Post: #1
Title: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 11:23 AM
Parent: #0
ونسة مساحين
وللتواصل من خارج المنبر
[email protected]
لان كل زول بهمو بالانفصال ما بين الشمال جنوبا وشمالا له اثار عديدة علي كل المستويات ولكن الاهم علي المستوي المربوط بالشان الهندسي هو الاثر الذي يهابش اولي الاشياء المهمة والاساسيةبالنسبة لاي عمل هندسي مهما كان حجمه كبيرا او صغيرا وهو
نظام الاحداثيات السوداني القديم..!!
|
Post: #2
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 11:28 AM
Parent: #1
نظام الاحداثيات السوداني القديم (ومن الذاكرة) تم توقيع نقاطه علي الارض انطلاقا من نقطة (ادندان) في الحدود السودانية المصرية
واسقاط هذه النقاط تم علي مساحة بحجم مساحة السودان (القديم) سودان ماقبل الانفصال لذا فكل الشبكة الاساسية بالتاكيد (مجرورة من تلك النقطة) وتم توضيبها استنادا علي مساحة ورقعة ارض محددة هي السودان القديم..
فالان فالقوم منفصلين وكل دولة من الضرورة ان تكون لها نظامها الاحداثياتي لوحدها
وعليه سنشهد نظامين مختلفين للاحداثيات
نظام شمال السودان
نظام جنوب السودان
|
Post: #3
Title: Re: اثر الانفصال علي السودان الشمالي والجنوبي مساحيا...!!!
Author: الصادق صديق سلمان
Date: 05-23-2011, 11:29 AM
Parent: #1
كيكي الهلالابي
اخوك ساكن في بوستيك دا هنا سكنة
ومرطب وخالف كراع في كراع كمان
الصادق
|
Post: #4
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 11:33 AM
Parent: #3
Quote: اخوك ساكن في بوستيك دا هنا سكنة
ومرطب وخالف كراع في كراع كمان
|
هلا يا الصادق وحبابك في راكوبة المساحين الهلالاب (وده شرك لعمر بووب عشان يجي ينظر لينا)
والموضوع ده اهم موضوع في الكركبة دي كلها لانو حيتم فصل نظام بتاع احداثيات كامل وكل دولة يفترض ان تكون ليها النظام الموضب المختوت علي الارض وعلي الخرط حسب مساحتها عشان (الطق والخرمجة ما تحصل بعدين)
|
Post: #5
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 11:41 AM
Parent: #4
مصلحة المساحة السودانية وبالتاكيد وبما فيها من معلمين عارفين الشغلة دي كويس
ولكن السؤال الاهم هل هناك انتباه لهذه النقطة علي مستوي الدعم والاسناد من السلطة كون هذا الامر من اهم الاشياء الاستراتجية لتنمية وتعمير دول من الدول ويحتاج مراجعته ووضعه في اطره الصحيح والدقيق ومراجعة كل شبكة نقاط المساحة السودانية شمالا بشغل تحتاج الي المال الوفير والاستفادة من التطور الكبير في هذه المناحي..
ودولة الجنوب الوليدة لا ادري ماذا هم فاعلون في نظام احداثياتهم فالامر عندهم بالتاكيد يحتاج الي دفر و شغل ودرش علي الارض وعلي الخرط حتي ينعمو بنظام ما يخرش منه الموية
|
Post: #6
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 11:49 AM
Parent: #5
كل الخرط ذات المقياس الصغير وهي الخرط التي توضح الاشياء الموجودة في مساحات كبيرة تتاثر بكروية الارض بالتاكيد درجة دقتها حتتاثر وتحتاج الي مراجعة
كون الاسقاط في توصيفها الاول تم استنادا علي مساحة
والان الاسقاط يتم علي مساحة جديدة صغري..
|
Post: #7
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 12:04 PM
Parent: #6
يا جماعة عشان نفهم المساح ابو كدوس ده بقول شنننوو..؟؟
وببساطة لو عندك ارض وعاوز مساح يحددها ليك.. المساح بجي بخت عدته في نقطتين اساسيات بتاعة مساحة وبيها بحدد ليك اركان ارضك دي وبوريك ليها صرة في خياط
النقاط دي اسمها نقاط مساحة وهي درجات حسب دقتها وعلي مستوي السودان القديم في نقاط ذات دقة عالية (منها تتفرع النقاط الاستعملها المساح عشان يثبت بيتك)
وحسع بالنظام الاحداثي السوداني القديم (النقاط الكبري) في الشمال والجنوب كلها محسوبة من حتة واحدة وشبكتها وااحدة
واها مع الانفصال ده مفروض يحصل فرز كيمان اي واحدة يكون عندو نقاطو براهو ونظامو براااهو
|
Post: #8
Title: Re: اثر الانفصال علي السودان الشمالي والجنوبي مساحيا...!!!
