Post: #1
Title: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:20 AM
Parent: #0
ما ممكن الزول يفتح المنبر الصباح
يلقي تزوير فاضح كدة
وباسم منو؟
زول عاوز يرجع الحريات والحقوق العامة
|
Post: #2
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:23 AM
Parent: #1
تنوم الليل الا والحكومة حاشة فكرك وبيناوي بقي مؤتمر وطني
تصحي الصباح تلقي معارضيين مغرضيين بيشوهو في مايجب ان يكون
ـــــــــــ
يعني قبل نكسب حقوقنا وواجباتنا هم بيغتالوها
|
Post: #4
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:26 AM
Parent: #2
هو حقي أنا - كمواطن مغلوب على حقوقه - شنو ؟
غير اني اصبح وحقي في جهة بتحفظو
ـــــــــ
معقولة بس حكومة تحش افكارك بالكضب الصراح ومعارضة تجري بنفس الدرب؟
|
Post: #5
Title: Re: العيــب ياطيــر ،،، ( قال معارضة قال؟ )
Author: سفيان بشير نابرى
Date: 05-20-2011, 08:27 AM
Parent: #2
| Quote: تنوم الليل الا والحكومة حاشة فكرك وبيناوي بقي مؤتمر وطني |
سلام يا صاحب
الحش حاصل بس بيناوي دا ياهو حقنا الهنا دا؟!!!؟
هسي انا عايز افهم قصة وزير المالية والصحفي
ابو القاسم دي حيرتني رسممممممي ياخ .
|
Post: #7
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:35 AM
Parent: #5
Quote: الحش حاصل بس بيناوي دا ياهو حقنا الهنا دا؟!!!؟
|
ياهو ياسر ياجميل
انا مخلوع لي هسسع صاحبي ما يستاهل معاهو قبل كم اسبوع ما قايلو هش كدة
ــــــــ
حقنا ياسفيان نتملك معلومة صاااح ما يلعب بينا زول
|
Post: #3
Title: Re: العيــب ياطيــر ،،، ( قال معارضة قال؟ )
Author: د.نجاة محمود
Date: 05-20-2011, 08:23 AM
Parent: #1
يا حيدر نحنا زمان شن قلنا
تفتكر الانقاذ دي قاعدة ليه؟
نحنا من المنبر دا شغال بالحطب قاعدين وشهدنا جنس كذب وتزوير وشخصيات باسمين دائما من آل يسار
لما آمنا انه اصلوا المعارضة دي ما فيها فائدة..
|
Post: #6
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:31 AM
Parent: #3
يادكتورة الزيي ديل كل يوم يقولوا فرجت مع اي حراك
عمتنا سنونها وقعت وهي تقول يا وليداتي دا حال دا؟ كلكم كضابيين
تمسكو البلد تكضبو علينا نحن الانجليز حكمونا اصلن ما كضبو؟
ــــــــــــ
لكن انا تزوير وقوة عين زي الكلام دا ما قابلني
|
Post: #8
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:41 AM
زماانوقت قلنا لا لتراجي مصطفي ولا لهشام هباني ومصطفى محمود ما عبث
خايفين من ابتزال المعارضة للنظام
ــــــــ
خايفين من يوم نجي نلقي المعارضة والحكومة وجه لعملة واحدة
|
Post: #9
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:43 AM
Parent: #8
لو كانت الأكاذيب هي بديل كضب المؤتمر الوطني
يبقي غيرنا شنو؟؟؟
ــــــــ
عاوزين حقنا حقنا في اننا نعيش بدون كضب حاكنا ولا ممثلنا قدام الحاكم
|
Post: #13
Title: Re: العيــب ياطيــر ،،، ( قال معارضة قال؟ )
Author: عوض محمد احمد
Date: 05-20-2011, 08:50 AM
Parent: #8
حيدر الزين
سلام
المعارضة تحارب نظاما فاسد مراوغ قوامه عصابات من القتلة و المجرمين ممن يفوقون المافيا اجراما
يعنى لو عايز تحاربم بنظافة الا تنتظر نافخ الصور
متى التزم القتلة معايير الاخلاق حتى نلزم بها معارضيهم
اى شئ جايز فى سبيل خلاص شعبنا من هؤلاء القتلة المجرمين
حتى بالمعايير الاسلامية هناك:
الحرب خدعة
خذل عنا القوم
ياخى نظام قتل و شرد و اجاع ملايين البشر بعد كايسين تحاربوهو بالفير بلى؟
|
Post: #18
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:59 AM
Parent: #13
Quote: اى شئ جايز فى سبيل خلاص شعبنا من هؤلاء القتلة المجرمين
|
سلامات ياعوض
