Post: #1
Title: الهندي عز الدين يشن هجوما كاسحا على غازي سليمان على خلفية خبر كامل ادريس
Author: Wasil Ali
Date: 05-28-2011, 08:46 PM
Parent: #0
Quote: { المحامي «غازي سليمان» القيادي (المفصول) من الحركة الشعبية بأمر «سلفاكير ميارديت»، وبإيعاز من «ياسر سعيد عرمان»، استنكر في حديث إلى بعض الزملاء من (الأهرام اليوم) في (دار عزاء) أن تخرج صحيفتنا بـ (منشيت) يكشف عن ترشيح البروفيسور «كامل الطيب إدريس»، الرئيس السابق لمنظمة الملكية الفكرية العالمية التابعة للأمم المتحدة، لمنصب المدعي العام لمحكمة الجنايات الدولية في «لاهاي» الذي يشغله الآن «لويس مورينو أوكامبو»..!
{ إنت (زعلان) ليه يا غازي؟! (الخواجات) الزمان كانوا بنادوك لمؤتمرات حقوق الإنسان في «جنيف» هم ذاتم الرشّحوا دكتور «كامل» لهذا المنصب!! وسواء اتفقنا أو اختلفنا، مع البروف «كامل»، فهو قامة قانونية (دولية) لا تدانيها قامة (المحليين) من محاميي المصانع وأصحاب البصات السفرية!!
{ يجب أن تفهم يا أستاذ «غازي» أننا في هذه الصحيفة (أحرار) - بحق وحقيقة، وليس ادعاء - ومن حقنا أن نجعل من خبر (ترشيح كامل) عنواناً رئيساً بالصفحة الأولى، لأنّه من ناحية مهنيّة (يستاهل وزيادة)، نحن من يحدِّد العناوين، وليست جهة أخرى، وقد نشرنا من قبل عناوين بالصفحة الأولى تحمل تصريحات للأستاذ «غازي» نفسه، فما الذي يجعله (أهم) و(أفضل) تجربةً.. وخبرةً.. وعلماً في القانون من العالم الضليع «كامل ادريس»..؟
أنصحك، يا «غازي» باعتزال السياسة فـ (صرفتك أخدتها).. و(غنّايك مات).. و(زمانك فات).. وحركتك الشعبيّة صارت (جنوبيّة).. حزباً (أجنبيّاً) في دولة (أجنبيّة)!! وبرضو تقول لي «دكتور جون» كان (وحدوي)؟! |
|
Post: #2
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: عوض محمد احمد
Date: 05-28-2011, 09:11 PM
Parent: #1
اخشى ان يكون ما نقل للهندى غير الذى ذكر
فما ذكر هو كلام عادى لا يستحق هذه المدفعية الثقيلة من قبل الهندى فهو مجرد راى لا اساءة
الا انه ما دام سوط قد نزل على ظهر الغازى الذى طالما وصل اذاه لقوى الخير فى بلادنا فاننى اتمثل قول الشاعر:
لا ازود الطير عن شجر قد بلونا المر من ثماره
|
Post: #3
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: Elbagir Osman
Date: 05-29-2011, 01:26 AM
Parent: #2
غازي
محامي حقوق الإنسان
الذي قال
- عندما هدد قوش بتقطيع أوصال الشعب السوداني -
"أنا معاهو!!"
هسه كيف مع قوش لسع ؟
والا نكرو تب
|
Post: #4
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: سفيان بشير نابرى
Date: 05-29-2011, 05:32 AM
Parent: #3
سلام يا واصل علي
غايتو أنت بتبالغ الأتنين في صحن واحد !!!
الهندي وغازي الاتنين شِن نفرهم !!!
الهندي في الأساس صحفي شمارات وبيوت
عزاء وبيوت افراح اكتر من كدا ما عندو
وغازي اصلاً زول انتهازي ومع الساهلة
محل ما تقبل يقبل .
والاتنين آفقهم ضيق جداً ولا يستوعبون
إي شي البته .
غايتو يا واصل اول مرة تضيع لي وقتي
ساي .
كن بخير
|
Post: #5
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: عبدالكريم الامين احمد
Date: 05-29-2011, 05:57 AM
Parent: #4
Quote: الهندي وغازي الاتنين شِن نفرهم !!!
|
هلا يا سفيان
والله كلامك صحيح وفي محلو
الاثنين (شن نفره مع النفرات)
والاثنين ربيبن شمولية وشخوص لعبت ادوار موغلة في التطبيل لسلطة الفرد الانقاذي الكيزان
|
Post: #6
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: هشام المجمر
Date: 05-29-2011, 06:12 AM
يا جماعة
المقصود ليس غازى سليمان
لأن ما قاله فى بيت عزاء لا يمكن أن يكون سببا لما كتب الهندى المتشوطر
الهندى يريد فقط تأكيد النبأ الملفق
يريد أن يؤكد فبركته الساذجة أن الاوربيون يرشحون د. كامل ادريس الذى طرد تقريبا بواستطهم من المنظمة العالمية للحقوق الفكرية
انها محاولة واضحة للاحتيال على القراء
صحيفة غير محترمة و رئيس تحرير كذاب و محتال
|
Post: #7
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: سفيان بشير نابرى
Date: 05-29-2011, 06:23 AM
| Quote: والاثنين ربيبن شمولية وشخوص لعبت ادوار موغلة في التطبيل لسلطة الفرد الانقاذي الكيزان |
يا كيكي لا لا ما تلخبت ياخ اصلاً لا الهندي لا غازي ممكن يكونو ارباب شمولية ياخ الربوبية للشمولية دي تحتاج ذكاء
ودهاء وتخطيط وقرأة جيدة للمواقف والاحوال لكن ناسك ديل (الهندي - غازي) قدرة دي دي ما عندهم ابداً ويا كيكي هسي
لو (بي قولك هههههههه) يعني الهندي وغازي ديل زيهم زي سبدارات - أمين عمر - الدقير - مسار - مضوي الترابي ولا
كيف !!!!؟
ياخ ما تبالغ ياخ وتديهم اكتر من حقهم .
|
Post: #8
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: إدريس البدري
Date: 05-29-2011, 06:51 AM
Parent: #7
غازي يستاهل يترش أكتر....والأجمل كمان من واحد (متصوحف) زي الهندي ده
|
Post: #9
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: سيف اليزل الماحي
Date: 05-29-2011, 02:37 PM
Parent: #8
.
شوف السودان ربنا إبتلاه كيف؟!!
.
|
Post: #10
Title: Re: الهندي عز الدين يشن هجوما كاسحا على غازي سليمان على خلفية خبر كامل ادريس
Author: dardiri satti
Date: 05-29-2011, 03:16 PM
Parent: #9
| Quote: لا ازود الطير عن شجر قد بلونا المر من ثماره |
بل:
لا أذود الطير عن شجر
قد بلوتُ المر من ثمره"
تحياتي
|
|