باركوا لينا الدكتوارة ..

بعد أن نالتها بكل فخر .. بنتنا ( تالة ) .. من ( أكاديمية ) تمهيدي منارات جدة ..

طبعاً تعمدنا كتابتها ( دكتوارة ) عشان ما يجئ واحد مسلط و يعمل لينا بوست بإسم ( حول دكتوراة تالة دهب )

و مع التهانئ نقبل طلبات و نخضعها للفحص .. الأولوية للجاهزية و تحمل باقي الرسوم الدراسية ..

ـ

أولاد ( أم زقدة) يمتنعون !!

مبرووووووووووووك الدكتوارة!!!

ألف مبروك يا مولانا
و التهنئة موصولة للأمورة

ألف ألف مبروك ... وعُقبال الدكتوراة ...

أخي / صبري ..
سلامي و إمتناني

Quote: ألف ألف مبروك ... وعُقبال الدكتوراة ...

تتبارك ما تتشارك و تتعلى ما تتدلى و عقبال نبارك ليك بالعديل و الزين و الذرية الصالحة ..



ـ

قلت لي رجع ( الحنان ) عاود و اللا شنو .. مالك عايز تجيب كسافتنا ؟؟

أستاذنا الفاضل / أبو جهينة ..

Quote: ألف مبروك يا مولانا و التهنئة موصولة للأمورة

إن شاء الله عقبال نبارك ليكم كل سمح و جميل ..
و تتباركوا ما تتشاركوا و يسعدهم بيكم و يسعدكم بيهم ..

ـ
ما قال بجئ .. ( أنتظرناك )

سلام يا عبد العزيز ..

Quote: مبرووووووووووووك الدكتوارة!!!

الله يبارك فيك و عقبال الأستاذية ليك و يرزقك الذرية الصالحة التفرحك بالدكتوارة و الدكتوراة..

الف الف مبروك يا دهب ...
طبعا نحن طلباتنا ليها الاولوية ....
وزيتنا في حوشنا ...

ربنا يحفظكم جميعا ... وجعلها الله من الصالحات المتفوقات دوماً

الأخ الاستاذ عصام
الف مبروك للأبنة تالة .. مبروك للأسرة ... مزيدا من النجاحات والتقدم في حضرتكم وعزكم ...
الشفيع ابراهيم

مليون مبروك يا مولانـا .. مبروك تالا الدكتوراة ..

أخي الفاضل / ود الصائم

سلامي وامتناني ..

Quote: مليون مبروك يا مولانـا .. مبروك تالا الدكتوراة ..

الله يبارك فيك و في أهل بيتكم كوووولهم .. و يحفظكم بحفظه و يديم عليكم أسباب الخير و السعادة و يفرحكم بعيالكم و يفرحهم بيكم و يسعدكم لما تقتنعو ..

مليار تهنئة وعقبال الدكتوراة

أخي الفاضل / ذو اليد ..
تحياتي و إمتناني ..

Quote: مليار تهنئة وعقبال الدكتوراة

و كل الأمنيات الطيبات لكم و لأسرتكم الكريمة بكل الخير و عقبال ما تفرحوا بعيالكم و عيال عيالكم يارب .. و ما تغنجوا لينا بالعرسان باقي ناس الأسبيرات ديل مضمونين و ما بجهجهو ..

أخي و أستاذنا الفاضل / الشفيع ..

تحياتي و موفور إحترامي ..

Quote: الف مبروك للأبنة تالة .. مبروك للأسرة ... مزيدا من النجاحات والتقدم في حضرتكم وعزكم ...

بارك الله فيكم و في ذريتكم و أسرتكم الكريمة .. و كل الأمنيات الطيبات لكم بكل الخير .. و إن شاء الله عقبال ما يتوافدوا عليكم الخلوق دوام فرحين و مهنئين و مباركين ,, يسعدكم و يجعل كل أياكم أفراحا و أفراحا ..

