هل يمكن للشباب السوداني القيام بهذه الخدمة المدفوعة للسودانيات كما للحبشيات؟

اذا كنت تحمل جنسية اروبية اواستراليا او كندية او امريكية.
او
كنت لاجئآ في أحدي المعسكرات....وتم قبولك للسفر الي أحدي الدول أعلاه.
وعازب او مطلق...ولا تنوي علي الزواج في القريب ............................

جرت العادة في دول معسكرات اللجوء بان يطلب منك حبشية(او ممثل عنها) عن تتزوجها وتضيفها للسفر معك مقابل مبلغ من الدولارات تختلف حسب الأتفاق..حيث تستلم نصفها اولآ والباقي بعد الوصول.
الان يطلب منك حبشي او حبشية بان تسافر الي أثيوبية او دولة أخري للزواج من اخته/ا بغرض أحضارها الي الدولة التي تحمل جنسيتها مقابل مبلغ محترم من الدولارات...........
او هي موجودة في زيارة ولا تريد الرجوع من حيث اتت.
مع العلم ان كل الأجراءات تتم بسرية تامة لا يعلم بها الا أهل الثقة فقط.

السؤال هو
لماذا لا يقدم الشباب السوداني هذه الخدمة المدفوعة للسودانيات....اليس الأقربون أولي؟
...لان الكثير من شباب الحبش وشاباتها يقدمونها لبني جنسهم.
ثم ان الكثيرين من السودانين قد وصلوا حبشيات الي العديد من الدول.

كنت لأطلب من السودانيات المساعدة في ذلك..لكن لعلمي بكراهيتهن للقب مطلقة يجعلهن يرفضن مهما كان المبلغ المدفوع او صلة الدم بالمخدوم.

لكن يا يا بليير البت السودانية هل عندها الاستقلالية البتملكها الحبشية ؟ اعتقد قليل منهم ، الفتاة السودانية لازالت تابعة لاسرتها الى ان تتزوج بعكس الحبشية ، اعتقد الموضوع مش خاص بجنسية الفتاة بقدر ما هو خاص باستقلاليتها و قدرتها على اتخاذ القرارات الشخصية ، المسألة مسألة قروش بالنسبة للشاب لو اتوفرت من اي جنسية ممكن يعملا ... او هكذا اعتقد ..
تحياتي

سلام يا بليير

البنت الحبشية بتكون هاربة من اوضاع اقتصادية سيئة جدا مقارنة بالبنت السودانية
مهما كان السودان فطيسة فهناك دولا وشعوبا افطس مننا، البنت الحبشية مدردحة وشفتة جدا
تاني يوم في اي بلد بتمسك ليها فوطة وتمسح في طرابيز المطاعم، مهما كان تعليمها،
فهل تفعلها السودانية؟؟

لكن بديك الحقيقة دي، اول ايام الكيزان فرضوا على البنات ان لا يمنحوا تاشيرة خروج
الا بموافقة زوجها (وليس ولي امرها)، وكانت تجارة الشنطة من سوريا وبعض الدول بتجيب
دخل كويس، سفرية واحدة وبترطب كم شهر كده، المهم، عقودات الزواج ما تديك الدرب
حتى ضباط الجوازات كانوا عرافين لكن ياهو دا القانون واختم الجواز بلاش نقة معاك

تحياتي

المحترم عبدالله أدريس
يا هلا بك

Quote: لكن يا يا بليير البت السودانية هل عندها الاستقلالية البتملكها الحبشية ؟ اعتقد قليل منهم ، الفتاة السودانية لازالت تابعة لاسرتها الى ان تتزوج بعكس الحبشية

المسالة ما أستقلالية وبس....كمان دايرة تفهم الأسرة للعملية وفوائدها وموافتهم ومساندتهم للبنت........كما ان المتزوجة ممكن تعملها ...بعد ما تحصل علي الاوراق الرسمية تتطلق وترجع وتجيب زوجها الحقيقي ....وبكدا الكل استفاد.

Quote: ، اعتقد الموضوع مش خاص بجنسية الفتاة بقدر ما هو خاص باستقلاليتها و قدرتها على اتخاذ القرارات الشخصية ، المسألة مسألة قروش بالنسبة للشاب لو اتوفرت من اي جنسية ممكن يعملا ... او هكذا اعتقد ..

فعلآ المسالة قروش 100% بيزنس........لا مشاعر ولا عواطف
في امريكان عملوها مع افريقيات ومكسيكيات وبرازيليات
الحكاية أنفع واستنفع
..................
عجبني واحد حبشي, مشي جاب اختو لأمريكا علي أساس انو زوجتوا

لك ودي

المحترم أحمد ابن عوف

Quote: سلام يا بليير

وعليكم السلام

Quote: البنت الحبشية بتكون هاربة من اوضاع اقتصادية سيئة جدا مقارنة بالبنت السودانية مهما كان السودان فطيسة فهناك دولا وشعوبا افطس مننا، البنت الحبشية مدردحة وشفتة جدا تاني يوم في اي بلد بتمسك ليها فوطة وتمسح في طرابيز المطاعم، مهما كان تعليمها، فهل تفعلها السودانية؟؟

لا طبعآ....السودانية عندها عزة نفس وغرور ما عادي ...لو الواحدة تموت من الجوع ولا الشغلة الزي دا(خوفها من كلام النسوان السودانيات ...يتونسوا بيها ويضحكوا عليها)........دا السبب المؤخرن

Quote: لكن بديك الحقيقة دي، اول ايام الكيزان فرضوا على البنات ان لا يمنحوا تاشيرة خروج الا بموافقة زوجها (وليس ولي امرها)، وكانت تجارة الشنطة من سوريا وبعض الدول بتجيب دخل كويس، سفرية واحدة وبترطب كم شهر كده، المهم، عقودات الزواج ما تديك الدرب حتى ضباط الجوازات كانوا عرافين لكن ياهو دا القانون واختم الجواز بلاش نقة معاك

كلامك صحيح..........
وكمان للسعودية عمرة ولا حج ...وبعدوا زوغة.....
بعرف أمهات ربن عيالن...وعمرن بيوتن........ورسلن أقامات وحاجات كثيرة لاهلن.
مادام فيهو فائدة للكثرين.......ليه لا

لك ودي

واحدة معرفة اتصلت وقالت:البوست دا قصدي شنو فيهو
زي ما شرحت ليهو في التلفون بكتب الكلام هنا
في سودانيات عاوزات يسافرن اروبا وامريكا او كندا لاسباب مختلفة زي تكملة التعليم او تحسين الوضع الاستقرار اوالنهائي او الانضمام للأسرة بعد تجاوز ال18 سنة من العمر........ونسبة لصعوبة الحصول علي اوراق الاقامة القانونية لابد من مخرج......وهو زواج الاوراق(paper marraige)...من اسمها نعرف ان القصد منها هو الحصول علي اوراق الاقامة القانونية .
وهو كالاتي: يتم الزواج بين أثنين أحدهما يحمل جنسية تلك الدولة واخري لا تحمل مقابل مبلغ مالي يتفق عليه الطرفين,,,,,ويتم الطلاق بعد استلامها للاوراق الاقامة القانونية.

والكثير من مواطني العالم الثالث يستعملونا بالطرق الاتية
1/ ان تكون خارج الدولة
2/ ان تكون داخل الدولة في زيارة
3/ ان تكون داخل الدولة في دراسة
4/ ان تكون داخل الدولة تهريب