Author: ادريس خليفة علم الهدي
Date: 05-23-2011, 12:10 PM
Parent: #7
(*)
يا هندسة
براحة علينا (نحن ما مساحين) .. ماشي اجيب البنبر والعبار (ومقيل هنا)
|
Post: #10
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 12:20 PM
Parent: #8
| Quote: براحة علينا (نحن ما مساحين) .. ماشي اجيب البنبر والعبار (ومقيل هنا) |
هلا يا ادريس
وحبابك
ولو جدعت لاخوك عبار عبارين حيسوق ليكم البوست ده سووواقة جد
ويجيب خبورات مساحية عجيبة خلاص
وتحياتي
|
Post: #9
Title: Re: اثر الانفصال علي السودان الشمالي والجنوبي مساحيا...!!!
Author: بشير دفع الله
Date: 05-23-2011, 12:19 PM
Parent: #6
سلامات كيكى ..
اثر الانفصال مساحيايمكن ان يكون مقدور بفضل مجموعات مقدره من اخوانا المساحين من جنوب البلاد..
وانا شايف هذا الاثر لا يماثل اثار الانفصال اجتماعيا وثقافيا !!
|
Post: #11
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 12:26 PM
Parent: #9
Quote: اثر الانفصال مساحيايمكن ان يكون مقدور بفضل مجموعات مقدره من اخوانا المساحين من جنوب البلاد..
وانا شايف هذا الاثر لا يماثل اثار الانفصال اجتماعيا وثقافيا !! |
هلا يا بشير
وبالتاكيد الاثر الاجتماعي والثقافي وكل الاثار الاخري هي الاعمق كونها تهابش المستوي الانساني في روحو
ووالاثر المساحي ايضا يهابش الشمال والجنوب والاثنين معا..
وهي فرصة للدولتين ان يستفيدو من تسهيلات مفوضية الحدود في الاتحاد الافريقي والتي وصت كل الدول الافريقية بتكوين مفوضيات للحدود
وسيقوم الاتحاد الافريقي بدعمها واها في ظل هذه المفوضيات المساحية يمكن توضيب كل الاجزاء الاساسية المربوطة بالخرط ونظام الاحداثيات
والتدريب والاستفادة من المنظمات العالمية التي هي سخية في مثل هذه المجالات..
|
Post: #12
Title: Re: اثر الانفصال علي السودان الشمالي والجنوبي مساحيا...!!!
Author: Omar Bob
Date: 05-23-2011, 12:40 PM
Parent: #11
Quote: نظام الاحداثيات السوداني القديم (ومن الذاكرة) تم توقيع نقاطه علي الارض انطلاقا من نقطة (ادندان) في الحدود السودانية المصرية
|
سلام يا كيكي
كدي في الاول نبدأ من النقطه دي ونحكي نكته بروفسير حاج الباقر مؤسس قسم المساحه بكليه الهندسه جامعه الخرطوم والتكته تتوارث جيلا بعد جيل لكل طلبه المساحه
في كورس الثنه الثانيه والتي يدرس فيها معظم تخصصات الهندسه ماده مدخل لهندسه المساحه هناك جزء عملي يتم بين كبري كوبر و ركن كليه الهندسه وهو ان تقراْ احداثيات نقطه الكونترول الموجوده تحت الكبري وتعمل مسح علي طول شارع النيل عشان تقفل في نقطة الكونترول الموجوده في ركن كليه الهندسه. يحكي ان عزت احمد علي بدا العمل من النقطه الاولي وعندما قفل في النقطه الاخيره كان ال error امتار فما كان من حاج الباقر الا ان صاح في وجهه يا ولدي نحنا جريناها بالجمال من الاسكندريه لحدي نمولي والerror سنتميرات انتا في 2 كيلو جايب لي error 5 امتار يعني لو قلنا ليك وصل نمولي بتجيب لينا نمولي في السما عديل.
