Post: #1
Title: دى عوجة دى!
Author: jini
Date: 06-17-2011, 10:36 AM
Parent: #0
بقرا فى نصائح طبية المؤلف ينصح متوسطى العمر ومن تجاوزوا الخمسين بان يكون طبيبهم الخاص أقل منهم بعشرين عاما بحيث لا يرحل قبلكهم للعالم الآخر!!طوالى فكرت فى اطفالى الأصغر منى بجلجغمية سنة!
دى نصيبة شنو!
نلقاها من المؤلف ولا من البشير!
السودانيين يتزوجون بعد ان يكونوا تجاوزوا الثلاثين وربما الاربعين!
وربما يكون البعض اجرى عملية بروستات وقسطرة كمان!
فى بلد ليس فيه مجانية تعليم او علاج او ضمان إجتماعى!
الواحد تلقاهو شايل طفله زى كنج كونج لا توجد مقارنة فرق يحى من زكريا بعد أن اشتعل الرأس شيبا!
وبعد دا يقوليك هيع وها وكع وباع وسير سير يا بشير!
الخلا علينا وعلى شفعنا وأمهات شفعنا!
جنى
|
Post: #2
Title: Re: دى عوجة دى!
Author: محمد إبراهيم علي
Date: 06-17-2011, 10:54 AM
Parent: #1
| Quote: متوسطى العمر ومن تجاوزوا الخمسين |
بتطمن في روحك يا جني مش كدة ؟
حليل الرجال الكان بصلو 100 سنة
اسي الواحد تلقاهو عمرو 40 سنة تحلف تقول في التمانين
شي سكري وشي ضغط والركب تطقطق والعجب الاسمو المصران حماك الله
وانت لا اعتقد ان هناك سوداني لا يعاني من المصران وفقعة المرارة (مع انها منتشرة اكتر وسط النساء لوووول)
|
Post: #3
Title: Re: دى عوجة دى!
Author: jini
Date: 06-17-2011, 12:13 PM
Parent: #2
Quote: بتطمن في روحك يا جني مش كدة ؟
حليل الرجال الكان بصلو 100 سنة
اسي الواحد تلقاهو عمرو 40 سنة تحلف تقول في التمانين
شي سكري وشي ضغط والركب تطقطق والعجب الاسمو المصران حماك الله
وانت لا اعتقد ان هناك سوداني لا يعاني من المصران وفقعة المرارة (مع انها منتشرة اكتر وسط النساء لوووول) |
المية دى تانى بى بوش واب سكيلينق ما نلم فيها!
جنى
|
Post: #4
Title: Re: دى عوجة دى!
Author: جمال الباقر
Date: 06-17-2011, 01:29 PM
Parent: #3
الأعمار بيد الله
جمعة مباركة حيدر
|
Post: #5
Title: Re: دى عوجة دى!
Author: jini
Date: 06-17-2011, 01:42 PM
Parent: #4
Quote: الأعمار بيد الله
جمعة مباركة حيدر |
بلحيل ونعم بالله
علا ناس جزيرة أوكيناو لمن الواحد يموت وعمر 95 سنة بقولوا عليهو إتختف مات جاهل وصغير!
نحن متوسط العمر 54 سنة!
من كترة بكرى ما بسود المنبر أنا قربت اشرد اخليه المنبر بقى زى أسماء فى حياتنا!
جنى
|
Post: #6
Title: Re: دى عوجة دى!
Author: جمال الباقر
Date: 06-17-2011, 02:23 PM
Parent: #5
Quote: من كترة بكرى ما بسود المنبر أنا قربت اشرد اخليه المنبر بقى زى أسماء فى حياتنا!
|
|
Post: #7
Title: Re: دى عوجة دى!
Author: دينا خالد
Date: 06-17-2011, 03:24 PM
Parent: #6
| Quote: ومن تجاوزوا الخمسين |
قبلكم وحدكم ..
