دعـوة.. الملتقي الصيفي للرابطة السودانية بسويسرا ..مرحبا بالجميع ...

تدعوكم الرابطة السودانية بسويسرا للملتقي الصيفي السنوي بمدينة كوزناخت / زيورخ

السبت 28/05/2011

الوصول للمكان ..

من بحيرة البلفي
Bus No.912 vom Bellveue
Bushalltstelle T ä g e r moosstrasse
او
من محطة القط
ار كوزناخت
Bus No,919 von Banhof Küsnacht
T ä g e r moosstrasse Bushaltstelle
الزمان الساعة الواحد ظهرا ..

كما تعودنا دائماان نلتقي علي جمرة الشواء ولعب الاطفال, والتفاكر في شتي المواضيع

التي تهمنا كسودانيون نعيش بعيدا عن وطننا الام نحمل ثقافتنا لنورثها ونحافظ عليها

جيل بعد جيل .

هذه المرة ستكون مع عمنا محمود بدري من اوائل السودانيين الذين حطت بهم طائرات

الغربة وكان نعم السوداني والسفير لبلاده وهو الذي يجمع الناس في كل المناسبات في

مدينة كوزناخت ويقوم بكل سبل الراحة للجميع متعه الله بالعافيه وجعل في ابنائه البركه

لكم جميعا اعضاء وغير اعضاء الحضور والمشاركه ..

علي الاخوة في فريق الرابطة القاء التمرين والحضور للملتقي ...

دمتم احبتنا ودامتم معكم العافيه

لجنة الرابطة السودانية بسويسرا

up

حاضرين

Quote: كوزناخت

الله بسالك اسمها كوز ناخت , غايتو الاسمين شينات .

حاضرين يا عمدة .

شكرا ياابوعبده بالله ماتنسي تجيب لينا معاك خروف خروفين اي حاجه ان شاء الله ارنب ..

ياابوالتاء والله متوقع يجي واحد يعلق في الكوز بتاع الليل ده .اه لو كتبتها بي نطقها الصحيحة

والله الا تقوم جاري ..احسن خليها كوز سويسري ما بسوي حاجه ..

ياناس المانيا الرشيد وهيما والجوص والدكتور محمد بدوي تقلوا لينا من التركي بالله

بندور جيتكم بالحيل

الحقنا ياود جبرالله الكتابة دي ابتني عديييييييييييل عدلتها مرات وبرضو مصر ما تنكتب صاح

اسم المحطة tägermooosstrasse انا ماعارف بتتلولو ليه؟؟

عملت ليها كوبي برضو مانفع ذي ما انت شايف !!

المهم الكلمة تيغر بالعربي النمر مووس عديييل

سلام

سلام با عماد
كان ألله هون بنجي وكان ما هون تعفو لبنا

بافيصل إسمها قبلة الليل وما أدراك ما الليل

العنوان هو
Bus No.912 vom Bellveue
Bushalltstelle Taegermoosstrasse

شكرا يادكتور يوسف عصلجت معاك برضو لكن بالطريقة دي ممكن الناس تعرف تقرأ

t ä g e r MOOSSTRAESSE

اعتقد كده ممكن ..

اخيرا حلينا المشكلة فياعصام جبرالله ماتجي ..

والحمدلله يوم السبت الجو جميل ومافي امطار

هناك برامج وخاصة برنامج الاطفال

علي الجميع الالتزام بالمواعيد..

Quote: بافيصل إسمها قبلة الليل وما أدراك ما الليل

يا دكتور نحن جايين ناكل , بلاش رومانسية معاكم انت وعم محمود , قال
قبلة الليل قال .

بالله كتروا من المشويات يا عمدة وخلوا حكاية الاطباق الصغيرة
جيبوا لينا صواني كبيرة نظام الواحد يهبر هبر




ـــــــــ
نجئ نشوف الكوز دة شنو كمان

سلام يا شعوب
أنا جهزت الألعاب , لى ناس فيصل زنق البصله و شدت , لى ناس تانيه حجله و سيجه .... كل زول و شبهو.
يا فيصل اتفاقنا مع حكيم قائم يوم الجمعه؟ ما تخذلونى .... و لو عبدالخالق انضم لينا الماتش يكون دولى , الهواة زى الدكتور و عماد ما بخارجو معانا عاوزين محترفين

هوي عصام بطل الحركات دي وجيب عمبلوقك معاك ما تاكلنا حنك

جايب حرينه ولا شاقي اللين قنع ..

