طلب مساعده يا جماعه في زول بوردابي في جوهانسبيرج

لكل البوارداب لو في واحده في جوهانسبيرج أو بعرف ليهو زول هناك يوريني

up

سلام هويدا.


شقيقي الاكبر الرفيع بشير يعيش في بريتوريا العاصمة السياسيةمنذ 12 عام وهي لا تبعد من جوهانسبرج اكثر من فركة كعب -50 كيلو- وهو خبير بالدروب هناك اذ يعمل في التجارة والاستيراد وهو الآن بالخرطوم . ولكنه سيغادر الى هناك مساء اليوم حوالي منتصف الليل.

ارجو ان يكون مفيدا لك هناك.

ارجو الاتصال بي على رقمي في البروفابل في حال احتجت لمساعدته


التعدبل لحذف ارقام تلفونات

عوض الله

الأخ عوض الله شكرا علي المرور وساتصل بك

الأخت / هويدا شرف الدين
لك التحية يا أستاذة

زرت جوهانسبرج فى أواخر 2008 رحلة علاج
قابلت إثنين من البورداب
جلال ناصر + جلال ود الشرق + عدد من الإخوة السودانيين
وهم كمية من الذوق و يحملون الكثير من سودانياتنا الأصيلة
لهم تحياتى و سلامى الخاص و من أسرتى لجميع أسرهم

لو مازال لك الحاجة فيهم،،، أطلبى على المسنجر رقم التلفون !!!










ش

الأخ شكر شكرا كتير راجع الماسنجر

يا خي الماسنجر ذاتو ما لاقيا ممكن إيميلك

سلام و تحية

[email protected]
0097455723216



منتظرين يا أستادة
















ش

الأخت هويدا ربنا يساعد إن شاء الله

هنالك الأخ جلال ناصر - عضو المنبر

وأخواني أحمد نورالدائم ود. بشير عثمان البشير

يمكنك التواصل مع الأخ أحمد نورالدائم الذي يقيم في بريتوريا عبر الهاتف
27825380233+
وقد إطلع على هذا البوست وعلى الرحب والسعة لتقديم كل عون ممكن

أو عبر البريد الإلكتروني [email protected]

الاخت هويدا

التحيات والمعذره فقد اطلعت على البوست متاخرا

ونحنا جاهزين لاى تكليف من جوهانسبيرج لكيب تاون

ومعى مجموعه من السودانين الذين ينتظرون اشارتك

التحايا لكل المتداخلين


جلال ناصر

تلفون 0027710860532

Quote: Slamat Shokri - I am a sudanese Phd student at Wits University - in Johannesburg originally from Wad Medani. I came across the above mentioned subject on sudaneseonline "I am not a member, but I follow sudanesonline everyday. I don’t have the contact details for Ms Howida, but I am really ready if she needs any help from here. My Contact number (landline during the day): +27 11 555 xxxx Regards, Hiba Abdalla PhD student Wits University - Faculty of Health Sciences NICD/VCRU Johannesburg – South Africa Tel: +27 11 555 0xxx Fax: +27 11 386 xxx

من سلة الإيميل بتاعى ياأستادة/ هويدا

كما أرى الأستاد/ جلال ناصر قد أحيط علم بالبوست



---------
تحية خاصة للأخ الكريم/ جلال ناصر و لأسرته و عبره لجميع السودانيين بجنوب أفريقيا










ش

حاضرين ورهن الإشارة الأخت العزيزة هويدا ..
[email protected]
0027732968784

تحياتي وصادق أمنياتي الأخ العزيز شكري ماطوس وأرجو أن يكون إبننا الكريم قد بلغ كامل الشفاء ..

جلال محمد نور

والله ياها المحريه فيكم بس ذي ما قلت انا ماشه كورس هناك مده خمس ايام بس وطبعا دي اول مره امشي هناك فالزول بكون محتاج لي زول معاهو لكن والله ما قصرتو كلو كلو وانا بالجد كدا إطمانيت وإن شاء الله ما عدمتكم والكورس حايكون في مدينة Sandton في الهيلتون

دام فضلكم اخواني السودانيين في كل مكان من هذا العالم..
بلدنا لسه فيها الخير.. وناسنا مافي زيهم في الدنيا..
مجرد بوست في منتدى على النت..
وسؤال عن مجموعة ناس من البلد..
وما شاء الله وكما هو متوقع..
كل زول عايز يساهم ويساعد ويشارك..
نحنا مين زينا..
وربنا يديم المعروف والعشرة والشهامة والتكافل بين الناس..

