Post: #1
Title: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 11:11 AM
قطعا سيؤرخ لذلك لاحقا تحت مسمى "ربيع الفيسبوك" ..
او هو الربيع الذى عادت فيه " جدادات الخلا " للخلا .. " ما بترضى الا الريح فى مجادلات الكلام النصيح
فى حين توهطت الجدادات ذات الصلات الوثيقه بالهكر .. صدر المنبر
وباضت الكثير من بوستات الفجيعه والخواء ..
هذا وكان رأي الرب أن ذلك حسن ..
فطوبى اذن لجداد الخلا فى خلاءه المجيد !..
|
Post: #2
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 11:24 AM
Parent: #1
وكلا هى تذكره .. ثم كلا هى تذكره
وتفاصيل المكان لم تعد كما كانت ..
ولا تلك الرائحه موجوده .. ولا هو طعم التسكع فى ردهات الصفحه الاولى .. والذى كان !!
|
Post: #3
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 11:30 AM
Parent: #2
قرأت ومنذ الصباح 3 بوستات لملاسي !
وبوست للسيدح عن محمد عادل ..
وود الباوقه عن البشير ..
وكما مررت على بوست الاخت العزيزه رندا حاتم عن معتز قريش ..
ورد معتز بنفسه على بدرالدين ..
ورد محمد عادل على السيدح ..
وبوست لعمر صديق ..
وأربعه لغريبه أحدهم عن محاولة ندوه حول الرد على د. ناهد
وهكذا ..
الله هونينى
|
Post: #4
Title: Re: حمى الكيزان تجتاح المنبر.. وجداد الخلا فى الفيسبوك
Author: Mustafa Mahmoud
Date: 06-09-2011, 11:34 AM
Parent: #3
|
Post: #5
Title: Re: حمى الكيزان تجتاح المنبر.. وجداد الخلا فى الفيسبوك
Author: Gafar Bashir
Date: 06-09-2011, 11:43 AM
Parent: #4
انه الهدوء الذي يسبق العواصف ليس إلا ...
وان كان هنالك عزاء فهو يقيننا بأن الذي يبقي هو ما ينفع الناس .. وان تكاثرت الفجائع وان طال الزمن أو قصر
|
Post: #6
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 11:47 AM
Parent: #5
وأتمنى معاك أن تهب العواصف من الجهات المعلومه للقلب ..
بور وبورسودان بارا والجنينه ..
لا من شعبة الامن الالكترونى !
تحياتى يا جعفر
|
Post: #7
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 11:49 AM
Parent: #6
دكتور مصطفى ..
بس ياهو حال البتألم وساكت .. يا حال الساكت وبتكلم
تحياتى يا دكتور
|
Post: #14
Title: Re: حمى الكيزان تجتاح المنبر.. وجداد الخلا فى الفيسبوك
Author: ممدوح أبارو
Date: 06-09-2011, 12:10 PM
Parent: #7
لا إلا ...... وتنقشع الغيوم
لا إلا.......وتنزاح الهموم
وسنظل...........
حتي آخر نقرة كيبورد
تحياتي دكتور مشرف وجعفر
|
Post: #9
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد علي شقدي
Date: 06-09-2011, 11:57 AM
Parent: #5
الجميل المشرف لو لا اختلاف الالوان لما كان للرؤيا ان تكون فهم السراج الوهاج ان اردنا شئ من مما يمكن تسميته ثجاجا يا صديقنا ابو امنه
لكم التحية ولكل الكائنات الجميلة النافرة حسب ما اشار عليهم ضمير حب حياة البراري من اجل حماية بيئتنا كل الود
|
Post: #11
Title: Re: حمى الكيزان تجتاح المنبر.. وجداد الخلا فى الفيسبوك
Author: ود الباوقة
Date: 06-09-2011, 12:02 PM
Parent: #9
| Quote: الجميل المشرف لو لا اختلاف الالوان لما كان للرؤيا |
نعم
رب فئة قليلة غلبت فئة كثيرة باذن الله
شكرا المشرف ........
|
Post: #15
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 12:11 PM
Parent: #11
ود الباوقه تحياتى ياخى ..
انا فكرتى الاساسيه انو الفئه الكثيره تغلب الفئه القليله ..
ده مفهوم ديمقراطى بسيط فى السياق المدنى لا العسكرى كما يشتهى حملة السلاح ..
شكرا على المرور ..
|
Post: #12
Title: Re: حمى الكيزان تجتاح المنبر.. وجداد الخلا فى الفيسبوك
Author: Gafar Bashir
Date: 06-09-2011, 12:05 PM
Parent: #9
تحياتي يا شقدي
وسلامي للعيال
المنبر برغم كل مافيه لا زال نافذة علينا المحافظة عليها واختلاف الاراء يوضح فعلياً صواب اراءنا لكن موقف المشرف هو ان الكثرة غلب الشجاعة وهو صحيح ما لم يتدارك جداد الخلا مسئوليته .. وهو ما انا علي يقين منه ...
هنالك في بعض الاحيان ما يمكن ان نسميه اختلاف الاراء والذي يتحول في بعض المواقف الي اختلاف سلوك وهو ما لا يمكن التحاور معه ... لذا علينا ان نبقيه في حدوده الدنيا كاختلاف اراء ... تحياتي
|
Post: #21
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 12:34 PM
Parent: #12
يا سلام يا جعفر بشير ياخى ..
| Quote: هنالك في بعض الاحيان ما يمكن ان نسميه اختلاف الاراء والذي يتحول في بعض المواقف الي اختلاف سلوك وهو ما لا يمكن التحاور معه |
فالسلوك القويم قد يخطيء أحيانا ولكنه لا يتغير أبدا ..
|
Post: #13
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 12:07 PM
Parent: #9
محمد على شقدى ..
كيفك وكيف كيفك آ زول !
تعدد الالوان !
نعم يا عزيزى ولكن ما نخافه ونعيشه هناك ومنذ اكثر من عقدين من الزمان هو هذا اللون الباهت والوحيد ..
ولا يجب ان يسود هذا اللون هنا وهناك ..
تعدد الالوان !
نعم يا صديقى ..
وسينحاز الناس للوضاءه متى ما وجدوا اليها سبيلا ..
شكرا يا عزيزي
|
Post: #16
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 12:16 PM
Parent: #13
العزيز ممدوح ابارو ..
نعم وحتى آخر نقره كيبورد كما أشرت ..
فكرة انو يزاحمو الناس فى الطريق شان يخلوه ليهم ابدا ما وارده ..
تحياتى
|
Post: #19
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد علي شقدي
Date: 06-09-2011, 12:29 PM
Parent: #16
نعم يا العزيز ابو امنه وانا عجبتني جدا نوايا المشرف اشان كده قلت ياهو ده اللون البتشاف لينا
حسب الصراع المنطقى للاختلاف وكده الموسم اذا ما المواسم الجاية بالنسبة لينا نشاف
هل يرضيهم هم ان كان يرضي الراعي
دعوة صريحة لعودة النسور التي كان محتما على صديقها الشوق
|
Post: #17
Title: Re: حمى الكيزان تجتاح المنبر.. وجداد الخلا فى الفيسبوك
Author: صبري طه
Date: 06-09-2011, 12:18 PM
Parent: #13
| Quote: موقف المشرف هو ان الكثرة غلب الشجاعة وهو صحيح ما لم يتدارك جداد الخلا مسئوليته .. وهو ما انا علي يقين منه ... |
|
Post: #18
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 12:23 PM
Parent: #17
وضاع صبري ..!!
|
Post: #20
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-09-2011, 12:29 PM
Parent: #18
Quote:
المنبر برغم كل مافيه لا زال نافذة علينا المحافظة عليها واختلاف الاراء يوضح فعلياً صواب اراءنا لكن موقف المشرف هو ان الكثرة غلب الشجاعة وهو صحيح ما لم يتدارك جداد الخلا مسئوليته .. وهو ما انا علي يقين منه ...
هنالك في بعض الاحيان ما يمكن ان نسميه اختلاف الاراء والذي يتحول في بعض المواقف الي اختلاف سلوك وهو ما لا يمكن التحاور معه ... لذا علينا ان نبقيه في حدوده الدنيا كاختلاف اراء ... تحياتي
|
|
Post: #24
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 12:47 PM
Parent: #20
شفت الكلام ده كيف يا قيقراوى ..
ازيك ومشتاقين ..
اذن فليضطلع " جداد الخلا " بمسؤولياته !!
قطعا يا صديقى انا اتفق تماما فى أن يضطلع كلا بمسؤليته ولكن ..
وكما فهمت اشارة جعفر ..
( واشاره جعفر تقرأ فى سياق موقفو )
فأن هذه المسؤوليه التى عناها تتنزل من مسؤولية حمل الكلمه بين الناس والتبشير بيها ..
ودى مسؤوليه تشاركيه بين المنبر واعضاءه ..
فالكلمه المصادره ليست مسؤولية "جداد الخلا "
والكلمه المسروقه حسبما فهمت من متابعتى للموضوع الهكر هى مسؤوليه تضامنيه لا تقع على عاتق " جداد الخلا " وحده
يبقى ان نتواطأ جميعا على الحدود التى تكفل للجميع الاضطلاع بمسؤولياته !!
اليس كذلك ؟!
|
Post: #22
Title: Re: حمى الكيزان تجتاح المنبر.. وجداد الخلا فى الفيسبوك
Author: مهيرة
Date: 06-09-2011, 12:39 PM
Parent: #18
| Quote: رب فئة قليلة غلبت فئة كثيرة باذن الله |
الكلام دة لما تكون الفئة القليلة على حق ، مش على باطل عصابة الاجرام الحاكمة فى الخرطوم
وفى انتظار جداد الخلا يغلب المصلحة العامة، وتحياتنا ليهم وليك يا مشرف
|
Post: #23
Title: Re: حمى الكيزان تجتاح المنبر.. وجداد الخلا فى الفيسبوك
Author: ممدوح أبارو
Date: 06-09-2011, 12:40 PM
Parent: #18
like 
* ثقافة فيس بوك وكدا
|
Post: #25
Title: Re: حمى الكيزان تجتاح المنبر.. وجداد الخلا فى الفيسبوك
Author: صبري طه
Date: 06-09-2011, 12:51 PM
Parent: #23
| Quote: محمد حيدر المشرف كتب: وضاع صبري ..!! |
صبري مقتنع أن "المدينة الفاضلة" لا وجود لها في حياتنا ... حتى مدينة المصطفى صلوات الله عليه وسلم لم تسلم من النفاق وغيره ...
لو رجعت بذاكرتك إلى الوراء وتذكّرت مراحلك الدراسية لتذكّرت أن هناك معلم بعينه استخدم سلطته ضدك أو ضد تلميذ آخر بغير وجه حق !!!
لو رجعت بذاكرتك إلى بيئة عملك فستجد أن مديرك قد استخدم سلطته كما المثال السابق !!!
والأمثلة كثيرة:-
- السودان ونظام البشير.
- الدول الأخرى وبعض الأنظمة الاستبدادية.
- مجلس الأمن الدولي وسيطرة خمس دول عليه وسيطرة دولة واحدة على الخمسة دول.
- المتّهمين والقضاء الغير نزيه.
و"صبري" و"صبرك" هو ما يعيننا على الثبات وعدم الهروب والانسحاب ...
من كان له قضية وأراد نصرتها لا يهرب ولا ينسحب ولا يتوقّف ...
والعالم كله ظلم وظلمات .. إن أردت اعتزاله فالموت هو خيارك ...
دمت بود ،،،
ـــــــــــ
|
Post: #26
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 12:54 PM
Parent: #23
يا مهيره ..
تحياتى وكيف الحال ..
ومهما هم تأخروا .. فإنهم يأتون !!
وهم ما غابوا الا للصالح العام ..
وسيحضروا عند تمامه ..
Quote: الكلام دة لما تكون الفئة القليلة على حق ، مش على باطل عصابة الاجرام الحاكمة فى الخرطوم
|
لايك ..
وزى بتاعت ابارو الفوق لينا دى ..
|
Post: #27
Title: Re: حمى الكيزان تجتاح المنبر.. وجداد الخلا فى الفيسبوك
Author: معاوية عبيد الصائم
Date: 06-09-2011, 01:09 PM
Parent: #26
Quote: ومهما هم تأخروا .. فإنهم يأتون !!
وهم ما غابوا الا للصالح العام ..
وسيحضروا عند تمامه ..
|
تحياتى لهم دوما ,,وسلام يا مشرف والضيوف
الله غالب..النقعد نراقب
|
Post: #28
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 01:17 PM
Parent: #27
معاويه يا صديقى ..
لن يهنأ الكيزان بهذا المنبر .. وإن عدوه فتحا قريبا وحمام ميت !
|
Post: #29
Title: Re: حمى الكيزان تجتاح المنبر.. وجداد الخلا فى الفيسبوك
Author: معاوية عبيد الصائم
Date: 06-09-2011, 01:23 PM
Parent: #28
Quote:
لن يهنأ الكيزان بهذا المنبر |
وسنعمل مع كل الشرفاء ..من اجل فضحهم ..وسنقف بالمرصاد
لكل انتهازى ..وفاسد
المحيرنى ..الشماتة يا مشرف..الشماتة على من ..قالوا لا لا لا
فتامل ..كما يقول الشامت الدائم
|
Post: #30
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 01:26 PM
Parent: #28
نعم يا شقدى ..
وصاحب الشوق القديم وإن تعزى مشوق حين يلقى العاشقينا..
يا سلام ياخ ..
| Quote: عودة النسور التي كان محتما على صديقها الشوق |
|
Post: #31
Title: Re: حمى الكيزان تجتاح المنبر.. وجداد الخلا فى الفيسبوك
Author: mayada kamal
Date: 06-09-2011, 01:28 PM
Parent: #28
| Quote: حمى الكيزان تجتاح المنبر.. وجداد الخلا فى الفيسبوك |
تقول الاية الكريمة
فَأَمَّا الزَّبَدُ فَيَذْهَبُ جُفَاءً *** وَأَمَّا مَا يَنْفَعُ النَّاسَ فَيَمْكُثُ فِي الأرْضِ
|
Post: #32
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 01:31 PM
Parent: #31
صدق الله العظيم ..
|
Post: #33
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 01:36 PM
Parent: #32
وسيعلن رسميا انقسام السودان " الوطن الواحد " الى وطنين اتنين ..
وذلك فى بحر الايام المقبلات !!
|
Post: #34
Title: Re: حمى الكيزان تجتاح المنبر.. وجداد الخلا فى الفيسبوك
Author: Gafar Bashir
Date: 06-09-2011, 01:41 PM
Parent: #33
فأن هذه المسؤوليه التى عناها تتنزل من مسؤولية حمل الكلمه بين الناس والتبشير بيها ..
