و بدأت الحرب بيان القوات المسلحه قبل قليل

قبل قليل و في خبر عاجل عبر التلفزيون السودانى اعلن الناطق الرسمة لقوات الشعب المسلحه ان الجيش الشعبة هاجم القوات المسلحه فى ابيي رغم مرافقتها قوات من الامم المتحده. وذكر ان هنالك خسائر كبيره لم يتم حصرها و ان القوات المسلحه تحتفظ بحقها فى الرد فى الزمان والمكان المناسبين. ارحمو السودان

وغير كده يا اخ عبد الرازق, جماعة الحكومة ديـل عايزين يغيرو الرصة, لا اتوقع البشير أن يكون رئيسا بعد 9 / 7 القادم, بعد شوية قوش وجماعته حينقلبوا عليهم , وكلو طبعا تمثيل ومسرحيات.

اما الحرب في ابيي مع الحركة الشعبية فهذه مصيبة اخرى اتمني ان يحكم الطرفين العقل , الخاسر هو انسان السودان الح يقتل في هذه الحرب... كفاية حروب الحركة الشعبية او المؤتمر الوطني اذا ما قادرين يوصلو بلدنا الي بر الامان فعليهم ان يتركـوا المسؤولية.

و الله يا احمد كل ما الواحد يقول خلاص انتهينا من القصه دي كل يوم يطلع خازوق غايتو تأتى لودورت البلد راحت شمار فى مرقه و لن يسلم لا شماله ولا جنوبه. البلد دى ما فيها زول عاقل حرام الناس ديل البعملوهو فى البلد دي

يا ناس حرب تانى لا. لا لا لا لا لا لا لا لا لا لا لا لا لا

الاشتباك علي بعد 7 كلم من ابيي عندما نصبت قوات من الجيش الشعبي كمين لوحده من القوات المسلحه انسحت من القوات المشتركه برفقه قوات من الامم المتحده

الجنوبيون شعب متمرد لا يريد السلم وهذا شئ متوقع ودي جقلبة واضحة لانهم ما عايزين انفصال واتمنى من حكومة الشمال ان ترد رد مشرف

Quote: الجنوبيون شعب متمرد لا يريد السلم

الجنوبيين كلهم بصمة خشمهم كدة ؟

Quote: اتمنى من حكومة الشمال ان ترد رد مشرف

وما هو الرد الذي سيشرف سعادتك لتباهي به بين الامم قصف جوبا مثلا ؟

ايه رايك يا شوقي تركب تمشي الخرطوم ومن هناك على ابيي عشان ترد الرد المشرف البتتمناهو ده لانو الحكومة ما حترد

Quote: وما هو الرد الذي سيشرف سعادتك لتباهي به بين الامم قصف جوبا مثلا ؟

تحياتي باشمهندس ..