Post: #1 Title: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-17-2011, 08:17 AM
عندما يخذلون إحساسك الجميل ويكسرون أحلامك بقسوة ويرحلون عنك كالأيام ... كالعمر وينبت في قلبك جرح باتساع الفراغ خلفهم ثم تمر الأيام ويعودون إليك من جديد فكيف تستقبل عودتهم وماذا ستقول لهم ؟؟؟ هل ستقول لهم أنك نسيتهم وستدر لهم ظهر قلبك، وستمضي في الطريق المعاكس لهم فربما كان هناك في الجهة الأخرى أناس لن يتخلوا عنك مثلهم ؟
هل ستقول لهم إن الأيام لا تتكرر وإن المراحل لا تعاد و أنك لفظت آخر أحلامك بهم حين لفظت قلوبهم وأنك بكيت خلفهم كثيراً ؟
هل ستقول لهم إن رحيلهم جعلك تعيد اكتشاف نفسك واكتشاف الأشياء حولك وأنك اكتشفت أنهم ليسوا آخر المشوار ولا آخر الإحساس ولا آخر الأحلام وأن هناك أشياء أخرى جميلة ومثيرة ورائعة ؟
هل ستقول لهم أنك أغلقت كل محطات الانتظار خلفهم فلم تعد ترتدي رداء الشوق وتقف فوق محطات عودتهم تترقب القادمين وتدقق في وجوه المسافرين وتبحث في الزحام عن ظلالهم وعطرهم وأثرهم ولم يتبق لهم بك سوى الأمس بكل ألم وأسى وذكرى الأمس وأن زمنهم انتهى بك منذ زمن ؟
أم ستجد لهم الأعذار ثمّ تعود إليهم من جديد ؟
النص: منقول بتصرف
ـــــــــ خيارات الاستطلاع ... سأقول له:- 1- خلاص الماضي ولّى زمان 2- نحن يا دوب ابتدينا
Post: #2 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-17-2011, 08:26 AM Parent: #1
هذا الاستطلاع أدرجته من قبل بمنتديات رفاعة أونلاين وتفاعل معه الأعضاء بشكل كبير للاطلاع: اضغط هنا
ـــــــــ ووضح لي بأنه مساحة كبيرة للبوح (والجرسة )
Post: #4 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: ابو جهينة Date: 05-17-2011, 08:43 AM Parent: #2
تحياتي صبري
قبل أن نجاوب بإحدى خيارات الإستطلاع يبرز سؤال حيوي : هل يجلس المحب يجتلر ذكرى المحبوبة طوال العمر و يغلق أبواب قلبه أمام أي طارق للحب ؟ أم يحاول أن يتناسى ؟ أم يهفو قلبه لطارق جديد ؟ الناس هنا مذاهب و قبائل و طرق في مسألة الحب
***
أنا من دعاة الوفاء بالحب القديم حتى و لو جفا المحبوب و لوى عنقه. فالحب بين روحين أسمى من إختلاف مزاجين. هكذا أتعتقد
شكرا على الموضوع الجميل
Post: #3 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: بله محمد الفاضل Date: 05-17-2011, 08:42 AM Parent: #1
يتوقف ذلك على عدد من التفاصيل أولاً: على ماذا انتهى القديم هذا هل تزوجت أم سافرت أم ارتبطت بآخر عن حب ثانياً: ما شكل الحب الذي كان بينهما هل كانا على قلب واحد أم كان بينهما الغرض سيداً ثالثاً: ما سبب الانفصال فيما بينهما هل يعود إلى عدم مقدرته على الزواج مثلاً لظروفه المالية أم لرفض أسرتها له والعكس أم لأسباب أخرى
بالإجابة على الأسئلة الفائتة يتوقف قبول عودة الحب القديم
وأرى أن الحب القديم يستحيل استعادته فانطفاء الوهج فيما بينهما للأسباب التي دفعت إلى الانفصال يظل قائماً ولا يعين على الاستمرار وإن كان الحب بينهما أقوى
محبتي واحترامي
Post: #5 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: هويدا شرف الدين Date: 05-17-2011, 08:55 AM Parent: #3
فات الأوان والانكتب علي جبيننا الليله بان أصبحنا أغراب نحن القراب لا رعشه لا لمسة حنان ----------------------------------------------------- فات الأوان وما قادر أصدق انو نحن أواننا فات كيفن سنين الحب تفوت يا داب ظلال أفراحها جات وكيف نفترق نقطع صلاتنا يوم ما بدت بينا الصلات فات الأوان شيع غرامنا الاتولد ساعتو اللي مات فات الأوان هات الدموع عبر صدي الماضل اللي كان وفات الأوان والانكتب علي جبيننا الليله بان ----------------------------------------------------- أنا عشت من قبلك غريب ما عرفت تقدير الزمن أحبابي من قبلك دموع وأصحابي من قبلك شجن كان عمر حفلات من ضياع ما ليهو قيمه ولا تمن ويوم ما عرفتك كان سنين العمر ولن وانتهن فضلت أتحسر وأقول ليه ما عرفتك من زمان --------------------------------------------------- الله ..الله ..الله .. لحبي الاندثر يوم ما ظهر ما ضاق شباب الله ..الله ..الله .. لقلبي الاحترق يوم انفتح للجنة باب الله ..الله ..الله .. لشمعاتي الطفن يوم الظلام بالفرحة داب الله ..الله ..الله .. لعمري الانتهي يوم ابتديت أحسب حساب وقول الوداع فات الأوان يا ريتو فات قبل الأوان
Post: #8 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: ود الباوقة Date: 05-17-2011, 09:02 AM Parent: #5
غايتو
كان انا حصل لي كنت اقعد اغني
يا نجوم الليل اشهدي
شكرا صبري
Post: #38 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-20-2011, 11:00 PM Parent: #8
Quote: ود الباوقة كتب: غايتو
كان انا حصل لي كنت اقعد اغني
يا نجوم الليل اشهدي
شكرا صبري
أو كُنت عملت صقرية ... أو عملت لينا كع
تُشكر على مرورك ......... مع ودّي ،،،
Post: #6 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: عصام دهب Date: 05-17-2011, 08:56 AM Parent: #3
سلام يا صبري لك و ضيوفك الأفاضل ..
