Post: #1
Title: يا أوكامبو ما أخيرلك تفكُو دريبك قراراتك مقطّعة فوق رزالة شيبك .....
Author: ود الباوقة
Date: 06-15-2011, 01:24 PM
Parent: #0
يا أوكامبو ما أخيرلك تفكُو طريقك
أمش أمريكا حصّل فيها نعش غريقك
أوصل تل أبيب شوف الرُعُب في فريقك
أوعاك تقرب السودان بنشّف ريقك
|
Post: #2
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: ود الباوقة
Date: 06-15-2011, 01:27 PM
Parent: #1
ناس عمر البشير من جونا أسياد مبدا
سلام وإسلام وتعمير..صادقه مى مجًبدا
يا أوكامبو سيب الطيش واخدلك لبدا
ما تهبش البدخل الحارَّة من غير كبدا
|
Post: #3
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: ود الباوقة
Date: 06-15-2011, 01:33 PM
Parent: #2
معروف في المثل غش مابتوٍّر قش
وشعبنا واعي يا أوكامبو ما تنغش
تخطيطك وقع فوق راسك إتفقَّش
ما بندى البشير لو الجميع ننقش
|
Post: #4
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: جمال المنصوري
Date: 06-15-2011, 01:35 PM
Parent: #1
ود الباوقة
كيف حالك
اليومين ديل ماشاء الله عيني بارده..الشعر نازل مطرة، ومن اجود ما يكون طبعا كلنا عرفين انو الشعرما عنده (ملاك) مسئول منو، واهل اللغة العربية وفطاحلتها قاعدين يقولوا انو الشعر عندو (شيطان ) والشيطان ده قالوا قاعد في الجزيرة العربية في وادي اسمو وادي عبقر، الايام دي باقي لي مصيف في النواحي ، عشان كده اوعك تديه فرصة يرتاح اصلو رمضان قرب، وكلنا عارفين البحصل للجماعة في رمضان شنو ؟؟
الله يديك الفي مرادك
مودتي
==============
جاء في الأثر : ان هناك حركة تنقلات واسعة تشهدها المنطقة، مصحوبة بفك التسجيلات في 9/7...
|
Post: #5
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: ود الباوقة
Date: 06-15-2011, 01:45 PM
Parent: #4
| Quote: اليومين ديل ماشاء الله عيني بارده..الشعر نازل مطرة، ومن اجود ما يكون طبعا كلنا عرفين انو الشعرما عنده (ملاك) مسئول منو، واهل اللغة العربية وفطاحلتها قاعدين يقولوا انو الشعر عندو (شيطان ) والشيطان ده قالوا قاعد في الجزيرة العربية في وادي اسمو وادي عبقر، الايام دي باقي لي مصيف في النواحي ، عشان كده اوعك تديه فرصة يرتاح اصلو رمضان قرب، وكلنا عارفين البحصل للجماعة في رمضان شنو ؟؟ |
المنصوري
الشعر ليس لي ولكني اجمعه واحتفظ به
حبا في الوطن وقائدة المنتصر بعون الله
شكرا منصوري
|
Post: #6
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: جمال المنصوري
Date: 06-15-2011, 01:48 PM
Quote: المنصوري
الشعر ليس لي ولكني اجمعه واحتفظ به
حبا في الوطن وقائدة المنتصر بعون الله
شكرا منصوري |
يا سلام يا عمر
الحمد لله طمنتي...
يعني زولك بتاع وادي عبقر قاعد ليهو مع زولا تاني...؟؟
نان كان كدي ما (الخيل تجغلب والشكر لي حماد)
مودتي
|
Post: #7
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: Nasr
Date: 06-15-2011, 04:56 PM
Parent: #6
ذكرتني الشاعر الكان بيمدح في البشير بقافية رائية وتكرار لكلمة ياعمر
وفجأة تذكر البيت الما تمي
واقف علي العرش
فأنداحت شاعريته ببيت شعر
"وأين السيخ والكمر، يا عمر"
|
Post: #9
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: ود الباوقة
Date: 06-16-2011, 05:47 AM
Parent: #6
| Quote: نان كان كدي ما (الخيل تجغلب والشكر لي حماد) |
ما نقوم به لا نريد منه جزاء ولاشكورا
شكرا منصوري
|
Post: #11
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: معاوية عبيد الصائم
Date: 06-16-2011, 06:13 AM
Parent: #9
Quote: ما نقوم به لا نريد منه جزاء ولاشكورا
|
يعنى فاعل خير ولا كيف؟
قوم لف يا مطبل ...
الاتنين ساكيهم .........جزاء وشكورا
يا رجل البر ...والاحسان و(الاتقان)
فى التطبيل وكسير التلج..وشكير بشيرك الغبيان
اها البيع ماشى كيف؟
|
Post: #8
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: معاوية عبيد الصائم
Date: 06-15-2011, 05:33 PM
Quote: حبا في الوطن وقائدة المنتصر بعون الله
|
يعنى ما حبا فى اى عضة تانى ..هييييييييع يالهمباتى
اها سمعنا قالوا عايز تبيع الموضوع داك صحى
ولا اشاعة مبربرين سااااااى
رمضان قرررررررب ..شغل صاااااااح.......مش
|
Post: #10
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: عبدالكريم الامين احمد
Date: 06-16-2011, 06:07 AM
Parent: #8
في دروب ماليزيا اوكامبو قالوا قرقر
وبشيرك الستف للمشي سمعنا قالو خرخر
سفرا مافي تبببببب وود الباوقة فرفر
وبشيرك ده سفرو تاني الا نواحي بربر
|
Post: #13
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: Abdlaziz Eisa
Date: 06-16-2011, 07:06 AM
Parent: #12
ماليزيا نفر...
اقصد لاهاي!!!!!!
|
Post: #14
Title: Re: يا أوكامبو ما أخيرلك تفكُو دريبك قراراتك مقطّعة فوق رزالة شيبك ...
Author: صديق مهدى على
Date: 06-16-2011, 10:50 AM
Parent: #13
يا جماعةالحكاية شنو ساكين ودالباوقة دا كدى نمن نسى البيت البقول ارقص فوق رقيصك يا عمر ونظم حديثك وشوف متاريسك قبال تكتر هلاويسك
|
|