Post: #1
Title: كيفية احتساب قيمة الجمارك فى السودان
Author: عابدون محمد عابدون
Date: 06-14-2011, 11:36 AM
Parent: #0
فى ابوظبى قيمة الجمارك هى 5% من قيمة فاتورة البضاعة مهما كانت يعنى براك تضرب الخمسة فى المية وتجى صالة الجمارك تدفع قروشك وتشيل بضاعتك وتتخارج فى نص ساعة.
أها ياناس الجمارك واذا كان عندنا زملاء فى البورد هنا عايزين نعرف كيف يتم احتساب قيمة الجمارك وهل يتم احتساب هذه القيمة من فاتورة الشراء التى بحوزتى يعنى اذا جبت عربية جديدة مع فاتورة من الشركة هل يتم اعتبارها عند احتساب القيمة؟
نورونا الله ينور عليكم.
|
Post: #2
Title: Re: كيفية احتساب قيمة الجمارك فى السودان
Author: محمد عبد الماجد الصايم
Date: 06-14-2011, 11:54 AM
Parent: #1
عابدون يا عمكـ .. على ما أعتقد إنو القصة
عندنا بتعتمد على مبدأ (ليّس ليّس يطلع كويس)!
بتاع الجوازات بكشّف كـدا للحاجة ويقطع ليكـ الفيها النصيب!!
|
Post: #3
Title: Re: كيفية احتساب قيمة الجمارك فى السودان
Author: HAIDER ALZAIN
Date: 06-14-2011, 12:01 PM
Parent: #2
| Quote: بتاع الجوازات بكشّف كـدا للحاجة ويقطع ليكـ الفيها النصيب!! |
جوازات ميييين يا عمكـ ...
يا عابدون اظن انه في السودان النسبة ما موحدة ..
يعني بتختلف حسب نوع الحاجة.. بعضها تلقي نسبها 5% وبعضها 15% واغلبها 100%
وماندر معفي.. هذا والله اعلم
ورغم كدة ممكن تطلعها بدون جمارك لا يحزنون علاقات عامة بس
|
Post: #5
Title: Re: كيفية احتساب قيمة الجمارك فى السودان
Author: عابدون محمد عابدون
Date: 06-14-2011, 12:06 PM
ود الصايم وحيدر شكرا ليكم على المعلومة وحقو ناس شؤون المغتربين ينورونا بالحاجات دى لأنها مهمة.
|
Post: #4
Title: Re: كيفية احتساب قيمة الجمارك فى السودان
Author: فايزودالقاضي
Date: 06-14-2011, 12:04 PM
Parent: #2
عابدون ...سلامات ..
| Quote: كيفية احتساب قيمة الجمارك فى السودان |
قضاء وقدر ..لذلك تسلح وتجهّز بالايمان بالقضاء والقدر ..
|
Post: #6
Title: Re: كيفية احتساب قيمة الجمارك فى السودان
Author: ايهاب الطيب بله
Date: 06-14-2011, 12:11 PM
Parent: #4
.
؟
راجع صفحة الجمارك السودانيه
|
Post: #12
Title: Re: كيفية احتساب قيمة الجمارك فى السودان
Author: عابدون محمد عابدون
Date: 06-14-2011, 12:28 PM
Parent: #6
كويس يا ايهاب خلينى ارد على الشباب ديل وبمشى بى هناك.
|
Post: #7
Title: Re: كيفية احتساب قيمة الجمارك فى السودان
Author: ايهاب الطيب بله
Date: 06-14-2011, 12:11 PM
Parent: #4
.
؟
راجع صفحة الجمارك السودانيه
|
Post: #10
Title: Re: كيفية احتساب قيمة الجمارك فى السودان
Author: حماد الطاهر عبدالله
Date: 06-14-2011, 12:22 PM
Parent: #7
بقول ليك، لكن ما تزعل مني ولا ترجع لي ثاني
هي حسب شكلك، ( منعم ولا كحيان) وأصلك وفصلك،
فلو إستوفيت كل الشروط ممكن بدون جمارك، وإلا
فلك الويل والثبور وكبائر الأمور، وتندم على
لحظة إغترابك، وعودتك محملا بالهدايا، ولو كان
الموضوع صغير، مثلا راديو ستنحل منه بإهدائه للجمارك
لوجه الله تعالى كيما تتخارج!!!!!!!!!!!!!!!!!!!!!!
|
Post: #13
Title: Re: كيفية احتساب قيمة الجمارك فى السودان
Author: عابدون محمد عابدون
Date: 06-14-2011, 12:30 PM
Parent: #10
صدقت ياحماد الحكاية شكلها كدة يعنى مافى شىء كدة الواحد يقيس بيهو .