ألف الف بل مليار مبروك لابنتنا لينا وعقبال الدكتوراة لا الدكتواراة ... وربنا يهني بيها والديها ويهنيهم بيها

أستاذنا و ( زولنا ) عبد الدين ..

تحية و سلام ..

Quote: ألف الف بل مليار مبروك لابنتنا لينا وعقبال الدكتوراة لا الدكتواراة ... وربنا يهني بيها والديها ويهنيهم بيها

تتبارك و الأسرة و ما تتشاركوا يا رب .. و أسال الله تعالى أن يهنيكم و يسعدكم بعيالكم و يهنيهم و يسعدهم بيكم و يديم عليكم كل أسباب الفرح و السعادة ..

ـ

بالمناسبة الزولة دي عندها أولاد عمتها بديرية من ( جعيبات ) شايلين عكاكيزهم و راكزين ..

فردتنا و غتا قدحنا ( شفت كسير التلج ) أبو الجل ..

Quote: الف الف مبروك يا دهب ... طبعا نحن طلباتنا ليها الاولوية .... وزيتنا في حوشنا ... ربنا يحفظكم جميعا ... وجعلها الله من الصالحات المتفوقات دوماً

الله يبارك فيك و في مدامكم و عيالكم ياخي ..
و يحفظكم جميعاً بحفظه و يزيدكم خير و بركة يا أبو الأولوية ..
و ما عندك أي عوجة حوشنا في زيتنا و خليكم قريب باقي المصاريف بتاعت دراسة ما بعد الدكتوارة عايزة الفزعة ..

ألف ألف مبروكـ يا تالا ..
وعقبال الدكتوراه الجدجد إن شاء الله
ألف مبروكـ يا عمكـ دهب

أخي و زميل بورضنا العزيز / تمبس ..
ثم بعد التحية و جهجهة الباكات ..
كيفنكم ياخي ..

Quote: ألف ألف مبروكـ يا تالا .. وعقبال الدكتوراه الجدجد إن شاء الله ألف مبروكـ يا عمكـ دهب

ياخي إن شاء عقبال ما نبارك ليكم التيمان أولا يا تمبس ..

ثم بعد ذلك نبار ليكم التوائم و كل الحاجات الحلوووووة ..

و نفرح بيكم و بفرسانكم و فارساتكم لما تآمنوا ذاتوو ..

ثم نجهجهكم أنت و ود الصائم لما حمار الوادي يكورك ..

ـ

الدعوات موصولة لود الصائم بما في ذلك حقت التيمان والتوائم دي ..

يحفظها الرحمن بكل ما فى القران
شجرة طيبة .. طيبة ثمارهـا
ناجحة فالحة
تسـر امها
وتفرح ابوهــا
ليها صولات عزة وفخار
من بنات الوطن الصالحات

الاف التبريكات وعقبال ( العريــس )

أخي العزيز / بدر الدين ..

سلامي و عظيم إمتناني ..

Quote: يحفظها الرحمن بكل ما فى القران شجرة طيبة .. طيبة ثمارهـا ناجحة فالحة تسـر امها وتفرح ابوهــا ليها صولات عزة وفخار من بنات الوطن الصالحات

و يحفظكم المنان ..
بالتزنيل و البيان ..
ثم أساله تعالى أن يبارك فيكم و في أسرتكم وذريتكم ..
و أن يغدق عليكم من الخير مدرارا و شلالات من الأفراح و أنهارا ..
و يزيدكم خير و بركة و يمن عليكم بغاية المنى و جزيل العطاء..

الرسوم ما مشكلة يا دهب بس ولدنا لسه صغير، رايكم شنو؟

الف مبروك

ألف ألف مبروك...فرح فلذات أكبادنا فرحنا..أمنياتنا لهم بالتوفيق والدرجات العليا والصحة والعافية.

أخي الأستاذ الفاضل / إسماعيل
سلامي و موفور امتناني ..