اطال الله عمر حاج الباقر ان كان حيا ورحمه الله ان كان ميتا
|
Post: #13
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 01:49 PM
Parent: #12
| Quote: يحكي ان عزت احمد علي بدا العمل من النقطه الاولي وعندما قفل في النقطه الاخيره كان ال error امتار فما كان من حاج الباقر الا ان صاح في وجهه يا ولدي نحنا جريناها بالجمال من الاسكندريه لحدي نمولي والerror سنتميرات انتا في 2 كيلو جايب لي error 5 امتار يعني لو قلنا ليك وصل نمولي بتجيب لينا نمولي في السما عديل |
عزت زااتو اتحرفن شوية يا بوب وفي زمننا القصة بدل متر لحقت كيلو كامل (ايرور شارع النيل ده) ههههه
مرة اخونا مسساح جديد لنج وكرت كرتونة من الكلية وبعدين شغال( لفل ) بجهاز صيني العينة البعملو القطر قام داك.. واها في اثناء ماهو شغال (فجاة كده انتبه لقي (البابل) بتاع الجهاز اختفي تماما من الدائرة الصغيرة الفيها (البابل) ديك
فما كان منه الا وان يكورك وبالصوت العالي لمهندسه المساح الكبير وبكل خلعة وخوووف
يا ياشمهندس البابل
يا باشمهندس الحق البابل
-----------
والتحية للمهندس عزت
والرحمة والمغفرة لابو المساحة في السودان الحاج الباقر فيوم حوبتو جاء بالحيل
لكننا نسعد بتلاميذه من العلماء ناس حسن فاشر والنويري وكمال عبد اللطيف وغيرهم من علماء المساحة الكبار علي مستوي السودان واولهم بروف عبدالله الصادق
وسنتابع
|
Post: #14
Title: Re: اثر الانفصال علي السودان الشمالي والجنوبي مساحيا...!!!
Author: احمد الامين احمد
Date: 05-23-2011, 02:25 PM
Parent: #13
مكرر
|
Post: #15
Title: Re: اثر الانفصال علي السودان الشمالي والجنوبي مساحيا...!!!
Author: احمد الامين احمد
Date: 05-23-2011, 02:26 PM
Parent: #13
| Quote: النقاط دي اسمها نقاط مساحة وهي درجات حسب دقتها وعلي مستوي السودان القديم في نقاط ذات دقة عالية |
المهندس كابو بمدنى فى حديث قديم
أكد وجود علامات دقيقة موزعة فى كافة
السودان تحدد المساحة بدقة وذكر
حتى لو أختفت العلامات البارزة
التى يضعها المساحون لتعليمmarking
المنطقة مساحيا يستطيع المساح بسهولة
معرفة موقع العلامة المختفية
وذكر من مصلحة المساح إختفاء العلامة بعد وضعها
***من المساحين الذين مسحوا السودان
تحديدا جبال النوبة والأنقسنا وجزء من الجنوب
أيام الإنجليز المساح المهندس عبدالحى محمود (والد الشاعر
المعروف محمد عبدالحى 1944-1989) ووضح من سرد جزء من حياته
بواسطة زوجته التى رافقته أنه كان يستعمل الحبال والجهد البشرى(عمال)
لمسح الأرض ....
المساحة من العلوم المهملة بالسودان (مثل طب المجتمع )
حتى الراهن رغم أنها علم متطفل (بإيجاب ) ويدخل
حتى فى الفضاء والملاحة ..
|
Post: #16
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 04:52 PM
Parent: #15
Quote: المهندس كابو بمدنى فى حديث قديم
أكد وجود علامات دقيقة موزعة فى كافة
السودان تحدد المساحة بدقة وذكر
حتى لو أختفت العلامات البارزة
التى يضعها المساحون لتعليمmarking
المنطقة مساحيا يستطيع المساح بسهولة
معرفة موقع العلامة المختفية
وذكر من مصلحة المساح إختفاء العلامة بعد وضعها
***من المساحين الذين مسحوا السودان
تحديدا جبال النوبة والأنقسنا وجزء من الجنوب
أيام الإنجليز المساح المهندس عبدالحى محمود (والد الشاعر
المعروف محمد عبدالحى 1944-1989) ووضح من سرد جزء من حياته
بواسطة زوجته التى رافقته أنه كان يستعمل الحبال والجهد البشرى(عمال)
لمسح الأرض ....
