نقاط نهي نقصان كهيه ! في السلك - بابكر سلك ( اكتر زول كاجي المريخ)

Quote: في السلك - بابكر سلك نقاط نهي نقصان كهيه *قرات كثير من كتابات اساتذتي الاجلاء بالصحف *قالو كلام كتير *اخترت بعضا منه *وقمت بالرد والتعليق علي ما اخترته *اها *استاذنا ابو شنب قال الحكم ست لبراتو كان اللاعب رقم 12 في فريق الهلال *قلنا ليهو يا استاذنا بالطريقه دي لا نستبعد ان تري جماهير الهلال عقب اي مباراه تحمل الحكم وتهتف باسمه كنجم من نجومها حقق النصر بمجهود فردي خرافي *وقال ابو شنب اليوم المريخ افضل من الهلال *قلنا ليهو ولسه انت شفت حاجه!! *وقال ابو شنب سبت لبراتو صرف ضربة جزاء صحيحه للامل عندما عرقل المعز حارس الهلال المهاجم المزعج الطاهر حماد *قلنا ليهو ياتو ضربة جزاء ارتكبها المعز احتسبها الحكم يا استاذنا ؟ياخ المعز طلع في دائرة السنتر يقبض في الكوره قبيض الجراد الحكم اداهو كرت اصفر وخبير التحكيم قال قرار الحكم سليم والمعز لا يستحق غير الكرت الاصفر، ده كلام الخبير ، اول امس القريبه دي في مباراة الاهلي القاهري ووادي دجله بالدوري المصري حارس الوادي مسك الكوره كراع بره كراع جوه الكرت الاحمر وصلو قبل يبلع ريقو *تقول لي خبير تحكيم!!! *والمعز كرعينو وايدينو وزملانو كلهم بره الخط *في دائرة السنتر *الاستاذ قسم قال القطن هو الوحيد القاعد سااااااي ومثله الهلال *قلنا ليهو ومثله من الناحيه دي مارين الصومالي ونيل الباقير الوراني والاشاوس والافارقه والثوار *المهم *بعض الاهله كتب مستنكرا افراح المريخاب بالانتصارات التي حققوها في الممتاز *مع العلم بانهم (اي الاهله) كتبوا قبل كده الهلال يمطر شباك الافريقي الفلاني بهدف *سبحان الله *قررررررررربت *حبة صبر بس *قعدنا قدام التلفاز لمشاهدة مباراة برشلونه السوداني قدام باب الشارع *لا شفنا مباراه *ولا برشلونه *شارة الكابتنيه دي يا ناس قوون الشالها المره دي منو؟؟؟ *لكن كده كويس مع ناسكم يا ناس قوون *لاحد شاف ولا حد دري *اللاعب نمره 12 يا استاذي ابو شنب امس بكون قدل *ما منقوله *ايها الناس *اليوم نلتقي النسور *نحترمهم شديد *عشان نغلبهم شديد *اليله لازم نكمل البضاعه ثلاثه دست نربط كل دسته براها *الدسته الاولي نجمع فيها نقاط سا كواها *نربط من برشه المعز *لي معاينه روي لي قلواك ومعاينه قلواك لي روي *مع احترامي لاستاذي الهرم الكبير ابو شيبه *الا ان الشعار لن تسقط لوزه قطن واحده *زمان غني المغني *في الجزيره نزرع قطنا نزرع نتيرب نحقق امالنا *اليوم نحن نغني مثله *في الجنينه نزرع قونا نزرع نتيرب نقبض حمامنا *ولا نقطه ما بنخليها *ضغط نفسي ضغط بدني ضغط زهني *نقاط نهي نقصان كهيه *ولا نقطه *صدقوني *شهر سته *ولدنا *من الطبيب للنادي الحبيب *يجينا بي باقي علاجاتو *ايها الناس *اليوم كلنا *فرض عين *نملا العين *لما تدفق *الي استاد الخرطوم سلك كهرباء ننساك كيف وشعارنا لن نسقط لوزة قطن واحده والي لقاء سلك