Quote: ماذا أنت فاعل يا عضو سودانيز أونلاين لو رجع حبك القديم
أول حاجة يرجع وين .. و كيف .. ؟؟
Post: #7 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: aydaroos Date: 05-17-2011, 08:57 AM Parent: #3
في قصة غربية قريتها زماااااان في مجلة العربي عن واحد و واحدة كانو بي يحبو بعض في الجامعة وو في إستعراض لي شخصياتهم و علاقتم بي بعض في القصة في موقف البنية ام شعرا" طويل بي تربط شعرها ضنب حصان كانت اذا شعرت بانها إنشغلت عن حبيبها بالونسه مع الآخرين توصل له شوقها له بان تهز له ضنب حصانها من غير أن تنظر له
المهم زي ما بي يقول تبارك الجماعه إتفارقوا و القصه ما قالت السبب و بطل القصه عاش حياه طويلة و عرس و جاب وليدات، و مره من المرارير مشو إجازه في مدينة ما و إثناء ما بي يتفسحو في شارع ما هو و مرتو و وليداتو يشوف ليك زولتو الما بغباها ماشه عكس الشارع و معاها زوجها و وليداتا اها الحنين الفار جواهو ومحاولة التعرف علي التغييرات و إنتظار تلاقي الوجوه كلو ضاع لما مرت بي جنبو بي وش مافيهو أيي دليل علي المعرفة و بي غصة في القلب إتلفت وراهو لفته صغيره و هي تمر بي جنبو أكان يلقي ليك الضفيرة الما بغباها تتهز بي وراها.
_________________________________ حليلهم نا س أميرة الشيخ و خضر و قيقراوي و باقي الجماعة
Post: #9 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-17-2011, 09:27 AM Parent: #7
Quote: عصام دهب كتب: سلام يا صبري لك و ضيوفك الأفاضل ..
أول حاجة يرجع وين .. و كيف .. ؟؟
معليش يا أخوا/ن/ت أرد على مولانا عصام لأنو سؤالو مختصر وبرجع للبقية - إن شاء الله -
يا عمّك عصام ... أعتقد والعلم عند الله أنك قد عشت أيام الشباب والحبكانات والشواكيش والحب والظروف وغنيت مع المغنين أغاني كتيرة زي "المصير" و "الحب والظروف" والحاجات بتاعة الجرسة ديك ... معاي لحدّي هنا ...
طيّب ياخ ... الشواكيش وأسبابها دي مش حدوتة طويلة بعضها مقنع وبعضها طبطبة وتمشية حال ساي كدة ؟!
أمسك مثلاً حبيبتك الباعتك أو البعدت عنك للآتي:- 1- حبّتك ثم حبّت حبيب آخر. 2- حبّتك ثم تزوجت بآخر (بدون ما تكون حبتو). 3- ضعفت أمام المجتمع والضغوط وحكاية الحب عيب عند البعض والحاجات دي وقالت ليك أنسى أيّ حاجة بيناتنا. 4- قالت ليك تعال بالباب العديل وإنت ما كان عندك التكتح وعلى الأساس دة قفلت الباب في وشّك بقطع الرباط الصليبي.
جملة أسباب جعلتها تتخلى عنك رغم حبّك الشديد لها ...
أها يا عمّك فحوى السؤال هو إذا اختلفت ظروف عشيقتك وعادت إليك بغض النظر عن ظروفك إنت شنو ... حتقفل الباب في وشّها وتبني قرارك على ما يمليه عليك عقلك بشكل أساسي ... أم ستستجيب لدقّات قلبك لو كانت مستمرة في الخفقان أو استيقظت من نومها ...
ولك ودّي ،،،
ـــــــ سبب التعديل: الخفان = الخفقان
Post: #10 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Asim Fageary Date: 05-17-2011, 09:34 AM Parent: #9
سلام يا صبري
حأقول:
بعد إيه جيتا تاني
بعدما ضيعت قلبي الكنت فيه
إعتذارك ما بفيدك ودموعك ما بتعيدك
العملتوا كان بإيدك
بعد إيه .. بعد إيه .. بعد إيه
Post: #12 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: عصام دهب Date: 05-17-2011, 10:00 AM Parent: #9
شكرا يا صبري على التوضيح الوافي ..
Quote: أمسك مثلاً حبيبتك الباعتك أو البعدت عنك للآتي... 1- حبّتك ثم حبّت حبيب آخر. 2- حبّتك ثم تزوجت بآخر (بدون ما تكون حبتو). 3- ضعفت أمام المجتمع والضغوط وحكاية الحب عيب عند البعض والحاجات دي وقالت ليك أنسى أيّ حاجة بيناتنا. 4- قالت ليك تعال بالباب العديل وإنت ما كان عندك التكتح وعلى الأساس دة قفلت الباب في وشّك بقطع الرباط الصليبي.
لكن بالنسبة لي يا صبري و بكل صدق لم يتحقق أي من الإحتمالات أعلاه .. و بصراحة أكثر كان لدي ـ زماااان لزوم أستباب الأمن و كدة ـ علاقة عاطفية رائعة و من روعة هذه العلاقة ـ و سبب إنتهائها ـ أنه لم يكن من بشر غيرنا نحن طرفيها يعلم بها .. أنتهت علاقتنا و مضى كل في حال سبيله عن إقتناع ..
Quote: ماذا أنت فاعل يا عضو سودانيز أونلاين لو رجع حبك القديم ؟
و لا أي حاجة .. أخوان أخوان بس ..
