Post: #1
Title: جمعة في المسيلة ...بعد الغياب
Author: امير طمبل
Date: 06-04-2011, 01:58 PM
Parent: #0
بعد توقف دام طويلا ..عاود لقاء الجمعة بثوب جديد
بالأمس بصحبة كل من جاء جنة المسيلة وأنا أرى كيف أن الليل والسمار والمغنى
الذي ما جال بفاهٍ إلا غسلها وما خطر بقلب إلا أشجاه ,
كدت أقول أن أبي الحسن القيرواني كان بيننا في جلباب السفير التني
أو بين طيات عمامة د. أسامة أو مختبئ بين شعيرات عزام الكثة غير المرتبة عمداً ,
كنت أظنه بيننا وقال حين أختتمها سمعة وأسدل أستار جمعة المسيلة
:يا ليل, الصَبّ متى غُده رقد السمّار وأرّقه ..
حقيقة جمعة شمبات الشهيرة قد تكررت في المسيلة ...
بداية قوية ..حضور مشرف ..تقديم باحترافية من قبل
المخرج السينمائي العالمي اسماعيل محمد الحسن
الذي اعلن عن موعد الجمعة القادم في 17 يونيو القادم
علي نفس المكان و الزمان وسيكون ضيف شرف اللقاء المرتقب
الفنان عاصم البنا ..
سأترككم مع الصور ..
الاستاذ اسماعيل مقدم اللقاء مرحبا بالضيوف
و سمعة في لقطة معبرة مع طمبل الصغير
السفير التني في مقدمة الحضور و معه المخضرم عمدتنا الشبلي
ابدع الفنان صلاح فالولة
جانب من الحضور الانيق من اللقاء
|
Post: #2
Title: Re: جمعة في المسيلة ...بعد الغياب
Author: امير طمبل
Date: 06-04-2011, 01:59 PM
Parent: #1
البقية تاتي من صور و فيديو
ولي عودة عن ما اثير حول اللقاء
|
Post: #3
Title: Re: جمعة في المسيلة ...بعد الغياب
Author: امير طمبل
Date: 06-04-2011, 02:07 PM
Parent: #2
التحية و التقدير الي الصديق العزيز الاستاذ عصام درماس
العازف الشهير مشاركا مع الفنان عصام الخالدي
|
Post: #4
Title: Re: جمعة في المسيلة ...بعد الغياب
Author: امير طمبل
Date: 06-04-2011, 02:14 PM
Parent: #3
حضور جميل للزملاء بالبورد كمال علي الزين
وخليل يتوسطهما الرياضي محمد حمدي
|
Post: #5
Title: Re: جمعة في المسيلة ...بعد الغياب
Author: امير طمبل
Date: 06-04-2011, 02:21 PM
Parent: #4
من اليمين للشمال
الشاب الخلوق شريف نصرالدين احد اعمدة رواد اللقاء
منذ بداياته و الفنان صلاح فالولة مع معتز سالم
|
Post: #6
Title: Re: جمعة في المسيلة ...بعد الغياب
Author: امير طمبل
Date: 06-04-2011, 02:29 PM
Parent: #5
عزام حسن فرح في تصريحات
للصحفي عادل ابراهيم حمد المشرف
علي صفحة السودان بجريدة الشرق
حول عودة اللقاء القوية
|
Post: #7
Title: Re: جمعة في المسيلة ...بعد الغياب
Author: امير طمبل
Date: 06-04-2011, 02:42 PM
Parent: #6
الاستاذة الرائعة سارة حضرت اللقاء و اعتزرت
عن عدم تقديم وصلة غنائية لاصابتها بوعكة صحية خفيفة
و اوعدت الحضور باللقاء القادم بتقديم اعمال
جديدة لها التحية ولاسرتها ..
|
Post: #8
Title: Re: جمعة في المسيلة ...بعد الغياب
Author: معاوية عبيد الصائم
Date: 06-04-2011, 04:02 PM
Parent: #7
ويـــــــــــــــــــن ناس الصقرية والعرضة ضهرية ...بالذات(كاتب)رواية المجلودة والطبال...
امير طمبل يا صديق اريتك طيب والاسرة....
|
Post: #9
Title: Re: جمعة في المسيلة ...بعد الغياب
Author: هشام درماس
Date: 06-04-2011, 06:14 PM
Parent: #8
الاخ العزيز امير طمبل بعدالغياب بعدالليالي المرة في حضن الغذاب عادالحبيب المنتظر عودا حميد مستطاب برغم اننى غير محظوظ لعدم حضوري هذه الجلسه ولكنى موجودبوجوداخى وشقيقي عصام درماس والتحيه لك ولكل الاصدقاء وتحيه خاصة للاخ الجميل اسماعيل وعزام حسن فرح بس كان ناقصه الاخ الكبير احمددرماس
|
Post: #10
Title: Re: جمعة في المسيلة ...بعد الغياب
Author: امير طمبل
Date: 06-04-2011, 06:21 PM
Parent: #8
| Quote: ويـــــــــــــــــــن ناس الصقرية والعرضة ضهرية ...بالذات(كاتب)رواية المجلودة والطبال... |
الحبيب معاوية ودعبيد
كمية من الاشواق يا عزيز و حمد الله علي سلامة العودة
ناس الصقرية و العرضة ضهرية الله يسلمك عندهم كيتة دولية
تسلم يا حبيبنا ...سرتني طلتك البهية الماركسية
تحياتي الي كل شباب جدة السعودية
|
Post: #11
Title: Re: جمعة في المسيلة ...بعد الغياب
Author: معاوية عبيد الصائم
Date: 06-04-2011, 06:24 PM
Parent: #10
قصدك السيرة الختامية يا طمبل
|
Post: #12
Title: Re: جمعة في المسيلة ...بعد الغياب
Author: امير طمبل
Date: 06-04-2011, 06:27 PM
Parent: #10
| Quote: بعدالغياب بعدالليالي المرة في حضن الغذاب عادالحبيب المنتظر عودا حميد مستطاب برغم اننى غير محظوظ لعدم حضوري هذه الجلسه ولكنى موجودبوجوداخى وشقيقي عصام درماس والتحيه لك ولكل الاصدقاء وتحيه خاصة للاخ الجميل اسماعيل وعزام حسن فرح بس كان ناقصه الاخ الكبير احمددرماس |
أووو حبيبنا هشام درماس
يعلم الله فقدناك ...سعدنا بعصام درماس العازف
المتمكن جدا و كان نجم الحفل الأول بمقطوعاته
الموسيقية الممتازة ...أخونا أحمد درماس أعتزر عن
اللقاء نسبة لمشغولياته الكثيرة ...ان شاء الله تكون
قضيت اياما جميلة بين بورداب الرياض ...
