أختلف 100% مع حكومة الإنقاذ و لكن عندي الحل لأزمة المياة

....

و أضيف أخي كيكي و أختي إسمارتي

تخيلوا عمر انابيب المياه الرئسية عمرها كم و مصنوعا من شنو?
في الخرطوم--القصر الجمهوري-- و المنشية و الثورات

جاهزين يا هندسة
والموية شي اساسي لا يقبل القسمة علي اثنين

Most of the water/sewer mainlines (pipes) were installed by the
the Brits
long ...long time ago


NO AS-BUILT PLANS are exist

و دي المشكلة الما دايرين يقولوها!!!!

ناس قاعدين في مكاتب مكيفة ولا يعرفون الواو الضكر


أها يا ناس الإنقاذ أنا بتبرع بإسبوع كامل مجانا
لأهلي...للموية و ما داير أشوف خلقتكم.

Quote: أها يا ناس الإنقاذ أنا بتبرع بإسبوع كامل مجانا لأهلي...للموية و ما داير أشوف خلقتكم.

الأخ كوستاوي
تحياتي
ومنو البسمح ليك تفدم خدمة زي دي (لأهلك)
وإنت زول anti ؟

دا لو كان المشكلة فنية يا باش مهندس
المشكلة هي مشكلة السودان الأزلية (أزمة انعدام التخطيط )
زايد عدم محاسبة المسئولين عن تقصيرهم

بالله كيكي برضو طلع بتاع مويات!

Quote: أختي إسمارتي

دي برضو طلعت بتاعت مواسير ومويه؟

أنت يا كستاوي ماسي تفتح سوق مواسير في بري؟

المواسير دي في الثورة غيروها قبل شهر وشغالين في حارات لسع

لو كنتو متخصصين المواسير الجديدة لونها اخدر وشكلها بلاستيك بلاستيك

دي كويسة ولا فيها هبرة ؟!

كوستاوي وضيوفه الكرام سلام
الحبيب وليد

Quote: المواسير الجديدة لونها اخدر وشكلها بلاستيك بلاستيك

ياخي أضحك الله سنك
بس باقي ليك تقول تسر الناظرين


التعديل : غابت عني التحية فعذراً

يا سيف اليزل

والله اللون الاخدر في الماسورة دي ماكلني شديد
خصوصا لو ربطناه مع اللون الاخدر في بصات الوالي

بلوفة شنو يا وليد ومواسير شنو وبلاستيك شنو !!!!
ما دام انتو جبتو عدتكم هنا
شوفوا لينا بلوتوث ... انفرريت
وير ليس توصيلات كلام يحل المشكلة دى نهائيا
خلينا من الكلام الميييت بتاع الخردة كوستاوى دا
بلوفة وحديد خردة










ـــــــــــــــ
ومالو يا وليد ما صاحبى انت
ينظر ويفاد ..لووووووووب

Quote: ومالو يا وليد ما صاحبى انت ينظر ويفاد ..لووووووووب

ان شاء الله بالطرف كده
لو بالشباك


وتاني بنطم واسكت
ماذا والا .....

يا كوستاوي عليك الله طول لي بالك للحكاية الطويلة دي
عبدالجليل عرس وانور خت ليهو في عرسو خمسة وعشرين قرش
ولمن انور عرس عبدالجليل ما خت ليهو في عرسو
والموقف ادى لقطع العلاقات بينهم نهائيا رغم انهم كان يتشاركون العبار الواحد في اللنداية
وفي يوم من الليام انور وقع طااااااااااخ في اللنداية دائخا من اثر الملاريا
اصحابو شيلك شيلك شالوه عشان اوصلوه البيت
وفي نص المشوار جاتو صحية لقى عبدالجليل ماسك راسو عشان ما اتدلدل في الواطة
فنهر انور عبدالجليل وقال ليهو فك الراس دا فكوا خليهو ان شاء الله اتكسر مالك ومالو
.
.
.
غرقت التماسيح وفضلت الورول العالم