المساحة من العلوم المهملة بالسودان (مثل طب المجتمع )
حتى الراهن رغم أنها علم متطفل (بإيجاب ) ويدخل
حتى فى الفضاء والملاحة .. |
هلا يااحمد
والتحية لسيرة المهندس النحرير كابو وسندالات مهندسي الري بالسودان...
ونحي روح الرعيل الاول من المهندسين في روح الراحل المهندس عبد الحي محمود
ونعم وفي عموم اراضي السودان هنالك نقاط للتحكم المساحي متواجد باحداثيات معلومة ومعروفة
ويمكن الوصول اليها بسهولة من قبل المساح بعدة اجهزة واكثرها تطورا الان هو نظام الجبي بي اس
الذي سهل العمل وجعله مربوطا بالاقمار الصناعية في اطاره شهدت المساحة طفرة كبيرة علي كل مستويات تطبيقها بحرا وبرا وجوا..
وعلم المساحة في جينتاته هو ذو علاقة بعدة علوم فعلا كالفضاء والبحار والمحيطات والجيولوجيا والضوئيات بالاضافة الي تواجده الكثيف في كل مناحي الهندسة المدنية الاخري واصبح ايضا للمساحة وجود في مضامير الرياضة وخصوصا (العاب القوي) حيث تقاس الدقة في اعلي مراحلهاوالثورة الرقمية في الكمبيوتر اضافت اليه ايضا حلول مسيرة
|
Post: #17
Title: Re: اثر الانفصال علي السودان الشمالي والجنوبي مساحيا...!!!
Author: Elbagir Osman
Date: 05-23-2011, 05:16 PM
Parent: #16
عبد الكريم
وقت إنت مساح
بالمناسبة
قرن أقصى شمال غرب السودان
(أظنه كان يضم الكفرة الليبية الآن)
والذي كان يظهر في الخرط السودانية القديمة
متى فقدناه؟
أو أسأل لي أصحابك المساحين
الباقر موسى
|
Post: #18
Title: Re: اثر الانفصال علي السودان الشمالي والجنوبي مساحيا...!!!
Author: Elbagir Osman
Date: 05-23-2011, 05:20 PM
Parent: #17
|
Post: #22
Title: Re: اثر الانفصال علي السودان الشمالي والجنوبي مساحيا...!!!
Author: Omar Bob
Date: 05-23-2011, 05:59 PM
Parent: #18
Quote: المهندس كابو بمدنى فى حديث قديم
أكد وجود علامات دقيقة موزعة فى كافة
السودان تحدد المساحة بدقة وذكر
حتى لو أختفت العلامات البارزة
التى يضعها المساحون لتعليمmarking
المنطقة مساحيا يستطيع المساح بسهولة
معرفة موقع العلامة المختفية
|
سلامات يا احمد
ساخذ حديثك هذا كمدخل لمل اود قوله وهو ان تقسيم السودان الي شمال وجنوب رغم كارثيته علي كل الاصعده الا انه قد يعود بالنفع لتحديث خرط السودان مساحيا
الكلام اعلاه رغم انو صحيح يا احمد الا ان الدقه المذكوره هنا هي دقه نسبيه. وقبل ان اشرح هذا الكلام ساقوم بتعريفات لبعض المصطلحات المساحيه المهمه حتي نبسط الشرح.
____________________________
الله لا كسبك يا كيكي حتخلينانرجع نكسر في كلام ليه عشرين سنه
|
Post: #20
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 05:42 PM
Parent: #17
Quote: وقت إنت مساح
بالمناسبة
قرن أقصى شمال غرب السودان
(أظنه كان يضم الكفرة الليبية الآن)
والذي كان يظهر في الخرط السودانية القديمة
متى فقدناه؟
أو أسأل لي أصحابك المساحين
|
هلا يا الباقر وتحياتي
وللدكتور بخاري الجعلي تحديدا سفر عميق وموشح بوثائق عن تاريخ الحدود السودان ومع كل دول الجوار
وهنالك كتاب منفصل عن تاريخ الحدود في دارفور والسودان الغربي مع دول الجوار ليبيا -تشاد- افريقيا الوسطي.. وعندي انا الكتاب ده (بس الم فيهو) وبجيك بالخبر الاكيد باذن الله كونه مسهب وعميق وشامل تاريخيا وجغرافيا ومساحيا ثم اداريا...