Quote: دام فضلكم اخواني السودانيين في كل مكان من هذا العالم.. بلدنا لسه فيها الخير.. وناسنا مافي زيهم في الدنيا.. مجرد بوست في منتدى على النت.. وسؤال عن مجموعة ناس من البلد.. وما شاء الله وكما هو متوقع.. كل زول عايز يساهم ويساعد ويشارك.. نحنا مين زينا.. وربنا يديم المعروف والعشرة والشهامة والتكافل بين الناس..

حقيقة البوست يقف شاهد على اصالة معدن اهل بلادى الطيبين.
الى الامام اخوانى دار دار زنقة زنقة.

الأخ / شكري اشكر لك كل الشكر والتقدير ، وعبرك أشكر الأخت هبه عبد الله وسااتصل بها إن شاء الله ويا ها المحريه فيكم وفي جميع السودانيين

الأخ جلال ناصر

والله ذاتي ماعارفه ارد عليكم اقول شنو؟ لا يوجد تعليق بقدر قامتكم ، الموضوع وما فيهو اني ماشه كورس هناك وطبعا ما حصل مشيت عشان كدا عشمانه في السودانيين لانو ممكن تأمن نفسك معاهم أو تلجأ ليهم في اي شئ وسعدت جدا لاني عرفت انك قاعد هناك وكدا حا اسافر مطمئنه إن شاء الله

الف تحية ليكي من الفؤادي

بلادي بلادي اهلا يا بلادي

صدورنا حماية ليكي من الاعادي

بلادي انا بلاد ناسا مواريثم في اول شي كتاب الله

وخيل مشدود وسيف مسلول حداهو درع

تقاقيبن تسد الليل مع الحيران وشيخا في الخلاوي ورع

والله كم نخلاتا تهبهب في جروفا الساق

بقرة حلوبة تتضرع وليها ضرع

وساقية تصحي الليل مع الفجراوي

يبكي الليل ويدلق في جداولو دمع

يخدر في بلادي سلام

خدرة شاربة موية النيل

تزغرد في البوادي زرع

بلادي سهول بلادي حقول

بلادي الجنة للشافوها او للبرّة بيها سمع

بلاد ناسا تكرم الضيف

حتى الطير يجيها جعان ومن اطراف تكيها شبع

تشيل الناس وكل الناس وسع بي خيرو لينا يسع

وتدفق مياه النيل على الخيران

بياض الفضة في وهج الهجير بيشع

بلادي الصفقة والطنبور

داراتا تنح باليل

بنوتا تحاكي الخيل

تشابن زي جدي الريل

وشبالا مكنتل في الطريفو ودع

بلادي بلاد من التاريخ

من تيرهاقا لا عن ميسنا

حتى ان جاي خيرو تروع

بلادي امان بلادي حنان وناسا حُنان

يكفكفوا دمعة المفجوع

يحبوا الدار

يموتو عشان حقوق الجار

يخوضو النار عشان فد دمعة

كيف الحال لو شافوها سايلة دموع

ديل اهلي ديل اهلي

يبدو الغير علي زاتم

يقسموا اللقمة بيناتم

يدو الزاد حتى ان كان مصيرم جوع

ديل اهلي البقيف في الدارة وسط الدارة واتنبر كل الدنيا ديل اهلي

عرب ممزوجة بي دم الزنوج الحارة

ديل قبيلتي لمن ادور افصل ديل فصلي

اصحاب روحي والاحساس وسافر في بحار شوقم زمان عقلي

اقول بعضي الاقيهم تسربو في مسارب الروح

يقو كلي

محل قبلت القاهم معاي معاي زي ضلي

وكان ما جيت من زي ديل واسفاي وا ماساتي وا زّلي

تصور كيف يكون الحال لو ماكنت سوداني

واهل الحارة ما أهلي

الأخ أبو عبيده والله مشكورين جدا وما قصرتو معاي نهائي بشكر كل زول ابدا روح المساعده وإن شاء الله يا رب في ميزان حسناتكم

الاخ شكرى

سلامك وصل وامل ان تكون واسرتك بالف خير وحقيقى سعدنا جدا بمعرفتك وانشاء الله يكون ابنننا بلغ الصحه ونامل ان نلتقيك فى الدوحه قريبا

الاخت هويدا

نحن الاسعد بان نراك قريبا فى سانتون ومن محاسن الصدف انك سوف تكونى فركه كعب من حيث نسكن فى ضاحيه ميدراند ونكون شاكرين لو ارسلتى تفاصيل وصولك فى اميل الصديق جلال ارى .

