اعتبارا من اليوم(الاثنين)ايقاف كل الجنوبيين في الخدمة العامة من العمل

وسلمتهم وزارة العمل جميعهم خطابات نهاية الخدمة
ومنحهم جميعا اجازة عاااااااااااارضة تبدأ من اليوم (الاثنين) وحتى نهاية خدمتهم في الثامن من يوليو القادم




(نواصل)

نجي للحتة بتاعة مستحقاتهم (ودي الاهم)
عشااااااااااان نشوف الفرق بين تعامل حكومة الشمال المتحضرة وبين الطريقة التي تتعامل بها حكومة الجنوب مع التجار الشماليين واساتذة الجامعات الجنوبية الذين اثروا المواصلة في جامعاتهم
حتى وان انتقلت الى الجنوب ... ناهيكم عن حقوق الشماليين في الجنوب واللي تتعرض للمصادرة والنهب والسلب عيييييييييييني عيييييييينك
وحرمانهم من نقل اموالهم للشمال

اها اليكم الطريقة المتحضرة التي تمت بها تسوية استحقاقات الجنوبيين في الخدمة المدنية بالشمال
فقد اصدر ديوان شئون الخدمة المدنية القومية منشورا بانهاء خدمة ابناء الولايات الجنوبية اعمالا للمداة (140) من لائحة الخدمة المدنية القومية
على ان يمنحوا اجر شهرين (لغير المتزوجين)
وثلاثة اشهر (للمتزوج والمتزوجة من دون ابناء)
واجر ستة اشهر (للمتزوجين ولديهم ابناء)

*** كما سيمنح العاملون جمييييييييييعا عند انتهاء الخدمة أجر ستة اشهر كلي لترحيل امتعتهم (شوفتوا كييييييف؟؟؟؟؟؟؟؟ دا الفرق بينا وبينهم)
*** كما سيصرفون مرتب شهرين اساسي حسب نص المادة 1/25 من قانون المعاشات

اها الان الحكومة كفت ووفت ومااااااا قصرت بكل التزاماتها
بدءا من نيفاشا مورورا بالتزامات الفترة الانتقالية (لجعل ما يمسى الوحدة جاذبة)
وانتهاء بالايفاء بالتزاماتها تجاه الجنوبيين بعد ما قرروا الانفصال

هل تجرؤ الحركة الشعبية على ان تتعامل بالمثل
وتفي هي بدورها عن كل التزاماتها تجاه الشماليين اللي يعملون بالجنوب
من موظفين وتجار شماليين لديهم حقوق واملاك في الجنوب
الى جانب مستحقات العاملين بقطاع النفط هناك
هل الحركة الشعبية قادرة على ان تتعامل بهكذا رقي وتحضر
(تسريح باحسان)
وتخيب ظننا السئ فيها!!!!!!!!!!!!!!!!!!!!!

وأصبحنا رغم البين روح واحده في جسدين ...





ديل أنحلوا البفكنا نحنا شنو ..؟

Quote: الوحدة جاذبة

الجنوبيين اتحلوا ولو استمر الحال على ماهو عليه فكثيرين حايفكروا يتحلوا بالانفصال الجاذب ..

ها يا ميادة كيف حالك لعلك طيبة


اها وزير الصحة القدم استقالته داك معاهم ؟ وهو قدمها والله ما قدمها ؟

وبرضو تم ايقافه والله مباشر مهامه ؟


يا كضاااااااااااااابة

Quote: وأصبحنا رغم البين روح واحده في جسدين ...

مافي شئ مضيعنا غير اللغة العاطفية اللي بنتكلم بيها

ناقص يجي زول تاني يقول لي منقو قل لا عاش من يفصلنا ووووووو باقي الحنك العاااااااااضي داك

Quote: ديل أنحلوا البفكنا نحنا شنو ..؟

إتحلوا ويييييييين ياخ
لا تحلموا بعالم سعيد في الجنوب في حال انفصال الجنوب
ولا تتخيلو انو الارض مفروشة ليهم ورود
وقد شهد شاهد من اهلها
لما قال السلطان مجوك سلطان دينكا نقوك ووالد فرانسيس دينق
في اسطورته لما قال(ان الشماليين بالنسبة للجنوبيين كالفلين للزجاج.. اذا سحب الفلين فل الزجاج بعضه بعضا) يعني دشدشه
وهذا ما يحدث الان في الجنوب
انشقاقات وقتل ونصب وحرق واحتيال
ديل قال ليك مختلفين حتى في الشخص اللي من حقه يرفع علم الدولة الجديدة
تقول لي شنو وتقول لي منو
يلا ادينا منتظرين
وان غدا لناظره قريييييييييب

اها يا ميادة
بالله شوفى لينا كمان طريقة نحنا المحس ننحل منكم
وصدقنى ما عايزين لا اجر شهر ولا شهرين ولا تلاتة
لو عايزين ندفع ليكم احنا من جيوبنا
بس حلونا من قرفكم وتفاهتكم وعفنكم واجرامكم