والحدود السودانية الليبية في تلك النواحي تحتاج الي اعادة ترسيم وتبيت حقوق السودان الاقليمية مثلها ومثل حدود السودان الاخري التي صارت لقمة صائغة لكل من هب ودب من دول الجوار
وح اجيك نابل باذن الله
|
Post: #19
Title: Re: اثر الانفصال علي السودان الشمالي والجنوبي مساحيا...!!!
Author: Nagat Sid Ahmed Elshiekh
Date: 05-23-2011, 05:33 PM
Parent: #15
سلام ياهندسة حضور ومتابعة
بوست فى زمنو و موفق جدا
تسلم يا كيكى
|
Post: #21
Title: Re: اثر الانفصال علي السودان الشمالي والجنوبي مساحيا...!!!
Author: معاوية عبيد الصائم
Date: 05-23-2011, 05:51 PM
Parent: #19
انا متابع معاك القصة دى وشايف بى كاسو ظهرت وربنا يسهل ..
كيزان السجم ديل ما عارفين جغرافيا السياسة....وهنا مربط (الكوز)
حضور وشكرا
|
Post: #25
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 07:19 PM
Parent: #21
Quote: انا متابع معاك القصة دى وشايف بى كاسو ظهرت وربنا يسهل ..
كيزان السجم ديل ما عارفين جغرافيا السياسة....وهنا مربط (الكوز)
|
هلا يا طوربيد
وده مشاكل البنحلم بيهو يوماتي
والجماعة بهناك شابكننا عييك وعااك وصلينا المغرب وصلينا العشاء
في ابيي ومفتكرين الانفصال ده ساااااااكت كده بدون استحقاقات تهابش اشياء اساسية في حاجة اسمها دولة
هم ما مستعدين ليها وماعندهم استعداد
|
Post: #24
Title: Re: اثر الانفصال علي السودان الشمالي والجنوبي مساحيا...!!!
Author: jini
Date: 05-23-2011, 06:45 PM
Parent: #23
يا جماعة ويخيل لى الباقر بوستيكم دا عملينا غضروف وفقر وفليتة!
عليكم الله عدلوهو عشان نستمتع معاكم
جنى
|
Post: #26
Title: Re: اثر الانفصال علي السودان الشمالي والجنوبي مساحيا...!!!
Author: عوض محمد احمد
Date: 05-23-2011, 07:24 PM
Parent: #24
كيكى يا حبيب
سلام
كم صارت مساحة شمال السودان
و ما تسبتها مقارنة بمساحة لدالقارة الافريقية
و كم ترتيب دولة الشمال من حيث المساحة فى افريقيا و العالم العربى
|
Post: #28
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 08:08 PM
Parent: #26
Quote: كم صارت مساحة شمال السودان
و ما تسبتها مقارنة بمساحة لدالقارة الافريقية
و كم ترتيب دولة الشمال من حيث المساحة فى افريقيا و العالم العربى |
هلا يا بروف وتحياتي..
ومساحة السودان الحالي (شماله )هي2,505,810 كلم مربع
وعند الانفصال سيكون الجزء الشمالي1,865,000 كلم مربع تقريبا
والجزء الجنوبي640,500 كلم مربع تقريبا
وكان السودان في الماضي العاشر عالميا ولكنه الان سيتراجع عالميا الي السادس عشر
عربيا سيذهب الي المرحلة الثالثة مابعد الجزائر والسعودية
وافريقيا ايضا سيذهب الي الترتيب الثالث ما بعد الجزائر والكنغو
مساحة افريقيا الكلية 30.2 مليون كلم مربع
ومساحة السودان الشمالي عند الانفصال 1,865,810
وتحياتي
|
Post: #27
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-23-2011, 07:33 PM
Parent: #24
هلا يا جني وحبابك وفعلا الشاسي بتاع البوست اتفتل
ونتمني من الاخ الباقر ان يعدل الصورة ويستعمل الصورة ادناه
|
Post: #29
Title: Re: اثر الانفصال علي السودان الشمالي والجنوبي مساحيا...!!!
Author: Nagat Sid Ahmed Elshiekh
Date: 05-23-2011, 10:07 PM
Parent: #27
Quote: انا متابع معاك القصة دى وشايف بى كاسو ظهرت وربنا يسهل ..
كيزان السجم ديل ما عارفين جغرافيا السياسة....وهنا مربط (الكوز)
|
هلا با أخونا معاوية ، بيكاسو لازم يدخل فى هيك بوستات حيث المفيد من المعلومات ، لكن بينى وبينك وجود بيكاسو والطوربيد وهندسة فى بوست واحد معناهو حرب دامية.