رافقتك السلامة يا حبيب و منتظرينك غدا بأذن الواحد الاحد
شكرا لمرورك
|
Post: #13
Title: Re: جمعة في المسيلة ...بعد الغياب
Author: خالد المحرب
Date: 06-04-2011, 06:37 PM
Parent: #10
الطمبلاوى اين الاستاذ بدر الامير من هذا اللقاء المستنير
البارح بصحبة ابنكم هشام درماس طربنا فى دار الاخ طارق مرغنى
حتى الساعات الاولى من الصباح
التحيه لناس الدوحه الحلوين ونرجو ان نوفق فى الحضور قريبا هناك
طبعا مع اشتداد الحراره غيرنا الى كوارع الغنم بدلا من البقرى
والامنتناع من تناول اللحوم البيضاء حيث ذبح لنا الاخ طارق سمكه كبيره
وابدعت فوزيه كعادتها فى فى الكوارع والسمكه ولكن لم تنال السمكه حظها
لان الكوارع استفزت الجميع
|
Post: #14
Title: Re: جمعة في المسيلة ...بعد الغياب
Author: امير طمبل
Date: 06-04-2011, 07:07 PM
Parent: #13
Quote: الطمبلاوى اين الاستاذ بدر الامير من هذا اللقاء المستنير
البارح بصحبة ابنكم هشام درماس طربنا فى دار الاخ طارق مرغنى
حتى الساعات الاولى من الصباح
التحيه لناس الدوحه الحلوين ونرجو ان نوفق فى الحضور قريبا هناك
طبعا مع اشتداد الحراره غيرنا الى كوارع الغنم بدلا من البقرى
والامنتناع من تناول اللحوم البيضاء حيث ذبح لنا الاخ طارق سمكه كبيره
وابدعت فوزيه كعادتها فى فى الكوارع والسمكه ولكن لم تنال السمكه حظها
لان الكوارع استفزت الجميع |
االصديق الجميل
خالد المحرب (أبوأحمد)
المسنير ودالامير يبدو انه كان في احتفالية اخري
كانت في نفس التوقيت بتاع اللقاء ....
و اختنا فوزية الله الصحة و العافية ما قصرت معاكم
خصوصا في الاسماك الشهية ...
نتمني ان تكون بيننا قريبا لانك زول صاحب واجب
ودار العامرة كانت عامرة بالاحتفاليات لكل ضيوف الرياض
وشكلكم أمس سهرتكم كانت فايف ستارس في دار الحبيب طارق
نحن هنا في
لدوحة نعد من الان لاستقابلك الحار
فقد اوصيت الست الوالدة في ارسال بعض البهارات
لزوم التتبيل و كده علما بان اللحوم الطازجة صارت تاتي
يوميا الي قطر بالاضافة الي الالحوم البيضاء
وكل ادوات الهضم و خلافه ...
تسلم يا ابو احمد لمرورك الكريم
|
Post: #15
Title: Re: جمعة في المسيلة ...بعد الغياب
Author: طارق ميرغني
Date: 06-04-2011, 07:56 PM
Parent: #14
لقاء كان متميزا بوجود اخي هشام درماس
والبورداب الشيخ خالد المحرب واخي اسعد الريفي وصلاح هاشم السعيد
بالاضافة الي عديلي د. شوقي
وضيفنا الاستاذ ياسر ابن خالة درماس
كان لقاء السحاب وبالفعل شيخ المحرب
نزل في حرابه وصقريه لكن ....مع الكوارع
الف تحيه لجمعاتكم العامره
والف تحيه لصديقي عزام وسمعه
|
Post: #16
Title: Re: جمعة في المسيلة ...بعد الغياب
Author: عماد الشبلي
Date: 06-04-2011, 09:39 PM
Parent: #15
شكرا امير
برجع ليك بالصور
|
Post: #20
Title: Re: جمعة في المسيلة ...بعد الغياب
Author: امير طمبل
Date: 06-05-2011, 11:51 AM
Parent: #16
Quote: شكرا امير
برجع ليك بالصور |
عمدتنا الشبلي
تسلم يا زوق ..وانا بلخص في الجلسة
حتي تكتمل الصورة
|
Post: #17
Title: Re: جمعة في المسيلة ...بعد الغياب
Author: امير طمبل
Date: 06-04-2011, 09:47 PM
Parent: #15
Quote: كان لقاء السحاب وبالفعل شيخ المحرب
نزل في حرابه وصقريه لكن ....مع الكوارع
الف تحيه لجمعاتكم العامره
والف تحيه لصديقي عزام وسمعه |
حبيبنا طارق ميرغني
كلمني شيخ المحرب باللقاء تمنيت لو كنت معكم
غايتو ودالمحرب بدأنا من الان التجهيز
فلقد طلبت من الست الوالدة الدكوة و الشطة
القبانيت و الشمار الاخضر لزوم التتبيل
علما بان الايام دي عندنا نوعية ممتازة من الكوارع
البقري ده خلاف الاقاشي الشهير ...
كذلك جمعتنا كانت شبيهة بالمقيلة في شمبات
برفقة بعض الوجوه الطيبة
تحياتي لك يا صديق المسافات
|
Post: #18
Title: Re: جمعة في المسيلة ...بعد الغياب
Author: هشام درماس
Date: 06-05-2011, 00:21 AM
Parent: #17
الاخ الطمبلاوي .. حقيقه كانت ليله من اجمل الليالي وكانت ستكتمل جمالا ورونقا لو كنت حضورا بيننا وانت عارف اخوك لما يحلو السمر ..... والى الملتقي
|
Post: #19
Title: Re: جمعة في المسيلة ...بعد الغياب
Author: بدر الدين الأمير
Date: 06-05-2011, 11:21 AM
Parent: #18
طمبلاى
جميل ان تتعدد منابر افراحنا وليالى مسراتنا
وقدرنا ان انفرح في الشتات ونحزن في الشتات
ومن غربة لغربة ...
بس ياريت يتم النتسيق حتى لا تذوب ليالى افرحنا القليلة
في خضم شلالات احزاناالمامعروف مداها...
لان( لحظات الفرح القليلة البتمر علينا سرعان ماتلاحقها العديد
من الاحزان) خلولنا نتسلح لاحزاننا بشى من افراحنا وزى ماقال
حميد وغنا مصطفى (ايه الدنيا غير لمة ناس في خير او ساعة حزن)
|
Post: #22
Title: Re: جمعة في المسيلة ...بعد الغياب
Author: امير طمبل
Date: 06-05-2011, 12:18 PM
Parent: #19
Quote: طمبلاى
جميل ان تتعدد منابر افراحنا وليالى مسراتنا
وقدرنا ان انفرح في الشتات ونحزن في الشتات
ومن غربة لغربة ...
بس ياريت يتم النتسيق حتى لا تذوب ليالى افرحنا القليلة
في خضم شلالات احزاناالمامعروف مداها...
لان( لحظات الفرح القليلة البتمر علينا سرعان ماتلاحقها العديد
من الاحزان) خلولنا نتسلح لاحزاننا بشى من افراحنا وزى ماقال
حميد وغنا مصطفى (ايه الدنيا غير لمة ناس في خير او ساعة حزن)
|
صديقنا الجميل بدرالدين الامير
والله علي قولتك المفروض يتم التنسيق لمثل هذه الاحتفاليات
بس كما تعلم ظروف القاعات و الصالات دائما ما تحكمك فيما يخص
التاريخ ..لكن برضو حاجة جميلة ان تتعدد الفعاليات و الاحتفالات
حتي لا تكون محصورة في مكان واحد أتمني ان تكون بيننا في اللقاء
القادم في 17 يونيو المقبل
|
Post: #23
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 12:43 PM
Parent: #19
ملتقي الجمعة عاد بثوب جديد وفي قاعة جديدة
|
Post: #21
Title: Re: جمعة في المسيلة ...بعد الغياب
Author: امير طمبل
Date: 06-05-2011, 12:10 PM
Parent: #18
| Quote: الاخ الطمبلاوي .. حقيقه كانت ليله من اجمل الليالي وكانت ستكتمل جمالا ورونقا لو كنت حضورا بيننا وانت عارف اخوك لما يحلو السمر ..... والى الملتقي |
تسلم يا حبيبنا و اكيد الجايات أكثر من الرايحات
كلمني الحبيب طارق و الزول الجميل خالد المحرب
و فعلا كانت ليلة من ليالي السمر أن شاء الله
دايما ملمموين في المسرات ...