Quote: ألف ألف مبروك...فرح فلذات أكبادنا فرحنا..أمنياتنا لهم بالتوفيق والدرجات العليا والصحة والعافية

و كل الأمنيات الطيبات لكم و أسرتكم الكريمة بالصحة و العافية و دوام السعادة و التوفيق و أسأله تعالى أن يحفظكم جميعاً بحفظه و أن يسعدكم بأنجالكم و يسعدهم بكم و يديم عليكم أسباب الفرح ..

أخي / عمر ..
سلامي و أمتناني

Quote: الف مبروك

بارك الله فيكم و كل من تحبون و عقبال نبارك ليك بيت الحلال و يسعدكم بالرفاء الذرية الصالحة بإذنه تعالى ..

أخي و زميلي العزيز / د. سيف

Quote: الرسوم ما مشكلة يا دهب بس ولدنا لسه صغير، رايكم شنو؟

يا سيف ياخي ( السوغر ) دة أصلو ما بينا .. ياخي جيبوهو و تعالوا إ.. و لو صغير شديييد ن شاء الله بي ( حفاضاتو ) برضو تعالو عندنا القدرو .. باقي إنتا و عرفة عم و خالة و ما عندنا أي قولة ..

مشاء الله وتبارك الله ... ربنا يحفظها ويجعلها قرة اعين لوالديها واهلها ... ويجعلها من قادة وطن العزة والشموخ

الف مبروك لها ولوالديها

أخي ـ الشامخ شموخ ـ تولوس

Quote: مشاء الله وتبارك الله ... ربنا يحفظها ويجعلها قرة اعين لوالديها واهلها ... ويجعلها من قادة وطن العزة والشموخ الف مبروك لها ولوالديها

بارك الله فيكم و أهلكم وذريتكم ، و ربنا يحفظكم و عيالكم لبعض و يزيدكم من خيره و فضله ..

الف الف مبروك

الرفيق عصام دهب

تحياتي ومليون مبروك لهذا النجاح المستحق من كل جانب وعقبال تجاوز كافة محطات الدراسة حتى الأستاذية.

ولكافة أفراد الأسرة الذين صنعوا البيئة المناسبة للنجاح .

بحيراوي

أخي و رفيقي و أستاذي / بحيراوي
إزيككم و عساكم طيبين ؟؟

Quote: تحياتي ومليون مبروك لهذا النجاح المستحق من كل جانب وعقبال تجاوز كافة محطات الدراسة حتى الأستاذية. ولكافة أفراد الأسرة الذين صنعوا البيئة المناسبة للنجاح .

تتباركوا ما تتشاركوا يا بحيراوي و أسال الله تعالى أن يوفقكم لما فيه الخير دوماً و أن يغدق عليكم من فيوض رزقه عطاءاً سخاءاً رخاءا و أن يسعدكم و يفرحكم و يسدد على سبل التوفيق خطاكم ..

الف الف مبروك لبتنا تالة
طلعت شاطرة زى امها
ربنا يحفظهم ليك

كدى ورينا هى فى سنة كم والباقى كم عشان نضربها

Quote: الف الف مبروك لبتنا تالة

تتباركوا ما تتشاركوا يا نضيف ، يحفظكموالمدام و عناب و عذاري و أخوانهم الجايين كمان ..
و يسعدكم شديييييد يا رب ..

Quote: طلعت شاطرة زى امها

يعني زي عناب شطوووورة و ظريفونة ..

Quote: ربنا يحفظهم ليك

و يحفظكم و كل من تحبون بحفظه ..

Quote: كدى ورينا هى فى سنة كم والباقى كم عشان نضربها

طيب : تلاتة معانا الواحد زايد أربعة على أتنين يساوي !! ياخي ما بينا كفاية علينا ذوقكم .. ( دي مكنة سااااي )

الدكتوراه المفروض تتشرف بانها حيرتبط اسمها باسم تالا


فالف مبروك يا بنتنا و انشاء الله من المتفوقات دوما يا

ست الحسان و عقبال من اوائل السودان و العالم .


التهاني موصولة عبرك يا السعادة لوالدتها الكريمة .

