مدعو لحفل وداع السفير محمود فضل عبدالرسول ...ّّّ

وحضور في هذا الحفل بحول الله , بدعوة وصلتني عبر الهاتف الجوال من الاخ السماني عمارة رئيس المؤتمر الوطني جدة اشكره عليها بل مناص , سأُلبي هذه الدعوة واذا ما رفض الجمع كلمتي فهذا موقفي للتاريخ السيد السفير محمود فضل عبدالرسول الحضور الكريم لكم التحية والتقدير سلام سوداني يجمعنا ولا يفرقنا وحضوري هنا بمثابة تأكيد على موقفي الثابت تجاه ممارسة السيد السفير طوال فترته التي قضاها سفيراً في قنصلية بلادي الحبيبة بجدة ولعل من الجدير بالذكر هنا ان نقول للاخ السفير انك كنت الاسوأ بين اقرانك الذين مضوا اذ خلال فترتك غير العامرة كنت عصاة للبعض ضربونا بها ووقفوا منا مواقف مسنودة بدعمكم ونحن من احسن فيكم الظن اخي القنصل وجلسنا الى طاولة الحوار معكم طارحين بين يديكم كامل ملف الجالية السودانية بالمنطقة الغربية وهي الجالية الغارقة في اللا شفافية(اسم الدلع للفساد) وتحمل في سجل التاريخ اسوأ ممارسة سياسية تحت غطاء القنصل الذي رفض محاسبتها وسوف (بفتح السين الواو الفاء) طوال وجوده في ان يكون لنا جالية تحتكم لصوت العدل وضمير الخلاق لتجد محاسبة من قبل المعارضين لسياستها غير النزيهة .
السادة الحضور السيد السفير محمود فضل
جاء في الأثر ان الاسلام لايزال منيعاً ما أشتد السلطان , وليس شدة السلطان ضرباً بالصوت او قطعاً بالسيف إنما اخذاً بحق وقضاءً بعدل) ينسب هذا الحديث للفاروق من دون تدقيق صريح او رواية ثابتة لكنه ومن خلال السياق لا يضنينا الاعياء في ان ننسبه لرجل عرف بالشجاعة والمقدرة على كنس الفساد , وذلك ما كنا ننشده في عهدكم مؤسسين قناعتنا على ان الحق ابلج والباطل لجلج لكنا صدمنا من يوم الحوار الاول معكم في انكم لستم جاديين في ادارة حوار مع ابناء السودان الذين تفرض المهنية ان تقفوا منهم موقف واحد وعل مسافة واحدة المعارض لنظام الحكم الموسوم منا بالفساد المطلق ولكنكم ضربتم المثل في النموذج السيئ لحكم الحزب الواحد واخذتم القانون بيدكم ورفضتم اي تقارب بل عقدتم مشكلاتنا لمزيد من الجفوة بين ابناء الوطن , واطلقتم ايدي مناصري المؤتمر الوطني في اسوأ مثال لتصريف امر السلطة بين الناس فكنت المثال المضاد في عدل الفاروق وانتم قد اصممتم منا الاذان بالقدوة والمثل والاسلام الذي في خلال عهدكم الشمولي في القنصلية وفي السودان بأنكم من صلب شرعة الله وشهادتي لله انكم لم تكونوا قط مثال لسماحة وحرمة واخلاق الاسلام ولا اود ان ابرئكم منه فالعكس اعدل ان الاسلام براء من ممارساتكم طوال عهدكم غير الكريم .
الاخ السفير الحضور الاعزاء
هي كلمة حق في وجه سلطان جائر نضعها هنا ليقرأها الجميع ونأمل في عهد خليفتكم ان يتأخذ الطريق الصحيح من الجميع ون يشمل جميع رعايا الدولة السودانية بموقف يحق به اساس الدولة المحترمة دولة القانون التي امام قانونها الناس سوأ لا ميزة لاحد بإنتماء او ولاء غير الولاء للوطن السوداني المتنازع بين الجهويات والقبليات والاثنيات .


