Post: #1
Title: محافظ بنك السودان يطلب تخفيض راتبه بنسبة 40%
Author: زهير عثمان حمد
Date: 06-21-2011, 10:46 PM
تعهد وزير المالية بمحاسبة كل من يثبت تورطه في تجاوزات من مسؤولي الشركة السودانية للإتصالات (سوداتل) في وقت كشف فيه عن تشكيل لجنة تعكف حاليا على مراجعة العقودات الخاصة بغرض تخفيض المخصصات الموجودة فيها.
وشدد الوزير على أن الدولة مقبلة على فترة عصيبة و أنها ستلتزم بسياسة تقشفية تهدف إلى سداد الفاقد من عائدات البترول و الذي يصل طبقا له الى 36%
و قال الوزير إن محافظ بنك السودان الحالي محمد خير الزبير طلب تخفيض نسبة 40% من مخصصاته
وعددبعض كبار المسئولين ذهبوا في ذات الإتجاه
و أبدى الوزير دهشته مما ورد بالصحف عن فوائد ما بعد الخدمة لمحافظ بنك السودان السابق د.صابر محمد الحسن مشككاً في الرقم الذي قيل إنه يصل الى أربعة مليار جنيه قائلاً (أربعة مليارات عديييييييل) غير أنه شدّد على أن هناك لجنة تعمل على مراجعة المرتبات الممنوحة بعقودات خاصة.
|
Post: #2
Title: Re: محافظ بنك السودان يطلب تخفيض راتبه بنسبة 40%
Author: Hisham Ibrahim
Date: 06-22-2011, 08:23 AM
Parent: #1
دايرين نعرف يا زهير أخوي
المخـصـصـات 100% تكون كم ...؟؟
مش يمكن نخفض ليهو 20% بس ما 40 %
كـ ( خـبـيـر وطـنــي )
|
Post: #3
Title: Re: محافظ بنك السودان يطلب تخفيض راتبه بنسبة 40%
Author: علاء الدين صلاح محمد
Date: 06-22-2011, 08:57 AM
Parent: #2
طيب طالما الزول دة مستعد يسد الشغلة بحوالي نصف راتب الكان سادي
ليه كانو بعطوا ا الاول الراتب العالي
ما كانو يبحثوا ويعلنو عن الوظيفة دي قبل ما يعينوا الاول
حتى التاني يمكن في ناس مستعدين يسدوا السغلة باقل منو
على اي اساس كان اختيار الاول والثاني
القصة دي بتوريك انوا في سودان الشريعة الوظائف بتخضع لمعايير الولاء والعلاقات
يعنى بلغة تانية غياب الشفافية والفساد
|
|