Post: #11 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: domdom Date: 05-17-2011, 09:34 AM Parent: #7
اسمع كده و بالواضح الشغلانة بكون دخلت فيها جوانب تانية يعني انتا عرستا و عندك زوجة و اطفال بي حب جديد و لا بعرس تقليدي و ممكن الطرف التاني برضو و ممكن لا طيب الناس الاسع ما كنوا طرف زوجه و اولاد ذنبهم شنوانتا تمارس انسانيتك علي حسابهم ؟؟؟؟؟؟؟؟؟؟؟؟؟ يعني الواحد يحاول يكتل الشغلانة دي لو تاورت مافي اي طريقة لاستعاد شي مات يعني الانسان بموت و نحتما موته كمان الحب ممكن يكون بتاور زي الميت بس نخي ميت ميت حتي لو جاءات ظروف احيته يعني زي الحلم بالميت في النوم يعني الانسانية ما بتموت لكن كمان انسانيك دي ما علي حساب شخص تاني هنا في سؤال يعني لو افترضنا انو الواحد اكتشف /و حتي لو كان عارف انه زوجته كانت عندها علاقه قبل زواجه هل ممكن يقبل حتي انه تكون في علاقة تواصل مع الحب القديم ده حتي في مستوي الاجتماعايات بدون ما تكون في شي بحرقك جواك انا ضربتا المثل ده علشان باب زي ده فتحه صعب جداً و السلام
Post: #13 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-17-2011, 10:57 AM Parent: #11
Post: #14 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: نادية عثمان Date: 05-17-2011, 11:52 AM Parent: #13
موضوع جميل
تسجيل حضور ومتابعة
Post: #15 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: أبو ساندرا Date: 05-17-2011, 12:27 PM Parent: #14
الأول ،، ما بيتنسي الزول بيفوت ، وبيقى الفي القلب في القلب تحتضنه ذكرى عزيزة
Post: #16 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Asim Fageary Date: 05-17-2011, 12:31 PM Parent: #15
Quote: الأول ،، ما بيتنسي الزول بيفوت ، وبيقى الفي القلب في القلب تحتضنه ذكرى عزيزة
أبو ساندرا
تحياتي
كنت أتوقع أن يحمل ردك هذا المعنى
أيها المتصوف المريد
وكمان تحية وتقدير
Post: #17 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: جمال الباقر Date: 05-17-2011, 12:50 PM Parent: #14
Quote: حبّتك ثم تزوجت بآخر (بدون ما تكون حبتو).
Post: #18 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: طارق جبريل Date: 05-17-2011, 12:57 PM Parent: #17
ياخي دة سؤال بجهجه باكات برشلونة ذاتو
Post: #19 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Nasr Date: 05-17-2011, 03:24 PM Parent: #18
طبعا بتكون بين نارين نار الكاشف "حبي القديم يا كنار" ونار ترباس "جاي ترجع الماضي، خلاص الماضي ولي وراح"
لكن لأنه الحب يجب أن يكون من طرفين وفي نفس الوقت فمن الممكن أن الطرف الراجع يكون مليان حب للطيش ويجي يلقي زولوا القديم دا رمي الحب (وكل أغاني الكاشف وعثمان حسين ) في بير في صحراء العتمور وقدر ما يدفر عربية الحب ما دايرة تقوم ويكبوا لينها البنزين ويغيروا البطارية وبرضو ما تقوم
دي وصفة مأساة أحسن تتكب في فيلم هندي ولا مسلسل تركي
فليحتفظوا بذكريات الأيام الخوالي "الجميلة" مرات كثيرة بتكون أحسن من "تمثيل" الحب
Post: #20 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Asim Fageary Date: 05-18-2011, 05:57 AM Parent: #19
Quote: فليحتفظوا بذكريات الأيام الخوالي "الجميلة" مرات كثيرة بتكون أحسن من "تمثيل" الحب
أستاذ نصر يا قريبي
آه ثم آه
ما هذا التقمص اللا إرادي !!
مع خالص ودي
Post: #21 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: عبدالله السفاح Date: 05-18-2011, 06:01 AM Parent: #20
يا حبيبنا اكيد ردي ح يكون
تاني راجع لي خبارك
انت قايل قلبي لسه تايه في مدارك
Post: #22 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-18-2011, 10:53 AM Parent: #21
لك التحية أخي أبو جهينة ...
Quote: أبو جهينة كتب: قبل أن نجاوب بإحدى خيارات الإستطلاع يبرز سؤال حيوي : هل يجلس المحب يجتلر ذكرى المحبوبة طوال العمر و يغلق أبواب قلبه أمام أي طارق للحب ؟ أم يحاول أن يتناسى ؟ أم يهفو قلبه لطارق جديد ؟ الناس هنا مذاهب و قبائل و طرق في مسألة الحب
يا عمّك أعتقد والعلم عند الله أننا لا نتحكّم في مشاعرنا حيث يمكننا أن نتناسي ولا يمكننا أن نصنع النسيان ...
ولم أفهم بالضبط شنو عبارة "الناس هنا مذاهب وقبائل وطرق في مسألة الحب" يعني أدتني إحساس ميكانيكي للحب ... وإمكانية التحكم في ما بداخلنا من مشاعر تجاه الآخرين وتوجيهها حسب ما نُريد ... بمعنى أستطيع أن أحب وأستطيع أن أمنع الحب (أرجو أن تصححني).
Quote: أبو جهينة كتب: أنا من دعاة الوفاء بالحب القديم حتى و لو جفا المحبوب و لوى عنقه. فالحب بين روحين أسمى من إختلاف مزاجين. هكذا أتعتقد
هل نفصل بين الارتباط المادي والارتباط المعنوي ؟ بمعنى أن أعيش بجسدي وبعضاً من مشاعري مع زوجتي وأن أعيش بروحي مع من عشقتها ولم أستطع الارتباط بها ؟
أم أعيش الحب القديم في ذاكرتي فقط ؟!
ولك ودي ،،،
ـــــــــــــ
Post: #23 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: نور الدين عثمان Date: 05-18-2011, 11:09 AM Parent: #22
يا صبرى ياخى مالك ياخى .. ما تقلب المواجع وخلى الفى القلب فى القلب ,,,
Post: #24 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: shammashi Date: 05-18-2011, 12:10 PM Parent: #23
صبري ياخوي
سؤالك دا جهجه البشرية دي كلها. ومعظم الناس اتفتحت جروحها القديمة. ولا أظن أن واحدا منهم سيرد عليك بحقيقة دواخله في هذا الشأن لاعتبارات كتيرة بل سيرجع بخياله لسنين مضت ويسرح وينكفيء على شجنه. ويقول ياريت.
