Post: #1
Title: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-17-2011, 02:36 PM
تخيلوا بربكم الكريم مكر هذا اللص؟
لقد فكر بمحاربتى عن طريقة لم ياتى بها
الاوائل!!
|
Post: #2
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-17-2011, 02:42 PM
Parent: #1
اعرف ان النياق والابقار تسرق
ايضا الضان و الماعز بس انا ما
من اهل هذه الثروات!!
طيب السيارات وارصدة البنوك وتهكير
الحسابات الخاصة! ايضا انا رصيدى
صفر من هذه الممتلكات سوى سيارتى
التى حالها لا يشجع السارق.
|
Post: #3
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-17-2011, 02:49 PM
Parent: #2
لقد فكر اللص جيدا قبل الشروع فى عمليته
درس حالتى العامة و لان هذه الجريمة تعد
الاولى من نوعها عمل مسح قانونى لما تترتب
من عمليته من مخالفات قانونية قد تدينه لاننى
احسب ان القضاء لم يشرع اى مواد لتجريم هذه
العملية , لكنها صدقونى عملية سرقة 100%.
|
Post: #4
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-17-2011, 03:11 PM
Parent: #3
لقد تمكن اللص من نسف شبكتى العنكبوتية
تماما و تركنى فى السهلة لا استطيع التواصل
لا مع القريب لا مع البعيد.
|
Post: #5
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: البحيراوي
Date: 05-17-2011, 03:39 PM
Parent: #4
ود الأعم الصادق
تحياتي - يا زول الجاتك في شبكتك سامحتك . والحمد لله علي سلامتك إنت وبكرة عمك غيت بلقى ليك طريقة للحماية . المهم ما تجر عكازك بين الحلال وتبرم سكينك وتحوم أنصاص الليالي . ( هذه مقتبسة من خطاب أرسلته إحدي الحاجات في دار حمر لإبنها الذي ذهب لليبيا في السبعينات)
بحيراوي
|
Post: #6
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-17-2011, 03:40 PM
Parent: #4
تتذكروا المثل البيقول:
"شدة الحرامى السرق التلفزيون
والمسلسل شقال"!
الحرامى بتاعى دا اشد من حرامى التلفزيون!
|
Post: #7
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-17-2011, 04:36 PM
Parent: #6
Quote: ود الأعم الصادق
تحياتي - يا زول الجاتك في شبكتك سامحتك . والحمد لله علي سلامتك إنت وبكرة عمك غيت بلقى ليك طريقة للحماية . المهم ما تجر عكازك بين الحلال وتبرم سكينك وتحوم أنصاص الليالي . ( هذه مقتبسة من خطاب أرسلته إحدي الحاجات في دار حمر لإبنها الذي ذهب لليبيا في السبعينات)
بحيراوي |
مرحب ياالبحيراوى , اها بيندور الفزع , لكن يا خى الدرب بقصو كيف؟ الدرب دخل النقعة!! الا تقصو عقابى! والله تجر عكازك وتبرم سكينك فى ضهارى بروكلين دى بكرة كن شفتنى فى السديرات مو كضب!!
العملية يا سيادة المحامى , الحرامى سرق رقم هاتفى الجوال وانا كنت بتكلم بالتلفون اى والله!! فجاة الخط قطع لما عاودت المكالمة الرسالة تقول لا يمكننى الحديث عبر هذا الخط! طبعا ممكن عادى دا يحدث اذا انت ما دافع الفاتورة , لكن انا سددت قيمة الفاتورة قبل خمسة ايام فقط من حدوث العملية. لم اتمكن حتى من الاتصال على الشركة صاحبة الخدمة لشرح الامر لان الرقم خارج الشبكة تماما, استخدمت خط اخر و اتصلت على الشركة , ابلغونى بان هذه العملية غريبة و لم يسبق ان حدثت لهم فى شركتهم!! قلت ليهم يا جماعة العملية هى شنو؟ قالوا لى فى جهة تقدمت بمعلوماتك و سحبت رقم هاتفك و الان رقمك دا مملوك لشركة ثانية خالص و نحن لا نستطيع ارجاعه , اتصل انت بهذه الشركة و حاول معها انتهى حديثهم. قمت بالاتصال على الشركة الساطية اتهاما طبعا بنفس رقمى لكن لم استطع الدخول الى شبكة الشركة لاننى غير مسجل عندهم. انا الان فى حيرة من امرى. اكيد حتقول لى اطلب رقم جديد! طبعا دا بالنسبة لى غير ممكن لاننى امتلك هذا الرقم منذ ثمانية سنوات و مشبكنى مع كل العالم و انت واحد منهم. طيب لماذا سطى من سطى على هذا الرقم؟؟ هذا الرقم يعد رقما مميزا و الارقام المميزة هنا لها قيمة.
__________________________________________
هل اطمع فى نصيحة قانونية حتى اتمكن من استرداد رقمى و من ثم شبكتى التى اعرف؟.
|
Post: #8
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: يسرى معتصم
Date: 05-17-2011, 10:23 PM
Parent: #7
ود الزين
سلامات
معليش كنت فاكرك غيرت رقمك ... أتصلت الآن وجاتنى رسالة شركة verizon بأن هذا الرقم تم تغييره أو قطعه ...