صحيح يا مشرف وهي تعني فيما تعني ضمنياً أولوية القضايا .. فبرغم ان الصراع لا يمكن تجزئته صراعنا من أجل الحرية والديمقراطية في المنبر هو نفسه صراعنا من أجل الحرية والديمقراطية علي مستوي الوطن ... وتجاوزنا لبعض المواقف والقضايا أو التعامل معها بطرق مختلفة في سبيل قضايا ذات أولوية عالية هو المطلوب ... وهو جزء لا تيجزأ من المسئولية.
|
Post: #37
Title: Re: حمى الكيزان تجتاح المنبر.. وجداد الخلا فى الفيسبوك
Author: ABUHUSSEIN
Date: 06-09-2011, 01:52 PM
Parent: #34
Quote: فى حين توهطت الجدادات ذات الصلات الوثيقه بالهكر .. صدر المنبر
وباضت الكثير من بوستات الفجيعه والخواء .. |
|
Post: #40
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 01:59 PM
Parent: #37
ابوحسين ياخى تحياتى ..
ولا تعجب أو تتسائل فالكلام واقع ليك ..
هسع الهكر ده بكون كادر بتاع حزب أمه ؟!
|
Post: #38
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 01:52 PM
Parent: #34
وأنا يا جعفر بتفق معاك تماما ..
واذا كان البلد بتشهد اكبر حدث ممكن نحنا نعاصرو ونشهدو بام أعيننا ..
وإذا كانت احتمالات التفتيت والحروب والانقسامات ماثله ..
واذا كانت السلطه الان بتمارس اكبر قدر ممكن من التغييب الممكن فى زمن بعاند الغطغطه وما بلعب لصالحها ..
نقوم نحنا نمرق ؟!
لا ولكن.. وبذات القدر ارض الله واسعه .. وياهو الاسفير ده مشتت وفيهو متسع للكلمه الحره توصل بكان دايراهو ..
والناس قادره تبدع آليات وجودها .. وقادره تعبر وتلم الناس من سقط لقطهم والمنافى .. وجوه فى ساحة الوطن المنهك والمنتهك ..
تبقى الموازنات الصحيحه دوما فى استيعاب اللحظه الحاليه ..
والمنبر أولى ان يكون وكما كان وأجمل ..
تحياتى
|
Post: #41
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-09-2011, 02:00 PM
Parent: #34
Quote:
صحيح يا مشرف وهي تعني فيما تعني ضمنياً أولوية القضايا .. فبرغم ان الصراع لا يمكن تجزئته صراعنا من أجل الحرية والديمقراطية في المنبر هو نفسه صراعنا من أجل الحرية والديمقراطية علي مستوي الوطن ... وتجاوزنا لبعض المواقف والقضايا أو التعامل معها بطرق مختلفة في سبيل قضايا ذات أولوية عالية هو المطلوب ... وهو جزء لا تيجزأ من المسئولية.
|
الصراع لا يمكن تجزئته .. ما قلنا حاجة
لكن هل في مانع لمرحلته باي ترتيب واقعي و ممكن؟
هل ثمة ما يمنع تسواق الخطى بشكل متوازي بخوض الصراعين جنباً الى جنب؟
المشكلة وين؟
|
Post: #36
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-09-2011, 01:50 PM
Parent: #33
Quote:
شفت الكلام ده كيف يا قيقراوى ..
ازيك ومشتاقين ..
اذن فليضطلع " جداد الخلا " بمسؤولياته !!
قطعا يا صديقى انا اتفق تماما فى أن يضطلع كلا بمسؤليته ولكن ..
وكما فهمت اشارة جعفر ..
( واشاره جعفر تقرأ فى سياق موقفو )
فأن هذه المسؤوليه التى عناها تتنزل من مسؤولية حمل الكلمه بين الناس والتبشير بيها ..
ودى مسؤوليه تشاركيه بين المنبر واعضاءه ..
فالكلمه المصادره ليست مسؤولية "جداد الخلا "
والكلمه المسروقه حسبما فهمت من متابعتى للموضوع الهكر هى مسؤوليه تضامنيه لا تقع على عاتق " جداد الخلا " وحده
يبقى ان نتواطأ جميعا على الحدود التى تكفل للجميع الاضطلاع بمسؤولياته !!
اليس كذلك ؟!
|
هو كذلك
انا فهمت كلام جعفر على ضوء موقف جعفر .. و على ضوء موقفي الشخصي
و دائماً للحقيقة عدة وجوه. كل زول بشوفا من زاوية شوفو
الحوار وحده البجعل ائتلاف الضوء من هنا و هنا لرؤية عميمة ممكناً
او كهذا ارى
مستبشر خير انا غايتو
|
Post: #35
Title: Re: حمى الكيزان تجتاح المنبر.. وجداد الخلا فى الفيسبوك
Author: بشير أحمد
Date: 06-09-2011, 01:46 PM
Parent: #32
| Quote: حمى الكيزان تجتاح المنبر.. وجداد الخلا فى الفيسبوك |
Quote: عدد الالوان !
نعم يا صديقى ..
وسينحاز الناس للوضاءه متى ما وجدوا اليها سبيلا . |
وطيب الحِجّة فوق أم كم؟
وجداد الخلا ده مسؤلين منو الكيزان؟
عينك في بكري تطعن في ضُل الكيزان؟
________
تحياتي؛؛؛
|
Post: #39
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 01:56 PM
Parent: #35
بشير أحمد تحياتى ..
يعنى نتجاوز الحاصل كلو ونركز انو بكرى ابوبكر هو الفيل ؟!
لا أعتقد ذلك ..
هسع يا دكتور لو قالو ليك " الهكر " ده ممكن يكون منو ؟!
بتقول شنو ؟!
|
Post: #42
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 02:05 PM
Parent: #39
تمام يا فتح الرحمن ..
Quote: الصراع لا يمكن تجزئته .. ما قلنا حاجة
لكن هل في مانع لمرحلته باي ترتيب واقعي و ممكن؟
هل ثمة ما يمنع تسواق الخطى بشكل متوازي بخوض الصراعين جنباً الى جنب؟
المشكلة وين؟ |
ليس هناك مانع .. ولكن لا يجب اهمال العامل الزمنى فى فوضى الصراع ونحو ترتيبه فى أذهان الناس
ودى طبيعة أى صراع يحدى ما الناس تقدر تسوقو لى الاتجاه الصاح ..
|
Post: #43
Title: Re: حمى الكيزان تجتاح المنبر.. وجداد الخلا فى الفيسبوك
Author: عصام دهب
Date: 06-09-2011, 02:17 PM
Parent: #42
سلام يا دكتور ..
و مع إختلافي معك سياسياً لكني لم ألحظ عليك رفضاً للرأي الآخر ..
قياخي زعلان مالك ؟؟
|
Post: #44
Title: Re: حمى الكيزان تجتاح المنبر.. وجداد الخلا فى الفيسبوك
Author: ABUHUSSEIN
Date: 06-09-2011, 02:20 PM
Parent: #43
Quote: ابوحسين ياخى تحياتى ..
ولا تعجب أو تتسائل فالكلام واقع ليك ..
هسع الهكر ده بكون كادر بتاع حزب أمه ؟! |
و الكيزان الإتهكرو....؟؟؟؟ أكيد للتمويه
|
Post: #45
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 02:28 PM
Parent: #44
يا مولانا عصام تحياتى ..
ليس رفضا للرأى الآخر .. اصلو تكريس ثقافة الرأى الاخر ده هو ذاتو الجارين وراهو ..
انتو مشكلتكم موقفكم بعبر عن سلطه وعندها ادواتها البتقدر تخنق بيها الناس ذاتهم خلى صوتهم ..
وانتو جزء لا يتجزا من أدوات السلطه دى فى موقفها تجاه المنبر ده وحرية الكلمه عموما ..
فلنتفق أن السلطه التى أنت تقف فى صفها ..
تضيق بالرأى الآخر .. وتمارس القهر إزاءه .. ولا تسمح به الا اضطرارا .. والشواهد على ذلك كثيره ..
وبعد داك ممكن تكون فى ارضيه مشتركه للنقاش ننطلق منها..
تحياتى يا عصام دهب
|
Post: #65
Title: Re: حمى الكيزان تجتاح المنبر.. وجداد الخلا فى الفيسبوك
Author: عصام دهب
Date: 06-10-2011, 01:47 AM
Parent: #45
و تحياتي و إحترامي يا دكتور ..
| Quote: ليس رفضا للرأى الآخر .. اصلو تكريس ثقافة الرأى الاخر ده هو ذاتو الجارين وراهو .. |
أنتم تريدونه منبراً حكراً عليكم فقط رغم أنكم ـ أقصد مناوئي الحكومة ـ أكثر عدداً ممن يناصرون الحكومة ، تريدون فرض وصايتكم على المنبر و صاحبه و في أذهانكم أن سودانيز أون لاين هو صوت للمعارضين و تتناسون أن ما حققه سودانيز أون لاين من إنتشار لم يكن ليتحقق لولا ما يحفل به من تنوع و أختلاف في توجهات أعضائه ، و دونك مواقع الأحزاب و التنظيمات السياسية قاطبة بما فيها المؤتمر الوطني هل فيها أي حراك كما هو الحال هنا .. للأسف المعارضون هنا في غالبيتهم يضيقون بالرأي الآخر و يسعون جهد طاقتهم لإسكات من يخالفهم و لكن هيهات .. و حينما يعجزون عن ذلك تتعالى أصواتهم بأن أنصار الحكومة أحتلوا المنبر .. فليحتل أنصار الحكومة المنبر بمشاركاتهم و بوجودهم و بمصداقيتهم و هم لا يدعون إلى إحتكار أو إقصاء كما تفعلون .. و لكم أن تحتلوا المنبر و أنتم أكثرية لكن ليس من حقكم الدعوة لإقصاء من يخالفكم و نحن هنا باقون حتى و إن حردتم . فهذا ليس مكان للحرد و الخرخرة .
| Quote: انتو مشكلتكم موقفكم بعبر عن سلطه وعندها ادواتها البتقدر تخنق بيها الناس ذاتهم خلى صوتهم .. |
و مشكلتكم أنكم لا تطرحون هنا غير العداء للسلطة ليس لديكم أي طرح غير معاداة الحكومة بأدواتكم التي أضحت مرفوضة حتى ممن يوافقونكم الرأي لقد وفرتم على الحكومة الكثير لأن أدواتكم وحدها تكفي لخنقكم و إسكاتكم و إنفضاض الناس من حولكم ..
| Quote: وانتو جزء لا يتجزا من أدوات السلطه دى فى موقفها تجاه المنبر ده وحرية الكلمه عموما .. |
حرية الكلمة هي مسئولية في المقام الأول و إن كانت حرية الكلمة تعني الكذب و الإشاعات الضارة و الافتراء و التعرض للأبرياء بالباطل فلا مرحبا بحرية الكلمة ، و لا أعتقد أن الحكومة من الغباء بمكان أن تعادي سودانيز أون لاين فما يقدمه المعارضون هنا يقوي الحكومة و لن يقتلها بأي حال .
Quote: فلنتفق أن السلطه التى أنت تقف فى صفها ..
تضيق بالرأى الآخر .. وتمارس القهر إزاءه .. ولا تسمح به الا اضطرارا .. والشواهد على ذلك كثيره .. |
حال الإنقاذ اليوم لجهة إحترام الرأي الآخر أفضل كثيراً و كثيراً جداً مما كان عليه بالأمس وهذا لا ينكره إلا مكابر ، و غداً بإذن الله سيكون أفضل من اليوم و على صعيد شخصي هذا ما دفعني لمناصرة الحكومة الوقوف في صفها و الإنضمام إلى حزبها ، أما مسألة أن تضيق الحكومة بالرأي الآخر فهذه حجة العاجز و ما أدل على ذلك أن أكبر حزبين في البلاد قبل مجئ الانقاذ عاجزين حتى اللحظة عن إصدار و لو مطوية أسبوعية لمخاطبة ما تبقى لهما من مؤيدين فهل الحكومة منعتهما عن ذلك ؟؟ أما إن كنت ترى في الضوابط التي سنتها الحكومة لتنظيم العمل الصحفي و الإعلامي قهراً و ضيقاً بالرأي الآخر فذاك رأيك و أختلف معه لأنني أرى أن في هذه الضوابط منعاً للفوضى و الإنفلات الذي كان سمة مميزة للتعبير السالب عن الرأي و الممارسة الغوفغائية للديمقراطية إبان فترة حكم الأحزاب ما قبل الإنقاذ و هذا بإذن الله تعالى لن يتكرر ..
تحياتى مجددا و لي عودة بإذنه تعالى ..
|
Post: #46
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 02:30 PM
Parent: #44
عليك نور يا ود الحسين ياخ ..
|
Post: #48
Title: Re: حمى الكيزان تجتاح المنبر.. وجداد الخلا فى الفيسبوك
Author: ABUHUSSEIN
Date: 06-09-2011, 02:32 PM
Parent: #46
| Quote: عليك نور يا ود الحسين ياخ .. |
و أكيد بكري متواطئ مع الكيزان ضد جداد الخلا.....
|
Post: #49
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-09-2011, 02:33 PM
Parent: #44
Quote:
ليس هناك مانع .. ولكن لا يجب اهمال العامل الزمنى فى فوضى الصراع ونحو ترتيبه فى أذهان الناس
ودى طبيعة أى صراع يحدى ما الناس تقدر تسوقو لى الاتجاه الصاح ..
|
متفقين إذاً
بالتشديد على [ ولكن لا يجب اهمال العامل الزمنى فى فوضى الصراع ]
و بما انو ما افتكر في خلاف ابداً حول [ الاتجاه الصاح ] يبقى الباقي هين ...
برضو متفائل انا ..
عما قريب بجي الهمبريب
|
Post: #47
Title: Re: حمى الكيزان تجتاح المنبر.. وجداد الخلا فى الفيسبوك
Author: بشير أحمد
Date: 06-09-2011, 02:31 PM
Parent: #39
Quote: هسع يا دكتور لو قالو ليك " الهكر " ده ممكن يكون منو ؟!
بتقول شنو ؟! |
يادكتور مٌبتدئ هكر ممكن يعمل الحكاية دي؛المنبر ده نسخة قديمة من زمن حفرو البحر ؛
والكيزان بقت حيطة فشلكم القصيرة .
|
Post: #50
Title: Re: حمى الكيزان تجتاح المنبر.. وجداد الخلا فى الفيسبوك
Author: صبري طه
Date: 06-09-2011, 02:36 PM
Parent: #47
| Quote: و الكيزان الإتهكرو....؟؟؟؟ أكيد للتمويه |
أخونا أبو حسين ...
لا أعتقد أن تهكير الموقع له علاقة منظّمة بنظام البشير ...
لسبب وجيه وهو إن أراد نظام البشير حجب الموقع داخل السودان لفعل ذلك وخصوصاً وأن شركات الاتصال على ما أعتقد يُسيطر عليها الكيزان ...
هذا من جانب ... ومن جانب آخر أيّ موقع يتم تهكيره من السهولة إرجاعه عن طريق "النسخة الاحتياطية" ...
إذاً من العباطة أن يتم تهكيره بتوجيه من قيادات النظام !!!
الهكرز في اعتقادي لا يخرج عن كونه مراهق في عالم الهكرز يمارس هوايته الصبيانية ...
كيف لا وهو يعلم علم اليقين أنّ ما يقوم به يمكن السيطرة عليه خلال دقائق !!!
حتة إنو تهكير الموقع عملية منظّمة من نظام البشير دي ما حتخش ليّ رأسي ولو نطّطت ...
