Post: #1
Title: رأيكم شنو يا أخوان/ت في حتة إنّو الخاص يجيبوهو العام ؟!
Author: صبري طه
Date: 06-07-2011, 04:37 PM
Parent: #0
فرضاً إني تداخلت مع إحدى الأخوات عبر الخاص (ماسنجر أو إسكايب أو فيس بوك أو هاتف أو لقاء على الطبيعة أو أية وسيلة تواصل أخرى) !!!
وضمن نقاشي معها طرحت عليها فكرة الارتباط ... وهي قامت حسّت كدة بس إحساس شيطاني إني أنا زول ما جادي وعايز ألعب بيها وغرضي غير شريف ...
طيّب هي ما بتعلم بالغيب وما بتعلم بالنوايا إن كانت حسنة أو سيئة ...
أها معاي لحدّي هنا ...
رأيكم شنو لو قامت شالت كلامي معاها عبر وسيلة الخاص ونشرتو كموضوع عبر المنابر المفتوحة ليقرأه الأعضاء والزوار وليتم تداوله وتناوله بالنقاش ؟!
ـــــــ
|
Post: #2
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: صبري طه
Date: 06-07-2011, 04:54 PM
Parent: #1
رأيي:-
إذا كان ما يتناوله أعضاء المنتديات عبر الخاص (الرسائل الخاصة أو الماسنجر أو الإسكايب أو الفيس بوك أو الهاتف ... إلخ من وسائل الاتصال) يتم عرضه بشكل مباشر أو التلميح له عبر ساحة المنتديات المفتوحة، لما سمّي خاصاً ولأفردت له أقسام خاصة به.
لذا أرى أنه من غير اللائق نشر ما يحدث عبر الوسائل المذكورة أعلاه عبر البوستات المفتوحة ... ومن تمّ تهديده أو إهانته ... إلخ ... توجد جهات قضائية يمكنه اللجوء إليها.
|
Post: #3
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: عبدالعزيز الفاضلابى
Date: 06-07-2011, 06:42 PM
Parent: #2
سلام اخونا صبري.
يلاحظ ان المتعاملين مع المنتديات ـ واخص السودانيين ـ(الا من رحم ربي) يكتبون وكأنهم في قعدة سكر . يعني ممكن في اي لحظة النقاش او الونسة يتطور الي شكلة. وسبب ذلك اظنه حداثة عهدهم بآداب المنتديات فتشعر
وكأن احدهم يريد فش غبينة ملازماهو منذ ماقبل اختراع الإنترنت ,, وماصدق
لقي ليهو حيطة يتضاري وراها وهاك يادراب. دي يمكن نسميها : الفلسفة العميا وشيل البطارية في القمرا.
ياخ انا في ناس تواصلت معي في الخاص ولاشئ خاص في كتاباتهم هذه سوي انها لاتهم غير اطرافها وليس فيها ما يشين اي من الطرفين ومع ذلك لم افكر مجرد تفكير في إطلاع احد عليها سوي باعادة نشرها او الحديث عن محتواها لآخرين.
فمال من يملك أمرا بالغ الخصوصية بين اثنين يعيد نشره?
لايخرج الأمر عن كون إعادة النشر اما للإبتزاز ,, وإما سوء تقدير وفي الحالين لايصلح ان يؤتمن مرة اخري ولايصلح ان يكون صديقا او رفيق درب او رفيقة .
والسلام
|
Post: #4
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: ABUHUSSEIN
Date: 06-07-2011, 09:47 PM
Quote: فرضاً إني تداخلت مع إحدى الأخوات عبر الخاص (ماسنجر أو إسكايب أو فيس بوك أو هاتف أو لقاء على الطبيعة أو أية وسيلة تواصل أخرى) !!!
وضمن نقاشي معها طرحت عليها فكرة الارتباط ... وهي قامت حسّت كدة بس إحساس شيطاني إني أنا زول ما جادي وعايز ألعب بيها وغرضي غير شريف ...