|
Post: #9
Title: Re: كيفية احتساب قيمة الجمارك فى السودان
Author: كمال الشادي
Date: 06-14-2011, 12:20 PM
Parent: #4
يا ود الصايم
Quote: (ليّس ليّس يطلع كويس)!
|
والله ضحكت لمن شرقتا
كان عندي واحد صاحبي في الرياض هنا مرتاااااح
بنا ليهو بيت في سنتين ( زمن قياسي )
وقال عايز يشيل المفروشات من هنا من الرياض
كان بيعرف السفير السوداني في الرياض وراح إستشارو
يا جنابك القصة بتكلفني جمارك كم تقريباً ؟
المهم السفير ومن باب (ليّس ليّس يطلع كويس)!
قام ليس ليهو !!!
بي إنو الشغلانة بسيطة
هي حاجة بسيطة لدعم المجهود الحربي و الجهاد في سبيل الله وكده يعني !!
شحن العفش الماخمج
ومشى السودان
لاقوهو بتوعين الجمارك و (ليّس ليّس يطلع كويس)!
ليسو ليهو صاح
اضعاف سعر العفش
رجع لي صاحبو السفير
قالي ليهو
انا كان عارف كده
كنت إشتريت ليكم دبابة عدييييييييييل وجبتها ليكم دعما للمجهود الحربي والجهاد وكده
|
Post: #11
Title: Re: كيفية احتساب قيمة الجمارك فى السودان
Author: عابدون محمد عابدون
Date: 06-14-2011, 12:27 PM
Parent: #4
والله ياود القاضى كلامك صاح انا من 30 سنة ولغاية تاريخ اليوم ماقادر اعرف الجمارك دى بيحسبوها بى ياتو معيار.
|
Post: #8
Title: Re: كيفية احتساب قيمة الجمارك فى السودان
Author: فايزودالقاضي
Date: 06-14-2011, 12:18 PM
Parent: #2
| Quote: بتاع الجوازات * بكشّف كـدا للحاجة ويقطع ليكـ الفيها النصيب!! |
بتاع الجوازات ولا بتاع حرس الحدود ؟!!!
ــــــــــــــــ
* لو امنجي كان عرفت الفرق بين الجوازات والجمارك !!..
|
Post: #14
Title: Re: كيفية احتساب قيمة الجمارك فى السودان
Author: Hisham Ibrahim
Date: 06-14-2011, 12:31 PM
Parent: #8
الواسطه
القبيله
المارقه منكـ
الجنس ( ذكر - أنثى)
اللون
يعني بتاع الجماركـ لمن تجيهو واحده حلوه اكيد ما زي لامن يجيهو ود الصائم ونفسو قائم ..!
حا يختلف
واحد قربنا شال ليهو حفار بتاع الآبار دا وكسح
ناس الجمارك سالوهو دا إعفاء من الجماركـ للحفار وين الإعفاء من الجماركـ لـ الدفار السياره الشايله الحفار ..
قال ليهم اجيبو ليكم في ضهري والا في كيس نايلون والا شنطه سامسونايت ...
عليم الله ليوم الليله حفارو في الميناء والأرضيات تحسب وناس الجماركـ قاعدييييين ..
_________________
واحد قال والله ناس الجمارك كان جبت توبين للمره يقسموهم معاكــ ..
الا لعنة الله على الظالمين
|
Post: #15
Title: Re: كيفية احتساب قيمة الجمارك فى السودان
Author: عبدالكريم أحمد الامين
Date: 06-14-2011, 12:32 PM
Parent: #8
** الصديق عابدون..
** مساءك خير..
** لايوجد إى معيار ولكن لو كنت من ناسم ,,, أبـشــر:- مُمكن تطلع العربيه بإسم منظمة الشهيد أو الغريق أو الزبير وممكن يعملوها ليك إستثمار وبعد كم شهر يطلعو ليك أورنيك 59 وفيهو إعفاء ..
## إذا كنت ما من ناسم :- ياحبيب تشيل هدومك بس وقروشك فى جيبك وتمشى تشترى من هناك :- لا رسوم ميناء ولا مساسقة مُخلصين وجهجهه تكلفك أكثر من سعر الأشياء الإنت شايلا معاك من الغربه..