بشوف العكس تماماً
مفروض نحن نعكس الوجه البنادى بيهو ... الصدق مقابل الكضب
( وزي ما يقول ود تكتوك الصدق كان ما نجاك
الكضب ما بينجيك
|
Post: #11
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:46 AM
Parent: #10
علاء الدين اختاني براي موجوع
ممغوس من امس من ياسر بيناوي
ــــــــ
ماتخرب سمعتي بالله 
|
Post: #12
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:49 AM
Parent: #11
قلنا اعترضنا على رد كضب الحكومة بكضب من يعارضوهم
وبذاءة الحكومة ببذاءة المعارضة
بحجة المثل بالمثل
ـــــــــ
طيب مش مفروض نؤسس لمبداء الشفافية والصدق بالتعاطي؟
|
Post: #15
Title: Re: العيــب ياطيــر ،،، ( قال معارضة قال؟ )
Author: رغيم عثمان رغيم الحسن
Date: 05-20-2011, 08:54 AM
Parent: #12
متفق معاك جدا يا حيدر نحنا بنعارض الانقاذ لاسباب اخلاقية فى المقام الاول قبل ما تكون اسباب سياسية او غيرو
وما ممكن نستخدم وسائل غير اخلاقية فى معركتنا معاها لانو نحنا كدا ما عندنا فرق منها
قبل كم يوم كان حايم فى البورد فديو لى كوز فى جامعة دنقلا الطلبة برغموه على انه يقول انا مؤتمر وطنى عفن ما تتخيل انا قرفت من الفديو دا كيف لانو جانى فى بالى سؤال واحد طيب نحنا بنكره الامنجية ليه؟؟؟؟؟؟؟؟؟؟؟
|
Post: #20
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 09:04 AM
Parent: #15
| Quote: نحنا بنعارض الانقاذ لاسباب اخلاقية فى المقام الاول قبل ما تكون اسباب سياسية او غيرو |
ود عمي عثمان رغيم الرجل الجميل
جبتها من آخرها وبالمفيد
ـــــــ
دا العاوزنو قرفونا يآخ وخلو رقبتنا سمسمة
|
Post: #16
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 08:55 AM
Parent: #12
قبل خمسة سنة اشتغلت مع واحد رجل اعمال سعودي كمحاسب
في يوم قال لي: انا كنت موظف محاسب مصري وبديهو راتب ضعييف وهو بيسرقني
وعااارفو لكن البيسرقوا مني بالسنة هو مقدار راتبو المفروض
|
Post: #14
Title: Re: العيــب ياطيــر ،،، ( قال معارضة قال؟ )
Author: علاء الدين يوسف علي محمد
Date: 05-20-2011, 08:51 AM
Parent: #11
غايتو يا حيدر ناس بيجو عرمان ديل أخير ليك مِنّهم بيناوي بي حالو دة
مُش قالوا عدوٌ عاقل خير من صديق شِنو؟
|
Post: #21
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 09:08 AM
Parent: #14
Quote: غايتو يا حيدر ناس بيجو عرمان ديل أخير ليك مِنّهم بيناوي بي حالو دة
|
يازول ما عاوز معاك لا انت لا الشفيع وراق التحت دا
ـــــــ
غادرو سمانا ياخ :)
|
Post: #17
Title: Re: العيــب ياطيــر ،،، ( قال معارضة قال؟ )
Author: Isa
Date: 05-20-2011, 08:55 AM
سـلام يا حـيدر، لأني عارفك زول ما (مغـرض)، عشان كدة ما شايف إنو ما نشره موقع إلكتروني طوالي نقول دي (المعارضة)! في مقابل الحكومة.. حتى لو كانت هذه المواقع هي جهات معارضة (بكسر الراء).. يعني المقاشرة المكسينة دي زاتا تلقاها من منو؟ وهي المعارضة دي منو وشنو؟ هل هي تحالف جوبا أو التحالف الوطني أم المؤتمر الشعبي أم الحركة الشعبية أم قطاع شمالها أم الجبهة العريضة أم حركات دارفور التي لا تحصى ولا تعد أم أم؟؟ يعني أي عمل صحيح أم خطأ قام به أي واحد من ديل وغيرهم طوااالي نقول دي (المعارضة)؟.. ياخي أقول ليك حاجة إنت عارفا: إنت زااااتك معارضة! ولكن ترفض التزوير والكذب لأنه يضر بقضيتك كمعارض(ة) ومثلك كثير من الأفراد والمنظمات والتظيمات المعارضة.. الكونلوشن على قول ود الصايم: الذين قاموا بالتزوير إن صح ذلك ينسب لهم هم وحدهم ويتحملوا مسؤوليتو كأفراد أو صحف أو مواقع إنترنيت الخ مش المعارضة.. المفروض ما نشارك الحكومة في محاولات الإساءة للمعارضة بالحق والباطل..
