كيف حال اخواننا ابناء جبال النوبة في عاصمة الهوس الخرطوم

نتمنى ان لا نسمع او نقرأ او نرى بام اعيننا ما رايناه لابناء دارفور بعد عملية الذراع الطويلة

الخطة الامنية (لو كنت كوز) ان لا اسمح او امنع تحرك ابناء الجبال في اتجاه الجبال
والانضمام الى اي قوات الحلو او انشاء مليشيات مستقلة لمنازلة قوات احمد هارون

تنفيذ هذه الخطة الامنبة سيتم بطريقة غير مباشرة، كتصعيب حركة البصات المتجهة جنوبا
بحجة عدم وجود الديزل، قد تشهد المدن الرئيسية ازمة ديزل في الايام القادمة

منو قال لك يا احمد ان حالهم احسن؟؟
لقد تمت اختفاءات كثيره بين ناشطين النوبه.
ويعتقد انها اغتيالات صامته!


تمت اعتقالات كثيره لنوبه عايدين من الخارج.
لذا بدأنا بنصحهم بعدم العوده حاليا.

سلام يا تراجي
مافي خبر يفرح

نحن نتمنى ان لا يقع الاسوأ، وهناك ما هو اسوأ من الاعتقالات والاختفاء لشخوص بعينهم

عندما يتم ضربهم جماعات وفلاادى من غير فرز الناشط من عامل البناء العادي، الطالب وعامل الفرن

اؤيد عدم عودتهم واذا كان ولابد، فهناك دائما خيارات اخرى، البركة في مطار جوبا الانفصل دا

شيئ مضحك ياأحمد أن تفكر حتى مجرد تفكير فى خيار النوبة الأفضل أن يأتوا عن طريق جوبا ..

والله يا أحمد، لا يمكن أن تعرف الأستحقار الذى يعانية أبناء التماس عموماً من قبل الجنوبين وتحديداً أخوتنا من أبناء النوبة. يعنى يا أحمد العنصرية التى يمارسها ضدنا أمثال عزام حسن فرح فى الكتابة أو قل بصورة مخفية فى الشمال الجغرافى يمارسها معنا الجنوبيون فى الهامش كل يوم، وأقوى شاهد أن بنات الجبال فى الحركة الشعبية كنا هن الشغيلات فى بيوت ضباط الحركة لخدمتهم وراحتهم، فى حين ضباط الحركة من أبناء الجبال يخدمونهم صغار الجنود من الذكور من بنى جلدتهم، رفض القائد يوسف كوه هذا الأستحقار الجنوبى وطرد الجنوبين أثناء الحرب إلى داخل الأراضى الجنوبية من جنوب كردفان، أنت فاكر الحركة الشعبية منعت المؤون من النوبة لماذا؟ أضف أن حمل الزخيرة هى من أشغال أبناء الجبال فى الجيش الشعبى وأطول مشوار مشاه أبناء الجبال يحملون الزخيرة على أك########م ورؤوسهم هو الطوف الذى تحرك به عبد العزيز الحلو من أثيوبيا قاطعاً كل ولاية أعالى النيل حتى ولاية الوحدة محاولاً إدخال الزخائر إلى جبال النوبة لكن جنود الحركة بقيادة رياك مشار أستولوا على الزخائر فى ربكونا على مرمى حجر من الجبال وتركوهم خشومهم ملح ملح ..

عظمة النوبة وعزتهم نعرفوها نحن الذين عشنا معهم، النوباوى يقتل نفسه فى الزراعة لكى يجمع كل قوت صيفه حتى فترة الحصاد المقبلة ويفرحون فرحاً غامر بالحصاد. شعب النوبة شعب منتج ويجيد العمل الجماعى، ثقافة النفير هى نوباوية.

