غايتو(رياك مشار) اتسدى في البشير وقفة الشمس اياها بافضل حال!

بهدؤ وبلا تشنج!!

رياك يسجل عشرة اهداف نظيفه في مرمي البشير اليوم بمعهد السلام الامريكي!!








عشان ثاني تتشوبر وتوقفه في الشمس يا بشير!!

اها جاءك القدر عشاك

وهذا غير ما قيل طبعا خلف الابواب المغلقه!!(وجه غامز)!

ام حازم مساء الخير
و قدام البشير زولك ده كان بالع لسانو ؟

الارتهان للاجنبى منتهى الوضاعة ... وللاسف اجدك تشربين
من نفس الكأس .

يبلع لسانه شنو يا انور التكينه
ده نويراوي حر...شفت لك نويراوي بيبلع لسانه؟؟!!
مشكلتكم متعودين على الثقافه العربيه
وبتحبوا الهرشه بتاعت اولاد بمبمه ومن على شاكلتهم
ثقافة الافريقي المذهب الهو عارف قدراته وبيتلكم بادب
اظنكم تحسبونها ضعفا!!

Quote: ام حازم مساء الخير و قدام البشير زولك ده كان بالع لسانو ؟

الزول ده اتكلم بكل ادب
وقال له يا ريس خلينا نمشي معاك البيت
ما جعان ولا ناقص عليه اكل
لكنه مصر كان ان تظل ابواب الحوار مفتوحه
عمك اتوجعل وعمل فيها سبع البرمبه!

اها اليوم حيبلعها نشافه!!

Quote: الارتهان للاجنبى منتهى الوضاعة ... وللاسف اجدك تشربين من نفس الكأس .

اجنبي شنو يا حبيب؟!

دي ما امريكا حبيبتكم كلكم بقطركم وسعوديتكم
دي امريكا البتقول ليها نفتح لك احواءنا السودانيه لضرب القذافي!
احي هي ما بت عمنا؟؟!!
وحاتك من تجدع الامريكان في بلدنا فكرتها باقي اهلنا!!
قال اجنبي قال!!


بس عاد رياك ده لما يمشيها بقت اجنبي؟!
احييييي انا يا عوضييييييييه!!
(ههههههههههههههههههههههه)

وهذا ما كتبته في بوست الفاضل كستاوي و الذي كثر خيره اتاح لنا متابعى هذا اللقاء:


رياك مشار: يمكنك مشاهدة محاضرته حية من واشنطون بعد قليل (الساعة 2:00 م


يا سلام عليك يا كستاوي يا اخي
اولا كثر خيرك على دعوتنا لمتابعة هذا العمل.
وطبعا اختك بتعرفها ممتازه في النت ورك
بالله كمية السودانين الكلمتهم يتابعوا هذه المحاضره ما بتخيلهم قدر شنو
وحياتك اظن ناس الموقع ذاتهم بيكونوا اتحيروا من الكليكات النقرت على موقعهم اليوم.
المهم....


كما قلت د.رياك مشار يا سلام عليه
كان مشرفا بحق
وانا برضو زيك اول مره اسمع ليه في محاضره
قبلها تصريحات صحفيه مختصره فقط.

Quote: تصدق دي أول مرة أستمع لدكتور مشار.... زول هادي شديد وماشرفان زي سياسينا البمسكوا المايكرون وهاك يا عيط.

والله جد ذكرنا د.جون قرنق.

وعارف يا كستاوي بحزن بجد لما اسمع لفطاحلة السياسين الجنوبين ديل
واتذكر محنة من حرمنا من كل هذه الكفآت!!

تخيلته بهدؤه هذا وهو يتحدث عن حقوقنا في حلايب؟!

تخيلته وهو يتحدث عن تاريخنا في ارقين

وتخيلته يطالب باستعادة الفششا!!

الله لا يسامحهم الفصلونا وحرمنا من هذا الجزء العزيز من شعبنا.

والخلوا هذه الكفآت بدل تستغل لمباطحة الاجنبي صارت تستغل لمباطحة بعضنا البعض!!



شكرا د.محمد بابكر...وياها دي ذاتها السمينها السدة في وقفة الشمس(هههههههه)!
و العشره اهداف النظيفه في مرمى المؤتمر الوطني!

