يا ( مُغتربين ) غِيرة سااااااي مافي ؟

ياها حركات ناس (الخيال الواسع) الطالع بيها اليومين ديل
كل ما أشوف لي إستاد كورة ( أفريقي ولا عربي) أتخيل نفسي دفعت المية ريال
ومعاي إتنين مليون مغترب من بلاد الله الواسعة دي قررنــا ما ننتظر أيِ حكومة تعمل لينا إستاد نباهي بيهو وسِط
بعض الناس ( القـــرف ) اللافين هنــا وببخسوا في حاجتنا
تطير الحكومات ، التقول البلد عملنا ليهم بيها تنازل نهائي
إن قعدوا ديل ولا راحو ولا جانــا شيطان قعد تاني عشرين سنو ياها بلدنــا
نلمها مية مية ونديها ( علمانا ) اللافين في الدنيا الواسعة دي وعمرهم ما أكلو (قِرش) حرام
ونشيله جااااااهزة بي عقد جاااااهز مع شركة بس تنفذ
وممثل الحكومة جالس يتفرج على مشروع (ولاد البلد ) المالين المنافي
والكارهين الحكومات من عبود لي " مستر تنظير" ( أياً كان التنظير الجاي بعد ديل ) كلهم دفعوا
عشان بلدم
ما عشان زيد ولا شهادات مدح .
برانا نلمها وبرانا نفتش حد ينفذ باقي الشغل الواقف ليهو عشرة سنين
بعد أن دخلت الفلوس الحرام بطون ولاد الحرام ..
___
السبب الصور دي الخلتني أسويِ حركات ناس ( الخيال الواسع )
فاعذروني إن تخيلت أن لبلدي وجيع
واعذروني إن ملأت هذا الحوش (بترهاتي) فهي على ( قفا من يشيل )
فقط زدت العدد .
وعلى الأقل ( نتفرج ) مع بعض
عسى الألم يخف ( أو يزيد )
فالكي قد يفيد

_______

ويلا نشوف مع بعض دولة دولة
(1) المغرب- الجزائر - تونس - ليبيا
استاد الأمير عبد الله :
يقع في الرباط بسعة 55000

_____

إستاذ مدينة فاس بسعة 45000
_____

ملعب 5 يونيو 1962 يقع في الجزائر العاصمة بسعة 66000
_____

ملعب 7 نوفمبر برادس يقع في تونس العاصمة بضاحية رادس الجنوبية بسعة 60000
____


ملعب 19 مايو ، يقع في مدينة عنابة بسعة 60000
______

ملعب المنزه ، يقع في تونس العاصمة ، بسعة 55000
______

استاد 11 يونيو يقع في العاصمة طرابلس ، بسعة 60000

استاد المريخ السوداني

" يا حاسد اسع دا اقل منهم !"







وبسعة 45.000 متفرج , غير ناس السلك
^_^ سلكون يا

خِرِب بوست (الخيال الواسع ) بالواقع المرير
حق فريقي وفريقكـ !!
التقول ما شفناهو ؟؟!!
حسي أجي جدة أصوِر ليكـ ود القاضي بيي كاميرتي الـ Nikon D300
والله تقول عليهو مهند

يا ريت يا عمران الناقصنا ملاعب وبس
كان الامر بيهون

Quote: يا ريت يا عمران الناقصنا ملاعب وبس كان الامر بيهون

يا باشمهندس كان بدينا نعد الناقصنا أحسن نجي من الآخر ونقول ما عندنــا التكتح
أها وبعدين ؟؟
الناس بيفكروا في بكرة وكيف حا تكون الإستادات ونحن قاعدين نحسب في الناقصنــا ؟؟
ده شكل إستاد بكره :

____
صور تصاميم لملاعب مستقبلية

حبايبي عمران + اساسي
تعرفوا احيانا برتاح جدا لما تكون الكره في استاد المريخ ولو انه برضو الجودة ماموجودة
لكن شاهدت كرة الفريق المصري مع جنوب افريقيا في استاد الكلية الحربية
مبالغغغغغغغغغغه دا بس مفروض يقّد حسني مبارك في الحكم عشرين سنه تاني

Quote: مبالغغغغغغغغغغه

يا ولي نقعد ( نتمطَق ) بس نحن
بالمناسبة بيسموهو ملعب فرعي لقوات مصر الحربية ، وهو يسع لـ 35 ألف شخص جالس
وده إستاد القاهــرة ( الدولي )


____
موقع لحصر ملاعب كرة القدم بالعالم
بما فيها إستادات السودان بس الصور لإستادين أو ثلاثة
(لا يسمح بإحضار صور إستادات غير مفهومة البناء إلى الموقع )

يا عمران عندي قريبي كان شغال عندكم في واحد من الأحياء الراقية في الرياض

ومهجس بقصة الرجوع للسودان في نفس الوقت (الزول الماسك هنا وهناك داك ـ شفتا كيف)

فكنت كل ما أمشي ليهو زيارة ونجي نمشي المسجد أو أي مكان سواء، وطوال الطريق وهو يدير رأسه متجولاً به بين القصور والفيلات ويتذكر قطعة الأرض التي يدفع دم قلبه لتسديد أقساطها في الوادي "الأخدر"..

