وهمك ولغتك فأكتبها ولاتراجعها او فليسخر من شاء .

شكرا يا حجر والعنوان لا ولن يكون سببا للفشل ولكنى اخترته هكذا ومضيت كما تقول

اشكرك اخى للاهتمام وليسخر من شاء

Quote: اتفهم وجهة نظرك اخى عبد العزيز ولكن يحز فى نفسى عدم اهتمام عشاق الرياضة بالكرة الصفراء لك شكرى وكن بخير

العزيز/ حامد

ياخوي نحن الآن نتكلم عن الرياضة كلها كقبيل واحد في مواجهة بوستات السياسة والحرب..
الهجوم على الرياضة بيكون من أهل بوستات القضايا الدين يعتبرون الرياضة شئ انصرافي..
فمنهم من يسخر منها..
لسة ما جينا للمفاصلة بين ضروب الرياضة نفسها..
نهتم بالتنس , الطائرة والباسكتبول وحتى الكريكيت..
لكن كرة القدم هي سيدة الرياضات جميعا..

تحياتي

وبعدين حاجة تانية:

والله العظيم لو كان الحكام والمعارضين تشربو بجماليات الحياة
والفنون الراقية ماكان لأحدهم أن يقتل الآخر،،

Quote: يا سلام عليك يا زول يا رائع أكتب لينا الجديد عن البطولة يااخ و سيبك من الورجقه المدورة هنا دي ده منبر عام يا حبيبنا و ليس ملك لاي بني ادم ... للذين لا يعرفون شيئا عن هذه البطولة معلومات كده بسيطة بطولة ويمبلدون لكرة المضرب من اقدم البطولات لهذه اللعبة تقام دائما في عاصمة الضباب في شهر يوليو الامطار عادة ما تفسد جو البطولة من الاشياء الجميلة ان قوانيين البطولة تلزم كل الاعبين بارتداء الملابس البيضاء و البت السمراء دي من ابرز المشاركين في البطولة ولي عودة يا حبيبنا

اهلا يا امير ..يا عاشق التنس اشكرك على المرور وافتح لينا بوست حنشاركك فيه بالتفاصيل المملة

لك الشكر وكن بخير

يا حامد كلامك صاح وليك حق تتراجع عن فتح البوست
ويمبلدون شنو في الحر دا ياخ و الموية البقت بالجمرة الخبيثة و العالم البتموت سمبلا ساي
في لحظات مفصلية في تاريخ البلد لو ما عايز تكتب في شؤون البلد وتشارك الشعب همومه اخير عدم الكتابة من اساسه
من تكتب بوستات انصرافية زي الكنت عايز تكتبه



_________________________________________



يازول بهظر معاك لقيت المتداخلين كلهم شايتين اتجاه واحد قلت اعكس ليك الشارع

Quote: انا عاتقد انو كثير من السودانين مهتمين بي كره التنس ومتابعين كويس كل البطولات وعارفين تصنيف اللاعبين كمان اضافة الى ذلك من تابع الناس مات هما كل التحايا

ايهاب ..اكيد هناك الكثير من السودانيين المهتمين بذلك وانا عارف منهم واحد اسمه معتز تروتسكى زميل معانا فى المنبر

لك الشكر والتقدير

Quote: اكتب ما تشاء وكن نفسك فإن قرأه ( واحد ) فقط غيرك فقد أديت رسالتك لا تنتظر ثناء من أحد ولا يجب أن يؤثر فيك ذم أحد مادمت تكتب ما ترى صوابه إلا أن ( يقنعك ) أحد بخلاف ماكتبت

الاخ عاطف عمر ..يعجبنى الكلام المرتب وما ذكرته اعلاه هو الحق بعينه

اشكرك اخى

Quote: ان شاء الله تكتب عن الدكوة والطلح يوم القيامة

يعنى تشابه اسماء كدة زى ما بين نور الشريف وحسين فهمى

لا حولا ..دكوة وطلح ويوم القيامة..يا طارق

تحياتى وكن بخير

بس أوعي يكون عن فيدرير

عشان خلاس نادال لحقو أمات طه

Quote: بس أوعي يكون عن فيدرير عشان خلاس نادال لحقو أمات طه

مالو فدرر؟

اعظم لاعب تنس على مر التاريخ.

