Post: #2
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: آدم صيام
Date: 05-20-2011, 02:15 PM
Gamilah Abdelrahman Abdelhalim from the Sudanese Society on Arab TV
بالله شوف حسها بالانتماء السوادني الفاخر ده!
الموضوع الجدير، مستوى الوعي الناضج و الإلمام التام بمحيط هجرتها أو ما تحمله من وطنها الأم
و الدور المركب الذي آلت على نفسها أن تقوم به بنجاح تجاه بنيها و في محيط أسرتها( حسدتها عليه)
كثير من المهاجرين عصفت بهم ما يسمى (بالصدمة الحضارية) وماتوا على دينها!
لله درهــــــــــــا من سودانية أصيلة
|
Post: #3
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: اسماء الجنيد
Date: 05-20-2011, 11:03 PM
Parent: #2
Quote:
بالله شوف حسها بالانتماء السوادني الفاخر ده!
الموضوع الجدير، مستوى الوعي الناضج و الإلمام التام بمحيط هجرتها أو ما تحمله من وطنها الأم
و الدور المركب الذي آلت على نفسها أن تقوم به بنجاح تجاه بنيها و في محيط أسرتها( حسدتها عليه)
كثير من المهاجرين عصفت بهم ما يسمى (بالصدمة الحضارية) وماتوا على دينها!
لله درهــــــــــــا من سودانية أصيلة |
أخوي آدم الحنين ود الجروف والطين
حبابك إنت يا السمح عقابك
إن شاء الله يا ود امي تتعلا ما تدلا شاحدة ليك الله
نهدي ليك السمح ونفيس في جديدك البعجبك
فعلا مفخرة وبالجد اجمل هدية وجات في وقتها مع اوجاع بلدنا الزايدة يوم بعد يوم ..
يا سلام عليها والله رفعت رأسنا جميلة الجميلة
التحية للأخت جميلة عبد الرحمن والله يكتر من امثالها
مثال لبت البلد وللسودانية الأصيلة سفيرة بلدها في كل مكان
إنت يا آدم يا خوي عهدتك اخو حوبات وبتسند الأمات وبعجبك سمح الأخوات
والبجي من تالاك خريف اخضر وببشر بالسمح والزين
التحية ليكم الإتنين
إنت وخيتك جميلة
تسلم يابا يا جميل الدواخل
ومقبولة الهدية منك وبفخر بيها وفرحانة بيها يعلم الله
ودعتك الله يا الحنين
|
Post: #4
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: Abdlaziz Eisa
Date: 05-21-2011, 04:35 AM
Parent: #3
العزيز آدم صيام
التحية للاستاذة/ جميلة
فهي هرم سوداني متميز في مهجرها..
هنالك عددا من أبناء الأساتذة السودانيين بالجامعة الاسلامية الماليزية لا يفهمون ولا يتحدثون العربية والغريب أن ذويهم معجبين بذلك ويظنون أنهم وضعوا ابناءهم في المسار الصحيح.. والاغرب ادعاء العروبة.. بلم في بلم..
والتحية لملكة الكلم الجميل استاذتنا/ بت الجنيد
تحياتي
|
Post: #5
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: آدم صيام
Date: 05-21-2011, 07:00 AM
Parent: #4
Quote: أخوي آدم الحنين ود الجروف والطين
حبابك إنت يا السمح عقابك
إن شاء الله يا ود امي تتعلا ما تدلا شاحدة ليك الله
نهدي ليك السمح ونفيس في جديدك البعجبك
فعلا مفخرة وبالجد اجمل هدية وجات في وقتها مع اوجاع بلدنا الزايدة يوم بعد يوم ..