|
Post: #24
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 12:56 PM
Parent: #21
والدكتور كان قانص عند المدخل منتظر لحظة العودة
|
Post: #25
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 01:03 PM
Parent: #24
وخالة الدكتور سهام ساهيه في ترقب الانتظار
|
Post: #26
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 01:08 PM
Parent: #25
وسهام الاخري لم تفرط في الاستمرار
|
Post: #27
Title: Re: جمعة في المسيلة ...بعد الغياب
Author: امير طمبل
Date: 06-05-2011, 01:34 PM
Parent: #26
يا سلام يا العمدة صاحب العدسة (النشالة)
التي تسطيع سرقة اللحظات المختطفة من رحم الزمان
حتي لا ننسي ان هناك متسع للفرح لا يزال و متسع للغناء
لا يزال حقيقي جمعة شمبات الشهيرة تكررت في المسيلة
تسلم يا عمدتنا و ساحاول ان الخص الجلسة التاريخية
|
Post: #28
Title: Re: جمعة في المسيلة ...بعد الغياب
Author: امير طمبل
Date: 06-05-2011, 01:42 PM
Parent: #27
إستهل المخرج إسماعيل محمد الحسن مقدم جلسة أغانى الوجدان بعد طوال الغياب فى الموعد المحدد
لها بالظبط وكما عهدناه دائما هذا ديدنه ابتدر اللقاء مرحبا بالحضور الكرام
ومترحما على روح المرحوم دكتور عثمان سيداحمد البيلى والذى كان احد اعمدة اللقاء
(جلسة اغانى الوجدان بحضوره الدائم ومؤازرته الدائمه واهتمامه وقد وقف الجميع دقيقة حداد على روحه.
وبالرغم من طول الزمن الذى فرق بيننا و لم نلتقى ونحن اليوم حفيين بهذا الجهد المقدر
والذى جعل هذا اللقاء ممكنا .. نفتتح هذه الجلسة بتهنئة إدارة مركز اصدقاء البيئة
وعلى رأ س إدارتها الدكتور سيف الحجرى ونشكر اخونا عادل التيجانى
ايضا بالتكريم الكبير الذى تم لهذا الصرح فالف مبروك وهو تكريم صادف أهله.
قال المخرج سمعه اننا لم نتلتقى منذ طويل وقد كنا قد وعدنا حضورنا الكريم
بالكثير والمثير فى جلسات أغانى الوجدان السابقات إلا أن هذا حال الدنيا
.. يقول الشاعر " قرشي محمد حسن " فى أغنية الفنان عثمان حسين القاء الاول
يا حبيبي قلت لي
في اللقاء الأول
بين همس السنبل
وخرير الجدول
في المساء المقبل
سوف تلقاني ولكن ما ألتقينا
|
Post: #29
Title: Re: جمعة في المسيلة ...بعد الغياب
Author: امير طمبل
Date: 06-05-2011, 01:51 PM
Parent: #28
افتتح الجلسة الفنان صلاح فالوله أولى الاغنيات والتى اتت من وجدان الوجدان
رائعة الاستاذ الفنان محمد الامين يهنى بها الحضور الكريم بحسن العودة
وحلاوتها والتى غنيناها فى موال بتحكى عن الولف واصلو الولف كتال...
غربه وشوق من كلمات اسحاق الحلنقى
جيناكم ياحبايبنا بعد غربه وشوق
نغالب فيهو ويغالبنا
ونكتم اه تظهر اه تتعبنا
|
Post: #30
Title: Re: جمعة في المسيلة ...بعد الغياب
Author: امير طمبل
Date: 06-05-2011, 01:58 PM
Parent: #29
شرفت اللقاء العزيزة مني اسحق القادمة من عاصمة الضباب
الف مرحب بيك و نتمني لها طيب الاقامة في دوحة الخير
مني اسحق مع الطمبلاوية الصغيرة سارة
|
Post: #31
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 03:20 PM
Parent: #30
| Quote: مني اسحق مع الطمبلاوية الصغيرة سارة |
الطملاوية الصغار سيطرو علي اركان القاعة ركن ركن بصحبة ابوهم الذي علمهم السحر
توجد صور تثبت ذلك ....
|
Post: #32
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 04:17 PM
Parent: #31
الطمبلاوية الصغار
|
Post: #33
Title: Re: جمعة في المسيلة ...بعد الغياب
Author: كمال سالم
Date: 06-05-2011, 05:05 PM
Parent: #32
الأخ طمبل ,, تحياتى ,,
ياعزيزى طمبلاوى أسمح لى أن أقول لك إن ( مساعد الياى عمره لن يبقى ياى ) .
بمعنى آخر لابديل لمنتدى الحروف غير منتدى الحروف ولا بديل لملتقى الجمعه
إلا ملتقى الجمعه ,, ولابديل لمركز أصدقاء البيئه إلا مركز أصدقاء البيئه ,,
بلا مسيله بلا لمه . ( عالم ماتختشئ ) !!
|
Post: #34
Title: Re: جمعة في المسيلة ...بعد الغياب
Author: كمال علي الزين
Date: 06-05-2011, 08:36 PM
Parent: #33
Quote: الأخ طمبل ,, تحياتى ,,
ياعزيزى طمبلاوى أسمح لى أن أقول لك إن ( مساعد الياى عمره لن يبقى ياى ) .
بمعنى آخر لابديل لمنتدى الحروف غير منتدى الحروف ولا بديل لملتقى الجمعه
إلا ملتقى الجمعه ,, ولابديل لمركز أصدقاء البيئه إلا مركز أصدقاء البيئه ,,
بلا مسيله بلا لمه . ( عالم ماتختشئ ) !! |
والله ياكمال سالم أموركم تحير ,,
وين عدم الإختشا هنا ؟
ناس عملت فعالية تانية في مكان تاني ..
العاوز يمشي البيئة يمشي البيئة والعاوز يمشي المسيلة يمشي المسيلة
وأنا شخصياً مافاضلت بين الإتنين لما مشيت , يعني مافي زول جا حرضني على
المشي هناك ولا في زول جا قال لي ياخي تعالوا لينا بهناك عشان نفشل ليلة عادل
وبرنامج البيئة , ياخي مشينا بإختيارنا نجرب بضاعة جديدة ومكان جديد ..
فبالله ما تعملوا ياكمال من القصة أحلاف ومجموعات وتشقوا مجتمع الدوحة الأصلاً ماناقص
ولو في تنسيق يتم بين المنظومتين يتم بدون إتهامات وتجييش عشان نحنا بنضيع في النص
لأننا ماعندنا مشكلة مع القروبين , والفعالية البشوفا بتلبي طموح ليل جمعتي بمشيها
عادل وسمعة - المسيلة والبيئة
انشقاق جديد ماتروجوا ليهو حتى لو حقيقي حاول عالجوه بدون تجييش تيمين يبدأ التراشق
بينهم وما ينتهي إلا بتصنيف الناس , ده مع عادل وده مع ناس المسيلة وتبقى حكاية من حكايات
سودانيين الدوحة الما بتخلص .