والمصيبة انك جاية تصفقى للخبر
وطبعا بنفس فهمك دة
بكرة تصفقى لاهل دافرور
وبعد بكرة لاهل كردفان
وبعدها لاهل النيل الازرق
وتفضلى انتى وشلة الصلوص المجرمين ولو بقى لكم القصر الجمهورى فقط
يا اخى ربنا يحلنا من بلاويكم ومن جنس افكارك دى

Quote: اها يا ميادة بالله شوفى لينا كمان طريقة نحنا المحس ننحل منكم

وكانو الحكومة السبب في اختيارهم للانفصال!!!!!!!!
ابدا لااااااااااا والف لااااااا
ياخي ما ختر خير الحكومة كانت جرئية واعطتهم جميع الخيارات في نيفاشا بالوحدة او الانفصال
الجنوبيين جوا واختاروا الانفصال
فليتحموا نتيجة اختيارهم

تحياتي يا ميادة

Quote: نجي للحتة بتاعة مستحقاتهم (ودي الاهم)

والحتة بتاعة (الشواغر الوظيفية) بيشغلها منو
وعلى أي أساس ؟
برضو مش مهمة؟

اهلا فيك اخ عثمان رضوان

Quote: والحتة بتاعة (الشواغر الوظيفية) بيشغلها منو وعلى أي أساس ؟ برضو مش مهمة؟

تطمئن شواغر الجنوبيين واللي قريب لي 6 ألف شخص
سيشغلها سودانيون..... يعني ما ماشين نجيب انزال جوي لعمالة من الخارج
ومن يانس في نفسه الكفائة فعليه ان يتقدم
لشغل الوظيفة
اما لجنة الاختيار فاعتقد انهم حالفين قسم غليظ بعدم محاباة احد و بشغل الشخص المناسب في المكان المناسب

Quote: اما لجنة الاختيار فاعتقد انهم حالفين قسم غليظ بعدم محاباة احد و بشغل الشخص المناسب في المكان المناسب

الكلام دا جديد ولا ياها الشعارات الزمان ديك والتمكين شغال تش؟


بالله الجنوبين بي 6 الف موظف؟

يجب ان تفتح بالكفاءة للجميع..

الأخت ميادة ..

تحياتي ,,

أشكرك لإيرادك هذا الخبر الهام ولكن لدي تساؤل .. كيف تم تحديد المواطن الجنوبي!! وعلى أي أساس تم تصنيف هؤلاء الستة آلاف مستوظف في الشمال !
وهل كل هؤلاء الذين تم إنهاء خدماتهم يعملون في الحكومة أم في القطاع الخاص! وما مصير الجنوبيون الذين يعملون في شركات القطاع الخاص !
أنتظر الإجابات و دمت .. لك الود,

Quote: كيف تم تحديد المواطن الجنوبي!! وعلى أي أساس تم تصنيف هؤلاء الستة آلاف مستوظف في الشمال !

اهلا فيك اخي عادل نجيلة
اسمحوا لي ارد عليه قبل الناس اللي سبقوه فوق في المداخلات
وخاصة العزيزة دكتورة نجاة محمود

اخي نجيلة تم تحديد من هو المواطن الجنوبي من غيره وفق لجنة عليا من الجنوبيين انفسهم ..... لحصر الجنوبيين في الخدمة العامة
اما تصنيفهم
اسع انت في الشارع ما بتقدر تميز الجنوبي من الشمالي ومن اولئك الذي ينتمون لغرب السودان (اوووووعكم يجي زول يقول لي دا كلام عنصري وشنو شنو)
وطبعا التصنيف تم بناء على وثائق ومستندات يتم الاطلاع عليها
يعني الشغلانية ما ساااااااااااي

Quote: وهل كل هؤلاء الذين تم إنهاء خدماتهم يعملون في الحكومة أم في القطاع الخاص! وما مصير الجنوبيون الذين يعملون في شركات القطاع الخاص !

تم انهاء عمل ابناء الجنوبيين في كل القطاعين الخاص والعام
واخرها (امس) (طالع صحف صباح اليوم) اصدرت وزارة العمل المنشور الخاص بانهاء عمل الجنوبيين في القطاع الخاص
انفاذا لقرار مجلس الوزراء رقم 236 لسنة 2011م الصادر في التاسع من يوينو الجاري
والذي اشار الى انهاء عمل الجنوبيين في كافة مستويات الحكم
وطالبت وزارة العمل من القطاع الخاص بتسوية استحقاقات الجنوبيين وفقا لقانون العمل سنة 1997م

Quote: كيف تم تحديد المواطن الجنوبي!!

المواطن الجنوبي : هو الشخص البحق ليهوا التصويت في الاستفتاء للانفصال او الوحدة......

