Post: #1
Title: لكى لاننسى القاضى احمد عبدالمطلب هو من حاكم هذه الفتاة..
Author: د.محمد بابكر
Date: 06-12-2011, 01:17 AM
http://youtu.be/ufT2lCUuckk
لكى لاننسى.. القاضى احمد عبدالمطلب هو من حاكم هذه الفتاة وقد درس المذكور القانون فى مصر وابان ما عرف بالمفاصله بين الاسلاميين اختار جانب الوطنى فاوكلت له احدى مهام الاذلال والتنكيل بالشعب..اى رجولة واى نخوه واى اسلام يسمح لك ايها القاضى ومجموعة الرعاع التى اصطحبت باذلال الناس وعلى هذه الطريقه..واذا لم تطالك يد الشعب يوما فماهو عاصمك من الله ام انك لازلت تتوهم انك تطبق شرع الله..ترى هل سمع مولانا بان ثلثى القضاة يذهبون الى الجحيم خصوصا امثاله..يالبؤسك ويالبؤس مصيرك..
|
Post: #2
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: د.نجاة محمود
Date: 06-12-2011, 02:15 AM
Parent: #1
سلامات
يا دكتور
القاضي حكم على متهمة بعد ان ثثبتت عليها التهمة بما في القوانين السودانية
الناس ما تطعن في ضل الفيل..
بس طالبوا الحكومة تقنن الدعارة وتنظمها...وتشطب كل القوانين التي تمنع الدعارة
دا من ناحية
ارى ان القاضي ما كان يجلدها في محل عام..
|
Post: #3
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: Tragie Mustafa
Date: 06-12-2011, 04:26 AM
Parent: #2
سلام د.محمد بابكر
وشكرا لك وطبعا لن ننسى.
ويا دكتوره بيان بالبساطه دي انتقلتي من الرافضه للجلد للتهشير بالفتاه؟؟
يمين الله لو فيه شريعه حقيقيه لاقمنا عليك حد القذف:
Quote: سلامات
يا دكتور
القاضي حكم على متهمة بعد ان ثثبتت عليها التهمة بما في القوانين السودانية
الناس ما تطعن في ضل الفيل..
بس طالبوا الحكومة تقنن الدعارة وتنظمها...وتشطب كل القوانين التي تمنع الدعارة |
لاحظي بلا خجل وانت ام بنات كررتي كلمة دعاره دي مرتين؟؟؟
ونسيتي انه البنت دي انجلدت 50 جلده!!
و ال 50 جلده ليست جلد حدي!!باي حال من الاحوال!!
فعن اي حد تتحدثين؟؟!!
|
Post: #4
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: Shawgi Sulaiman
Date: 06-12-2011, 05:31 AM
Parent: #3
Quote: القاضي حكم على متهمة بعد ان ثثبتت عليها التهمة بما في القوانين السودانية
الناس ما تطعن في ضل الفيل..
بس طالبوا الحكومة تقنن الدعارة وتنظمها...وتشطب كل القوانين التي تمنع الدعارة |
|
Post: #5
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: د.نجاة محمود
Date: 06-12-2011, 06:12 AM
Parent: #4
ترا جي
اها البت اتجلدت فيبنلطون ولا كيف؟
بالله بطلي الاستهبال البتعملي فيه دا
لما تكون شغلتنا الاساسية محاربة اي زول في السودان
المواضيع البتحتاج لحرب بتنتهي النضال ببقى عوارة لا غير..ز
قال قذف قال
بالله انت بتعرفي الحاجات دي وعارفة حرمتها؟
بالله ورينا يا مستنيرة ما هي وجهة نظرك في القواني التي تمنع الدعارة
وهل تعتقدي ان الحكومة لازم تقننها وتمنح تراخيص ولا كيف؟
|
Post: #8
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: HAIDER ALZAIN
Date: 06-12-2011, 11:40 AM
Parent: #3
Quote: يمين الله لو فيه شريعه حقيقيه لاقمنا عليك حد القذف:
|
فسبحان الله في خلقه ..