سلام يا كيكى متابعين البوست الدسم والمفيد، عشان الحكاية ما تكون عواسة ساكت فى المساحة الحقيقية لسودانا المقسم.
|
Post: #30
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-24-2011, 05:11 AM
Parent: #29
| Quote: الله لا كسبك يا كيكي حتخلينانرجع نكسر في كلام ليه عشرين سنه |
لووووووووول
يابوب
وده المطلوب زاااتو وحتي نجلس القرفصاء ونطرب بحديث الخبراء الاجانب
وسنتابع
|
Post: #31
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-24-2011, 05:16 AM
Quote: هلا با أخونا معاوية ، بيكاسو لازم يدخل فى هيك بوستات حيث المفيد من المعلومات ، لكن بينى وبينك وجود بيكاسو والطوربيد وهندسة فى بوست واحد معناهو حرب دامية.
سلام يا كيكى متابعين البوست الدسم والمفيد، عشان الحكاية ما تكون عواسة ساكت فى المساحة الحقيقية لسودانا المقسم. |
هلا يا نجاة
وحضور فولترون (بيكاسو- طوربيد) يجعل للبوست حصانة يرتجف منها المطبلين وناس تاكل عيش ويمنح البوست مظلة وحماية ويجعل عصي علي الاقتراب والتصوير من قبل قوات بني كوز
وسنتابع السفر والتحليق في تداعيات الانفصال علي المستوي المساحي في وطن يئن من التداعيات والمحن من كل الانواع والاشكال
|
Post: #32
Title: Re: اثر الانفصال علي السودان الشمالي والجنوبي مساحيا...!!!
Author: Omar Bob
Date: 05-24-2011, 05:51 AM
ساقوم بتعريفات مبسطه للمصطلحات الاتييه:
1/ Datum
2/ Control Points
3/Projection
4/Coordiante System
Datum
وهي النقطه المرجعيه للقياس المساحي في اي رقعه جغرافيه (في السودان موجوده في ادندان كما ذكر كيكي وفي قطر موجوده في الدوحه جوار فندق الشيراتون. هذه النقطه تقاس منها كل الكونترول بوينت ويحدد منها ال Projection وبناء علي ال Projection يحدد الCoordiante Systemالمستخدم في تلك الرقعه.
Control Points
وهي النقاط المرجعيه لعمليات المسح وتحدد هذه النقاط بدقه عاليه وتستخدم الDatum كمرجعيه وهي علي مستويات من حيث الدقه وهي المستوي الاول وهذه في العاده تكون دقيقه جدا جدا ويبذل مجهود كبير لتحديدها. في الزمن السابق كان تحديد كونترول بوينت في المستوي الاول ياخذ فتره زمنيه قد تمدد لعام كامل ولكن مع تطور علم المساحه ودخول نظام ال GPS كلاعب اساسي اصبح تحديد هذه النقاط اكثر سهوله. ياتي بعد ذلك المستوي الثاني لنقاط الكونترول ثم المستوي الثالث وكما هو واضح نقاط اقل دقه. انتشار هذه النقاط خاصه نقاط المستوي الاول في اي رقعه يعني بالضروره تطور هندسه المساحه في تلك الرقعه
Projection
الارض كما هو معروف للجميع شكلها كروي (مفلطح لنكون اكثر دقه) بينما الخريطه التي ترسم لهذه الارض سواء كانت علي ورق او علي شاشه كمبيوتر سوف ترسم بلا شك علي شكل مسطح (سواء كان مستطيل او مربع) ال Map Projection هو كيفيه تمثيل شكل الارض الكروي علي هذا المسطح وهذه عمليه غايه في التعقيد وتدخل فيها حسابات لوغرثميه معقده ونظريات متععده
Coordiante System
وهو النظام الاحداثي(المصطلح الوحيد الذي اعرف ترجمته) الذي يستخدم او ما يعرف لدي الجميع بخطوط الطول والعرض والنظام الاحداثي الذي يستخدم في اي رقعه يعتمد اعتماد كلي علي الProjection المستخدم في تلك الرقعه الجغرافيه
وهناك مصطلح ال Golopal Postioning System او GPS المعروف لدي معظم الناس وهو يعني فيما يعني تحديد الاحداثيات عن طريق الاقمار الصناعيه
|
Post: #33
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 05-24-2011, 06:48 AM
Parent: #32
هلا معلم بوب
وشكرا علي الوجبة االصباحية المدنكلة دي..