تحياتي ياميادة
استوقني الرقم 6000 جنوبي ، وطبعا تم استيعابهم بالخدمة في ظل سياسة التمكين ، ألا تتفقي معي بأنه عدد قليل جدا لأقليم بحجم الجنوب ؟ وهي كذلك مظلمة أخرى لتجعل الوحدة غير جاذبة ؟؟؟ كم كان عددهم قبل الإنقاذ بالخدمة المدنية عندك فكرة ؟؟؟
كذلك عبارة (اما لجنة الاختيار فاعتقد انهم حالفين قسم غليظ بعدم محاباة احد و بشغل الشخص المناسب في المكان المناسب ) من متى حلفوا ؟ ومن متى وضعوا الشخص المناسب في المكان المناسب ؟ ما شفنا شيء يدل على ذلك ؟ دمار وخراب وفساد وإفساد وتسيب وغش وتلاعب وإهدار للموارد العامة في كل القطاعات الحكومية ... أنتظري تقرير المراجع العام الجديد وشوفي بأم عينك ماذا حاق بالبلاد والعباد من سياسات التمكين اللعين.. اتمنى صادقا للأخوة الجنوبين التوفيق والنجاح في حلهم وترحالهم فهم ما زالو يحملون الجنسية السودانية ويتمعون بنفس الحقوق والواجبات العامة إن كان في حقوق باقية ...
تحياتي
الشفيع ابراهيم

الأخت / ميادة

سلام ،،،،،

بالله ناس لجنةالاختيار حالفين القسم من متي ولو ما حالفين كان عملو شنو

مع تمنياتي للاخوة الجنوبيين بالتوفيق في بناء دولة ناجحة

مهما كان الخيار يا ميادة فالجنوبيين اخوانا وسيظلون اخوانا رغم قرار الانفصال

ياريت ما تصفقي وتفرحي لمثل هذه الاخبار .



أبو كريم

ميادة قريبتي
مسكاقمي
أها يا بت عمي ما وريتونا وضع لاعبي كرة القدم الجنوبيين في الاندية
ناس اتير وقلواك وجاستن وفضة وجينارو واتاك لوال وجوزيف باولينو ومليك اتاك واشويل اكواري وهلما جرا
وما تنسي يا ستنا مشجعي الهلال والمريخ من الجنوبيين
بالله ورينا دي حتحلوها كيف
عافيلقو

كوزة مجلس الوزراء ميادة.

هل تعلمي عدد رجال الأعمال الشمالين الموجودين الأن في الجنوب كم؟

وهل تعرفي من بينهم توجد كم شركة يملكها كيزان؟

Quote: كوزة مجلس الوزراء ميادة.

اوووووووووو يا دينق
ياخ بس ما تكون انت من ضمن الضباط والجنود الجنوبيين اللي ضمن قوات المارينز الامريكية اللي هددوا حكومة الجنوب بالعودة لواشنطن احتجاجا على الاوضاع السيئة للبنية العسكرية بالجنوب
واتهامهم الحركة الشعبية انها خدعتهم وقامت بجلبهم من امريكا
وعدم تنفيذ السلطات للاتفاق معهم عقب عودتهم للجنوب في يناير الماضي !!!!!!!!!!!!!!!!!!!!

Quote: اسع انت في الشارع ما بتقدر تميز الجنوبي من الشمالي ومن اولئك الذي ينتمون لغرب السودان(اوووووعكم يجي زول يقول لي دا كلام عنصري وشنو شنو)

لا باا هى العنصريه دى كيف؟؟؟
دى عنصريه ونص وخمسه ومن البجح والعنيف
انها الحرب اذن
يعنى ما لقيتى مثال تانى غير وصف سودانيين بانهم اولئك الذى ينتمون لغرب السودان
بتلميح من كلمه اولئك التى تعطى معنى بانه لا يمكن التعريف به
كما ولو انك لا تريد ذكر الاسم ليكون مقروناً بانسان او مواطن سودانى فاستعيضتى بكلمه اولئك لتكون نكره
وقد يجوز انك ذكرتيها بنوع من الدهاء والذكاء فى استخدام المفردات اللغويه
ولكننى متاكد بانك كتبتيها عن عنصريه وجهل وغباء فقط لا غير
لذا لا الومك



==========
ومن الليله لا بينى ولا بينك

الاخت ميادة...

كانت عندي طلبات تقديم لوظائف...بالقضائية...والقضاء العسكري...
والنيابة...والجمارك...والشرطة...والنائب العام..وحتات لا له حد
ولا له عد...
وامتحنت...وعملت معاينات...ومليت فورمات...ومشيت كشف طبي..
وفشلت في الحصول علي اي من هذه الوظائف...بل مافي زول قال
لي حاجة من اساسه...لا في رادي...لا في جريده...لا في قواله
ساكت...

فهل يحق لي التقديم من جديد...والله بقولو لي انت ما كنت مقدم
زمان وما شالوك!!!!

كلام آسل بس

God bless Sudan.

Quote: الاخت ميادة... كانت عندي طلبات تقديم لوظائف...بالقضائية...والقضاء العسكري... والنيابة...والجمارك...والشرطة...والنائب العام..وحتات لا له حد ولا له عد... وامتحنت...وعملت معاينات...ومليت فورمات...ومشيت كشف طبي.. وفشلت في الحصول علي اي من هذه الوظائف...بل مافي زول قال لي حاجة من اساسه...لا في رادي...لا في جريده...لا في قواله ساكت... فهل يحق لي التقديم من جديد...والله بقولو لي انت ما كنت مقدم زمان وما شالوك!!!!

انا اتيت لحوار...