Post: #25 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-18-2011, 12:35 PM Parent: #24
بعد جهجهة الباكات أجهجه حارس المرمى شوية كدة وأخليهو مرّة يطلع ومرّة يرجع
Post: #28 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: الشامي الحبر عبدالوهاب Date: 05-18-2011, 04:16 PM Parent: #27
Quote: لو رجع حبك القديم ؟
الحب القديم ما برجع يا صبري اخوي
لكن تظل ذكراه نابضة علي طول السنين
موضوع ممتاز لكن قليل من يبث تجربته بشفافية
تحياتي اخ صبري
Post: #85 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 12:51 PM Parent: #28
لك التحية أخي الشامي ...
Quote: الحب القديم ما برجع يا صبري اخوي
لكن تظل ذكراه نابضة علي طول السنين
موضوع ممتاز لكن قليل من يبث تجربته بشفافية
ونادراً ما يحكي صاحب الحب الحقيقي عن تجربته التي لم يُكتب لها التتويج بالزواج ... والصمت هو الذي يعبّر عن ذلك ... لو جاملك خلاااااااص كدة بدّيك أحّة ساي (أحححححححح)
دمت بود ،،،
Post: #84 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 12:46 PM Parent: #27
Post: #81 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-02-2011, 09:48 AM Parent: #24
Quote: شماشي كتب: صبري ياخوي
سؤالك دا جهجه البشرية دي كلها. ومعظم الناس اتفتحت جروحها القديمة. ولا أظن أن واحدا منهم سيرد عليك بحقيقة دواخله في هذا الشأن لاعتبارات كتيرة بل سيرجع بخياله لسنين مضت ويسرح وينكفيء على شجنه. ويقول ياريت.
يا عمّك أعتقد والعلم عند الله إنّك جبت "النجيضة"
Post: #80 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-01-2011, 06:26 PM Parent: #23
Quote: نور الدين عثمان كتب: يا صبرى ياخى مالك ياخى .. ما تقلب المواجع وخلى الفى القلب فى القلب ,,,
معليش ياخ لو زدت ليك ضربات قلبك ...
ـــــــ عادي ياخي اعتبرها جكة لزوم تخفيف وزن وكدة
Post: #68 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-26-2011, 11:09 PM Parent: #21
Quote: عبدالله السفاح كتب: يا حبيبنا اكيد ردي ح يكون
تاني راجع لي خبارك
انت قايل قلبي لسه تايه في مدارك
شوف يا حبيبنا كلام مسيخ زي دة معناتو إنو قلبك لسة في مدارو ... لو كان نسيتو بتشيل هم كيف توزعو وتقنعو بوضعك الجديد بكل لُطف وإنسانية ... يعني ممكن تقول ليهو "وش البامية ما ياهو"
ـــــــــــــ رأيك شنو ندق الصفائح
Post: #67 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-26-2011, 07:51 AM Parent: #19
Quote: ناصر كتب: طبعا بتكون بين نارين نار الكاشف "حبي القديم يا كنار" ونار ترباس "جاي ترجع الماضي، خلاص الماضي ولي وراح"
لكن لأنه الحب يجب أن يكون من طرفين وفي نفس الوقت فمن الممكن أن الطرف الراجع يكون مليان حب للطيش ويجي يلقي زولوا القديم دا رمي الحب (وكل أغاني الكاشف وعثمان حسين ) في بير في صحراء العتمور وقدر ما يدفر عربية الحب ما دايرة تقوم ويكبوا لينها البنزين ويغيروا البطارية وبرضو ما تقوم
دي وصفة مأساة أحسن تتكب في فيلم هندي ولا مسلسل تركي
فليحتفظوا بذكريات الأيام الخوالي "الجميلة" مرات كثيرة بتكون أحسن من "تمثيل" الحب
يا سلام على ناس العُمق الاستراتيجي ديل
دمت بود ،،،
Post: #73 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: رانيه محمد الشيخ Date: 05-27-2011, 11:22 AM Parent: #67
لو قولت اى بحس ان فى شخصيات ما تستحق فرصه تانيه وشعور الجرح اول مره حيفضل ينبض من فتره لفتره خوف من فتحه وتكراره
ولو قولت لا يبقى بظلم شخصيات رجعت نادمه وشاريه ومتمسكه ومقتنعه يالعيزاه المره دى لان كتير لمن نبعد من الاشياء والاشخاص ممكن نحس بقيمتهم اكتر وبمدى روعتهم
الخلاصه محتاجين نستفتى القلب فى الموضوع دا على حسب الحاله والشخصيه مافى معيار ثابت ممكن يمشى عليه
Post: #86 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 12:56 PM Parent: #73
رانيا محمد الشيخ كتبت:
Quote: لو قولت اى بحس ان فى شخصيات ما تستحق فرصه تانيه وشعور الجرح اول مره حيفضل ينبض من فتره لفتره خوف من فتحه وتكراره
ولو قولت لا يبقى بظلم شخصيات رجعت نادمه وشاريه ومتمسكه ومقتنعه يالعيزاه المره دى لان كتير لمن نبعد من الاشياء والاشخاص ممكن نحس بقيمتهم اكتر وبمدى روعتهم
الخلاصه محتاجين نستفتى القلب فى الموضوع دا على حسب الحاله والشخصيه مافى معيار ثابت ممكن يمشى عليه
إنتو الحب دة تجاري ولاّ شنو الحكاية
Post: #60 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-25-2011, 10:25 AM Parent: #18
Post: #29 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: احمد العمار Date: 05-18-2011, 05:19 PM Parent: #1
تحياتى يا صبرى الاجابة على السؤال بتكون حسب حالة و سبب الفراق ولكن فى الغالب السبب بيكون (( شاكوش )) عشان كدا بتلقى افضل رد هو رد الشعراء فى الحالات دى لذلك انا اخترت ليك قصيدتين بعد ايه و جاى تفتش الماضى تنفع جدا تكون رد كافى و شافى ... واتمنى لو تنزل اغنية بعد ايه (عشان تتم ليك باقى الجهجهالعايزة دى)