Quote: NO AS-BUILT PLANS are exist

دي اول واهم حاجة مفروضة تكون موجودة وهي تعني الخرط التي توضح مسارات انابيب المياه ونقاط التفتيش علي الخط وكل الابنية المتواجدة علي طول شبكة مياه الخرطوم وتفرعات هذه الشبكة بما فيها التوصيلات الي المنازل وغيرها.. اعماقها في داخل الارض ونوعية المواسير واقطارها وصلاحيتها... والكلام ده ماصعب وممكن تشيل شبكة الخرطوم دي كلها قديمها وجديدها في (يو اس بي) وتفرتق بيها تجدعها لناس كوستاوي ديل يشوفو شغلهم فيها(سوي باعادة تاهيل حسب حالة الخطوط والمنشات او تشييد خطوط جديدة وباي المسارات واي الطرق وكيفية ربط الشبكة الخطوط القديمة بالخطوط الجديدة او استحداث خطوط منفصلة) وكل الكمونية دي ممكن معرفتها بكل سهولة ويسر طالما توفرت المعلومات الاساسية من الخرطة الفووووق القال عليها الكرمبا دي

Quote: والله اللون الاخدر في الماسورة دي ماكلني شديد خصوصا لو ربطناه مع اللون الاخدر في بصات الوالي

الأخدر ده طبعا شعار الكيزان من عهد البوهيات داااك لحدت عهد الشجرة

وفي رأيِّ أحسن حل لمشكلة المياه في السودان إنو الناس كده كده تتصبر

لحدت
ما
يجي
شهر



رمضان

Quote: دي اول واهم حاجة مفروضة تكون موجودة وهي تعني الخرط

عارف ياكيكي
صاحبي كان مهندس في وزارة الأشغال (ما عارف إسمها شنو now) حصل break في إحدى خطوط المياه الرئيسية في الخرطوم و ما كان في خارطة متوفرة to locate the valves عشان to shut down the line/lines



قال لي: رسلنا عربية لعم عوض الله (و عم عوض الله رجل فاضل كان شغال عامل في الصيانة 40 عام و أحيل للمعاش)...عشان يدلهم عن مكان البلوفات ....
و طبعا حصل. و كان بقول ليهم البلف دا هنا أحفرو بسيط بتلقوه و البلف التاني جنب الدكان داك و التالت إنتو واقفين فيه...و يا أولادي تاني ما تجوا تصحوني من نومي ....كفاية.

Quote: والله اللون الاخدر في الماسورة دي ماكلني شديد

تعرف يا وليد المواسير الخضراء دي بكونوا اختاروها
مخصوص عشان مافي زول تاني يفرز الطحالب من الماسورة

اللهم جرجرنا جرجيراً اخضراً يسر الناظرين والآكلين
هسه حا يجي يقول اصبروا

ناس عندهم أطول نهر في العالم وعطشانين.....حتى في عاصمة البلاد!
و رئيسها بقول "كلهم تحت جزمتي" و هو ما عندو موية عشان يغسل بيها قفاه

لكن عندو عكاز بتراقص بيه...

Quote: قال لي: رسلنا عربية لعم عوض الله (و عم عوض الله رجل فاضل كان شغال عامل في الصيانة 40 عام و أحيل للمعاش)...عشان يدلهم عن مكان البلوفات ....

Quote: والكلام ده ماصعب وممكن تشيل شبكة الخرطوم دي كلها قديمها وجديدها في (يو اس بي) وتفرتق بيها تجدعها لناس كوستاوي ديل يشوفو شغلهم فيها(سوي باعادة تاهيل حسب حالة الخطوط والمنشات او تشييد خطوط جديدة وباي المسارات واي الطرق وكيفية ربط الشبكة الخطوط القديمة بالخطوط الجديدة او استحداث خطوط منفصلة) وكل الكمونية دي ممكن معرفتها بكل سهولة ويسر طالما توفرت المعلومات الاساسية من الخرطة الفووووق القال عليها الكرمبا دي

عشان يتعمل التغيير دا طبعا محتاج لحفريات وقفل شوارع وشغاليت كتيرة غايتو ألا يرحلو ناس الخرطوم في معسكرات برة لحدي ما تنتهي العملية مع الشوارع النتشة دي

وبعدين دي مليارات يعني دايرين تفتحوا لينا باب سفسفة جديدة ولا شنوا ؟

خلوها ملكلكة كدا أحسن

كوستاوي


عليك الله انت عايز تساعدهم ولا تجيب خبرهم وخبرنا

دي ماكلة جديدة ليهم حل مشكلة مياه الخرطوم

Quote: المواسير دي في الثورة غيروها قبل شهر وشغالين في حارات لسع لو كنتو متخصصين المواسير الجديدة لونها اخدر وشكلها بلاستيك بلاستيك دي كويسة ولا فيها هبرة ؟!