شكرا لكم وعلى هذا ساكون حضورا غير جذع من مواقفي بل اكثر مُضاءةً في طريق الحقيقة التي اراها هكذا, ونسال الله ان يهدي الاخ السفير الى خطاياه طوال فترته في جدة وان يستغفر الله مما كان عمداً وان يعتذر عما اخطأ فيه وان يتوب الى الله من انحياز لا نقابله بعفى الله عما سلف لكن بمزيد من النقد لممارسة سيئة جدا قادها من هو رب البيت , والمسؤول والراعي في فترة مااحسن تقدير الموقف فيها والسلام عليكم ورحمة الله تعالى وبركاته .




الرفاعي عبدالعاطي حجر
0545444897
[email protected]


.............................................................................حجر.

مبروك يا الرفاعي دعوتك ...نحن غايتو ح ننتظر دعوة الاخرين لو عندهم رغبة في وداعه ...

دة كلام دة ؟؟؟؟

شكرا لكم وعلى هذا ساكون حضورا غير جذع من مواقفي بل اكثر مُضاءةً في طريق الحقيقة التي اراها هكذا, ونسال الله ان يهدي الاخ السفير الى خطاياه طوال فترته في جدة وان يستغفر الله مما كان عمداً وان يعتذر عما اخطأ فيه وان يتوب الى الله من انحياز لا نقابله بعفى الله عما سلف لكن بمزيد من النقد لممارسة سيئة جدا قادها من هو رب البيت , والمسؤول والراعي في فترة مااحسن تقدير الموقف فيها والسلام عليكم ورحمة الله تعالى وبركاته .

وقوموا الي صلاتكم يرحمني و يرحمكم الله

كلام جميل حقيقة غير اني كنت اود ان اسمعه بعد حضور كلمة سعادة القنصل حتي تبني عليه بصدق
انا ايضا مدعوا
غير ان الدعوة من القنصلية و الجالية . قما دهل حسبو و الفاضل الشاذلي بالجالية ليته يحدثنا عن هذه النقطة تحديدا ليستقر الامر في عهده ويعمل كل في مجاله حتي لا تداخل الصلاحيات وحتي يعرف كل كيان من يتبع له وحتي نعرف دعوة الجالية من الشخص الذي يدعوا وعلمنا الا نحشر انفسنا غي ما لا يخصنا ونترك اهل الجالية يدعون لفعالياتهم بانفسهم شكرا لكم وعلى هذا ساكون حضورا غير جذع من مواقفي بل اكثر مُضاءةً في طريق الحقيقة التي اراها هكذا, ونسال الله ان يهدي الاخ السفير الى خطاياه طوال فترته في جدة وان يستغفر الله مما كان عمداً وان يعتذر عما اخطأ فيه وان يتوب الى الله من انحياز لا نقابله بعفى الله عما سلف لكن بمزيد من النقد لممارسة سيئة جدا قادها من هو رب البيت , والمسؤول والراعي في فترة مااحسن تقدير الموقف فيها والسلام عليكم ورحمة الله تعالى وبركاته نتمني لك ليلة سعيدة ورجعة بالتصافي و التأكد ان الرجل لم يكن كما كنا نظنه

الأخ العزيز الرفاعى حجر
تحية طيبة وسلاما لاحدود له

قرأت وبتمعن شديد ماجاء فى رسالتك القوية فى معناها .. لكن أستوقفتنى
كلمة ( الدعوة) والتى جاءت من طرف الأخ السمانى .. وهنا أسأل الأخ السمانى
سؤالا قد لايعجبه لكنها الحقيقة ..

ماهى الصفة التى يدعو بها الأخ السمانى ؟

أعلم بأن هنالك جهات معينة هى التى تقوم بالدعوات وليس من بينهم الأخ السمانى ؟
فكيف إذن !!

أرجع لصلب الموضوع ..