|
Post: #19
Title: Re: العيــب ياطيــر ،،، ( قال معارضة قال؟ )
Author: الشفيع وراق عبد الرحمن
Date: 05-20-2011, 09:03 AM
Parent: #17
جينا نسلم ،،،،،،،،،،،،،بس
|
Post: #22
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 09:09 AM
Parent: #19
سيم سيم ردي لعلاء
ــــــ
الجمعة باقي ليها ساعة واحدة امشي صليها بمسجد الراجحي بمخرج 15
|
Post: #23
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 09:14 AM
Parent: #17
سلام يا عيسي ( بضحك لي هسع من رد منان عليك وتعليق اساسي يخرب راسو هههههههههه)
| Quote: عشان كدة ما شايف إنو ما نشره موقع إلكتروني طوالي نقول دي (المعارضة)! في مقابل الحكومة |
|
Post: #24
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 09:18 AM
Parent: #23
ابداً يا اخي عيسي
تعليقاً على المقتبس مفروض انا - انت - اي معارض اخر
يخت نفسو انه ممثل لمجموع الرافضين للنظام
وزي ما قال رغيم عثمان انه التقزز ما مرتبط بمعارض او فلوتر مرتبط بكل مواطن ومشاهد
ـــــ
نغير شنو لو جينا بوجوه مختلفة لكن بنفس الأخلاق.؟
|
Post: #25
Title: Re: العيــب ياطيــر ،،، ( قال معارضة قال؟ )
Author: الشفيع وراق عبد الرحمن
Date: 05-20-2011, 10:37 AM
Parent: #24
تلف وتلف وتلف...................وتجينا
اها صلينا وجينا
|
Post: #26
Title: Re: العيــب ياطيــر ،،، ( قال معارضة قال؟ )
Author: د.نجاة محمود
Date: 05-20-2011, 10:47 AM
Parent: #25
المعارضين ديل تقوليهم اي كلام يطلعوك كوز
اصلا من زمن المعارضة والحكومة ...... وقسمو بخيط
مافي فرق اصلا
عشان كدا كل النداءات ان يخرج الشعب للتغير مافي زول اشتغل بيها
رافيعن شعار جنا تعرفو..
دكتور عوض ما ممكن والله كلامك دا انت جاد فيه؟
|
Post: #27
Title: Re: العيــب ياطيــر ،،، ( قال معارضة قال؟ )
Author: بدر الدين اسحاق احمد
Date: 05-20-2011, 11:25 AM
Parent: #26
Quote: متى التزم القتلة معايير الاخلاق حتى نلزم بها معارضيهم
اى شئ جايز فى سبيل خلاص شعبنا من هؤلاء القتلة المجرمين |
برضو ( غربال ) ...
لو كان ميكافيلى حاضراً لصفق لتلاميذه الذين لم يراهــم ...
|
Post: #28
Title: Re: العيــب ياطيــر ،،، ( قال معارضة قال؟ )
Author: نادية عثمان
Date: 05-20-2011, 12:20 PM
Parent: #27
| Quote: وبذاءة الحكومة ببذاءة المعارضة |
كدا أوب وكدا أوبييييييييين !!
