المهدى طرد المصريين من السودان والبشير ما قادر يطردهم من حلايب

بلا تكامل بلا كلام فارغ..

اتكاملوا فى الخرطوم واللا فى شندى.. ايشمعنى فى حلايب، الأنها ارض بجا ولا تعنيكم..

نحن زمان قلنا بالنسبـة للنخبة الحاكمة فإن السودان عمليا هو الخرطوم وما حولها.. الباقى حسب
التساهيل.. يحكموه مادام يدر العوايد أما لو تطلب الامر لحماية فهم ما مستعدين يدفعوا مليم ولا
يخسروا يوم فى الدفاع عن الاقاليم البعيـدة بناسها الما يشبهوهم..

يا ناس الحكومة افتحوا عينكم ريال.. زمن المواقف المدغمسـة انتهى.

نحن اهل الشرق

وانتم حكومة السودان المركزية

فهل تقوموا بمسؤوليتكم الدستورية فى حمايـة إقليمنا أم نبحث عن حلول اخرى.

ويا ايها الجيش الســودانى العظيم.... هل انتم ما زلتم أســد الغاب؟

أين ما تربينا عليه؟

سـودانى يا سودانى أسـد الغاب تحميك
المال والاولاد تفديك
شلت يد العادى إذا امتدت لترميك

بدمى وقلبى افتدى تمجاد اجدادى واصونها لبنى من بعدى واحفادى



.

فوق،

سلطـة فى الخرتوم ما دايرين.. قروش ما دايرين.. خلوكم حكام ما عندنا مشكلة.. برضو ندفع ليكم
ضرائب وجمارك..
دا كلو مقابل شنـو.. أهل الذمة يدفعوا الجزية نظير حماية المسلمين لهم.. مافى شئ مجانى..
وين حمايتكم لحدود شرقنـا الجغرافيـة؟ بعد دفع الضرائب او الجزية سموها زى ما شئتم، الدكتور
نافع قال لأولادنا امشوا حرروا حلايب براكم.. من ضمن ما اردت نقاشـه فيه فى الدوحـة هـذه النقطة
ولكن لم اجد الفرصة لذلك.. شنو تشيلو مننا الضرائب وتحملونا مسؤولية حمايـة الحدود؟
لو بدينا حمينا نفسنـا وتدربنا على السلاح فسـوف نحمى حدودنـا الغربيـة أيضـاً.



.
برضو مع دا أخيـر من غيركم!!! والعاقل والمتابع يفهـم.