حسام بن البـدري هرب.. حسام بن البـدري هرب!!

قشه ما تعتر ليهو وقطر عجيب

وإن شــاء الله من كندا دي تمشي لي قــدام وتدرب في القطب المتجمد

بس عليك الله ما ترجع وبعدين لا مشتاقين ليك ولا حاجة

ربنا يعدل طريقك ويعدلها علينا

كفاية لغاية هنا غتستا حجرنا في دوري الابطال من بدري

وخليت الجماعة يضحكوا حتى بانت نواجــزهم

عني شخصيا لم اتمناك يوما ان تكون مدربا للمــريخ

فالمريخ أكبر منك ومن تاريخك

كنت دائما الرجل الثاني خلف مانويل جوزيه

وعندما رحل مانويل جوزيه جبت خبر الاهلي المصري

اقول ليك حاجة استقر في كندا ورطب مع ناس تراجي ديل هنا ياااااخ

مش تراجي قالت الجو حلو الايامات دي وتشيل وتشكر في كندا

خلاص خليك هناك وما ترجع .. قووووووول ثمح عليك الله ياااااخ

المهم شكر الله سعيكم بعد ما غتسته حجرنا

والله يبارك ليك في قروشك وقروش المريخ اللي لحستها ديل

بس ما تنسى تشيل معاك باقي جماعتك ديل عماد النحاس ... الخ

تصدق قبل ما يتعاقدو معاك وانا ما موافق ولا شايف خير حيجي للمريخ من وراك

غايتو ضيعته زمنا بس في الفاضي ....

المــريخ بحاجة الى مدرب كبير يستقر مع الفريق لفترة سنتين على الاقل

واكيد هذا المدرب ليس حسام البدري....

فشــــنو يا حبه خليك هناااااااااااااك (في كندا) وبلاش تفارق

اها نجيك انت يا جمال الوالي وناس الادارة

انتوا قايلين المدربين ديل عربات ولا شنو؟

تغيروا فيهم كدا ... بطريقتكم دي المريخ حيكون زي ما هو

نحن كجماهير صبرنا وصبرنا وصبرنا وحنصبر لسه

إن شاء الله نهرم زاااتو بس المهم عايزين مدرب في قامة المريخ

ومدرب يأتي لكي يبقى سنتين على الاقل مش يجي 5 شهور وبعدين يمشي

الآن فاروق جبره سيدير الفريق وبطريقة أفضل من حسام البــدري زاتو

لغاية ما تلقوا مدرب يســـد عين الشمس ويمنح فرصه كافية من الوقت

فليس للمدرب عصا سحرية لكي يحول الفريق الى شواطين بين ليلة وضحاها

مضايقين لي شنو ؟

فتشوا براحتهم على مدرب كويس وابعدونا من العــرب عديل عليكم الله

شوفوا لينا خواجه محترم وفي قامة المريخ

الابطال وطرنا منها والدوري الممتاز لو طار برضو ما مشكلة

المهم نرسى على حل الاستقرار الفني مهم يا ناس

قائمة بالذين دربوا المريخ خلال الاعوام الثلاثة الماضية او قل 4 سنوات

مازدا
اتوفيستر
مازدا
كروجر
رادان
مازدا
كروجر
حسام البدري

اذا ما كان هناك استقرار في التدريب لا تحلموا بنتائج يحققها المريخ في القريب العاجل
جيب مدرب كويس واصبر عليهو لفترة موسمين على الاقل وشوف النتائج
ما ياهو مواسير الهلال دي شغالة كويس باستقرار التدريب
عرب ما عايزين عايزين خواجات بس
مدرب كبير له سمعته ومكانته وتاريخه هذا هو مطلب جماهير المريخ
الفريق نفسه عايز تصفية شاملة شطب بالجمله وتجديد للدماء
بعد نهاية جيل خالد احمد المصطفى وابراهومه وحاتم انتهى المريخ
المريخ عايز طاقم مدافعين كامل ...... وصانع العب مميز ... ومهاجم مميز ايضا
وسفاري الله يسهل عليهو اصلو ما تحنسوه قشه ما تعتر ليهو برضو