تحياتي ياحيدر ياخ
|
Post: #29
Title: Re: العيــب ياطيــر ،،، ( قال معارضة قال؟ )
Author: صلاح عباس فقير
Date: 05-20-2011, 03:33 PM
Parent: #28
الدكتور عوض محمد أحمد:
Quote: يعنى لو عايز تحاربم بنظافة الا تنتظر نافخ الصور
متى التزم القتلة معايير الاخلاق حتى نلزم بها معارضيهم
اى شئ جايز فى سبيل خلاص شعبنا من هؤلاء القتلة المجرمين
حتى بالمعايير الاسلامية هناك:
الحرب خدعة
خذل عنا القوم |
والله يا دكتور كلامك ده عجييييييييب!
وزي ما قالت الدكتورة نجاة، ما أظنك قاصد معناه:
| Quote: اى شئ جايز فى سبيل خلاص شعبنا من هؤلاء القتلة المجرمين |
|
Post: #30
Title: Re: العيــب ياطيــر ،،، ( قال معارضة قال؟ )
Author: صلاح عباس فقير
Date: 05-20-2011, 03:34 PM
Parent: #29
تحياتي حيدر وضيوفه الكرام!
|
Post: #31
Title: Re: العيــب ياطيــر ،،، ( قال معارضة قال؟ )
Author: بشير أحمد
Date: 05-20-2011, 04:04 PM
Parent: #30
والله ياحيدر ياخوي الحكومة تقطع في العجين
وناس المعارضة يرموا في الفرن ؛يطلع خبيز يطلع رغيف ما فارقة معاهم؛
وعن تجربة
كدي انت انجر ليك اي مستند في الويرد وارميهو في اي ايميل مناضل وتعال شوف النتيجة شنو !!!
الكيزان مُنظمين خالص وده ما بختلف فيهو مناضلين اتنين
ما من السهولة تطلع منهم مستندات حقيقية وتدينهم.
___________
تحياتي ياعريس.
|
Post: #35
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-21-2011, 06:54 AM
Parent: #31
مراحب دكتور بشير ..
Quote: والله ياحيدر ياخوي الحكومة تقطع في العجين
وناس المعارضة يرموا في الفرن ؛يطلع خبيز يطلع رغيف ما فارقة معاهم؛
|
انت كمان ما تصور لينا دي انها لا تهزم..
زي اسرائيل مطلعة اشاعة للعرب انه اي مصيبة تحصل ليهم من تحت راسها
وديل صدقوا وبقوا يشوفوها بعبع
ابداً والله الحكومة دي اضعف حكومة بالمنطقة كلها .. والكيزان بغباء من مكان
كدي شوف تصريحات بعض المسئولين زي بتاع البلوف البتنقفل او البيتكلم عن انه
البنقو ليس من المخدرات ..
وبتعرف اننا شعب مُبتلى .. تسليط نظام الانقاذ دا ابتلاء ندعو الله يرفعو عننا
وبعض المعارضين البيفنجطو برضهم ابتلاء على الشعب المغلوب على امره
تحياتي
|
Post: #33
Title: Re: العيــب ياطيــر ،،، ( قال معارضة قال؟ )
Author: احمد الأمين على إدريس
Date: 05-20-2011, 04:08 PM
Parent: #30
والله ياحيدر الحيرة كتلتنا ياخ
طيب من اين لنا بقيادة لمعارضة رشيدة
تنظم وتنادى بحقوقنا ومطالبنا وتعمل من اجل التعبئة ومن ثم التغيير بالطريقة الصاح
لانو حكاية كل يوم ينطلينا واحد بى بوست عن فساد فلان ولا علان
دى مرحلة اظن اتجاوزا ولا يحتاجها المواطن السودانى اليوم فالفساد بين ولا يحتاج لوثائق تنشر ولا يوجد مواطن سودانى لم تزكم انفه رائحة فساد هنا او هناك
وان اكتفينا بفساد الادارة السياسية للبلاد سيبك من الافراد والحزب خلال ال 20 سنة الفاتو ديل دا براو سبب كافى للزوال والتغيير للنظام الحاكم.
بس كيفن وإزاى ؟؟
فضلاً قودونى الى النور
|
Post: #39
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-22-2011, 06:52 AM
Parent: #33
سلامات يا احمد الامين ..