(ودام الود بيننا)
|
Post: #16
Title: Re: كيفية احتساب قيمة الجمارك فى السودان
Author: محمد عبد الماجد الصايم
Date: 06-14-2011, 12:46 PM
Parent: #15
هو الجماركـ مُش تبع الجوازات؟؟
غايتو بنطلع من الميناء نلاقي عساكر .. شيتن دفع وشيتن ***!!
|
Post: #17
Title: Re: كيفية احتساب قيمة الجمارك فى السودان
Author: انتصار محمد صالخ بشير
Date: 06-14-2011, 12:59 PM
Parent: #16
الله يجيرك من الجمارك ديل شغالين بالمزاج
وانت وحظك شخصيا حتى الملابس بشتريها من السودان بعد البهدلة وطالع ونازل من بتاع التعريفه الى غيره
|
Post: #18
Title: Re: كيفية احتساب قيمة الجمارك فى السودان
Author: عزالدين محمد عثمان
Date: 06-14-2011, 02:25 PM
Parent: #17
ابدونا سلام عليكم وكل المعاك
بخصوص الجمارك امسك قوي في حكاية المعرفه دي..
لكن من ناحية وجود نظام فلا يوجد اي قانون او نظام
كله يتوقف على مزاج من تتعامل معه في وقت حضورك..لذا
اوصيك بتجهيز واستطك قبل ما تتحرك..
معناة سؤالك اننا حنشوفك قريب في الحله؟
انا طبعا عشان حكاية الرسوم السألتك عنها غيرت
السفر عن طريق الهولنديه وانشاء الله سوف اعود في الاسبوع
الثاني من يوليو..
ولكم مودتي
|
Post: #19
Title: Re: كيفية احتساب قيمة الجمارك فى السودان
Author: الفاتح شلبي
Date: 06-14-2011, 02:48 PM
Parent: #18
| Quote: كيفية احتساب قيمة الجمارك فى السودان |
الأخ عبدون تحياتي ,,,
سؤال ماكن زي دهـ تسألنا نحن ؟
نحن ما عندنا دولة yet
|
Post: #20
Title: Re: كيفية احتساب قيمة الجمارك فى السودان
Author: احمد محمد احمد عتيق
Date: 06-14-2011, 02:51 PM
Parent: #18
دة موضوع جميل يا عابدون ... لكن ما اظن نلقى لينا اجابة...؟؟
المهم كدي اسال لينا برضو عن جمارك العربات بتاعت المغتربين الداقين نهائي ...والعفش ..وكدة ..
وبرضو لي هسع ما لاقين اجابة ؟؟
ولي عودة...
|
Post: #21
Title: Re: كيفية احتساب قيمة الجمارك فى السودان
Author: nazar hussien
Date: 06-14-2011, 03:00 PM
Parent: #18
جمارك العربات: القاعدة العامة 150% من قيمة العربية
حسب تقدير لجنة التقدير (التعريفة) ما حسب القيمة الشرائية
لو كان ماضي ليك فيها هوندا سيفيك ذات نفسو
الاجهزة الالكترونية: من 200 دولار وانت طالع حتي لو كنت مشتريها بي دولار
في حاجات ما بتخش وبصادروها من الميناء او المطار...
القمصان...ما يكون عندك اكتر من 12 قميص حتي لو فكيتن من اكياسن
وقلت ليهم ديل ملبوسات..
الصابون: كمية محدودة..
السجائر: حدك باكو
المعجون: اقل من 7 صباعات سيجنال
الويسكي: بكربجوك في المطار
ونصيحتي ليك...ما تشيل معاك اي حاجة...امشي بي بنطلونك وقميصك..
واشتري اي حاجة من هناك...كان عربية كان هدايا...
كنت شغال بي نظرية دي جماركا كم ووزنها كم لي 15 سنة..
ولي اكتر من خمسة سنين بمشي بي خمج وعراقي وجواز..
قروشي زاتن بحولن بي الصرافة يستنني هناك...
واسترحت من محارسة السير البايخ داك...والناس البتلكدو
علي التروللي...واعمامك...البستنوك يشيلو شنطك لي
الجمارك...وتكون ما عارف تديهم كم ؟؟؟
من الطيارة علي بتاع الجوازات علي اهلك طوالي...
وكان لي العربات...الدلالة ياما فيها من ممحونين
|
Post: #22
Title: Re: كيفية احتساب قيمة الجمارك فى السودان
Author: willeim andrea
Date: 06-14-2011, 03:01 PM
Parent: #18
Quote: يعني بتاع الجماركـ لمن تجيهو واحده حلوه اكيد ما زي لامن يجيهو ود الصائم ونفسو قائم ..!
|
غايتو يا هشام انا ما فهمته انت قاصد شنو يعني .... لكن ضحكته لمن وقعته .... متخيل اللذيذ ود الصايم بيعافر في الشيشه والعرق ينوشل زي الجمام من الجهه اليمين ..... وعايز يخلص البرادو ويتخارج ... اكيد بتاع الجمارك بيعمل ليهو اعفاء .... عديل ... كل شي ولا النفس القايم....