بعد ايه ... اسماعيل حسن
بعد ايه جيت تصالحني بعد ما ودرت قلبي الكنت فيه جيت تشكى جيت تحكى جيت تبكى لي ليه اعتذارك مابيفيدك ودموعك مابتعيدك العملتو كان بإيدك وانا ما لي ذنب فيه
انا خلدتك بشعري في زمانك وياما غنيت وكان كلو عشانك وكان جزاي منك صدودك وهوانك انا استاهل وضعتك في مكانا ما مكانك روح الغدر بي نفسو ما بيبكو عليه
جيت تايب ياحليلك والفؤاد ملكوه غيرك ربي يعدل ليك سبيلك و كل مناي في الكون عديلك ونهاية الخير نصيبك
ليه ضيعوك ودروك انت مابتعرف صليحك من عدوك استغلو الطيبة في قلبك وبي اسم العواطف خدعوك حتى من كلمة حنانم وودادم حرموك الله يخد ليك حقوقك ويجازي الظلموك
أحمد العمار
Post: #30 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: احمد العمار Date: 05-18-2011, 05:23 PM Parent: #29
جاى تفتش الماضى ... التيجانى حاج موسى
جاي تفتش الماضي خلاص الماضي ولى زمان وجفت مقلتي الباكية ونامت من سنين احزانى
أرجع بالزمن مرة واتذكر حكايتي معاك تلاقي القصة جد مرة و ما راعيت شعور مضناك و كل ما تزيدني في هجرك أقول ليك زيدني ما احلاك لا نفع التوسل ليك ولا حرماني يوم هماك
جيت تترجى بالدمعات أسامحك انسى أغفر ليك اجفف دمعك الغالي مسامحك ما عشان عينيك عشان تتعلم الغفران وتصفح لو زمن جار بيك وحاول لو قدرت كمان تقدر رقة الحابيك
و عزة نفسي مابية علي اسلم قلبي ليك تاني سنين الهجر بيناتنا وحاجات تانية حامياني ولو رجع الحنين عاود وليك من تاني وداني ولو مكتوب علي احب بحب إنسان يكون تاني
أحمد العمار
Post: #31 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: SAMIR IBRAHIM Date: 05-18-2011, 05:32 PM Parent: #30
يا ولدي لو الفراق كان شاكوش ... لو رجع حبك القديم اديها قدوم ....
Post: #32 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-18-2011, 10:48 PM Parent: #31
Quote: بلة محمد الفاضل: يتوقف ذلك على عدد من التفاصيل أولاً: على ماذا انتهى القديم هذا هل تزوجت أم سافرت أم ارتبطت بآخر عن حب ثانياً: ما شكل الحب الذي كان بينهما هل كانا على قلب واحد أم كان بينهما الغرض سيداً ثالثاً: ما سبب الانفصال فيما بينهما هل يعود إلى عدم مقدرته على الزواج مثلاً لظروفه المالية أم لرفض أسرتها له والعكس أم لأسباب أخرى
بالإجابة على الأسئلة الفائتة يتوقف قبول عودة الحب القديم وأرى أن الحب القديم يستحيل استعادته فانطفاء الوهج فيما بينهما للأسباب التي دفعت إلى الانفصال يظل قائماً ولا يعين على الاستمرار وإن كان الحب بينهما أقوى
لك التحية أخي بلة ... وأرجو مراجعة ردّي على مولانا عصام دهب بخصوص أسئلتك ... ولكن ألم تحس من النص أن المقصود هو "الشاكوش" بمعنى "التخلّي عنك" بدون أسباب مُقنعة بالنسبة لك ؟ ومما لوّنتُ لك بالأحمر يبدو أنّ رأيك هو "خلاص الماضي ولّى زمان" ...
تشكر يا عزيزي ........... مع ودّي ،،،
ــــــــــ
Post: #33 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: dardiri satti Date: 05-19-2011, 10:54 AM Parent: #32
Quote: فكيف تستقبل عودتهم
أقيم ليالي بالكمان والعود.
رحم الله الذري ، إبراهيم عوض.
تحياتي
Post: #34 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: عبد الدائم سيد أحمد Date: 05-19-2011, 11:07 AM Parent: #33
Quote: ماذا أنت فاعل يا عضو سودانيز أونلاين لو رجع حبك القديم
هسه الباســــورد لو راح ورجع تانى ببقى زى الاول
Post: #89 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:08 PM Parent: #34
عبد الدائم سيد أحمد كتب:
Quote: هسه الباســــورد لو راح ورجع تانى ببقى زى الاول
يا عمّك لو على مثالك دة الناس كلّها حترجع
Post: #88 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:07 PM Parent: #33
لك التحية أخي درديري ساتي ...
Quote: أقيم ليالي بالكمان والعود.
يا سلام على وضوحك ...
Post: #87 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:02 PM Parent: #31
Quote: سامر إبراهيم كتب: يا ولدي لو الفراق كان شاكوش ... لو رجع حبك القديم اديها قدوم ....
Post: #35 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-20-2011, 00:19 AM Parent: #30
تحياتي أخونا أحمد العمار ... ومعليش ياخ ... تأخرت لأني كُنت مستني تشغيل الـ html على العموم دي روابط الأغنتين:- بعد إيه (1) - وردي بعد إيه (2) - وردي غايتو بعد إيه جهجة باكات الجمهور جهجة شديدة ياخ
Post: #36 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: PLAYER Date: 05-20-2011, 00:26 AM Parent: #35
حكمة اليوم هناك قديم يمكن أعادة أستعمالها...وهناك قديم الأفضل تغيرها
Post: #37 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-20-2011, 04:28 PM Parent: #36
Quote: هويدا شرف الدين كتبت: وقول الوداع فات الأوان يا ريتو فات قبل الأوان
إصرار زي دة اسمو عندي:- تأكيد الجرسة بما يشبه قوة الموقف !!!