كترت الكلام عن الفساد وكشفه اعتقد ممكن نقول هو التعبئة العامة الانت بتنادي بيها..
فقط لو التزم الاخوة بانها تكون من مصادر حقيقة وموثقة ..
زي ما حصل في قصة عقد المدير النشرتو صحيفة سوداني..
لكن تزوير بعض اعضاء الحركة الشعبية .. وصحيفة حريات
وفبركتهم ..
مرفوض وبيخصم من الناس ولا يضيف اليهم
بل بيبين انهم بكرة لو حكمو بمبدا الغاية تبرر الوسيلة
ممكن يزورو ويفبركو برضو ..
ــــــــ
وحكمة الله مزورين وشتامين شتيمة كمان ..!!!
|
Post: #32
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 04:06 PM
Parent: #28
الاستاذة نادية عثمان
مودة اخوان ياخ يا مبدعة
|
Post: #40
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-22-2011, 09:41 AM
Parent: #27
| Quote: لو كان ميكافيلى حاضراً لصفق لتلاميذه الذين لم يراهــم ... |
ياود اسحق...
تجي من غيركم ويقولها ممكن .. انتو لا!!
وفي تجاربكم ما يغني عن كثرة الحديث..
ـــــــــــ
|
Post: #34
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-20-2011, 04:13 PM
Parent: #26
| Quote: دكتور عوض ما ممكن والله كلامك دا انت جاد فيه؟ |
المشكلة يا دكتورة هسسع دكتورر عوض بيكون شايف
انو القمني حجر
ــــــــ
وبكرة بيجي صاحبي ود القاضي يقول ايي صحي ( جرجرة رجل) ههههه
|
Post: #36
Title: Re: العيــب ياطيــر ،،، ( قال معارضة قال؟ )
Author: عوض محمد احمد
Date: 05-21-2011, 07:23 AM
Parent: #34
| Quote: دكتور عوض ما ممكن والله كلامك دا انت جاد فيه؟ |
دكتورة نجاة
سلام
فى حياة بعض الامم يبلغ الطغاة مدى من الظلم لشعوبهم لا مجال بعده للحديث عن اى سقف اخلاقى لمواجهتهم
خذى مثلا هل كان للحرب العالمية ان تنتهى لولا استخدام الامريكان للقنابل الذرية و تدمير المدينتين
و فى تاريخنا الاسلامى هل كان للنبى ان يوقف غدر اليهود لولا القتل الجماعى ليهود بنى قريظة و سبى نسائهم
و خذى هذه الايام هل كان لعصابات القذافى ان تخفف من تنكيلها بشعب ليبيا لولا افهام القذافى انه و عائلته ليسوا بمنجى من غارات قوات التحالف
الدولى
و حتى هذا النظام فى مواجهاته لاهل الجنوب و دارفور كان يلجا لسياسة الارض المحروقة: يحرق ارض الخصم بقراها و اطفالها و نسائها لكيلا يتخذها
الخصوم درعا فاى اخلاق هنا
|
Post: #37
Title: Re: العيــب ياطيــر ،،، ( قال معارضة قال؟ )
Author: محمد عبد الماجد الصايم
Date: 05-21-2011, 07:41 AM
Parent: #36
Quote: متفق معاك جدا يا حيدر نحنا بنعارض الانقاذ لاسباب اخلاقية فى المقام الاول قبل ما تكون اسباب سياسية او غيرو
وما ممكن نستخدم وسائل غير اخلاقية فى معركتنا معاها لانو نحنا كدا ما عندنا فرق منها
قبل كم يوم كان حايم فى البورد فديو لى كوز فى جامعة دنقلا الطلبة برغموه على انه يقول انا مؤتمر وطنى عفن ما تتخيل انا قرفت من الفديو دا كيف لانو جانى فى بالى سؤال واحد طيب نحنا بنكره الامنجية ليه؟؟؟؟؟؟؟؟؟؟؟ |
يا سلام ياخ!