أنا شخصياً بقول ليك عجبني جداً في ليلة المسيلة (عدم وجود الألفة) وحرية الكلام (في أي حاجة)
وأنا زول فوضوي بطبعي ..
ولو الجمعة الجاية فعالية عادل عجبتني بمشي عليها ولو في نص الفعالية لقيت نفسي ما مرتاح
والوضع ما عاجبني بمشي المسيلة وهكذا ..
فما تضيقوا الواسع وتختزلوا القضايا في كيمانكم الفارغة دي ..
|
Post: #35
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 08:52 PM
Parent: #34
Quote: ولو الجعة الجاية فعالية عادل عجبتني بمشي عليها ولو في نص الفعالية لقيت نفسي ما مرتاح
والوضع ما عاجبني بمشي المسيلة وهكذا ..
فما تضيقوا الواسع وتختزلوا القضايا في كيمانكم الفارغة دي .. |
هذا كلام العقل والعقلاء يا كمال الزين
وزين ما قلت ..
مشكور ...
|
Post: #36
Title: Re: جمعة في المسيلة ...بعد الغياب
Author: خالد المحرب
Date: 06-05-2011, 09:08 PM
Parent: #35
Quote: غايتو ودالمحرب بدأنا من الان التجهيز
فلقد طلبت من الست الوالدة الدكوة و الشطة
القبانيت و الشمار الاخضر لزوم التتبيل
علما بان الايام دي عندنا نوعية ممتازة من الكوارع
البقري ده خلاف الاقاشي الشهير ... |
طمبل انا طبعا جيت الدوحه 3 مرات وكان ابن اخى د ابوحريره هناك
وابننا احمد يوسف ابوحريره اذكر اخر مره وانا هناك اتصلوا بى الاستاذ السنى ونور الهادى
وقالو لى نحن فى طريقنا اليك ولكن انا كنت فى طريقى الى المطار راجع الرياض الشاهد من كلامى
ودى بركز عليها جدا اتمنى ان التقى بكل بورداب الدوحه فى زيارتى القريبه جدا انشاء حتى اتعرف عليهم
فردا فردا
|
Post: #41
Title: Re: جمعة في المسيلة ...بعد الغياب
Author: امير طمبل
Date: 06-05-2011, 10:08 PM
Parent: #36
Quote: طمبل انا طبعا جيت الدوحه 3 مرات وكان ابن اخى د ابوحريره هناك
وابننا احمد يوسف ابوحريره اذكر اخر مره وانا هناك اتصلوا بى الاستاذ السنى ونور الهادى
وقالو لى نحن فى طريقنا اليك ولكن انا كنت فى طريقى الى المطار راجع الرياض الشاهد من كلامى
ودى بركز عليها جدا اتمنى ان التقى بكل بورداب الدوحه فى زيارتى القريبه جدا انشاء حتى اتعرف عليهم
فردا فردا |
حبيبنا خالد المحرب (أبوأحمد)
بورداب الدوحة ينتظرونك بفارق الصبر ...
أنت رجل حبوب و كريم و صاحب واجب ....
ما قمت به خلال زيارتي للرياض يطول الكلام عنه
حبابك الف يا ودالمحرب في دوحة الخير
|
Post: #37
Title: Re: جمعة في المسيلة ...بعد الغياب
Author: Siddig A. Omer
Date: 06-05-2011, 09:11 PM
Parent: #35
الى الجميع و بالجميع.....الفرحة لا تصُنع....بل...تُعاش....كالدعاش....فى فى ليال الغربة البعيدة...
شكراً للجهد المقدر....من كل من قام بالحفل الجميل.....
و اللمة...كانت غير....و الغنى زاتو كان غير....و الجو غير...
بس التنسيق لا يفقد للود قضية.....ما زلنا نحنا...نحن...
و المرة الجاية إنشاء الله فى الخور.....مالو؟؟؟؟
خور صديق القاعد بعيد
تخريمة:
دنيا أم بنايتن قش....!!!
|
Post: #38
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 09:30 PM
Parent: #37
Quote: بس التنسيق لا يفقد للود قضية.....ما زلنا نحنا...نحن...
و المرة الجاية إنشاء الله فى الخور.....مالو؟؟؟؟
خور صديق القاعد بعيد
|
صديق الصدوق
كلما نقول عليك قاعد بعيد ..
نلقاك قريب ,,,
في القلب
عشت ...
|
Post: #42
Title: Re: جمعة في المسيلة ...بعد الغياب
Author: امير طمبل
Date: 06-05-2011, 10:17 PM
Parent: #37
Quote: الى الجميع و بالجميع.....الفرحة لا تصُنع....بل...تُعاش....كالدعاش....فى فى ليال الغربة البعيدة...
شكراً للجهد المقدر....من كل من قام بالحفل الجميل.....
و اللمة...كانت غير....و الغنى زاتو كان غير....و الجو غير...
بس التنسيق لا يفقد للود قضية.....ما زلنا نحنا...نحن...
و المرة الجاية إنشاء الله فى الخور.....مالو؟؟؟؟
|
صديقي الجميل صديق
كيفنك اخوي
تسلم للمرور و شكرا لكلماتك الانيقة ...
حضورك لنا كان مشرف جدا نعم ممكن مستقبلا
ان يقوم اللقاء (أغاني الوجدان) في الخور
المكان الجميل الذي شهد عددا من الرحلات و الحفلات
أخرها اليوم العائلي الجميل لرابطة المراة (سوا)
تسلم يا صديقنا الجميل ...
الصورة في رحلة الخور الاخير مع الصديق درماس
|
Post: #40
Title: Re: جمعة في المسيلة ...بعد الغياب
Author: امير طمبل
Date: 06-05-2011, 10:02 PM
Parent: #34
Quote: أنا شخصياً بقول ليك عجبني جداً في ليلة المسيلة (عدم وجود الألفة) وحرية الكلام (في أي حاجة)
وأنا زول فوضوي بطبعي .. |
يا سلام يا كيمو والله كلام في الصميم
وجود و صديقك زهير رستم كان أكبر دليل علي كلامك الفوق ده
كمال سالم يبدو انه يحاول ان يفتعل قصة ما ليها اي لزوم
أغاني الوجدان كفعالية ستستمر علي طول و الان نفكر في اقامتها
مستقبلا في احد الفنادق الشهيرة جدا و بس أنتظرو الجديد
سلمت يا حبيبنا
|
Post: #39
Title: Re: جمعة في المسيلة ...بعد الغياب
Author: امير طمبل
Date: 06-05-2011, 09:52 PM
Parent: #33
Quote: ياعزيزى طمبلاوى أسمح لى أن أقول لك إن ( مساعد الياى عمره لن يبقى ياى ) .
بمعنى آخر لابديل لمنتدى الحروف غير منتدى الحروف ولا بديل لملتقى الجمعه
إلا ملتقى الجمعه ,, ولابديل لمركز أصدقاء البيئه إلا مركز أصدقاء البيئه ,,
بلا مسيله بلا لمه . ( عالم ماتختشئ ) !! |
الصديق العزيز كمال سالم
مساء الخيرات
ما فهمت من كلامك حاجة في ما يختص ب (مساعد الياي عمره لن يبقي ياي)
منتدي الحروف له رواد و هي فعالية درجت ان تقام في مركز اصدقاء البيئة
بالنسبة لملتقي الجمعة و رغبة من رواده فقد تم تغيير اسم الفعالية الي
أغاني الوجدان و نقوم الان بعمل منتدي و ويب سايد علي الانترنت ...