وماتنسى تجيبي معاك عده الشغل عشان تعملى للسودانيين و لينا تنوير حول التمويل العقارى الميسر - وركزى على الميسر دى-

الاخ ابو عبيده

التحايالك لاسرتك ود بشير واحمد ايضا سوف يكونا على اتصال مع هويدا

المفاجاه ياهويدا صاحبناالاسفيرى المسنوح حايكون موجود مع ابله وضانه فى بوادى الزولو بعد انعدام المراعى نتيجه ظهور البترول فى البردانه

مع التقدير

الاخت هويدا
تحياتي
انا حا اكون في جوهانسبرج في الفترة من 27/5/2011 لحدي 3/6/2011 في سا نتون نفسها. if you need any help

الأخ شوقي سليمان تمشي وتجي بالسلامه ونتواصل بعد ما تجي انا حا اسافر إن شاء الله في نص سته

الأخ جلال ناصر

والله بالجد ما عارفه اقول شنو شكرا شكرا وشكلي إن شاء الله حا اجي مطمئنه جدا جدا إن شاء الله نكون علي اتصال والله سعدت بيكم شديد وانا تحت الخدمه والله حول التمويل

Quote: الف تحية ليكي من الفؤادي بلادي بلادي اهلا يا بلادي صدورنا حماية ليكي من الاعادي بلادي انا بلاد ناسا مواريثم في اول شي كتاب الله وخيل مشدود وسيف مسلول حداهو درع تقاقيبن تسد الليل مع الحيران وشيخا في الخلاوي ورع والله كم نخلاتا تهبهب في جروفا الساق بقرة حلوبة تتضرع وليها ضرع وساقية تصحي الليل مع الفجراوي يبكي الليل ويدلق في جداولو دمع يخدر في بلادي سلام خدرة شاربة موية النيل تزغرد في البوادي زرع بلادي سهول بلادي حقول بلادي الجنة للشافوها او للبرّة بيها سمع بلاد ناسا تكرم الضيف حتى الطير يجيها جعان ومن اطراف تكيها شبع تشيل الناس وكل الناس وسع بي خيرو لينا يسع وتدفق مياه النيل على الخيران بياض الفضة في وهج الهجير بيشع بلادي الصفقة والطنبور داراتا تنح باليل بنوتا تحاكي الخيل تشابن زي جدي الريل وشبالا مكنتل في الطريفو ودع بلادي بلاد من التاريخ من تيرهاقا لا عن ميسنا حتى ان جاي خيرو تروع بلادي امان بلادي حنان وناسا حُنان يكفكفوا دمعة المفجوع يحبوا الدار يموتو عشان حقوق الجار يخوضو النار عشان فد دمعة كيف الحال لو شافوها سايلة دموع ديل اهلي ديل اهلي يبدو الغير علي زاتم يقسموا اللقمة بيناتم يدو الزاد حتى ان كان مصيرم جوع ديل اهلي البقيف في الدارة وسط الدارة واتنبر كل الدنيا ديل اهلي عرب ممزوجة بي دم الزنوج الحارة ديل قبيلتي لمن ادور افصل ديل فصلي اصحاب روحي والاحساس وسافر في بحار شوقم زمان عقلي اقول بعضي الاقيهم تسربو في مسارب الروح يقو كلي محل قبلت القاهم معاي معاي زي ضلي وكان ما جيت من زي ديل واسفاي وا ماساتي وا زّلي تصور كيف يكون الحال لو ماكنت سوداني واهل الحارة ما أهلي

عمر بن الخطاب لمن قال بحب نفسو ثم الرسول(ص) رد (بضم الراء) عليه بأنه لم يؤمن بعد
حتى يحب الرسول أولاً قبل نفسه!

يرفع حتى ينقضي أمر هويدا

Quote: يرفع حتى ينقضي أمر هويدا

أمر هويدا إنقضى بمجرد أن علم الجلالين به
أقول هدا من واقع تجربة و من خلال إحتكاك حقيقى

الجلالين (جلال ناصر+ ود الشرق) هم دينمو يقطر رهط جميل أصيل كريم من أهل بلادى فى تلك البقاع الجميلة

حصرت البقية فيهما لأنهم من بورداب سودانيزأونلاين

لكن قامات مثل
الأساتدة / خالد دهب العم عبيد و إبنه أحمد و الكثر الدين لايسعفنى الهرم بأسمائهم، بالرغم من تدكرى للشاى الحليب فى ضاحية بريتوريا...

نصيحتى للأستادة هويدا أن تجهزى كميرا رقمية دات سعة كبيرة
لأنك سوف تنبهرى بأجمل ما خطته القدرة الإلهية على جمال المنظر و صحوة الطقس و طيب المعشر
ليتنى عدت و العود أحمد...










ش

الأخ أدم صيام مشكور علي المرور والله انا خلاص قلبي رقد ونام واعتبرت موضوعي خلاص مقضي

الأخ شكري والله فعلا أمري الحمد لله إنقضي والأخ جلال ما قصر وإن شاء الله نجيكم بالصور وربنا يودينا ويجيبنا بالسلامه