Post: #1
Title: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 03:46 PM
Parent: #0
*** يصادف اليوم 1/6/2011 عيد ميلاد زواجنا ال....
*** لذلك قررت أن أريح أم محمد حاجة ناهد و أنزلها المعاش
|
Post: #2
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 03:48 PM
Parent: #1
*** أنزلها المعاش من كافة الأعمال
الشاقة و المقيدة للحرية وكل أشكال التعذيب و الترهيب و القلق و العكننة
التى شهدتها معى .
*** أم محمد تلك التى تحملت كل جنونى و فنونى و حركاتى و شقائي .
تلك التى سهرت لكل غياباتى و مرضي و مرض أبنائي دون كلل أو ملل .
*** أم محمد تلك التى أحبت أهلى أكثر منى ، وانصهرت فى مجتمعى و بيئتى أكثر من أهلى .
*** حاجة ناهد تلك التى تكرم ضيفي و تجاهد فى رضاهم أكثر عنى .
|
Post: #3
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 03:53 PM
Parent: #2
*** فاشهدوا معى أننى و من اليوم سوف أعمل جاهدا لتعويضها كل ذلك العذاب و الألم .
حبا
وعطفا
و حنانا
و امنا
و كرامة .
|
Post: #4
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 03:58 PM
Parent: #3
*** فلك صديقتـى العزيزة ناهد كل الود وكل الحب
وكامل التقدير .
|
Post: #5
Title: Re: بمناسبة عيد ميلاد زواجنا ... قررت أن أنزلها المعاش
Author: Dr.Mohammed Ali Elmusharaf
Date: 06-01-2011, 04:08 PM
Parent: #4
الله يا الطيب ياخي ناهد دي الله يحفظها ويخليها ليك ولي اولادها
غايتو حظك كويس وحظها عاسر
وكل سنة وانت طيب وجرب رملة تل مرعب.......حاجة رهيبة
محبتي التي تعهد
|
Post: #6
Title: Re: بمناسبة عيد ميلاد زواجنا ... قررت أن أنزلها المعاش
Author: khaleel
Date: 06-01-2011, 04:22 PM
Parent: #5
يا سلام عليك يا سعادتك
عقبال ما تحتفلو باليوبيل الماسي لعيدكم زواجكما
ادام الله لكم هذا الجمال وهذا البهاء
|
Post: #7
Title: Re: بمناسبة عيد ميلاد زواجنا ... قررت أن أنزلها المعاش
Author: الرفاعي عبدالعاطي حجر
Date: 06-01-2011, 05:12 PM
Parent: #6
Quote: يا سلام عليك يا سعادتك
عقبال ما تحتفلو باليوبيل الماسي لعيدكم زواجكما
ادام الله لكم هذا الجمال وهذا البهاء |
يا سعادتك ابو الخل دا يبدو انو ما عارف انك
تجاوز كل اليوبيلات فضية وذهبية وماسية ....
تهانينا على هذا الرقي وتحياتي للزولة في
الجميلة جداً اصالة ورقي وطيبة ناهد ورقية
وصاحبتي الصغيرة العسل وسارة عمر مديد
وسعادة متصلة .
..................................حجر.
|
Post: #8
Title: Re: بمناسبة عيد ميلاد زواجنا ... قررت أن أنزلها المعاش
Author: Ali Sirelkhatim
Date: 06-01-2011, 06:18 PM
Parent: #7
الف مبروك عيد ميلاد زواجكم يا دفعة ومع اصدق الامانى لكم بدوام الصحة والعافية والسعادة
تخريمة
والله يا ناهد مفروض يدوك جائزة نوبل للصبر والصمودعلى الزول العكليت ده
|
Post: #9
Title: Re: بمناسبة عيد ميلاد زواجنا ... قررت أن أنزلها المعاش
Author: محمد فضل الله المكى
Date: 06-01-2011, 06:34 PM
Parent: #8
ماكفاية إتفصلت معاك تعسفياً
ومعاشك ما جايب ليهو قُفتين ملاح
لكم مودتي وتهانيّ القلبية د. الطيب
|
Post: #10
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 06:43 PM
Parent: #8
Quote: وجرب رملة تل مرعب.......حاجة رهيبة
|
*** يا دكتور مشرف أقول ليك المعاش تقول لى ال ( Camping )
ماهى دى الجنون و الفنون الفوقى دى .
*** شكرا يا دوك وعقبالكم مع عاطر التحايا .
|
Post: #11
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 06:51 PM
Parent: #10
Quote: عقبال ما تحتفلو باليوبيل الماسي لعيدكم زواجكما
ادام الله لكم هذا الجمال وهذا البهاء |
*** يا خليل يا خليى :
وأدام الله لك هذا الخلق و حسن الخلق .