دمت بود ،،،
|
Post: #53
Title: Re: حمى الكيزان تجتاح المنبر.. وجداد الخلا فى الفيسبوك
Author: ABUHUSSEIN
Date: 06-09-2011, 02:43 PM
Parent: #50
أخونا صبري
البعض إتخذ من الهكرز زريعة لتمرير مطالب بعيدة جداً عن موضوع الهكرز
تحياتي
|
Post: #51
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-09-2011, 02:40 PM
Parent: #47
د. بشير
Quote:
وطيب الحِجّة فوق أم كم؟
وجداد الخلا ده مسؤلين منو الكيزان؟
عينك في بكري تطعن في ضُل الكيزان؟
|
مع تحفظي على التسمية ( جداد خلاء ) و تجاوزها لمعنى المراد ...
ما شايف كدا انت بقيت الخصم و الحكمو الجلاد ذااااتو؟
يا زول انت ( العدو ) ما تحدد لينا المعركة و السلاح ..
ما في زول شاورك انت ياخ!
كيف ما مسئولين عمن غادروا!؟
يا زول الكيزان مسئولين من أي كبة حصلت في السودان منذ 1989 و لحدي ما يغوروا عن سمانا!
كيف ما مسئولين؟
|
Post: #52
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 02:43 PM
Parent: #47
يا أحمد ..
الموضوع ليس فشلنا الكبير أو حيطتكم القصيره ..
يا راجل كل القصور والعمارات السوامق وتقول لى حيطتكم قصيره ..
يعنى عاوزين توصلوها السما ؟!
زى ما قلت اى هكر مبتدي ممكن يهكر الموقع ده " والعهده عليك "
طيب .. ارتباط التهكير بمناسبات تمثل العمل المعارض رايك فيهو شنو ؟!
|
Post: #54
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 02:49 PM
Parent: #52
فى شأن تسمية جداد "الخلا " ب " جداد الخلا "
فقد أتت عفو الخاطر أو ربما كان بالبال
" غايتو أمشى .. فى الدرب البطابق فيهو خطوك صوت حوافرك ..
يا فرس كل القبيله تلجمو .. ويكسر قناعاتها ويفر ..
يسكن مع البدو فى الخلا .. ما يرضى غير الريح تجادلو وتقنعو "
|
Post: #55
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 02:53 PM
Parent: #54
كما وأجاز محمد الحسن سالم حميد المعنى حين تحدث عن كلاب الحله فى الجابريه ..
وهكذا
الاخ العزيز صبري ..
دى مسأله تقديريه وانا بحترم رأيك ..
ورأيي الشخصى أن للسلطه فى السودان دور كبير جدا فى تهكير موقع سودانيزاونلاين ..
تحياتى
|
Post: #60
Title: Re: حمى الكيزان تجتاح المنبر.. وجداد الخلا فى الفيسبوك
Author: صبري طه
Date: 06-09-2011, 03:11 PM
Parent: #55
لك التحية أخي ود المشرف ...
| Quote: ورأيي الشخصى أن للسلطه فى السودان دور كبير جدا فى تهكير موقع سودانيزاونلاين .. |
وأنا أيضاً أحترم رأيك وأقدره ...
ولكن لنضع النقاط فوق الحروف ...
أولاً: أتفق معك أن نظام البشير ربما يتمنى زوال حاجة اسمها "سودانيز أونلاين".
ثانياً: هل تتفق معي في أنه لإزالة سودانيز أونلاين بشكل ملموس ونهائي من الشبكة العنكبوتية أن هذا الأمر يحتاج إلى دراسة علمية .. وبالطبع هذه الدراسة لا تغفل أن هناك نسخ احتياطية يمكن تركيبها في أيّ سيرفر آخر "هذا بافتراض أنه تمّ اختراق السيرفر .. مش الحركات بتاعة نط الحفر دي" ....
ثالثاً: الظاهرة التي تحدث بالمنبر بسرقة الباسوورد وإدراج "أكواد التحويل بالـ html" لا تعدو إلاّ أن تكون حركات صبيانية وأيّ مبتدئ في عالم النت إذا سرق الباسوورد يمكنه فعل ذلك !!! فهل هذا هو تخطيط نظام البشير لتهكير الموقع ؟!
رابعاً: قوة صدى سودانيز أونلاين بالداخل أكثر من الخارج لأن المطلوب تحريكهم لإسقاط النظام هم القابضين على الجمر بالداخل وليس القابضين على اللاب توبات وجالسين تحت المكيّفات بالخارج.
خامساً: وإذا لم يتّجه نظام البشير لحجب الموقع داخل السودان توجد مُعالجات فنية أخرى من ضمنها جعل تصفّح الموقع ثقيل لدرجة أنّ المتصفح سيترك الموقع مُكرهاً وهم لم يفعلوا ذلك !!!
فيا عزيزي نظام يُسيطر على دولة كاملة بمواردها يمكنه أن يفعل الكثير لطرد زوار سودانيز أونلاين عن تصفّحه ...
وهذا ما يجعلني أشك في أنّ هجمات الهكرز على سودانيز أونلاين ليست منظّمة من قبل النظام ... قد يكون بعض المراهقين المؤيدين للنظام لهم أدوار بين الفينة والأخرى (وهُنا سنتفق) ... ولكن أن يكون ذلك بتوجيه منظّم من النظام لا أعتقد ...
ولك كل الود والتقدير ،،،
|
Post: #58
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-09-2011, 03:04 PM
Parent: #54
Quote:
فى شأن تسمية جداد "الخلا " ب " جداد الخلا "
فقد أتت عفو الخاطر أو ربما كان بالبال
|
لوووووول
ما تبقى حساس يا مشرف ياخ!
انا موقفي حساس عشان كدا جاء التحفظ
حالة مؤقتة يعني ؤكدا .. شدّة و تزول
و بكرة الحراز بصد لي ملامحو ..
جية العصافير قرّبت .. و شمس العوارض مصيرا تغرّب
|
Post: #56
Title: Re: حمى الكيزان تجتاح المنبر.. وجداد الخلا فى الفيسبوك
Author: بشير أحمد
Date: 06-09-2011, 02:53 PM
Parent: #52
| Quote: طيب .. ارتباط التهكير بمناسبات تمثل العمل المعارض رايك فيهو شنو ؟! |
اي واحد مافاهم اللعبة من قولت تيت ح يقول الكيزان..
ليه ما يكون المعارضين نفسهم بيعملوا الحركة وبنفس توقيت العمل المعارض
عشان تصل الرسالة زي ما وصلتك في الكوت اعلاه!!!
|
Post: #57
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-09-2011, 02:57 PM
Parent: #56
دكتور بشير !!
ده كلام شنو آ زول !!
Quote: Quote: طيب .. ارتباط التهكير بمناسبات تمثل العمل المعارض رايك فيهو شنو ؟!
اي واحد مافاهم اللعبة من قولت تيت ح يقول الكيزان..
ليه ما يكون المعارضين نفسهم بيعملوا الحركة وبنفس توقيت العمل المعارض
عشان تصل الرسالة زي ما وصلتك في الكوت اعلاه!!! |
|
Post: #59
Title: Re: حمى الكيزان تجتاح المنبر.. وجداد الخلا فى الفيسبوك
Author: بشير أحمد
Date: 06-09-2011, 03:07 PM
Parent: #57
يادكتور
فتّش جخانين النت .
_________
الكيزان ما بلدا عشان يُغيبوا المنبر من النت
وما بُلدا عشان يدمروا الموقع
وما من مصلحتهم ذلكـ .
لو كانوا عايزين يعملوا الحاجة دي
it take about aminute
_________
|
Post: #61
Title: Re: حمى الكيزان تجتاح المنبر.. وجداد الخلا فى الفيسبوك
Author: أبو ساندرا
Date: 06-09-2011, 03:58 PM
Parent: #59
محمد حيدر المشرف :
Quote: فلنتفق أن السلطه التى أنت تقف فى صفها ..
تضيق بالرأى الآخر .. وتمارس القهر إزاءه .. ولا تسمح به الا اضطرارا .. والشواهد على ذلك كثيره ..
وبعد داك ممكن تكون فى ارضيه مشتركه للنقاش ننطلق منها..
تحياتى يا عصام دهب |
كعادتك دائمآ دقيق و واضح
وأضم تحياتي لتحياتك
ومعاها العاطفة النبيلة
والنسألك: دحين مولانا رجع ليك تاني ؟
|
Post: #62
Title: Re: حمى الكيزان تجتاح المنبر.. وجداد الخلا فى الفيسبوك
Author: Mustafa Mahmoud
Date: 06-09-2011, 04:19 PM
Parent: #61
|
Post: #63
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-09-2011, 09:24 PM
Parent: #62
سلام دكتور المشرف
اسمح لي بتعليق على بعض النقاط قريتها من البوست و الحوار الدائر فيه
بداية حسيت بانك صوّرت القضية كانها بين الاعضاء انفسهم وليست بين الأعضاء و مالك الموقع حول طريقة ادارته له
نعم هناك اعضاء يخالفون رؤية المجموعة المختلفة مع بكري إما في الفكرة نفسها أو في طريقة الخلاف أو العريضة إما في مجملها أو بعضها
لكن الخلاف الحقيقي ليس معهم بل مع بكري فقط
فلا تاييد المؤيدين لبكري سيؤثر على موقفه ولا معارضته ايضا
فتصوير الصراع كانه بين الاعضاء انفسهم في تقديري لا يخدم القضية الرئيسة إن لم يتسبب في الاضرار بها
و النقطة الثانية هي ان المؤيدين لبكري و بالتالي اصحاب الموقف المغاير لـ "دجاج الخلا" كأنهم كيزان أو حصرهم في كيزان البورد فقط
و الحديث عن ان الكيزان او الحكومة هم اصحاب المصلحة في تهكير البورد
رغم ايماني بان التهكير مؤخرا ليس عملا عبثيا كالسابق و قناعتي بان من يحاول سرقة حسابات الفيس بوك و ينتحل شخصيات الاعضاء ويراسل باسمهم و يكتب مداخلات بطريقة معينة له هدف من وراء ذلك
لكن لم استسغ فكرة ان الحكومة تعمل على ضرب الموقع و تدميره
فواقع الحال ان المنبر خدم الحكومة في صراعها مع المعارضة بشكل كبير
دونك مثلا بوستات صراعات حق و المركز و قبلها مواضيع منظمة ضحايا التعذيب
و تكريس العنصرية و تحويل الصراع من مناهضة دكتاتورية الكيزان إلى صراع بين جهويات و قبائل
و ضرب صورة و مصداقية المعارضة
كل هذا اثير ويثار في المنبر ومن اطراف محسوبة على المعارضة نفسها و تقدم خدمة لاتقدر بثمن للحكومة
انا لو من الحكومة تكفيني بوستات بشاشا و ترهات حريات و بربرات* معاوية الصايم لأحافظ على استمرارية المنبر بل و حمايته ان استدعى الامر بواقع الخدمات المجانية التي يقدموها
زي ما قلت ليك يا دكتور دي قرايتي للبوست ارجو تصحيحي لو جانبت الصواب
______________________________________
* الحقوق لود الباوقة
|
Post: #64
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-09-2011, 09:53 PM
Parent: #63
حين ضاقت عينــا القــط كنت قــد بدأت القراءة ..
|
Post: #66
Title: Re: حمى الكيزان تجتاح المنبر.. وجداد الخلا فى الفيسبوك
Author: علي جلاس
Date: 06-10-2011, 02:34 AM
Parent: #64
Quote:
فواقع الحال ان المنبر خدم الحكومة في صراعها مع المعارضة بشكل كبير
دونك مثلا بوستات صراعات حق و المركز و قبلها مواضيع منظمة ضحايا التعذيب
و تكريس العنصرية و تحويل الصراع من مناهضة دكتاتورية الكيزان إلى صراع بين جهويات و قبائل
و ضرب صورة و مصداقية المعارضة
كل هذا اثير ويثار في المنبر ومن اطراف محسوبة على المعارضة نفسها و تقدم خدمة لاتقدر بثمن للحكومة
انا لو من الحكومة تكفيني بوستات بشاشا و ترهات حريات و بربرات* معاوية الصايم لأحافظ على استمرارية المنبر بل و حمايته ان استدعى الامر بواقع الخدمات المجانية التي يقدموها |
اعرف الحق تعرف أهله
|
Post: #69
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-11-2011, 04:47 PM
Parent: #63
محمد البشري تحياتى ..
يوجد فرق كبير بين مخاطبه قضيه ومخاطبة تداعياتها ..
فالصراع بين الاداره و الاعضاء المحتجين له تداعيات ما وراء الصراع ذاتو ..
ومنها استفادة طرف ثالث له أجنداته الواضحه بالنسبه لى ..
واعتقد أن الطرف الثالث " الكيزان " يعمل بصوره منهجيه ..
والصوره المنهجيه لا تستلزم مشاركة الجميع فى صياغة المنهج ..
يكفى علاء الدين وبدرالدين مثلا لتحريك الادوات الاخري نحو المنهج ..
وبالتالى فرضية أنو اى زول واقف مع بكرى عباره عن "كوز" ليست صحيحه
الفرضيه الصحيحه انو اى كوز واقف مع موقف بكرى فى القضيه دى .. وهذه بديهيه والفرق كبير
لا أعلم الجهه التى تشير اليها ان كنت تقر ان التهكير منظم ..
من جهتى ذكرت الجهه ..
وانا فى انتظار توضيح الجهه التى يمكن ان تعمل عمل منظم فى تهكير الموقع حسب وجهه نظرك يا عزيزي ..
احترم رؤيتك ان أداء المعارضه الضعيف فى حدود الاسفير يصب فى اتجاه خدمة النظام الاسوأ فى تاريخ السودان ..
وأختلف معها جوهريا لان الكتابه الحره وبصوره مطلقه وعموما لا تخدم الديكتاتوريه ودولة الهوس الدينى ..
ولا يمكن أن تمثل شهاده فى صالح اللصوص والقتله ..
تحياتى واحترامى
التعديل لاضافة كلمة الحره للكتابه كى يستقيم المعنى ..
فهناك كتابه تخدم السلطان واللصوص والقتله بالفعل ..
|
Post: #70
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-11-2011, 05:00 PM
Parent: #69
ابا ساندرا وأخواتها ..
تحياتى يا كبير ..
وأعذره أخاك فقد كان فى حاله من السفر الطويل ..
وأينما حللت كانت سيرتك هى الكلام ..
يا عبدالرحمن ..
يبدو أن ادمان الفشل الطويل يحجب الرؤي السليمه للواقع ..
ماذا نريد ؟..
وماذا يجب ان نفعل ؟..
فى الزمن والحيز المتوافرين ..
شكرا ابا ساندرا
|
Post: #67
Title: Re: حمى الكيزان تجتاح المنبر.. وجداد الخلا فى الفيسبوك
Author: عصام دهب
Date: 06-10-2011, 04:03 PM
Parent: #61
Quote: وأضم تحياتي لتحياتك
ومعاها العاطفة النبيلة
والنسألك: دحين مولانا رجع ليك تاني ؟ |
تحياتي لو ..
الأقي ( زميلي ) يوماتي ..