هذا ما زم توضيحه يا حبيبنا
|
Post: #43
Title: Re: جمعة في المسيلة ...بعد الغياب
Author: عماد الشبلي
Date: 06-05-2011, 11:11 PM
Parent: #39
a
كمال حاضرا
|
Post: #44
Title: Re: جمعة في المسيلة ...بعد الغياب
Author: امير طمبل
Date: 06-05-2011, 11:19 PM
Parent: #43
أتحفنا يا عمدة ببقية الصور
نسيت اقول
افتتح الجلسة الفنان صلاح فالوله أولى الاغنيات والتى اتت من وجدان الوجدان
رائعة الاستاذ الفنان محمد الامين يهنى بها الحضور الكريم بحسن العودة
وحلاوتها والتى غنيناها فى موال بتحكى عن الولف واصلو الولف كتال...
غربه وشوق من كلمات اسحاق الحلنقى
جيناكم ياحبايبنا بعد غربه وشوق
نغالب فيهو ويغالبنا
ونكتم اه تظهر اه تتعبنا
حنين لشوفة الغالين مدوبنا
بعد غربه وشوق
هناك غربتنا ما هنتنا ياحلوين
هناك الهم بدل واحد يبين همين
ومهما قلوبنا تتاوه سنين وسنين
مصيرو الحى يلاقى حبايبو لو صادقين
سماع اهلا من الاحباب شروق امال
ووصف البهجة بالكلمات محال يتقال
حلاوة العوده غنيناها فى موال
تحكى عن الولف واصلو الولف كتال
وأردفها بلأغنية التى تقول
جانا الخبر شايلو النسيم
فى الليل يوشوش فى الخمائل
هش الزهر بكت الورود
وسالت مشاعر الناس جداول
رجع البلد
بعد السنين المره
يادوب العيون سهرن هجد
ياحليلو مارجع البلد
وعيونا ما سهرن هجد
ماغيرت ريدتو السنين
ومابدل احساسو الزمن
شفنا المشاعر الحلوه
فى ساحاتنا بى الامال مشن
كيف نسيبك تمشى تانى
وانت نورة البلد
العذاب فارق طريقنا
والعيون سهرن هجد
|
Post: #45
Title: Re: جمعة في المسيلة ...بعد الغياب
Author: امير طمبل
Date: 06-06-2011, 04:05 PM
Parent: #44
الأعزاء الكرام ...
وصلتني رسالة عبر الايميل من احد الاخوان
لم اتعرف علي شخصه ... قام بكتابة عبارات
مسيئة لي شخصيا ...كنت اتمني تكون عنده
شوية جراءة و يواجهني بدل هذه الطريقة
القبيحة ...سامحك الله ايها ال########
|
Post: #46
Title: Re: جمعة في المسيلة ...بعد الغياب
Author: امير طمبل
Date: 06-06-2011, 04:10 PM
Parent: #45
نسبة لبعض الالفاظ الشينة كنت من المفترض
أن انزلها هنا و لكن اقول لهذا ا ل ج ب ان
حضرت لهذه البلد من سنين طويلة جدا بعقد عمل
خارجي ..وليس كما تظن يا جهلول
|
Post: #47
Title: Re: جمعة في المسيلة ...بعد الغياب
Author: امير طمبل
Date: 06-06-2011, 05:47 PM
Parent: #46
قام الاخ عادل ابراهيم حمد مسئول صفحة
السودان بتنزيل خبر للمسيلة و البيئة
تسلم يا حبيبنا ....
صورة للموضوع
|
Post: #48
Title: Re: جمعة في المسيلة ...بعد الغياب
Author: عماد الشبلي
Date: 06-06-2011, 10:50 PM
Parent: #47
| Quote: غربه وشوق من كلمات اسحاق الحلنقى |
الطمبلاوي
لان الانامل لها احساس مرهف
ولان الانامل تصنع سحر الفنون
ولان الانامل اول من خط ذلك الشعر االبديع
ولان انامل الحلنقي حلقت بنا في سماء ليلة العودة ....
الصور الجاية ترصد ( انفعالات الانامل )
|
Post: #49
Title: Re: جمعة في المسيلة ...بعد الغياب
Author: عماد الشبلي
Date: 06-06-2011, 11:05 PM
Parent: #48
ونكتم اه تظهر اه تتعبنا
|
Post: #50
Title: Re: جمعة في المسيلة ...بعد الغياب
Author: عماد الشبلي
Date: 06-06-2011, 11:11 PM
Parent: #49
يادوب العيون سهرن هجد
|
Post: #51
Title: Re: جمعة في المسيلة ...بعد الغياب
Author: عادل التجانى
Date: 06-07-2011, 09:46 AM
Parent: #50
عرس الزين
في أماسي الإبداع بمنتدى الحروف
الأحباء أعضاء وضيوف منتدى الحروف – نسخة الدوحة
أهديكم تحياتي وأعضاء اللجنة المنظمة للمنتدى
وأدعوكم
لحضور جلسة من:
جلسات أماسي الإبداع
ضمن فعاليات منتدى الحروف
تتناول : بعض الإسكتشات والموسيقى والحوار حول
مسرحية عرس الزين
وذلك تمهيداً للعرض المرتقب للمسرحية بالدوحة قريباً
يقدم الأمسية الدكتور / النور حمد
ويشارك فيها الاستاذ / محمد السني دفع الله
ونجوم المسرح السوداني الأساتذة الزائرين للدوحة والمشاركين بالمسرحية :
أ . مصطفى محمد الخليفة
و
أ . موسى الأمير
وأعضاء المسرحية المشاركين من الدوحة
المكان : صالة منتدى الحروف بمركز أصدقاء البيئة
الزمان : الساعة 8:30 مساء الجمعة القادم الموافق 10 / 6 / 2011م
بكل المحبة نلتقيكم،،
|
Post: #52
Title: Re: جمعة في المسيلة ...بعد الغياب
Author: عادل التجانى
Date: 06-07-2011, 10:03 AM
Parent: #51
العزيز طمبل
وكل الأعزاء المتداخلين
يومكم جميل إن شاء الله
بكل المحبة أشكركم واشكر لكم آرائكم باختلافها
وأسجل هنا:
أعتبار حسن النية مسمى إحدى برامجنا حتى يحدث العكس
وأنني لن أسيء لأي شخص في الدوحة
حتى ولو قصد الإساءة إلي والتقليل من شأني
وذلك احتراماً لنفسي
وسوادنني الدوحة الذين كرموني
واشكر أخي إسماعيل لما قدمه في حفل تكريمي من جهد مقدر
وإن حدثت بعض الأشياء سواء أن كانت مقصودة أم غير مقصودة
فإن علاجها يمكن أن يتم في حدود المحبة والسلام بيننا
وختوا الكوره واطه يا جماعه
مع محبتي
عادل التجاني
|
Post: #53
Title: Re: جمعة في المسيلة ...بعد الغياب
Author: عماد الشبلي
Date: 06-07-2011, 11:25 AM
Parent: #52
Quote: أعتبار حسن النية مسمى إحدى برامجنا حتى يحدث العكس
وأنني لن أسيء لأي شخص في الدوحة
حتى ولو قصد الإساءة إلي والتقليل من شأني
وذلك احتراماً لنفسي
وسوادنني الدوحة الذين كرموني
واشكر أخي إسماعيل لما قدمه في حفل تكريمي من جهد مقدر
وإن حدثت بعض الأشياء سواء أن كانت مقصودة أم غير مقصودة
فإن علاجها يمكن أن يتم في حدود المحبة والسلام بيننا
وختوا الكوره واطه يا جماعه
مع محبتي
عادل التجاني |
لو لم تكن انك ذلك التجاني الرائع ...