ألف ألف مبروك ... وعُقبال الدكتوراة ...


صلاح غريبة - الرياض والقاهرة

نعم الإله علي العباد كثيرة...... واجلهن نجابة الأبناء

ألف مبروك ومزيد من التفوق وربنا يغطي ويحفظ يامولانا

Quote: الله يبارك فيك و في أهل بيتكم كوووولهم .. و يحفظكم بحفظه و يديم عليكم أسباب الخير و السعادة و يفرحكم بعيالكم و يفرحهم بيكم و يسعدكم لما تقتنعو ..

أمين يا رب العالمين ..
ياخ ود الصايم دا عامل لي ارضي في اي مكان ..

Quote: أمين يا رب العالمين .. ياخ ود الصايم دا عامل لي ارضي في اي مكان

نعيما ياخ!
ياخ حيّرت حنان حناني زاتو!
باللاي ألاقي نفسي داخل في حتات أصلوا ما قاعد أخش فيها!
وزي ما قالوا أغالط نفسي بي إصرار .. وأقول أكيد دا تمبس!!

الف مبروك لتالا
وربنا يديها العافية والنجاح
ويجعلها من نصيبنا
حيث اننا نحسب اننا خارج"ولاد ام زقدة"

مبروك يا استاذ دهب
والله نجاح الابناء يفرح (بالرغم من انو ما حصل لينا ) لكن سمعنا وشاهدنا
ربنا يحفظها ليك
ويديها دكتوارة حقيقية
ويديم عليكم وعليها نعمه الصحة والعافية

عمار تلودى
عضو جديد

قريبي عصام دهب
مسكاقمي
نبارك لبتنا تاله الدكتوراة
والله يا عصام بتنا حلوة وعندها شهادة دكتوراة كمان
فياريت يكون من نصيبها واحد يجيد الرطانة
الله يسعدكم ويعمر بيتكم

الف مبروك للامورة الحلوة النجاح ولك وللاسرة الكريمة

الأستاذ عصام دهب
الف مبروك للابنة تالة.

الاخ الفاضل الأستاذ/ عصام دهب ، تحياتى، أعطر التهانى بنجاح الأمورة، مع أطيب الأمنيات بدوام النجاح والتفوق ، مودتى .

الاخ الفاضل الأستاذ/ عصام دهب
تحياتنا
تهانينا الحاره بنجاح الابنه تاله
مع الأمنيات بدوام النجاح والتفوق
وعقبال الدكتوراه

مليون مبروك يا دهب

خلاص يا زول حنقدم البربوسال حقنا

هل يوجد واسطات وهل سياثر كون انه الام ضلامية في انه البت تقع لينا؟


مبروك يا حلوة

الف مبروك النجاح للابنة (تالا) وعقبال الماجستير والدكتوراه
واقر الله بها اعين والديها وجعلها من رائدات الوطن النافعات

مبروك دهب الدهب

وعقبال الفرحة الكبري


تالة اسم جميل ياخ

جبتو من وين يا شقي

مبروك الدكتوراة و عقبال الاستاذية

الف مبرووووووووووووووووووووووك للابنة تالا ومزيد من التفوق والنجاح

حبيبنا دهب ....سلامات ..والف مليون مبروك لبتنا تالة النجاح وعقبال الدكتوارة ..

تالة بالرطانة عندنا معناها (تَبِعَ) لذلك حانتبعها ابننا عمار فالعلاقة بين البجا والنوبة قديمة كمال قال الفنان محمد وردي عندما ساله حسين خوجلي عن علاقة البجا بالنوبة فقال بسخريته المعروفة علاقتنا بيهم من زمااااان الوكت داك انتو ماكنتوا موجودين في إشارة للعرب لذلك ام زقدي دي دخل فيها اشقاءنا العرب ..واحصر الامر بين النوبة والبجا ..


ترانا منتظرين الذبيحة ...


تحياتي ..

