Post: #1
Title: و الله زمان يا ...وارغو
Author: د. ياسر عبد القادر
Date: 06-10-2011, 09:34 PM
Parent: #0
في خبر مقتضب جدا
المريخ أعاد تسجيل اللاعب وارغو
|
Post: #2
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 09:35 PM
Parent: #1
هكذا.....بليل......وفي هدوء تاام
|
Post: #3
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 09:37 PM
Parent: #2
وبسرعة بسرعة.......قبل إعلام الهلال ما يسمع الخبر
|
Post: #4
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 09:40 PM
Parent: #3
سبحان الله.....
وين نحن من يوم وصوله لأول مرة:
مؤتمر في السلام روتانا ...منقول علي الهواء مباشرة علي جميع القنوات الرياضية وغير الرياضية
وهاك يا ملايين الدولارات
|
Post: #5
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 09:43 PM
Parent: #4
ولقاءات في المطار.......والمواصلات زحمة....
ياربي المرة دي ماجاء بالمطار ولا شنو؟؟؟؟؟؟
يكون جاء باللواري...ونزل في سوق ليبيا (-:
|
Post: #6
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 09:45 PM
Parent: #5
لكن ...النصيحة لوجه الله...الزول دا لعاب
بس نحسو إعلام المريخ.....
شكلو كدا ناس المريخ إستفادو من الدرس
|
Post: #7
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 09:51 PM
Parent: #6
يكون سجلوهو بدل الدافي؟؟؟؟؟
والدافي دا كمان حكايتو أغرب من وارغو؟؟؟؟؟ بس هو محظوظ....إعلام الهلال عمل طناش منو؟؟؟؟
والحقيقة إنو اللاعب دا كلف أكتر من وارغو؟؟؟؟؟؟
دا زول كل موسم تسجيلات بيجي يشيل قروش ويرجع لي بلدو....هيييييع والله ضكر لكن
لاعب تكلفتو أكتر من إتنين مليون دولار...,كل الوقت اللي لعبو للمريخ عبارة عن دقائق
يعني لو قسمو المليونين دولار ديل علي عدد الدقائق اللي لعبها...بيطلع أجرو أكبر من كريستيانو رونالدو.....غايتو مولد وصاحبو غايب
|
Post: #8
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 09:57 PM
Parent: #7
أما وارغو...لو أخد خمسة مليون دولار....لكنو لعب كتييير....أي نعم بدون فايدة...لكن لعب كتيير....بيكون حلل ليهو زي مائة الف دولار كدا....
الباقي ما مشكلة...زكاة ضراع ساكت للوالي...
والناس ديل ماقالوا لينا؟؟؟؟؟ الزول دا كان بيعمل شنو في ليبيا؟.....أصلو ما سمعنا ليهو لا حس ولا خبر
وهو ذاتو كان وين؟....في مصراتة ولا الزواوة ؟؟....ولا مكان القذاذفة ذاتو؟؟؟
وكان بيسوي في شنو...؟؟؟؟
وناس ليبيا ديل داقسين زينا كدا..كان بيدوهو بالدولار....ولا بيتموها ليهو كراسي بلاستيك؟؟؟؟
|
Post: #9
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 10:01 PM
Parent: #8
بعدين شكلو كدا وارغو دا ما كان بيلعب كورة......لانو قبل يومين كدا ناس المريخ جايبو ليهم زول كبير كدا( ما عارفو نيجيري ولا عاجي).....و قالوا دا الزول الكان بيجيب أقوان في ليبيا......طيب وارغو دا كان بيسوي في شنو؟؟؟؟
|
Post: #10
Title: Re: و الله زمان يا ...وارغو
Author: د. ياسر عبد القادر
Date: 06-10-2011, 10:05 PM
Parent: #9
يلا يا طلحة أخوي.....إن شاء الله السنة دي تكون كراعو خدرا.....بس بالله أبعدو عنو ناس : وارغو والهلال حارقو ديل....تاني الحبة ما بتجيهو
ودعتكم الله...