يا وليد والله الشمار كتلني
قولت لي لونها أخضر - طبعا عالميا (أو في الغرب) اللون الأخضر في الأنابيب البلاستيكية (PVC) يستعمل للصرف الصحي عموما. في مياه الشرب يستعمل اللون الأبيض أو الرمادي. بالمناسبة هنا في الولاية التي أعيش فيها لا نستعمل البلاستيك في أنابيب مياه الشرب.

أها يا وليد لو لقيت طريقة تشوف لي الأنابيب الشغالين فيها في الثورات دي مكتوب عليها شنو و لو سألت كمان المهندس أو المفتش عن سمك الأنبوبة و إسم المصنع و البلد و يكون أحسن لو أختا صورة ليها.
و ما تنسا بدفنوها بي شنو و عمق الحفر........طيب خلاص, أنا منتظرك


يا الصاوي الجرجير جاي .... أصبر ياخي
ما أهو إنتا منتظر 60 سنة...الحصل شنو
أكتوبر و راحت شمار في مرقة

كتر خيرك يا كستاوى.
كل مرة بمشي فيها السودان بحاول اتكلم مع ناس الموية....و طبعا ما فى زول بيشتغل بي.
المشكلة فى شبكات المياه انها محتاجه قروش كتيرة عشان تتصان. و انتو عارفين ناسنا ديل ما بدفعوا قروش فى حجات ذى التعليم و الصحة و البنيات التحتية. اخير يصرفوها فى مواهى ناس سوق الاوال.
بمهاية الراجل (اللى قالوا انها 250 الف دولار فى السنة) دى انا ممكن اجيب واحده من اكبر الشركات الامريكية فى مجال المياه فى العالم يجوا يعملوا دراسة لهيئة مياه المدن و يوضحوا فيها الحل ممكن يكون شنو لموضوع المياه فى الخرطوم كلها. ويختوا خطوات واضحة بميزانيتها كمان لحل المشكلة.
اخر مرة كنت فى السودان, اتكلمت مع زول (مفروض انه مسؤل كبير فى الموية) قال انهم اتعاقدوا مع شركة (اظن) فرنسية عشان تعمل مسح لكل العاصمة و تخت كل المواسير و مقاساتها وعمرها فى قاعدة بيانات. (ده الكلام اللى بشمهندس كيكى قال لازم نبدا بيه). ما عندى فكرة وصلوا وين و عملوا شنو لكن ممكن اسال ليكم.

فعلا المشكلة فى السودان ان الشبكة قديمة جدا. اتصممت لحجم معين للمدينة لكن المدينة قاعدة تكبر بدون تخطيط. و المشكلة الاكبر كمان انه ما فى محطات تنقية كفاية. عشان كده المحطات الموجوده ما قادره تلحق عشان تنقي الموية بصورة كويسه و المويه بتطلع ذى عصير الليمون



و ذى كستاوى....انا مستعده اتبرع بوقتى عشان اساعد فى حل مشكلة الموية....مش وقتى براى كمان,و وقت 3 مهندسين (غيرى) بتاعين موية بيعملوا فى الشركات الامريكية.

يا كستاوى...الحمد لله ان المواسير ما لونها بنفسجى
_______________________________________________
مع ان الموية اللى فى المواسير الايام دى فى الخرطوم ارحم منها الموية فى المواسير البنفسجية فى اى بلد تانى

Quote: مسح لكل العاصمة و تخت كل المواسير و مقاساتها وعمرها فى قاعدة بيانات

هو هوا
إسمارتي في الميدان
الخرطوم دي يمكن مسحها و تصميم خرط لشبكة المياه بإستعمال التكنلوجيا المتاحة. هنالك أجهزة إستشعار يمكن أن تحدد موقع الأنبوبة و عمقها و رسم بيانات بشكل منظم.
عندي سوفت وير في الكمبيوتر ممكن يديني معلومات عن 6,000 ميل لأنابيب مياه الشرب و 5,600 ميل لأنابيب الصرف الصحي و مثيلها لأنابيب مجاري الأمطار

و المعلومات هي:
عمر الأنبوبة
مادة الأنبوبة
حجمها
الضغط
العمق
آخر chemical analysis في حالة مياه الشرب
The histry of the pipe
لو حصل ليه كسر أو شكاوي بتاعة discolored water
and so on...