الف مبروك مولانا عصام

و عقبال " الدكتوراة "

ألف مبروك مولانا عصام دهب

وان شاء الله بتنا تكون من قراء ماجد

لك تحياتي

ألف الف مبروك الدكتوراة لابنتنا تالا

وعقبال البكالريوس

الف الف الف مبروك لبنتنا تالة
وللاسرة الكريمة
وعقبال الدكتوراة

مبروك الف وعقبال لما تفرح بيها الفرحة الكبري
بالنسبة للشق التاني بما اني ام اولاد وكدا حادرس معاك الموضوع

الاخ عصام .....

الف مبروك لبتنا العزيزه واتمنى لها التفوق دائما

عقبال ما تفرح بجديدهم كلهم

يا مولانا

ما قال بجئ .. ( أنتظرناك )

جماعتنا ديل يقولوا ليك متجهين غربا ، تفاجأ في نفس اليوم أن الوجهة شرقا
النية معقودة

ألف مبروك للأمورة

تحياتى ومبروك يا مولانا والمزيد من العلالى


اها.... فى عضة ولا ناكل باسطة

الف مليون مبرووووك وعقبال تشوفا دكتورة وام دكتورة


التحية لكم وربنا يحفظ ...







....................................................حجر.

الف الف مبروك يا حبيب
بتنا تستاهل يعلم الله
ما شاء الله عيني باردة
ربنا يحفظها ويغتي عليها

ربنا يحفظها ويجعلها من المستورات

وعقبال ماتحرز أعلي الدرجات وتتبؤا أعلي المناصب

الاخ عصام دهب

تحياتي

ألف ألف مبروك للإبنة تالة وعقبال الدكتوراة لنفخر جميعاً جميعا بأبنتنا

بالمناسبة يا عصام دهب الاسماء الجميلة المشحونة بالمزازيك تالة ولانا دي ما أعتقد بأنها من تأليفك بصراحة كده وين جبتها

مبروك للبنية مع مزيد من النجاحات على الرغم من أن أبوها قد أساء لنا بدون سابق معرفة ولم يعتذر!!!!!

ألف مبروك يا عصام

وعقبال الدكتوراة الفعلية

ربنا يحفظها ويغطيها

** سعادة المُستشار ود دهب..
** صباحك خير..
## مبروووك نجاح الأموره ,, وإنت شايف الدكتوراه بعيده عليها ,, وأنا شايفا قريبه مع السنه البقت أسبوع والشهر البقى 12 ساعه ,, والزمن الذى أصبح متلاشياً ,, تغمد وتفتح بعد خمسه سته سنيين وتلقاها حامله الدكتوراه إن شاء الله..
(ودام الود بين الجميع)

عقبال ما تفرح بتخريجها من الجامعة وكمان تفرح بزواجها يا عصام
تالا محجوزة لمعتز ولدى , عشان نلحق موية رمضان الجاى دة

الحبيب عصام دهب

ألف مبروك مع أطيب الأمنيات بدوام النجاح والتفوق

تحياتي ووافر احترامي

الف مبرووووووووووووووك للابنة تالة ، مزيدا من النجاح و التوفيق ، تحياتى اخى عصام و الاسرة .

الف مبروك يا مولانا... اها ننزل الصورة وللا اخوها بيزعل؟؟

عقبال فرحك بيهم في كل الدرجات

والرووج والاي شدو , والكحله , والحلق بالاحمر ,, حركــااات

مافي كلام مافي شخشخه والله
والف الف مبرووك وعقبال الاستاذيه ,,

الف الف مبروك

الف مبروك للامورة . ومبروك للاسرة
وعقبال الجامعة ..

مبروك و عقبال الدكتورة

مبروك يا مولانا دهب لنجاح بنتكم وتفوقها

ربنا يحفظ ليك أبنائك ويجعلهم ذخرآ لوالديهم وللوطن

خالص الود

أخي العزيز / ناصر
سلامي و إمتناني ..

Quote: الف الف مبروك

يباركو ليكك كل سمح يا بطل .. ويحفظكم والمدام و العيال بحفظه و يديم عليكم أسباب الصحة والعافية وكل النعم ..