كتب الأخ الرفاعى كلمته أعلاها والتى تحمل بين سطورها الصدق والحكمة معا .. ولوكنت
مسئولا عن برنامج الاحتفاء لوضعتها من ضمن البرنامج ..

لك التحية الأخ الرفاعى

ونحن على موعد بنهاية هذا اليوم وبداية الاسبوع الجديد والتى ينتهى فيها البطل
على حسب قول صاحب الدعوة .. والى ذلك الحين أتركك أخى الرفاعى تحت رعاية الله
ودمت ..

تاج السر

Quote: ماهى الصفة التى يدعو بها الأخ السمانى ؟

وهل يخفى القمر ؟!!

من وجهاء جدة

رئيس المؤتمر اللاوطني بالخليج والسعودية ورئيس مجلس التنسيق

الوكيل الحصري للمرشح السابق المواطن عمر حسن احمد البشير

عضو مكتب جالية جدة المنتهية الصلاحية

صديق وحبيب للسفير

زيتنا في بيتنا

اي حاجة ياخ



المهم

بالله هو القيادي بالمؤتمر اللاوطني خلاص ماشي ؟
قطر عجيب يودي ما يجيب غير المشاكل ما عمل شي


احسن يحلق صغيرون وصلاح والبقية ندعو لهم بالترحيل ان شاء الله

Quote: ولعل من الجدير بالذكر هنا ان نقول للاخ السفير انك كنت الاسوأ بين اقرانك الذين مضوا اذ خلال فترتك

الرفاعى العزيز ....... سلام
اتمنى ان تكونوا بخير انت والاخوان الذين يعانون الغربه وظلم ذوى القربى من امثال المحتفى به.
بكلامك ده كانك عايز تقول فيهم ناس كويسين موظفى المؤتمراللا وطنى الذين تعج بهم
سفارات السودان فى الخارج،هم اضراب يتطابقون مطابقة النعل للنعل.
تباين فى الخلق تشابه فى الافعال.ليس بينهم دبلماسى واحد اتت به خبرته او تاهيله
للمنصب لم يأتى بهم الا الانتماء للمؤتمر اللا وطنى لايعرفون الا تعذيب المواطنين
يتسابقون لذلك بنشوة بل يفرحون للانتصارات التى يحققونهاعلى المواطنين.
اقول لك لايضر الحكام والمتنفذين الا بطانة السوء التى تزين لهم الباطل من اجل مكسب
دنيوى وتحتفى بهم والواحد فيهم لايستحق الا البصق على الوجه والضرب بحذاء هذا ان لم
يصرخ الحذاء باى ذنب اصفع..
الرفاعى العزيز بلغ عنى هذا السفيه استيائى من حشره لمواطن خنق السبعين عمرا فى
السجن.(شادول)وان الله يمهل ولايهمل وهذا الكرسى الذى تجلس عليه لايعدوغير كرسى حلاق جلس
عليه قبلك الالاف وسوف يجلس الاف اخرون فقط تذكر قول الامام على كرم الله وجهه.
احمد مايترك المرء بعد موته سيرة حسنة تبقى من بعده.
فاذهب غير ماسوفا عليك ووقت المحاسبه سوف ياتى والسلام،،،،
0

Quote: وهل يخفى القمر ؟!! من وجهاء جدة رئيس المؤتمر اللاوطني بالخليج والسعودية ورئيس مجلس التنسيق الوكيل الحصري للمرشح السابق المواطن عمر حسن احمد البشير عضو مكتب جالية جدة المنتهية الصلاحية صديق وحبيب للسفير زيتنا في بيتنا اي حاجة ياخ المهم بالله هو القيادي بالمؤتمر اللاوطني خلاص ماشي ؟ قطر عجيب يودي ما يجيب غير المشاكل ما عمل شي احسن يحلق صغيرون

الحبيب العمدة

شكرا على التريقة

ولكن ااوافق على ان يكون ذلك

ردا لتاج السر

Quote: ولكن ااوافق على ان يكون ذلك ردا لتاج السر

وانا موافق

عشان نشوف تاج دا تاني ح يقول شنو



بس يا ريس عاوز اعرف رايك في موضوع تحليل الربا الاجازو مجمع علماء السوء المسمى الفقه الاسلامي وايده ووقع عليه كقرار مولاكم احمد ابراهيم الطاهر هل يعتبر تحليل الحرام من شاكلة الربا نوع من النوع انكار ما علم من الدين بالضرورة ام يجوز الاجتهاد في ومع النص ؟!!!