ــــــــــــــــــ
جنى قال: ( والرجل السودانى يتزوج بعد الثلاثين واحيانا الاربعين )
بلاااااا والمتزوج ليها شنو تانى ؟
|
Post: #8
Title: Re: دى عوجة دى!
Author: jini
Date: 06-17-2011, 03:48 PM
Parent: #7
Quote: جنى قال: ( والرجل السودانى يتزوج بعد الثلاثين واحيانا الاربعين )
بلاااااا والمتزوج ليها شنو تانى ؟ |
عند الاربعين !
حتى لا يدرى أهو عريس أم نبى!
هو البنات بقوا بعرسوا فى الاربعين بقت على الرجال!
وفى الثلاثين وبلا برضو يا دينا!
دايراهو يعرس فى الروضة!
فى بيوت آحر حنة ليهم حنة الطهور
جنى
|
Post: #9
Title: Re: دى عوجة دى!
Author: دينا خالد
Date: 06-17-2011, 05:37 PM
Parent: #8
Quote: هو البنات بقوا بعرسوا فى الاربعين بقت على الرجال!
|
تف من خشمك ..
غايتو بسسسس كان خليت المطاعنه دى ما عندك عوجة !
لوووووووب .
|
Post: #10
Title: Re: دى عوجة دى!
Author: jini
Date: 06-17-2011, 06:17 PM
Parent: #9
Quote: تف من خشمك ..
غايتو بسسسس كان خليت المطاعنه دى ما عندك عوجة !
لوووووووب . |
Quote: تف من خشمك ..
غايتو بسسسس كان خليت المطاعنه دى ما عندك عوجة !
لوووووووب . |
انتى موش لسة آيلة قبلكم وحدكم!
من أستغضب ولم يغضب فهو حمار!
عاوزانى أفرش ليك بساط أحمر!
انا جنى وجن الكبر لو لقيت نفسى أكبر واحد فى حتة بتخارج منها على طول حتى لوكان مسجد!
جنى
|
Post: #11
Title: Re: دى عوجة دى!
Author: عاطف عمر
Date: 06-17-2011, 06:33 PM
Parent: #10
| Quote: انا جنى وجن الكبر لو لقيت نفسى أكبر واحد فى حتة بتخارج منها على طول حتى لوكان مسجد! |
في لحظة صفاء مدحت السيدة الفضلى بعلتنا بنتنا العروس القادمة حديثاً للإقامة بمدينة دبى مدحاً كثيراً ( الشهادة لله البنت تستحق ذاك المديح وأكثر ).
بنتنا العروس هذه هى زوجة أحد الشباب الذين أكون أنا ( في الحسبة ) عمه
سألت السيدة بعلتنا عن سر إعجابها ومديحها الكثير لهذه الشابة ولم تتجاوز معرفتها بها الكم شهر
فأجابت بلا تلعثم
" ياخ دي أصلها ما بتقول ليك عاطف حاف كدا ، طوالي بتناديك بـ عمي عاطف "
____________
هسع أنا أسوي شنو يا جني ؟؟
أطلب لجوء أسري ؟؟؟
|
Post: #12
Title: Re: دى عوجة دى!
Author: jini
Date: 06-17-2011, 06:37 PM
Parent: #11
Quote:
هسع أنا أسوي شنو يا جني ؟؟
أطلب لجوء أسري ؟؟؟ |
لو انت عمها بعلتكم خالتها!
قول ليها عمو دى طالعة من بؤها زى العسل!!!
شوفها لو ما شمتها ليك شمة عدوك!
جنى
|
Post: #13
Title: Re: دى عوجة دى!
Author: عاطف عمر
Date: 06-17-2011, 06:51 PM
Parent: #12
Quote: قول ليها عمو دى طالعة من بؤها زى العسل!!!