يا سلام عليها والله رفعت رأسنا جميلة الجميلة
التحية للأخت جميلة عبد الرحمن والله يكتر من امثالها
مثال لبت البلد وللسودانية الأصيلة سفيرة بلدها في كل مكان
إنت يا آدم يا خوي عهدتك اخو حوبات وبتسند الأمات وبعجبك سمح الأخوات
والبجي من تالاك خريف اخضر وببشر بالسمح والزين
التحية ليكم الإتنين
إنت وخيتك جميلة
تسلم يابا يا جميل الدواخل
ومقبولة الهدية منك وبفخر بيها وفرحانة بيها يعلم الله
ودعتك الله يا الحنين |
شكرا بت أمي أسماء لقبول الهدية
دار في خلدي أن جميلة واقفة ومن الحيطة،
تنادي جارتها السكسونية(فج النيل) شاحداها كتحة ملح عشان تنزل حلة الكمونية ليلتا
شوفي العز ده، حتى كتحة الملحاية نقلتها إلى اليانكي لاند!
|
Post: #6
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: آدم صيام
Date: 05-21-2011, 07:08 AM
Parent: #5
Quote: العزيز آدم صيام
التحية للاستاذة/ جميلة
فهي هرم سوداني متميز في مهجرها..
هنالك عددا من أبناء الأساتذة السودانيين بالجامعة الاسلامية الماليزية لا يفهمون ولا يتحدثون العربية والغريب أن ذويهم معجبين بذلك ويظنون أنهم وضعوا ابناءهم في المسار الصحيح.. والاغرب ادعاء العروبة.. بلم في بلم..
والتحية لملكة الكلم الجميل استاذتنا/ بت الجنيد
تحياتي |
الحبيب/ ود أبـــــــــا
هلا بمرورك الكريم
بالله لاحظت للسيدة هذه وجهودها الكريمة من الأسرة إلى الوسط الاجتماعي
قدمت دروس نادرة وعظيمة بحق
| Quote: والتحية لملكة الكلم الجميل استاذتنا/ بت الجنيد |
بت الجنيد صنوها أخوي عشان كده قلت أذكرها بنسختها الأولى باقي ليها 38 شبه من الأربعين
|
Post: #7
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: Abdlaziz Eisa
Date: 05-21-2011, 05:20 PM
Parent: #6
عزيزي ود صيام
سلامات
الغربة سترة حال البغني بيها الكابلي ديك ياها الزولة دي مكملاها تب..
وسوما الله يخليها
تحياتي
|
Post: #8
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: اسماء الجنيد
Date: 05-21-2011, 08:07 PM
Parent: #7
Quote: والتحية لملكة الكلم الجميل استاذتنا/ بت الجنيد
|
الله يحييك يا عزيزي العزيز
والتحايا ليك إنت مطبوقة وملانة محنة
كيفنك إنت والوليد وام الوليد
سلامنا ليكم بالكتير ما شوية
|
Post: #9
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: اسماء الجنيد
Date: 05-21-2011, 08:24 PM
Parent: #8
Quote:
شكرا بت أمي أسماء لقبول الهدية
دار في خلدي أن جميلة واقفة ومن الحيطة،
تنادي جارتها السكسونية(فج النيل) شاحداها كتحة ملح عشان تنزل حلة الكمونية ليلتا
شوفي العز ده، حتى كتحة الملحاية نقلتها إلى اليانكي لاند! |
يا حليلك يا آدم يا خوي
والله ماك طالبني حليفة يا الحنين, تصدق بالله أتخيلت روحي وسطهن الإتنين
وبعدما فج النيل ناولتها كتحة الملح
ناغمتهن انا وقلت ليهن أمانة ما عندي ليكن شيتا سمح بالحيل,,
بليلة فريك بالسمنة البلدية تستاهل لمتكن مع فنيجين جبنة
اقضن خدمتكن وتعلا لي لي بالدرب تحت النيماية الكبيرة وناغمن معاك أم الزين
وأم الزين يا آدم الحنين إحدي تصاويري للأم الرؤوم الحنينة بت البلد الأصيلة الأنجبت ناس جميلة وخياتها