دة لو حضر ..
|
Post: #68
Title: Re: حمى الكيزان تجتاح المنبر.. وجداد الخلا فى الفيسبوك
Author: معاوية الزبير
Date: 06-10-2011, 05:28 PM
Parent: #67
ترى يا مشرف، ماذا سيحل بالكيزان ومناصري الإنقاذ (خفية وجهرا)
إذا توقف المعارضون ومناصرو المعارضة عن المشاركة في هذا المنبر
كتابة وقراءة ؟
مثلا، كأن يخلو العالم من الأشرار.. ماذا سيفعل الأخيار ؟
هل يصنعون أشرارا من بين أنفسهم ليمارسوا خيرهم !
أم سيسقط في أيديهم ؟!
"ولما سُقِط في أيديهم ورأوا أنهم قد ضلوا
قالوا لئن لم يرحمنا ربنا ويغفر لنا لنكونن من الخاسرين".
انت وين يا زول ؟
|
Post: #71
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-11-2011, 05:04 PM
Parent: #68
اووو يا بدرالدين اسحق .. كيفك آ زول !
| Quote: حين ضاقت عينــا القــط كنت قــد بدأت القراءة .. |
هسع دى الواحد يقوقلها وين !؟
|
Post: #72
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-11-2011, 05:10 PM
Parent: #71
على جلاس تحياتى
Quote: اعرف الحق تعرف أهله
|
كرم الله وجه سيدى الامام ..
وقد ترك هذه الدنيا فقيرا كما جاءها ..
نعم ..
لا يعرف الحق بالرجال ..
|
Post: #73
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-11-2011, 05:25 PM
Parent: #72
معاويه الزبير يا صديقى ..
وقد كنت - حينا من الدهر - برفقة آل الخطيب بدولة الامارات .. ويبلغوك السلام
كيف الحال والاحوال ؟!
قلت لى مناصرو النظام خفية وجهرا ؟!
والله لقد تبسمت حتى بانت سعاد ..
يا صديقى ..
وكما ذكرت لاحد الاصدقاء أعلاه ..
وكنت قد تابعت تعليقا فى البى بى سي لخيرالله خيرالله وهو يتحدث عن الاعلام الشعبي او الاجتماعى كظاهره ملفته للنظر فى وجه الاعلام الرسمى .. واعن اقبال الناس عليه وبوار محطات التلفزه ونشرة اخبار الدوله ..
ستبور بضاعة هذا المنبر ان تحولت لاعلام رسمى !!
تحياتى
|
Post: #75
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-11-2011, 06:29 PM
Parent: #73
Quote:
هسع دى الواحد يقوقلها وين !؟
|
حلوة و ملعوبة يا فردة
لايك شديد ( سغافة فيسبوكية ؤ كدا )
-------
دا واحد من الملفات الساخنة الخالا ابلصعة يكبر اللفة من الحوار
نشوف أخرتا
|
Post: #76
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-11-2011, 06:34 PM
Parent: #73
لم أمر على رد مولانا عصام دهب " الكوز " الا الآن ..
فله العتبى حتى يرضى ..
وسأتكى قليلا عند هذه المحطه المهمه فى مسار البوست ..
شكرا مولانا عصام دهب الكوز ..
|
Post: #74
Title: Re: حمى الكيزان تجتاح المنبر.. وجداد الخلا فى الفيسبوك
Author: هشام كمال عبادي
Date: 06-11-2011, 06:28 PM
Parent: #71
بالرغم من ان الموضوع اصبح شديد السخونة ..
إلا أنه يعد مدعاة لجو اخوي يسوده الاحترام المتبادل ..
وهو جو صحي افتقدته الكثير من المنابر ..
فصوت العقل لم يغب عن جميع المداخلات ..
والذي يعتقد انه نقاش لا مضمون له فهو مخطيء ..
فأصحاب الرأي الذي كتبوا عن جداد الخلا واصحاب الرأي الآخر
كلهم يحلم بوطن يسع الجميع تسوده المحبة ..
هناك بعض المتداخلين كلماتهم توزن يميزان الذهب ..
لكم حبي ..
|
Post: #77
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-11-2011, 08:11 PM
Parent: #74
احتلال المنبــر مقولــة قيلت من قبــل
| Quote: و ضوء يشلع ليبدد ظلام الظلاميين في المنبر المحتل |
الفنان خدر ..كتب كلام كتير حول الموضوع دا عايز انقل جزء منه هنــا ...
لتشابــه الدعوى ...
| Quote: المنبر فعلا محتل في الآونة الاخيرة , محتل بك و بكوادر المؤتمر الوطني البروجوا لفكرة تفاهة المعارضة و ضعفها و عجزها و ببشروا بالمؤتمر الوطني رسول الانسانية لإنقاذ اهل السودان. لمن اقول محتل اعني ما اقول تصديقا لتساؤلك اعلاه و تأكيدا لحدث يشاهده الكثيرين من متابعي المنبر , الفكرة ليست ضد الظلاميين , دكتورة نجاة مثلا ظلامية و من قدامي الاعضاء معنا هنا في المنبر تنافح ما تعتقده خطاء لكن مخطئ من يصنفها في خانة جنود المؤتمر الوطني بالمنبر .. طوال تزاملنا هنا نتعامل معها كظلامية تحمل فكرا و كيبوردا لا اجندة سياسية تسعي حثيثا لتنفيذها. انت و اخرين عندكم اجندة واضحة لم تخفوها و خطوط مؤامرتكم علي امن المنبر و تفريغوا من دورو المهم في التثاقف و التفاكر سياسي - اجتماعي - ادبي واضح و معلوم لكل ذي عينين و ده كلو عشان خاطر عيون المؤتمر الوطني .. الإحتلال ده كيفنو هو ؟ ارجع لارشيف المنبر و شوف عدد المتميزين الكانوا بتمتعوا بعضوية المنبر و شوف هم هربوا ليه ؟ شوف الكواليتي بتاعت صفحات المنبر زمان و شوف اسه .. عشان تاني ما تسأل المنبر محتل ولا لا ؟ عرفت المشكل وين يا بدر الدين و الإحتلال كيف ؟ |
فقلت بعض من رأى ...
حاول انســب المنتمين الى المؤتمر الوطنــى الى نسبة اعضاء المنبــر .. ستجد انهم لا يتجاوزن اى رقم 1....% منهم ...
ثم هم لا يملكون اى سلطة على ادارة هذا الموقـع فى الترويج لفكرة مــا .. بل الاصــل ان ما نكتبــه موقعــه تحت فى المنتدى وليـس فوووووووق ..
ثم اننــا ننتمــى الى حزب حاكم ودومــا ستجد ان عين السخط تكون مصوبــة نحــو الحاكميــن .. فغالب اهل بلادنــا يمتلكون مقدرات ناقدة للحكومة فى كل شأنهـا ..
فانـا ( لتخصيصك لـي ) وكوادر المؤتمر الوطنى لا نملك الا باسويرد ونستظل بلائحـة هذا المنبــر ثم نكتــب ونكتب ..
ثم نروج لفكرة ( مــا ) هذا حقنــا .. عدم موضوعية خطاب المعارضــة / زيف اطروحات المعارضة واحزابها / عمالة المعارضــة / المعارضة وتنفيذها لاجندة خارجية / استنفاذ المعارضة واحزابها لشروط استمراريتها كخيارات جماهيرية / فضح الممارسات السالبة من المعارضة / دور المعارضة فى تهديد امن وسلامة وسيادة بلادنـا / ....
ثــم ننتقـل الــي :
ريادة المؤتمر الوطنى لقيادة السودان لاستكمال مشروعـه النهضوى / قدرتنا على الحفاظ على مكتسبات السودان / التعريف والترويج لتجربتنـا / الزود عن مكتسباتنــا الوطنية والحزبيـة / ....
الخطــأ فى هذه الممارســة المنبريــة شنــو ؟ هل لا يحــق لنـا ذلك كعضويــة ؟ هــل تجاوزنــا الحــد فى توظيف هذا الفضاء للتعريف والترويج لطرحنــا كحزب ؟
.... ..
هنا فى هذا المنبر من يمثلون الناطق الرسمــى لحركات مسلحة تحمل السلاح ضــد الدولــة .. هنا من يشكل لجان جبهة المعارضــة العريضــة اين ليس فى استراليا بل داخل الخرطوم مع الدعوة الى تشكيلها داخــل مدن وولايات السودان ..اليســت هذه بأجندة سياسيــة تعمل فصائل من المعارضـة على توظيف هذا الفضاء لتنفيذهــا ...
ايجوز فى حقهم ويستحيل فى حقنــا ..
كيـف تحكـمون !!!!
التقييم دا بيرجع ليــه صاحــب المنبر فلا يد لنا فى منح العضويــة .. ولا يوجد فى شروط العضويــة ما يحدد شروط للكتابـة فهـى منتوج شخصـى بما يمتلك الانسان من معارف / تجارب وبما يملك من وعــى بمجتمعــه ومآلاتـه المستقبليــة ..ثم لماذا تحمل المنتمين الى المؤتمر الوطنـى هروب بعض كتاب المنبــر .. هل عضوية المؤتمر الوطنى بالمنبــر تســئ الى الاخرين / تنحط بفكرة الحوار / تعمل على تغييب الحقائق / لا اهتمامات ادبية لهم / لا يملكون مقومات وادوات معرفية كافية تؤهلهم للمثاقفة والتفاكر والتحاور السياسـي فى الشأن العام ..
هذا هـو المنبر كما يتشكل بوعــى المشاركين فيــه لنا كسب فى ذلك وقطعاً لنــا مسالب فى ذلك ..
______
كسل منى يا ود المشرف ...
|
Post: #78
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-11-2011, 08:19 PM
Parent: #77
وكتبت ايضاً بعض من مداد للاخت نجاة ..
هلا الكريمة د. نجاة ( قال نتــش عين الظلام )
هو الظلام دا شنو مو فكرة ... الضوء فى الماركسيــة التى فى احد صورهــا فلسفة الحاديــة ( شفتى النور دا كيف )
فكرة احتلال المنبر جديرة بالوقوف عندهـــا لما لها من دلالات ( ستكون قاسيــة على اهل الضوء )
هنا فى المنبر لا توجد قوى عسكرية ...
القانون شئ شخصــى يملكــه شخص واحد يتحرك وفقاً لقانون العرض والطلــب الاعلامــى ..
السيادة القانونية لم تعطـى حتى صاحب المنبــر اكثر من ( طرح فكرتــه ) او ( تغييب عنوان فكرة ) فاصل الافكار يطرح هنــا شاء من شاء ورفض من رفض
السؤال كيــف تمكن الظلاميين من احتلال المنبـر ؟
بفكرتهــم ؟
بكثرتهم ؟
بدفع من صاحب المنبر ؟
بنشاطـهم واصرارهم على ايصال رؤيتهم ؟
ام بكشف زيف فكر اهل الضوء ؟
ام
لان اصحاب الضوء لا فكرة لهم ؟
ام لاكتشاف اهل الوعـى ان لا ضوء فى فكر اهل الضوء والاستنارة ؟
ام ان عدم ايمان اهل الضوء بفكرتهم وحشد الاخرين لها ؟
ام لفشلهم فى طرح انفسهم كبديـــل ؟
ام لانهم لم يستطيعوا مجاراة التدافع والحراك السياسـي الاسفيرى ؟
التباكــى على النموذج الاسفيرى ( sudan forall) كأليــة لتـش عين الظلام وواحتكار الفضاءات ( اكذوبــة سقطــت ) فى سودانيزاونلاين
كسل برضو منى يا ود المشرف ...
_____________
هو بكرى دا متين اصبح نصير للظلاميين ( عجبــى )
عــلا الفكرة نحو مزيد من إنعطاف بكرى وتوظيف المنبر ليصبح ( الحزب الالكترونــى للمعارضة السودانيـــة )
|
Post: #79
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-11-2011, 09:11 PM
Parent: #78
بدرالدين اسحق ..
ياخى كمل جميلك وجيب رد خدر على كسلك ده ..
وكفى الله الشيوعيين شر القتال ..
|
Post: #80
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-12-2011, 09:16 AM
Parent: #79
Quote:
هو بكرى دا متين اصبح نصير للظلاميين ( عجبــى )
|
حتة ( نصير الظلاميين ) دي يرد عليها بكري
لكن حتة ( نصير الظلام) دي انا بأكدا ليك ..
و باكدا عدم اتخاذ موقف صارم تجاه السرقات الادبية و الفكرية البتحصل في البورد دا
جيب لي موقف وااااحد حاسم و حازم بما يليق لفداحة الجرم دا لبكري ( و انت المحقق الاسفيري في قضايا السرقات الادبية، و محقق و مجسد لواحدة انت دا ذات نفسك )!!
انتو بتراهنوا على الذاكرة المثقوبة للبور دا و لّ شنو؟
هو الظلام دا كيف!؟
|
Post: #81
Title: Re: حمى الكيزان تجتاح المنبر.. وجداد الخلا فى الفيسبوك
Author: داليا حافظ
Date: 06-12-2011, 09:47 AM
Parent: #80
سلام آآآآالمشرف
Quote: وكلا هى تذكره .. ثم كلا هى تذكره
وتفاصيل المكان لم تعد كما كانت ..
ولا تلك الرائحه موجوده .. ولا هو طعم التسكع فى ردهات الصفحه الاولى .. والذى كان !! |
نفس الشعور ..
تعرف يا المشرف الفكرة ما شللية ،بقدر ماهو إفتقاد لناس في كيمياء إسفيرية بينك وبينهم ،بفهومك ، بعبروا عنك، بضحكهم نكتتك، بفكروا زيك ..بتفقوا معاك ، بتختلف معاهم لمن بثيروا روح النقاش فيك ..الناس ديل مفتقداهم شديييد ..
سلام يا ناس وش الكتاب
|
Post: #82
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 10:45 AM
Parent: #81
مولانا عصام دهب ..
تحياتى ..
Quote: أنتم تريدونه منبراً حكراً عليكم فقط رغم أنكم ـ أقصد مناوئي الحكومة ـ أكثر عدداً ممن يناصرون الحكومة ، تريدون فرض وصايتكم على المنبر و صاحبه و في أذهانكم أن سودانيز أون لاين هو صوت للمعارضين و تتناسون أن ما حققه سودانيز أون لاين من إنتشار لم يكن ليتحقق لولا ما يحفل به من تنوع و أختلاف في توجهات أعضائه ، و دونك مواقع الأحزاب و التنظيمات السياسية قاطبة بما فيها المؤتمر الوطني هل فيها أي حراك كما هو الحال هنا .. للأسف المعارضون هنا في غالبيتهم يضيقون بالرأي الآخر و يسعون جهد طاقتهم لإسكات من يخالفهم و لكن هيهات .. و حينما يعجزون عن ذلك تتعالى أصواتهم بأن أنصار الحكومة أحتلوا المنبر .. فليحتل أنصار الحكومة المنبر بمشاركاتهم و بوجودهم و بمصداقيتهم و هم لا يدعون إلى إحتكار أو إقصاء كما تفعلون .. و لكم أن تحتلوا المنبر و أنتم أكثرية لكن ليس من حقكم الدعوة لإقصاء من يخالفكم و نحن هنا باقون حتى و إن حردتم . فهذا ليس مكان للحرد و الخرخرة .
|
أولا سأرد على هذا الكلام كمدخل للحوار الاساسي ..