لك الشكر الجزيل
|
Post: #12
Title: Re: بمناسبة عيد ميلاد زواجنا ... قررت أن أنزلها المعاش
Author: أسامه الكرور
Date: 06-01-2011, 06:59 PM
Parent: #11
مبروك يا الطيب وعقبال مية سنه
غايتو المدام دى جنتها مضمووووووووووونه مافى كلام
وانت غايتو بندعو ليك معانا ( نسوى شنو؟؟ )
والتحايا للمدام والأسره الكريمه
|
Post: #15
Title: Re: بمناسبة عيد ميلاد زواجنا ... قررت أن أنزلها المعاش
Author: HAIDER ALZAIN
Date: 06-01-2011, 07:12 PM
Parent: #12
ياجنابو
كفاية انها ضمنت بعكلتتك دي الجنة
التحية لك ولها وللاولاد
ولكم يا احباء
حيدر الزين
|
Post: #13
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 07:04 PM
Parent: #11
Quote: يا سعادتك ابو الخل دا يبدو انو ما عارف انك
تجاوز كل اليوبيلات فضية وذهبية وماسية ....
تهانينا على هذا الرقي وتحياتي للزولة في
الجميلة جداً اصالة ورقي وطيبة ناهد ورقية
وصاحبتي الصغيرة العسل وسارة عمر مديد
وسعادة متصلة .
|
*** رغم إنو جرس الكنايس ضرب إيذانا ببدء الاحتفال لاكين مداخلتك
يالرفاعي ما بقدر أفويتها .
*** فلك الشكر مثنى و ثلاث و رباع و حد الاستغاثة
ولك المودة بأكملها .
............... همسة......
بالرفاعي رقية دى منو ؟ بتنا اسمها آمنة و الصغيرة ترتيل
داير ترجعنا تااااانى ...
أصحى يا بريش
|
Post: #14
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 07:11 PM
Parent: #13
Quote: والله يا ناهد مفروض يدوك جائزة نوبل
للصبر والصمودعلى الزول العكليت ده |
*** يا على يا خوى الظاهر عليك داير تفوتنا الشوكولا
الفلم بدا .
*** تسلم يا دفعه وربنا يخلى ليك المدام وسامى وساتى
كل الأمنيات الطيبة .
|
Post: #17
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 07:17 PM
Parent: #14
Quote: ومعاشك ما جايب ليهو قُفتين ملاح
|
*** محمد فضل
والله صدقت
*** ألفين و خمسمية شكرا على المرور وعقبالك يا رب
|
Post: #16
Title: Re: بمناسبة عيد ميلاد زواجنا ... قررت أن أنزلها المعاش
Author: Adil Hamza
Date: 06-01-2011, 07:15 PM
Parent: #13
اتمنى لكم السعادة و الهناء
تحياتى لكما
ــــــــــــــــــ
نحن حا نرتاح من جنونك ده متين?
|
Post: #18
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 07:27 PM
Parent: #16
Quote: غايتو المدام دى جنتها مضمووووووووووونه مافى كلام
وانت غايتو بندعو ليك معانا ( نسوى شنو؟؟ )
|
*** هههههههاى ضحكتنى يا أسامة والله
خوفى تلقونى قدامكم خااااالف رجلى و الشيشة قدامى
و الجكس بعملى فى المساج
*** لك ولأخونا النور كل الأمنيات الطيبة
|
Post: #19
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 07:38 PM
Parent: #18
Quote: كفاية انها ضمنت بعكلتتك دي الجنة
|
*** هدير O Ops حيدر الزين
غايتو الواحد فى سودانيز دى أصلو ما يعترف بى حاجة
تبقوا لى فى توله.
*** يا رايع يا راقي لك كل التحايا النواضر .
...........ركنية ..
عرست ولا لسه زايغ ، نصيحة :
أ
و
ع
ك
|
Post: #21
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 07:51 PM
Parent: #19
| Quote: نحن حا نرتاح من جنونك ده متين? |
*** عادل ياخى نسيت أبارك ليك المره الجديدة
مبروك ياخ وبيت مال وعيال تاااانى .
المرة دى ما من الأهل مش كدة ؟
أسامة قال لى هى برضو كانت متزوجة .. ماشاء الله .
