Post: #1
Title: نظامي يتسلل إلى داخلية طالبات ليلاً ليلتقي بمحبوبته
Author: محمد إبراهيم علي
Date: 06-11-2011, 05:00 AM
| Quote: أوقف رجال الحرس الجامعي بإحدى داخليات الطالبات بالخرطوم شاباً تسلل إلى الداخلية بهدف الالتقاء بمحبوبته التي تقيم فيها وكشف رجال الحرس الجامعي في بلاغ تقدموا به إلى شرطة الخرطوم شمال أنهم فوجئوا بالمتهم داخل الداخلية فتم إيقافه باعتبارها داخلية طالبات وعرفوا أنه نظامي وتسلل بأحد المداخل المهجورة وأكد المتهم أنه قام بذلك موضحاً أن لديه فتاة تقيم بالداخلية تربطه علاقة عاطفية بها وقد اختلفا ورفضت مقابلته وقد تسلل ليلتقي بها داخل الداخلية وقد وجهت إليه النيابة اتهامات بالتعدي. |
عن الراكوبة عن الاهرام اليوم
|
Post: #2
Title: Re: نظامي يتسلل إلى داخلية طالبات ليلاً ليلتقي بمحبوبته
Author: محمد إبراهيم علي
Date: 06-11-2011, 05:03 AM
Parent: #1
البت زعلت وخاصمتو وابت تكلمو يعمل شنو يا ناس
هسي يا بت الناس لو رديت على مكالمتو ما كان صبرت القليب البحبك ده
تضامني الكامل مع الحبيب في محنته
ــــــــــــــــــــــ
من الحب ما قتل
والان من الحب ما يقودك الى النيابة
|
Post: #3
Title: Re: نظامي يتسلل إلى داخلية طالبات ليلاً ليلتقي بمحبوبته
Author: azhary awad elkareem
Date: 06-11-2011, 05:39 AM
Parent: #2
Quote: تضامني الكامل مع الحبيب في محنته
|
|
Post: #4
Title: Re: نظامي يتسلل إلى داخلية طالبات ليلاً ليلتقي بمحبوبته
Author: Yousif A Abusinina
Date: 06-11-2011, 06:28 AM
Parent: #3
Quote: من الحب ما قتل
والان من الحب ما يقودك الى النيابة |
دة اسموووو الحب الشقى هههههههههههههههه
|
Post: #5
Title: Re: نظامي يتسلل إلى داخلية طالبات ليلاً ليلتقي بمحبوبته
Author: دينا خالد
Date: 06-11-2011, 07:04 AM
Parent: #4
اها وانشالله يكون لاقاها ؟؟؟
ــــــــــــ
دا طبعا بى خبار السودانيين ..
لوووووووووب
الباقى كلو هين ...
|
Post: #6
Title: Re: نظامي يتسلل إلى داخلية طالبات ليلاً ليلتقي بمحبوبته
Author: khaleel
Date: 06-11-2011, 07:07 AM
Parent: #5
سلام يا محمد
يبدو ان هذا النظامي اراد تنفيذ اغنية سيد خليفة علي الارض
والله درب الحب طويل
نمشيهو رغم المستحيل
نمشيهو لو بر او بحر
|
Post: #7
Title: Re: نظامي يتسلل إلى داخلية طالبات ليلاً ليلتقي بمحبوبته
Author: ابوحراز
Date: 06-11-2011, 07:13 AM
Parent: #4
بعضاً من أبناء هذا الجيل غريب ياخي في كل شيء
حتى في العشق 00 لهم طقوسهم الخاصة
لم نسمع نهائياً بان عنتر قد تسلل الى عبلة عبر السلك الشائك لداخلية البنات !!!!
واحد قبل فترة طلع في برج التلفزيون وقال عاوز ينتحر عشان الحبيبة اللطيفة الظريفة ماقاعدة ترد على مكالماتو !!!!
والناس دي كلها اتجمهرت
وفي ذلك اليوم العاوز يشتري ليمون ماقدر يشتريه
تعطلت مصالح الدولة كلها
والراجل حلف قسماً عظماً ان لاينزل الا بحضور السيد الوالي
والوالي نفسه كان مرتو مشاكلاهو !!!
يجيك يسوي شنو معاك ياحيوان
المهم 00 قال ليك الناس دي كلها تشيل وتحنس في { قيس } عشان ينزل بهدوء
انا غاتو حالف أحضر لي واحد زي هذا المعتوه
طوالي امشي من الخلف وألزو ليكم عشان يقع على خشمو
مش نحن الاربعين مليون زهجانين لكن صابرين ومحتسبين لله !!!
المشكلة البتغيظني مرات ناس المطافي في الحريقة ماتلقاهم
لكنهم يتواجدون بحرارة في حالات العشق والهيام
كمان كنت امر يوميا في منطقة والقى ليك اتنين متشابكين وحركات عجيبة وغريبة
والله في البداية افتكرتهم مجانين
لكن لمن سألت قالوا بحبو بعض
عارفين بلقاهم وين ؟؟
والله في المقابر 00 في الدار الآخرة حيث منكر ونكير !!!
|
Post: #8
Title: Re: نظامي يتسلل إلى داخلية طالبات ليلاً ليلتقي بمحبوبته
Author: محمد الامين محمد
Date: 06-11-2011, 07:21 AM
Parent: #3
عسكري تمام
|
Post: #9
Title: Re: نظامي يتسلل إلى داخلية طالبات ليلاً ليلتقي بمحبوبته
Author: فايزودالقاضي
Date: 06-11-2011, 10:11 AM
Parent: #8
هي الجكسوية دي منتسبة ومابتمرق من الداخلية ولا شنو عشان يجازف ليها النظامي ده ؟!!!!
|
|