مرحبا برغيم الابن وحيدر الزين في صفوف الرمادية!!
|
Post: #41
Title: Re: العيــب ياطيــر ،،، ( قال معارضة قال؟ )
Author: ABUHUSSEIN
Date: 05-22-2011, 10:12 AM
Parent: #38
الطريفي إنت يادوووووووووووووووب فهمت الحاصل شنو ...؟؟؟
كدي لف على البوستات و أقراها كرمادي ..... كدا حا تفهم أكتر
الظاهر رطوبة الشرقية خلتك تصدئ .... شوف ليك مانع للصدأ علشان ما تسوء حالتك أكتر من كدا
|
Post: #43
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-26-2011, 05:52 AM
Parent: #41
ابو الحسين .. بتاع الحرام ..
شئ محزن والله .. ومخجل القريتو اليومين الفاتو..
البوست دا شكلي حا انقلوا الربع الجايي وكل مرة اخت فيهو لنك جديد لبوستات الكضبوت والصهينة..
ــــــــــ
علاء الدين يوسف .. برة
|
Post: #44
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-30-2011, 07:19 AM
Parent: #43
معارضة ومناضلة جسورة ومدافعة عن قضايا الهامش
بتتغزل في رجل الانقاذ الثاني ومهندس عملية بقاء العسكر بالسلطة على عثمان محمد طه
ـــــ
بالله لو ما اكل العيش حرّ البيخلى على عثمان يبقي عقل شنو؟
وتمشي وتجي تقول ليك نيفاشا حقتو
الحقنة ام خمسة بوصة نيفاشا حقت زنقة انتي الزنقكك شنو عشان تجري تكوسي وراء الكيزان
|
Post: #46
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-30-2011, 07:44 AM
Parent: #45
كلللو كوووم
وذو اليد مصطفي سليمان او منوكدة كووووم
وصاحبي الفردة صاقعة معاوية عبيد* كوووم
ـــــ
* معاوية ركز معانا بالله وخليك من قالوا جيب ديكيومنت انتا رجل بتاع ادارة ومحاسبة وعارف اهمية الديكومنت لا اكذبك ابداً لكني احتاج لشئ ثابت انطلق منه للكلام عن فكرتك
وما تقول لي مثلي لا يُسال عن مصدر فقد قالتها قبلك كوزة وبلعتها وطرشتها وتاني لحست طراش كلامها:)
|
Post: #47
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-30-2011, 09:17 AM
Parent: #46
لاوز
ـــ
ما من لوز بالمناسبة
د من لاوز ودفن دقن :)
|
Post: #48
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 05-30-2011, 10:21 AM
Parent: #47
معاوية عبيد
خت كراعك هنا وسمى
نتفاهم كأخوان
|
Post: #49
Title: Re: العيــب ياطيــر ،،، ( قال معارضة قال؟ )
Author: ASHRAF ABUELHASSAN
Date: 05-30-2011, 11:12 AM
Parent: #48
الفاضل حيدر
سلامات وعوافي
| Quote: لعيــب ياطيــر ،،، ( قال معارضة قال؟ ) |
شوف الموضوع ده كان بداية
من أجل معارضة إيجابية تستطيع إسقاط النظام
|
Post: #50
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 06-05-2011, 08:39 AM
Parent: #49
مرحبتين يا اشرف ابو الحسن
معليش للتاخير ..
البوست جميل وياريت الناس تعي هي بتكتب في شنو وتبطل كضب
لا ومرات الكضب بيبقي باسم العنصرية ويتنادو ليهو المتردية والكسيحة والصبيان ..
في واحدة مناضلة ومجالدة ونصيرة الهامش والضعفاء
الفاضلة ام زرد ..
جات بتنعي مقتل طالب جامعي ( وشوف البؤس فرحانة بمقتل الطالب دا وابشتعال العرقية ببورسودان)
انقر ما طلع كلامها كلو تزوير وكضب ولا من مات لا يحزنون
ووقت انعصرت قالت ابدااااااااا هو انجرح بس وهسع جريح
طيب يا المجالدة هو اسمو منو .. دُم دُم
مقتل طالب ببوتسودان واشتعال(العرقيه) و الانقاذ ستجني ما بذرته!