لكنت عادل الاروع .........
شكرا علي هذا الجمال ...
من سيمنعني من الحضور هو السفر
تشكر علي روحك الطيبة ...
|
Post: #54
Title: Re: جمعة في المسيلة ...بعد الغياب
Author: Sharif Nasirladeen
Date: 06-07-2011, 12:11 PM
Parent: #53
أخي طمبل شكرا لأيراد الخبر
والله المبدع فالولة و المبدع الخالدي أبدعو في التطريب ...
لكن ما عارف لو موافقني الرأي أم لا أن مقدم البرنامج (أسماعيل) نقته كانت ما عادية
أخي عادل التيجاني أنت دايما كبير بيه أخلاقك و موافقك و أتمنى التوفيق لمنتدى الحروف
|
Post: #55
Title: Re: جمعة في المسيلة ...بعد الغياب
Author: امير طمبل
Date: 06-07-2011, 01:04 PM
Parent: #54
Quote: العزيز طمبل
وكل الأعزاء المتداخلين
يومكم جميل إن شاء الله
بكل المحبة أشكركم واشكر لكم آرائكم باختلافها
وأسجل هنا:
أعتبار حسن النية مسمى إحدى برامجنا حتى يحدث العكس
وأنني لن أسيء لأي شخص في الدوحة
حتى ولو قصد الإساءة إلي والتقليل من شأني
وذلك احتراماً لنفسي
وسوادنني الدوحة الذين كرموني
واشكر أخي إسماعيل لما قدمه في حفل تكريمي من جهد مقدر
وإن حدثت بعض الأشياء سواء أن كانت مقصودة أم غير مقصودة
فإن علاجها يمكن أن يتم في حدود المحبة والسلام بيننا
وختوا الكوره واطه يا جماعه |
الأخ الحبيب الاستاذ
عادل التجاني
تحية قلبية صادقة
شكرا جزيلا لمرورك و تعليقك الرائع ...
أنت رجل فنان ولك مواقف مشرفة لا يختلف عليها
كل من عرفك هنا او في السودان و ما التكريم الاخير
لشخصك خير دليل لكل مواقفك يا عزيز ...
الشي الحصل بخصوص جمعة المسيلة شي عادي جدا و طبيعي
الا ان البعض حاول أن يعطي الموضوع اكبر من حجمه ....
و القصة في النهاية نوع من التغيير ليس الا ...كل الفعاليات
انا من وجهة نظري المتواضعة مفيدة للكل علي اي حال يظل منتدي الحروف
والبرنامج الجديد حسن النية و خلافه من الفعاليات التي تدور في دوحة الخير
فيها نوع من التواصل الاجتماعي و الثقافي و الفني لك وافر شكري و تقديري
ولكل الاحباب بالدوحة
|
Post: #56
Title: Re: جمعة في المسيلة ...بعد الغياب
Author: عماد الشبلي
Date: 06-07-2011, 01:06 PM
Parent: #54
عزام فرح وانامل تلامس مهنة جديدة ...
|
Post: #57
Title: Re: جمعة في المسيلة ...بعد الغياب
Author: عماد الشبلي
Date: 06-07-2011, 01:15 PM
Parent: #56
الخالدي واللحن الخالد
|
Post: #58
Title: Re: جمعة في المسيلة ...بعد الغياب
Author: امير طمبل
Date: 06-07-2011, 01:21 PM
Parent: #56
Quote: الطمبلاوي
لان الانامل لها احساس مرهف
ولان الانامل تصنع سحر الفنون
ولان الانامل اول من خط ذلك الشعر االبديع
ولان انامل الحلنقي حلقت بنا في سماء ليلة العودة ....
الصور
الجاية ترصد ( انفعالات الانامل ) |
العمدة حبيبنا
الانامل عندك يا فنان تسلم للصور الرائعة
و عن الانامل اجمل ما قرأت عنها الاتي
تبارك الله أحسن الخالقين
حبانا بها دونما العالمين
تقرّب منا البعيد وتزهو
تدور رشيقه..دون عياء
تداعب أوثار الفنون وترقى
خطوطآ تخطُّ بكلّ مرونة
عذوبتها في الحراك ليونة
كزورق في بحر حُبّ تهادى
تفنّن في العزف وفي الهدهدة
|
Post: #60
Title: Re: جمعة في المسيلة ...بعد الغياب
Author: امير طمبل
Date: 06-07-2011, 01:31 PM
Parent: #58
الاخ شريف الظريف
تحياتى
ليس فى الامر عجب فهذه هى النفس البشريه
إنت كنت من اكثر المتحمسين وكنت من اوائل الحضور
ماكنت اظنه قد يفسد للود قضية ويقودك الى ان تقول ما انت قائله
وقول واى كلام مثل هذا مردوود مردودودى
يا صديقى برضو من الاسلحة التى كان يستخدمها اخرون
ولكنها اسلحه فالصو .. أتمنى ان لاتصيبك العدوى
فهذه العدوى قاتله ذى انفلونزا الخنازير ..
ما اظن ان مقدم الجلسة ومعدها قد كان يسهب فى الحديث
الا للتتنوير والافاده وتوصيل المعلومة
اوعى تخلى اخونا عزام يضحك عليك ويقول انت من الناطقين بغيرها .
.فلربما لم تكن مركز او قد قفلت عليك بعض التداعيات
وتماهى الذكريات فلا حرج عليك اخى.على قول المثل ليس بالامكان ارضاء كل انسان
وسلمت يا صديق المسافات
|
Post: #59
Title: Re: جمعة في المسيلة ...بعد الغياب
Author: رانيه محمد الشيخ
Date: 06-07-2011, 01:27 PM
Parent: #56
ملمومين فى الخير دايما ان شاء الله
صور جميله بيكم
الله يحفظكم
|
Post: #61
Title: Re: جمعة في المسيلة ...بعد الغياب
Author: امير طمبل
Date: 06-07-2011, 01:55 PM
Parent: #59
Quote: ملمومين فى الخير دايما ان شاء الله
صور جميله بيكم
الله يحفظكم |
الزميلة العزيزة
رانية محمد الشيخ
أذيك يا دفعة و دفعة دي لدخولنا المنبر في نفس العام
تسلمي يا رانيا و الجمال كان في مرورك الكريم
سعدت بيك جدا مع كامل اعزازي
|
Post: #62
Title: Re: جمعة في المسيلة ...بعد الغياب
Author: امير طمبل
Date: 06-07-2011, 02:03 PM
Parent: #61
Quote: وأنني لن أسيء لأي شخص في الدوحة
حتى ولو قصد الإساءة إلي والتقليل من شأني
وذلك احتراماً لنفسي
وسوادنني الدوحة الذين كرموني
واشكر أخي إسماعيل لما قدمه في حفل تكريمي من جهد مقدر
وإن حدثت بعض الأشياء سواء أن كانت مقصودة أم غير مقصودة
فإن علاجها يمكن أن يتم في حدود المحبة والسلام بيننا
وختوا الكوره واطه يا جماعه |
الاخ عادل التجاني
بكل الود نقول ان اختلاف وجهات النظر ابدا لايفسد للود قضيه
ونقولها بالصوت الواضح وعالى النبره نحن برضو ليس من شيمتنا
ان نسىء الى اى كائن ما كان حتى ولو هو قد تعمد الاساءه الينا
وسيرة من بعث لى بلايميل لازالت عالقة غفر الله له
.وما قام به المخرج اسماعيل من تكريم لشخصك في الفيلم التسجيلى الرائع
كما ذكر لى كثير من الاخوان الذين
شاهدوا العرض ونال استحسان الجميع وتقديرهم
وبما فيه قد كان بكل حفاوته واريحيته وطيبة
نفسه المعهودهانما تنم عن اصل معدن طيب ونفيس
ندر وجوده فى هذا الزمان .