هناك من يعتقد ان المنبر صوت للمعارضه .. واختلف مع من يحملون هذا الطرح .. وبمجرد اختلافى هذا يا مولانا تستبين عورة الافاده بتاعتك .. " فنحن - المناوئون للحكومة القتله واللصوص - لا نريد كمجموع احتكار المنبر .. وأذهب الى ان الاقليه القليله جدا هى من تحمل هذا الطرح .. وذلك لدرجة إن شئت تسمية الفاعلين فى هذا الامر لسردتها وبكل وضوح .. فهذا رأيهم كما يصلنى واختلف معهم واحترمهم جدا ..
من وجهة نظرى الخاصه ان التدافع الاسفيري لا يتم الا بوجود انصار النظام الفاشى .. وبدونهم لا يمكن اتمام عملية فرز الخبيث من الطيب .. ولولا المحاججه لما بقى فى الارض ما ينفع الناس .. او كيف سيذهب الزبد جفاء ؟!
ثانيا فى موضوع فهمك " للحرده " .. وارجو منك مراجعة هذا الفهم .. فمطالبهم واضحه .. وهناك عريضه مرفوعه ويجرى تعديلها فى هذا الخصوص .. فمن أين تأتى لك .. وانت المستشار القانونى .. هذا الفهم ..
لا أحد طالب باقصاء أحد .. ولا هناك فئه طالبت باقصاء فئه .. فإن وجدت ما يدعم زعمك الساااى ده .. وانت القانونى الذى يعرف ما يغرف .. ويغرف ما ينفع الناس .. فأفيدنا بذلك يرحمك الله ويجعله فى ميزان حسناتك يا شيخنا ..
والا يكون كلام ساااى لا يليق بك ..
نواصل مع مولانا عصام دهب ..
حذفت كلاما عن حسن الظن الذى كان بعصام دهب ..
لان المجال لا يتسع للتداعيات الشخصيه ..
|
Post: #83
Title: Re: حمى الكيزان تجتاح المنبر.. وجداد الخلا فى الفيسبوك
Author: Mustafa Mahmoud
Date: 06-12-2011, 10:47 AM
Parent: #82
|
Post: #84
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 11:20 AM
Parent: #83
داليا سلامات وكيف الحال ..
فى اعتقادى انو ديل تحديدا البحفظو توازن المنبر .. وديل أجمل تمثيل للمزاج السودانى العديل
تحياتى يا داليا
|
Post: #85
Title: Re: حمى الكيزان تجتاح المنبر.. وجداد الخلا فى الفيسبوك
Author: عصام دهب
Date: 06-12-2011, 11:40 AM
Parent: #84
تحياتي يا دكتور و عبرك لكل القراء و المتداخلين ..
و طالما أننا وجدنا فرصة لإدارة حوار عبر هذا البوست ..
فليكن ذلك بعيداً عن ما يعكر صفو الحوار من مفردات أرى أن في إستخدامها إستفزازاً لمن تحاوره أو محاولة لدفعه لرفع صوته و الصراخ في وجهك بمفردات أقسى مما تستخدمه ضده ..
كما تصف النظام الذي أدعمه أنا بأنه فاشي فيمكنني ببساطة أن أصف معارضتك بالخيانة و العمالة و كما تصفنا كمؤيدين للحكومة بالقتلة و اللصوص يمكن أن نصف معارضي الحكومة بالخونة و المرتزقة و العملاء و في النهاية لن يكون للحوار معنى و قيمة ..
فإن كان حواراً يسوده الإحترام فاهلاً به ..
و إن لم يكن فأجدى أن لا نضيع وقتنا فيما لا ينفع الناس ..
مع وافر إحترامي ..
|
Post: #86
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 12:00 PM
Parent: #85
مولاناعصام دهب تحياتى ..
المعارضه ضعيفه جدا .. والنظام فاشى وارتكب القتل واحترف اللصوصيه ..
وين المشكله فى الكلام ده !..
المعارضه ضعيفه ..
والنظام مارس القتل ومتهم بالاباده الجماعيه والتصفيه العرقيه ..
|
Post: #87
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-12-2011, 12:09 PM
Parent: #86
بالله عليك يا شيخ بدر الدين اشرح لي معنى الكلام دا :
Quote:
القانون شئ شخصــى يملكــه شخص واحد يتحرك وفقاً لقانون العرض والطلــب الاعلامــى ..
|
عشان نعرف نتناقش معاك لو اصلاً اتيت لحوار ما كوار ساي!!
|
Post: #88
Title: Re: حمى الكيزان تجتاح المنبر.. وجداد الخلا فى الفيسبوك
Author: عصام دهب
Date: 06-12-2011, 01:28 PM
Parent: #87
يا دكتور ..
تحياتي تاني ..
أنا لم أدخل لهذا للبوست للدفاع عن الحكومة أو للهجوم على المعارضة ..
دخولي كان و لا زال لمناهضة الدعوات المتصاعدة لمصادرة الرأي الآخر في سودانيز أون لاين ..
أما قولك ..
Quote: المعارضه ضعيفه جدا .. والنظام فاشى وارتكب القتل واحترف اللصوصيه ..
وين المشكله فى الكلام ده !..
المعارضه ضعيفه ..
والنظام مارس القتل ومتهم بالاباده الجماعيه والتصفيه العرقيه .. |
فأنا أعرف المعارضة أكثر من معرفتي بالحكومة ..
و حينما تركت المعارضة و أنضممت للحكومة كان ذلك على قناعة بأن الحكومة ليست الأفضل و لنها أفضل بكثير من المعارضة ..
من السهل جداً أن أكتب و أقول أن المعارضة مارست القتل و التصفيات و السلب و النهب وقطع الطريق و ترويع الآمنين و المتاجرة و التكسب من العمالة و الإرتزاق و الخيانة .. و من الممكن أن آتيك بأمثلة و شواهد .. فماذا يفيد ذلك في حواري معك ..
يا أخي أشكر لك سعة صدرك و ما أنفقته من وقت للرد علي ..
سأتابع هذا البوست معتذراً عن التداخل فيه إلا مضطراً ..
|
Post: #89
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-12-2011, 02:08 PM
Parent: #88
تحياتي ود المشرف Quote: محمد البشري تحياتى ..
يوجد فرق كبير بين مخاطبه قضيه ومخاطبة تداعياتها ..
فالصراع بين الاداره و الاعضاء المحتجين له تداعيات ما وراء الصراع ذاتو ..
ومنها استفادة طرف ثالث له أجنداته الواضحه بالنسبه لى .. |
شفت يا دكتور دي النقطة الفيها رؤيتي مغايرة لرؤيتك
بما انو الطرف المعني - المستقيد - هنا هم الكيزان يبقى كأنك صنفت قروب العريضة هم المعارضين او الأنتي للكيزان
في حين انو دا ما صحيح ابدا
الشي الاتضرر منو الشباب و دفعهم لكتابة العريضة وقع على بعض غلاة الكيزان - او من يصنفون كذلك - في البورد دا
و العريضة في جزئية منها تمثلهم و ستحل مشكل تعرضوا لها فيما ستحله
ثم لا توجد اي اشارات لها علاقة بالسياسة او التوجه او الإنتماء في العريضة وإلا حتى الكم وسبعين الموقعين حينها ما كانو سيفعلون
قروب معا للمحافظة على سودانيز اونلاين لو قدم لعضويته نافع هيم سيلف - على سبيل المبالغة - لا حق للأدمن ان يرفض الطلب طالما آمن نافع بهدف القروب و اتفق مع فكرته
باعتبار طبيعة القروب و المطالب, ودا الشي الاوحت كتاباتك هنا بعكسه - أو على الاقل قرأته كدا Quote: واعتقد أن الطرف الثالث " الكيزان " يعمل بصوره منهجيه ..
والصوره المنهجيه لا تستلزم مشاركة الجميع فى صياغة المنهج ..
يكفى علاء الدين وبدرالدين مثلا لتحريك الادوات الاخري نحو المنهج .. |
في دي ايضا ارى ان جانبك الصواب يا دكتور
اعدقاء علاء الدين و بدرالدين اللدودين و الزبائن الدائمين لهم لم يقاطعوا و لم يرافقوا دجاج الخلا في هجرته الفيسبوكية
ولا زالوا مزازين بعلاء و بدر الدين و ديل مزازين بيهم زي ما شايف Quote: وبالتالى فرضية أنو اى زول واقف مع بكرى عباره عن "كوز" ليست صحيحه
الفرضيه الصحيحه انو اى كوز واقف مع موقف بكرى فى القضيه دى .. وهذه بديهيه والفرق كبير |
حتى محمد فرح مثلا أو عبد العزيز حسين؟!! - ديل كيزان او مصنفين كيزان موقوفين بالمناسبة
و الفرضية دي برضها ما صحيحة أو ما مطلقة خلينا نقول
العايز اقولو يا دكتور المعركة - آكشوالي هي ليست معركة ولاينبغي لها ان تكون لنقل الاختلاف - ليس بين فريقين من الاعضاء بل بين الاعضاء و بكري وهي فقط حول طريقة الادارة و التعامل و اللائحة ما أكتر
و يشمل تأثيرها سلبا او ايجابا الجميع بمختلف توجهاتهم
فالاجدى في رايي العمل على لم شمل الجميع و توحيدهم على كلمة سواء مسموعة لدى بكري
لا "خصخصة" الموضوع و اكسابه بعدا تصنيفيا
بالنسبة لرأيي في طبيعة الجهة التي تولت تهكير "حسابات الاعضاء" وتعمل على سرقة كلمات مرور الفيس بووك و استغلال حساباتهم في اغراض ما هي جهة منظمة فهذا عمل محترف وليس عبث مراهقين القصد منه اثبات القدرة او البراعة
طبيعة الاشياء ومنطقها تشير لجهاز الامن مثلا او اي جهاز تابع للحكومة او المؤتمر الوطني اقلاها
لكني طبعا افتقر للدليل وليس من طبيعتي القفز لنتائج و الحكم بفرضيات لم اتوفر على ادلة موثوقة عليها لكني بيني و نفسي اميل لفكرة ما سمي بوحدة الجهاد الالكتروني
فتداعيات اللوتس و الياسمين و باقي الربيع يجعل من تكوينها و توفير الدعم لها حتما لأي نظام يريد البقاء
تحياتي يا دكتور
|
Post: #92
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 02:48 PM
Parent: #89
شكرا يا ودالبشري ..
نمسك الكلام من الآخر وخلينا نمارس استقراء بسيط لكلامك ..
Quote: طبيعة الاشياء ومنطقها تشير لجهاز الامن مثلا او اي جهاز تابع للحكومة او المؤتمر الوطني اقلاها
|
ان كانت الدلالات تشير لذلك ..
وكانت افادتى التى خالفتنى انت فيها تقول بالعمل الممنهج خلال آليه نظاميه تتدبر متابعة اجندات ما اقترحته انت من جهاد الكترونى ..
ففيم تختلف معى اذن؟! ..
اللهم الا ان كان رايك اللا علاء ولا بدرالدين اسحق وانما آخرين هم المعنيون بادارة الاليه دى ..
وده اختلاف لا يتعلق بالجوهر كثيرا .. فربما هو ليس علاء الدين تحديدا فى نهاية المطاف .. وانما شخصا آخر ! . اليس كذلك
النقطه الاولى هى رؤيتى لتداعيات المسأله .. شئنا ام ابينا يبقى الاصطفاف السياسي هو المحرك الاول للاحداث فى هذا المنبر .. ولا يمكن عزله حتى عن محيط الونسه العاديه وبوستات الكوره ..
وبقراءه سريعه جدا احصر الاقلام الفاعله فى المنبر والمقاطعه فعليا .. وشوف توجهها السياسي شنو ؟!
وبى غيابها سيختل الميزان فى ياتو اتجاه !؟.
ولمصلحه منو ؟!..
والاجابه واضحه يا محمد البشري ..
والمسأله الاهم من الجزئيات دى .. واعنى الصوره الكليه .. (معارضه .. هكر .. كيزان .. مقاطعه) .. الصوره دى اوضح من شمس ابوجنزير يا عزيزي .. وياها دى .. وهى كده .. معارضه قاطعت احتجاجا غلى هجمات هكر ومصادرة بوستات تتحدث عن هذه الهجمات التى انتهكت حتى خصوصياتهم .. وهكر ينتمى لجهاد الكترونى حسبما ترجح انت .. وكيزان يصطفون خلف دعاوى الرأى والرأى الاخر ولاحقين سوقهم بدرى بدرى وكاش داون من الكرين ..
انت محمد فرح وقفو فى شنو بالتحديد ..
اتشاكل مع بكرى ابوبكر ؟!
تحياتى يا محمد
|
Post: #93
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-12-2011, 04:03 PM
Parent: #92
مسكت محل لقيت ملكة يا دكتور وسبت الباقي :)
سالتني | Quote: ففيم تختلف معى اذن؟! .. |
اختلف معاك في التالي : | Quote: والمسأله الاهم من الجزئيات دى .. واعنى الصوره الكليه .. (معارضه .. هكر .. كيزان .. مقاطعه) .. الصوره دى اوضح من شمس ابوجنزير يا عزيزي .. وياها دى .. وهى كده .. معارضه قاطعت احتجاجا غلى هجمات هكر ومصادرة بوستات تتحدث عن هذه الهجمات التى انتهكت حتى خصوصياتهم .. وهكر ينتمى لجهاد الكترونى حسبما ترجح انت .. وكيزان يصطفون خلف دعاوى الرأى والرأى الاخر ولاحقين سوقهم بدرى بدرى وكاش داون من الكرين .. |
اولا من قاطعوا ليسوا معارضة كلهم - بفهم المعارضة في البورد - أو لم يقاطعوا لأنهم معارضة
ثانيا لم يقاطعوا احتجاجا على هجمات الهكر بل على مصادرة البوستات التي تتحدث عن ذلك
يعني لو سلمنا جدلا ان الحكومة هي وراء الاحداث الاخيرة فالاحتجاج ليس على التهكير في حد ذاته بل على تعامل بكري معه ومع تداعياته
ومع تجاهله لرأي الاعضاء وطريقته في الحذف و الايقاف و الحجر على ابداء الراي
ليس الامر امر معارضة Vs حكومة ودا
اختلافي معك في النقطة دي تحديدا يا دكتور واعتقد انها تحتاج لتوضيح بيّن
استأذنك لنقل الجزئية دي من النقاش للقروب فيهمني جدا ان اعرف اهي رؤيتك الشخصية فقط ام ان الامر كذلك و انا الراكب غلط
فانا - على الاقل حيث لا يحق لي التحدث عن لسان غيري - انضمامي للقروب و مشاركتي في النقاش حول العريضة و استعدادي للتوقيع عليها بعد التعديلات لا علاقة له بفكرة انها شكل من اشكال المعارضة
| Quote: انت محمد فرح وقفو فى شنو بالتحديد .. |
تعليقين سخيفين وسـخرية من خلق رب العالمين
وبيني وبينك الراي العام كان زهجان منو شديد في الاخبار الكاذبة البجيبها حاله حال معاوية وحال هريات لكنه كشقي حال وقع في قيد ما
انا الانشكلت مع بكري :)
|
Post: #94
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 09:46 PM
Parent: #93
ودالبشري يا هندسه ..
