Post: #1
Title: صور بوست دينا المنسوبة للاجئين من جنوب كردفان مزورة
Author: EMU إيمو
Date: 06-11-2011, 05:38 PM
قرويون ينتظرون وصول مساعدات برنامج الغذاء العالمي في ولاية شرق الاستوائية في جنوب السودان (رويترز)
حسبنا الله ونعم الوكيل
|
Post: #2
Title: Re: صور بوست دينا المنسوبة للاجئين من جنوب كردفان مزورة
Author: 7abib_alkul
Date: 06-11-2011, 06:06 PM
Parent: #1
يا ايمو
انت من الأول كنت مصدقها يعني؟
هاهاهاها الغريبة انه هم بفكوها وبرجعوا اصدقوها
|
Post: #3
Title: Re: صور بوست دينا المنسوبة للاجئين من جنوب كردفان مزورة
Author: دينا خالد
Date: 06-11-2011, 06:41 PM
Parent: #2
الارهـاب بالكبـاب ...
ياحاج ايمو يا صادق يا امين ...
وبما انو بوستك عن المصداقية
قالوا لا تنه عن خلق وتاتى مثله
عار عليك اذا فعلت عظيم ..
مجرد الرجوله والنخوه والشهامة والمرؤة
كانت بتحتم عليك ان تقول الصور التى اوردها فلان
مزوره .. حتى ياتيك فلان ليفتى فيها
فصاحب البوست غير مسئول من مداخلات الاعضاء فيه ,,,
مش كدا ؟؟ هسه انا لو نزلت ليك صور فى بوستك دا
يمشى زول يعنون ليك بوست باسمك انت ليسالك عنها !!!
دا شكلا اما موضوعا ..
تانى بعيد ليك الكلام الاوضاع والصور فى جنوب كردفان
احسن من دى كتير ؟؟ فالمصائب يجمعن المصابينا
والشىء بالشىء يذكر ...
وطالما انت من كردفان فى ذمتك دى كان ما جبت لينا صور
لى اهلك النزحوا خلال المعارك الفاتت دى وخلينا نقارن
بين نزوح ونزوح ...
ـــــــــــــــــ
فى ذمتك هى صور بوست دينا ؟؟؟
عزيزى القارىء هنا تجد بوست دينا
بل الحلو مر علقم ولكن اكثرهم لا يعلمون !!
|
Post: #4
Title: Re: صور بوست دينا المنسوبة للاجئين من جنوب كردفان مزورة
Author: EMU إيمو
Date: 06-11-2011, 07:09 PM
Parent: #3
Quote: خليل يا خليل
شكرا لتوضيح الصورة وتسليط الضوء
على الاخبار الطازجة من جنوب كردفان ..
شفت بالله الموضوع دا صعب كيف ؟؟
المشكلة انو اى ضرب فى هوامش السودان دى
طوالى بكون فى العضم ...
شفت منظر الناس دى ؟؟ بالله تقول الحرب دى مدوره
ليها عشرين سنه .. ناس منهكة تعبانه عيانه مقهورة
ما عندهم ما يستر اجسادهم ... ولا مايقيم اودهم
وبرضو اصحاب القوة بلا خجلة بتحاربوا بالسلاح على ارضهم !!
ويقعوا هم ضحايا اطماع اصحاب السلطة ...
الكوارث الانسانية فى الحروب السودانية دى حقو الطرفين
يقيفوا عندها شوية ..
باقى الدول دى كلها بتنضرب على ضهرها وبتعتمد على سنامها
لحد ما المجتمع الدولى يمرق ويدخل ويقرر بشان حماية المدنيين
لكن ناس نحنا ديل ..
لا سنام لا ضهر ...
ولما الجماعة ديل بى سلامتهم يتتعتعوا علينا
الرماد بكون كال حماد ..
ونبقا فى الغلاط هل هم 200 الف جثة ..
ام هى فقط 10 الف جثة !!! |
يعني العفش داخل البص على مسئولية صاحبو؟
|
Post: #5
Title: Re: صور بوست دينا المنسوبة للاجئين من جنوب كردفان مزورة
Author: عبدالمجيد الكونت
Date: 06-11-2011, 07:46 PM
Parent: #4
العنوان فيه تدليس وكذب صريح يا ايمو ومن الشجاعة ان تعتزر للاخت دينا
|
Post: #6
Title: Re: صور بوست دينا المنسوبة للاجئين من جنوب كردفان مزورة
Author: EMU إيمو
Date: 06-12-2011, 07:11 AM
Parent: #5
| Quote: العنوان فيه تدليس وكذب صريح يا ايمو ومن الشجاعة ان تعتزر للاخت دينا |
طيب نصحح العنوان
الصور الموجودة داخل البوست المفتوح بإسم دينا والمنسوبة للاجئين من جنوب كردفان مزورة.
|
Post: #7
Title: Re: صور بوست دينا المنسوبة للاجئين من جنوب كردفان مزورة
Author: قيقراوي
Date: 06-12-2011, 08:15 AM
Parent: #6
سلام يا ايمو
Quote:
طيب نصحح العنوان
الصور الموجودة داخل البوست المفتوح بإسم دينا والمنسوبة للاجئين من جنوب كردفان مزورة.
|
اسي كدا صححت؟
و وين الاعتذار لمن اقتنعت انو في ( تصحيح ) مطلوب و واجب؟
طيب ايه رايك لو انا جيت قلت :
التدليس في سودانيز اون لاين بخصوص ( الصور ) والمنسوبة للاجئين من جنوب كردفان مزورة.
كدا ما بدخلك انت و انا ذاتو جوة الجك!؟
ياخ ما تختصر الطريق و ( تنسب ) الولد لابوه الشرعي طوالي .. المافي شنو؟
يا زول الصورة جابا الزميل خليل ..
اللفة الكبيرة دي ليه!؟
سلام و احترام للجميع
|
Post: #8
Title: Re: صور بوست دينا المنسوبة للاجئين من جنوب كردفان مزورة
Author: على محمد على بشير
Date: 06-12-2011, 08:43 AM
Parent: #7
ايمو لا يلزمه اعتزار
وذلك لانه قال صور بوست دينا
ولم يقل الصور التى اوردتها دينا
|
Post: #9
Title: Re: صور بوست دينا المنسوبة للاجئين من جنوب كردفان مزورة
Author: khaleel
Date: 06-12-2011, 03:19 PM
Parent: #8
هلا وغلا
ايمو
صحيح الصور حسب ما ذكر المصدر
انها من الاستوائية
حاولت ارد ليك في بوست دينا ولكن انشغلت
|
Post: #11
Title: Re: صور بوست دينا المنسوبة للاجئين من جنوب كردفان مزورة
Author: EMU إيمو
Date: 06-12-2011, 04:23 PM
Parent: #10
| Quote: وانا لم اقل انها من جنوب كردفان |
الحبيب خليل
تحياتي
نسأل الله ان يحفظ جنوب كردفان
ويبعد عنها الحروب.
|
|