شوفها لو ما شمتها ليك شمة عدوك! |
ديشاااااااك
إنما وصفة لكن
___________
قديماً قال صديقي عصام
"الناس بيقولوا كمال عبدالوهاب أحرف من ( يحاور ) الدفاع ، والله أنا المحاورة البحاورا لزوجتي كمال عبدالوهاب ما حاور ربعها "
|
Post: #14
Title: Re: دى عوجة دى!
Author: Elawad
Date: 06-17-2011, 06:56 PM
Parent: #13
عارف يا جني أول علامات الكبر بتكون لمن تمشي لدكتور و تسأل بينك و بين نفسك يا رب الزول دا يكون قدري؟ طبعا هنا بتكون في مرحلة الإنكار و تطمن روحك تقول والله ما شاء صغير. شوية شوية بجي الاعتراف و تقر بإنك إنت الكبرت. واحد صاحبنا جا يركب حافلة جات واحدة عامل فيها ظريف زح ليها و قال ليها اتفضلي يا خالة بلعتها و سكتت و قعدت في كرسيها لمن جا يركب ضرب راسه بباب الحافلة طوالي نطت قالت ليه تستاهل.
والله ياخي الكبر ما بندار لكن برضه التحية و الاحترام واجبات و لا أملك إلا تقديمها للعم جني و العم عاطف و الخالة دينا.
|
Post: #33
Title: Re: دى عوجة دى!
Author: محمد ميرغني خليفة
Date: 06-22-2011, 00:30 AM
Parent: #14
الكبر علاماتو معروفه . بيصر العين ويرخى الشلوفه
|
Post: #15
Title: Re: دى عوجة دى!
Author: jini
Date: 06-17-2011, 06:59 PM
Parent: #13
Quote: ديشاااااااك
إنما وصفة لكن
|
الله يقدرك إستعملها!
عشان ينوموك اربعة صباحا!
المحاورة عندك!
تحاور فى الهواء الطلق!
والله نحن بمشطوا البورد بى ورانا مشيط السرور!
وين ختم عبود قريبى!
ما سلبطة مهيرة اخت جدتى الكبرى وجده الاكبر!
جنى
|
Post: #16
Title: Re: دى عوجة دى!
Author: عاطف عمر
Date: 06-17-2011, 07:23 PM
Parent: #15
Quote: المحاورة عندك!
تحاور فى الهواء الطلق!
والله نحن بمشطوا البورد بى ورانا مشيط السرور! |
يا أخوي نحنا السيدة بعلتنا تتعامل معنا مثل تعامل حكومتنا مع المعارضة
فالحكومة أعطت المعارضة ( هامش حرية ) تقول فيها ما تشاء
وفي ذات الوقت الحكومة تعمل كما تشاء
في مرة من ( المرارت ) إنتحت أحد السيدات ممن جمعنا بها لقاء أسري إنتحت جانباً بزوجتي ولامتها بالقول
" أن كيف تسمحي لـ عاطف بالكلام هكذا أمامنا عن أصدقائه ( المدبلين ) فوق زوجاتهم إنت ما خايفة أنهم و ........ "
فقاطعتها السيدة بعلتنا
" أنا عاطف ما دام ( بطربق ) كدا ما خايفة من حاجة ، بخاف يوم ( يكضم ) "| Quote: وين ختم عبود قريبى! |
الباشمهندس ختم عبود بخير
لايزال يجابد الحياة ويعافرها في ( خرطوم ) قال إنه أصبح لا يفهم عنها شئ
كنت حضوراً في يناير الماضي زواج كريمته الثانية
فقلت له مداعباً
" أنك قد إنتقلت من خانة الأصدقاء ( الأعمام ) لخانة الأصدقاء ( الجدود ) "
|
Post: #17
Title: Re: دى عوجة دى!