وبالجد يا أحمد إذا تعرض الشماليون والكيزان للنوبة بالأستحقار والأزدراء سوف يكونوا أدخلوا أنفسهم معنا نحن البقارة فى محك ضيق، لأن فى تلك الحالة سوف ينحاز البقارة للنوبة .. وإذا أنحاز البقارة للنوبة يعنى وضع جنوب كردفان تحت الأشراف الدولى حتى لو كسر الشماليون رقبهم.

قضية إزدراء أو أستحقار النوبة لا تخص الحرب ضد الحركة الشعبية التى نحن ضدها هذه تخص كرامة أنسان الجبال ونحن جزء لا يتجزأ من ذلك الأنسان .. والراجل يحبش النوبة لو ما حرضنا ضده فرسان البقارة.


بريمة

سلام يا بريمة

ياخي شكرا على الرد المفصل دا يا حبيب.

انا بوستي عن ابناء جبال النوبة الفي الخرطوم والمدن الشمالية

وشيء جميل ان اعرف منك انكم كمسيرية ستتصدون لاي حقارة تلحق ابناء النوبة
طيب الضرب الشغال دا (ما تقول لي ديل ناس الحركة) ويستاهلوا، براك عارف بني
كوز، بضربوا من طرف، الناس المساكين ديل ذنبهم شنو؟؟

أحمد
سلام ..

Quote: طيب الضرب الشغال دا (ما تقول لي ديل ناس الحركة) ويستاهلوا، براك عارف بني كوز، بضربوا من طرف، الناس المساكين ديل ذنبهم شنو؟؟

الضرب الحاصل له طرفين الحركة الشعبية كجسم سياسى والمؤتمر الوطنى ..

ومن جانبى أرى قرار توحيد جيش الولاية وأمنها مسألة ضرورية لأنسان الولاية .. والموت الذى تراه سببه الأساس هو وجود سلاح بكميات هائلة فى الولاية خارج خزينة الدولة.

بريمة

سلام يا بريمة

انا دواس الرجال في الغابة وللا الخلا مان تو مان ما عندي معاه مشكلة كبيرة، وان كنا نتمنى
ان لا يتقاتل ابناء البلد في الفارغة والمقدودة

انا قضيتي ان ابناء جبال النوبة اينما وجدوا اليوم قد يتعرضون لاسخف معاملة انسانية
وهذا ما لا نرضاه

سبحان الله.. مافي نوباوي عاقل يلجم لينا تراجي ومرتزقتها الحاييمن في المنبر ديل زي الجمتي؟؟؟؟؟؟؟؟؟؟

محمود الدقم
سلام

Quote: سبحان الله.. مافي نوباوي عاقل يلجم لينا تراجي ومرتزقتها الحاييمن في المنبر ديل زي الجمتي؟؟؟؟؟؟؟؟؟؟

يا زول البوست مافيهو غير تراجي وانا وبريمة، فحدد لينا بالله، من المرتزق فينا لتراجي
انا وللا بريمة، عشان نعرف نرد عليك

ما تشفق/ سوف ياتون.

Quote: ما تشفق/ سوف ياتون

دي ما اجابة على سؤالي

سؤالي واضح، منو المرتزق انا وللا بريمة؟؟

.

