والي الخرطوم .. ناس تدوهم شركات الحكومة بالمجان والمساكين تنزعوا منهم

بالعلن قامت احدى شركات ولاية الخرطوم بنظافة مسشتفى الرويال مجااااااان ولا قرش ولا تعريفة
واول امس والي الخرطوم
يصرح في بري انه بصدد انتزاع مستشفى خاص من مالكه لانو لم يعد قادرا على اكمالو
بالله شوف
طيب طالما وجه المدسينة المشرف هاميك
اجتمع بي صاحب المستشفى الذي يعمل على بناء مستشفاه من عرق جبينه ونسبة لظروف البلد والتي يعلمها الوالي قبل غيره
عرق جبينه نشف
اجتمع بيه وسهل ليه طريقة تمويل
بكدة تكون ساعدت على ابقاء وجه المدينة مشرف
واسهمت في زيادة الرقعة العلاجية للمواطنين
وحفظت لصاح المستشفى ماء وجهه وكرامتو
بس طوالي جاري تنزع ؟!!!!!!!!!!!

بعدين يا سعادة الوالي
الواحد في الخطابات السياسية بعمل حساب الناس البخاطبهم
يعني ما ممكن تجي منطقتي عشان تساعدني تقوم تهددني
ومن المعروف انو الحكومات المتقدمة بتدرس مشاكل اصحاب الاعمال الصغيرة المتعثرة
لانهم في الاخر واحد من الروافد التي تفذي الخزينة حينما تدخل في المظلة الضريبية
ياخ ساعدهم ما تشيل منهم ده رزق عيالهم
مولهم ان شاء الله من باقي الغسيل
طواااااالي تنزع ؟

والا يا سعادة الوالي عايز تنزعو عشان تديه لي ناس الرويال يكملو بيه الجرتق؟
شوف يا سعادة الوالي عدد المباني بتاعة المغتربين اللي ما قادرين يتموها في الخرطوم كم ؟
ما سالت نفسك ليه الناس ما قادرة تكمل مبانيها اللي دفعت فيها شقا عمرها ؟
لانو يا سعادة الوالي الناس بتقوم بما لم تقم به الدولة من تعليم وعلاج وكسوة وسكن وسترة حال من جيبهم الخاص
ماذا قدمت الدولة لاصحاب الاعمال الصغيرة؟
هذه الدولة الجبائية
وبعدين هل كل زول ما قدر يتم المبني بتاعو ينزعوا منو؟؟؟؟؟!!!

طيب ما تشتغلو بالقاعدة البتقول لاضرر ولا ضرار
وتعرضو تشتروا منو
بس تنزعو ا دي كتيرة شديد

حكومة قلاعة قلع
بالانتزاع