Quote: بس يا ريس عاوز اعرف رايك في موضوع تحليل الربا الاجازو مجمع علماء السوء المسمى الفقه الاسلامي وايده ووقع عليه كقرار مولاكم احمد ابراهيم الطاهر هل يعتبر تحليل الحرام من شاكلة الربا نوع من النوع انكار ما علم من الدين بالضرورة ام يجوز الاجتهاد في ومع النص ؟!!!

عليك الله يا العمدة ..دة سؤال دة ... علاقة التكريم بالدين شنو .. وهل هو السماني احمد عالم؟؟؟؟؟؟

الاخ/الرفاعي

تحياتي؛؛؛

والله كويس مادام إنكـ ح تحضر إحتفال وداع السفير ؛

بس كانك عايز تُرسل رسالة مفادها (الحاضر يكلم الغائب) ح أمشي احضر الاحتفال
وكان جابت ليها صُور بعد الإحتفال (وطبعاً جماعتنا ما ح يقصّروا في التوثيق)

بعديها مافي زول هنا ح يقول ليك ليه ومتي وكيف.

الاخ الرفاعى

الخلاف بين الناس موجود الى ان تقوم الساعة

واجمل ما فى الخلاف ان يتحاور الناس

ويجدوا مخرجا لذلك الحلاف

والبداية كانت بين المولى عز وجل والشيطان الرجيم

وطلب ارجاءه الى يوم البعث واكرامه ان يكون من المنظرين

فاين نحن من ذلك

اذا اختلفنا نسىء لبعضنا البعض

وهكذا نكون والى متى ؟؟؟؟؟؟؟؟؟؟؟؟

بشير احمد ليتكتعيد القراءة وتتعلم كيف تكن المواقف :

