يا جماعة بوستات نرجوكم الدعاء لفلان دي بقت بوستات شؤم!

ما عارف السبب شنو لكن الملاحظ أنو في عدد من الحالات مجرد ما يظهر البوست
اللي فيهو طلب الدعاء لفلان الا و تبدأ ساعة فلان في العد العكسي و ما هي الا
فترة قصيرة حتى نرى بوستات نعيه، و ما اظن في داعي للأمثلة عشان ما نقلب المواجع.
اها الشورة كيف يا اهلنا؟

العزيز سيف النصر ...
تحية و احترام ...
لا تتشائم يا أخي ...
فالدعاء ينفع بمشيئة الله ... أو على الأقل يخفف ...
هناك عدة صور لإجابة الدعاء كما ورد عن النبي صلى الله عليه و سلم :{ ما من مسلم يدعو الله بدعوة ليس فيها إثم ولا قطيعة رحم إلا أعطاه الله بها إحدى ثلاث: إما أن تعجل له دعوته، وإما أن يدخرها له في الآخرة، وإما أن يصرف عنه من السوء مثلها }، قالوا: إذاً نكثر الدعاء، قال: { الله أكثر }.
أما إذا انقضى الأجل فيكون الدعاء مفيداً بالتخفيف ما بعد الموت ... و لن يرد الأجل عدم الدعاء ...
مودتي و عاطر تحياتي ...

د. سيف .. كيفنك عساك بخير ..

إنت عارف يا دكتور الدعاء ده من أعظم العبادات ..
فالدعاء مخ العبادة ..
ومن الزمه الله كثرة الدعاء فقد أراد به خيرا كثيرا ..


فإن الدعاء يحجب البلاء عن العبد ( يتعاركان) ..

ومنه ما يؤجل لصاحبه أو لمن دعي به له الى يوم القيامة ..

وقيل يريه الله ما عوضه عن هذا الدعاء في الآخرة حتى يتمنى أن لو كان الله لم يستجب له في الدنيا

فنسأل الله أن يجعل ألسنتنا رطبة بذكره .. وأن يفتح علينا بكثرة الدعاء والإلحاح فيه


تقبل تقديري

يا دكتورنا تحياتنا ...

زمان كان في واحد قريبنا عندو بتو عيانه وقام جاب الفقراء عشان يدعو ليها ... اها الجماعه واصلوا عملهم ... وبعد الانتهاء البت ابت تتحرك وقدر ما حركوها ابت ... لانها ماتت ...

قريبنا غضب غضب شديد وعندو كلاشنكوف كان محطوط في حجفة القعود ... خطفوا وجاء للفقراء وسالهم واحد ورا التاني ... اتا قريت شنو؟؟ ... الاول قال ليهو بس البسمله و الفاتحه وسأل التاني اتا قريت شنو ؟؟ رد عليهو قال ليهو الصلاة علي الرسول ... والتالت لامن سألوه قال قرأ الاخلاص .. اها قريبنا قبقبو وقرب يكتلو وقال ليهو بس انت ده الخلصت عليها...







______________________________
الدعاء لن يحجب او يقدم اليوم وبنفع الزول هنا وهناك

سلام د. سيف والضيوف الكرام
طبعاً غير صحيح بأن بوستات الدعاء بوستات شؤم بل العكس الدعاء بظهر الغيب مستجاب . وقد كان من حيل الصالحين قول بعضهم لبعض أدعو لي وأدعو لك وذلك لضمان الإجابة .

الأخوة الاعزاء
اشرف البنا و احمد امين و السنوسي بدر و يوسف محمد طاهر
شاكر و مقدر لكم التدخل و النصح و الارشاد. و الدعاء ما عندي فيهو كلام
بس كتبت ما كتبت بدفع مشاعر آنية و اصدقكم القول أنني ترددت للحظات
قبل أن اضغط على ايقونة اضافة رد.بس الحكاية اتكررت كتير حتى اصبح تجاهلها
غير ممكن و السكوت عنها في غاية الصعوبة.