كده احسن

تحياتي

يا احمد بن عوف ياخي انت من الاشخاص الذين (قبل كتابة هذا البوست) اظن فيك الخير/ نختلف/ نتفق/ هذا امر اخر/ لكن يبقي هنالك خيط معلق في الهواء لاعب الايكروبات وحده يحس به ويستشعر به وهذا الخيط ايضا ربما يكون حبل (طخين) يسمي البديهات/ والبديهات يا احمد بن عوف تقول ان الجيش السوداني الرسمي فيه الالاف من ابناء وبنات النوبة/ وان جهاز الشرطة والاحتياطي المركزي بالشمال والوسط والخرطوم فيه الالاف من ابناء وبنات النوبة/ والبديهات يا احمد تقول ايضا ان قائد كتيبة سلاح المهندسين التي دخلت كادقلي وقامت بتفكيك الالغام من ابناء النوبة/ وان الممسك بالملف الامني داخل قبة البرلمان السوداني من ابناء النوبة/ وان هناك ثلاثة الالاف فار من كادقلي من ابناء النوبة نزحوا مباشرة للخرطوم/ فهل وبديهيا تعتقد ان ناس الامن اغبياء يقوموا باعتقال وتعذيب ابناء النوبة بالخرطوم ومضايقاتهم في المطارات الداخلية وفي غرف النوم؟ هل تعتقد ان جهاز الامن سوف يتحامق ويضايق النوبة هكذا محض مزاج؟ هل يا احمد بن عوف ان حدثت مضايقات لابناء النوبة بالخرطوم (العنصرية) كما توهمت هل تعتقد ان ابناء النوبة الشغاليين في الجيش/جهاز الشرطة والاحتياطي المركزي ح يعملوا فيها رايحيين؟؟ هبنقيين؟ ويدقوا اضان جلد؟؟ ويحقلبوا جنسهم ويقولوا لا ولله نحن هندرواس؟؟ الاجابة بالتاكيد يا احمد هي لااااااا/No/كو/ نهييييي ؟ سوف (يطربق) ابناء النوبة الجيش بالخرطوم والشرطة بالخرطوم وساعتئذ انتظر القيامة/ لذا رجاءا يا ابن عوف انت ساعدنا بالذكاء/ وانا اتعهد لك برد ناعم/ مافي ذكاء رد سوف يكون قاسي/ علقم/ جهنمي/ يحطم كل خط احمر واخضر واصفر ورمادي.. عشت.

الاخ محمود الدقم

طيب خلينا نخمن (لحد ما تلقى ليك شرح يدخل راسي) انك بتحاول تمرر فكرة هي اقبح ما استعملته الحكومة
في ضرب دارفور وحريقها بالكامل الا ان اصبحنا ننظر بام اعيننا 4 مليون نازح و300 الف قتيل، والكلام
ياهو زاتو، ياخي الجيش السوداني كله من اولاد الغرب، ياخي عندهم تلاتة وزراء وهم الساندوا الانقاذ
دي زاتنا، ابتداءا من علي الحاج وانت نازل، ياخي انت بتقول في شنو، التلاتة ولاه في دارفور من ابناء
دارفور زاااتم، وبريمة زاتو قبل كده استعمل نفس المنطق، طالما ان الجنجويد هم من ابناء دارفور
فزيتهم في بيتهم، ولسه، ويسمعوك مزيدا من الاغاني المسمومه، ياخي تعال شوف اولاد دارفور ديل
بانين شنو في الخرطوم ومعرسين نسوان كيف، .... الخ الخ الخ

الفيلم دا والاسطوانه دي مدوره في راسناالى اليوم يا محمودليها عشرة سنوات ، وبنفس التفاصيل الانت بتحكي بيها دي

وانت تعلم تماما انها لن تمنع من حدوث ما اتحدث عنه، بكره دي، ح تسمع عن القبض على سلاح في الخرطوم
بهدف تنفيذ عمليه تخريبية يقودها عناصر الحلو بالخرطوم، وعييييك

Quote: طيب خلينا نخمن (لحد ما تلقى ليك شرح يدخل راسي) انك بتحاول تمرر فكرة هي اقبح ما استعملته الحكومة في ضرب دارفور وحريقها بالكامل الا ان اصبحنا ننظر بام اعيننا 4 مليون نازح و300 الف قتيل، والكلام ياهو زاتو، ياخي الجيش السوداني كله من اولاد الغرب، ياخي عندهم تلاتة وزراء وهم الساندوا الانقاذ دي زاتنا، ابتداءا من علي الحاج وانت نازل، ياخي انت بتقول في شنو، التلاتة ولاه في دارفور من ابناء دارفور زاااتم، وبريمة زاتو قبل كده استعمل نفس المنطق، طالما ان الجنجويد هم من ابناء دارفور فزيتهم في بيتهم، ولسه، ويسمعوك مزيدا من الاغاني المسمومه، ياخي تعال شوف اولاد دارفور ديل بانين شنو في الخرطوم ومعرسين نسوان كيف، .... الخ الخ الخ الفيلم دا والاسطوانه دي مدوره في راسناالى اليوم يا محمودليها عشرة سنوات ، وبنفس التفاصيل الانت بتحكي بيها دي وانت تعلم تماما انها لن تمنع من حدوث ما اتحدث عنه، بكره دي، ح تسمع عن القبض على سلاح في الخرطوم بهدف تنفيذ عمليه تخريبية يقودها عناصر الحلو بالخرطوم، وعييييك