ولكِ ودّي ،،،
ـــــــــــ
Post: #90 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:09 PM Parent: #36
بلير كتب:
Quote: حكمة اليوم هناك قديم يمكن أعادة أستعمالها...وهناك قديم الأفضل تغيرها
يا بلير ياخي عملت الشغلانة زي الجزمة
Post: #39 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Manar Mahsoub Date: 05-21-2011, 06:07 AM Parent: #1
ماذا أنت فاعل يا عضو سودانيز أونلاين لو رجع حبك القديم ؟
ده احساس صعب خلاص فى اعتقادى التنبؤ بتفاصيله اكثر صعوبة..لانو الحب الصادق الحقيقى لا تحكمه اى حاجة و هو البيعبر عن نفسه و حاجاته
Post: #40 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: عادل الباهي عبدالرازق Date: 05-21-2011, 07:13 AM Parent: #39
سلام الاخ صبري طه ولضيوفك الاكارم
Quote: استطلاع: ماذا أنت فاعل يا عضو سودانيز أونلاين لو رجع حبك القديم ؟
عن نفسي تعودت الا التفت خلفي حتي لو أنفجرت دانه
لماذا أنظر لمن أختارت غيري أو مجرد وضعتنا الاثنين في ميزان للمقارنة
لو الحب بيزلني سوف أقتلع قلبي وأرمية في أقرب صندوق قمامة .
Post: #41 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-21-2011, 11:58 AM Parent: #40
Quote: عيدروس كتب: في قصة غربية قريتها زماااااان في مجلة العربي عن واحد و واحدة كانو بي يحبو بعض في الجامعة وو في إستعراض لي شخصياتهم و علاقتم بي بعض في القصة في موقف البنية ام شعرا" طويل بي تربط شعرها ضنب حصان كانت اذا شعرت بانها إنشغلت عن حبيبها بالونسه مع الآخرين توصل له شوقها له بان تهز له ضنب حصانها من غير أن تنظر له
المهم زي ما بي يقول تبارك الجماعه إتفارقوا و القصه ما قالت السبب و بطل القصه عاش حياه طويلة و عرس و جاب وليدات، و مره من المرارير مشو إجازه في مدينة ما و إثناء ما بي يتفسحو في شارع ما هو و مرتو و وليداتو يشوف ليك زولتو الما بغباها ماشه عكس الشارع و معاها زوجها و وليداتا اها الحنين الفار جواهو ومحاولة التعرف علي التغييرات و إنتظار تلاقي الوجوه كلو ضاع لما مرت بي جنبو بي وش مافيهو أيي دليل علي المعرفة و بي غصة في القلب إتلفت وراهو لفته صغيره و هي تمر بي جنبو أكان يلقي ليك الضفيرة الما بغباها تتهز بي وراها.
يا عمّك بقول ليك بصراحة وبكل أمانة جهجهة باكاتي أنا شخصياً أنا كان مالي ومال كدة
Quote: عيدروس كتب: حليلهم نا س أميرة الشيخ و خضر و قيقراوي و باقي الجماعة
غداً نكون كما نودّ ونلتقي عند الغروب غداً تجف مدامعي وتزول عن نفسي الكُروب غداً تعود مباهجي .. غداً حبيبي حتماً يعود
Post: #42 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: باسط المكي Date: 05-21-2011, 12:13 PM Parent: #41
صبري طه سلامات رفاعة قفاها البلوم طربان ياخ مالك بتهبش ياريت لودة حصل لكن هيهات مصير مكتبوب
Post: #94 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:24 PM Parent: #42
Quote: باسط المكي كتب: صبري طه سلامات رفاعة قفاها البلوم طربان ياخ مالك بتهبش ياريت لودة حصل لكن هيهات مصير مكتبوب
وإنت مالك بتهبّش
Post: #43 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: محمد أبشر Date: 05-21-2011, 12:15 PM Parent: #40
الاخ صبرى الأنثى كائن غريب بعض الشئى ؟؟ فهى يمكنها أن تعشقك ... ثم تترك وتذهب لاًًّّّّّّّخر ؟؟ ثم ما أن تنساها وتفكر فى غيرها .... تجد منها رسالة على هاتفك تقول لك فيها بأنها ما ذالت تعشقك ولن تستطيع الحياة بدونك ..
كل الود صاحب البوست وضيوفه الكرام
Post: #44 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: محمد أبوالعزائم أبوالريش Date: 05-21-2011, 12:24 PM Parent: #43
لو عايزنا نرجع زي زمان ...
قول للزمان ارجع يا زمان ...
وهات لي قلب ... لا داب ولا حب ..
ولا انجرح ولا شاف حرمان ....
(أم كلثوم - فات المعاد) ______
ياخ الغُنا في سؤال استطلاعك تنوء بحمله مكتبات الإذاعات.
Post: #45 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-21-2011, 01:05 PM Parent: #44
المرّة دي سأحاول جهجهة لاعبي متوسط الدفاع بميسي ...
Post: #54 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-23-2011, 12:48 PM Parent: #53
Quote: دوم دوم كتب: يعني لو افترضنا انو الواحد اكتشف /و حتي لو كان عارف انه زوجته كانت عندها علاقه قبل زواجه هل ممكن يقبل حتي انه تكون في علاقة تواصل مع الحب القديم ده حتي في مستوي الاجتماعايات بدون ما تكون في شي بحرقك جواك انا ضربتا المثل ده علشان باب زي ده فتحه صعب جداً
ومن أجمل ما في الحياة التضحية والإيثار ...
دمت بود ،،،
Post: #55 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: داليا حافظ Date: 05-23-2011, 01:05 PM Parent: #54
يا صبري سلام
المشكلة في ضرر شخص ثالث لمن يرجع لحبيبك حبو القديم ..وأنت ااااخر من يعلم ..
ولا شنو ..
Post: #56 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: نور الدين عثمان Date: 05-23-2011, 03:26 PM Parent: #55
Post: #59 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-24-2011, 04:37 PM Parent: #58
Quote: جمال الباقر كتب:
Quote: حبّتك ثم تزوجت بآخر (بدون ما تكون حبتو).
وأسباب ذلك غالباً ما تكون مرتبطة بظروف الحياة المادية أو برغبة الأهل ...