كدا كيف ليك ؟
*** صديقي عادل :
صدقنى أجد فى مداعبتك كل أوجه المتعة و الود،
دليلا على أخوة صادقة
فلك منى كل الود وكل الأمنيات بأجمل وأسعد حياة
|
Post: #33
Title: Re: بمناسبة عيد ميلاد زواجنا ... قررت أن أنزلها المعاش
Author: ihsan fagiri
Date: 06-02-2011, 04:57 PM
Parent: #4
معليش يا الطيب ياخوي اول ما قريت عنوان البوست --داعيتك (تنزل عليك النجمه )
كنت قايلاهو معاش الجماعه ناس مثني وثلاث لكن لقيتو معاش السرور
ربنا يخليكم لبعض
|
Post: #28
Title: Re: بمناسبة عيد ميلاد زواجنا ... قررت أن أنزلها المعاش
Author: osman righeem
Date: 06-02-2011, 11:40 AM
Parent: #2
Quote:
*** أنزلها المعاش من كافة الأعمال
الشاقة و المقيدة للحرية وكل أشكال التعذيب و الترهيب و القلق و العكننة
التى شهدتها معى .
*** أم محمد تلك التى تحملت كل جنونى و فنونى و حركاتى و شقائي .
تلك التى سهرت لكل غياباتى و مرضي و مرض أبنائي دون كلل أو ملل .
*** أم محمد تلك التى أحبت أهلى أكثر منى ، وانصهرت فى مجتمعى و بيئتى أكثر من أهلى .
*** حاجة ناهد تلك التى تكرم ضيفي و تجاهد فى رضاهم أكثر عنى . |
و نحن من الشاهدين
ونشهدانها من الكاظمين الغيظ العافين عنك
و ام محمد مرة الضيفان فقادة الجيران
متعها الله بالصحة والعافية
ويخليكم لبعض
بث بالجنبة كده : نسيت شنو فاتح مايكون الماسن....
|
Post: #20
Title: Re: بمناسبة عيد ميلاد زواجنا ... قررت أن أنزلها المعاش
Author: عاطف عمر
Date: 06-01-2011, 07:42 PM
Parent: #1
الحبيب الطيب
كل عام وأنتم بخير
زايدين محبة
وزايدين ستر
وزايدين فرحاً بأنجالكم
________________
شفت عنوان البوست فرحت جداً جداً
قلت ( ناخد نقلة ) منكم خاصة ونحن من نمشي بخطى حثيثة نحو ( العيد ) الخامس والعشرين
ومن غير أهل الشرطة يعرف ( فرحة ) المحكوم عليه بـ ( تأبيدة ) عندما يطل عامه الخامس والعشرين
نقوم نلقى ( الشغلانية ) تكسير تلج ؟؟؟
أختنا العزيزة ناهد تستاهل هذا الإحتفاء لكن يا سعادتك الفيك عرفناها
|
Post: #22
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 08:06 PM
Parent: #20
Quote: نقوم نلقى ( الشغلانية ) تكسير تلج ؟؟؟
أختنا العزيزة ناهد تستاهل هذا الإحتفاء لكن يا سعادتك الفيك عرفناها
|
*** عاطف يا هندسة
يا أخوى الحسد خلى
نحن لسه فى بداية طريقنا
25 سنة ؟ ياخى أنت لساتكك كلها بنشرت
نحن بى عافيتنا لسة و يرجى مننا الكتير المثير .
*** شـــكرا مقدرا باشمهندس ولك وللأسرة عاطر التحايا
|
Post: #23
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 08:17 PM
Parent: #22
*** يا أخونا هوى البرنامج دور
وكان تابعتكم بتلحس
بعد شوية يجونا ناس أمريكا وهولندا وسويسرا والواق الواق
و الواطة تكون عندهم نهار يضيعوا علينا ليلة الشوكولا .