|
Post: #51
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 06-05-2011, 02:57 PM
Parent: #50
في الطريق محنة جديدة كمان 
بنجيها ربنا لو حيانا وما لحقنا طالب بورسودان
|
Post: #52
Title: Re: العيــب ياطيــر ،،، ( قال معارضة قال؟ )
Author: ASHRAF ABUELHASSAN
Date: 06-07-2011, 08:44 AM
Parent: #51
حيدر الزين
سلامات تاني
تابعت البوست المذكور ولاحظت غير الكذب والتزوير
المتعودة عليه أم زرد
أنو البوست عنصري لحد مخجل جداً
وكل من ساهم فيه انحاز لقبيلته بعنصرية فاضحة جداً
الطامة الكبرى ان كل من ساهم في تاجيج هذه العنصرية
معظمهم يحسبون في هذا البورد من المعارضة
عشان كده يا حيدر بمجرد ما اختلفت معاهم طلعوك فاقد تربوي
وساقط تاريخ وكوز وغلام الطيب مصطفى
بالله انت كوز يا حيدر وغلام الطيب مصطفى؟؟؟!!
ولك خالص التحية
|
Post: #53
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 06-07-2011, 12:36 PM
Parent: #52
حبيبنا اشرف ابو الحسن .. سلامات ومرحب بيك ثاني وثالث وباي وقت
ديل يا ابو الحسن عندمها متلازمة من انواع عنصروفوبيا .. بترجهم لغاية النخاع
لدرجة الواحد فيهم بيهش ضبانة وشو لانها ضبانة عنصرية ازعجتو لانه ما جعل ولا شايق ولا دنق
اي زول بيقرب منهم ويقول يا جماعة الكلام دا عيب..
عاك عوك كييك تقوم الجرسة دا كوز .. اي لو ما كوز ما بيقول لينا غلط.. امنجي مندس
اي حتي بالامارة عنصري وتبع الطيب مصطفي.. وهكذا..
كلامهم دا اوات من ينقال وتكتر الشتايم اعرف انه انتا ماشي صاح وهم خلاص وقت هروبهم جاء
وبيكسحو بعد شوية .. لكن المقتنع بيها انه علاج تاني مافي.. يعني نو وي .. حايفضلوا
كدة لغاية القبر .. عاين زي البوست دا بالله :
ذواليد .. هذه المرة لن تفلت مني اما أن تثبت م... سأحيلك للقضاء .....
وشوف المرض استفحل كيف ونخر في العظام ..
دي اصبح عندها زهايمر علق ليها مع لازمة عنصروفوبيا حقها وحا تفضل مشنطة
كدة ومنغلقة على ذاتها وتكورك جلابة جلابة..
زي ما قال اخونا عادل - لو جوها الملكين بالقبر منكر ونكير يسالوها حا تشبكهم انتو جلابة تسالوني ليه ؟
|
Post: #54
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 06-08-2011, 08:51 AM
Parent: #53
ودا واحد بيدافع عن الحكومة وعاوز يخرص معاوية عبيد المعارض كتب :
Quote: يا معاوية بقت عليك حكاية الهدوها من الشرمطة اشتغلت (.........)ة
فكيناك من اتهامك للسيد على كرتى نلقاك مشابك السيد عمر باسان
ارحم نفسك يارفيق وانكارك لشيوعيتك مابفيدك
كانى برأسك وقد حان قطافه .... |
Re: مـــــن هو عمـــر باســـان.يا على عثمان؟
|
Post: #55
Title: Re: العيــب ياطيــر ،،، ( قال معارضة قال؟ )
Author: ابراهيم قناوي
Date: 06-08-2011, 09:33 AM
Parent: #54
سلامات يا حيدر الزين
الزول الزين
ياخي بس دخلت عشان أقول ليك
بقيت شكال كدة مالك؟
زمان ما كنت ريدة وريدة صافية
والطيبة منك تجري تدفق تسيل
_________________
رحم الله النجيلة الشرقية
والولاية الشرقية زاتوووو
مشتاقين شديد والله
|
Post: #56
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 06-09-2011, 09:32 AM
Parent: #55
مرحبتين يا دكتور قناوي
اخبارك والاهل وناس النجيلة الشرقية ؟
قلت لي بقيت بتاع مشاكل
ابداً والله بنهش بس
تحياتي
|
Post: #57
Title: Re: العيــب ياطيــر ،،، ( قال معارضة قال؟ )
Author: ابراهيم قناوي
Date: 06-10-2011, 09:33 PM
Parent: #56
Quote: مرحبتين يا دكتور قناوي
اخبارك والاهل وناس النجيلة الشرقية ؟
قلت لي بقيت بتاع مشاكل
ابداً والله بنهش بس
تحياتي |
يا حليل النجيلة الشرقية
والزمن السمح داك
زمن جوز الحمام خمسة
أخبارك بالله يا ولدنا؟
|
Post: #58
Title: Re: العيــب ياطيــر ،،، ( قال معارضة قال؟ )
Author: عبد اللطيف بكري أحمد
Date: 06-10-2011, 11:05 PM
Parent: #57
الحبيب حيدر تحياتي،،
المشكلة أنو الاكاذيب ينطوي عليها الكثير من الإشكالات
وتأجيج الصراع الإثني في السودان (إنطلاقا من داخل البورد)
دون المساس أو زعزعة أركان الحكومة التي تزيد من سيادة القبضة
الحديدة وإعمال آلتها العسكرية لحسم القضايا المعلقة بعد
أن فقدت الأمل في محاورة المعارضين الذين تشحنهم الأفاعي
من هنا وهناك،،
في حكامات هنا يحسن التأثير على بعض قادة المعارضة الهشة
وبهذا نتوقع إطالة أمد الحرب إلى أن نعدم نفاخ النار!!
