Post: #1
Title: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-14-2011, 10:20 AM
والخطأ عندما يرد من شخص في إمكانيات العبد لله المتواضعه فهو مقبول
ويمكن إيجاد ألف عزر
لعل أقربها إننا درسنا وفق النظام الجديد
لذلك يمكن إن نقول إنم ثقافتنا ضحله
لكن إن يكتب كاتب ( أحسبه كبير هنا )
كلمه هي الإساءه بعينها ثم تمرهذه الكلمه من تحت أعين الجميع دون إن يحرك أحد ساكناً
فتلك مصيبه
هنا لابد من حسن الظن بالكاتب
لكني أستغرب إن تفوت عليه مثل هذه الأمور
لو قلنا إنه لم يحصل له إن زار شرقنا الحبيب
فهل يمكن إن نقول إنه لم يكن هنا في هذا البورد وهذه الكلمه قد أخذت حقها من النقاش والجدال
|
Post: #2
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-14-2011, 10:26 AM
Parent: #1
لك إن تتخيل إن الأستاذ سالم أحمد سالم وفي إندفاعه لتجريم نظام الإنقاذ
أخطأ في تسميه قبيله البني العامر
فكتب
| Quote: دناقله محس شوايقه هدندوه خاسا مسيرية بديرية دهمشية وغير دهمشية وشكرية وحلاوين وبطاحين وحلفاوي وكنزي غرابه وشراقه وجلابة دينكا ومساليت ونوير وجانقي |
خاسا
هذه الكلمه كافيه إن تسيل الدماء إنهار لو قلتها في وجه أحد أبناء القبيله
هل تريثنا قليلاً أستاذي سالم ونحن نكتب
|
Post: #3
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: EMU إيمو
Date: 06-14-2011, 10:35 AM
Parent: #2
وهل هناك قبيلة سودانية تسمى جانقي ؟
|
Post: #4
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-14-2011, 10:50 AM
Parent: #3
Quote:
وهل هناك قبيلة سودانية تسمى جانقي ؟ |
إيمو
وده شتيمه تانيه وأظن معناها ( كـــــــــــــــــــــــــلب )
وهي كافيه إيضاً لإراقه الدماء لو قيلت لشخص
المقال بها الكثير من السقطات لعل هذه أبرزها
|
Post: #5
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: طلحة عبدالله
Date: 06-14-2011, 11:26 AM
Parent: #4
حمدلله ع السلامة يا فدياس وبركة الشفناك طيب يا طيب
الكلمة اتقالت في مكان آخر ومرت كما يمر النسيم لم تسال لها الدماء ولا حتى الماء
ولا أفهم فتح بوست منفصل لها والتذكير بها باعادة تدويرها تدويرا يقود للفتنة.
|
Post: #6
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-14-2011, 11:35 AM
Parent: #5
طلحه سلام
يعني يا طلحه الزول لمن يشوف الغلط يعمل ماشايفه
الكلمه دي شتيمه والكلمه التانيه الجابها إيمو شتيمه أكعب منها
لمن يغلط زول مسكين زي فدياس ممكن الناس تعديها ليهو
لكن لمن زول يكتب كلام كبار كبار وداير يبقي قائد رأي
لازم نقيف في أي كلمه يكتبها
بعدين يا طلحه لا فتنه ولا غيره
خير الخطائون التوابون
يجي عمنا سالم أحمد سالم ويقول إنه ما كان قاصد وما عراف معني الكلمه والموضوع يتقفل
كسره
الله يستر على الهلال من عدوى ما جرى سابقاً في المريخ ( فشخره التسجيلات )
دم بخير
|
Post: #7
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فايزودالقاضي
Date: 06-14-2011, 11:51 AM
Parent: #6
فدياس ..سلامات ...
جيب رابط الموضوع عشان نديك النجيضة ..
وحتى يأتي الموضوع وبحسب الصيغة المكتوبة الاخ سالم لايعني بها اساءة وكمان شكله ماعارف انها اساءة ولو كان سالم من الشرق لقلنا انه يعنيها فهي معروفة للجميع هناك بانها اساءة واما الكثيرين خارج الشرق صراحة لايعرفون معناها ولا انها اساءة ..قريباً بدأت تُعرف لمن هم خارج حدود الشرق ...لذلك اعتقد يقينا انه لم يقصدها ...لكن برضو مدنا بالرابط عشان ننجض الدفاع او ندفعه للنجاض ..
|
Post: #8
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: ناذر محمد الخليفة
Date: 06-14-2011, 05:38 PM
Parent: #7
سلام فدياس ..
