تطبيق حد الحرابة على المتمردين في ج كردفان

[إِنَّمَا جَزَآءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِى الاٌّرْضِ فَسَاداً أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلَـفٍ أَوْ يُنفَوْاْ مِنَ الاٌّرْضِ]

يجب على الحكومة ان تطبق حد الحرابة على كل من تورط في الاحداث واشعال نار الفتنة في جنوب كردفان ولا تأخذها في ذلك لومة لائم تطبيقا لحدود الله وحفاظا على الممتلكات والأرواح ،،،، لابد من عقاب كل من تورط في في تلك الاحداث ،،، عقابا رادعا ،، حتى يكون ذلك مانع لكل من تسول له نفسه ان يقوم بأي أعمال تخريب ،، اللهم ول من يصلح يارب ،، اللهم الطف بنا يارب ،، الفتنة نائمة لعن الله من يوقظها

Quote: يجب على الحكومة ان تطبق حد الحرابة على كل من تورط في الاحداث واشعال نار الفتنة في جنوب كردفان

الأخ/ المكاشفي

تحياتي

ماشاء الله عليك، أنت مالي مركزك تمام التمام لتأمر الحكومة بأن تطبق حد الحرابة....

فأين كنت عندما سمحت ذات الحكومة لمتمردي الجنوب وأعطتهم ما لم يحلموا به حربا من دخول جوبا... والقصر الجمهوري...

وباعت كل المسلمين بالجنوب بثمن بخس، وعود زائفة من الغرب وأذيالهم............

وأين أنت عندما سمحت ذات الحكومة لمتمردي دارفور بدخول القصر الجمهوري مستفزة للأغلبية الصامتة من أهالي دارفور،

حتى تم إطلاق مقولة الطيور على أشكالها تقع للتقارب بين البشير ومني أركو مناوي، .........

من أمن العقوبة أساء الأدب، وكل متمرد قد أمن العقوبة في ظل حكومة تتنازل عن ثلث ارضها وسكانها فماذا تتوقع؟

فالحرب الدائرة بجنوب كردفان لها أجندة خاصة، ستكشفها الأيام القادمة وأظن، لا علاقة لها بالشريعة أو حد الحرابة...

وحكومتكم الرشيده دى يا مكاشفى كانت استلمت البلد بى انتخابات
ماياها الباميه زاتا

المكاشفي ..حبابك
كتر خير ول ابا حماد الطاهر فقد كفاني شر الرد على كلامك..
لكن ..يتخيل لي المطالبة مفروض تشمل موقف سيدنا على تميم فرتاك..و الحاصل عليهو شنو؟
ما دايرين حد حرابة ولا غيرو.. لكن شيخ على تميم فرتاك ما بيحتاج نجدتكم ولا عشان جنوبي من الفراتيت..و ديل اكتر ما عندكم تجيبوا ليهم زبير ود رحمة تاني؟..
الذي تفعله يا المكاشفي نفاق..لا انت ولا عمر البشير ما عندكم علاقة بالآيات البتشيلوها و تحوموا بيها ..!
و لو عندك نخوة.. خليك من دين و غيرو.. اولاد الأصول يا المكاشفي بيقولوا بيغم في حال النسوان و الشيوخ و الأطفال الإتشردوا بسبب الحرب..ولا عشان هم عبـــيد و مواطني درجة تالتة ما هم ماليين عينك..و داير تملاها بالمتمردين الداير حكومتك تطبق عليهم حد الحرابة؟..
كارثة انسانية حصلت يا المكاشفي..و انت داير الحكومة تضبح ليك ناس عشان ترضي غرورك و تدينك الزائف؟..

كبر

Quote: الذي تفعله يا المكاشفي نفاق.

هو يا عمك كبر
انت منو زاتك لمن تقول لي كلام زي دا

شوف يا سيد انا بحترم اي زول هنا دا وانت المفروض يكون عندك شوية احترام
يا اخي عدني زول مختلف معاك في الراي شنو كلام الكراهية والعنصرية والعبيد والزبير باشا شوف انت يا زول ما بتعرف عني اي شيء حقو ما تجيب ليك كلام ما في محلو

حماد الطاهر عبد الله

يا اخوي شكرا جزيلا وسعيك مشكور
اخوي العزيز انا من وجهة نظري القاصرة والخربانة انو البيحصل في ج كردفان دا ليهو علاقة بالحرابة وبالشريعة ..... وإنت من وجهة نظرك التى احترمها انو ما ليها علاقة ،،، وانا احلل وانت تحلل وشكرا


بعدين انا كنت موجوددد واي زول بينظر للامور من وجهة النظر البيراها هو مناسبة

Quote: يجب على الحكومة ان تطبق حد الحرابة

حرابه يعنى شنو? والبتسوى فيه الحكومه مما جات ده فى حرابه اكتر منه??والله اكان حرابه ما عارف..

يا دكتور خلينا من كل شيء


انت كادقلي دي ما كانت آمنة الدور الجبخامة والزخيرة فيها منو ؟؟؟؟؟

جاوب ؟

Quote: يجب على الحكومة ان تطبق حد الحرابة

لماذا لم يطبق حد الحرابة فى حلايب و الفشقة
غايتو النفاق ده ما عارفين حدو وين
قال حرابة قال

عادل