Author: jini
Date: 06-17-2011, 07:29 PM
Quote:
الباشمهندس ختم عبود بخير
لايزال يجابد الحياة ويعافرها في ( خرطوم ) قال إنه أصبح لا يفهم عنها شئ
كنت حضوراً في يناير الماضي زواج كريمته الثانية
فقلت له مداعباً
" أنك قد إنتقلت من خانة الأصدقاء ( الأعمام ) لخانة الأصدقاء ( الجدود ) " |
ختم طبعا الدفعة القدامى بى سطاشر سنة!
جنى
|
Post: #18
Title: Re: دى عوجة دى!
Author: عاطف عمر
Date: 06-17-2011, 07:50 PM
Parent: #17
| Quote: ختم طبعا الدفعة القدامى بى سطاشر سنة! |
يا راااااااااجل
لدينا إعتراف سابق موثق منك
فذاكرة البورد لا تنسى ( كما كان يقول عثمان محمد صالح )
|
Post: #19
Title: Re: دى عوجة دى!
Author: jini
Date: 06-17-2011, 07:57 PM
Parent: #18
Quote:
يا راااااااااجل
لدينا إعتراف سابق موثق منك
فذاكرة البورد لا تنسى ( كما كان يقول عثمان محمد صالح ) |
عندى قريبى كان تعلمجى فى الكلية الحربية تقول ليهو اسم اى ضابط يقولو ليك انا علمتو انا دربتو وكدة الا عبود!
ليه! عشان كبير!
اها انت عاوز تعملنى قدر ختم ولد عبود ذاتو!
جنى
|
Post: #34
Title: Re: دى عوجة دى!
Author: خدر
Date: 06-22-2011, 01:17 AM
| Quote: " أنا عاطف ما دام ( بطربق ) كدا ما خايفة من حاجة ، بخاف يوم ( يكضم ) " |
والله ياعاطف بختك
ربنا قسم ليك مرة فااااهمة
_____
زمان قلنا المرأة حكيمة و الراجل مغامر , ما صدقونا
|
Post: #20
Title: Re: دى عوجة دى!
Author: عاطف عمر
Date: 06-17-2011, 08:01 PM
Parent: #1
| Quote: والله ياخي الكبر ما بندار لكن برضه التحية و الاحترام واجبات و لا أملك إلا تقديمها للعم جني و العم عاطف و الخالة دينا. |
الصديقة العزيزة و ( بنت دفعتنا) ( م ) هى زوجة صديقنا العزيز ( وإبن دفعتنا ) أيضاَ ( خ )
كانا يقيمان في دبى وعشنا كـ أسر معهم أجمل سنواتنا
كانت دائمة الطلب مني ومن زوجها
" النبي خصيمكم كان تقولوا قدام النسوان أنا دفعتكم ، قولوا لمن إنتو كنتو فاينل في الجامعة أنا كنت برلومة "
رجعوا السودان بصورة نهائية
وهناك إلتقت بأبناء دفعتنا من تساقط شعره وأصبح أصلعاً ومن إبيض شعره رأساً ولحية وذقناً ومن ترهل جسمه.
وهناك أطلقت طرفتها
" بري يا يمة أنا لا دفعتكم لا شفتكم قبال كدا ، أنا دفعة عاطف القاعد في دبى داااك "
_________
شفت يا العوض عمك جنى نكر إبن دفعتو ختم عبود من قلنا ليهو أنو بناتو إتزوجو كيف ؟؟
|
Post: #21
Title: Re: دى عوجة دى!
Author: Elawad
Date: 06-17-2011, 11:11 PM
Parent: #20
عم جني أنا عارفه يا عاطف حاجتين بنكر فيهم أي زول الكبر و الموت. للأمانة كدا الاتنين ما بتدارو و الاتنين مافي زوغة منهم.
|
Post: #22
Title: Re: دى عوجة دى!