ياخى كلام أخوك اعتبرو كلامك وشيلو مكان ما يكون ويشرفنى ذلك ..
وفى المسأله يا صديقى ان كل ما فى الكون ايام ومقدار له .. الا الهوى كما تعلم
مايومه يوم ولا مقداره مقدار ..
اها مقدار الذى هو ماثل ..
الا أحد أخرج بيانا ممهورا بختم المعارضه ..
وتلك حساسيه لا يتمتع بها الا المترفون انسانيا ..
وسينكرونى قبل طلوع شمس اليوم التالى ثلاثا ..
وافهم ذلك .. وافهم ان تلك اشياء لا تشترى .. وقطعا ما كنت مسيحا ولكن .. مطلق انسان .. وفى كل الاحوال .. قريب من الله
وياااا الله ..
عموما محمد فرح ليس خضر حسين ولا عيدروس ولا سناء ..
ومزيدا من الطين يا اله
تحياتى ..
|
Post: #90
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 02:19 PM
Parent: #88
مرحب بيك فى حلبة الحوار يا مولانا .. وفى اى وقت
وكما ذكرت أنت .. أن القيمه الاساسيه هنا هى فرصة ابداء الرأي ليس الا .. واينما توجهت ركائبه ..
لا للتهكير ..
لا للاعتداء على قداسة الكلمه الحره ..
لا لاستغلالها فى الممارسات البذيئه ..
والاجابات دوما تشير لنظام المؤتمر الوطنى فى كل هذه الممارسات البذيئه .. والاكثر بذاءه حد اغتصاب البنات
ويبقى حديث "الغرباويه"
واتهامات اوكامبو ..
وتفتيت السودان ..
ومصادرة ارواح الناس .. وحرياتهم .. وتشريدهم .. وتعذيبهم .. وملاحقتهم فى ارزاقهم واعراضهم وأمنهم
اجراسا فى رقبة الكيزان ..
تحياتى
|
Post: #91
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-12-2011, 02:42 PM
Parent: #90
Quote:
لا للاعتداء على قداسة الكلمه الحره ..
|
|
Post: #95
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 09:56 PM
Parent: #91
اعتقد انى تجاوزت قيقراوى فى هترشة المواعيد الجميله ومافيشه !..
ويا قيقراوى - ابيت اللعن - فاعلم ..
ان لتوما اقمصتى القديمه ..
فلتمزق ما تشاء !
|
Post: #96
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 09:58 PM
Parent: #95
هسع يجو يقولو ليك ليه .. وعشان شنو .. قلت علينا جداد خلا ؟!!
..
وهذه ذاكرة الوراء عند تمام اللحظه الهسع ..
|
Post: #97
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-12-2011, 10:29 PM
Parent: #96
| Quote: نقطنــا بسكاتك احســـن .... |
من بوسـت سابـق لقيقراوى ...
ارجاع البضاعة لصاحبها
____________
ود المشرف لا زلت انا فى كســلى بجادعك بيه سؤال ..
هــل هناك تقاطع مصالح بين بكرى ابوبكر وبعض من الموقعين على العريضــة ..
( مصالح دا طاقية دخل تحتها ما تشاء )
|
Post: #98
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-12-2011, 10:52 PM
Parent: #97
قرقرقرقر يا عملات بشاشا ..
ود اسحق الحرامى ازيك ومشتاقين ..
ياتو كسل يا أخينا ؟!
والذى سمك السماء بالغت !!
المصريين - أصحابك إياهم - عندهم مثل لذيذ جدا
" أوووم أقيف وانت بتكلمنى "
وده مثل عندو علاقه سريه بالمؤتمر الوطنى وأحمد عز وصفوت الشريف الخ ..
يا حليلك يا بدر يا اخوى ..
تصدق !
والمصحف كنت خاتيك زى ناس على بابكر ومحمد عبد العزيز والتجانى المشرف وغيرهم ..
يا راجل بالغت والله ؟!!
يعنى خذلتنى خذلان مبالغ فيهو !!
انفض عنك هذا الكسل يا اخوى .. وواسي صدرك بى صدورنا وتعال ..
ولكل مقام مقال ..
|
Post: #99
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-12-2011, 11:43 PM
Parent: #96
Quote:
اعتقد انى تجاوزت قيقراوى فى هترشة المواعيد الجميله ومافيشه !..
ويا قيقراوى - ابيت اللعن - فاعلم ..
ان لتوما اقمصتى القديمه ..
فلتمزق ما تشاء ! |
و لتوما اقمصتي الجديدة و لابسا دي ذاتا .. المافي شنو!؟
في الحقيقة ما في جبتي غير توما .. لها المجد في عليائها
بس ( و بفتح الباء ) او كما شاع الموال بهناك .. بضبط دوزنة للنشيد في ( بس ) بلاحقة تشكيمل مهمة جداً لـ ( الباء ) بكسرها في الآخر خالص، لكسر شهوة العتاب القاعديصل درجة ( حاد و جارح ) احياناً
فلتمزق ما تشاء .. هي اصلاً المواقف دي بتعري اي حاجة .. و بتفضح المكنون .. و تماماً مهما تدسر و تلبس!
و لسة مصر على شرط التوازي ..
توازي شنو ياخ!
لا امل تكرار كلام خال مونيكا دا :
" للغزالة قرنان.. يشيران باتجاه العدو المطارد ..
في حال الحروب تتشعب لتشير في كل الاتجاهات .. انها ذاكرة التيتل ..
انها ذاكرة الابتلاءات يا قريبي "
قيقا محض ذاكرة .. و بحاول يفتش في صراط لاستقامة ما وسط التشعب دا للوصول للتوازي ..
طالما شرط التوازي استقامة
بس ( بكسر الباء )
ودي تحيتي للبهناك
سلام و سلام
|
Post: #100
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-13-2011, 01:12 AM
Parent: #99
Quote:
| Quote: نقطنــا بسكاتك احســـن .... |
من بوسـت سابـق لقيقراوى ...
ارجاع البضاعة لصاحبها
|
يمين بالله كيفتني!!!
ح يحصل .. ح يحصل
القلت ليك ح يحصل علي و عليك .. و كل من عليها فان
انقر متين؟
على قول شاعر الشعب :
يوماً ما ح اخت راسي .. و اسكت تمممممممممممممم
و اخلي وراي حراسي
و لي وكتها .. ح اشتغل بوصيتها :
بدل شاهيك اشرب سم اذا قلت الكلام الني
تعال للكلام النجيض .. و سيب الكلام المغتغت فاضي و خمج
اول بوست يحذفو لي بكري كان موضوع سؤالي ليو عن رايو و موقفو حول " السرقات الادبية/ الفكرية "
شفت كيف؟
ما بتملك الحق في انك تقول لي ما قلت ليك
ألمي حاااااااار ما لعب قعوي
ما اي كلام بتقدر تكررو سااااااي كدا
ادفع استحقاقو اول
لي وكتها - دفع الاستحقاق - الحديث لا تسكو ..
و نقطنا بسكاتك
|
Post: #101
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-13-2011, 05:58 AM
Parent: #100
هى بالله " نقطنا بى سكاتك " دى .. كتبوها لقيقراوى !!
لا حولاااا ..
|
Post: #102
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين احمد موسى
Date: 06-13-2011, 06:20 AM
Parent: #101
محمد المشرف
كيفك ووينك?
السودانيون يفضلون الحكم الانجليزي على الحكم الوطني !
اهو هنا جداد الخلا ما عارف يقول شنو!شوفهم مزنوقين كيف هنا.
تعالوا ازنقوهم معانا لاخ!
والله يا المشرف جداد البيت براه الاداهم الفرصة. ياخ بقيت لما افتح الفيسبوك ادي ربك العجب
العالم كلهم بهناك! على الرغم من انه مافي حاجة حقيقية هناك!
احسن ليهم يرجعو و يشوفو شغلهم بهنا.
--
ايوة يا محمد انا عارف اني عكست الخلا والبيت عما هو في هذا البوست, ما عارف هل انت عملت كدة اون بيربوس ولا كيف?!
|
Post: #103
Title: Re: حمى الكيزان تجتاح المنبر.. وجداد الخلا فى الفيسبوك
Author: خالد العبيد
Date: 06-13-2011, 06:39 AM
Parent: #102
سلام يا حيدر
ايدي وايدك ..
نظفوا السودان من:
الاوساخ والملاريا ..الحمى الصفراء والكيزان واليرقان
|
Post: #104
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-13-2011, 09:28 AM
Parent: #103
Quote:
هى بالله " نقطنا بى سكاتك " دى .. كتبوها لقيقراوى !!
لا حولاااا ..
|
حولتن بس!!؟؟
يا زول الاستحوا زماااان نقطونا بسكاتم تممممممممم!!
فوق سألت : هل الناس دي مراهنة على ثقب ذاكرة المكان دا ولّ شنو!؟
وييييييييين يا!!
كل موثق و محفوظ في حرز امين، ليوم حسابٍ عظيم ..
شوف ليك جنس براءة!!
Quote:
الخطــأ فى هذه الممارســة المنبريــة شنــو ؟
|
تحنن و الله!!
مزيد من الكلام السااااي .. و زيندي في الباقير طيارة :
Quote:
السيادة القانونية لم تعطـى حتى صاحب المنبــر اكثر من ( طرح فكرتــه ) او ( تغييب عنوان فكرة ) فاصل الافكار يطرح هنــا شاء من شاء ورفض من رفض
السؤال كيــف تمكن الظلاميين من احتلال المنبـر ؟
|
الاصل انو ( الحذف ) ما معادل موضوعي للعدم
و لو المكان ليس له ذاكرة - و دا المستحيل ذاتو في زمن التدوين العلينا دا - فللناس ذاكرة
و للناس ضمير و موقف :
كتب farda :
Quote:
هذه جريمة ثقافية كاملة لا يمكن التعامل معها بـ"الوجوه الضاحكة"، وعلى أي مؤسسة ثقافية محترمة أن تتعامل مع هذا الأمر بجدية...
|
و كتب ايضاً :
Quote:
وأنا - بالتحديد - أطالب الجهة المانحة لجائزة الطيب صالح لسحب الجائزة الممنوحة للكاتب المزوَّر حفاظاً على سمعتها الثقافية ودفاعاً عن المشهد الثقافي السوداني عامة...
لقد تمدَّد هذا الكاتب المزور على الخارطة الثقافية السودانية بشكل لا يسمح لنا اعتباره مجرد "ظاهرة اسفيرية" محدودة ...ح.خ
|
فسألنا بكري ( سؤال برئ يا بيه )
هشام عرفناه عقيد - و ليس على العقيد حرج - اها بكري دا مالو!؟
انقروا الرد كان شنو!؟
سلام و سلام
-----
كان البوست دا صمد و ما اتحذف نجي نشوف العين القوية و السن الملوية في مطالبة ( كوز ) انو يرجعوا ليو صوتو ( الديموقراطي ) كاترف ما تكون الديموقراطية .. و هو يصادر حقوق الناس في البلد و في حتى مجرد حياة سايبر ديموقراطية .. هو قايلا بتجي ساااي كدا برا تضحيات؟
ما ياهو دا الشباب الديموقراطي بناضل من اجل الديموقراطي .. لينالوا شرف الانتماء .. بالدم و الدمع و المداد ..
في حلاوة بدون نار؟
ما سمعت قول المحجوب : الحرية نورٌ و نار .. من اراد نورها فعليه ان يصطلي بنارها
خوض النار دي مع الناس .. او اقلو كف اذاك عنهم و بطل تدجيل و تطبيل للجلاد .. بعدين تعال حاضرنا
او نقطنا بسكاتك .. و العرض قائم .. تحصل على شبال بصلعة الخال .. المافي شنو!؟
وينو موقفك و دفاعك عنها انت يا ( شيخنا )!!؟
|
Post: #105
Title: Re: حمى الكيزان تجتاح المنبر.. وجداد الخلا فى الفيسبوك
Author: الصادق اسماعيل
Date: 06-13-2011, 05:31 PM
Parent: #104
| Quote: وينو موقفك و دفاعك عنها انت يا ( شيخنا )!!؟ |
يدعوه بشيخنا ويطلب منه الدفاع عن الحرية.
ألقاه في اليم وقال له: إياك إياك أن تبتل بالماء
ليه كده يا قيقا
|
Post: #106
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-13-2011, 09:10 PM
Parent: #105
Quote: هى بالله " نقطنا بى سكاتك " دى .. كتبوها لقيقراوى !!
لا حولاااا .. |
مع نشاطك ..
و كســلـى ( معقول بــس ) وش محايد عن اى انفعال
|
Post: #107
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 04:23 AM
Parent: #105
اوووووووو
حبيبنا الصادق المجولب يا
خلاص بشاشا كسح جايين تتنفسوا لينا بجاي؟
خلي معاك حبة صعداء لاخوك الجلابي الكامل حمور ما تكملا براك ... سمعتا؟
وصية بشاشا للجلابة ( او ) المجولبين .. انتو قايلين بساويردنا دا ما بدخلنا الافلام ديك و لً شنو!؟
عاوزين نذكرم يا صادق ياخ .. فإن الذكرى تنفع المؤمنين
لو هم ناسين نحن ما ناسين
لكن تقول شنو؟ ( شيخنا ) دا كحال شيخهم الذي علمهم السحر .. ذهول في ذهول
و زي ما قال عليو الراحل الخاتم عدلان : ذاهل عن الزمان و المكان لمن مشى يحاضر الامريكان في عقر كنغرسهم عن الديموقراطية الليبرالية .. و ليبرالية الحركة الاسلامية!!
كدي شوف كلام المجالد ود البتولا دا :
Quote:
ولكن أنت على وجه التحديد، وفي هذه المناسبة على وجه التحديد، أقول لك ولهم من خلالك، نحن لم نفوضكم كإدارة في حريتنا، لا، ولن يكون ذلك لا اليوم ولا غداً، وإنّما فوّضناكم محكمين بيننا فيما نرتضيه، أي أنت وغيرك فاعلموا، أنَّ مسألة حذف مداخلة أو بوست هذه المسألة ليست لعباً ووالله بالنسبة لي أنا شخصياً دونها أن أحيى أو لا أحيى
محسن خالد
http://sudanyat.org/vb/showthread.php?t=18715&page=48
. |
الاصيل في الشئ بكون اصيل فيو اينما كان ..
للديمقراطية فرسانها ... وداعمي الدكتاتوريات معروفين سلفاً لكل ذي بصر و بصيرة
و صاحب العقل يميز .. و كل يعرف صليحو من عدوه
سامعني يا بكري؟
--------
يا ود البشرى ممكن تنورنا؟
كم عدد المحسوبين على تيار الكيزان بقروب المحافظة .. بلا بلا بلا ؟
النسبة و التناسب بالله .. و لو عملتها لينا كيكة عديييل تكون ما قصرت
هل دا صدفة؟
لا
( التحية لبشاشا و هو يتنفس صعداءه المجيدة بعيد بعيد عننا )
العديل لطلب الاستنارة من ود البشرى .. و اضافة رابط كلام محسن داك
|
Post: #108
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-14-2011, 07:49 AM
Parent: #107
بدرالدين سلامات وكيف الحال آ صديق ..