Quote: ن أعود إلى السودان..البدري يوضح أسباب هروبه من الشياطين الحمر قال حسام البدرى المدير الفنى المستقيل من تدريب فريق المريخ السودانى فى اتصال هاتفى من كندا لـ"بوابة الأهرام" أنه لن يعود إلى السودان مرة أخرى لأن إدارة المريخ تتدخل فى شئون مدير الكرة وتُعرّض الجهاز لمواقف محرجة. واستطرد البدري :" فكرت كثيرًا فى الرحيل، لكن حبى للجماهير الغفيرة منعنى من الإقدام على هذه الخطوة، فالأمر لم يقتصر على ذلك فحسب، بل أيضًا الأمور المالية، لذلك طالبت عماد النحاس مدير الكرة بالاعتذار للمسئولين بنادى المريخ السودانى حتى يتخذوا القرار المناسب لاختيار جهاز فنى يقود الفريق خلال الدور الثانى. وترك البدرى فريق المريخ عقب الانتهاء من الدور الأول برصيد 36 نقطة من الفوز فى 12 مباراة والخسارة فى المباراة الأخيرة أمام أهلى الخرطوم. وأضاف البدرى:"سأعود إلى القاهرة خلال أسبوعين لبدء حياة رياضية جديدة والتفكير فى قيادة فريق أحقق معه مزيد من البطولات مثلما فعلت مع الأهلى". واختتم البدرى "تعرضت لضغوط للتراجع عن القرارات التى اتخذتها بشأن اللاعبين المخالفين فى الفريق، ولكنى تمسكت بقرارى مما أغضب الكثيرين داخل النادى" ورفض من جهته عادل أبوجريشة المشرف على الكرة وعضو مجلس إدارة نادى المريخ اعتبار اتصال عماد النحاس مدير الكرة كاستقالة رسمية للبدري. ]

قشه ما تعتر ليك يا اخـــوي
قال لن اعود قال

يجب البحث عن مدرب في قامة المريخ
يجب منح الثقة لفاروق جبره لقيادة المريخ في هذه المرحلة
ودعمه بابراهومه او خالد احمد المصطفى كمعاونين له
على ان يتفرغ المجلس للبحث عن مدرب
حتى لو جاء مدرب في هذه اللحظات فسوف لن يفعل شيئاً
لذلك يجب الاعتماد على قدامى اللاعبين والتمسك بجبره كمدرب للمريخ

المريخ يطالب البدري بالشرط الجزائي
أمير نبيل -

Share7 اطبع الصفحة مازالت أصداء استقالة حسام البدري المدير الفني للمريخ السوداني من منصبه تلقي بظلالها على الأوضاع داخل أوساط الكرة السودانية.

حيث أن البدري الذي كان قد أبلغ مجلس إدارة ناديه هاتفيا باستقالته قد واجه ردا واضحا من النادي السوداني الذي طلب منه التقدم باستقالة رسمية ومكتوبة بالإضافة إلي دفع قيمة الشرط الجزائي عن عقده مع النادي.

وأرجع الفريق عبد الله حسن عيسي عضو مجلس إدارة المريخ استقالة البدري إلي عدم قدرته علي تحمل الضغوط المحيطة به خاصة بعد خروج الفريق المبكر من بطولة دوري أبطال أفريقيا.

http://www.shorouknews.com/ContentData.aspx?ID=465848

وأكد الفريق عبد الله في تصريحاته لصحيفة "المريخ" أن مجلس الإدارة كان قد تحدث مع البدري في بداية التعاقد عن الضغوط التي من الممكن أن يواجهها في عمله.

Quote: وأكد الفريق عبد الله في تصريحاته لصحيفة "المريخ" أن مجلس الإدارة كان قد تحدث مع البدري في بداية التعاقد عن الضغوط التي من الممكن أن يواجهها في عمله.

خليل

كيفك يا هندسه .. وعسى ان تكرهوا شيئا وهو خير لكم
في البداية قلنا أن اختيار البدري هو اختيار خاطئ جدا
ولكن عندما اصبحنا أمام الأمر الواقع تمنينا له التوفيق
وها هي الايام ثبت صحة ما ذهب اليه أكثرية جماهير المريخ
الشرط الجزائي نحن بندفعوا للبدري بس يغور في ستين داهية
والكلام الفوق دا بقى ما يقسم معانا البدري تحمل ضغوط الاهلي
وبالتالي يمكنه تحمل ضغوط العمل في السودان
النجيضة عايزين مدرب قدير يقود المريخ في المرحلة الجاية
وهي نص الدورة التانية والمنافسات الافريقية القادمة

تحاياي