Author: jini
Date: 06-18-2011, 08:09 PM
Parent: #21
Quote: عارف يا جني أول علامات الكبر بتكون لمن تمشي لدكتور و تسأل بينك و بين نفسك يا رب الزول دا يكون قدري؟ طبعا هنا بتكون في مرحلة الإنكار و تطمن روحك تقول والله ما شاء صغير. شوية شوية بجي الاعتراف و تقر بإنك إنت الكبرت. واحد صاحبنا جا يركب حافلة جات واحدة عامل فيها ظريف زح ليها و قال ليها اتفضلي يا خالة بلعتها و سكتت و قعدت في كرسيها لمن جا يركب ضرب راسه بباب الحافلة طوالي نطت قالت ليه تستاهل.
والله ياخي الكبر ما بندار لكن برضه التحية و الاحترام واجبات و لا أملك إلا تقديمها للعم جني و العم عاطف و الخالة دينا. |
تعرف فى حالتنا دى لمن يقولوا ليك طبييبك مفروض يكون فى عمر ولدك!
تكون دى الضربة القاضية تكون كبرت ولدك ما عمره تلاتين سنة وماطبيب!
عمى يلايسك عمك بى وين!
جنى
|
Post: #23
Title: Re: دى عوجة دى!
Author: smart_ana2001
Date: 06-18-2011, 08:57 PM
Parent: #22
ضحكتوني و الله.
لكن يا عاطف صحبتكم فكرتها تمام. أنا تاني ح امنع زوجي يقول اننا دفعة
خالتي قرت في المجمع الطبي جامعة الخرطوم. كانت بتنزل في أولادها في المجمع الطبي قاموا قالوا ليها شايفه الراجل الكبير ابو شعر ابيض ده البروف منو كده و بدرسنا شنو كده. قالت عاين للراجل. و عرفته علي طول. طلع دفعه. قالت قلت ليهم: بالله. شكلو درسني أنا زاتي.
جني، شكلك نوع الاباء اللي لما تش فهم في السوق بتقعد تقول يا الله ده الاب ام الجد!
|
Post: #24
Title: Re: دى عوجة دى!
Author: jini
Date: 06-18-2011, 09:25 PM
Parent: #23
| Quote: جني، شكلك نوع الاباء اللي لما تش فهم في السوق بتقعد تقول يا الله ده الاب ام الجد! |
| Quote: جني، شكلك نوع الاباء اللي لما تش فهم في السوق بتقعد تقول يا الله ده الاب ام الجد! |
لا لا ما قدر دا ما تبالغى كمان!
بعمل فيها ان الولد الكبير بتخصص فى بريطانيا والبت الكبيرة متزوجة فى دبى والاصغر منهم فى الجامعة فى السودان!
احلى حاجة اولادى بقعدوا معاى اطول فترة لكن التانيين اولادهم بفتقوا بدرى الا يفتشوا ليهم ملجا عجزة!
جنى
|
Post: #25
Title: Re: دى عوجة دى!
Author: نوفل عبد الرحيم حسن
Date: 06-19-2011, 08:57 AM
Parent: #24
بروف عون الشريف قال اول علامات الكبر لما تجي تلبس هدومك وتنسد علي الحيطه او علي الدولاب عشان تحفظ توازنك .. او كما قال
كيلو اللحمه في بلد الثروه الحيوانيه دي وصل 30 الف ... الما بخلي زول يعرس بعد ال 30 وال 40 شنو يعني ؟
|
Post: #26
Title: Re: دى عوجة دى!
Author: عاطف عمر
Date: 06-19-2011, 11:16 AM
Parent: #23
سلامات يا إسمارت
نضحكك للسنة الجاية في جني وأولاد دفعتو
أمسكي دي
واحد صاحبنا ( من مجموعة جني ) إتزوج بعد الأربعين ، عيالو يا حلاتم ( كي جي 2 وكي جي 1 )
وعامل لى زوجتو أنو ( أبوالقاسم الشابي )
كان في مرة منتظر زوجته وأنجالو القادمين من السودان لدبى
إستقبلهم بالفرح كلو
وفجأة قام لفت زوجتو أنو ( الست ) القادمة ناحيتهم دييييك - وكانت قادمة في نفس الطائرة - زميلتو ودفعتو فلانة
بعد السلام والمطايبة قام سألها
إنت بالله في الإمارات دي ؟؟ أصلو مافي زوول قبال كدا أدانا خبر أنك موجودة هنا......
