ود البشرى..سؤال (يمنع دخول طلحة)..

يا ريت الاجابة تكون بدون قبقبة...

وعليك الله يا بكري ما تستكتر على اجابة ود البشرى..
اول ما يجاوبني البوست ده طبق فيه جميع نظرياتك..
بس ما تمسحو بالجد..
واوعدك اوفر ليك كم ضحية كدة تحصلهم امات طه..
اتفقنا؟؟



اتفقنا...

وما زول يقول لي اسالي في الخاص..
الخاص لحقوا أُمات طه..

دة سؤالك لي قيقراوي

Quote: ياخي سالت ذات استيتس عن التعهد بتاع التوقف عن المشاركة لحين تحقيق مطالب المذكرة ألا يمكن مراجعته عايز اوقع لكن لا اريد الالتزام بهذا التعهد شوف لينا الموضوع دا بالله

يعني هسه لو ضمنوا ليك توقع وترجع تكتب..
أول شئ حتكتبوا شنو؟؟



ــــــــــــــــــــــ
انا القدامك دي وقعتا وجيت كتبتا..
عشان اصلا ما شفتا البند دة..وبعد شفتوا تاني جيت كتبتا

سلامات سرور ...
دا السؤال

Quote: يعني هسه لو ضمنوا ليك توقع وترجع تكتب.. أول شئ حتكتبوا شنو؟؟

اجابة على قدر السؤال بدون اسهاب :
ما عارف تحديدا أو ما عندي فكرة مسبقة في بالي عايز اكتب عنهاأو على حسب الظروف

اها بختك الدنيا sale اسألي سؤال تاخدي جواب و اتنين مجانا - المافي شنو ياقول قيقرا

دا ما كان عن سؤالك اجيك بعدين لباقي الكلام

Quote: عارف تحديدا أو ما عندي فكرة مسبقة في بالي عايز اكتب عنهاأو على حسب الظروف

شكرا ود البشرى على الاجابة...





ـــــــــــــــــ
انتا فاااااهم سؤالي ..

Quote: انتا فاااااهم سؤالي ..

جاوب يا زول بلاش لولوة معاكـ!

Quote: اجابة على قدر السؤال بدون اسهاب : ما عارف تحديدا أو ما عندي فكرة مسبقة في بالي عايز اكتب عنهاأو على حسب الظروف اها بختك الدنيا sale اسألي سؤال تاخدي جواب و اتنين مجانا - المافي شنو ياقول قيقرا دا ما كان عن سؤالك اجيك بعدين لباقي الكلام

قالوا ليك إجابة بإختصار يا أطبرنش
شنو طوالي عايز تتفلسف وتمط وتجر كأنو البوست حقك براك .

وانتا قالو ليك يا تنظير..

Quote: ود البشرى..سؤال (يمنع دخول طلحة)..

Quote: جاوب يا زول بلاش لولوة معاكـ!

خليه يتلولو كدة ..
الدور عليك يا ود الصايم..
كن مستعداً..
جهز ليك عود ابلعو..

ود الصايم لود البشرى:-

Quote: جاوب يا زول بلاش لولوة معاكـ!

ود البشرى يا حبيب كامل تضامني معك

عليك الطلاق يا سارة قدر ما حاولت ألتزم بالمنع بتاعك دا لكن جرجير ما ساعدني
وأنا متأكد أنو ما ح يساعدني عشان أسكت لأنو دائما مقنطر نفسو .

تنظير ...
"اطبرنش " يعني شنو؟

Quote: انتا فاااااهم سؤالي ..

غايتو جاوبت ليك على حسب ما فهمتو
اذا قاصدة ح اكتب شنو في ما يتعلق بمشكلة ادارة الموقع وتوقيف الاعضاء مثلا كان تحددي
أفترض انو دا القاصداه؟ اوكي
الاجابة ح تكون كالتالي : ما ح اكتب حاجة في الموضوع دا
اذا قاصدة شي تاني قولي شان اجاوب على اساسو
__________________________

ههههههههههههههه دا الحالة قلتي لي بدون قبقبة - شكلها بقت عادة يا سرور

بوست غير موفق


خور خور (شد الواو و أكسرها) يا بكري
دا ضياع لوقتنا الغالي



الليلة خميسنا

قاصد أطربنش
أها تعال اتلولو تاني وقول لي معناها شنو عشان الفك بالكرسي الجمبي دا.