ويقول لي : أسي عليك الله السودان "الخرطوم" بعد كم سنة ممكن تبقى زي المحلة دي

فكنت بقول ليهو: ولا يوم القيامة

فكان يضطر لابتلاع ريقه وبقية كلامه لأنه كان يريد إجابة تطمئنه حتى ولو متخيلة أو كاذبة..

أها اسي انت برضو اتخيل لي زيو!!

وبرضو مضطر أقول ليك : ولا يوم القيامة يمكن أن تصبح مثل هذه التخيلات حقيقة..

Quote: وبرضو مضطر أقول ليك : ولا يوم القيامة يمكن أن تصبح مثل هذه التخيلات حقيقة.

والله تبقى مصيبة يا حبيب
بالمناسبة يا هادي أنا بتنمى أشياء ترفع راس الناس
الكورة بقت لايف من جوة البلد ، والتقييم بيدي انطباع جيد عن البلد والناس الفيها
مسألة البيوت والنظام وباقي الكلام ده ليهو يوم ما فلا بد لحواء أن تتذكر الصابرين من خلق الله .
صدقني أجمل أيام العمر كانت في بيت جالوص لا شكل جمالي له ولكنه لا يهم أحداً خارج حدود بلدي
حاجات زي المطار ، وطرق البلد وملاعب الكرة بتدي انطباع إيجابي لحد ما
فلم لا نفعــل ؟

يا صديقـي
لك الـتّحيّة

شوف الكلام دا :-

Quote: ملعب ميناء الدوحة وسيكون ملعب ميناء الدوحة متحركاً بالكامل وبسعة 950ر44 مقعداً. صمم الملعب، الواقع على شبه جزيرة اصطناعية في الخليج، لاستحضار الإطار البحري. ستجري مياه الخليج على واجهته الخارجية، ما سيساعد في عملية التبريد وتحسين مظهره الخارجي. وسيكون متاحاً للمشجعين الوصول إلى الملاعب من خلال التاكسي المائي أو العبارات. بعد نهائيات كأس العالم، سيفكك الملعب بأكمله وترسل المقاعد إلى الدول النامية للمساعدة في تطوير كرة القدم لديها.

وُدّي

والله يا عمران بالغت..عايز تخسرنا مية ريال في صمة خشمنا

الحمدلله لؤي جاب ليك الكلام المفيد:

Quote: بعد نهائيات كأس العالم، سيفكك الملعب بأكمله وترسل المقاعد إلى الدول النامية

اصبر لغاية 2022 والصابرات روابح:)

عزيزي عمران


سلام

ياخوي شجر العشر والحسكنيت ده نابت من تربتنا وفي تربتنا..

نحن عندنا الارض الزين..

لكن بنخلي الزرع الكعب يتطاول..
وكل البجينا من الارض وما من تالي السما..

الارض البور تتنضف اولا ثم تزرع بما يصلح!!!
لو انعدل الراس.. الجسم بينعدل..


تحياتي

Quote: ياخوي شجر العشر والحسكنيت ده نابت من تربتنا وفي تربتنا.. نحن عندنا الارض الزين.. لكن بنخلي الزرع الكعب يتطاول.. وكل البجينا من الارض وما من تالي السما.. الارض البور تتنضف اولا ثم تزرع بما يصلح!!! لو انعدل الراس.. الجسم بينعدل..

ياسلام ياعبد العزيز عيسى ياصفوة
جبت النجيضة

يا عبد العزيز يا فنان

Quote: لو انعدل الراس.. الجسم بينعدل..

عندكـ خبر يا عز انو في مليارات إندفعت في كريمة عشان خاطر ملعب كورة جميل إلى حد ما
دي صورتو :



وباقي الصور هنا

Quote: والله يا عمران بالغت..عايز تخسرنا مية ريال في صمة خشمنا

يا دكتورة إنت اتعاملتي مع الموضوع خارج إطار ( الخيال الواسع )
عشان كدي المية حرقتكـ قبال تدفعيها

أبو اللوووووووول يا حبيب
كيف رطوبتكـ اليومين ديل
وأنا برلوم غُربة صادفت مباراة باستاد الملك فهد
أها (الخلاص حفظوها ) ديل ساقوني استاد الملكـ فهد ( الله يرحمو )
صدقني لا اذكر أنني سألت عن المباراة ولا الغالب منو ؟
كنت تايه ومندهش فعلاً
ويبدو عليا فعلاً ( جديد )
( ما زلت مندهشـاً رغم السنين !!)
___
هذه الصورة خاصة بوزارة حكومية سعودية تم التعامل معها بواسطة الوكالة لمعرض جايتكس الرياض وهي مصغرة حجماً ودقةً بعشرة مرات أقل .