فقاطعته بقنبلتها الصاعقة
" أنا ما مقيمة معاكم في الإمارات ، أنا بس جاية زيارة عشان ( أنفس ) بتي "
فتلعثم صاحبنا
" إنتي عندك بنت متزوجة وهسع دايرة تلد ؟؟؟ "
نظرت الصديقة لـ ( تلجلج ) صديقها ولنظرة ( الشماتة ) عند الزوجة
ففهمت القصة وأردفت بقنبلتها الأولى بالقنبلة التانية
" أجي يا (... ) كمان بتنسى ؟؟ تتذكر قبال خمسة وعشرين سنة زواجي الكان في النادي الكاثوليكي ورقيصك وجوطتك مع ناس فلان وفلانة .........أها بتي الجاية أحضر ولادتها دي عمرها أربعة وعشرين سنة "
وحياتكم صاحبنا شم صاحبتو دي شمة العدو
سلامة وضوع البنية ما خلتوا يمشى يزورا
|
Post: #27
Title: Re: دى عوجة دى!
Author: عامر باضاوي
Date: 06-19-2011, 11:57 AM
Parent: #26
جني
سلام
دي رساله من الميل
دى اخرتا ياابـو دفع اللة!!
دفع اللة رجل في الستينات من عمره تعرض لنوبة قلبية ودخل المستشفى وعملوا ليهو عملية قلب وقسطرة ...الخ وام دفع اللة واقفة معاهو وقفة تمام وتبكى وتصلى وتتدعا لى اللة
بعد شهر بقا كويس و بدأ يتحرش بأم دفع اللة فرفضت بشدة وقالت ليهو انت عيان ودة ممكن يأثر على قلبك
ابودفع اللة قال ليها ما تخافي .. عادي .. الدكتور قال لى انت تمام وممكن تمارس حياتك بشكل طبيعي قالت ليهو جيب لي منو ورقة
راح ابو دفع اللة للدكتور وحكى ليهو القصة فرد عليهو الدكتور وقال لى انت طبيعي وانا مستعد اكتب ليك الشهادة وشال ورقة وكتب عليها
إلى أم دفع اللة .. بعد التحية
أشهد أن ابو دفع اللة سليم ويستطيع أن يمارس حياته مثل أي شاب في العشرينات من عمره
فقاطعه ابو دفع اللة وقاليهو صحي يادكتور ؟؟
قام الدكتورقال ليهو أكيد صحيح بوستيف %100
ابو دفع اللة عاين للدكتور بانبساطة و قال ليهو طيب لو سمحت يا دكتور ممكن تشطب عبارة الى أم دفع اللة وتكتب بدالها
إلى من يهمه الأمر
اها رايك شنو
|
Post: #28
Title: Re: دى عوجة دى!
Author: عاطف عمر
Date: 06-21-2011, 05:34 AM
Parent: #1
وهذه أخرى
بطلها الأخ الحبيب - زميلنا في البورد -
د. حيدر بدوي صادق ( سمي ) حبيبنا العم جني
في شهر مايو من العام 1996 إغتنمت صحيفة البيان الإماراتية وجود د. منصور خالد في دولة الإمارات في مهمة رسمية وأقام القسم السياسي فيها ندوة عن الأوضاع السياسية في السودان وقد دعى لفيف من السودانيين المهتمين بالشأن العام .