Quote: وحضور في هذا الحفل بحول الله , بدعوة وصلتني عبر الهاتف الجوال من الاخ السماني عمارة رئيس المؤتمر الوطني جدة اشكره عليها بل مناص , سأُلبي هذه الدعوة واذا ما رفض الجمع كلمتي فهذا موقفي للتاريخ السيد السفير محمود فضل عبدالرسول الحضور الكريم لكم التحية والتقدير سلام سوداني يجمعنا ولا يفرقنا وحضوري هنا بمثابة تأكيد على موقفي الثابت تجاه ممارسة السيد السفير طوال فترته التي قضاها سفيراً في قنصلية بلادي الحبيبة بجدة ولعل من الجدير بالذكر هنا ان نقول للاخ السفير انك كنت الاسوأ بين اقرانك الذين مضوا اذ خلال فترتك غير العامرة كنت عصاة للبعض ضربونا بها ووقفوا منا مواقف مسنودة بدعمكم ونحن من احسن فيكم الظن اخي القنصل وجلسنا الى طاولة الحوار معكم طارحين بين يديكم كامل ملف الجالية السودانية بالمنطقة الغربية وهي الجالية الغارقة في اللا شفافية(اسم الدلع للفساد) وتحمل في سجل التاريخ اسوأ ممارسة سياسية تحت غطاء القنصل الذي رفض محاسبتها وسوف (بفتح السين الواو الفاء) طوال وجوده في ان يكون لنا جالية تحتكم لصوت العدل وضمير الخلاق لتجد محاسبة من قبل المعارضين لسياستها غير النزيهة . السادة الحضور السيد السفير محمود فضل جاء في الأثر ان الاسلام لايزال منيعاً ما أشتد السلطان , وليس شدة السلطان ضرباً بالصوت او قطعاً بالسيف إنما اخذاً بحق وقضاءً بعدل) ينسب هذا الحديث للفاروق من دون تدقيق صريح او رواية ثابتة لكنه ومن خلال السياق لا يضنينا الاعياء في ان ننسبه لرجل عرف بالشجاعة والمقدرة على كنس الفساد , وذلك ما كنا ننشده في عهدكم مؤسسين قناعتنا على ان الحق ابلج والباطل لجلج لكنا صدمنا من يوم الحوار الاول معكم في انكم لستم جاديين في ادارة حوار مع ابناء السودان الذين تفرض المهنية ان تقفوا منهم موقف واحد وعل مسافة واحدة المعارض لنظام الحكم الموسوم منا بالفساد المطلق ولكنكم ضربتم المثل في النموذج السيئ لحكم الحزب الواحد واخذتم القانون بيدكم ورفضتم اي تقارب بل عقدتم مشكلاتنا لمزيد من الجفوة بين ابناء الوطن , واطلقتم ايدي مناصري المؤتمر الوطني في اسوأ مثال لتصريف امر السلطة بين الناس فكنت المثال المضاد في عدل الفاروق وانتم قد اصممتم منا الاذان بالقدوة والمثل والاسلام الذي في خلال عهدكم الشمولي في القنصلية وفي السودان بأنكم من صلب شرعة الله وشهادتي لله انكم لم تكونوا قط مثال لسماحة وحرمة واخلاق الاسلام ولا اود ان ابرئكم منه فالعكس اعدل ان الاسلام براء من ممارساتكم طوال عهدكم غير الكريم . الاخ السفير الحضور الاعزاء هي كلمة حق في وجه سلطان جائر نضعها هنا ليقرأها الجميع ونأمل في عهد خليفتكم ان يتأخذ الطريق الصحيح من الجميع ون يشمل جميع رعايا الدولة السودانية بموقف يحق به اساس الدولة المحترمة دولة القانون التي امام قانونها الناس سوأ لا ميزة لاحد بإنتماء او ولاء غير الولاء للوطن السوداني المتنازع بين الجهويات والقبليات والاثنيات . شكرا لكم وعلى هذا ساكون حضورا غير جذع من مواقفي بل اكثر مُضاءةً في طريق الحقيقة التي اراها هكذا, ونسال الله ان يهدي الاخ السفير الى خطاياه طوال فترته في جدة وان يستغفر الله مما كان عمداً وان يعتذر عما اخطأ فيه وان يتوب الى الله من انحياز لا نقابله بعفى الله عما سلف لكن بمزيد من النقد لممارسة سيئة جدا قادها من هو رب البيت , والمسؤول والراعي في فترة مااحسن تقدير الموقف فيها والسلام عليكم ورحمة الله تعالى وبركاته . الرفاعي عبدالعاطي حجر 0545444897 [email protected] .............................................................................حجر.

الاخ السماني عمارة اكرر الشكر والتقدير على الدعوة وامثال بشير احمد من المنطرين

عموما ما كان ذلك مثل مناسب ان رب العزة حاور الشيطان وجادله انما كان ذلك في اطار

ان لله المثل الاعلى وان القدر المحتوم هو لوح ابليس منذ الازل .





.........................................................................حجر.

Quote: الاخ/الرفاعي تحياتي؛؛؛ والله كويس مادام إنكـ ح تحضر إحتفال وداع السفير ؛ بس كانك عايز تُرسل رسالة مفادها (الحاضر يكلم الغائب) ح أمشي احضر الاحتفال وكان جابت ليها صُور بعد الإحتفال (وطبعاً جماعتنا ما ح يقصّروا في التوثيق) بعديها مافي زول هنا ح يقول ليك ليه ومتي وكيف.

ردك فيه عدم احترام لرئيس حزبك
وتأكيد على يقظة اتحلى بها ولعل
حسن الظن لا يتوافر بدليل تصريحك
سبق ان توهمتم حضوري احد احتفالاتكم
وفشل مخططكم .