اها نسيت اسلم علي صاحب البوست وضيوفه الكرام.... بالله لما تصلوا النجيضه علي كلام ود الصايم صحوني ... ياما شفنا وياما نسينا ونرجع نتمقلب تاني ونقع علي انوفنا ... لحدة ما ننزل شراع الغربه المرفوع من زمن الطليان والجيش الحفيان
وخلق الله كلها حاجاته محسبوبا الا انحنا البنحب نكون دغري ....
وانت عيناك يا تاجر في الحاصل والبيحصل ..... تقدر تقول بغم
قدامك يجو ناس طوال عراض يستقبلوا هلفوت من اي ركن من اركان العالم ويمكن شايل بقج ... وبالطبشير تتاشر البوقجه والا الهو والهلفوت يتخارج وتجي انت ود البلد شايل الهدايا وغيره وعينك ما تشوف الا النور اذا عملته فيها ابو العريف وتهزم في سلسلة الانهزامات
الله يستر وكلها هتش في هتش
لافايده ولا عمار
كل ما تطلع من حاجز يجيك الحاجز الاعلي
محبتي الاكيد واحترامي للجميع
|
Post: #23
Title: Re: كيفية احتساب قيمة الجمارك فى السودان
Author: Adil Hamza
Date: 06-14-2011, 03:59 PM
Parent: #22
Quote: جمارك العربات: القاعدة العامة 150% من قيمة العربية
|
ديل بطلعو قروش اكتر من الشركة المصنعة للعربية
و الله ده حرام عديل .. القروش الكتيرة ندفعها مقابل شنو
سلام لصاحب البوست و ضيوفه
عادل
|
Post: #24
Title: Re: كيفية احتساب قيمة الجمارك فى السودان
Author: عبدالكريم أحمد الامين
Date: 06-14-2011, 05:28 PM
Parent: #23
## حـصـل سـمـعـتـو أو شُـفـتـو ضـابـط جـمـارك إغـــتــــرب !!!!؟؟؟؟##
|
Post: #25
Title: Re: كيفية احتساب قيمة الجمارك فى السودان
Author: د.محمد حسن
Date: 06-14-2011, 06:59 PM
Parent: #24
النجيضة بعد التامين على كل ما قيل اعلاه
الجمارك الرسمية ودي حسب تقدير المثمن
رسوم مينا
رسوم ارضية
دمغة جريح
رسوم ولاية
رسوم محلية
رسوم اجنبية
دعم مالميناء
الخ الخ الى ان تصل
دعم ك...ام
وتدفع ولا على كيفك
او تخليها
والغرامات تكون متابعاك والارضية محسوية عليك حتى بعد ما يدللوها
الارضية عليك
|
Post: #26
Title: Re: كيفية احتساب قيمة الجمارك فى السودان
Author: jini
Date: 06-14-2011, 07:12 PM
Parent: #25
Quote:
فى ابوظبى قيمة الجمارك هى 5% من قيمة فاتورة البضاعة مهما كانت يعنى براك تضرب الخمسة فى المية وتجى صالة الجمارك تدفع قروشك وتشيل بضاعتك وتتخارج فى نص ساعة.
أها ياناس الجمارك واذا كان عندنا زملاء فى البورد هنا عايزين نعرف كيف يتم احتساب قيمة الجمارك وهل يتم احتساب هذه القيمة من فاتورة الشراء التى بحوزتى يعنى اذا جبت عربية جديدة مع فاتورة من الشركة هل يتم اعتبارها عند احتساب القيمة؟
نورونا الله ينور عليكم.
|
اولان بالتبادى العربية فى الشريعة حقتك وفى الحقيقة حقتهم فيلزمك ان تقر بذلك وتبدا فى تحنيس الباشبزك والدفتردار لكى يقبلوا بتسليمك السيارة بعد دفع الفدية وهى الجمارك والضرائب والزكاة والجزية والجبايات والعشور والدمغات !
قال 5% ديل بربحوا فى السيارة اكثر من الشركات المنتجة عشان كدة وصلوا لى قناعة انه مافى داعى لصنع السيارة طالما يمكن تحصيل اضعاف ثمنها كضرائب
جنى
|
Post: #27
Title: Re: كيفية احتساب قيمة الجمارك فى السودان
Author: محمد إبراهيم علي
Date: 06-14-2011, 07:37 PM
Parent: #26
دي من موقع الجمارك بس في عمودين انا اضفتهم من عندي الاول مجموع الرسوم والتاني الفرق بينو وبين المجموع الخاتاهو الجمارك واللي حتدفع بيهو انت العمود البي اللون الاحمر ده يبدو انه يجيب على سؤال عبدالكريم لماذا لا يغترب ضابط الجمارك
|
|