تشرفت أن أكون والأخ الحبيب د. حيدر ( الذي كان وقتها أستاذاً بجامعة الإمارات ) ضمن المدعوين
مقدم الندوة وهو رئيس القسم السياسي بصحيفة البيان كان ( طالباً ) سابقاً للحبيب د. حيدر بالجامعة وقد سره كثيراً حضور أستاذه د. حيدر للندوة لذلك فقد حرص على إعطائه ( أول فرصة ) للسؤال والنقاش عندما إنتهى د. منصور خالد ( الذي كان بكامل شبابه وأناقته ) من تقديم ورقته.
أخذ د. حيدر الفرصة و( تأهب ) د. منصور وجهز قلمه وورقته لسماع السؤال وهو يسمع من مقدم الندوة إطنابه ( المستحق ) في د. حيدر .
إبتدر د. حياته مداخلته بالقول
" إن سعادتي اليوم لا تحدها حدود وأنا أتداخل مع الدكتور العلامة منصور خالد ، فالدكتور منصور عندما كان وزيراً للتربية في بداية السبعينات كنت أنا طالباً في المرحلة الإبتدائية .......... "
رمى د. منصور خالد بورقته وقلمه ورجع بكرسيه للوراء وتلفت يمنى ويسرى و( طنطن ) طنطنة أضحكت المنصة وانتقلت عدوى الضحك لكل القاعة .
|
Post: #29
Title: Re: دى عوجة دى!
Author: jini
Date: 06-21-2011, 06:29 AM
Parent: #28
Quote:
بروف عون الشريف قال اول علامات الكبر لما تجي تلبس هدومك وتنسد علي الحيطه او علي الدولاب عشان تحفظ توازنك .. او كما قال
كيلو اللحمه في بلد الثروه الحيوانيه دي وصل 30 الف ... الما بخلي زول يعرس بعد ال 30 وال 40 شنو يعني ؟ |
والغريبة هم بعرسوا مثنى وثلاث ورباع ويتبرعوا لمصر بخمسة الاف بقرة!
جنى
|
Post: #30
Title: Re: دى عوجة دى!
Author: المسافر
Date: 06-21-2011, 07:09 AM
Parent: #29
Quote:
" ياخ دي أصلها ما بتقول ليك عاطف حاف كدا ، طوالي بتناديك بـ عمي عاطف "
|
لا حولا يا عمي عاطف
انت كان كدا مراقب بالرادار
أوع يا بسام تكون بسمتك أنغام
|
Post: #31
Title: Re: دى عوجة دى!
Author: jini
Date: 06-21-2011, 07:59 AM
Parent: #30
Quote:
دى اخرتا ياابـو دفع اللة!!
دفع اللة رجل في الستينات من عمره تعرض لنوبة قلبية ودخل المستشفى وعملوا ليهو عملية قلب وقسطرة ...الخ وام دفع اللة واقفة معاهو وقفة تمام وتبكى وتصلى وتتدعا لى اللة
بعد شهر بقا كويس و بدأ يتحرش بأم دفع اللة فرفضت بشدة وقالت ليهو انت عيان ودة ممكن يأثر على قلبك
ابودفع اللة قال ليها ما تخافي .. عادي .. الدكتور قال لى انت تمام وممكن تمارس حياتك بشكل طبيعي قالت ليهو جيب لي منو ورقة
راح ابو دفع اللة للدكتور وحكى ليهو القصة فرد عليهو الدكتور وقال لى انت طبيعي وانا مستعد اكتب ليك الشهادة وشال ورقة وكتب عليها
إلى أم دفع اللة .. بعد التحية
أشهد أن ابو دفع اللة سليم ويستطيع أن يمارس حياته مثل أي شاب في العشرينات من عمره
فقاطعه ابو دفع اللة وقاليهو صحي يادكتور ؟؟
قام الدكتورقال ليهو أكيد صحيح بوستيف %100
ابو دفع اللة عاين للدكتور بانبساطة و قال ليهو طيب لو سمحت يا دكتور ممكن تشطب عبارة الى أم دفع اللة وتكتب بدالها
إلى من يهمه الأمر
اها رايك شنو
|
تطلب ثيرد اوبينيون او كونسلتو!