باااي نغ تربيع
|
Post: #24
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-01-2011, 08:23 PM
Parent: #23
*** غايتو الليلة عادل سمير
حيموت
كمد
لأنو من الماخدين تأبيدات رسمى وشعبى
أخير منو ناس سوريا وليبيا و اليمن
|
Post: #25
Title: Re: بمناسبة عيد ميلاد زواجنا ... قررت أن أنزلها المعاش
Author: ناجية مصطفى
Date: 06-01-2011, 09:56 PM
Parent: #24
الطيب عثمان يوسف
كل عام وانتم ترفلون
فى الحب
والعطف
والحنان
وتنعمون بالأمن والأمان
والكرامة
لك ولها كل الود والتقدير
|
Post: #26
Title: Re: بمناسبة عيد ميلاد زواجنا ... قررت أن أنزلها المعاش
Author: Hayat Hussien
Date: 06-01-2011, 10:00 PM
Parent: #24
الف مبروك عيد زواجكم ربنا يخليكم لبعض
ويهنيكم جميل هذا الوفاء والتقدير منك
|
Post: #27
Title: Re: بمناسبة عيد ميلاد زواجنا ... قررت أن أنزلها المعاش
Author: Yousif A Abusinina
Date: 06-02-2011, 09:04 AM
Parent: #26
| Quote: *** يصادف اليوم 1/6/2011 عيد ميلاد زواجنا ال.... |
مالك خجلان على 25 ما عاوز تختها
اخوى الطيب بسم الله عليك الشغلة شكلها طلعت فى الراس ..... عليك بالرقية الشرعية دا اسرع علاج لحالتك
عيد زواج شنو البحلك من المسكينة دى
غايتو اخوانا سبقونا بدخولها الجنة ان شاء الله ..........كتر من الاستغفار ....واطلب العغو والسماح
الجماعة شكلهم لسع ماقرو البوست حقك الله يكون فى عونك
ــــــــــــــــــــــــــــــــــــــــــــــ
اختنا ناهد بنت حلال وان شاء الله ربنا يعوض ليها ايامها الباقية بالسعادة والحياه الامنة
تحية خاصه للزاهرات الحلوات ولمحمد ......
طولنا لاصوت ولا صورة الحكاية شنو ؟؟؟؟؟؟
|
Post: #29
Title: Re: بمناسبة عيد ميلاد زواجنا ... قررت أن أنزلها المعاش
Author: عبدالرحمن الحلاوي
Date: 06-02-2011, 11:41 AM
Parent: #27
عقبال ما تحتفلو باليوبيل الماسي لعيدكم زواجكما
ادام الله لكم هذا الجمال وهذا البهاء...تحياتنا لكم وأسرتكم
|
Post: #30
Title: Re: بمناسبة عيد ميلاد زواجنا ... قررت أن أنزلها المعاش
Author: طارق ميرغني
Date: 06-02-2011, 11:44 AM
يعني يا جنابو ناس الانقاذ نزلوك معاش
عايز تتسدي في المسكينه دي ؟؟؟
__________________________________
والله كلام ينم عن ذوق رفيع واخلاق ود بلد
ربنا يوفقها وهي تستحق اكثر من ذلك
ومقدما عقبال العيد المائه
|
Post: #31
Title: Re: بمناسبة عيد ميلاد زواجنا ... قررت أن أنزلها المعاش
Author: Nagat Sid Ahmed Elshiekh
Date: 06-02-2011, 01:59 PM
Parent: #30
سلام أخى الطيب عثمان ،
أفتكر العنوان المفروض يكون بمناسبة عيد ميلاد زواجنا قررت أهداء زوجتى وقية ذهب.
عشان انت لو اديتا المعاش برضو ح تكون شغالة طالما فى عيال،
تسلم وتحياتنا لزوجتك العزيزة وربنا يدوم المحبة بيناتكم.
|
Post: #32
Title: Re: بمناسبة عيد ميلاد زواجنا ... قررت أن أنزلها المعاش
Author: اسماء الجنيد
Date: 06-02-2011, 04:35 PM
Parent: #31
يا جنابو كل سنة وإنتو في سعادة ونعيم إن شاء الله
وربنا يكفيكم شر عين خلقو
التحية للأخت ناهد أم محمد
ولك اخي الطيب ودامت المودة بينكم إن شاء الله
|
Post: #34
Title: Re: بمناسبة عيد ميلاد زواجنا ... قررت أن أنزلها المعاش
Author: رشا بابكر
Date: 06-02-2011, 06:56 PM
Parent: #32
قـمـة الـوفـاء وصـدق الـولاء
متعك الله بالعافية أخي الطيب
وحفظ الله أم محمد
وجعل بيتكم واحة نعيم
|
Post: #35
Title: Re: بمناسبة عيد ميلاد زواجنا ... قررت أن أنزلها المعاش
Author: Ali Sirelkhatim
Date: 06-02-2011, 08:39 PM
Parent: #34
|
Post: #36
Title: Re: بمناسبة عيد ميلاد زواجنا ... قررت أن أنزلها المعاش
Author: عاطف نورالهدى الطاهر
Date: 06-03-2011, 04:15 AM
Parent: #35
ابوالطيب تحياتي
ياسلام عليك اسلوب حضاري جميل وانشاء الله ربنا يديم المحبه والسعاده بينكما ويخليكم لبعض،
لازم تنزل المعاش بكل مخصصاتها من دهب والماظ لانها عانت المسكينه،
|
Post: #37
Title: Re: بمناسبة عيد ميلاد زواجنا ... قررت أن أنزلها المعاش
Author: محمد الكامل عبد الحليم
Date: 06-05-2011, 07:50 AM
Parent: #1
تحية.....احتفاء جميل ونبيل...ذاخر بمعاني الوفاء...والروح المتجددة لرفقة مأمونة متجددة ايضا...