طيّب هي ما بتعلم بالغيب وما بتعلم بالنوايا إن كانت حسنة أو سيئة ... |
سلام أخونا صبري
أسمع يا خوي دا بتوقف على حنكك و حنكتك يعني الزولة دي لو أقنعتها أولاً بي جديتك ما أظنها تقوم تشيل كلامك دا و تنقلو على العام
لكن لو طلع حنكك زي رجفيك في الفيس بوك داك.... أكيد ما حا تقنعها و حا تبهدلك في العام....
|
Post: #6
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: صبري طه
Date: 06-08-2011, 09:32 AM
Parent: #4
وعليكم السلام أخي أبو حسين ...
| Quote: أسمع يا خوي دا بتوقف على حنكك و حنكتك يعني الزولة دي لو أقنعتها أولاً بي جديتك ما أظنها تقوم تشيل كلامك دا و تنقلو على العام |
يا عمّك بغض النظر عن المحتوى .. ما الذي يجعلها تجلبه للعام .. مش حاجة شخصية بيني وبينها ؟! وما كتبته عبارة عن مثال يمكن أن يكون طرفيه رجلين ...
| Quote: لكن لو طلع حنكك زي رجفيك في الفيس بوك داك.... أكيد ما حا تقنعها و حا تبهدلك في العام.... |
مش ياهو دة ذاتو موضوع البوست 
ـــــــ
ما تنسى إنو مجموعة الفيس بوك مغلقة
|
Post: #5
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: صبري طه
Date: 06-08-2011, 07:54 AM
وعليكم السلام أخي الفاضلابي ...
Quote: يلاحظ ان المتعاملين مع المنتديات ـ واخص السودانيين ـ(الا من رحم ربي) يكتبون وكأنهم في قعدة سكر  . يعني ممكن في اي لحظة النقاش او الونسة يتطور الي شكلة. وسبب ذلك اظنه حداثة عهدهم بآداب المنتديات  فتشعر
وكأن احدهم يريد فش غبينة ملازماهو منذ ماقبل اختراع الإنترنت ,, وماصدق
لقي ليهو حيطة يتضاري وراها وهاك يادراب. دي يمكن نسميها : الفلسفة العميا وشيل البطارية في القمرا.
ياخ انا في ناس تواصلت معي في الخاص ولاشئ خاص في كتاباتهم هذه سوي انها لاتهم غير اطرافها وليس فيها ما يشين اي من الطرفين ومع ذلك لم افكر مجرد تفكير في إطلاع احد عليها سوي باعادة نشرها او الحديث عن محتواها لآخرين.
فمال من يملك أمرا بالغ الخصوصية بين اثنين يعيد نشره?
لايخرج الأمر عن كون إعادة النشر اما للإبتزاز ,, وإما سوء تقدير وفي الحالين لايصلح ان يؤتمن مرة اخري ولايصلح ان يكون صديقا او رفيق درب او رفيقة. |
عارف يا عمّك أنا شايف إنو صفحات التواصل الاجتماعي بشكل عام تسبّبت في إضعاف الثورات السودانية على عكس بقية خلق الله ... يعني الواحد بكون دمو فاير وعايز يثور في أيّ لحظة بلقى ليهو مساحة في أي منتدى أو فيس بوك أو غيره وبفرّغ غضبو وبيعمل ميّت !!!
Quote: ياخ انا في ناس تواصلت معي في الخاص ولاشئ خاص في كتاباتهم هذه سوي انها لاتهم غير اطرافها وليس فيها ما يشين اي من الطرفين ومع ذلك لم افكر مجرد تفكير في إطلاع احد عليها سوي باعادة نشرها او الحديث عن محتواها لآخرين.
فمال من يملك أمرا بالغ الخصوصية بين اثنين يعيد نشره?
لايخرج الأمر عن كون إعادة النشر اما للإبتزاز ,, وإما سوء تقدير وفي الحالين لايصلح ان يؤتمن مرة اخري ولايصلح ان يكون صديقا او رفيق درب او رفيقة. |
والمصيبة إنّك تقوم تنشر ليك غسيل واحد حصل في الماسنجر وصاحبو يقوم ينكر ... شوف منظرك حيكون كيف ؟!
وكمان ممكن يقاضيك وتبقى في البتمرقك
ويا عزيزي يا ريت لو كل الناس زيّك ... فالخاص مكانه الخاص ...
دمت بود ،،،
|
Post: #7
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: د.نجاة محمود
Date: 06-08-2011, 11:24 AM
Parent: #5
سلامات
هب انا بيان دي كتبت بوست هنا عن المعارضة ما عجب ناس المعارضة
قام واحد منهم لاقاني في الفيس بوك و شتمني شتائم بطال وهددني تاني ما اكتب عن المعارضة او الحزب الشيوعي
والا .....