Quote: خير الخطائون التوابون
|
وبالمناسبة : ليه ما شايف في بوستك دا أمنة مختار أو تراجي مصطفى ؟!!
ووين البوست الشهير داك ؟!
|
Post: #9
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: Tragie Mustafa
Date: 06-14-2011, 06:02 PM
Parent: #8
شكرا فدياس
وفعلا مما نقلت يبدو بان الاستاذ سالم احمد سالم لا يعرف معنها.
وايضا للاسف لا يقرأ هنا.
ويا فايز ود القاضي
فعلا هو لم يذكر بها اسائه لكن ما مقبول منه جهله بهذه الكلمه.
ويا استاذ سالم
هذه الكلمه المظاهرات الآخيره التي قامت في جامعة البحر الاحمر
وتمت اعتقالات بسببها وطعن بخناجر واتلاف ممتلكات ولو ما عارف اعرف.
لكمة خاسا غير مقبوله لدي البني عامر ولا توجد قبيله اسمها خاسا!
وما حنشرح مهمتك انت تفتش لوحدك ما كتب عنها هنا,ومعليش لكن في ظل تحديد بكري ابوبكر
لعدد المداخلات في اليوم فانا ما حارجع لهنا ثاني.
ونجيء للاسوء:
Quote:
| Quote: وهل هناك قبيلة سودانية تسمى جانقي ؟ |
إيمو
وده شتيمه تانيه وأظن معناها ( كـــــــــــــــــــــــــلب )
|
جانقي فعلا لا توجد قبيله اسمها جانقي يا استاذ سالم.
وهي كلمه تقال للدينكا وتعني من يمشي عاريا!!
وتقال للتحقير ايضا!!
واكثر من استخدمها هنا بعض متفلتي المسيريه!
فرجاء يا استاذ سالم
ان تصحح معلوماتك
ومعليش ما تزعل مننا
لكن عشان اغلب المهمشين كما يبدو هم مجرد خاسا وجانقي
لذا الثوره السودانيه تأخرت والمعنين بها
لم يوقدوا شموعا ولم يستجيبوا لمطالبك!!
فاذا كنت لا تعرف اسمائهم وتشتمهم بلا وعي منك
يبقى كيف حيستجيبوا؟!
|
Post: #19
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: صديق عيسى صالح
Date: 06-20-2011, 10:41 AM
Parent: #9
Quote: ولا توجد قبيله اسمها خاسا!
|
اانا سمعت مدح للشاعر ود البنا فى قصيده تسمى نحن اولاد معزه صحيح ذكر فيها قبيله الخاسا
حيث يقول:فيها الخاسا بتلقوا فى المحك والزنقه وفيها البشاريين اهل البل المنشنقه.
وكما معروف ان ود البنا من الشرق بالتالى هو يعلم ان كلمه خاسا ليست اساءه والا لما مدحهم وذكر القصيده فى قناة الشروق فى برنامج تواشيح النهر الخالد الذى يقدمه حسين خوجلى.
|
Post: #10
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: بدر الدين اسحاق احمد
Date: 06-14-2011, 06:28 PM
Parent: #8
| Quote: وبالمناسبة : ليه ما شايف في بوستك دا أمنة مختار أو تراجي مصطفى ؟!! |
الاصطياد فى الترع ما بيجيب غير الصيــر ..
الحيتان الكبار ديــل فى المحيطات بــس ( بالفتحــه )
شوق بالجاروف يا ناذر
|
Post: #12
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-15-2011, 01:41 PM
Parent: #8
Quote: لكن عشان اغلب المهمشين كما يبدو هم مجرد خاسا وجانقي
لذا الثوره السودانيه تأخرت والمعنين بها
لم يوقدوا شموعا ولم يستجيبوا لمطالبك!!
فاذا كنت لا تعرف اسمائهم وتشتمهم بلا وعي منك
يبقى كيف حيستجيبوا؟! |
علي بالحرام مرات يا تراجي بتقولي كلام زي الفل
Quote: وبالمناسبة : ليه ما شايف في بوستك دا أمنة مختار أو تراجي مصطفى ؟!!
|
ناذر
شفت الرد بتاع تراجي الفوق ده يأخي مرات الخاله دي بتبقي معلمه عديل كده...... كيفتني في حناني
|
Post: #11
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-15-2011, 01:33 PM
Parent: #7
| Quote: .لذلك اعتقد يقينا انه لم يقصدها |
ودالقاضي
سلام
من الواضح إن أستاذنا الكبير لا يعرف معنى الكلمه لكنه كعاده الكبار هنا يكابر ولا يرضي إن يقال له أخطأت
فتأمــــــــــــــــــــــــــــــــــــــــــــــــــــــــــــــــــــــــــــــل
|
Post: #13
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: AMNA MUKHTAR
Date: 06-15-2011, 01:52 PM
Parent: #11
شكرا أخى العزيز فدياس على هذا البوست..