درج الكيزان على "الدغمسه" و"الانتهاز" و"الالتفاف" ..
والمتتبع لنشاطهم وتوجهاتهم ازاء هذا المنبر لن ينخدع ابدا بمآلات الحال ..
والسؤال الذى يجب اجابته بوضوح يتمحور حول الجهه التى مارست التهكير ..
وارجو متابعة اجابات هذا السؤال المباشر فى ثنايا البوست ..
يبقى التمييز بين الاعراض ومسببات المرض "المنبري" هذا .. ضرورى جدا
ووالله ما دخلوا حيزا الا افسدوه ..
والفساد لا يكون بالوضوح والاستقامه .. لا يكون ابدا بواحد زائد واحد يساوى اتنين ..
يكون بالتهكير ثم المطالبه باحترام الرأى الآخر ..
شفت ليك قوة عين زى الكلام ده !!
تحياتى ..
|
Post: #109
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-14-2011, 07:53 AM
Parent: #108
خالد العبيد ..
حبابك عشره يا صديق ..
حصان طرواده هنا ..
هو حسن ظن واستقامة الناس اذ يتعاملون مع من يفوقون سوء الظن العريض بهم ..
تحياتى يا عزيزي
|
Post: #110
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 10:43 AM
Parent: #109
Quote:
مع نشاطك ..
و كســلـى ( معقول بــس ) وش محايد عن اى انفعال
|
لا حياد في الصراع الاجتماعي ...
|
Post: #111
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-14-2011, 02:06 PM
Parent: #110
قيقرا قيقرا قيقراQuote: يا ود البشرى ممكن تنورنا؟
كم عدد المحسوبين على تيار الكيزان بقروب المحافظة .. بلا بلا بلا ؟
النسبة و التناسب بالله .. و لو عملتها لينا كيكة عديييل تكون ما قصرت
هل دا صدفة؟
لا |
الإجابة : لأ طبعا - ويعز علي ارد ليك طلب يا عزيز
لكن اسوي شنو, من دخلت البورد دا ما في شي قاطع قلبي و يفقع مرارتي قدر التصنيفات المعولقة دي
فما ممكن اقوم اسويها انا زاتي
لكن يا قيقرا النمش خطوة للامام النعرف بيها فهمك شنو من الطلب دا
قول خبزت ليك كيكتك السالت منها دي وطلع القطاع الكيزاني حببببببة كدا يؤول للصفر زاتو
وقوول القطاع التاني الفيهو المحسوبين على المعارضة يضم فيمن يضم ابوعيسى ومبارك الفاضل و عرمان و في رواية الحلو همسيلف
أها سو وات؟
هل دا بأثر على فكرة واهداف القروب الإتكون من اجلها
ولا دقيقة دقيقة ..
كدي يا قيقرا قبل ما نصرف عربي كتير يمكن نكون نوت آت ذا سيم بيج
كدي قول لي اهداف القروب و العريضة شنها في فهمك ؟
|
Post: #112
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 02:44 PM
Parent: #111
Quote:
لكن يا قيقرا النمش خطوة للامام النعرف بيها فهمك شنو من الطلب دا
قول خبزت ليك كيكتك السالت منها دي وطلع القطاع الكيزاني حببببببة كدا يؤول للصفر زاتو
وقوول القطاع التاني الفيهو المحسوبين على المعارضة يضم فيمن يضم ابوعيسى ومبارك الفاضل و عرمان و في رواية الحلو همسيلف
أها سو وات؟
هل دا بأثر على فكرة واهداف القروب الإتكون من اجلها
ولا دقيقة دقيقة ..
كدي يا قيقرا قبل ما نصرف عربي كتير يمكن نكون نوت آت ذا سيم بيج
كدي قول لي اهداف القروب و العريضة شنها في فهمك ؟
|
لوووووووووب
آت ذا سيم بيدج
بس انا في آخرها و انت في اولها
انسجاماً مع فهم مداخلتي لبدر الدين، عاوز اقول ليو انو البكاء بحرروا اهلو ..
و الديمقراطي هو البناضل من اجل الديموقراطية و بكتوي بنارها .. مش مجرد كلام ..
بدل يجي يتفوجج بي كلامات سااااي!!
بس ( بكسر الباء )
البسوي فيو دا ذهول سااااي منو بس
العريضة في فهمي، هي مطالب مشروعة جداً كلها تسعى لاصلاحات ديموقراطية .. وصولاً لحد معقول من تقنين العلاقة بين الاعضاء و الموقع / مالك الموقع .. بما يحفظ حقوق الطرفين
وقعتها بالفهم دا .. و بفهم انها ذاتا ما نهائية و لا قطعية و لا فرض على اي زول ..
الاتفاق من الاول كان انها تتعرض للجميع للمناقشة، و دا مطلبها الاساسي انو بكري يوافق بتنزيلها للمناقشة.
شفت كيف؟
قاعد تضحكني الاشاعات البتتسرب بجاي انو الناس عاوزين يحتكروا المنبر و بلا بلا بلا !!!
شئ عجيب و الله! ديل خلو المكتوب قعدوا يقروا في النوايا!؟
اها؟
|
Post: #113
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-14-2011, 03:59 PM
Parent: #112
ياقيقرا عليك النبي ما تاكلني حنك ساي
كدي لايق لي دي| Quote: العريضة في فهمي، هي مطالب مشروعة جداً كلها تسعى لاصلاحات ديموقراطية .. وصولاً لحد معقول من تقنين العلاقة بين الاعضاء و الموقع / مالك الموقع .. بما يحفظ حقوق الطرفين |
مع دي| Quote: و الديمقراطي هو البناضل من اجل الديموقراطية و بكتوي بنارها .. مش مجرد كلام .. |
واديني النجيضة هل يوجد ما يمنع الكيزان من التوقيع على العريضة ؟
|
Post: #114
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 04:05 PM
Parent: #113
اكلك حنك في شنو؟
ياها دا كلامي
Quote:
وقعتها بالفهم دا .. و بفهم انها ذاتا ما نهائية و لا قطعية و لا فرض على اي زول ..
|
الحنك وينو!؟
مالي و مال اي زول انا لو كان كوز او ما كوز ذاتو!؟
يهيدك العريضة ما وقعوا مالم!؟
|
Post: #115
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-14-2011, 04:22 PM
Parent: #114
والله يا قيقا ... الكيزان ديل مكارين
هسع يمشو يوقعو زى الماحاصل حاجه ..
ودى ما الفكره يا ودالبشري ..
|
Post: #116
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 04:37 PM
Parent: #115
Quote:
والله يا قيقا ... الكيزان ديل مكارين
هسع يمشو يوقعو زى الماحاصل حاجه ..
ودى ما الفكره يا ودالبشري ..
|
كونهم يمشوا يوقعوا يا دوبم تبقى دي اثبات للبنقول فيو من قبييييييل
كلو مسجل و كلو موثق .. و التوقيع ذاتو بديك رقم .. المافي شنو!؟
كونو انو ما فيهم واحد بس بالغلط ساي موقع .. دا الكلام الثابت و بنقول فيو من قبيل
كونو يمكروا و يوقعوا اسي .. بس عدي من وشك .. الجديد شنو!؟
ما اي حاجة بدخلوا فيا و يسرقوها .. لي عند الثورات دي سرقوها ياخ!
في حاجة بتغلبم ديل!؟
لكن برضو الاصيل من المدعي بظهر ..
|
Post: #117
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-14-2011, 05:20 PM
Parent: #116
| Quote: عاوز اقول ليو انو البكاء بحرروا اهلو .. |
خائف يكون اهل البكاء ديـل بعض من المنتمين للحزب الشيوعــى ...
كدا نشوف فكرة الحقوق والواجبات فى اسفير بكرى ...
هوووووووووو منو ذاتو قال انو توجد هنـا حقوق ..
العلاقة بين العضو ومالك الموقع تبدأ بعد التوقيع على عقــد الاذعان
ثم تتحرك على هدى لائحــة بكرى الحالية والقادمة والبيفكر فيها ( بــس ) بالفتحه
تغيير بكرى للائحتــه يمكن ان تكون لها مسببات ودواعى ذاتيـة او موضوعيـة
الذاتية دا حقت بكرى سيد الشى ذاتو ..
الموضوعيــة يمكن ان تكون للتوافق مع اوضاع قانونية استجدت
او تحقيق مصالح سياسية
او تحقيق مصالح اقتصادية
من يقود ويعبر عن الدواعى والمسببات الموضوعية يمكن ان يكون ( عضو ) او ( اعضاء ) او ( تيار سياسي )
اليوم ( تيار سياسي ينتمى الى كتلة سياسية منهم المنتمى الحزبى ومنهم غير المنتمى الحزبــى لكنهم يشتركون فى انهم فى الضفة الاخرى لتيار الحزب الحاكم )
شفت كيــف البوصلــة بتقود الى من يسعى لتحقيق المصالح السياسية عبر إمتطاء صهوة جواد الديمقراطيــة
دا إستقراء مــا غوص داخل نوايـا الناس ( وعندى انا دا برضو شى مشروع ) وكمان مجابهته ايضاً مشروعــه
نار الديمقراطيــة جديدة عليكم احســن تكنكشو فيها قوى
لكم لتحرير ســوق البوســت مـش دا الفكرة ان تظل قضية المذكرة ( هــوت )
فووووووووووق
دغمســة كيزان يا ود المشرف
|
Post: #118
Title: Re: حمى الكيزان تجتاح المنبر.. وجداد الخلا فى الفيسبوك
Author: تبارك شيخ الدين جبريل
Date: 06-14-2011, 05:42 PM
Parent: #117
المذكّرة .... قدّما منو؟ وقال فيها شنو؟
عشان نعرف روحنا كيزان ولاّ معارضة ولاّ محافظين ...
(معليش السؤال تـافه .... لاكين "يطرشني")
... المهم ....
|
Post: #119
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 05:42 PM
Parent: #117
يت زول لا تدع الفرصة تفوتك
العرض قائم
شبال بصلعة الخال أمين
--------
كدي خليني من عقد الاذهان .. تذع براك يا اخوي
انا ما عندي شئ جابرني ..
حد السرقة في الشريعة الاسفيرية قطع يد اسفيرية برضو و لّ تعزير ساااي؟
تقعدوا تضللوا بكري المسكين دا كدا لمن يوم يلقى نفسو في الرch
الزول دا عايش في بلد ديموقراطي و السيادة فيهو لحكم القانون .. و كبير الجمل عندهم
بمناسبة القانون دي النسألك ياخ :
سمعت بي كلمة ( حقوق / ملكية فكرية ) انت قبل كدا يا شيخنا؟
|
Post: #120
Title: Re: حمى الكيزان تجتاح المنبر.. وجداد الخلا فى الفيسبوك
Author: عبداللطيف حسن علي
Date: 06-14-2011, 05:45 PM
Parent: #115
| Quote: القانون شئ شخصــى يملكــه شخص واحد يتحرك وفقاً لقانون العرض والطلــب الاعلامــى |
!!!!
ياقيقا لو عملت بوست بالعنوان دا مالو !
حيكون لغز اقوي من (حلو العرس ولا جراي الحصان؟)
ـــــــــــــــــ
الزول دا داشو راس من زمان وجايط شديد لمن بهناك
عشان كدة احسن يقوقل سااااي زول بسالوا مافي طالما
هي مفهومة !
|
Post: #121
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-14-2011, 05:50 PM
Parent: #114
| Quote: مالي و مال اي زول انا لو كان كوز او ما كوز ذاتو!؟ |
سمح عايزني اخبز ليك كيكة توريك كم منهم وقّعوا ليه؟| Quote: يهيدك العريضة ما وقعوا مالم!؟ |
بصفة عامة - مش الكيزان فقط - اي زول ما وقع إما ما موافق على العريضة في مجملها او في جزء منها أو ما سمع بيها أو ما عايز يوقع على شرط التوقف وهو ما بقدر يلتزم بيه
يا ود المشرف الفكرة عندي ان لاتزر وازرة وزر اخرى
|
Post: #122
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 06:02 PM
Parent: #121
Quote:
سمح عايزني اخبز ليك كيكة توريك كم منهم وقّعوا ليه؟
|
يا زول و الله انا ما عاوزك تعمل اي حاجة عشانيّ
لكن لو لوجه الحقيقة و عشان الناس تفهم الحاصل اقترحت الكيكة
بس
و لسه السؤال قائم ..
ليه و لا كوز ما وقع على العرضة!؟
و هل دا صدفة!؟
--------------
حبيبنا عبد اللطيف
ازيك ياخ
Quote:
ياقيقا لو عملت بوست بالعنوان دا مالو !
حيكون لغز اقوي من (حلو العرس ولا جراي الحصان؟)
|
ليك علي لو قعد في بورد من لا حقوق لهو دا ، اجي اعمل بوست تحليلي للعنوان دا ..
و ح نقسمو لمبحثين و احد فارغ و التاني ملان :
المبحث الاول : الكلام الفارغ
المبحث الثاني : النص المليان كلام فارغ
الله يستر دي ذاتا ما تكون مقوقلة .. و يكون عمك قوقل عمل فيو مغرز و وداه الابقير هناك محل كلام الطير ..
|
Post: #123
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-14-2011, 06:12 PM
Parent: #122
| Quote: مالي و مال اي زول انا لو كان كوز او ما كوز ذاتو!؟ |
ثم| Quote: ليه و لا كوز ما وقع على العرضة!؟ |
هسي كان ملاسي جا بي جاي كان جاب ليك الوش البي فوق ليه تلاتة علامات استفهام و صرف ليك عدد واحد "فتامل"
|
Post: #125
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 06:31 PM
Parent: #123
Quote: | Quote: مالي و مال اي زول انا لو كان كوز او ما كوز ذاتو!؟ |
ثم
| Quote: ليه و لا كوز ما وقع على العرضة!؟ |
هسي كان ملاسي جا بي جاي كان جاب ليك الوش البي فوق ليه تلاتة علامات استفهام و صرف ليك عدد واحد "فتامل" |
يا ود البشرى المطلوب شنو بالضبط؟
عاوز تجيب كثافتي و خلاص؟
ياخ الاولى ديك جات رد على سؤالك دا ؟
Quote:
واديني النجيضة هل يوجد ما يمنع الكيزان من التوقيع على العريضة ؟
|
و نعيدو تاني و في سياقو عشان ما تلفح ساي :
Quote: اكلك حنك في شنو؟
ياها دا كلامي
| Quote: وقعتها بالفهم دا .. و بفهم انها ذاتا ما نهائية و لا قطعية و لا فرض على اي زول .. |
الحنك وينو!؟
مالي و مال اي زول انا لو كان كوز او ما كوز ذاتو!؟
يهيدك العريضة ما وقعوا مالم!؟ |
شنو وجه التناقض؟
هناك بقول انو التوقيع حرية فردية ..