تعليق مننا بضم الميم

نقصان فى الاهلى كهى

المصدر
http://www.alzaeemsd.com/articles-action-show-id-2506.htm

بسم الله الرحمن الرحيم
في السلك
اينعت
• اليوم يومنا انشاء الله
• غرسنا غرسا كثيرا وعظيما
• واخضر الزرع
• واينعت الثمار
• وحان قطافها
• اليوم يجب ان نجني ثمار تسجيل الحضري
• ونحافظ علي شباكنا ناصعه
• ويجب ان نجني ثمار تسجيل باسكال
• ويطمئن دفاعنا
• ويجب ان نجني ثمار الصبر علي علاج كلتشي
• ويخطف هدفا يعلن تأهلنا
• ويجب ان نجني ثمار تطور مصعب
• ويبدع
• ويجب ان نجني ثمار طالما جنيناها كثيرا
• ولكن طعمها ينعشنا
• طعم مشهي
• يجب ان نجني ثمار خبرات العجب وموهبته الفريده
• العجب دره
• الدره الفريده
• يجب ان نجني ثمار التعاقد مع جهاز فني خبر ادغال افريقيا
• خبرات افريقيه كلاعب
• وخبرات افريقيه كمدرب
• وخبرات في نيل بطولات الكاف
• يجب ان نجني ثمار وقفة الشفوت خلف فريق الشفتنه
• لازم الانجوليين يعرفوا حاجه
• اننا ملوك الكرة
• واننا شفوت
• نأتي بالنتائج التي نحبها
• ونعمل لها
• هنو
• شجرة ليمون
• يمكن ان تطرح ثمارها حتي خارج الموسم
• وشجرة الليمون اليومين دي منوره
• اقطع لي ياهنو
• واعصر لي
• اما طمبل وقلق
• فالعشم بكون كبير في الزول الكبير
• عشمانين يا شباب
• وكل الفرقه
• السعودي والشغيل ( قافل البلف البمون المواسير )
• ثقتنا فيكما كبيره
• ايتها الجماهير الوفيه
• دعواتكم
• وحسن استقبالكم للبعثة المنتصره المتأهله انشاء الله
• الناس الواجعهم الحضري
• الليله راجعوا الطبيب
• ونوموا بدري
• من الضهر
• اها
• اسلام قالت لي ناس الشروق ناقلين كورتنا من انجولا علي الهواء
• قلت ليها تمام , وكرة الشباب ديك ؟
• قالت لي مامنقوله
• قلت ليها ليه موش برضو في انجولا ؟
• قالت لي انجولا خشوم بيوت
• قلت ليها كيف
• قالت لي نحنا لاعبين في العاصمه الانجوليه, *** لاعبين في سقط لقط انجولا
• قلت ليها برضو كانوا ينقلوها
• قالت لي ينقلوها كيف ! ديل لاعبين في حته الشمس ما بتجيها , لاعبين في محل اذاعه ( اف ام ) مافيهو ,
• قلت ليها كيف الكلام ده ؟ طيب مفروض يشتكوا
• قالت لي يشتكوا لي منو ؟ اعلي رتبه محل لاعبين رئيس لجنه شعبيه , كالا دي تابعه لي محليه بتبعد عنها بي الف كيلو اسمها محلية ككو التابعه لمحافظة ام القرود ولاية غرب ضنب الشمبانزي
• ضحكت
• قالت لي وناس كالا زعلانين
• قلت ليها ليه ؟
• قالت لي السوق عندهم يومين في الاسبوع , السبت والاربع
• قلت ليها ويعني شنو ؟
• قالت لي يعني شنو كيف !!! الكوره دي بلعبوها في ميدان السوق , يعني حايطلعوا الدرداقات والناس الفارشين والباعه المتجولين عشان يلعبوا الكوره
• ضحكت تاني
• قالت لي الخوف ناس كالا يعملوا كشة بطاقات
• قلت ليها الخوف من شنو ؟
• قالت لي جماعتنا ديل طبعا ماعندهم بطاقات انجوليه وهناك مابعرفوا ليهم ضامن
• لما البلاغ يتشطب تكون الكوره انتهت وكالا فكر في المكرر
• وقالت لي قالوا ناس كالا ودوا الجماعه من المطار للفندق بي طريق الكلاكله الانجوليه
• قلت ليها ليه ؟
• قالت لي قالوا عندهم واحد ود خالتو بلعب في اول اغسطس كلمهم بالكلاكله وسواق البص النام
• قلت ليها لكن الكوره بسجلوها
• قالت لي افرض سجلوها . بعرضوها ؟
• قلت ليها طبعا
• قالت لي وكورة اول اغسطس بتاعت الشريط المدسوس ليه ماعرضوها
• قلت ليها ده الكلام البجيب الكلام , التحكيم والجمهور والحرب , وماحدش شاف
• قالت لي لكن العالم كلو حايشوف تأهلنا لدور السطاشر انشاء الله
• قولوا يا رب
سلك كهربا
ده يوم نسيان ده ؟
والي لقاء
سلك
http://www.alzaeemsd.com/articles-action-show-id-2097.htm