خيار من خيار

ذهب من ذهب


مسيرة ظافرة إن شاء الله وموفقة ،،

نبارك للمدام أولاً ثم لكم وبنقولها بالصوت العالي : البنت شورتها عندي وعمها أزهري لابنعرف باب شريف لا ذو اليد،،،


تعليمات عليا ،، مفهوم؟؟؟؟

ماشاء الله وتبارك الله

ياخي حاجزين للولد الفي صورة البروفايل دا
بس الولد دا يا مولانا ما مؤتمر وطني بالله

نسأل الله أن يجعلها غرة عين لك ولوالدتها
وأن ينفع بها اهلها ووطنها

الصادق

التعديل لكلمة ينع = ينفع

بسم الله ما شاء الله تبارك الله

(وعين الصبي جِناًغبي)

وبعد...............
نحنا آل عربي وود القريش( وهلموا جرا)

ماعندنا بنات تطلع صورها المزوقة قبل سن الرُشد..داك ولدك انت حُر فيه

ولا قام عليك حق اهلك المصريين.. شايفة العالم شابكاك مولانا مولانا؛ نسيت؟

نسامحكم لأن البورتريية رائعة!

لهن ولأمهن والباشا الحب والتحية.

دقيقة بالله يا شباب ..

و نظام ناس البيت و أسياد الحارة و كدة خلوني أرحب كتير و بإنبساطة كبيرة بتشريف أختي و عمة الآنسة د./ تالة ( لزم) أستاذتنا الفاضلة / عشة موسى ..

Quote: بسم الله ما شاء الله تبارك الله (وعين الصبي جِناًغبي) وبعد............... نحنا آل عربي وود القريش( وهلموا جرا) ماعندنا بنات تطلع صورها المزوقة قبل سن الرُشد..داك ولدك انت حُر فيه ولا قام عليك حق اهلك المصريين.. شايفة العالم شابكاك مولانا مولانا؛ نسيت؟ نسامحكم لأن البورتريية رائعة! لهن ولأمهن والباشا الحب والتحية.

و في وجود عمتها ـ الأستاذة الفاضلة / عشة موسى ـ ما عندنا أي كلمة..
أي كلام تقولو صاح و صاحين كمان ..
و خوالنا ال عربي و آل القريش و عموم الجلابة الهوارة ديل تاج رأسنا ..
فلك الشورة والقرار يا أختنا الكبيرة مقاما و ياكي ست الجلد و الراس ..
ثم سلامي و تحايا مروة والبنات و أحمد ( حارس كلية المعلمات )ليكم و ناس البيت كووولهم ..
ـ

مبرووووووووووووووووووووك

الف الف الف مبروك يامولانا لكل الاسرة

وعقبال الدكتوراةانشاء الله

أنتي جميلة يا دكتورة تالا .
ألف ألف مبروك .

عزيزنا عصام اوعك ياخ ( تخنج ) بالتمر والفول زي ما قال الزميل ذواليد .

تحياتي

الف مبروك التخرج من ياود دهب لتالا
وعقبال تشوفها دكتورة ان شاء اللة
وتتعلى ماتتدلى وطالبين القرب لااحمد.

مبارك جعلها الله خير لكم في دينكم ودنياكم ان شاء الله








خائف من الشاكوش

الف مبروك للامورة وربنا يحفظها ويوفقها

الف مبروك

وربنا يحفظها ...

الف مبروك التخرج لتالا
وعقبال تشوفها دكتورة ان شاء اللة

ألـف مـبـروك و عـقـبـال الـدكـتـوراة

و ربـنـا إوفـقـهـا و إحـفـظـهـا إن شـاء الله

انشاءالله من المتفوقات دائما
والى الامام ياتالا وربى يحفظك

مبروك لـ تالا
اسمها جميل
حاجزين .. بتدونا؟
الفيزا والتذاكر والاقامة علينا
العقد عليكم ؟

ألف مبروك .... وعُقبال بقية الشهادات.