بهديها ليك إنت يا آدم ولي اختنا جميلة ولي اخوي عزيز ولي كل ضيوفك الكرام
ضلاله بي طرقه
مشرورة في حيطة
متكولة بي مرقة
رقراقا بيتاوق
بيناغم ألفرقه
حداها أم الزين
لابساها نص فتقة
بلامة في وجيها
ملتوقه بي لفقة
شايلالا خماره
في حليلة متحرقة
وقودا في اليدين
حازماه بي بتقه
جهالا بي غادي
تشابا في شفقة
تغنى وتهاتي
لصغيره بي رقة
تحجي يوماتى
خايفالو من شرقة
مقسومة في العينين
ما بتعرف ألمرقة
معيشة زى همين
تبداها بي طرقة
وحليلة في منقد
بصلاتها متفرقة
قفيفه مقدودة
مرقوعة بي ورقه
تتناول الفندك
تنادى للرفقة
كريمهة أم الزين
بتقسم ألنبقة
حنينهة للمسكين
تسقيه بالبقة
دمعاتها جوه العين
فرحانة مى حرقة
تلولى في الكرعين
ما بتعرف النقة
تحجي بالوالدين
لا صرخة لادقة
السمحة نوارة
مرسومة ألخلقة
تتفقد ألجارة
بالنية مي زرقة
بالنية مي زرقة
أسماء الجنيد
|
Post: #10
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: Abdlaziz Eisa
Date: 05-22-2011, 04:04 AM
Parent: #9
Quote: بهديها ليك إنت يا آدم ولي اختنا جميلة ولي اخوي عزيز ولي كل ضيوفك الكرام
ضلاله بي طرقه
مشرورة في حيطة
متكولة بي مرقة
رقراقا بيتاوق
بيناغم ألفرقه
حداها أم الزين
لابساها نص فتقة
بلامة في وجيها
ملتوقه بي لفقة
شايلالا خماره
في حليلة متحرقة
وقودا في اليدين
حازماه بي بتقه
جهالا بي غادي
تشابا في شفقة
تغنى وتهاتي
لصغيره بي رقة
تحجي يوماتى
خايفالو من شرقة
مقسومة في العينين
ما بتعرف ألمرقة
معيشة زى همين
تبداها بي طرقة
وحليلة في منقد
بصلاتها متفرقة
قفيفه مقدودة
مرقوعة بي ورقه
تتناول الفندك
تنادى للرفقة
كريمهة أم الزين
بتقسم ألنبقة
حنينهة للمسكين
تسقيه بالبقة
دمعاتها جوه العين
فرحانة مى حرقة
تلولى في الكرعين
ما بتعرف النقة
تحجي بالوالدين
لا صرخة لادقة
السمحة نوارة
مرسومة ألخلقة
تتفقد ألجارة
بالنية مي زرقة
بالنية مي زرقة
أسماء الجنيد
|
الاخت الاستاذة/ سومـــا
حياك الله يا بت امي
نضميك جميل يندس جوة الزول..
لو قلنا كلام اكيد قصرنا
ولو قلنا شكر ما وفّينا
الله يسعدك ويغطيك .. ويعطيك كل الفي مناك يا زينة البلد
مودتي
|
Post: #11
Title: Re: مفخــــــــرة أم سودانية في الغــــربة /مهداء للعزيزة أسماء الجنيد
Author: آدم صيام
Date: 05-22-2011, 05:08 AM
Parent: #10
ضلاله بي طرقه
مشرورة في حيطة
متكولة بي مرقة
رقراقا بيتاوق
بيناغم ألفرقه
حداها أم الزين
لابساها نص فتقة
بلامة في وجيها
ملتوقه بي لفقة
شايلالا خماره
في حليلة متحرقة
وقودا في اليدين
حازماه بي بتقه
جهالا بي غادي
تشابا في شفقة
تغنى وتهاتي
لصغيره بي رقة
تحجي يوماتى
خايفالو من شرقة
مقسومة في العينين
ما بتعرف ألمرقة
معيشة زى همين
تبداها بي طرقة
وحليلة في منقد
بصلاتها متفرقة
قفيفه مقدودة
مرقوعة بي ورقه
تتناول الفندك
تنادى للرفقة
كريمهة أم الزين
بتقسم ألنبقة
حنينهة للمسكين
تسقيه بالبقة
دمعاتها جوه العين
فرحانة مى حرقة
تلولى في الكرعين
ما بتعرف النقة
تحجي بالوالدين
لا صرخة لادقة
السمحة نوارة
مرسومة ألخلقة
تتفقد ألجارة
بالنية مي زرقة
بالنية مي زرقة
أسماء الجنيد
الله ياأم الزين
دي الأصالة ولا بلاش
يسلم النضم
|
|