يلاحظ اتخاذكم القرار لكن الواقع الجميل يشير الي غير ذلك...القرار الان بيد من له خاصية الامساك بذراتك الكيمائية وصوغهافي بستان الالفة والمساكنة الوادعة....لهاوهي تمسك بمضع الشفاء من زخم العالم الخارجي المضطرب وتداعياته...تمسك بخطوط الطول المزاجية وتحيلها الي خطوط عرض تتسع باتساع الخيال الجميل...
لك ولها الاحترام وكل عام وانتم بخير
|
Post: #38
Title: Re: بمناسبة عيد ميلاد زواجنا ... قررت أن أنزلها المعاش
Author: Abdlaziz Eisa
Date: 06-05-2011, 08:07 AM
Parent: #37
الاخ/ الطيب
سلام
التحية لك ولزوجك الكريمة ناهد
وربنا يديم العشرة والحب..
مودتي
|
Post: #39
Title: Re: بمناسبة عيد ميلاد زواجنا ... قررت أن أنزلها المعاش
Author: المسافر
Date: 06-05-2011, 10:28 AM
Parent: #38
لا حولا
والقرار ده صدر تحت توقيعك وين؟؟
إنشاء الله النزول على بر السلامة والف سلامة في الدرب الطويل
والأمنيات السعيدة والأيام المجيدة
|
Post: #40
Title: Re: بمناسبة عيد ميلاد زواجنا ... قررت أن أنزلها المعاش
Author: ابراهيم الرشيد وراق
Date: 06-05-2011, 01:21 PM
Parent: #39
سيادتو الطيب
قراءة بالمقلوب او من زاوية اخرى.....
| Quote: لذلك قررت أن أريح أم محمد حاجة ناهد و أنزلها المعاش |
اوعك تكون ناوى تعرس تانى!!!!!يعنى لازم زوجة المستشار؟؟
الواحد اول ما يوصف شريكة حياته ويقول ليها ياولية...ياام فلان او فلانة...يا حاجة فلانة...
معناتو ناوى حاجة تانية... خلاص نسيت سبنا وجانوار يا خاين العشرة.
بالجنبة كده:
حمدا لله على سلامة ام محمد ومبروك قدوم الفارس طارق وانشاء الله شايل اسمه
والله تراك لسه ماعندك عوجة وبرسيم على السر نفع معاك.
جاهزين للايقاف الشديد يا سعادتك والحرس صلاح الكومر...
|
Post: #41
Title: Re: بمناسبة عيد ميلاد زواجنا ... قررت أن أنزلها المعاش
Author: محاسن أحمد محمد
Date: 06-05-2011, 03:07 PM
Parent: #40
يا سلام على الجمال وعلى الكلام البفتح النفس
بشعر بالسعاده والفخر لمن القى اعتراف زى ده
من الرجل
عشان كده اول حاجه احيك اخى الطيب عثمان ،
وليكم الصحه والعافيه
واتمنى ايامكم كلها تكون حب وسعاده
انته وأم محمد حاجة ناهد
|
Post: #42
Title: Re: بمناسبة عيد ميلاد زواجنا ... قررت أن أنزلها المعاش
Author: ياسر السر
Date: 06-05-2011, 03:39 PM
Parent: #41
كل سنة وإنتو طيبين اخي وقريبي الطيب وعقبال 100 شمعة ر\وربنا يمتعكم بالصحة والعافية .. وربنا يخلي ليك ام محمد .. مع تمنياتي لكم بالتوفيق في مقبل ايامكم ...
تحياتي : ياسر العيلفون
|
Post: #43
Title: Re: بمناسبة عيد ميلاد زواجنا ... قررت أن أنزلها المعاش
Author: أسامه الكرور
Date: 06-05-2011, 05:44 PM
Parent: #42
Quote: معليش يا الطيب ياخوي اول ما قريت عنوان البوست --داعيتك (تنزل عليك النجمه )
كنت قايلاهو معاش الجماعه ناس مثني وثلاث لكن لقيتو معاش السرور
ربنا يخليكم لبعض |
سلامات يا د. إحسان
الجماعه القاصداهم ديل بدايتم كانت ( أبو ريالين )
أها بعد قروش السُحت ما جات .. قاموا عملوا مثنى وثلاث ورباع
أبو ريالين طبعاً إنتى عارفاهو !!!!