تهانينا

الف مبروك يا عصام لتالا
وعقبال الدكتوراه الحقيقيه.

التهاني القلبية للأسرة الكريمة ولابنتنا تالة

عــقــبــال الماجــســتـيييير

ألف مبروك وربنا يحفظها ويغطي عليها.


وعلى قول أهلي الرطانة ( هيرن نجاح) .

ألف مليار مبروك لبنتنا الحلوه تالا

وعقبال الدكتوراة الكبيرة ،،،،،،،،

يا دهب الحفلة وين علشان نجيب الأولاد

مولانا عصام دهب

التهاني موصوله لأبنة تالة وعقبال مانشوفه دكتورة بإذن الله

،،،،أبوقصي،،،،

مبروك يا عصام لتالا ... وعقبال الشهادات الكبيرة كلها ... وعقبال الحلوين ...

ألف مبروك ونسأل الله التوفيق لها في حياتها العلمية والاجتماعية

محبتي ....
وصال عالم

والله مبروك علينا كلنا هذه النظرة المتقدمة للأطفال والمستقبل ... عسى أن يجعل الله كل أبناءكم وبناتكم مصادر للفخر وموارد للنجاح ...

ومبروك لى "تالة" ... النجاح ... والإنتماء لهذا الشعب الجميل ... نتباشر وكت نلقى الكلام حرّ ...

(مصطفى محمود بارك ليك ... ما خليتى نجاح بعد دا)









... المهم ....

ألف مبرووك.

ألف مبروك
وربنا يديم النجاح والأفراح

الف مبروك لتالة ياعصام
عقبال كبرى الشهادات بإذن الله
تحياتي

ألف مبروك ونسأل الله يحفظها ياااااااااارب...

Quote: أولاد ( أم زقدة) يمتنعون !!

اخي عصام
نجاح العيال نعمة من نعم الله .. علي الآباء .. اظنك هذه الايام ترفل فيها بزهو تستحقه .. وازيدك عليه تهنئة
تبلغ الدكتورة ووالدتها وتعم الاسرة ..

قالت لنا جدتي "البت البت" نجيضه وسمحه وفاهمه .. و"البت الساي" خمله وسمحه وبليده
والشايفو انا ماشاء الله بتك سمحه وفاهمه ..

لكن اخوك كان سألت كما سأل شيخ العرب : من وين في الاهل ؟ فإنه من اهلكم ولاد ام زقدة .. وليس له من
حق سوي تقديم التهاني !!

اللهم زد وبارك .. آمين

اخوك عمر علي حسن

أخواتي العزيزات الفضليات .. أخواني الأعزاء الأفاضل ..
و يا كل من مر على هذا البوست مهنئاً أو حتى قارئاً ..
لكم مني و من كافة أفراد أسرتي و من بنتكم ( تالا ) ..
لكم جميعاً طيب السلام و فائق الامتنان و عظيم التقدير و موفور الإحترام ..
ثم من بعد حمد الله و شكره على نعمه و منها أن جعل لنا فيكم جميعاً نعم الإخوة و الأخوات ..
فنحن و الله عاجزون من أن نوفيكم حقاً أو أن نعبر لكم عما يجيش بدواخلنا تجاهكم و تجاه و تناديكم للإحتفاء معنا بـ ( تالا ) عبر هذا البوست ..
فقد أغدقتم علينا بصالح دعواتكم و فيوض تهانيكم و أمنياتكم الطيبة ..
و لا نملك إزاء هذه المشاعر الأخوية النبيلة إلا أن نرفع أكفنا لله متضرعين ..
و نسأله بكل إسم هو له أو إستأثر به في علم الغيب عنده ..
نسأله بوجهه الكريم و بجلاله العظيم ان يحفظكم جميعاً و يحفظ أزواجكم و أبنائكم و بناتكم و كل من تحبون بحفظه المصون و بما حفظ به الذكر الحكيم ..
و أن يمتعكم بموفور الصحة وكامل العافية و يبارك لكم في ذريتكم و يرزقكم بالخير كل الخير ..
و نساله تعالى أن يرضى عنكم جميعاً و يرضيكم و يعطيكم و يكفيكم ويرزقكم من نعمه و يغنيكم و يديم عليكم و كل من تحبون أسباب السعادة في الدنيا و الآخرة ..
فلكم منا جزيل الشكر و الإمتنان و التقدير و العرفان يا من أفرحتمونا بأخوتكم النبيلة و بمشاعركم الفياضة ..
فلكم ياأعزائنا ..

