يا عطشانين السودان اتحدوا

- السرة اختي ازيك

- زي ما شايفاه يا التومة

- بسسسسسم الله الرحمن الرحيم مالك من الصباح

- كيف مالي لينا تلاتة يوم الموية درب نقطة مقطة ، قلت امشي البحر اجيب لي صفيحتين اختهم عندي لاقوني ناس اللجنة الشعبية قالولي يا السرة ماشة وين قلت ليهم ماشة البحر اجيب لي موية في الصفيحتين ديل قالوا لي نحن بنتمشي معاك نساعدك بس تدينا رسوم توصيل قلت ليهم لكن انتو ما شالوكم من اللجنة قالوا لي تبطلي لماضة والا نوديك محل يبلعوك كلامك ده قلت ليهم بري ارحكم طيب
اها مشينا قدام لاقاني ود علوية الالاتخرج من الجامعة بعد تمانية سنين ويادوب شغلوا ولبسوهو الكاكي ومعاه اتنين عساكر
السرة ازيك
اهلا يا المبروك
بطلي النفاق بتاعك ده
ناس اللجنة الشعبية ديل مودياهم وين
والله لا مودياهم لا حاجى انا ماشة اجيب موية من البحر قالوا لي نوصلها معاك بس تدفعي رسوم اللجنة
قلت ليهم ما عندي مانع
اها وفقع ديك يا الضحكة
وقال لي
انت يا السرة قايلة الحلة دي فوضى
كل شي عندو نظام
المحلية دي نحن لازم نضبطها
انت عندك ترخيص تجيبي موية من البحر؟
اجي يا ولدي ، البحر ده كمان داير ترخيص؟
ايوة انت قايلة اتفاقية مياه النيل دي عملوها لي شنو ما لتقنين الحصة بتاعة الموية
سجم خشمي الموية كمان بدخلوها الحصة؟
ليه عايزين يخرجوها دكتورة
اسمعي يا السرة انت مرة كلامك كتير
عندك رخصة والا ما عندك
ما عندي
خلاص
لو جبتي الموية حنغرمك
اجي ؟
وكان ما جبتها
برضو حنغرمك لانك اثرتي الفوضى في الشارع وعطلتي ناس اللجان الشعبية
عرفتيني يالتومة وشي ينعل قفاي ليه؟

Quote: طبعا المويه الادونا ليها مع العداد كملت في 70 ساعه بالضبط حسام قال ليه حاسل العداد اجدعو طبعا احمد عامل فيها الكبير الدكتور المجترممسكو نهروا ودخلو في اضافرينو. دور عربيتو ومشي قسو المويه في بريقالو ليه الليله السبت اجازهامشي الرئاسه في المقرن.مشي المقرن لقي ناس الهد فقالو ليه الرئاسه السبت نص يومالدوام خلصكورك زيييييييين . وجا راجع البيت من غيرمويهقال لي حسام انت قبيل قلت شنوقال ليه ما قلت ولا حاجهوانا خلاص بقيت محترم وستوعبت الدرسالاخدتو منكوتصور قاعدين بعقاب الصهريج

الحاصل الفوق ده قصة حقيقية حدثت نهار هذا اليوم نقلتها كما حكاها لي الر اوي وهو والد احمد وحسام