التحايا للأخ د. قرشاب .. والأبناء وراشد وحمودى
|
Post: #44
Title: Re: بمناسبة عيد ميلاد زواجنا ... قررت أن أنزلها المعاش
Author: عبد الرحيم محمد عبد الرحيم
Date: 06-05-2011, 08:02 PM
Parent: #43
فاشهدوا معى أننى و من اليوم سوف أعمل جاهدا لتعويضها كل ذلك العذاب و الألم .
حبا
وعطفا
و حنانا
و امنا
و كرامة .
والله بسعمك على قول اخونا المصريين يصدقك ...!!
سبحان الله كل حاجة انا عارفاها حتخليها . بكلم !!
|
Post: #46
Title: Re: بمناسبة عيد ميلاد زواجنا ... قررت أن أنزلها المعاش
Author: ihsan fagiri
Date: 06-05-2011, 09:09 PM
Parent: #43
كيفك اسامه وكيف بتنا والعيال تمام
طبعا عارفين ابو ريالين
بس واحد اخونا قال
ابو ريالين السمح دا
ديل اشتري واحده والتانيه مجانا
تحياتي
|
Post: #45
Title: Re: بمناسبة عيد ميلاد زواجنا ... قررت أن أنزلها المعاش
Author: ASHRAF MUSTAFA
Date: 06-05-2011, 09:01 PM
Parent: #42
تحياتي يا جنابو وألف مبروك ياخ وعقبالنا
وليك فترة ما باين إنشاء الله المانع خير
ربنا يديكم العافية ويسعدكم ويهنيكم كمان وكمان
خالص الود
|
Post: #47
Title: Re: بمناسبة عيد ميلاد زواجنا ... قررت أن أنزلها المعاش
Author: على جويلى
Date: 06-05-2011, 11:17 PM
Parent: #45
مبـروك والله بـأجمـل تحيـه
والمسـك والطيـب نقـدمـه هـديـه
|
Post: #48
Title: Re: بمناسبة عيد ميلاد زواجنا ... قررت أن أنزلها المعاش
Author: سيف بخيت موسي
Date: 06-06-2011, 08:19 AM
Parent: #47
وهي تستاهل اكثر من ذلك يا جنابوا
أتمنى لك ولها سعادة ابدية
تحياتي لك صديقي العزيز
|
Post: #49
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-06-2011, 09:06 AM
Parent: #47
Quote: معليش يا الطيب ياخوي اول ما قريت عنوان البوست --داعيتك (تنزل عليك النجمه )
كنت قايلاهو معاش الجماعه ناس مثني وثلاث لكن لقيتو معاش السرور
|
*** د. احسان ، إزيك
داعيتك أنا زاتى
تنزل عليك الرحمة و البركة
و الصحة و العافية
*** شكرا مثنى و ثلاث و رباع
|
Post: #50
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-06-2011, 09:16 AM
Parent: #49
Quote: وهي تستاهل اكثر من ذلك يا جنابوا
أتمنى لك ولها سعادة ابدية
تحياتي لك صديقي العزيز |
*** هلا هلا سعادة المستشار سيف بخيت
*** حمدا لله على السلامة .
*** كل الشكر و عاطر التحايا لك و للأسرة .
ــــــــــــــــــــــــــــــــــــــ
جابت ولد
|
Post: #51
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-06-2011, 11:43 AM
Parent: #50
Quote: يا جنابو كل سنة وإنتو في سعادة ونعيم إن شاء الله
وربنا يكفيكم شر عين خلقو
التحية للأخت ناهد أم محمد
ولك اخي الطيب ودامت المودة بينكم إن شاء الله |
*** الأستاذة أسماء :
الحاجة ناهد تشكرك شكرا جزيلا .
*** ومنى كل الإحترام .
|
Post: #52
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-06-2011, 11:47 AM
Parent: #51
Quote: قـمـة الـوفـاء وصـدق الـولاء
متعك الله بالعافية أخي الطيب
وحفظ الله أم محمد
وجعل بيتكم واحة نعيم
|
*** الأخت رشا :
سليلة بيت العلم و الطيبة .
متعك الله بالصحة و العافية .
*** شكرا مقدر .
|
Post: #53
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-06-2011, 11:57 AM
Parent: #52
Quote: تحية.....احتفاء جميل ونبيل...ذاخر بمعاني الوفاء...والروح المتجددة لرفقة مأمونة متجددة ايضا...
يلاحظ اتخاذكم القرار لكن الواقع الجميل يشير الي غير ذلك...القرار الان بيد من له خاصية الامساك بذراتك الكيمائية وصوغهافي بستان الالفة والمساكنة الوادعة....لهاوهي تمسك بمضع الشفاء من زخم العالم الخارجي المضطرب وتداعياته...تمسك بخطوط الطول المزاجية وتحيلها الي خطوط عرض تتسع باتساع الخيال الجميل...