بصراحة دا راجل ندل والنوبة التانية حتجيهو فى وردية الليل
جنى
|
Post: #32
Title: Re: دى عوجة دى!
Author: عاطف عمر
Date: 06-21-2011, 07:31 PM
Parent: #30
تحياتي وسلامات المسافر ( في فراديس الحضارات والنعيم )Quote: لا حولا يا عمي عاطف
انت كان كدا مراقب بالرادار |
ومن كان منكم بلا رقابة فليرمني بحجر
_____________
ياخ الرقابة دي زااااتا مرات بتديك إحساس ممتع بـ ( رفع الروح المعنوية ) وأنك لا تزال مرغوباً ويخاف عليك من ( الإختطاف )
|
Post: #35
Title: Re: دى عوجة دى!
Author: د.محمد بابكر
Date: 06-22-2011, 02:02 AM
Parent: #32
جنى وضيوفه وتحديدا العوض
سلامات سمعتنى دينه بنتى ذات العشر سنوات وانا احاور امها فى محاوله من محاولاتى الدؤوبه لجعلها منشغله عنى بامر جلل ..قلت لهاان المثل يقول(الموت كان خلاك الكبر مابخليك ) انزعجت دندون وقالت (يابابا احسن الكبر)..افسدت على خطتى لان الموضوع صار الى ضحك على قول الصغيره فقفزت الى الخطه (ب) فقلت لزوجتى الم تتاملى الايه( ان الموت الذى تفرون منه ملاقيكم)فهى تعنى اننا بفرارنا انما نقرب المسافه لانه يلاقينا ولايركض وراءنا..بينى وبينكم بعد كلامى ده انا زاتى دخلتنى خوفه لكنى على قول الليبيين(الله غالب)..مع ودى وتقديرى..
|
Post: #36
Title: Re: دى عوجة دى!
Author: د.محمد بابكر
Date: 06-22-2011, 02:07 AM
Parent: #32
|
Post: #37
Title: Re: دى عوجة دى!
Author: Abureesh
Date: 06-22-2011, 05:02 AM
Parent: #36
الأطباء يقولوا ليك الزول بعد الخمسين مفروض يعمل فحوصات دوريـة!!
فحوصات لشنـو (مع الإعتذار للراحل خدر بشيـر)
المفروض الشباب هم اليعملوا فحوصات دوريـة.. ناس الخمسين ديل مفروض بسرعـة يشوفوا الحاجات
الناقصـة يتموها قوام قوام.. زمن مافى.. فى علوم البرمجـة، لما المطور يصحح خطأ النتيجة ظهور
3 أخطاء جديدة.. يعنى لو مشى زول الخمسين يفحص الخطوة التانية العلاج طبعاً.. والعلاج والأدوية تظهر
ثلاثة امراض اخرى.. يعنى شوية السنين الفضلن ليه ديل حيقعد يقضين جرى بين العيادة والمختبر والمشتشفى
والصيدليات.. ويختم القصـة بأحمـد شرفى.. ما يكون أنجز أى شئ غير صرف الالاف الكان مفروض يستثمرهم
كم سنـة الفضلوا ليه ويخليهم لأولاده.
.
|
Post: #38
Title: Re: دى عوجة دى!
Author: هشام المجمر
Date: 06-22-2011, 05:15 AM
Parent: #37
يا جنى مالك علينا
حبوبتى عيشة الله يرحمها كانت اصلو ما بتحب سيرة الموت و كنا لمن نجيب سيرة قريب او حبيب ميت بتزعل و بتقول الله يفتح عليهو فى الحتة الراقد فيها مالكم جايبين سيرتو
اها حسع باقى لى انت زى حبوبتى عيشة لكن غالبك تسكت مع انو انا شايف حلها هى كان كويس ما تجيب السيرة يااااااخ
|
|