..............................حجر.

Quote: سبق ان توهمتم حضوري احد احتفالاتكم وفشل مخططكم .

الكُويّس المرة دي ما ح نتوهم ؛
ح يكون لايف.

Quote: ردك فيه عدم احترام لرئيس حزبك وتأكيد على يقظة اتحلى بها

ده إستباقاً لزرزرة كانت ح تكون لرب السماء في البورد ده ؛
والبوست ده ح يكون دليل في عين العدو.
بالله أقعد قريب من شيطان السفارة وإبتسم عشان الصورة تطلع حلوة.

Quote: عليك الله يا العمدة ..دة سؤال دة ... علاقة التكريم بالدين شنو .. وهل هو السماني احمد عالم؟؟؟؟؟؟

كيف ما سؤال يا احمد !!

السماني هو رئيس المؤتمر الوطني بالخليج وقدم دعوة للحوار مافي اهم من الدين ولا شنو يا السماني ؟
اليوم في فتوى من البرلمان بتقول بتحليل الحرام واي حرام ؟! الربا يا احمد عاوز اعرف من رئيس المؤتمر الوطني رايو في المسالة دي شنو اهم لينا من سفر السفير وسفرو احسن من قعادو

Quote: ده إستباقاً لزرزرة كانت ح تكون لرب السماء في البورد ده ؛ والبوست ده ح يكون دليل في عين العدو. بالله أقعد قريب من شيطان السفارة وإبتسم عشان الصورة تطلع حلوة.

؟؟؟؟؟؟؟؟؟؟؟


،،،،أبوقصي،،،،

Quote: موما ما كان ذلك مثل مناسب ان رب العزة حاور الشيطان وجادله انما كان ذلك في اطار ان لله المثل الاعلى وان القدر المحتوم هو لوح ابليس منذ الازل .

وإبليس السفارة ده متين حاورته يارفاعي؟

ما زمان قلنا ليك تِش عين الشيطان ده وأقعد معاهو وكلمو ؛

شغال فيهو لب لب لاب لمّن قال الروب؛
أخيرا إقتنعت وده المطلوب.

لعلها تكون سانحة للتصافي

بين سعادة القنصل والمناوئين له بجدة

Quote: عليك الله يا العمدة ..دة سؤال دة ... علاقة التكريم بالدين شنو .. وهل هو السماني احمد عالم؟؟؟؟؟؟

الحبيب العمدة

اوافق على سؤال الاخ احمد عتيق

بعد التعديل

علاقة التكريم بفتوى العلماء

شكرا اخى الرفاعى لتلبية الدعوة

والشكر موصول للاخ مجدى عبد الرحيم فضل (( ابو قصى))

والبداية كانت بين المولى عز وجل والشيطان الرجيم وطلب ارجاءه الى يوم البعث واكرامه ان يكون من المنظرين

لا حول ولا قوة الا بالله العلي العظيم

شكراً اخي الخلوق السماني تقديم الدعوة للأستاذ حجر وشكراً لأخي أبو محمد لتلبية الدعوة بعد كتب ما أراد ان يقوله جهراً ..

رفاعي والمتداخلين..سلام ..

Quote: مدعو لحفل وداع السفير محمود فضل عبدالرسول ...ّّّ

يارفاعي الاولى تلبي دعوة السماني عمارة للحوار السبق وقدمه ليك فهو الموجود والباقى في العمل العام كواقع رضينا ام ابينا ...واما دعوته ليك لحفل انت غير مرحب به فيه اصلاً ولمحتفى به غير مرحب به عندك فده تصرف غريب منك - حسب وجهة نظري - صاحب الشأن ماعزمك ولو عزمك شخص آخر وانت كنت على وفاق مع المحتفى به لكانت مقبولة ...لكن بعد كتاباتك وكلامك وخلافك الكبير مع المحتفى به بأى وجه ماشي تودعه ؟!! معقولة تشتم زول وتمشي تضرب وتحلي في حفل وداعه ؟!!!