ياخ ماتجي نعمل لينا شركة مع كيكي عشان نسف قروش الكيزان القاعدة في السهلة دي. خلاص زهجنا من التاكسيس بتاعة الأمركان ديل. دايرين نحصل الجنيه الجديد دا و الجرجير.

يا وليد نحن في إنتظارك

Quote: عشان يتعمل التغيير دا طبعا محتاج لحفريات وقفل شوارع وشغاليت كتيرة غايتو ألا يرحلو ناس الخرطوم في معسكرات برة لحدي ما تنتهي العملية مع الشوارع النتشة دي وبعدين دي مليارات يعني دايرين تفتحوا لينا باب سفسفة جديدة ولا شنوا ؟ خلوها ملكلكة كدا أحسن

هلا يا حمد
وبعد كلام الكرمبا ده تاني مافي كلام
ولمن يكون في الخرطة بتاعة الخرطوم طرق وخطوط موية وكلها متواجدة
ممكن تتحكم وتسيطر علي ادارة الشغل باقل واسهل الطرق علي مستوي تحديد مسارات الحركة البديلة اثناء تنفيذ العمل وتسريع وتيرة التنفيذ وتوقيت العمل بدون ما تعمل خلل في حركة المدينة بصورة تعيق الحياة وتنقل العربات والمارة...

وسلام كبير للمهندسة اسمارات انا ومرحب يا هندسة...
ويا كوستاوي مني كم جهاز بتاع (جي بي اس) وعلي السوفت وير والسنسر بتاعك ده
ثم المهندسة النحريرة اسمارات
ويلااااااكم

نواياك يا نصر وسمارت أنا مقدرة ومفهومة
لكن أنا ما أستبعد أن في ناس في الموية وصلوا الامور لهذه الدرجة حتي يضج الناس
والضجة تجيب ليها مظاهرات
وترتجف أوصال ناس البشير ونافع
ويقوموا يطلعوا من هدومهم ويصدقوا بميزانية لإصلاح المواسير
وبعد داك عينك ما تشوفش إلا نور
هاك يا لبع
وكم عمارة في المجاهدين والمعمورة
وكم عمارة في ماليزيا ودبي
والموية لسه في طينها ودودها

المهم ندفع بإقتراح مساهمتكم للأمام لنري كيف يكون رد ناس الحكومة في السودان
(هو نحن ناقصين، يجونا مهندسين أمريكا ديل يتفلسفوا علينا خرط وكلام فارغ)

و الله يا كيكى و كوستاوى انا كل فترة بفكر جاده فى موضوع الشركة دى.
لكن لما افكر فى الخطوات بلاقى ان اهم خطوة انى اشارك لى زول كوز عشان بعدين الكيزان ما يسرقوا افكارى و عرقى ذى ما حصل لناس كتار.
اها فتشوا الشريك الكوز الاول بعدين بنتفاهم.
و الله السوق فى السودان فيه نهب ما حصل الايام دى. و اسالوا النذير حجازى. قال فى واحد سودانى باع برنامج كومبيوتر مجانى بيصنعه الجيش الامريكى (اكرر مجانى) بينزل من الانترنت اسرع مما يفتح بورد بكرى ده. الزول ده باعه لوحدة السدود ب خمسة و عشرين الف دولار.

Water Distribution System Modeling

هدية لكستاوى و كيكى

Quote: اها فتشوا الشريك الكوز الاول بعدين بنتفاهم.

لو كده يا هندسة I rest my case
لووووووول

Quote: الله السوق فى السودان فيه نهب ما حصل الايام دى. و اسالوا النذير حجازى. قال فى واحد سودانى باع برنامج كومبيوتر مجانى بيصنعه الجيش الامريكى (اكرر مجانى) بينزل من الانترنت اسرع مما يفتح بورد بكرى ده. الزول ده باعه لوحدة السدود ب خمسة و عشرين الف دولار.

وده كلام يدمي القلب ياااخ
واللغف في اموال البلاد والعباد الظاهر فيهو فنون وجنون عجيبة
وده كلو لانو الخبز ما بدوهو للخبازين الحقيقيين والقصة جايطة جوطة شديدة خلااص...