هل هذا يعد موضوع خاص؟
عشان كدا يا صبري في مواضيع خاصة من عرسوحبكانات زخ(.........)بات مطرشقة وعود مكسورة دي حاجة خاصة ما عايزين نعرفها
ولكن اذا زول شتم زول عشان موضوع اتنشر هنا يانا الجايبنو عشان نشوف حد الموضوع وين
انا شخصيا بلاقي كثير من الرسائل بتاعة الابتزاز والتهديد فيها كمية من قلة الادب
مرات ما بتمها ذاتو وبعمل دليت
لانه الزول دا لو شجاع يجي يكتب وجهة نظرو في البورد
|
Post: #8
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: صبري طه
Date: 06-09-2011, 08:25 AM
Parent: #7
وعليكم السلام يا دكتورة ...
Quote: هب انا بيان دي كتبت بوست هنا عن المعارضة ما عجب ناس المعارضة
قام واحد منهم لاقاني في الفيس بوك و شتمني شتائم بطال وهددني تاني ما اكتب عن المعارضة او الحزب الشيوعي
والا .....
هل هذا يعد موضوع خاص؟ |
إذا كان عبر رسائل الفيس بوك الخاصة أو دردشة الفيس بوك فهو خاص وإذا كان عبر بوستات الفيس بوك المفتوحة فهو عام ...
Quote: عشان كدا يا صبري في مواضيع خاصة من عرسوحبكانات زخ(.........)بات مطرشقة وعود مكسورة دي حاجة خاصة ما عايزين نعرفها
ولكن اذا زول شتم زول عشان موضوع اتنشر هنا يانا الجايبنو عشان نشوف حد الموضوع وين
انا شخصيا بلاقي كثير من الرسائل بتاعة الابتزاز والتهديد فيها كمية من قلة الادب
مرات ما بتمها ذاتو وبعمل دليت
لانه الزول دا لو شجاع يجي يكتب وجهة نظرو في البورد |
على كل حال أحترم رأيك .. ولكن جلب الخاص للعام ما حبابو ...
ثمّ أنه قد يدخلك في مشاكل أنتِ في غنى عنها ...
مثال: إذا دخل معك أحدهم عبر الماسنجر على أنه "فلان الفلاني" وكال لكِ من الشتائم والسُباب ...
ثمّ قمتِ بطرح ذلك عبر العام على أنه "فلان الفلاني" كما عرّف نفسه عبر الخاص ...
ماذا أنتِ فاعلة إذا نكر بأنه هو "فلان الفلاني" ؟
وإذا قام بمُقاضاتك حتبقي إنتِ تفتشي في البتمرقك !!!
دمتِ بود ،،،
|
Post: #9
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: رانيه محمد الشيخ
Date: 06-09-2011, 09:40 AM
Parent: #1
ما من حقها
فى زمنا دا بقى فى جهل فى اصول الارتباط وقواعده
الزول عرض التانى رفض الموضوع انتهى
الزول عرض التانى وافق يبقى يتموا على خير
لكن ان الزول يرفض ويشنع بالزول
ولا الزول يوافق والتانى يطلع ماسوره ويعمل فيها قواله
بقيت كتيره شدددددددددددديد فى مجتمعنا
احترام العلاقات مهم شديد
دا حتى الازواج فى زمنا دا بقوا مخرفين
الواحد يطلق المره ويطلع عفشاتها كلها لشلته المخستك
ولا المره تطلق من الراجل وتطلع عيوبه كلها لنساوين الحله
فين حرمة العلاقه واحترام سريتها اللى دينا بيوصينا بيها
|
Post: #10
Title: Re: رأيكم شنو يا أخوان/ت في حتة إنّو الخاص يجيبوهو العام ؟!
Author: خالد عبد الله محمود
Date: 06-09-2011, 03:36 PM
Parent: #9
صبري يا عمكـ
د. بيان أدتكـ النجيضة ..
مافي سابقة إن قصة حبكانة كانت في الخاص و أتنشرت في المنبر لكن الإتنشر كلو كان عبارة عن قضايا أبتدت في المنبر و حصل تهديد في الخاص لذلكـ من الطبيعي إنها ترجع المنبر تاني ..
|
|