تعليق مننا .. المره دى بكسر الميم

قالت اينعت

شفو بابكر سلك كتب بعد المبارة دى قال شنو

Quote: بسم الله الرحمن الرحيم في السلك اللهم اجعلها آخر الاحزان • كرة القدم فوز وخساره وتعادل • ويجب علي الخاسر ان يتقبل خسارته بروح رياضيه سمحه • نحن نعرف ذلك جيدا • ولكن ان نخسر بايدينا فهذه هي الكارثه • نخسر لجهلنا بابجديات التعامل مع الكره في الزمن والمكان المناسب • نحن يا ساده خسرنا من امدرمان • عندما لم نتعامل بجديه مع الفرص التي لاحت لنا • وتعاملنا معها باستهتار • وفوتنا فرصة زيادة حصيلة الاهداف حتي نرتاح • مررنا بتجارب سابقه • لم نستفد منها • فزنا علي دولفين بالسته • ولو لا الهدف السادس لتأهل دولفين للنهائي بدلا عنا • هذه الحادثه كان يجب ان يلتفت اليها ناسنا • ويعرفوا فائدة زيادة الاهداف • لكنهم نسوها • وتناسوها • نخرج دائما من التنافس لاسباب ساذجه يمارسها اناس محددون • اسي عليكم الله العملها سفاري دي شنو ؟ • وبعد غلط واتته الفرصه ليصحح خطأه ولو بتمرير الكره علي التماس • او بارتكاب مخالفه خارج المنطقه • ولكن سفاري لم يفكر في ذلك • ولم يتعامل مع الحدث بمسؤليه • لانه لم يك يعرف اين هو ومتي • ليست المره الاولي • انهزمنا كثيرا باخطاء مماثله من سفاري • اتصل بي مولانا مرتضي غاضبا • قال لي ده شنو البعمل فيهو سفاري ده ؟ • لم اجبه • واصل قائلا سفاري السم الهاري لينا طوااااااااالي • ايها الناس • سفاري لو كان له مكان في التشكيل ليس آخر مدافع • اي حته تانيه • زي ماكان خاتيهو اتوفستر • في الطرف • بعيد بعيد • اما بله جابر • وعن قصة الهدف الاول • فلانحكي شئ • ايها الناس • البدري اخطأ هو الآخر • انا ماعارف ليه مصر علي طمبل البعيد عن اي شئ !!!! • وطمبل ذاتو ليه يقبل يشارك وهو بعيد عن اي شئ !!!!! • لو ماواجعك المريخ يا طمبل حقو توجعك سمعتك ومكانتك وما تشارك الا وانت جاهز • وخطأ آخر للبدري • في اختيار من يسدد الضربات الترجيحيه • فيصل العجب • لاعب مهول • ولكن له قصه مع ضربات الجزاء • يضيعها زي الماحاصل شئ • اختياره كان خطأ • في ضربات الجزاء ما بتعرف وادوها تغرف • اهلت الناس • اما موسي الزومه • فلو اعادها الحكم اربعين مره ما اظن كان تغير الحال • علميا الاشاره تأتي من المخ للقدم • القدم ينفذ • لكن مع موسي احتار العلم ذاتو • تأتي الاشاره من القدم للمخ • بعد القدم تنفذ • المخ دورو بس ياخد علم • مابتعرف • مابتعرف نهائي • ادوها تغرف • جلبغت ورشت الناس • ايها النس • فاروق جبره مسؤل • كان عليه ان يخبر البدري بتاريخ العجب مع ضربات الجزاء • ومهرة موسي الزومه في التنفيذ • وعدم تركيز مصعب في ضربات الجزاء • مصعب احرز ضربه للفريق القومي • لكن ربك رب الخير تماها داخل الشباك • نشكر عصام الحضري • الذي كان يبحث عن الروح عند زملائه طيلة المباراه • نشكره لانه انقذ ضربة الجزاء التي ادخلتنا اللعب من جديد • ايها الناس • غابت الروح عند اللاعبين كالعاده • الحضري وباسكال وكليتشي والسعودي ومصعب وقلق (احيانا ) وشاكواها وراجي نواه لفريق بطولات جويه • منذ اليوم نبحث عن لاعبين مشبعين بروح المريخ في الخانات التي نحتاجها • فلا يعقل ان نرفع في الروح كل يوم • الانتر فريق منظم • ولكن ليس بالفريق الذي يستعصي علينا • ولو وجدنا روج حارس مرماهو عند تلاته لاعبين من ناسنا • كان اتأهلنا • لعبنا ضد فريق جيد • نعم لم نلعب ضد كالا وزباله • ولكن هذا ليس مبررا مقنعا لخروجنا • ايها الناس • يجب ان نستفيد من كل الهنات • وان نعمل علي بناء فريق قوي • يشبه مريخ الجويات • وان لا ننسي الاخفاقات • وان لا نترك الفريق • المريخ حقنا • وخروجه من التنافس لايعني ان نبتعد عنه • وتعودنا ان نلتف حوله في المصائب اكثر من التفافنا حوله في الافراح • تجب الاستفاده • والدعاء • اللهم اجعلها آخر الاحزان • قد ينعم البعض بالبلوي وان عظمت ( ديل نحنا ) • وقد يبتلي الله بعض القوم بالنعم ( ديل الجماعه ) • والطالعه من الكتره بلاقيها المرفعين • المرفعين الشفناهو في مصر امس ده • ولا حولة ولا قوة الا بالله • وآخر دعوانا ان الحمد لله سلك كهربا ننساك كيف ومازلنا نبحث عن الروح !!!!! والي لقاء

المصدر

http://www.alzaeemsd.com/articles-action-show-id-2106.htm

Quote: وتعودنا ان نلتف حوله في المصائب اكثر من التفافنا حوله في الافراح • تجب الاستفاده

حفارين قبور ...؟


نسعل الله السلامة

نزار حسين سلام


شكرا ع المرور