ما سالتك قاصد شنو سألتك عن معناها
وآكشوالي انا سالتك عن معناها "اولا" يعني ما"تاني" بالتالي هنا لا يمكنك لفي بالكرسي الجمبك لأن الشرط لم يتحقق
________________________
هوي يا تنظير كان ما فهمت ما تخجل قول وانابحاول اشرح ليك براحة

سالتني من الأولي (أطبرنش) واللا التانية (أطربنش) ؟

الاولى

طيب ما قلت ليك قاصد أطربنش يا أطربنش

وانا قلت ليك ما سالتك عن قاصد بيها شنو سالتك عن معناها
ح اقعد اعيد ليك كم مرة قبل تستوعب السؤال يعني

جرجير يا لولوة
أشرح ليك معني كلمة إتكتبت غلط كيف يعني ..
أصلا أنا قاصد أكتب أطربنش وإتكتبت أطبرنش تجىء تشبكني أشرح لي وأنا أشرح ليك ..
إتا آزول بتاع هناي واللا شنو ؟

جـرجرة تقيلة خلااااااااااس!

Quote: جـرجرة تقيلة خلااااااااااس!

يا ود الصايم أنا الماوس بتاعي فتر عديل كدة من النقر

ما غلطتكم..
غلطتي انا دي..
ندمانة وسافة التراب..



ــــــــــــــــــ
آمنت بتنظير وجرجير..

Quote: وجرجير.

هذه سرقة أدبية

طيب يا تنظير ما تقول كتبتها غلط من الاول

ثم تعال هنا انت مستلم البوست وحالتو مكتوب ليك يمنع دخولك ؟

عزيز سارة القارىء
تمعن معي كمية الجر والمط التى ردم بها المدعو جرجير الشهير بمحمد البشرى الخدر هذا البوست
وتأمل محركته ولولوته وأطنان العربي الذي صرفه في كلام فارغ لا يخدم هدف البوست ولا يجىء بى جنبو
ساى .
كتبت كلمة بخطأ مطبعي فسألني عن معناها فقلت له إنني أقصد غيرها فحاول التذاكي والتماهي وبعد أن صححت
الكلمة جاء ثانية ليسالني ذات السؤال الأول فأجبته إن كان يقصد الأولى او الثانية فقال الأولى، فأجبته
بذات الإجابة ولكنه ولعلة كامنة في تجاويف رويسه تحول بينه وبين الفهم كرر وردد ذات السؤال (النقط نقط)
وقد تحول إلى جهاز تسجيل يعيد ويعيد حتى تمل الإعادة من إعادته .
من تصاريف القدر أن غيض لنا هذا البوست من رحم العدم ليتأكد الناس إنني عندما قلت أن هذا الدعي
ما هو إلا مجرجراتي يحترف النقة والعوك عاك فيما لا طائل منه لم أكن أتجنى عليه وحاشا أن أكون من الباهتين
وبهذا عزيز سارة القارىء يكون البوست قد قضى غرضه ووصل إلى ميس هدفه بإثبات ما ثبت أعلاه .
إنتهي وقوموا إلى ما ينفعكم يرحمكم الله ..
غيرو .

Quote: عزيز سارة القارىء تمعن معي كمية الجر والمط التى ردم بها المدعو جرجير الشهير بمحمد البشرى الخدر هذا البوست وتأمل محركته ولولوته وأطنان العربي الذي صرفه في كلام فارغ لا يخدم هدف البوست ولا يجىء بى جنبو ساى . كتبت كلمة بخطأ مطبعي(1) فسألني عن معناها فقلت له إنني أقصد غيرها فحاول التذاكي والتماهي(2) وبعد أن صححت الكلمة جاء ثانية ليسالني ذات السؤال الأول فأجبته إن كان يقصد الأولى او الثانية فقال الأولى، فأجبته بذات الإجابة ولكنه ولعلة كامنة في تجاويف رويسه تحول بينه وبين الفهم كرر وردد ذات السؤال (النقط نقط) وقد تحول إلى جهاز تسجيل يعيد ويعيد حتى تمل الإعادة من إعادته . من تصاريف القدر أن غيض (3) لنا هذا البوست من رحم العدم ليتأكد الناس إنني عندما قلت أن هذا الدعي ما هو إلا مجرجراتي يحترف النقة والعوك عاك فيما لا طائل منه لم أكن أتجنى عليه وحاشا أن أكون من الباهتين وبهذا عزيز سارة القارىء يكون البوست قد قضى غرضه ووصل إلى ميس هدفه بإثبات ما ثبت أعلاه . إنتهي (4) وقوموا إلى ما ينفعكم يرحمكم الله .. غيرو .

اعد و صحح التالي :
1 - طباعي
2 - التماهي خارج السياق الكلام وكونك سمعت بيها قريب وعاجباك فدا لا يبرر حشرك لها حشرا وسط اي كلام
3 - قيّض بالقا قوم لف
4 - انتهــى بالألف المقصورة

دا غير الركاكة العامة و الفكرة الضعيفة و الصياغة التعبانة