بكـرى أبوبكر؛

..
.
قال حكيم :
عندما يمدح الناس شخصاً، قليلون يصدقون ذلك وعندما يذمونه فالجميع يصدقون؛


---------

بمناسبة وجود قروبين فى الفيس بوك تتعلق
بسياسة إدارتكم لمنبركم ..

سلامات يا تبلدينا

طبعا
ما تنسي الوهمه بتاعت فى ناس
بيقولوا
نحنا بنينا المنبر ده
و المنبر ده قام علي أكتافنا
ولولا كتاباتنا ما كانت سودانيزاونلاين معروفه

و الحقيقه

إنو المنبر ده قام علي أكتاف بكرى و عرقو و مجهودو
و كل الناس برحلوا و بيحردوا
و بتفضل الساقيه بتاعت سودانيزاونلاين مدوره

و الحقيقه الأخرى
هى أن المنبر ساعد فى إشتهار و إكتشاف مواهب
و فى ناس طلعت للواقع من رحم إسفير المنبر
و فى ناس لولا سودانيزاونلاين لما عرفهم الناس أساسا
و فى ناس اذا سودانيزاونلاين دى قفلت هم بموتو لأنو ما عندهم شغله غيره

و يا بكرى المنبر منبرك
أعمل فيهو العاوز
لونو أحمر تلونو أخضر
تبيعو لي جهه تالته
إنته حر
سودانيزاونلاين هى منفذ للحريه
و برضو هى نوع من البيزنس و مثال علي كده الدعايات فى أعلي المنبر

أى زول ما عاجبو الوضع ده يخلي الكتابه أو يعمل منبرو الخاص و تكلفة الدومين كلها 3 دولار
التفكير العاطفي بتاع السودانيه ده الناس تخليهو شويه

سلام تبلدينا والف حمدا لله علي سلامة العودة ..
وشكرا لبكري الذي عرفنا بهؤلاء الناس الافاضل ..

Quote: طبعا ما تنسي الوهمه بتاعت فى ناس بيقولوا نحنا بنينا المنبر ده و المنبر ده قام علي أكتافنا ولولا كتاباتنا ما كانت سودانيزاونلاين معروفه

يبرز سؤال مهم وهو:- هل صنع ميسي برشلونة أم صنع برشلونة ميسي ؟!

مثال: إدارة برشلونة التي خطّطت لبناء الفريق منذ 15 عاماً كما صرّح تشافي هيرنانديز ...
وخلال هذه الـ 15 عاماً مرّ رونالدو وريفالدو وفيجو ورونالدينيو وإيتو وغيرهم ...
فهل بذهابهم ذهب البارسا ؟!

فنجاح أي موقع/منتدى حوار يعتمد اعتماداً كلّياً على إدارته ...
وقوة أي منبر حوار تعتمد بالمقام الأول على قوة إدارته وإمكانياتها العالية في التطوير ...
وكلّما كانت هذه الإدارة قوية ارتفعت معها قوة المنبر ...

نعم لتقديم كل ما من شأنه المساعدة في التطوير بما هو مسموح ...
ولا لسياسة التهديد ولي الذراع وكيّة للمابينا ...

وأيّ إدارة منتدى حوار غير مُلزمة بتنفيذ أيّ مقترح مهما كانت أهميته ...



دمت بود ،،،

لا شك لدي في أن بكري خلق منبرا مميزا وهو يقبض على الجمر
ولا شك أن المنبر ساهم في شهرة أسماء نباهي بها الشمس
ولا شك أيضا أن كتابات الأعضاء تثري هذا المنبر وتجعل له قراء كثر
من منا من لا يفتح المنبر من أجل قفشات ود الصايم
من منا من لا يفتح المنبر من أجل كتابات الرشاشة فيصل نوبي
من منا من لا يفتح المنبر من أجل خربشات خضر حسين في انصاص الليالي
من منا من لا يفتح المنبر من أجل بوستات ود الفاروق الفنية
من منا من لا يفتح المنبر من أجل سرق بسمة من قفشات ود شيقوق
من منا من لا يفتح المنبر من أجل الاستمتاع بأشعار اسماء الجنيد
من منا من لا يفتح المنبر من أجل البحث عن بوستات قمر بوبا وقضايا السدود في شمال السودان
من منا من لا يفتح المنبر من أجل أن يريح أعصابه بصوت خدر وهو يدندن
من منا من لا يفتح المنبر من أجل كتابات وليد الشفت عن المريخ
من منا من لا يفتح المنبر من أجل أدب أبو جهينة
من منا من لا يفتح المنبر من أجل نقاشات ود المشرف وكمال عباس
من منا من لا يفتح المنبر من أجل (كنابي) كيكي
من منا من لا يفتح المنبر من أجل الون تو بين حسبو ومورتا
من منا من لا يفتح المنبر من أجل (حمبكات) بت الشيخ عندما يكون المريخ مهزوما
من منا من لا يفتح المنبر من أجل بوستات مولانا ود المرتضى الجميلة
من منا من لا يفتح المنبر من أجل مختارات خليل الغنائية
هذه نماذج بسيطة من بحر هنا

كيمياء المنبر في كتابات وتفاعلات اعضائه
وبكري جعل الوعاء المناسب لهذه التفاعلات





تليشة:
يا شقي الحال انت كنت غاتس وين

تحية للجميع
وسلام مربع للباشمهندس (جيولوجي) بكري
عمل عظيم هذا الموقع
ولكن من رأي ان الموقع يحتاج لتطوير لمواكبةالتطورات في عالم الميديا
..
..
..
..
..
..

تبلدينا العزيز

حضرنا ولم نجدكم ......

شكرا

تحياتى الغالية لك و حمدا بالسلامة

Quote: Quote: طبعا ما تنسي الوهمه بتاعت فى ناس بيقولوا نحنا بنينا المنبر ده و المنبر ده قام علي أكتافنا ولولا كتاباتنا ما كانت سودانيزاونلاين معروفه يبرز سؤال مهم وهو:- هل صنع ميسي برشلونة أم صنع برشلونة ميسي ؟! مثال: إدارة برشلونة التي خطّطت لبناء الفريق منذ 15 عاماً كما صرّح تشافي هيرنانديز ... وخلال هذه الـ 15 عاماً مرّ رونالدو وريفالدو وفيجو ورونالدينيو وإيتو وغيرهم ... فهل بذهابهم ذهب البارسا ؟! فنجاح أي موقع/منتدى حوار يعتمد اعتماداً كلّياً على إدارته ... وقوة أي منبر حوار تعتمد بالمقام الأول على قوة إدارته وإمكانياتها العالية في التطوير ... وكلّما كانت هذه الإدارة قوية ارتفعت معها قوة المنبر ... نعم لتقديم كل ما من شأنه المساعدة في التطوير بما هو مسموح ... ولا لسياسة التهديد ولي الذراع وكيّة للمابينا ... وأيّ إدارة منتدى حوار غير مُلزمة بتنفيذ أيّ مقترح مهما كانت أهميته ... دمت بود ،،،