Post: #1
Title: فريق سوداني يبني قمراً صناعياً تجريبياً أطلق عليه اسم «كيوبسات»
Author: صلاح غريبة
Date: 06-16-2011, 09:45 AM
Parent: #0
أطلق عليه اسم «كيوبسات»
الخرطوم: حمد الطاهر: تمكن فريق من كلية الهندسة جامعة الخرطوم من بناء اول قمر صناعي سوداني اطلق علية اسم «كيوبسات» بجانب انشاء محطة ارضية. وتم ارسال واستقبال الاشارات من القمر الى المحطة.
وقالت رئيسة قسم الهندسة الكهربائية والالكترونية بجامعة الخرطوم الدكتور تهاني عطية لـ«الصحافة»، ان «كيوبسات» قمر صناعي تعليمي لأغراض البحث العلمي.
وبدأ المشروع بمبادرة من الدكتور نادر عبدالحميد عمر في أغسطس 2009 ، والذي عمل مع فريق يضم 4 مهندسين من جامعة الخرطوم تحت رعاية واشراف مركز النيل للأبحاث التقنية، وتمكن الفريق من وضع التصاميم لمشروع القمر وتحويلها الي دوائر الكترونية.
واكدت تهاني عطية في منتدي بمناسبة بناء القمر امس، انه تم تجميع القمر بصورة دقيقة وانشاء محطة ارضية له وتثبيته علي برج كليه الهندسة جامعة الخرطوم، وتم ارسال واستقبال الاشارات والبيانات في المحطة الارضية، وزادت «بذلك نكون كسرنا حاجز الخوف من التقنية ونتطلع لاطلاق قمر صناعي باسم السودان في الفضاء الخارجي على امتداد الكرة الارضية».
وقال رئيس الفريق وصاحب الفكرة ، ان هنالك اكثر من 100 جامعة في العالم لها اقمار صناعية، واضاف ان الهدف من القمر»كيوبسات» دعم مناهج علوم الفضاء بالجامعات السودانية، واشاد بصبر واصرار الفريق العامل على انجاز مهمته حتى اكمال القمر وتجريبه.
من جانبه، افاد مدير مركز النيل للابحاث التقنية الوليد بشير أحمد «الصحافة» بانه سيتم اكمال المشروع باطلاق القمر ،واضاف «المشروع الاكبر المرحلة المقبلة هو مشروع الفضاء السوداني ونعمل لبناء اقمار صناعية كبيرة».
|
Post: #2
Title: Re: فريق سوداني يبني قمراً صناعياً تجريبياً أطلق عليه اسم «كيوبسات»
Author: ايهاب الطيب بله
Date: 06-16-2011, 11:40 AM
Parent: #1
مبروك لجامعة الخرطوم ومبروك لكلية الهندسه
|
Post: #3
Title: Re: فريق سوداني يبني قمراً صناعياً تجريبياً أطلق عليه اسم «كيوبسات»
Author: عاصم حسين
Date: 06-16-2011, 12:17 PM
سلام للجميع
عدد القراء 131
عدد المتداخلين 1
للأسف
كان تكتب يا صلاح عن اي شي الا انجاز سوداني
وراقب عدد القراء والمتداخلين
مبروك لابناء اعظم جامعة سودانية
مبروك للسودان بهذه الكوكبة التي لا تعتمد على شماعة الامكانيات
سلام للجميع
|
Post: #4
Title: Re: فريق سوداني يبني قمراً صناعياً تجريبياً أطلق عليه اسم «كيوبسات»
Author: عمران حسن صالح
Date: 06-16-2011, 12:43 PM
Parent: #3
| Quote: كان تكتب يا صلاح عن اي شي الا انجاز سوداني |
عاصم يا حسين
إزيكـ يا زول
مرة جايين من جنوب القضارف في راس لوري دفعة 1950
والدنيا خريف
إتخيل (ميعة) تراب القضارف والدنيا مطر وانت على راس لوري
مريت لأول مرة في حياتي على أكثر من عشرين قرية سودانية في تلكـ المناطق
قدَر الله ( وِحِلنا ) في الميعات المنتشرة هناكـ
والدنيا رمضان وما معانا التكتح والدنيا مغربت من زمان
عاينا جاي جاي شفنا لينا شوية نور ومشينا عليهو " نور حطب قدام قطية قديمة "
المهم الراجل أكرمنا آخر كرم بأن فطَرنا معاهو ، عامل كنبو تأخر عليه سيد الزراعة بداعي الطرق الوعرة وكان عندو عصير بس للفطور
عصير لالوب " يعني جاب ليهو كمية لالوب من أقرب شجرة وختاهو في موية عشان يتحلَ شوية ، والموية طبعاً من حفير الكمبو وتتعايش بداخله كائنات أخرى من ضفادع وكلاب ضالة .. الخ "
صلينا وحمدنا الله على نعمتو " اللالوب في تلكـ المنطقة وتلكـ الظروف يحاكي نِعمة البيرغر "
انت معاي يا عاصم !!
المهم
إتخيل في جلستنا ديك، حاولنا نونس الزول ده " بتاع الكمبو " عن الستلايت وخصائص آخر رسيفر وقوقل وسرعة النت في السويد "  (الزمن داكـ أليافنا الضوئية ولا على الورق موجودة ) .
الإحساس الحسيتو يا عاصم بعد سؤالي ده
ياهو إحساس القراء المية ديل
وبالتالي تكون إجابة لتعجُبكـ المنطقي الفوق في مداخلتكـ
|
Post: #5
Title: Re: فريق سوداني يبني قمراً صناعياً تجريبياً أطلق عليه اسم «كيوبسات»
Author: توفيق عبد المجيد
Date: 06-16-2011, 01:19 PM
Parent: #3
| Quote: مبروك لجامعة الخرطوم ومبروك لكلية الهندسه |
ومبارك للسودان والعالم الاسلامي كمان
والميل يبدأ بخطوة
|
Post: #6
Title: Re: فريق سوداني يبني قمراً صناعياً تجريبياً أطلق عليه اسم «كيوبسات»
Author: د.محمد حسن
Date: 06-16-2011, 03:28 PM
Parent: #5
المشاهدات 100
لانو في حلقة مفقودة
الزول المأجر عجلة صلاح غريبة ده دقس حبة
القمر الصناعي ده
فكوه بي نبلة والا بي صاروخ؟
والصاروخ جابو ليه الوقود من وين ؟ من الفيرنس المعدوم ؟
والمنصة الاطلقو منها الصاروخ ده اوع تكون كافيتريا النشاط ؟
وليه ما جابوه في الاخبار وجابو الصور بتاعة الانطلاق ؟
نثمن اي انجاز علمي سوداني
بس
يا ناس صلاح غريبة ادونا النجيضة
عشان كدة ال 100 ديل الواحد فيهم بيقرا وبيتحسس راسوا عشان كدة ما بقدر يكتب
|
Post: #7
Title: Re: فريق سوداني يبني قمراً صناعياً تجريبياً أطلق عليه اسم «كيوبسات»
Author: محمد ميرغني خليفة
Date: 06-16-2011, 09:16 PM
Parent: #6
قمر صناعى ولا قمردين صناعى ؟
|
Post: #8
Title: Re: فريق سوداني يبني قمراً صناعياً تجريبياً أطلق عليه اسم «كيوبسات»
Author: عمران حسن صالح
Date: 06-17-2011, 05:45 PM
Parent: #7
وتاني ووووووبح
عشان نشوف عدد القراء وصل كم بدون أن يهللوا
|
|