و بتساءل في الكوت التاني : رغم دا برضو مافي ولا كوز وقع؟
اها وريني وين التناقض هنا؟
|
Post: #129
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد البشرى الخضر
Date: 06-15-2011, 05:00 AM
Parent: #125
كثافتك يا قيقرا قاعد تجيبها براك ياخوي
اسي السأل التاني منو في البوست دا
عموما يا معلم مافي مشكلة
خلاص ولا يهمك مافي اي كوز وقع على العريضة ولا تزعل حالك
|
Post: #124
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-14-2011, 06:25 PM
Parent: #121
| Quote: تقعدوا تضللوا بكري المسكين |
بكرى يعلم جيداً ( مصلحتــه ) التى يسعى ليجنيها من مؤسستــه الخاصــة ( الملكية الخاصة دا فى امريكا كوم تانــى )
قلنا سؤال المصالح وتعارضها هو مدخـل ( للمطالب / للتوقف عن الكتابة / للتوقيع على العريضة / لتسويق العريضــة /.. )
مصلحة الموقعين العامة شنو ( كاشخاص محسوبين على تنظيمات سياسية / تيار سياسي / افكار / مكجنين ناس الجبهة ديل /...)
يعنى حكاية القيـم دا موضوع ثانوى عند ( !!!!!! ) احسن نخليها كدا
الغريب الذى يحتاج الى استجلاء هو موضوع القانون دا :
بكرى مواطن وين / القانون الذى يتحاكم اليه / علاقته بالمنبر / علاقة الاعضاء بقانون البلد القاعد فيها بكرى شنو ؟ /....
قضية منال / وائل طه ( سودانيان يقيمان فى سودان الكتاحــة )كان مسرح القضية هنا فى المنبر الامريكى دا وكانت المحكمة فى محكمة الخرطوم شمال
القانون فى المنبـر الذى اشترعــه بكرى وهو يكيف قانونه وفقاً للعرض والطلب على سلعتــه لتحقيق الربحيــة ( ما قروش يا ناس ) ودا ( الفلسفة القائم ليها بلد بكرى )
وهو ليــس منها بإستثناء ..
انا موافق على ان يفترع بكرى ابو بكر من قوانينه ما يشاء بحيث تكون جزء من العقوبات المنصوص عليها فى قانون منبر بكرى خاصة فيما يتعلق
بحقوق الملكية الفكرية والبداية متبرع اكون انــا للتطبيق ( علماً بأن المالك الاصلى راح فى خبر كان )
وكمان يمكن ان اقدم دفوعات جديدة بما اكسبنى اليه الشاب الشيوعـى خدر ( الفنان ) من وعــى حول مفهوم الملكية الفكرية ( شوايعة ظراف بشكل ) *
برضوووووووووو فوووووووووووووووق
لخداع وتضليل بكرى ابو بكر
* عذراً بدر ود موســى
|
Post: #126
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-14-2011, 06:46 PM
Parent: #124
Quote:
يعنى حكاية القيـم دا موضوع ثانوى عند ( !!!!!! ) احسن نخليها كدا
|
دي قوقلتها من منتدى عادل امام مش؟
ياخ انت ظريف خلاس .. كوز ظريف شديد
شنو هو نخليها كدا ... فتو كلو كلو يا زول
اها المطالبة بتطبيق الشريعة الاسفيرية كيف معكم؟
و لّ كالعادة حسب الظروف؟
خليها كدا دي مش بتاعة علي الحاج القالا ليكم؟
|
Post: #127
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-14-2011, 07:13 PM
Parent: #126
بدرالدين ..
بالله هاكم شويه رماح شان ترفعوا المصاحف فوق اسنتها ..
واعجب من ابوموسي الاشعرى الذى سيلدغ من جحركم عشرات المرات !!..
|
Post: #128
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-14-2011, 07:21 PM
Parent: #127
هسع شبهة التواصل التحت تحت الدرعتها فى رقبة بدر ود موسي دى ما بالغت فيها ..
انت ما عارف انك تهمه ؟!!
|
Post: #130
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-15-2011, 05:09 AM
Parent: #128
Quote:
هسع شبهة التواصل التحت تحت الدرعتها فى رقبة بدر ود موسي دى ما بالغت فيها ..
انت ما عارف انك تهمه ؟!!
|
بدرنا الفوق في سماهو ود موسى يستاهل ذاتو!!
لدا غير انو الاسم ساي بخلي الناس يتخلبتو ..
حيرنا كلو كلو
انا لو محل ود موسى بغير معرفي ذاااتو ل " ود موسى " بس
-------
يا جداد الخلا ليكم رسالة هن
لي متين .. لي متين ؟ !! + شجن
من البدري عبد الله ياخ
كمية من البدور هنا ... رغم انو كم بدر فيها ظلامي كدا
|
Post: #131
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-15-2011, 06:45 AM
Parent: #130
| Quote: يا جداد الخلا ليكم رسالة هن |
الزول دا حســو إنقرش .. جيبو ليهو مكرفون
* القلوب بين يدى الرحمن انا زاتى هوى ود موسى دا جايب لي الهواء
معلمى الافكار ديــل دائماً بيخشو جوه النخاشيـش
|
Post: #132
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين احمد موسى
Date: 06-15-2011, 07:22 AM
Parent: #131
ود المشرف?!!!
كيفك يا زول
دا شنو دا و القال كدا منو?
Quote: هسع شبهة التواصل التحت تحت الدرعتها فى رقبة بدر ود موسي دى ما بالغت فيها ..
انت ما عارف انك تهمه ؟!! |
تحت تحت دي شنو?
خلعتني ياخ, خليتني ارجع اقرا البوست كله و قلبي في يدي! خفت يكون زول فتاني, هههههههه
يا جماعة ود اسحق دا صاحبي لله (هي لله لا للسلطة ولا للجاه !) وزي ما قال هو ذاتو جايب لينا الهوا ولنفسه.
اديني اقتباس خليني انط فيه جوز!
|
Post: #133
Title: Re: حمى الكيزان تجتاح المنبر.. وجداد الخلا فى الفيسبوك
Author: محمد حيدر المشرف
Date: 06-15-2011, 08:11 AM
Parent: #132
ود اسحق ده يا بدرنا ود موسي .. عندو غرام شديد انو يحشر اسمك فى النهايه فى شكل رسالات مشفره ..
ويطيب له كثيرا الحديث عن " خدر " فى النص ..
الود يعنى بعرف ناس كويسه و بعرفوه ..
وفى حوارات معاهم شديدة الخصوصيه ..
هسع عليك الله هو غلط معاك فى شنو عشان يعتذر ؟!
واعتذار غامض وكسول جدا ومكتوب باهمال كيزانى فيه الكثير من "الكوزنه"
Quote: * عذراً بدر ود موســى
|
* قفز وش ازرق باكى لصدر المداخله بدلا عن الاخضر الضحوك ..
وده غالبا اسقاط لا ارادى للذاكره الورائيه للكيبورد " وش ضاحك "
|
Post: #134
Title: Re: حمى الكيزان تجتاح المنبر.. وجداد الخلا فى الفيسبوك
Author: البدري عبد الله
Date: 06-15-2011, 08:25 AM
Parent: #133
السلام عليكم ورحمة الله
|
Post: #135
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين احمد موسى
Date: 06-15-2011, 08:35 AM
Parent: #134
ود المشرف
يا زول يا زين
| Quote: هسع عليك الله هو غلط معاك فى شنو عشان يعتذر ؟! |
انا قبل كدة احتجيت لدى بدرالدين ود اسحق انه بستعمل كلمة شوايعة بدل شيوعيين,
وهو كتر خيرو توقف لفترة من استعمالها لكنه عاد واستعملها هنا في هذا البوست بعد كلامه عن خدر!
عشان كدة هو اعتذر, من باب الكيشة الفخو كف و اعتذر لو.
فهو سمانا شوايعة واعتذر لي, شفت ود اسحق دا بتلوم كيفن?
ود اسحق بالله بطل حركات ياخ!
|
Post: #136
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-15-2011, 09:02 AM
Parent: #135
لو سئلت عن الشمس في بلد العناكب .. قل ان بي رغبة في البكاء*
ظلام رهيب!!
Quote:
انا موافق على ان يفترع بكرى ابو بكر من قوانينه ما يشاء بحيث تكون جزء من العقوبات المنصوص عليها فى قانون منبر بكرى خاصة فيما يتعلق
بحقوق الملكية الفكرية والبداية متبرع اكون انــا للتطبيق ( علماً بأن المالك الاصلى راح فى خبر كان )
|
شفت المخاتلة؟
يعني هي الجريمة متوقفة على كان و اخواتها تسبق ( المالك )!!؟
دا منطق وين في الاهل آ ود اسحاق!؟
السرقة ( مجرّمة ) لذاتها .. و العقوبة على فعل السرقة لا على وجود/عدم ( المالك )!!
يعني لو انزنقت لي كتابة في عاجــباني اجي اسرقا و اخنق سيدا و اعدّمو النفس .. بل اعدمو من الوجود .. و عاااادي براءة!؟
مشرف استعد يا اخوي .. و الله العطش دي كتابة كاسرة فيني ضلعة من زمااان
هلكت يا ابن المشرف .. هلكت و العطش لي حلااااااال بلاااااااال
اصلو شنو هو!؟
دا قانونك الفالقنا بيو من قبيل!؟
و هدي القيم النفيتا عن ( الخلوها كدا ) ديك مش؟
ياخ انت لذيذ ياخ!
-------
يا د. مشرف
الوش دا  استدعى ذاكرة محفوظ فيو قراءة للنص الجزء منو الاستهلال اعلاه ..
الغريبة بتكلم عن ناس بتقيم طقس حول " قمر من حديد "
ياخ النص دا جميل خلاس ..
ح افتشو و اجيبو ليكم هنا .. في ظل وجود ثلاث بدور، و ليس ثمة شئ من ضوء ينير الطريق
|
Post: #137
Title: Re: حمى الكيزان تجتاح المنبر.. وجداد الخلا فى الفيسبوك
Author: البدري عبد الله
Date: 06-15-2011, 09:10 AM
Parent: #136
| Quote: .. في ظل وجود ثلاث بدور، و ليس ثمة شئ من ضوء ينير الطريق |
يا قيقا خلي البدور في كيانة ( او كما قال حميد ذات زعلة - خلو حميد في كيانو) .
.
.
.
.
.
بعدين يا قيقا طالما في (ظل ) لا بد من وجود( ضؤ)
البدري عبد الله
رئيس قسم الفيزياء بكلية العلوم - جامعة جداد الخلاء
|
Post: #138
Title: Re: حمى الكيزان تجتاح المنبر.. وجداد الخلا فى الفيسبوك
Author: معاوية الزبير
Date: 06-15-2011, 09:53 AM
Parent: #137
والله يا مشرف بوستيك إتسيلف اجتاحتو حمى، شوف ليك قالب تلج ينزلا
|
Post: #139
Title: Re: حمى الكيزان تجتاح المنبر.. وجداد الخلا فى الفيسبوك
Author: معاوية الزبير
Date: 06-16-2011, 06:35 AM
Parent: #138
خلاص الحمى نزلت يا صديقي
عود على بدء
(قطعا سيؤرخ لذلك لاحقا تحت مسمى "ربيع الفيسبوك" ..
او هو الربيع الذى عادت فيه " جدادات الخلا " للخلا .. " ما بترضى الا الريح فى مجادلات الكلام النصيح
فى حين توهطت الجدادات ذات الصلات الوثيقه بالهكر .. صدر المنبر
وباضت الكثير من بوستات الفجيعه والخواء ..
هذا وكان رأي الرب أن ذلك حسن ..
فطوبى اذن لجداد الخلا فى خلاءه المجيد !..
وكلا هى تذكره .. ثم كلا هى تذكره
وتفاصيل المكان لم تعد كما كانت ..
ولا تلك الرائحه موجوده .. ولا هو طعم التسكع فى ردهات الصفحه الاولى .. والذى كان !!)
|
Post: #140
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-16-2011, 08:50 AM
Parent: #139
يا مدير
Quote:
وتفاصيل المكان لم تعد كما كانت ..
ولا تلك الرائحه موجوده .. ولا هو طعم التسكع فى ردهات الصفحه الاولى .. والذى كان !!)
|
لازم اكون مافي سيم سيم سديق!!
اذا كان الجداد البكاكي بالحق و العدل اصيب في ( حقو ) هو ذاتو، و في عدْلو و عدَلو !!
البسكت على الضيم في احق حقوقو .. ما ظنيت فيو خير لغيرو .. و لّ شنو؟
زاد ( المناضل ) - دي على وزن زاد المجاهد الكيزانية - ان ما كفاهو حرام على الجيران
و لسان الهنا و الهُنا :
دجاجي يلقط الحبَّ و يجري وهو فاااارحانو ..
و لي ديكون لهو صوتون جميل اللاحني رانانااااا ..
و هكذا من تفاصيل الفجيعة ..
----
في ذمتكم البعمل فيو بكري دا ما حقارة عدييييل كدا!!
و لا حتى عاوز ينورنا المسنجر خفس وين ..
و لسان حالنا بعد مدة لسان بكري لينا السؤال المشروع، يردد بآسى و حزن يليقين :
لا شوفةً تبل الشوق .. و لا ردن يطمن!؟
اريتك تبقى طيب ان البي كلو هين في خلا الفيسبوك هناك
|
Post: #141
Title: Re: حمى الكيزان تجتاح المنبر.. وجداد الخلا فى الفيسبوك
Author: البدري عبد الله
Date: 06-19-2011, 10:36 PM
Parent: #140
Quote: لا شوفةً تبل الشوق .. و لا ردن يطمن!؟
اريتك تبقى طيب ان البي كلو هين |
+
قولي ليهو ليلو طويييل.... طولا يجنن
لا قمرا ظهر في سماهو ... لا .. نجمات يضون
|
Post: #142
Title: Re: حمى الكيزان تجتاح المنبر.. وجداد الخلا فى الفيسبوك
Author: بدر الدين اسحاق احمد
Date: 06-19-2011, 10:43 PM
Parent: #141
تمظهر الفعل النهضوى لجداد الخــلا عرس الزيــن نموذجاً...
|
Post: #143
Title: Re: حمى الكيزان تجتاح المنبر.. وجداد الخلا فى الفيسبوك
Author: البدري عبد الله
Date: 06-19-2011, 10:54 PM
Parent: #142
بدرالدين
السلام عليكم ورحمة الله| Quote: تمظهر الفعل النهضوى لجداد الخــلا عرس الزيــن نموذجاً... |
انقليزي دا يا مرسي ؟!!
|
Post: #144
Title: Re: حمى الكيزان تجتاح المنبر.. وجداد الخلا فى الفيسبوك
Author: قيقراوي
Date: 06-20-2011, 12:47 PM
Parent: #143
البدري حيث لا بدر هناك ..
السلامو عليكم .. اللخ اللخ
Quote:
Quote:
تمظهر الفعل النهضوى لجداد الخــلا عرس الزيــن نموذجاً...
|
انقليزي دا يا مرسي ؟!!
|
اي كلام فاضي معقول ..
نحن قبيييييل شن قلنا؟
دجاجي يلغوطو الحبا ... اللخ اللخ
|
|