|
Post: #11
Title: Re: و الله زمان يا ...وارغو
Author: عمار يس النور
Date: 06-12-2011, 08:00 AM
Parent: #10
د. ياسر سلام
الزول ده أنا كتبت فيهو غلوتية بس مافي اي زول عرفها
كان عارو ما بنعار
و كان خلو ضرب عبار
عليك الله كلامي مش طلع صاح
الزول ده كراعو حارة
هسع شوف الجات في الليبين مش اخير منها طياشة المجموعات و قون الفرع
قصدي الشجرة
|
Post: #12
Title: Re: و الله زمان يا ...وارغو
Author: حمزاوي
Date: 06-12-2011, 08:49 AM
Parent: #11
ياسر اخوي
مسكاقمي
وامغستي من وجعكم
خايفين ليه من وارغو يا هلالاب
وارغو والهلال حارقو
ان شاء الله اديتو امبيلي قروشو وحفياني وايفوسا وامولادي
وفيليكس
|
Post: #14
Title: Re: و الله زمان يا ...وارغو
Author: د. ياسر عبد القادر
Date: 06-12-2011, 10:14 AM
Parent: #12
حمزاوي
مسكاقمي ( دي من عندك)
سكرفي (دي من عند المدام)
ياخوي أرجو الراجيكم ساكت
العجاجة ماشة عليكم....(سادومبا + أتوبونج)
|
Post: #13
Title: Re: و الله زمان يا ...وارغو
Author: د. ياسر عبد القادر
Date: 06-12-2011, 10:11 AM
Parent: #11
عمار سلامات
كان عارو ما بنعار
و كان خلو خرب الدار
أي والله صدقت.....دا خرب بلاد كاملة....مايخرب ليهو نادي
غايتو أنا لو في مكان الوالي بعفي ليهو لله والرسول...وأخليهو يمشي ساااكت كدا.....أصلو الضرر من مشيهو أخف من الضرر من قعادو
|
Post: #16
Title: Re: و الله زمان يا ...وارغو
Author: حمزاوي
Date: 06-12-2011, 10:41 AM
Parent: #15
فعلاً هدف جميل
ذكرني هدف راجي في كأس السودان الاخير
دكتور ياسر يا ابو النسب ... غايتو انا سمعت اشاعة قالوا اوتوبنقو مريض
عندو شنو يا ربي
|
Post: #17
Title: Re: و الله زمان يا ...وارغو
Author: د. ياسر عبد القادر
Date: 06-12-2011, 10:52 AM
Parent: #16
بيكون عندو مرض حامد.......
|
Post: #18
Title: Re: و الله زمان يا ...وارغو
Author: حمزاوي
Date: 06-12-2011, 11:03 AM
Parent: #17
| Quote: العجاجة ماشة عليكم....(سادومبا + أتوبونج) |
غايتو انا البعرفو ان سادومبا لعاب
بس المشكلة امه بتمرض كتير ... يا ربي هي برضو عندها مرض حامد
ياسر ابوالنسب واحد عنده مرض حامد والتاني امه عندها مرض حامد
هو حامد دا ساكن في مقدمة الهلال ولا شنو
|
Post: #19
Title: Re: و الله زمان يا ...وارغو
Author: د. ياسر عبد القادر
Date: 06-12-2011, 11:19 AM
Parent: #18
لا وإنت الصادق يا حمزاوي....حامد ساكن العرضة جنوب
|
Post: #20
Title: Re: و الله زمان يا ...وارغو
Author: محمد الكامل عبد الحليم
Date: 06-13-2011, 04:43 AM
Parent: #10
تحية....اشاركك الحيرة والتعجب يا دكتور عن الهدر الذي يتم باسم الاحتراف في بلادنا المحزونة ...والحيرة مبعثها غياب الفكر والتخطيط وضعف المردود...واعلام غوغائي يجيد التهريج...وادراة رياضية تسمع جعجعة منها ولا تري طحنا...وشخوص تتحرك بهمة لقبض الثمن ولا تجد في بالها معني للرياضة او اثرا يرجي...
وجمهور ياتي من اطراف المدن مقتطعا من قوت يومه ليعود راجعا لا يحمل سوي الغبار...
اما المحترفون من غير السودانيين فلا تجد من صحافتنا سوي التبرير عن الاداء المتندي حسب لون الشعار...