رأفت ميلاد جايب معاو لوري عمبلوق

الشطه والذي منه


ياشبااااااااب مافي كورة يوم السبت القادم باذن الله

Quote: أنا جهزت الألعاب , لى ناس فيصل زنق البصله و شدت , لى ناس تانيه حجله و سيجه .... كل زول و شبهو.يا فيصل اتفاقنا مع حكيم قائم يوم الجمعه؟ ما تخذلونى .... و لو عبدالخالق انضم لينا الماتش يكون دولى , الهواة زى الدكتور و عماد ما بخارجو معانا عاوزين محترفين

والله يا عصام جدت ظروف , يوم الجمعة صعب شوية , لكن يوم السبت والاحد ما عندنا اى برامج خلاف
اللمة دى , كدى حاول فضى لينا نفسك نهار الأحد كمان .

ابو التاء ... جبرتا ده داير يتم ليك الباقي

خليهو يجيب الشربوت ويتخارج

سلامات عماد

وسلام يا يوسف


أحبتي كيف حالكم ...انشاء الله لمة خير دائما .

انا حزينه للغايه لمرض اختنا صلوات مصطفي عالم.

جلال ذكرني ان ابلغك يا يوسف وهي ترقد بالعنايه المكثفه - بالقاهره .



ارجو توصيل هذه الرساله ليوسف يا عماد ان لم يقراها.


هي في حالة غيبوبه تامه ...دعواتكم لها بالشفاء .

سلام يا محاسن

أحر التعازي لكي وللأسره الكريمه في أخونا محمد
وألله حاولت الإتصال بك أكثر من مره لكن لم أوفق
ربنا يوالي أختنا صلوات بالصحه والعافيه ويرفع عنها البلاء
لو في أي نوع من المساعدات ممكن أن نقدمها أرجو أن لاتتردوا في إبلاغنا
تحياتي وودي
يوسف

مراحب يوسف ويا هلا بيك .


وفعلا مواساتك في فقدنا العظيم والذى لاتزال غصته في حلقنا ومادمنا عائيشين في هذه الدنيا خيال وذكرى محمد والفاتح عليعهم رحمة من الله ورضوانه لاتفارقنا ....ربنا يرحمهم ويغفر لهم ويجعلهم من اصحاب اليمين ويرحم كل موتانا ...أمين يارب العالمين


صلوات ربنا يأخد بيدها حالتها كما ذكرو لي متاخره شديد ...أمبارح أتصلت علي زوج شفيقتها علي هذا الرقم 00201526851631

اليوم لم أتصل عليه وممكن تساله عن المستجدات اليوم.

انا افتكر مساعدتك المعنويه والسؤال عنها سيكون مفيد وياريت تقدر تعرف ان الناس بتسال عليعها.


ممكن تدبني ايميللك وايميل د . صلاح ؟

ونحاول نكون دائما علي اتصال .

معقولة
يعنى الحفلة انتهت ؟

إبراهيم عبد الحليم

شكرا يامحاسن وان شاء نسمع كل خير عن الاخت صلوات

ربنا يواليها بالعافيه ودعواتكم وانشاء الله نسمع الاخبار السارة

في اليومين الجايات

قرينا مداخلتك واناكنت مع يوسف في البيت

دمتم ودامت معك العافيه

اهلا بالدكتور الفنان

كيفك ياابراهيم احوالك والله انتهت نسوي شنو كنا نتمني الاحتفاليه تتواصل لي الصباح لكن ناس البرشا ماريحونا

بسحرهم ..والله كان يوم جميل بحق وحقيقه واستمتع الجميع وخاصة الاطفال ..والله كلنا محتاجين اللمه والونسات

عشان نخفف الام الغربة والحمدلله الحضور كان مبالغة والجو كان سوداني مااروبي ذي مابقولوا

شكرا كتير وانشاءالله المره الجاية تجي تشاركنابي فنك الرفيع

تسلم ياحبيب