ياأخوى دور فيهم محكمة محكمة جلسة جلسة تلفون تلفون ... خسارة كبيرة ودا تلفون بزنس ... أنا ماقلت ليك جاياك ثروة أها قول واحد تعويض للخسارات
----------------
تلفونى زاتو أدينى رقمك الجديد
|
Post: #9
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-18-2011, 01:07 AM
Parent: #8
Quote: ود الزين
سلامات
معليش كنت فاكرك غيرت رقمك ... أتصلت الآن وجاتنى رسالة شركة verizon بأن هذا الرقم تم تغييره أو قطعه ...
ياأخوى دور فيهم محكمة محكمة جلسة جلسة تلفون تلفون ... خسارة كبيرة ودا تلفون بزنس ... أنا ماقلت ليك جاياك ثروة أها قول واحد تعويض للخسارات
----------------
تلفونى زاتو أدينى رقمك الجديد |
اخى يسرى معتصم..
لم اغير رقمى يا يسرى , الغريبة انا سددت الاشتراك الشهرى قبل اقل من اسبوع و رقمى السمح اتسحب بقدرة قادر!! يا خوى ثروة شنو انا عايز تجينى الثورة , الثورة بكوبر!!
حاشد ليك سلك وزايركم فى جرسى قريب.
|
Post: #10
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: Hamid Sharif Abdelrasoul
Date: 05-18-2011, 01:44 AM
Parent: #9
الأخ / الصادق الزين
إزيك يا زين الرجال
حاولت رقمك الذي سرقة اللص و إستغربت جدا و لكي أطمئن على
سلامتك إتصلت على عثمان أبو جنة .
إتصل علي ضروري لكي ألمك في خبراء ممتازين يقصوا ليك درب
تلفونك محل ماقبل .
مع الشكر
حامد شارف
|
Post: #11
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-19-2011, 00:45 AM
Parent: #10
Quote: إتصل علي ضروري لكي ألمك في خبراء ممتازين يقصوا ليك درب
|
شكرا لفزعك يا حامد.
توقع منى المكالمة قريبا.
|
Post: #12
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: Tragie Mustafa
Date: 05-19-2011, 03:21 AM
Parent: #11
العزيز الحمري الصادق الزين
الجاتك في نمرتك سامحتك.....
ويا اخوي انت جاتك في نمرتك وانا جاتني في حاجات ثانيه
خليها سي.
برضو توقع بوست زي بتاعك ده بس تنويري للناس حتى لا يقعوا في
شركة الحراميه الوقعته فيها.
ربنا يلمك في نمرتك.
وطمأنا عليك.
|
Post: #13
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: Yahia Abd El Kareem
Date: 05-19-2011, 09:40 AM
Parent: #12
الأخ الصادق
الموضوع على الرغم من انه شائك الا انه شيق ويثير العديد من التساؤلات ...
نحتاج الى مزيد من المعلومات حتى نتمكن من تكوين عقيدة قانونية لتقديم الرأى القانونى السليم
أولا البلد التى سرق فيها خط الهاتف
ثانيا الشركة صاحبة الخدمة
ثالثا كيفية السرقة هل سرق الخط ام الهاتف نفسه
رابعا الخطوات التى تم اتخاذهاتجاه الشركة " مزودة الخدمة "
سنبقى فى انتظار الرد
|
Post: #14
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-20-2011, 02:24 AM
Parent: #13
Quote: العزيز الحمري الصادق الزين
الجاتك في نمرتك سامحتك.....
ويا اخوي انت جاتك في نمرتك وانا جاتني في حاجات ثانيه
خليها سي.
برضو توقع بوست زي بتاعك ده بس تنويري للناس حتى لا يقعوا في
شركة الحراميه الوقعته فيها.
ربنا يلمك في نمرتك.
وطمأنا عليك. |
شكرا تراجى على الفزع , زمنكم دا النسوان بفزعن مع الرجال سوا سوا!
الحصل ليك شنو؟؟ ابقى نورينا.
|
Post: #15
Title: Re: مطلوب راى قانونى فى اغرب عملية سطو تحدث فى الالفية الثالثة!!
Author: الصادق الزين
Date: 05-20-2011, 02:31 AM
Parent: #14
Quote: الأخ الصادق
الموضوع على الرغم من انه شائك الا انه شيق ويثير العديد من التساؤلات ...
نحتاج الى مزيد من المعلومات حتى نتمكن من تكوين عقيدة قانونية لتقديم الرأى القانونى السليم
أولا البلد التى سرق فيها خط الهاتف
ثانيا الشركة صاحبة الخدمة
ثالثا كيفية السرقة هل سرق الخط ام الهاتف نفسه
رابعا الخطوات التى تم اتخاذهاتجاه الشركة " مزودة الخدمة "
سنبقى فى انتظار الرد |
الاخ يحى كثر الله خيرك على تلبية النداء , المسروق هو الرقم يا يحى ودا سر الغرابه , الرقم اخدوا واحد ممكن يكون من العاملين بالشركة لانها الجهة الوحيدة التى تعرف معلوماتى الشخصية . ومتشكر لابداء الرقبة فى المساعدة.
|
|