رجعتنا بالانضباط المصطلحي المساحي الي زمانات الراحل حاج الباقر والقرفصاء التاريخي في حضرة حسن فاشر واخرين
ودي الجزئية التي يجب ان يكون التنوير بها كثيفا بين الناس الماعندهم علاقة بالمساحة..
فهي قد تلقاك في الشارع او في الخلاء او في اي مكان في هذه الارض يتيح لها ان تتواجد فيجب الحفاظ عليها فهي تعني الكثير من العمار والتعمير وثروة قومية يجب ان تجد الاحترام والتقدير من كل مواطن لما فيها من حلول جذرية لاولي اساسيات اي عمل هندسي.. شارع- مشروع زراعي- مستشفي- شبكة موية- شبكة كهرباء - منازل...
| Quote: هناك مصطلح ال Golopal Postioning System او GPS المعروف لدي معظم الناس وهو يعني فيما يعني تحديد الاحداثيات عن طريق الاقمار الصناعيه |
السودان الشمالي او الجنوبي اراضي شاسعة وكبيرة المساحة ودائما المسح في المساحات الشاسعة مكلف فلذا من الضروري مراعاة الحلول المهلمة في التطوير المساحي وهذا النظام المعروف بالجي بي اس وبقليل من الجهد والمال يمكن توطينه في استراتجية العمل المساحي والهندسي في مثل تلك المساحات ..والحلول المتطورة تتيح للدول انشاء شبكة نقاط مساعدة تغطي كل الدولة وهذه النقاط تقلل تكلفة جهاز الجي بي اس بالاعتماد علي (الروفر) فقط ... والروفر فقط تكلفته تقلل كثيرا عن تكلفة النظام الكلي... الدولة السودانية شمالا او جنوبا يمكنها اشاعة هذه الثقافة في العمل المساحي مما يساهم في العمل في المناطق النائية وفي المشاريع الكبيرة باقل التكاليف وانتاج اعووص الخرط...هكذا تفعل دولة قطر وتسعة نقاط مساعدة تغطي كل الدولة بارتياح ومساااح واحد ممكن يشتغل ليلا ونهارا ويتنجز عمل كبير في وقت قصير وبتكلفة قليلة ودقة اكبر..
وسنتابع يا بوب
|
Post: #34
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 06-01-2011, 05:18 PM
Parent: #33
الي حين عودة وعود
|
Post: #35
Title: Re: اثر الانفصال علي السودان الشمالي والجنوبي مساحيا...!!!
Author: Bashasha
Date: 06-01-2011, 05:27 PM
Parent: #34
طبعا!
وماذا نتوقع من امثالك غير الونسة والكلام المابغلط علي الجلاد!
بعدين هو ما انفصال لانو عمرو ما كان في اتحاد!
هو استقلال من "الاستغلال"!
ماقتا ليك يا كيكي في كل كلمتين من بقك واحدة او نص من الكلمتين، بعبرن عن حالة استلابك الجلابي؟
|
Post: #36
Title: Re: اثر الانفصال علي السودان الشمالي والجنوبي مساحيا...!!!
Author: عبدالكريم الامين احمد
Date: 06-01-2011, 05:37 PM
Parent: #35
Quote: طبعا!
وماذا نتوقع من امثالك غير الونسة والكلام المابغلط علي الجلاد!
بعدين هو ما انفصال لانو عمرو ما كان في اتحاد!
هو استقلال من "الاستغلال"!
ماقتا ليك يا كيكي في كل كلمتين من بقك واحدة او نص من الكلمتين، بعبرن عن حالة استلابك الجلابي؟ |
هلا يا بشاشاوحبابك يا هلفتة
وحبابك في ونسة المساحين
وانا كخبير اسفيري اركلوجي عارف تماما بان السلخ والدرش والقبض عليك متلبسا بالتناقض الشديد المفاجي
والعنصرية البغيضة وتحويلك الي اضحوكة اسفيرية متحركة حجيب كثافتك وبخليك تجي متلب بالبقج والعاهات الدائمة التي احدثها فيك المستلب كيكي واخرين.. فدحين اخد راحتك يا زول وانت في مثابة اسير الحرب الاسفيرية
ومن دخل دار كيكي فهو امن
|
|