Post: #1
Title: المسيرية: هل اعطوكم ولاية غرب كردفان..ولا ضربتها دانة؟!!
Author: Kabar
Date: 06-11-2011, 07:09 PM
Parent: #0
يجب الأ يخوض أي مسيري أو مسيرية.. حرب وكالة لحساب المؤتمر الوطني..!
عودة ولاية غرب كردفان كضبة كبيرة من كضبات المؤتمر الوطني..
عشان كده الناس تفتح يعونها كويس..!
البترول بقى في عش الطير..
و عودة ولاية غرب كردفان في عش الطير..
و ارواحكم في عُش الطير برضك..
و أبيي ذاتها في عُش الطير..
باكر المؤتمر الوطني ح يرجع تاني يتفق مع الحركة الشعبية..
و تكونوا انتو شلتو وش القباحة ساكت..!
اقعدوا في مانطقكم فقط..و اي طلقة مفروض تكون دفاعا عن النفس.. لكن فكرة دفاع شعبي يمشى الحجار.. شيليوها من راسكم..
و ربنا يغطي على الجميع..
كبر
|
Post: #2
Title: Re: المسيرية: هل اعطوكم ولاية غرب كردفان..ولا ضربتها دانة؟!!
Author: Kabar
Date: 06-11-2011, 07:10 PM
Parent: #1
نواب المسيرية القاعدين في البرلمان القومي و بيرفعوا التمام للمؤتمر الوطني.. ارفعوا التمام باشخاصكم.. لكن ما ترفعوا التمام بالمتاجرة بارواح اهلنا..!
كبر
|
Post: #3
Title: Re: المسيرية: هل اعطوكم ولاية غرب كردفان..ولا ضربتها دانة؟!!
Author: Kabar
Date: 06-11-2011, 07:12 PM
تلاتين سنة..و المنطقة لم تشهد استقرار..
و بالحسابات الحالية لن تشهد استقرار في السنوات العشرة الجايات..
على كل ابناء المسيرية التبصر و التوحد..!
كفانا عذابات و مظالم من قبل الخرطوم..
عمر البشير داير يخوض حروب ..خلوهو يخضوها براهو و هو قريبو احمد هرون..!
كبر
|
Post: #4
Title: Re: المسيرية: هل اعطوكم ولاية غرب كردفان..ولا ضربتها دانة؟!!
Author: بريمة محمد
Date: 06-11-2011, 07:58 PM
Parent: #3
ول أبا كبر
سلام ..
هنا مداخلة لى فى بوست أخر .. معاً لعزل أهلنا البقارة من أى أشتراك فى معارك ضد جيرانا فى المنطقة ..
Quote: الأخ على زين العابدين
سلام ..
Quote: يا زول بقره البجى بى جنبهم منو...اكان مفلس ولا لا
نحن بوستاتهم ما قادرين نقرب ليها ..لامن بقره . |
يا أخى والله لو ختيتوا بقرنا، صدقنى لو لقيناكم فى أى مكان نرقصوا معاكم المردوم والقرنق والكمبلا .. ساكت وبمزاج. لكن اليوم الذى تهبشوا فيه قطيع واحد من أبقار البقارة بعد داك يانا وراكم جحر جحر وكركور كركور حتى نخرجوا الأبقار. الحكومة التى تجعجع نحن ليس لنا بها الشغلة، همنا هو بقرنا ورعيتنا .. وبس
وصل الرسالة لأى متمرد فى جنوب كردفان ..
أى زول من البقارة أو النوبة فى الدفاع الشعبى يتبع للحكومة .. أردموه بلا هواده .. أكتر حاجة النسوان ببكن والرجال يهزوا للثأر ولا شيئ يحصل. أما إذا البقر أنهبن هناك يخرج البقارة جحافل فرسانهم وبأعداد غفيرة .. وفى عقيدتنا البقارية المال أحسن من سيده .. أى زول يقوم جارى مع الفزع حتى إن لم يعرف صاحب المال المنهوب.
يعنى فى هذه الحالة لا ضرر ولا ضرار .. الضرار بس فى البقر.
المنفستو بتاع الصلح دا كيف معكم .. يلا نفذوا!
بريمة |
الحركة فى جنوب كردفان أفلست وأصابتها هاء السك...من يدفع رواتب جيشها؟
بريمة
|
Post: #5
Title: Re: المسيرية: هل اعطوكم ولاية غرب كردفان..ولا ضربتها دانة؟!!
Author: عمار عوض
Date: 06-12-2011, 10:23 AM
Parent: #4
Quote: تلاتين سنة..و المنطقة لم تشهد استقرار..
و بالحسابات الحالية لن تشهد استقرار في السنوات العشرة الجايات..
على كل ابناء المسيرية التبصر و التوحد..!
كفانا عذابات و مظالم من قبل الخرطوم..
عمر البشير داير يخوض حروب ..خلوهو يخضوها براهو و هو قريبو احمد هرون..!
|
القول ماقلت ياكبر اياليت قومى يعلمون ويعون
|
|