وللمطبلاتيه وحارقى البخور وكل من يريد ان يصطاد فى الماء العكر
نقول ارفعوا ايديكم عن عادل التيجانى الفنان
وعن المبدع الخلاق المخرج اسماعيل محمد الحسن .وذى ما قلت الكوره واطه.
|
Post: #63
Title: Re: جمعة في المسيلة ...بعد الغياب
Author: امير طمبل
Date: 06-08-2011, 09:45 AM
Parent: #62
البحراوي أحمد عبدالمنعم مع عزام حسن فرح
و الزول الجميل د. جمال الماحي و دندش طمبلاوي المشاكس
مع تمنياتنا لكم اسامة و حرمه
|
Post: #64
Title: Re: جمعة في المسيلة ...بعد الغياب
Author: أبو ساندرا
Date: 06-08-2011, 10:51 AM
Parent: #63
تعرف يا تمبلاوي
مع إنك مصنف تاريخيآ زول بتاع بلاوي
لكن انا بشهد ليك بأنك من مثيري الفرح في كل مكان تغشاه
مسكون بالأغنيات الملهمات ، وبالقفشات والمجلجل من الضحكات
ومازالت تلك الأمسيات المترعة بالفرح وبالشغب ماثلة في الوجدان
لمن عرفت إنك متزعم ( حركة المسيلة ) قلت: ان القوم موعدون بالمتعة هناك
وتمنيت ان يلم فيني ديامي[/B]
|
Post: #65
Title: Re: جمعة في المسيلة ...بعد الغياب
Author: أبو ساندرا
Date: 06-08-2011, 11:20 AM
Parent: #64
| Quote: وتمنيت ان يلم فيني ديامي |
العبارة دي كانت في نهاية كلامي أعلاه
ولو أي واحد ركز ح يظن إنها عبارة وقعت من موضوع تاني هنا
لأنها تبدو زي الماعندها علاقة بما سبقها من كلام
بتبدو كده
لكنها ذات علاقة وطيدة
بس لازم ارجع ليك وراء شوية
في سنة 80 بيتنا كله وقع في حفرة حزن سحيقة وعجيبة
كان اول مرة يموت لينا زول في البيت ، من ناس البيت
وليس أي زول ، كان الزول البيعمل حركة في أي حتة ، زيك كده
مات في حادث حركة وعمره 27 سنة وبيكبرني ب ثلاث سنوات
يا زول كانت صدمة ساحقة جدآ
وكنت في قمة حزني وشايف الدنيا دي ما بتسوي أي حاجة
ونفسي طالعة منها ، في اليوم الثالث ربنا هيأ لي ديامي عزيز
جاء قعد جمبي بعد المغرب وقال : عندي طلب صغير منك رجاءآ نفذو لي وطاوعني
حركت رأسي علامة الموافقة وفي سري قلت : ياخ قول وأطلب أي حاجة ، أصلها الدنيا ما بتساوي حاجة
قال : هو طلب بمجرد ما توافق عليه ح تجيي سلسلة طلبات اتمنى تطاوعني
قلت : ابشر
قال : تقوم تمشي معاي البيت ( في الشارع الثاني )
طوالي قمت ،، ورح ،، مشينا بيتهم
طلب مني دخول الحمام ،، دخلت ،، وفي سري قلت ،، أصلآ انا محتاج
المهم ، يا تمبل عشان ما اطول عليك ، الزول ده اداني هدوم من عنده
وقال لي تعال معاي ،، جيت معاه بدون نقاش وكان ظني إنو ح يوديني شارع النيل
عشان قبل كده انا وهو ودينا صاحبنا في اسبوع رحيل والده هناك في محاولة لإخراجه من الحزن
|
Post: #66
Title: Re: جمعة في المسيلة ...بعد الغياب
Author: أبو ساندرا
Date: 06-08-2011, 11:23 AM
Parent: #65
ومشيت معاه ، جينا بشارع النيل وعبر الكبري ووداني بانت في ام درمان
حفلة كاربة جدآ ،، مغنى تمام ومزازيك تلعلع والحفلة كلها بترقص وحت تمام
ايامها كنت خنفس كبير ، وبهيئتي ديك جن اتنين وجرني على الحلبة ورقصت
وإندمجت ، وأظني رقصت بهستيريا عشان فجأة لقيت الناس عملت دائرة حولي
فتوقفت وحاولت اطلع مع صيحات واصل ديك
اكني طلعت وخلف الصيوان جعرت ، كبيت أبوجعران طويل
ورفعت بكب تقيل جدآ
ربتت على كتفي يد ، وجدته الديامي النبيل حضني
وقال لي ، ماعندك مخرج غير كده
رجعت البيت أفضل حالآ ، لكن كنت موزع بين الرضا والخجل
خجلان من الحضر حفلة ورقص تالت يوم من موت شقيقه
|
Post: #67
Title: Re: جمعة في المسيلة ...بعد الغياب
Author: أبو ساندرا
Date: 06-08-2011, 11:53 AM
Parent: #66
Quote: رجعت البيت أفضل حالآ ، لكن كنت موزع بين الرضا والخجل
خجلان من الحضر حفلة ورقص تالت يوم من موت شقيقه |
أها يا ابوكرعين طوال ، عرفت انا كنت محتاج لديامي في اليومين ديل ليش ؟
وأكيد كان ح يوديني المسيلة
|
Post: #68
Title: Re: جمعة في المسيلة ...بعد الغياب
Author: امير طمبل
Date: 06-08-2011, 12:19 PM
Parent: #64
برجع ليك برواااقة يا صديق الزمن السمح
حبيبنا بركوووووتا
|
Post: #69
Title: Re: جمعة في المسيلة ...بعد الغياب
Author: امير طمبل
Date: 06-08-2011, 12:54 PM
Parent: #68
بوساندرا
ياخي لازم اقول ليك بادى ذى بدء أنو ده حال الدنيا
وذى ما قال المغنى يوم تفرح يوم تبكي
ىتانى حاجه وانا فى زفة الحزن النيل وانت تسرد حالة حزن
محفور فى دواخلك
حفرة حزن سحيقة وعجيبة
كان اول مرة يموت لينا زول في البيت ، من ناس البيت
وليس أي زول ، كان الزول البيعمل حركة في أي حتة ، زيك كده
مات في حادث حركة وعمره 27 سنة وبيكبرني ب ثلاث سنوات
يا زول كانت صدمة ساحقة جدآكانت صدمتى انا برضو ساحقة جدا
عندما اكتشفت انك قد بلغت من العمر عتياوبحسبه بسيطة من عام 80 الى اليوم الفينا ده
تكون قد بلغ عمرك 64 عاما وهو فى اتجاه الجلاكين ...ما تغالطنى وتقول لى حسابك غلط وكده ...