لك ولها الاحترام وكل عام وانتم بخير |
[green]*** عزيزى محمد الكامل عبدالحليم
أحرف تجسد سحر البيان و إمتلاك ناصية الكلم .
حلمك علينا ورفقا بنا فبنات الأفكار تكاد لا تنفك مما نسجت بأحرفك من خطوط طول وعرض تداخلت وتمازجت بكيمياء البنفسج .
*** تسلم ويسلك كيبوردك
.
|
Post: #54
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-06-2011, 12:09 PM
Parent: #53
Quote: يا سلام على الجمال وعلى الكلام البفتح النفس
بشعر بالسعاده والفخر لمن القى اعتراف زى ده
من الرجل
|
*** الفاضلة محاسن محمد أحمد
لك أكيد الشكر و العرفان و التقدير .
*** أشكر زيارتك الرقيقة هذه رغم جندريتها .
ــــــــــ ما تكلمى زولـ ــــــــــــــــــــــــــــ
عندى إعترافات تانية كتيييييرة بث ، بتودى غوانتنامو .
|
Post: #55
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-06-2011, 12:16 PM
Parent: #54
| Quote: جاهزين للايقاف الشديد يا سعادتك والحرس صلاح الكومر... |
*** صديقي أبراهيم الرشيد
تتلكلكوا و تجوا تتجرســوا .
*** صلاح الكومر ، ياهو شبهك .
*** تسلم صديقي ابراهيم ابن العم ولك وللدكتورة كل الأمنيات الطيبة . وموصولة لأخونا صلاح باباكر .
|
Post: #56
Title: Re: بمناسبة عيد ميلاد زواجنا ... قررت أن أنزلها المعاش
Author: عبد الرحيم محمد عبد الرحيم
Date: 06-06-2011, 08:04 PM
Parent: #55
Quote: والله بسعمك على قول اخونا المصريين يصدقك ...!!
سبحان الله كل حاجة انا عارفاها حتخليها . بكلم !! |
علق ..! بسرعة
عشان مااديك فى راسك
ودبرى
|
Post: #57
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-07-2011, 05:38 AM
Parent: #56
Quote: والله بسعمك على قول اخونا المصريين يصدقك ...!!
سبحان الله كل حاجة انا عارفاها حتخليها . بكلم !! |
*** ود برى العزيز
يا أخوى كان ما قدرت تكلم الناس كلهم برسل ليك مراسلين
العربية
و الجزيرة
و BBC
و CNN
و MBC
وباللاي سوى ليك مؤتمر صحفى وخلى المايشترى يتفرج .
أها رايك شنو ؟
ــــــــــ فى أضـانك ــــــــــــــــــ
خسمتك بالله و بالرسول كان تفتح خشمك
و الرووووووب يا سعادتك
أها قصرت معاك
ما تخرب علينا يا برعي ياخ
و ليك المرة دى 3 بدلات فرزاتشى
|
Post: #58
Title: Re: بمناسبة عيد ميلاد زواجنا ... قررت أن أنزلها المعاش
Author: عثمان رضوان
Date: 06-07-2011, 05:56 AM
Parent: #57
الأخ الطيب
تحياتي..
عند قراءة العنوان زعلت شديد
من حكاية تنزيلها للمعاش..
ولكن كلامك بالداخل أراحني.
ما أروع الرجل وما أقواه عندما
يُكرم زوجته.
مبروك وربنا يخلي ليك شريكة
حياتك ويخليك ليها، ويخليكم للعيال،
وإن شاء الله تشوفوا جديد أحفادكم.
|
Post: #59
Title: Re: بمناسبة عيد ميلاد زواجنا ... قررت أن أنزلها المعاش
Author: omer osman
Date: 06-07-2011, 09:32 AM
Parent: #58
الطيب & ناهد .......... الف مبروك وربنا يحفظكم ويديكم قدر نيتكم الطيبة
بالله ياناهد جهزي اوضة الضيفان في زول احتمال يجي عليكم قريب .......
|
Post: #60
Title: Re: بمناسبة عيد ميلاد زواجنا ... قررت أن أنزلها المعاش
Author: عبد الرحيم محمد عبد الرحيم
Date: 06-08-2011, 08:11 PM
Parent: #59
Quote: فى أضـانك ــــــــــــــــــ
خسمتك بالله و بالرسول كان تفتح خشمك
و الرووووووب يا سعادتك
أها قصرت معاك
ما تخرب علينا يا برعي ياخ
و ليك المرة دى 3 بدلات فرزاتشى
|
كده زول شاطر ...!
|
Post: #61
Title: Re: بمناسبة عيد ميلاد زواجنا ... قررت أن أنزلها المعاش
Author: عبد الله كسلا
Date: 06-09-2011, 08:01 AM
Parent: #60
ألف ألف مبروك يا جنابو
وحقيقةً ... ناهد تستاهل كل خير
وأنا أشهد على ظرفها وأدبها وحسن إستقبالها لضيوف جنابو
والأكثر .. والأهم .. حبها للسودانيين .. وإحترامها لضيوف جنابو ..