دمت بود ،،،
Post: #61 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: محمد عبد الماجد الصايم Date: 05-25-2011, 10:44 AM Parent: #59
صبري يا عمكـ .. مشاركة عبر الإيميل من الأخ M G
Quote: كنت مخلصا لها للحد البعيد وهي كانت مخلصة ولكن لنفسها كنت اخاف عليها من الريح اذا هبت ومن الشمس اذا سطعت ومن الامطار اذا نزلت وما كانت تهتم لأمري في شيء كنت أخاف عليها حتى من الفراش إذا نامت أن يؤثر في جنبها كنت أطمئن عليها في اليوم مرة أو مرتين باتصال او مسج، فقط لأقول لها ءأنت بخير؟ وهي لم تكن لتهتم بالسؤال عني حتى إن سافرت وانقطعت عنها أياما لم تكن لتكلف نفسها عناء مسج واحد احتويت همومها بين ضلوعي وجعلت آلامها آلامي وخففت عنها الكثير من آلامها وأنسيتها الكثير من الأحزان التي كانت تبكيها وذلك باعترافها شخصيا كم سكبت لي عبر الهاتف من العبرات وكم اشتكت لي مما يفعله بها الآخرون وكم انخرطت في بكاء حاد لتستكمل ضعفها الأنثوي في حضرة رجل تحس معه بالأمان كانت تتلهف لاتصالي وتسر بمكالماتي لأنها تجد فيها كل السعادة والتخفيف عن الهموم لم أمسها بسوء أبدا ولم التق بها إلا مرات معدودات وكنت أمينا معها ومحافظا عليها للحد البعيد كان شعوري نحوها شعورا أبويا رغم انني لم اكن اكبرها الا بعامين ولكنه شعور المسئولية والالتزام تجاه سعادة هذه الانسانة كانت مكسورة مهيضة الجناح وقد أسندتها حتى انجبر كسرها وأعنتها حتى قويت على التحليق فلما حلقت صفقت بجناحيها ورفرفت بساعديها وقالت لي: الوداع، فأنا ذاهبة إلى من هو أكثر منك مالا وأعز نفرا
هذه قصتي باختصار، وتسألونني ماذا أنا فاعل إن عادت إلي؟
أقول لكم: أتمنى أن تعود إلي وأن تسكب العبرات بين يدي لأركلها بقدمي وأدوس عليها بحذائي ثم أمضي في طريقي فهذا ما تستحقه، وقد تعلمت أن الحياة بدونها ممكنة بل إن الحياة من غيرها أكثر صفاء وإشراقا وهناء ------
قولوا لي ماذا انتم فاعلون لو كنتم مكاني؟
Post: #62 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: عبد الدائم سيد أحمد Date: 05-25-2011, 11:17 AM Parent: #61
واقـــــع
إنك تحب وحده.. ولكنك تتزوج من واحده ثانية.. الثانية أصبحت زوجتك..
بينما الأولى أصبحت كلمة سر بريدك الاليكتروني
Post: #63 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Asim Fageary Date: 05-25-2011, 12:05 PM Parent: #62
Quote: بينما الأولى أصبحت كلمة سر بريدك الاليكتروني
يا عبد الدائم يا ود الزقازيق
سلام
كلامك بتتحمل نتائجه .. إنت حكومتك دي ما عندها جهاز إستخبارات ولا شنو ؟
Post: #64 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: shammashi Date: 05-25-2011, 12:17 PM Parent: #63
يا ود الصايم
قلت لي رسالة بالأي ميل
يااا راقل!
Post: #65 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: محمد عبد الماجد الصايم Date: 05-25-2011, 12:29 PM Parent: #64
والنبي يا بيه!!!
Post: #66 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-25-2011, 05:30 PM Parent: #65
عُذراً يا رفاق لأنو الزول دة ضيف عشان كدة حأرجع أرد على البقية بعدو إن شاء الله ... وبالطبع حأفترض إنو فعلاً هو ضيف وليس الأخ محمد عبدالماجد الصايم كما أرى بعض التلميحات ...
Quote: رسالة إلى بريد محمد عبدالماجد الصايم من أحد الزوار حيث كتب: كنت مخلصا لها للحد البعيد وهي كانت مخلصة ولكن لنفسها كنت اخاف عليها من الريح اذا هبت ومن الشمس اذا سطعت ومن الامطار اذا نزلت وما كانت تهتم لأمري في شيء كنت أخاف عليها حتى من الفراش إذا نامت أن يؤثر في جنبها كنت أطمئن عليها في اليوم مرة أو مرتين باتصال او مسج، فقط لأقول لها ءأنت بخير؟ وهي لم تكن لتهتم بالسؤال عني حتى إن سافرت وانقطعت عنها أياما لم تكن لتكلف نفسها عناء مسج واحد احتويت همومها بين ضلوعي وجعلت آلامها آلامي وخففت عنها الكثير من آلامها وأنسيتها الكثير من الأحزان التي كانت تبكيها وذلك باعترافها شخصيا كم سكبت لي عبر الهاتف من العبرات وكم اشتكت لي مما يفعله بها الآخرون وكم انخرطت في بكاء حاد لتستكمل ضعفها الأنثوي في حضرة رجل تحس معه بالأمان كانت تتلهف لاتصالي وتسر بمكالماتي لأنها تجد فيها كل السعادة والتخفيف عن الهموم لم أمسها بسوء أبدا ولم التق بها إلا مرات معدودات وكنت أمينا معها ومحافظا عليها للحد البعيد كان شعوري نحوها شعورا أبويا رغم انني لم اكن اكبرها الا بعامين ولكنه شعور المسئولية والالتزام تجاه سعادة هذه الانسانة كانت مكسورة مهيضة الجناح وقد أسندتها حتى انجبر كسرها وأعنتها حتى قويت على التحليق فلما حلقت صفقت بجناحيها ورفرفت بساعديها وقالت لي: الوداع، فأنا ذاهبة إلى من هو أكثر منك مالا وأعز نفرا
هذه قصتي باختصار، وتسألونني ماذا أنا فاعل إن عادت إلي؟
أقول لكم: أتمنى أن تعود إلي وأن تسكب العبرات بين يدي لأركلها بقدمي وأدوس عليها بحذائي ثم أمضي في طريقي فهذا ما تستحقه، وقد تعلمت أن الحياة بدونها ممكنة بل إن الحياة من غيرها أكثر صفاء وإشراقا وهناء ------
قولوا لي ماذا انتم فاعلون لو كنتم مكاني؟
يا عمّك بصراحة دة فاول خطير ومعاهو كرت أحمر وإيقاف لثلاث مباريات متتالية ... يعني حتكون أحسن من إبراهيموفيتش ...
وبقول ليها بأمانة عمليتك ما ظريفة وحركتك جـــبـــانــة (كلامي دة من حيث المجاملة والطبطبة طبعاً) ...