بعدين يااستاذ السماني انتو تعزموا معارضين المركز بس ؟!!ياخي ناس الهامش ديل بقوا يعرفوا للبوفية المفتوح وسلطة الفواكه وكمان ام على ..



تحياتي ،،،

بعدين شنو الإستعجال ده يارفاعي ؛كان تقعد شوية ياخي

علي الاقل كان تنتظر المصور عصام يوسف عشان نعرف حاجة ؛


_______

الظاهر كلامي وقع ليك.

ترف يا بشير احمد اهتمامك الزائد يدلل على خواء يعتريك

صدقني كثيراً ما اتجاوز حفاظاً على الا اخوض في تهاتر لا يغني

ولا يسمن فلذلك لو انت ما في ما يشغلك فأترك الامر لظروفه

دعوة وصلتني من الاخ السماني وفق شكل محدد قبلت الدعوة

وحسب ظروفي اوغيت بما وعدت دقيقة اثنتان ثلاث ذلك امر يتعلق

بي حينها فلك ان تسأل انني قدمت من اين ويصلك الجواب الموضوع

هو تأكيد موقف وصرخة للجميع انني لا اخاف مواقفي بل امضي الى

حيث قناعاتي الشخصية لا اضع محاذير ايً كانت ا كانت ايً كانت يعني

بالواضح يا بشير لا اُحرك بالريموت او احمل اجندة اتحرك وفق قناعاتي

الشخصية الخاصة وتقدير الموقف لي ولعل خمسة دقائق اجبت خلالها على اسئلة

ستبديها لك الايام القادمات ..ز شكري للاخ السماني عمارة .








............................................................حجر.

Quote: ترف يا بشير احمد اهتمامك الزائد يدلل على خواء يعتريك

ياخوي قاعد في خلاء الرحيلي ده وفاضي شغل ؛
بعدين الخواء ده كيفنو ؛زول ماعندو موضوع غير السفارة وناسها
وشغال فيهم شرق غرب ؛
وآخرتا جاي تبرر لحضور حفل السفير .

Quote: هو تأكيد موقف وصرخة للجميع انني لا اخاف مواقفي بل امضي الى حيث قناعاتي الشخصية لا اضع محاذير ايً كانت ا كانت ايً كانت يعني

انا لو منكـ كان عملت برنت ااوت للنقة الفي صدر البوست دي؛
ومسكت المايك حق المنصة وسمّعتها للسيد السفير في نُص أضانو
واخلي الما يشتري يتفرج ؛ده في حالة إنكـ:

Quote: لا اخاف مواقفي

غايتو السفير دا كان الله فى عونه اتورط جنس ورطة!
حلفوا ناس قالوا فى شخصية كبيرة شكرت السفير دا فى الحفل وقالت البشير بعد كفاية عليوهو ومفروض الفير دا يبقى رئيس والناس قالوا صفقوا لو كانت السفارة جالوص كانت انهدت!
ياربى الناس الصفقت دى خافت من الشخصية المهمة وما خافت من البشير !
حلفوا ناس قالوا السفير ذاتو صفق!
غايتوا لمن يصل بى غادى يقول ليهم انا جاملتها ساكت (الضمير يعود للشخصية المهمة) بغض النظر عن الجندر!
جنى

Quote: غايتو السفير دا كان الله فى عونه اتورط جنس ورطة! حلفوا ناس قالوا فى شخصية كبيرة شكرت السفير دا فى الحفل وقالت البشير بعد كفاية عليوهو ومفروض الفير دا يبقى رئيس والناس قالوا صفقوا لو كانت السفارة جالوص كانت انهدت! ياربى الناس الصفقت دى خافت من الشخصية المهمة وما خافت من البشير ! حلفوا ناس قالوا السفير ذاتو صفق! غايتوا لمن يصل بى غادى يقول ليهم انا جاملتها ساكت (الضمير يعود للشخصية المهمة) بغض النظر عن الجندر! جنى