وان شاء الله البركه فيكم ..
كنت بعثتك ليك ديامى
لانو ليلة المسيلة كانت بالف ليلة وليلة
فقد كانت جلسة مست دواخل دواخلنا وطرب وابداع لامقطوع ولاممنوع
وتجليات من مبدعينا صلاح فالوله وعصام الخالدى والفنانه الشابه ساره زهران
كانت هناك ولكن ظرفها الصحى حال دون غنائها تلك الليلة
ولكنها قد وعدت الحضور بالجايات ووعدنا المخرج الفنان بالكثير المثير الخطر
.ويا صديقى الجايات اكتر من الرايحات ونحن فى انتظارك فى المسيله
ونسال الله ان لاتسيل لك دمعة مره اخرى.
|
Post: #70
Title: Re: جمعة في المسيلة ...بعد الغياب
Author: أبو ساندرا
Date: 06-08-2011, 01:15 PM
Parent: #69
رياضيات ماعندك نوهائي
|
Post: #71
Title: Re: جمعة في المسيلة ...بعد الغياب
Author: امير طمبل
Date: 06-08-2011, 01:30 PM
Parent: #70
أبو ساندرا
إن الحزن المعشش جوانا داير ليهو ديامى ملم ويعرف جيدا كيف يصنع الفرح
اخونا المخرج ده يا خى شكلو كده ديامى لانو ناس معهد الموسيقى ديل
فى الزمان القديم قدمكم كانوا بالقرب من الديم على ما أذكر
وبعدما حولو المعهد للعمارات برضو داخلياتم الكانوا ساكنيين فيها برضو فى الديم
وبيه كده يكون اخونا المخرج ده ديامى ود لذينه يعرف كيف يعيشنا فى قلب الفرح ...
ربتت على كتفي يد ، وجدته الديامي النبيل حضني
وقال لي ، ماعندك مخرج غير كده
ويا صديقى ما عندنا مخرج غير كده وأكيد المسيله هى مخرجنا والمخرج مخرجنا
وما همانا مدام مخرجنا معانا
المسيلة فى انتظارك الجمعة 17 يونيو باذن اللة ونحن فى انتظارك وبرضو بنرسل ليك زول
وكمان ديامى.--
صورة لمخرجنا الجميل
|
Post: #72
Title: Re: جمعة في المسيلة ...بعد الغياب
Author: امير طمبل
Date: 06-08-2011, 01:35 PM
Parent: #71
أبو ساندرا
يا صديقى اللدود
اول علامات الكبر الخرخره
اها انت بقيت تخرخر فى كل حاجه
ياخى بس دى تسحبها ..
رياضيات ماعندك نوهائي
ونحن برضو نحسبها وببساطه كده
سنة 80 كان عمرك 23 سنه
سنة 90 عمرك 33
2000 عمرك 44
2010 صار عمرك 54
ودى 2011 اليفن ينطح ايلفن يعنى ومن غير ادنى شك
يكون عمرك 64 عام ولو مغالطنى اسال النظاره التى تنام على ارنبة انفك
واى نقة ما بتخارجك الا نلقى لقيك نحن مخرج..
او كما قال المغنى
الساعة فى غيابك محسوبه بسنه سنه
يا باهى السنا ..
|
Post: #74
Title: Re: جمعة في المسيلة ...بعد الغياب
Author: عبدالأله زمراوي
Date: 06-09-2011, 12:08 PM
Parent: #73
رائعة فعاليتكم وصوركم. فتح الله عليكم...
|
Post: #75
Title: Re: جمعة في المسيلة ...بعد الغياب
Author: أبو ساندرا
Date: 06-09-2011, 12:36 PM
Parent: #74
ده ترفيع ساي
|
Post: #76
Title: Re: جمعة في المسيلة ...بعد الغياب
Author: امير طمبل
Date: 06-09-2011, 12:48 PM
Parent: #74
سعادة المستشار شاعرنا الجميل
مرحب بيك فى أغانى الوجدان ونادى المسيلة والله شاعرى
وحتى اغانى الوجدان محتاجة لشاعريتك يا فنان
المخرج الامريكى إسماعيل مهتم جدا بان يفرد جلسات لتلاحق الثقافات
والثقافه النوبيه على وجهه الخصوص وكان ان حكى لناعن المغنى عبدالهادى
نتمنى ان نسمعك من خلال هذه الجلسه وياريت لو فى مغنى من النوبه هنا كان
يرفد لينا الجلسة لاجمال النوبى وسماحة الكلمة والمفرده ..
ندعوك الى جلسة أغانى الوجدان الجمعة 17 يونيو
المكان صالة نادى مجمع المسيلة تجدون ما يسركم.
|
Post: #77
Title: Re: جمعة في المسيلة ...بعد الغياب
Author: محاسن زين العابدين
Date: 06-09-2011, 03:52 PM
Parent: #76
Quote: [الى الجميع و بالجميع.....الفرحة لا تصُنع....بل...تُعاش....كالدعاش....فى فى ليال الغربة البعيدة...
بس التنسيق لا يفقد للود قضية.....ما زلنا نحنا...نحن...
و المرة الجاية إنشاء الله فى الخور.....مالو؟؟؟؟
خور صديق القاعد بعيد |
|
Post: #78
Title: Re: جمعة في المسيلة ...بعد الغياب
Author: امير طمبل
Date: 06-10-2011, 03:18 PM
Parent: #77
| Quote: بس التنسيق لا يفقد للود قضية.....ما زلنا نحنا...نحن... |
الريس محاسن
أسعدني مرورك الكريم ..وحقيقي فقدناك في جمعة المسيلة
نتوقعك الجمعة القادمة 17 يونيو ...أغاني الوجدان مستمر
و سيعود بثوب جديد كل جمعة باذن الله ...
|
Post: #79
Title: Re: جمعة في المسيلة ...بعد الغياب
Author: امير طمبل
Date: 06-12-2011, 10:51 AM
Parent: #78
.
الى رواد واعضاء جلسة أغانى الوجدان
تأجيل جلسة أغانى الوجدان هذا الاسبوع
والمزمع أقامتها بصالة نادى مجمع المسيلة يوم الجمعة 17 يونيو.
بعد أن نما الى علمنا بتحديد موعد عروض
(مسرحية عرس الزين) والتى يتزامن عرضها بالمسرح الوطنى فى يومى 16/17 يونيو الجارى
مع جلسة أغانى الوجدان بالمسيله.
مسرحية عرس الزين وهى من ـ رواية الطيب صالح الشهيرة بنفس الاسم ومن اخراج السنى دفع اللة.
وقد أتصل بى الاخ المخرج إسماعيل م الحسن معد ومقدم الجلسة
وأفادنى بانه قد أتصل بالمخرج المسرحى م السنى دفع الله
وتأكد بان المسرحية قد حدد لها فعلا التاريخ المشار الية أعلاه
لذا رأيناوبكل بان يتم تاجيل الجلسة تضامنا مع هذا الحدث المسرحى الكبير
وان يعلن عن الجلسة القادمة فى موعدها باذن الله.
(جلسة أغانى الوجدان إبداع لامتناهى)
.
|
|