ــــــــــــ أما كلامي التحت الحزام دة بقول ليك القلبو بيعرف الحب الحقيقي عمرو ما بيكره ولا بيحقد ... وطال ما هي اختارت الطريق البتشوف إنو بيسعدها ليه ما تسعد لسعادتها ... الحب على ما أعتقد ما زي سوق المواسير ...
ــــــــــــ
Post: #69 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-26-2011, 11:49 PM Parent: #66
ـــــــــــ ما قلت في ساعة الوداع إنت النجوم وإيدينا ما بتحصلك
Post: #70 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: manal eltahir Date: 05-27-2011, 02:24 AM Parent: #69
رافق كل من أراد الخروج من حياتك الي الباب،،ودعه بابتسامه وتأكد من انك اغلقت الباب جيداً....
Post: #71 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Nasr Date: 05-27-2011, 06:44 AM Parent: #70
Quote: رافق كل من أراد الخروج من حياتك الي الباب،،ودعه بابتسامه وتأكد من انك اغلقت الباب جيداً....
بس السؤال: كان جاء راجع وطرق الباب (أول حاجة بلطف وبعد شوية زي الساكية ######) ؟؟؟؟؟؟
Post: #74 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: manal eltahir Date: 05-27-2011, 03:26 PM Parent: #71
تفك ليه ROCKIE في الحديقه ح يقوم بالواجب...يا NASR ما تخلينا نكشف اوراقنا......
Post: #75 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: Nasr Date: 05-27-2011, 05:29 PM Parent: #74
في الاول خفت قلت الحكاية صاروخ ولا شنو بس لمن فكرت شوية قلت مش حرام الساكيهو كل ب يفكوا ليه كل ب؟؟؟؟؟؟؟؟
Post: #76 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: manal eltahir Date: 05-27-2011, 06:56 PM Parent: #75
صاروخ يا NASR ما حرام عليك...لا لا انت صعب خلاص ....
Post: #77 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: haroon diyab Date: 05-28-2011, 06:24 AM Parent: #76
ياصابرينا
بطل فاولات وورطات
كدي في الاول جاوب انت
ماذا انت فاعل....؟
واوعك تقول لي ماعندي حب قديم
Post: #78 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 05-28-2011, 08:07 AM Parent: #77
Quote: هارون دياب كتب: ياصابرينا
بطل فاولات وورطات
كدي في الاول جاوب انت
ماذا انت فاعل....؟
واوعك تقول لي ماعندي حب قديم
يا عمّك إنت عايزني أجاوب عشان تقول لي أنا برضو زيّك جاوب يا عمّك وما تشتت زي البدري ...
ـــــــــــــــــــ أنا إجابتي حتكون في آخر الاستطلاع يعني مع الأرشفة
Post: #79 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-01-2011, 08:52 AM Parent: #78
رد أضحكني جداً وهو لإحدى الأخوات العزيزات بمنتديات رفاعة أونلاين اضغط هنا
Quote: زهرة البنفسج كتبت: يا صبري البوست لسه عايش ح اقول زي قول الباكستان خلي ولي يروح
Post: #82 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-08-2011, 10:25 AM Parent: #79
Quote: (عدل بواسطة عثمان عبدالقادر on 22-05-2011, 02:40 PM)
العديل رأي .. والأعوج رأي !!!
ــــــ وعُدّل برضو رأي
Post: #83 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 12:39 PM Parent: #82
تاني جاب سيرة البحر
Post: #93 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: كمال الشادي Date: 06-19-2011, 01:21 PM Parent: #83
اقسم بالله الزول سيد البوست ده الاسمو طه ده زول بتاع مشاكل سااااااااااااااااااااي
يازول ما لك علي ومنو القال ليك انا عندي حب قديم
انا كده مبسوط اطلع منها إنت بس وهي تعمر
Post: #104 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:47 PM Parent: #93
Quote: كمال الشادي كتب: اقسم بالله الزول سيد البوست ده الاسمو طه ده زول بتاع مشاكل سااااااااااااااااااااي
والظاهر برضو ينوء به محمد أبو العزائم .. وبعزيمة وإصرار كمان
Post: #95 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:26 PM Parent: #43
Quote: الاخ صبرى الأنثى كائن غريب بعض الشئى ؟؟ فهى يمكنها أن تعشقك ... ثم تترك وتذهب لاًًّّّّّّّخر ؟؟ ثم ما أن تنساها وتفكر فى غيرها .... تجد منها رسالة على هاتفك تقول لك فيها بأنها ما ذالت تعشقك ولن تستطيع الحياة بدونك ..
كل الود صاحب البوست وضيوفه الكرام
دي زي لمّا تحاول تشتري ليك حاجة قيمتها مثلاً ألف جنيه تقوم تقول للبائع الأول ياخي لقيتها عند واحد تاني بخمسمائة جنيه يقوم يقول ليك خلاص جيب الخمسمائة جنيه
ـــــــــ عالم جـبــانــات ياخ
Post: #92 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:16 PM Parent: #40
Quote: عادل الباهي عبدالرازق كتب: عن نفسي تعودت الا التفت خلفي حتي لو أنفجرت دانه
لماذا أنظر لمن أختارت غيري أو مجرد وضعتنا الاثنين في ميزان للمقارنة
لو الحب بيزلني سوف أقتلع قلبي وأرمية في أقرب صندوق قمامة .
الله لا رماك في القمامة ياخ ...
ــــــــــ لكن لو انفجرت دانة خلفك حتلتفت حتلتفت
Post: #91 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: صبري طه Date: 06-19-2011, 01:13 PM Parent: #39
Quote: منار محسوب كتبت: ده احساس صعب خلاص فى اعتقادى التنبؤ بتفاصيله اكثر صعوبة..لانو الحب الصادق الحقيقى لا تحكمه اى حاجة و هو البيعبر عن نفسه و حاجاته
تفضلي يا عزيزتي ...
Post: #105 Title: Re: استطلاع: ماذا أنت فاعل يا عضو سودانيز أونلاين لو رجع حبك القديم ؟ Author: د.محمد بابكر Date: 06-19-2011, 02:58 PM Parent: #91
)