• Abdlaziz Eisa
• ابو جهينة
• صبري طه
• جلال عثمان
• Alshafea Ibrahim
• tmbis
• ذواليد سليمان مصطفى
• عبدالدين سلامه
• محمد عبد الماجد الصايم
• بدر الدين اسحاق احمد
• سيف النصر محي الدين
• عمر عبد الله فضل المولى
• ismeil abbas
• تولوس
• ناصر البطل
• البحيراوي
• عبد الدائم سيد أحمد
• موسي عيسي
• صلاح غريبة
• أمير فتحي
• MOHAMMED ELSHEIKH
• عمار سيد احمد
• حمزاوي
• Mustafa Mahmoud
• الحاج حمد الحاج
• هاشم محمد الحسن عبدالله
• عبدالرحيم أبراهيم العبيد
• د.نجاة محمود
• هشام هباني
• khaleel
• نصار
• ساميه حامد
• فايزودالقاضي
• يوسف محمد يوسف
• ابراهيم قناوي
• البشير دفع الله
• عماد الدين عبدالله
• حواء سليمان ابراهيم
• مشاعر بدوي
• Asim Fageary
• معاوية عبيد الصائم
• الرفاعي عبدالعاطي حجر
• طارق جبريل
• عادل الباهي عبد الرازق
• عادل عبدالرحمن إبراهيم
• محمد أحمد الريح
• عبد الكريم أحمد الامين
• احمد التجانى احمد
• Gaafar Ismail
• هجو الأقرع
• كمال ادريس
• داليا الكباشى
• ابراهيم محمد موسي
• العوض المسلمي
• مدثر صديق
• ASHRAF MUSTAFA
• عبد اللطيف بكري أحمد
• الصادق صديق سلمان
• عائشة موسي السعيد
• وليد عبد اللطيف
• عمر صديق
• Osman Musa
• نورالدين الفحل
• المكاشفي الخضر الطاهر
• محمد إبراهيم علي
• عماد الشبلي
• خالد المحرب
• ABUHUSSEIN
• ابتهاج عبد الله
• خالد العبيد
• عاطف مكاوى
• Tragie Mustafa
• ترهاقا
• ولياب
• ميسرة سيد أحمد
• مجدي عبدالرحيم فضل
• زهير الزناتي
• عبدالرحمن الحلاوي
• وصال عالم
• تبارك شيخ الدين جبريل
• بشير أحمد
• Nasruddin Al Basheer
• الشيخ صالح محمد
• أبو الحسين

لكم منا الشكر أجزله و الحب كل الحب ..


و بإذن الله تعالى سوف أعود للرد على مداخلاتكم على إنفراد ..

ألف مبروك يا دهب...

وعقبال الكبيرة./....

ربنا يحفظها ليك من كل شر إنشاء اللة..

مبارك إن شاء الله يا مولانا و عقبال الدكتوراة الحقيقية و أن يملأ الله حياتكم فرحا بها و بإخوانها و أخواتها و أولادهم إن شاء الله.

الف الف مبرووك (للدكتورة) , و عقبال الدكتوراة الجدجد



تهانينا يا استاذ


-----
manubia

سلام يا دهب....


وألف مبروك

وعقبال الشهادة الكبيرة (وبيت العدَلْ)

الف مبروك و ربنا يحفظها
و عقبال ما نفرح بالنجاح الكبير .

ألف مبروك .. وعُقبال الدكتوراة