أين أصوات العقل ؟وأين من بيننا الداعون إلى إصلاح ذات البين
والعودة إلى طاولات الحوار؟؟ هل ستنهي الحرب هذا الصراع؟؟
كاذب وغبي من يقول بمثل هذا المنطق ويؤمن به!!
أوقفوا الحرب وأدعو لذلك !! إنه درب الخلاص،،
حاربوا الأغبياء في كل طرف الذين يفلحون في تأجيج الصراع قاتلهم الله!!
|
Post: #59
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 06-11-2011, 07:34 PM
Parent: #57
| Quote: أخبارك بالله يا ولدنا؟ |
تمام والله يا دكتور .. لو اتجاوزنا حتة ورم الفشفاش وفقعان المرارة
والشلل الرعاشي البيجينا بين فترة وفترة في سواة بعض الناس من دعاة
العنصرية ومحترفي الاكاذيب وترويج الشائعات ودق صفائح الفتن ديل
تاني كلو تمام وصحة بمب :)
|
Post: #60
Title: Re: العيــب ياطيــر ،،، ( قال معارضة قال؟ )
Author: ابراهيم قناوي
Date: 06-11-2011, 08:26 PM
Parent: #59
Quote: تمام والله يا دكتور .. لو اتجاوزنا حتة ورم الفشفاش وفقعان المرارة
والشلل الرعاشي البيجينا بين فترة وفترة في سواة بعض الناس من دعاة
العنصرية ومحترفي الاكاذيب وترويج الشائعات ودق صفائح الفتن ديل
تاني كلو تمام وصحة بمب :) |
وهذه مشكلة البلد يا حيدر
ومشكلتك إنك مسكت محل الوجع
لكن لازم تتحك الحتة دي
وزي ما بقولوا أهلنا حك الدبرة لمن تجيب الدم
عشان تبرى
وتلك لعمري مهمة صعبة دونها خرط القتاد
لكن يظل هناك بعض العقلاء ممن يعول عليهم
في ايقاظ النائم وتذكير الناسي
وتجاوز المصر المعاند
لك التحية أخي حيدر
وربنا ييسر ومن أراد التغيير فليتحمل
تبعات ذلك من ما يشبه تحريك الجبال
فقد كانت السيدة عائشة رضي الله عنها تقول
عن المصطفى صلى الله عليه وسلم: ( أنه كان يصلي جالساً
بعد أن حطمه الناس) وهذا صاحب الوحي
الصادق المصدوق فما بالك بمن دونه؟
سلام لك وللمرور الكرام
|
Post: #61
Title: Re: العيــب ياطيــر ،،، ( قال معارضة قال؟ )
Author: HAIDER ALZAIN
Date: 06-18-2011, 01:19 PM
Parent: #60
نموذج للنضال البناء المضيئ
وعندها إبتسم الله كطفل صقير من كاودا !
لانجد الا ان نشكر بكري على قفلة خاصية الرد بهذا البوست المعنون بالســخــف ..!!
|
|