لك الاحترام
|
Post: #21
Title: Re: و الله زمان يا ...وارغو
Author: د. ياسر عبد القادر
Date: 06-13-2011, 08:18 AM
Parent: #20
الاخ المحترم: محمد الكامل عبد الرحيم
أنا أحييك بشدة لسببين: لتعاملك المباشر مع مغزي هذا البوست ..والذي جاء في صورة فكاهية
ثانيا: لإختصارك لعلة ومشكلة الكرة السودانية في هذين السطرين:
| Quote: غياب الفكر والتخطيط وضعف المردود...واعلام غوغائي يجيد التهريج...وادراة رياضية تسمع جعجعة منها ولا تري طحنا...وشخوص تتحرك بهمة لقبض الثمن ولا تجد في بالها معني للرياضة او اثرا يرجي... |
فرغم توفر المال لفترة طويلة...إلا أننا شهدنا كيف يتم إهداره ,دون أي إنجازات تذكر مقارنة بالوقت الذي أنجز فيه السودان بدون إمكانيات مادية.
شكرا لك أيها الراقي
|
Post: #22
Title: Re: و الله زمان يا ...وارغو
Author: حمزاوي
Date: 06-13-2011, 08:26 AM
| Quote: لا وإنت الصادق يا حمزاوي....حامد ساكن العرضة جنوب |
الصادق المهدي برضو ساكن العرضة جنوب
سلام لي سيدي الامام
|
Post: #23
Title: Re: و الله زمان يا ...وارغو
Author: د. ياسر عبد القادر
Date: 06-13-2011, 11:45 AM
Parent: #22
حمزاوي باشا:
السيد الصادق دا هلالي أزرق ...يعني من أندينا
بالله شوف ليك أي زول أحمر...خد عندك ياسر عرمان مثلا....أو ...تابيتا بطرس (الله يطراها بالخير)...كانت مريخابية حكيمة.....(حكيمة = بتدي حقن)
|
Post: #24
Title: Re: و الله زمان يا ...وارغو
Author: د. ياسر عبد القادر
Date: 06-14-2011, 06:04 PM
Parent: #23
| Quote: اعتبر ماهر الكنزاري نجم المنتخب التونسي والترجي الأسبق ومساعد مدرب الترجي السابق والمدير الفني الحالي للبنزرتي التونسي أن السودان أصبح في المرتبة الثانية بعد دول الخليج من حيث الصفقات والمبالغ التي تدفع فيها وقال: فريقا القمة يبالغان يدفعان أموالاً في لاعبين لا يضيفون شيئاً وأضاف: ماذا فعل الحضري مع الفرقة الحمراء وهل أنقذ المريخ من الخروج المبكر من دوري الأبطال، ألم يفشل ستيفن وارغو فلماذا لم يتعظ المريخ من الصفقة الفاشلة ودفع ملايين الدولارات في النفطى وكانت المحصلة لا شئ.. أعتقد أن فريقا القمة يقلدان بعضهما بعضاً كل يسعى الى عقد صفقة يرد بها على الآخر أسعار اللاعبين في السودان مجنونة وغير واقعية عليكم التعلم من الأندية الجزائرية تدفع مبالغ ضئلة وتستقدم لاعبين يحققون نجاحاً. |
|
Post: #25
Title: Re: و الله زمان يا ...وارغو
Author: د. ياسر عبد القادر
Date: 06-14-2011, 06:05 PM
Parent: #23
| Quote: اعتبر مجدي عبدالغني عضو مجلس إدارة اتحاد الكرة المصري أن الاحتراف أصبح سائداً في القارة الإفريقية وقال: لابد أن تدفع الأندية لتحصل على لاعبين جيدين وأضاف: لكن في السودان تدفع مبالغ كبيرة للمحترفين وأنا مقتنع بأنه ليس هناك لاعب في القارة الإفريقية يستحق التعاقد معه بمليون دولار كما أن المبالغ الكبيرة سلاح ذو حدين ومضى: لم أسمع بستيفن وارغو من قبل الذي دفع له المريخ مبلغ 3 مليون دولار ولم أشاهده مع فريقه الذي كان يلعب له وسمعت أن المريخ تعاقد مع لاعب نيجيري برقم تخطى مليون دولار وأتساءل: ماذا فعل للفريق الذي دفع له ملايين الدولارات وأكد مجدي عبدالغني أن هناك معايير يجب أن تسود في عقد الصفقات |
|
|