لا لا لا يا احمد اخوي انت كدي بتجوط القضية بشكل غير سليم اطلاقا انت موضوعك واستفاهمك هو ونتيجة المبطنة ان يعين الرب نوبة الخرطوم وانت استخدمت عبارة الخرطوم العنصرية يعني انا الدقم وغيرنا استنتجنا مباشرة ان النوبة بالخرطوم بداو في شرب عصير النيم والسبب هم ناس الامن وانهم اي النوبة يتعرضون لاعتقالات علي الاقل ممكن مستقبلا لذا ولانك قلبك على النوبة جئت تلفت نظرنا في نهاية الويك-اند لهذا الامر الجلل هذا هو موضوعك قبل مداختلك الاخيرة في المقتبس حيث جاءت بصراحة لاعلاقة لها البتة بمتن البوست بل جاءت على ان ما تعرضت له دارفور جراء الخمس سنوات الماضية من تجاوزات مداني من قبلي جاءت في ظروف وسياقات مختلفة من حيث المكان والزمان والموضوع من حيث المكان ان ابناء دارفور الذين لقوا ربهم لقوه هناك في دارفور ومن حيث الزمان كانت في فترة الخمس سنوات والموضوع ايضا مختلف اما لو انك قلت بان هناك دارفوريين قد تعرضوا لقتل وتعذيب عام ٢٠٠٨م ابان عملية الزراع الطويل فساقول لك نعم وان الشرطة كانت تبحث عن جيوب وفلول دكتور خليل وان هناك تجاوزات قد حدثت اذن يا ابوحميد مرة اخري مداخلتك الاخيرة حرقت نسفت ضبحت موضوع بوستك من اللضان للضان بخصوص ابناء دارفور المنتسبين للمؤتمر الوطني والوزراء والولاة الخ فقبائل دارفور مثلها بقية القبائل الاخري فيها من هو منخرط مع الحكومة ومنهم من هو منخرط مع الجماعات المسلحة وهذا وضع طبيعي وقد اوضحت لك هذه النقطة ودلقت لك جملة امثلة.

الاخ محمود

ردي الفوق دا والانت اقتبستو، ما عنده علاقة بموضوع البوست، دا رد على منطقك الانت قلته وما حبيت امر
عليهو مرور الكرام

طرحي واضح من اول مداخلة

Quote: نتمنى ان لا نسمع او نقرأ او نرى بام اعيننا ما رايناه لابناء دارفور بعد عملية الذراع الطويلة

وانت قلت واحنا سمعنا وشوفنا عن تجاوزات طالت كل ابناء دارفور بحجة البحث عن بقايا قوات خليل

وما دايرين الحصل يتكرر تاني، لانه يا سيدي، غير ما يزيد من الشروخ في النسيج الاجتماعي السوداني الاحنا
متكوين بيهو دا.

يبدو ان اخبارهم ليست بخير

صباحات..


يا زول ديل هناك ما تخاف عليهم
خاف على الموجودين فى الجبال!!
ديل لو هبشوهم الهلال بقع درجة ثالثة
والمريخ ببقى ام دوم و عييييييييييك
الموردة, الموردة تبقى المقصلة!!