نعم ..يجب أن ننتبه جميعا لكل أشكال العنصرية ..
وأولها هذه النعوت القبيحة التى تمر على البعض مرور الكرام .
Quote: فرجاء يا استاذ سالم
ان تصحح معلوماتك
ومعليش ما تزعل مننا
لكن عشان اغلب المهمشين كما يبدو هم مجرد خاسا وجانقي
لذا الثوره السودانيه تأخرت والمعنين بها
لم يوقدوا شموعا ولم يستجيبوا لمطالبك!!
فاذا كنت لا تعرف اسمائهم وتشتمهم بلا وعي منك
يبقى كيف حيستجيبوا؟! |
سلم يراعك يا تراجى..
(الأستاذ) سالم أحمد سالم ..موجود معنا فى هذا المنبر كأنه مش موجود..
زول بيعرض براااااهو فى بوستاته..
فاذا كان يترفع عن المشاركة فى بوستاتنا فمن سيتجيب لدعواته المتكرره ؟!؟
|
Post: #14
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-15-2011, 01:58 PM
Parent: #13
Quote: زول بيعرض براااااهو فى بوستاته..
فاذا كان يترفع عن المشاركة فى بوستاتنا فمن سيتجيب لدعواته المتكرره ؟!؟
|
آمنه مختار
أفهم من كده إنه ماراح يعتذر عن الخطأ الفظيع ده؟؟
|
Post: #15
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-19-2011, 11:35 PM
Parent: #14
يا عمك
الأرشفه على الأبواب
مافي أمل إنك تقول أنا غلطان يا جماعه
بس عشان ما أسكك الربع الجاي
|
Post: #16
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: Tragie Mustafa
Date: 06-20-2011, 03:24 AM
Parent: #15
بالله ارفع البوست ده للربع الثاني يا فدياس.
ومتابعين مع أستاذنا ده عفص لينا عديل!!
|
Post: #17
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: الصادق الزين
Date: 06-20-2011, 04:00 AM
Parent: #16
فى حاجة اسمها بديرية سليقة كدة و فى بديرية دهمشية
الا غير دهمشية ما سمعنا بها , ايضا لم اسمع بقبيلة
كنزى غرابى و انا من الغرب, اعرف ان الكنوز هم قبائل
حدودية مع مصر او ذوى اصول مصرية , وايضا ما فى قبيلة
اسمها غرابى!! والجانقى هو نوع من البقر فى جنوب السودان
وهى زوى احجام صغيرة اصغر من احجام الابقار العادية فى شمال
كردفان و دارفور و تتميز باللون الداكن الاسود و اعتقد
ان الثور الاسود الذى زبحه الطيب مصطفى احتفاءا باستقلاله
من البقر الجانقى و الدينكا مطلقا لا يرضون بتسمية جنقى
و هى مثلها مثل خاسا او عب او حلبى او عربى.
الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
والاستاذ سالم احمد سالم لا يعتذر من قبيلة البنى عامر و انما يعتذر الى قبيلة البنى عامر
|
Post: #18
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: محمد الطيب يوسف
Date: 06-20-2011, 05:13 AM
Parent: #16
كلمة حق أريد بها باطل
فتنتهم و قعدت
فدو ازيك
|
Post: #20
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-20-2011, 12:04 PM
Parent: #18
Quote: والاستاذ سالم احمد سالم لا يعتذر من قبيلة البنى عامر و انما يعتذر الى قبيلة البنى عامر
|
الأخ الصادق
شكراً على المعلومات الثره بخصوص أصل كلمه جانقي
أم بخصوص يعتزر من أو يعتذر إلى فأخوك أصلاً بيشلت ساكت في اللغه العربيه دي ( ما قارئ في زمن الإنقاذ وكده )
الدكتور محمد الطيب يوسف
يأخي المثقفين الكبار ديل لمن يغلطوا بيبقي عليهم حار الإعتذار
لكن في وجودنا معاهم في إسفير واحد ما راح نخليهم يقولوا لينا أي حاجه ونقعد نحن نصفق
الزول لازم يوزن كلامه ألف مره قبل ما يكبوا لينا هنا
|
Post: #21
Title: Re: الأستاذ سالم أحمد سالم إعتذر فوراً من قبيله البني عامر !!!!!؟؟؟؟؟
Author: فدياس نجم الدين
Date: 06-22-2011, 12:51 PM
Parent: #20
يا حاج سالم
لازلنا نطمع في سماع إعتذارك
|
|