وكرمها اللامحدود .. ورأي من رأى بعينه .. ليس كرأي من سمع ..
قدر ما نتكلم ما حنوفيها حقها من الشكر والتقدير ..
ربنا يحفظها ويغطيها .. ويحفظ الكتاكيت الصغار ويكبرهم ويعليهم
وتشكر يا جنابو على البوست الجميل ده 
|
Post: #62
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-18-2011, 00:10 AM
Parent: #61
Quote: الأخ الطيب
تحياتي..
عند قراءة العنوان زعلت شديد
من حكاية تنزيلها للمعاش..
ولكن كلامك بالداخل أراحني.
ما أروع الرجل وما أقواه عندما
يُكرم زوجته.
مبروك وربنا يخلي ليك شريكة
حياتك ويخليك ليها، ويخليكم للعيال،
وإن شاء الله تشوفوا جديد أحفادكم. |
*** الأخ عثمان رضوان
دا من أصلك يا رجل يا رائع
لك أكيد الشكر وكامل التقدير
|
Post: #63
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-18-2011, 00:18 AM
Parent: #62
Quote: الطيب & ناهد .......... الف مبروك وربنا يحفظكم ويديكم قدر نيتكم الطيبة
بالله ياناهد جهزي اوضة الضيفان في زول احتمال يجي عليكم قريب ....... |
*** أبوعبد الرحمن يا شقيق
إزيك
زول منو؟ قصدك سعادة المستشار وكيل النيابة هههههههى
لك التحية يا عمر ومرحب بالسيد وكيل النيابة المخضرم
وعبرك كل الأمنيات الجميلة لأم عبد الرحمن .
|
Post: #64
Title: Re: بمناسبة عيد ميلاد زواجنا ... قررت أن أنزلها المعاش
Author: الطيب عثمان يوسف
Date: 06-18-2011, 00:25 AM
Parent: #63
Quote: ألف ألف مبروك يا جنابو
وحقيقةً ... ناهد تستاهل كل خير
وأنا أشهد على ظرفها وأدبها وحسن إستقبالها لضيوف جنابو
والأكثر .. والأهم .. حبها للسودانيين .. وإحترامها لضيوف جنابو ..
وكرمها اللامحدود .. ورأي من رأى بعينه .. ليس كرأي من سمع ..
قدر ما نتكلم ما حنوفيها حقها من الشكر والتقدير ..
ربنا يحفظها ويغطيها .. ويحفظ الكتاكيت الصغار ويكبرهم ويعليهم
وتشكر يا جنابو على البوست الجميل ده |
*** كسلا يا عمدة
كسلا يا عزيز
كسلا يا لطيف
لك وللمدام كل الأمنيات الحلوة
وتقبلوا منا كل الشكر و كامل التقدير .
|
Post: #65
Title: Re: بمناسبة عيد ميلاد زواجنا ... قررت أن أنزلها المعاش
Author: Yousif A Abusinina
Date: 06-18-2011, 06:35 AM
Parent: #64
Quote: مالك خجلان على 25 ما عاوز تختها
اخوى الطيب بسم الله عليك الشغلة شكلها طلعت فى الراس ..... عليك بالرقية الشرعية دا اسرع علاج لحالتك
عيد زواج شنو البحلك من المسكينة دى
غايتو اخوانا سبقونا بدخولها الجنة ان شاء الله ..........كتر من الاستغفار ....واطلب العغو والسماح
الجماعة شكلهم لسع ماقرو البوست حقك الله يكون فى عونك
ــــــــــــــــــــــــــــــــــــــــــــــ
اختنا ناهد بنت حلال وان شاء الله ربنا يعوض ليها ايامها الباقية بالسعادة والحياه الامنة
تحية خاصه للزاهرات الحلوات ولمحمد ......
طولنا لاصوت ولا صورة الحكاية شنو ؟؟؟؟؟؟ |
انت كلامى دة مالك ما شفتوووو ....... مالك عميان منو
|
|