Quote: وتحدث عن خيارات الجنوب فى صيغ التعامل فيما يتعلق بالنفط و الحدودـوشرح بصبر ما فعلته الخرطوم جنوب كردفان ومايجب ان تفعله فيها والنيل الازرق وكشف لاول مره عن خلاف على سبعه مناطق على الحدود بالاضافه الى ابيي واضاف انه لايرى سببا لاجبار اى جنوبى اوشمالى على مغادرة المكان الذى اختاره للعيش وان هذا الامر يمكن معالجته عبر الجنسيه المشتركه او جنسية البلد المختاره..وحول ضرورة وجود قوات الامم المتحده على حدود الدولتين بعد الاستقلال بدا السيد مشار غير مطمئن لمستقبل العلاقه مع الخرطوم ومن ثم اشار الى ضرورة وجود هذه القوات..فى المجمل بدا السيد مشار رجل دوله محترم يتخير تعابيره رغما عن انه نجح فى ايصال فكرة ان التعامل مع حكومة الخرطوم اشبه مايكون بالتعامل مع عصابه اوقطاع طرق.. شكرا للاخ كوستاوى الذى اتاح لنا متابعة الندوه وتحياتى..

وتحدث عن تبرم الخرطوم من سلاح الجيش الشعبي الشمال وجنوده
وان هؤلاء مكانهم الشمال!
وركز على طلبهم من الانسحاب من ابيي دون شروط!!


غايتو(رياك مشار) اتسدى في البشير وقفة الشمس اياها بافضل حال!



عارف يا كستاوي
وانا بستمع ليه برضو زعلته في نفسي من بعض كذابين قطاع الشمال
الكانوا بكرهونا في رياك مشار لقضايا ومأرب شخصيه لهم
وظلوا يرددون بانه الانفصالي الشرس.اتيح لي ان استمعت لاحقا لشمالين آخرين
في الحركه الشعبيه اكدوا لي ان رياك اقل ما يقال عنه هو تعبير اولاد بمبه
(راجل سكره)!!

وعلى فكره فصحاته في الانجليزي دي لا تقل عن فصاحته بالعربي!
وقد استمعت ليه بالعربي من قبل.في تصريحات مقتضبه.

Quote: احييييي انا يا عوضييييييييه!!

يا تراجي
عوضية دي ياها ذاتها عوضية بتاعت اخونا معتز القريش و للا دي واحدة تانية؟

______________________________________
ربنا يديم عليك الانبساط..قولي آمين.

كيفيك يا ابو السيوف
وعساك بخير

Quote: Quote: احييييي انا يا عوضييييييييه!! يا تراجي عوضية دي ياها ذاتها عوضية بتاعت اخونا معتز القريش و للا دي واحدة تانية؟ ______________________________________ ربنا يديم عليك الانبساط..قولي آمين.

تخيل ياها ذاتها بتاعت معتز القريش!!(ههههههههه)
حسه هريتم لك بيها يكونوا حردها لي!

Quote: حكومتي.. كلام شعبك اسمعي: كلامي كان تابي بكرة تدوري ما تلقي أى حكومتي.. كلام شعبك اسمعي وجيشك ده من أبيى أمرقي وجريدة خالك المهوهوة دا لبيتك بخربي ورياك مشار ده لخاطرو طيبي وتاني ضيف كان جاك جنب النافورة ما توقفي للمكتب الكبير دخلي وفى الكرسي الكبير قعدي وكباية ام قعر قدامو ختي إنت مالك الواجب ما بتعرفي ومجلس الأمن كان جا تاني اوعى ما تقابلي طيارة أم ضنب كان ظهر الكلام دا بتابي ومشكلة دارفور ده اسرعي حلي عشان اوكامبو ما تصاقري وعبد الواحد ده امشي شوفي خليل ده حاولي ترضي وبأى طريقة جيبي وكان داير نائب رئيس سوي وتحالف المعارضة ما تهرشي والصادق المهدي ما تجهجهي ومالك عقار ما تزعلي باكر تكوسي ما تلقي وياسر عرمان بلا سبب الكلاب فوقو ما تشعشعي وجيش شعبي ده هسع أنسي والمشورة الشعبية سوي والإنتخابات الجاية ما تزوري وكلامي ده أكان تسوي شوفي كان تنقدري أحسن يا حكومتي ركوب راس ده خلي وكلام بجيب توما هوك ما تقولي والسكر ساعة ساعة ما تزيدي وأجراس حرية من المطبعة ما تصادري وايدك المسمة دا قصري والبطلع الشارع ما تضربي والمسكين حقو ما تشيلي وبى قروش شوية تشتري دعوة المظلوم ما بتقدري من السماء تحوشي والله كان غضب عنك لى راسك تكسري ومن الدنيا تنمحي وقروش لميتى دا ما بتلقي طريقة تاكلي أى حكومتي.. كلام شعبك اسمعي وكلامي أكان تابي بكرة تدوري ولا تلقي

Quote: هذا الامر يمكن معالجته عبر الجنسيه المشتركه

لو اتمعنتى فى العباره دى بس يا تراجى
ح تفهمى الموقف السياسى والامنى الراهن يا تراجى
واذا استصحبتى حكاية اندماج قوات الحركه الشعبيه قطاع الشمال
فى القوات المسلحه واندماج كوادرها فى الحركه السياسيه السودانيه

ولو رجعتى تانى للعباره اعلاه تكونى ما قصرتى