والشركة الامريكية الناووين يجيبوها الناس ديل لو ما عملت حسابها تتطلعها كرعينها من الناس ديل
وسرقة الافكار دي عاااد جدا في السودان وعندنا زميلنا هنا في الدوحة مشي السودان بمشروع مهم وعاكسو في كراكير الوزارات ده وقنع من خيرا فيهو وبعد فترة لمن رجع السودان لقي مشروعه ده مدور زي الما حصلت حاجة
وشغاليين فيهو ماكلة رهيبة

Quote: ياخ ماتجي نعمل لينا شركة مع كيكي عشان نسف قروش الكيزان القاعدة في السهلة دي. خلاص زهجنا من التاكسيس بتاعة الأمركان ديل. دايرين نحصل الجنيه الجديد دا و الجرجير.

لقلقليق........وهم يسفو شنو؟ وعشان بخلوكم؟ ....عالم وهم... يجيبو بدل لبس من وين؟ وبدل سفر من وين؟ وبدل (بدل)من وين؟ ....مواهيم قال شركة قال؟
كمان دايرين تقطعوا رزق ساقه الله اليهم
الكلمة الوحيدة الصحيحة في العبارة اعلاه هي (قروش الكيزان) غنائم و في من الشعب السوداني( اذله الله وشتته واورث ماله وارضه للذين يستحقون ويعرفون كيف هو بدل اللبس) من المستشاريين والمدراء والوزراء والولاة والمحافظين والدستوريين ومن لف لفهم ولا نامت اعين كيكي و كوستاوي وكل من تسمى بحرف الكاف حتى لوكان في نهاية اسمه

هلا يا كرمبا
واها حسسع شوووف جنس الخرمجة دي (ترنش فاتح علي مصرعيه) واجراات السلامة وتامين منطقة الحفريات دي اول
حاجة مفروض تتوضب (شريط تحذير حول منطقة الحفر او حواجز بلاستكية تتحول الي خرصانية في الحفر العميق)وبعدها ممكن الناس تشوت في الشغل..
لانو ممكن تنط عربية وتقع في المجري ده او شافع او زول عجوز او اي انسان غير منتبه
لذا ممرات المشاه القوية..وعزل منطقة الحفر دي مهم جدا
والشركات القاعدة تنفذ الاعمال دي كلها بدفعو ليها للحكاية دي وملزمة انها تنفذ
ويجب علي الشرطة المرورية ان تتابع وتراقب وحتي تشارك في اذونات الحفر مع التنسيق مع الادارة الهندسية..

وللمواطن حق تقديم شكوي من اي ترنش مفتوح في منطقته
وله اي حق ان يقاضي اي شركة تحفر حفر مكوجن زي ده وتسبب في اضرار له

http://www.youtube.com/watch?v=HNZTLtCwlpE

Quote: لقلقليق..

سلام يا نازك
وفعلا ده اكبر لقلقيق (وطبعا اول مرة اشوفها مكتوبة لقلقيق دي)
وبني كوز ديل لو ختو الرحمن في قلبهم وبطلو السلعة واللقف ده وزحو من رقاب العباد دي جاي ولاجاي
مافي حاجة صعبة في السودان ده..
ولكن تقولي شنوو ياااخ

--

شكلو الهندي عز الدين متابع معاكم
اهو لقيتو ليكم شريك كوز وبالنص (بس اعملو حسابكم الزول ده خرخار ) لوووول