_________________
ألم أقل لكـ ما زلت مندهشاً !!

أليانز أرينا

القلعة الألمانية ما زالت تثير الدهشة يا صبري
منذ 2006 وكأنها مولود جديد
الألمان أسياد الإتقان ولا شكـ
إليانز أرينا جوهرة


هنـــا باقي حاجاتم


_________________
ملاحظة بس يا صبري أنا قصدي المساكين الحولنا ديل
عديمي التاريخ الكروي
لموها وعملوا ما يرفع شأن البلد ( ولو بالصور بس )

لبنان رغم الحرب والطائفية وليس لها أيِ حضور كروي يذكر
لكن لها حضور من حيث ( المنظر ) .
_______



ستاد طرابلس الاولمبي يقع في منطقة البلاجات البحرية
وهو تحت اشراف بلدية طرابلس
يعتمد عليه الاتحاد اللبناني لكرة القدم
سعته 25000 الف متفرج
تم انشائه في عام 2000 من قبل الفيفا والاتحاد الاسيوي هذا الملعب يتمتع بالمواصفات الدولية

وفيه غرف لتغيير ملابس للاعيبين، والحكام وقاعات أخرى ومركز للعلاج الفيزيائي، واجنحة خاصة للاعلام

سلام يا أخي عمران
غايتو أنا عندي ولدي حريف جداً في لعب الاكس بوكس
وعندو القيم بتاع فيفا 2010
اكتشفت انو فيهو السودان
قمت أجبرتوا يلعب نهائي كأس العالم الفي جنوب أفريقيا
السودان والكميرون
وطبعاً فاز السودان بي كاس العالم في القيم
ولقيت ليك برضو بجيبو فرحة اللاعبين بالكاس
وهيثم مصطفى رفع الكاس فوق
وبعد داك جابو ليك النشيد الوطني

طبعاً الكلام دة كلو أنا ما استغربت ليهو زي استغرابي من نفسي
ياخي انا لمان عزف النشيد الوطني عيوني دمعت
وجاتني رعشة ما تعرفها كيف كيف
يا زول لمان خجلت ليك من ولدي
الكان بيقول لي وانا بشجع بحماس
اتز جست اقيم داد

والله حكاية الله ينعل الكيزان

يا بشرى وقسماً بالله ريحة دُعاش صعيد القضارف ودوكة متخيلو دايماً وسط نعمة التطور رغم الأسى
والله ينعل حكوماتنا مما قامت ، حدها ( كومي وكومكـ )
ياخي لو بس لموها من زمن ( مليم ) كان كملت وفاتت حد الوصف


________
رابط ملاعب السودان على الإنترنت

أخى العزيز السلام عليكم..

Quote: هذه الصورة خاصة بوزارة حكومية سعودية تم التعامل معها بواسطة الوكالة لمعرض جايتكس الرياض وهي مصغرة حجماً ودقةً بعشرة مرات أقل

بقدر ما عجبتنى الصور عجبنى كلامك الكتبتو ده..

الغيرة لم تمت...ولكن نحن شعب معظمنا بنعمل بالتنظير أكثر من العمل فى أرض الواقع.

وعندنا شماعات كثيرة بنعلق عليها حاجاتنا....

عايزين ناس مسؤولة..وصدق فى التعامل..والخبرة..تتخيل المادة هنا ماضرورى لأننا ممكن نعمل حاجات بسيطة وقدر إمكانياتنا.

أنا عمومآ معاك فى الخيال الواسع ده وممكن أمشى ليكم بهناك وأنفذ ليكم العايزنو..أبشر بألأمل الجديد..

تقديرى وأحترامى...

فكرتونى بمجزرة مصر وجزائر فى استادنا
اللى خليت وحده مصريه تقول فى التلفزيون قال الاستاد حقنا بيشبه ميادين الكوره الفى حواريهم
بركه الخسروا عندنا عشان لسانهم السليط

Quote: بركه الخسروا عندنا عشان لسانهم السليط

وخساراتنــا نحن كيف يا أخت رانية ؟
يا ريت لو كان عننـا واحد لسانو سليط من زماااان ، كان بقينا ناس

الحبيب اسماعيل عباس
اليمنين زعلانين من على صالح ،
بعض العملو سيظل يتذكره به الناس هناكـ رغم دكتاتوريته
؟
_____________________________
مجسم لملعب تم تنفيذه وأقيمت عليه بطولة الخليج

يا قريبي كيفنك
دة استاد مراكش الغربي
افتتحوه قبل شهر تقريبا
ولعبوا فيهو مباراتهم مع الجزائر
الناس ديل يا حبيب لا عندهم بترول ولا عندهم حسكنيت شوية خضروات وفوسفات وسياحة وأي غني جاء هنا عرس منهم


اها قول سوينا الاستاد
نجيب مشجعين زي ديل من وين
نحن مشجعننا كلهم الشفت وأساسي وود جبرين وود البشرى وود الصايم




وشوف وزير الرياضة حقهم دة فرحان وسط الجمهور كيف

.


طارق البكَاي
الشر غاادي وبعيد ياخي

حسي لوم ليا المريخابي ده ؟


مشجع سوداني يحتفل بالحضري على طريقته الخاصة

مزيداً من المغائص