نادال بالنسبة لرولان قاروس فالحكاية معروفة.
على الملاعب الترابية الزول دا فقـُر جدن.
نادال وفدرر الاختلاف بيناتهم كبير وواضح.
الأول بلعب بعضلاتو وشمالو الطرشة. والتاني اسمو "ألمايسترو"
فور هاند ودروب شوت وحاجات كدا غريبة.
وجوكوفيتش دوا نادال المر قاااعد :)
السنة الفاتت كانت ملح ساكت من الشيكي بيردتش
___________
الكع يا حامد
وياريت في البوست تجيب لينا جدول المباريات كامل
ونحن معاك ان شاءالله نمدك ببروفايلات اللاعبين القدام والصاعدين ونساعدك على التعليق
قصرنا معاك؟

شوف تروتسكي وين برضو، مرضان بتاع

Quote: يازول بهظر معاك لقيت المتداخلين كلهم شايتين اتجاه واحد قلت اعكس ليك الشارع

اهلا اخى محمد ولك ما تريد ولكن قل لى هل صحيح نادى الهلال الغى لعبة التنس الارضى عشان الكورة صفراء

محمد هذا مجرد سؤال؟

اشكرك يا حبيب وكن بخير

Quote: بس أوعي يكون عن فيدرير عشان خلاس نادال لحقو أمات طه

الروائى الحبيب حبيب نورة ليس عن فيدرير لوحده بل عن البطولة اجمعهاواما عن نادال فامامه تحدى كبير

فى هذه البطولة فالصربى له بالمرصاد ولو دقس هنا حقه راح ولا ننكر لنادال طموحه العالى

لك التحايا النواضر كما يقول صديقنا تروتسكى ....ترى انت فين يا معتز..

Quote: استيفي غراف وساباتيني وأرانشا سانشيز متعة في اللعبة لا أجدها اليوم،، أما أحرف زول في نظري كان الفرنسي نواه ، ولكن كان يمارس عليه عنصرية كبرى من الفرنسين بإعتبارهم لهنري لوكنت هو رقم (1) فرنسا،، نادال وفدرير هما عنوان التنس في الفترة الاخيرة ولكن يبدو أن الصربي جوكوفيتش سيهدد عرشهما قريبا،، ما يشدني لنادال أكثر أنه مدريدي صارخ وعاشق بجنون للميرنغي ،،

ستيفى غراف ...جمال وانوثة وخشونة ومرونة وقوة هى من جمعت كل النقائض واصبحت لاعبة من طراز فريد

الى وقت قريب عندما كانت تاتى الى المدرجات لتراقب زوجهااجاسى كانت الكاميرات تتوجه نحوها فتلوذ هى
بالفرار ....الان كما قلت يا اخى فردى السيدات فى انحدار شديد الا من لاعبات معدودات ولنا فى لنى الصينية امل كبير.


اشكرك مرات واخرى

Quote: الكع يا حامد وياريت في البوست تجيب لينا جدول المباريات كامل ونحن معاك ان شاءالله نمدك ببروفايلات اللاعبين القدام والصاعدين ونساعدك على التعليق قصرنا معاك؟ شوف تروتسكي وين برضو، مرضان بتاع

الفنان محمد يوسف ...تحياتى وربنا يقدرنا على ذلك اما عن عاشق فيدرر تروتسكى فانه مشغول هذه الايام بقضايا اكبر وسفريات وحالته حال.

شكرا على المرور وسيبك من بتاع الحب من طرف ثالت دة وبالمناسبة دى قبال كم يوم كدة وانا بقلب فى القنوات لقيت فيلم ظرف طارق او اى كان اسمه بتاع احمد حلمى وفيه الفنان النوبى داك ابو صلعة بيقول ليه انا بحبها من طرف تالت ...ساله احمد حلمى كيف يعنى ؟ قال انه فى واحد بيحبها وبيقابلها وهو بيقعد يسمع ليهم ..وبيحبها من طرف.........هو دة حال حبيب نورة .

Quote: لسة ما جينا للمفاصلة بين ضروب الرياضة نفسها.. نهتم بالتنس , الطائرة والباسكتبول وحتى الكريكيت.. لكن كرة القدم هي سيدة الرياضات جميعا..

الاخ عبد العزيز عيسى ..نعم كرة القدم هى الاكثر شعبية وكلنا نعشقها اما الكريكيت فهى تقريبا اللعبة الوحيدة التى شاهدتها عن قرب ولا افهم فيها ولا قوانينها البتة .

لك شكرى وتحياتى ويا رب يديك ويدينى معاك اجمالى جوائز القراند سلام المالية