Quote: حل مشكلة المياه في مدن وضواحي ولاية الخرطوم، لا يكون بانتقال (الوالي) أو (المعتمد) إلى مواقع الاحتجاجات، ومخاطبة المتجمهرين من المواطنين على طريقة: (إذا الموية ما جاتكم خلال عشرة أيام، أنا ذاتي باطلع معاكم المظاهرات).. ولن يكون الحل أن يقول الوالي، أو مدير هيئة المياه - لا فرق - فالأخير مسؤول كبير أيضاً في حكومة الولاية، إن (البَلِف) تم إغلاقه بفعل فاعل، وأنها مؤامرة سياسية!! حسناً لم يقلها الوالي، فليكن، هل قالها مدير هيئة المياه بالولاية؟ لم يقلها أحد؟! إذن ربما قالها مسؤول كبير في ولاية «إنديانا» الأمريكية!! { الحل يا سادتي أن تعثروا على (خرائط) شبكات المياه (القديمة)، فقد حدثني أحد المختصين، أن السادة مهندسي هيئة المياه لا تتوفر لديهم خرائط توضيح المسارات القديمة لخطوط أنابيب المياه، مما يضطرهم أحياناً إلى اللجوء إلى مراقبين وعمال من أولئك الذين تقاعدوا، قبل سنوات طويلة، ودخلوا في قوائم (المعاش أبو جنيهات)!! { وإذا لم يتم العثور على تلك الخرائط، فينبغي الاستعانة بشركات أجنبية (أوربية على وجه التحديد) واستجلاب أجهزة وبرامج (software) لتحديد أماكن شبكات المياه في ولاية الخرطوم، ومن ثمّ التعامل مع الخيارات والحلول الممكنة، بعيداً عن (التهويل) والمبالغة بالمطالبة بـ (400) أربعمائة مليون دولار لحل مشكلة المياه!! { هذه الأجهزة والبرامج الحديثة لا تتجاوز قيمتها «مليون دولار» (واحد) بل أقل.. حتى لا يخرج علينا وسطاء و(سماسرة) المشروعات، طارحين على السيد الوالي خدماتهم باستدعاء شركات (أجنبية) مقابل (عشرات الملايين) من الدولارات، فقط لإعداد (الدراسات والبحوث)!! { الأفضل أن يوجه الوالي الدكتور «عبد الرحمن الخضر» الدعوة (العاجلة) إلى أبناء السودان العاملين بالمهجر - أوروبا أمريكا - المختصين في مجالي هندسة المدن وشبكات المياه، للاستفادة من معرفتهم وخبراتهم، وعلاقاتهم، في إطار (ورشة) مصغرة لا يتجاوز المشاركون فيها خمسين خبيراً.{ والمشكلة ليست في الشبكات، وأنواعها وأماكنها، فقط، بل في (كيفية) تعقيم مياه النيل والآبار الجوفية التي تصل إلى البيوت.. ما هي المواد المستخدمة - الآن - في العالم المتقدم لتعقيم المياه؟ ما هي الأجهزة المستخدمة (لتحليل) تركيبة مياه الشرب؟ { الأهم أن تقرر ولاية الخرطوم وقف التمدُّد (الأفقي) لمدن وأحياء العاصمة التي لامست نهاياتها حدود الولايات المجاورة!! { كيف تستطيع الولاية العاجزة عن إيجاد الشبكات (القديمة)، تمديد شبكات (جديدة) عشرات الكيلومترات شمالاً.. جنوباً.. شرقاً وغرباً..!! الحل كما هو في العالم كله، التوسع (الرأسي)، لتركيز الخدمات. { المشكلة يا أهل «بُرِّي» ليست في (حوض سباحة) تحت الإنشاء في (قصر) وزير الخارجية الأستاذ «علي كرتي»، فهذا (ملف آخر)، متعلق بثراء بعض (الإسلاميين) الذي فحش، ولا علاقة له بأزمة المياه، فلا أظن أن المياه التي يمكنها أن تملأ (عشرين) حوض سباحة بالمنطقة، تكفي لاستمرار الإمداد المائي (يومياً) بكل تلك (المربعات) التي يقطنها عشرات الآلاف من بني آدم!! { زيارات الوالي والمعتمدين (لمخاطبة المتضررين)، و(شرعنة التظاهر) لن تحل مشكلة، غير أنها ستفتح عليكم أبواب (جهنم) على (الميادين).. ميادين التحرير!! { المطلوب معالجة المشكلة فنياً.. هندسياً.. وليس سياسياً.. فسياسة (المؤتمر الوطني) لم تحافظ على (الجنوب)، ولم تحل أزمة دارفور.. ولا مشكلة «أبيي» ولا مشكلة «صلاح قوش

وزي ما انتو شايفين وجه ليكم الدعوة نيابة عن الوالي

Quote: الأفضل أن يوجه الوالي الدكتور «عبد الرحمن الخضر» الدعوة (العاجلة) إلى أبناء السودان العاملين بالمهجر - أوروبا أمريكا - المختصين في مجالي هندسة المدن وشبكات المياه، للاستفادة من معرفتهم وخبراتهم، وعلاقاتهم، في إطار (ورشة) مصغرة لا يتجاوز المشاركون فيها خمسين خبيراً

الأستاذ محمد إبراهيم
تحياتي

طبعا دي ما المرة الأولي هذا الهندي يطرانا بالخير
إنتا عارف الزول دا مسميني كوستاريكا


كدي ننتظر خال البشير رايو شنو?
إحتمال يقول عايزين خبراء عرب, و دي أنا و أخوي كيكي و الحاجة إسمارتي ما درسونا ليها.