دا غير انها قذفت 75% من نساء السودان بامتهان الدعارة وبرضو تتفاصح
غايتو قوة عين ..!!
|
Post: #6
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: د.محمد بابكر
Date: 06-12-2011, 11:25 AM
Parent: #2
| Quote: بس طالبوا الحكومة تقنن الدعارة وتنظمها...وتشطب كل القوانين التي تمنع الدعارة |
الكلام ده عيب يادكتوره ولايجوز ان نقفز الى خلاصات نبنى عليها احكاما كحكمك هذا فانت لا تعرفين من انا وماهى خلفيتى الاسريه ولا يحق لك باى حال من الاحوال افتراض اننى من الداعين الى نشر الرزيله!!!
|
Post: #7
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: عبدالأله زمراوي
Date: 06-12-2011, 11:38 AM
Parent: #6
| Quote: لكى لاننسى.. القاضى احمد عبدالمطلب هو من حاكم هذه الفتاة وقد درس المذكور القانون فى مصر وابان ما عرف بالمفاصله بين الاسلاميين اختار جانب الوطنى فاوكلت له احدى مهام الاذلال والتنكيل بالشعب.. |
تحياتي د. محمد بابكر...
منذ متى إستقر الرأي على إختيار القضاة على أساسٍ حزبي أو طائفي أو مذهبي؟ والله هذا ما
اودى بالقضاء السوداني الى مهاوي الإنحطاط ومدارك الفساد وإنعدام المهنية وسوء الطوية وسقوط الأخلاق حتى صار رئيس القضاء يؤتى من قضاة الميراث والطلاق والحيض والنفاس...
يا للمهزلة...
|
Post: #9
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: د.نجاة محمود
Date: 06-12-2011, 11:48 AM
Parent: #7
Quote: ؤتى من قضاة الميراث والطلاق والحيض والنفاس...
|
وديل مالهم يا مولانا ما قضاة ولا شنو؟
بالجد يضحكني جدا انه صراعات قاضي شرعي وقاضي مدني تكون مدورة الى الان
انت يا مولانا قاضي المفروض تحترم كل القضاة وتعلم الناس تحترمهم موش تسخر منهم
بعدين كلام حيض ونفاس دا كلام قذر يا مولانا ربنا بيسالك منه
والمهزلة هي كلامك انت يا مولانا يا قاضي ما بحترم الشرع
الذي يعمل في الميراث والطلاق
|
Post: #11
Title: Re: لكى لاننسى القاضى احمد عبدالمطلب هو من حاكم هذه الفتاة..
Author: عبدالأله زمراوي
Date: 06-12-2011, 12:02 PM
Parent: #10
Quote: كرور الصف العاشر فى الجبهة الاسلامية تجده فى كتير المراكز الحساسة
|
تعرف يا النصري يا صاحبي شاهدته في الشريط الكارثة وكأنه
الجلاد وليس القاضي...
حينما يصير القاضي جلادا تنتفي معاني العقوبة وتنتحرالعدالة . كان الأجدر بذلك القاضي
جلد تلك الفتاة (إن كان لا بد من جلدها) وفي ذهنه منشور رئيس القضاء الذي يحدد الطريقة ...
مع محبتي...
لا تعجب يا ياقوت
الأعظم من قدر الإنسان
هو الإنسان
القاضي يغزل شاربه
لمغنية الحانة
وحكيم القرية مشنوق
والقردة تلهو في السوق
يا محبوبي ..
ذهب المُضْطَّر نحاس
قاضيكم مشدود
في مقعده المسروق
يقضي ما بين الناس
ويجرّ عباءته
كبراً في ال########ه
* * *
لن تبصرنا بمآقٍ
غير مآقينا
لن تعرفنا
ما لم نجذبك
فتعرفنا وتكاشفنا
أدنى ما فينا
قد يعلونا
يا ياقوت
فكن الأدنى
تكن الأعلى فينا
* * *
وتجف مياه البحر
وتقطع هجرتها أسراب الطير
والغربال المثقوب على كتفيك
وحزنك في عينيك
جبال
ومقادير
وأجيال
يا محبوبي
لا تبكيني
يكفيك ويكفيني
فالحزن الأكبر ليس يقال
محمد الفيتوري...
____________________________
لإضافة أبيات الفيتوري
|
|