كلام الهندي جميل جدا في فقرة تلوث المياة و تكريرها

الحل ... الفردي





الحقوق محفوظة لـ Smart Ana

بالمناسبة ياكرمبا ورفاقه
لو عندكم افكار صحيح لمساعدة اهلنا الغلابة والله نقيف معاكم حتى ولو بقلوبنا.
المهم:
تم تعيين صديقي وزميلي(بل وفردتي) على مدى اكثر من عشرين سنةالباشمهندس حيدر الشيخ الذي اشهد على سلامة نواياه وذمته التي رافقتها لاكثر من كم وعشرين سنة, تم تعيينه كمدير للأدارة العامة للشبكات حيث يملك خبرات ممتازة من خارج السودان وانا مستعد للتنسيق بين الجميع لتبادل الأفكار والنظر في هذا الأمر وعند الحارة زي ماقال الكرمبا ننسى احزابنا واوجاعنا الخاصة.
مع تحياتي للجميع وهاتفي في البروفايل

Quote: وانا مستعد للتنسيق بين الجميع لتبادل الأفكار والنظر في هذا الأمر وعند الحارة زي ماقال الكرمبا ننسى احزابنا واوجاعنا الخاصة.

كلام الزميل ود الشيخ ده مهم جدا ويدل على اصلو الطيب والرجل عانى ما عاني من هذا النظام
انا اعمل في مجال الـ AUtomation & SCADA For Water Applications وبرضو Motor Starting Application مع شركة عالمية
ومستعد ان اضع خبرتي تحت تصرف اي مبادرة تهدف لحل هذه المشكلة وبالمجان
ويا ريت نحاول نخرج من البوست ده بما ينفع الناس الايميل في البروفايل

كلام كويس يا أستاذ محمد إبراهيم علي

أقترح إنو تعمل بوست جديد و تدعو فيه كل الخبراء و العلماء المهتمين في مجال المياه, و حصر عددهم
و إحتمال نكون نواة رابطة عالمية و إحتمال ...............

و كلو ممكن

Quote: ومستعد ان اضع خبرتي تحت تصرف اي مبادرة تهدف لحل هذه المشكلة وبالمجان ويا ريت نحاول نخرج من البوست ده بما ينفع الناس

وانا معاكم يا ود ابراهيم وكوستاوي
وبالمجان مستعد تقديم كل خبراتي في هذا الامر في عشان البلد حاجاتها تبقي كويسة




ومضحك انو الهندي عزالدين متابع بالكوبي وبرش بالبيست(مع بعض التوم والشمار) في الصحافة
ولكن لا مشكلة اساسية
وكل المهم في بوست كوستاوي النوعي ده انو التنوير الهندسي يحصل والناس تخت يدها علي الحلول الجذرية
لهذه المشكلة التي يعاني منها كل الانسان السوداني...
ولو الجدية والتجرد كان ديدن مثل هذه الاشياء فالحلول الجذرية ممكن تتعمل في كل ولايات السودان ليس في الماء فقط بل في كل البنية التحتية للجميع ربوع السودان ده..فما فيه من خبرات وعقول بالخارج والداخل كافية لتعمير قارة

كان دايرين مساعدة في حكاية ال Database للمواسير والبلوفات وأي حاجة تانية
وترجمتها للعربية ممكن نساعد
بس ورونا البرنامج الشغالين بيه
ولو ما عندهم نقترح ليهم Access

الاخ كوستاوي وضيوفك الكرام ... سلام

القصه يا حبيب ماقصة رغيف ولا مويه ..

او كما قال مبارك الفاضل بن كوز لا يثقون في الاخر بل يقصونه ويحيلوته للصالح العام ..

وقبله الراحل د.عوض دكام قال لهم انتو حاكمين حاكمين بس لابد ان تضعوا الشخص المناسب في المكان المناسب ..

وهنا تكمن القضيه اخي كوستاوي وشكر الله سعيكم مقدما ...